เว็บไซต์คืออะไร?

https://www.facebook.com/423475197809930/

𝐊𝐧𝐨𝐰𝐥𝐞𝐝𝐠𝐞 𝐕𝐢𝐥𝐥𝐚𝐠𝐞, Bangkok (2025)

15/07/2025

မိသားစုတစ်ခု(အိမ်)မှာ အတွင်းကာကိုလုံခြုံအောင် ထားပါ အိမ်ထောင်ဦးစီးများ နားထောင်ပါ

kyihtunesan4

15/07/2025

#ကျောက်ကပ်နှင့်ခါးနာ၊ ခါးကြောညှပ် အကြောညှပ်၊ ဆီးရောဂါ အမျိုးမျိုး

✅ရှေးဦးစကား✅

ရောဂါကိုအစာနဲ့ကု စာစဉ်တွေကနေ ရောဂါတစ်ခုချင်းစီကို ရေးသားလာခဲ့တာ စာစဉ် (၆) ကို ရောက်လို့ လာပါပြီ။

ရေးသားခဲ့ပြီးတဲ့ စာစဉ်တွေရဲ့ ခေါင်းစဉ်တွေက -

၁။ လေးဘက်နာရောဂါ
၂။ ဆီးချိုရောဂါ
၃။ လေဖြတ်လေငန်းရောဂါ
၄။ နှလုံးရောဂါ
၅။ သွေးတိုးရောဂါ တို့ဖြစ်ပါတယ်။

ဆီးချို၊ လေဖြတ်၊ နှလုံး၊ သွေးတိုးတို့ ဖြစ်နေသူဟာ ကျောက်ကပ်ရောဂါဆက်ဖြစ်တာကိုလည်း ဒီနေ့ တွေ့မြင်နေကြရပါပြီ။

တကယ်တော့ ဆရာကြီးရဲ့ ရည်ရွယ်ချက်က မီးဖိုချောင်ကို ဆေးခန်းလို့ အမြင်သန်စေဖို့ ဖြစ်ပါတယ်။

အိမ်ရှင်မတိုင်းရဲ့ ဈေးခြင်းတောင်းလေးတွေဟာ အိမ်ကိုရောက်တဲ့အခါ ဆေးခြင်းတောင်းလေတွေ ဖြစ်စေချင်ပါတယ်။

ဒီနေ့ အချို့လူတွေမှာ အရွယ်နဲ့မမျှအောင် ရောဂါကြီးကြီးတွေ ခံစားနေကြရတာလည်း ဆရာကြီးရဲ့ ဆေးကုသက်တမ်းအရ တွေ့နေရပါတယ်။

ဒါဘာဖြစ်လို့လဲဆိုတာကို အခြေခံကျကျပြောရရင် အစားစားတာမှာ မသိမ်မွေ့လို့ ဖြစ်ပါတယ်။

ဘယ်လို မသိမ်မွေ့တာလဲ မေးစရာရှိပါတယ်။ စားတဲ့ ဓာတ်တွေ မညီမမျှတ စားမယ်၊ အစာအာဟာရတစ်ခုခုကို သို့မဟုတ် နှစ်ခုသုံးခုလောက်ကိုသာ စွဲစွဲမြဲမြဲစားတတ်တယ်၊ စားတဲ့အခါမှာလည်း သတိနဲ့ ချင့်ချိန်မစားဘဲ ကြိုက်ရင် ကြိုက်သလို စားတတ်မယ်ဆိုရင် အလွန်အကျူးစားထားတဲ့ ဓာတ်တွေဟာ သူ့ရဲ့အစွန်းရောက်သတ္တိတွေ ပြပါလိမ့််မယ်။

အဲသည်အခါ လူတွေမှာ ကိုယ်စားထားတဲ့ အစာအာဟာရက ပေးတဲ့ရောဂါတွေ ရကြတာပဲ ဖြစ်ပါတယ်။

ဒါကြောင့် မြန်မာ့တိုင်းရင်းဆေးပညာ (သြ/သု) ပညာရပ်မှာ လွန်နေတဲ့ဓာတ်တွေကို ယုတ်လျော့ဖို့ ဆင်ကို ချွန်းနဲ့ အုပ်သလို ချွန်းဖြစ်မယ့် အစာအာဟာရတွေနဲ့ နေထိုင်စားသောက်သွားမယ်ဆိုရင် ဘယ်ဆေးခန်းမှ သွားစရာမလိုတော့ဘူးလို့ ခိုင်ခိုင်မာမာ ပြောလိုပါတယ်။

ဒီနေ့ရေးသားမယ့် “ကျောက်ကပ်ရောဂါ” မှာလည်း လွန်နေတဲ့ဓာတ်တွေ ယုတ်လျော့ဖို့ ဘယ်လိုနေထိုင်စားသောက်ရမယ်ဆိုတာ ပြောသွားပါ့မယ်။

ဝေဒနာရှင်ဘက်က တစ်ဥတု ရက်ပေါင်း ၁၂၀ တိတိကျကျ လိုက်နာပေးမယ်ဆိုရင် ရောဂါရေ နင်နေတော့ . . .ငါသွားမယ်’ ဆိုသလိုမျိုး အမြစ်ပြတ် ပျောက်ကင်းမှာ အသေအချာပါပဲလို့ ပဏာမစကားအနေနဲ့ ပြောပါရစေ။

✅ကျောက်ကပ်ရောဂါဆိုတာ ဘာလဲ✅

ကျောက်ကပ်လို့ပြောလိုက်ရင် ‘ဆီး’ ဆိုတဲ့စကားလုံးက တစ်ဆက်တည်း ပါလာတာကို တွေ့ရပါတယ်။

ကျောက်ကပ်ဟာ အစာအိမ်ကခြေလို့ ထွက်လာတဲ့ရသရည်ကနေ အာဟာရရယ်၊ အညစ်အကြေးတွေရယ်ကို စစ်ထုတ်ရပါတယ်။

သွေးချို ဆီးချို၊ သွေးတိုး၊ ကူးစက်တတ်တဲ့ရောဂါရှိသူတွေရဲ့ ဆီးဟာ ကျောက်ကပ်ကို အားနည်းစေပါတယ်။ ကျော်ကပ်ရောဂါဆိုတာကတော့ ကျောက်ကပ် ပုံမှန်အလုပ်မလုပ်တာကို ပြောတာပါ။

သွေး ပုံမှန်အလုပ်မလုပ်နိုင်သူတွေ ဥပမာ- အဖျားကြီးတဲ့သူ၊ အဖျားတာရှည်တဲ့သူ၊ လေ့ကျင့်ခန်းပြင်းပြင်းလုပ်သူတွေမှာ အကြောင်းအမျိုးမျိုးကြောင့် ဆီးပူလာတယ်၊ ဆီးအောင့်လာတယ်၊ ဆီးအနည်ထိုင်လာတတ်ပါတယ်။ ဆီးနဲ့ ကျောက်ကပ်ဟာ တစ်ခုကိုတစ်ခု အပြန်အလှန် ဆက်စပ်နေပါတယ်။

✅ကျောက်ကပ်ရောဂါများ✅

‘ကျောက်ကပ်ရောဂါ’ ဆိုတာက ကျောက်ကပ်ကျုံ့ခြင်း၊ ကျောက်ကပ်ကို အညစ်အကြေးနဲ့ ပိုးမွှားတွေ သန့်စင်ပေးရခြင်း (ကျော်ကပ်ဆေးခြင်း)၊ ကျောက်ကပ်မှာ ကျောက်တည်ခြင်းနဲ့ ကျောက်ကပ်အစားထိုးခြင်း တို့ပဲဖြစ်ပါတယ်။

#ဘယ်လိုလူတွေမှာ ဖြစ်နိုင်သလဲ #

အမျိုးသား၊ အမျိုးသမီးနဲ့ ကလေးတွေမှာ ဖြစ်လေ့ရှိပါတယ်။ ်အများစုကတော့ အမျိုးသားတွေမှာ အဖြစ်များပါတယ်။ အသက်အရွယ်အားဖြင့် လေးဆယ်ကျော် ငါးဆယ်အရွယ်တွေမှာ အဖြစ်များပါတယ်။

#ကျော်ကပ်ပျက်းစီးခြင်း ရှေ့ပြေးလက္ခဏာ

ရှေ့ပြေးလက္ခဏာအနေနဲ့ အချက် (၇)ချက်လောက် တင်ပြချင်ပါတယ်။

- ၁။ ရောဂါဖြစ်လာပြီဆိုရင် အစားပျက်တယ်။ ဘာကိုပဲစားစား အရသာမပေါ်ဘဲ ပြုတ်ဖက်စားရသလို ဖြစ်နေတယ်။

- ၂။ ကျောက်ကပ်ရောဂါ စတင်ဖြစ်လာပြီဆိုရင် ခြေခုံ၊ လက်ဖမိုး၊ မျက်ခွံတွေ ရောင်လိုက်၊ ဟိုနေရာ ဒီနေရာ ရောင်လိုက်၊ နောက်ဆုံး နေရာအနှံ့ ရောင်လာတတ်တယ်။ ပြင်းထန်လွန်းရင်တော့ တစ်ကိုယ်လုံး ဖောရောင်တော့တာပဲ။

- ၃။ အမှတ်မထင် အစာမကြေလို့ လေချဉ်တက်တာမျိုးနဲ့ လေတက်တက်နေတယ်။

- ၄။ ကိုယ်အလေးချိန် လျော့ကျသွားတယ်။ နံပါတ် (၂)အချက်မှာ တင်ပြခဲ့တာနဲ့ ဆက်စပ်ကြည့်မယ်ဆိုရင် ဟိုးနားဒီနားရောင်နေတာရှိပေမယ့် ကိုယ်အလေးချိန်ကတော့ သိသိသာသာ ကျသွားတာ ဖြစ်ပါတယ်။

- ၅။ အားနည်းပြီး ပင်ပန်းလွယ်တယ်၊ မောလည်း မောတယ်။

- ၆။ ပျို့အန်တာနဲ့အတူ အထူးအားစိုက်ရင် လက်ဖျားခြေဖျားတွေမှာ ထုံကျင်တာတွေ ပေါ်လာတယ်။

- ၇။ ညဘက် အိပ်ယာကနေ တစ်ရေးနိုးလိုက်ရင် အာခေါင်တွေခြောက်နေတယ်။ လွယ်လွယ်နဲ့ ပြန်အိပ်မပျော်တော့ဘူး။

အဲဒီခုနှစ်ချက်ထဲက စုစုပေါင်း ငါးချက်လောက် ကိုယ့်မှာ ပေါ်နေပြီဆိုရင် ကျောက်ကပ်ကို အထူးဂရုစိုက်ပါ။

သတိထားစောင့်ရှောက်ရမယ့်အချိန် ဖြစ်နေပါပြီလို့ သတိပေးစကားပြောပါရစေ။

✅ရှောင်ရန်✅

- ပူလွန်း၊ စပ်လွန်းတဲ့ အစားအစာတွေကို ရှောင်ပါ။
- ဆီးအောင့် မထားပါနဲ့။ အထူးသဖြင့် မနက်လေးနာရီလောက်မှာ ဆီးသွားချင်စိတ်ပေါ်လာတတ်တယ်။

နောက်တစ်နာရီဆို ထမှာပဲဆိုပြီး အောင့်မထားပါနဲ့။ အောင့်ထားလိုက်မယ်ဆိုရင် ကျောက်ကပ်ကို အနည်းနဲ့အများ ထိခိုက်စေပါတယ်။

- အထိုင်များလွန်းတဲ့ ပုဂ္ဂိုလ်တွေ ဆီးသွားရမယ့် အခြေအနေမှာ အောင့်မထားပါနဲ့။

ဥပမာ - စက်ချုပ်သူ၊ ပန်းတိမ်လုပ်သူ၊ ကားမောင်းသူတွေနဲ့ အခြားထိုင်လုပ်ရတဲ့သူတွေဟာ အထိုင်များလို့ ကျောက်ကပ်ကို ထိခိုက်စေနိုင်ပါတယ်။ ဆီး အချိန်ချိန်မှန်မှန် သွားပေးသင့်ပါတယ်။

- အလေးမသူတွေဟာ ဝန်နဲ့အား လေးနဲ့မြား မျှဖို့၊ မနိုင်ဝန်တွေကို မထမ်းမိစေဖို့ အရေးကြီးပါတယ်။
- ထုံးဓာတ်ပါတဲ့ ရေတွေကို သန့်စင်ပြီးမှ သောက်သင့်ပါတယ်။ ခုခေတ်မှာ အိမ်သုံးရေသန့်စင်စက်တွေကို တပ်ဆင်ကာ အသုံးပြုနိုင်သလို သောက်ရေသန့်ကိုသာ သောက်စေချင်ပါတယ်။

- ဆော်ဒါနဲ့ ဆော်ဒါပါတဲ့ မုန့်ပဲသရေစာတွေကို ရှောင်ရှားသင့်ပါတယ်။
- ဓာတုပစ္စည်းတွေနဲ့ မကင်းတဲ့ အစာတွေကို ရှောင်ဖို့ အကြံပေးချင်ပါတယ်။

✅ဆောင်ရန်✅

ကျောက်ကပ်ကြောင့် အသက်မတိုချင်ပါဘူး၊ အသက်ရှည်ချင်တယ်ဆိုရင် စာရိတ္တသီလ ဆောင်ကြရမှာ ဖြစ်ပါတယ်။

အကြံပေးချင်တာတွေက -

- ၁။ အရည်ရွှမ်းတဲ့ အသီးတွေဖြစ်တဲ့ ပန်းသီး၊ သဘောၤသီး၊ ရှောက်ချိုသီးတွေကို စားပေးပါ။ လက်ဆတ်တဲ့ ဖျော်ရည်အဖြစ်နဲ့လည်း သောက်သုံးသင့်ပါတယ်။
- ၂။ နေ့စဉ်သောက်နေတဲ့ ရေဟာ ရေကောင်းရေသန့်ဖြစ်ဖို့နဲ့ အနည်းဆုံးခြောက်ခွက်ကနေ ကိုးခွက်ထိ မိမိကိုယ်အလေးချိန်နဲ့ မျှတအောင် သောက်သင့်ပါတယ်။
- ၃။ ဓာတ်စာ်အဖြစ် အမှတ်တရ (၃) မျိုး ပြောပြချင်ပါတယ်။
- ကျောက်ဖရုံသီး လတ်လတ်ဆတ်ဆတ်ကို ဟင်းချိုချက်သောက်မယ်၊ အသားတစ်ခုခုနဲ့ရောပြီး ဟင်းချက်စားမယ်၊ လွယ်လွယ်ကူကူရတဲ့ ကျောက်ဖရုံကိုတော့ ရှောင်ပါ။ မစားသင့်ပါ။
- ကျော်ကပ်ကိုအားပေးတဲ့ ဆေးကုလားမကို ဓာတ်စာအဖြစ် နှစ်သက်ရာဖျော်ရည်နှင့် တွဲသောက်ပါ။
- ဇွန်းခြစ် အုန်းစိမ်းနုရည်ကို တစ်ပတ်တစ်ခါ သောက်ပေးပါ။
- ၄။ ကိုယ်လက်လှုပ်ရှားလေ့ကျင့်ခန်းကို ချွေးကလေးစို့လာတဲ့အထိ နေ့စဉ် ပြုလုပ်ပေးပါ။ အသက်အရွယ်အလိုက် တစ်ကြိမ်လုပ်ရင် နာရီဝက်၊ လေးဆယ့်ငါးမိနစ်လောက် လုပ်ပေးပါ။ ကျောက်ကပ်ရောဂါမဖြစ်ဖို့ ကာကွယ်ရာလည်း ရောက်ပါတယ်။
- ၅။ မိမိနေထိုင်ရာဒေသမှာရှိတဲ့ တိုင်းရင်းဆေးခန်းမှာ တိုင်းရင်းဆေးဆရာနဲ့ပြသပြီး အကောင်းဆုံးဆေးနှစ်လက်ဖြစ်တဲ့ တိုင်းရင်းဆေးအမှတ် (၉) ဒူလာဆေး၊ တိုင်းရင်းဆေးအမှတ် (၂၁) ဆီးဆေးဖြူ တို့ကို မှန်မှန်မှီဝဲပါ။
ကျောက်တည်ခြင်း

လူ့ခန္ဓာကိုယ်မှာ စွန့်ပစ်ပစ္စည်းတွေ ရှိပါတယ်။ ဝမ်း၊ ဆီး၊ သွေးတွေပေါ့။ ဒါတွေကို မှန်မှန်စွန့်ထုတ်ဖို့ လေက အဓိက ကျပါတယ်။ လေရဲ့သဘောက တွန်းကန်တယ်၊ လှုပ်ရှားတယ်လေ၊ တစ်ကိုယ်လုံးမှာဖြစ်စေ၊ တစ်နေရာတည်းမှာ ဖြစ်စေ လည်ပတ်စေတဲ့လေကို လေမှင်လို့ ခေါ်ပါတယ်။ ခန္ဓာကိုယ်အရေးကြီးဆုံးဖြစ်တဲ့ ဆီး၊ ဝမ်း၊ သွေး၊ လေ မှန်ကန်စွာ လည်ပတ်ညီညွတ်နေရင် ကျောက်တည်စရာ အကြောင်း မရှိပါဘူး။ ဆီး၊ ဝမ်း၊ သွေး၊ လေက ပုံမှန် မလည်ပတ်ဘူးဆိုရင် ကျောက်ထုတ်ပြီးလည်း ထပ်တည်မှာပဲ။ ကျောက်က နေရာအစုံ တည်နိုင်တာကိုလည်း သတိထားစေချင်ပါတယ်။
ဘာကြောင့်ကျောက်တည်တာလဲ

ကျောက်တည်နိုင်တဲ့အကြောင်းတွေ အများကြီး ရှိပါတယ်။
နီးစွာသောအကြောင်းအနေနဲ့ ပြောရရင် -
- သောက်ရေ မသန့်ရှင်းလို့ပါ။ ထုံးဓာတ်များတဲ့နေရာဒေသမှာ နေသူတွေမှာ ကျောက်တည်တတ်ပါတယ်။ နေရာဒေသနဲ့ ကြည့်ရတာပေါ့။
- အထိုင်များပြီး ဆီးအောင့်ထားတတ်သူတွေမှာ ကျောက်တည်တတ်ပါတယ်။ ဒါကတော့ ကံနဲ့ ဆိုင်တာပေါ့။
- ဆိမ့်လွန်းတဲ့ အစာနဲ့ အကြော်တွေကို တွဲစားရင်လည်း ကျောက်တည်တတ်ပါတယ်။ အရသာဘက်က ကြည့်ရင်ပေါ့။ အစာအာဟာရတွေဟာ စားလိုက်ပြီဆိုရင် ပျောက်မသွားဘူး။ ပျက်မသွားဘူး၊ ပြယ်မသွားဘူး၊ ပြောင်းသွားတယ်လို့ နားလည်ပါ။
- သရီရဓာတ် ခုနှစ်ပါးရဲ့ ဆင့်ကဲဖြစ်စဉ်မှာ မကြေညက်တဲ့အစာအာဟာရတွေဟာ စွန့်မထုတ်နိုင်တဲ့ အညစ်အကြေးအဖြစ် ခဲကာ ကျောက်အဖြစ် ကျန်ရစ်ခဲ့တာ ဖြစ်ပါတယ်။
- ရေသောက်နည်းတဲ့သူတွေမှာ ကျောက်တည်တတ်ပါတယ်။ အမျိုးသားတွေအနေနဲ့ တစ်နေ့ကို ရေ သုံးလီတာလောက် သောက်သင့်ပါတယ်။
- တချို့က အကြောင်းတစ်ခုတည်းကြောင့်ဖြစ်ပြီး အချို့ကတော့ အကြောင်းနှစ်ပါးစုံလို့ ဖြစ်ပါတယ်။
ကျော်ကြေအောင် ဘာလုပ်ရမလဲ

အစာအာဟာရနဲ့ ပြုပြင်ရပါမယ်။
- ချဉ်ချို၊ ခါး၊ အေးကို အလှည့်ကျ စားပေးရပါမယ်။ ချဉ်ချိုအရသာသုံးရက်။ အေးခါးအရသာ သုံးရက်။ ချိုးအေး ငန်အေးအရသာကို ခြောက်ရက် စားပေးရပါမယ်။
- ကြော်၊ ဖန်၊ စပ်၊ ဆိမ့် ကို ရှောင်ရပါမယ်။ ပြောထားတဲ့အတိုင်း အလှည့်ကျ နှစ်လကျော်သုံးလလောက် စားပေးရင် ရှိနေတဲ့ ကျောက်ဟာ လုံးပါးပါးပြီး ပျောက်ကွယ်ပါလိမ့်မယ်။
ရှောင်ရန်
သည်းခြေ၊ ကျောက်ကပ်၊ ဆီးကျောက်တည်တာတို့ဆိုတာတွေကို ကြားမြင်တွေ့ရတာ စိပ်လာတယ်။
ဒီရောဂါတွေရဲ့အစမှာ လက္ခဏာအနေနဲ့ အသားတွေပွနေတာကို တွေ့ရတတ်ပါတယ်။ အများစုက ဖောရောင်ကြပါတယ်။ ဒါကြောင့် -
- ဆော်ဒါနဲ့ပြုလုပ်ထားတဲ့ အစားအစာနဲ့ ဖျော်ရည်၊ ဆိုဒါအရည်တို့ကို ရှောင်ပါ။
- အချိုမှုန့်ပါတဲ့ အစားအစာကို ရှောင်ပါ။
- ခေတ်ပေါ် ဓာတုဗေဒပညာနဲ့ ကြာရှည်ခံအောင်ပြုလုပ်ထားတဲ့ အစားအစာကို ရှောင်ပါ။
ပြုကျင့်ရန်
လူတစ်ယောက် ကျန်းမာချင်ရင် -
- ဝမ်းနှုတ်ဆေးမစားဘဲ ဝမ်းမှန်သူ ဖြစ်ရပါမယ်။
- ဆီးရွှင်ရွှင် သန့်သန့်သွားနိုင်သူ ဖြစ်ရပါမယ်။
- အရည်အချင်းမီသော သွေးပိုင်ရှင် ဖြစ်ရပါမယ်။
ဒီလိုဖြစ်ဖို့က ဆီး၊ ဝမ်း၊ သွေး၊ လေ ညီညွတ်မျှတဖို့ လိုပါတယ်။ ညီညွတ်မျှတရာမှာလည်း သန့်သန့်စင်စင်လေးဖြစ်ဖို့ လိုပါတယ်။ ဒါကြောင့် -
- လေ သန့်ရမယ်။
- သွေး သန့်ရမယ်။
- ဆီး သန့်ရမယ်။
- ဝမ်း သန့်ရမယ်။

လေသန့်အောင် စွမ်းဆောင်မယ်

- ကရမက်ရည်ကျဲကျဲလေး လိမ်းအိပ်ပါ။
- ညှော်နံ့တွေ ရှောင်ပါ။
- အသက်ရှူလေ့ကျင့်ခန်းလေး ပုံမှန်တစ်နေ့နှစ်ကြိမ် ပြုလုပ်ပေးပါ။

သွေးသန့်အောင် ပြုပြင်မယ်
သွေးသန့်ဖို့အတွက် ကန်စွန်းရိုးနီကို စားရပါမယ်။ ကန်စွန်းရိုးနီဟာ အဆိပ်ကို နိုင်တယ်ဆိုတာလည်း ကြားဖူးမှာပါ။ အဆိပ်မိလာတဲ့ခွေးလေးတွေကို ကန်စွန်းရိုးနီသတ္တုရည်လေးနဲ့ ထန်းလျက်လေးပါးစပ်ထဲထည့် ခြေထောက်ကနေ ဇောက်ထိုးဆွဲပြီး ပတ်ချာလှည့်လိုက်ရင် အန်ထွက်လာမယ်။ နောက်ထပ် သတ္တုရည်နဲ့ ထန်းလျက်ထပ်ကျွေးလိုက်ရင် အသက်မသေဘဲ ပြန်ရှင်နိုင်ပါတယ်။
ဒါကြောင့် ကန်စွန်းရိုးနီနဲ့ သွေးကို ပြင်တဲ့နေရာမှာ -
- ကန်စွန်းရိုးနီ ၁၅- ၂၀ ပင်လောက်ကို သန့်စင်ပြီး တောက်တောက်စင်းပါ။
- ရေမြုပ်ရုံထည့်ပြီး ပြုတ်ပါ။
- ပွက်ပွက်ဆူလာရင် ကန်စွန်းရွက်အိသွားပြီး အရောင်ဖြူသွားပါလိမ့်မယ်။ ပြုတ်ရည်က ကော်ဖီရောင် ပြောင်းသွားပါလိမ့်မယ်။
- အဖတ်ကို စစ်ယူပါ။ သုပ်စားနိုင်ပါတယ်။ ပြုတ်ရည်ထဲကို ထန်းလျက်တစ်ခဲနဲ့ ဆားလှော်အနည်းငယ်ထည့်ပြီး မီးမျှဉ်းမျှဉ်းလေးနဲ့ တစ်ပွက်နှစ်ပွက်ဆူအောင် ပြန်တည်ပါ။ အဲသည့်ပြုတ်ရည်ကို မနက်တစ်ခွက်၊ ညတစ်ခွက် သောက်ပါ။

ဆီးသန့်အောင် ဆောင်ရွက်မယ်

ဆီးသန့်အောင် ဆောင်ရွက်မယ်

- ဆီးအောင့်မထားပါနဲ့။
- အထူးသဖြင့် မနက်လေးနာရီလောက်မှာ သွားချင်တဲ့ဆီးကို အောင့်မထားပါနဲ့။ အောင့်ထားပါက ဆီးပုပ်ပြီး အဆိပ်ပြန်ဖြစ်ကာ ဒုက္ခပြန်ပေးပါယ်။
- ကျောက်ဖရုံသီးအစိမ်းကို ကြော်ချက်၊ ဟင်းချို၊ အသားနဲ့ ရောနှောကာ ချက်စားပါ။
- ဆေးကုလားမ ဖျော်ရည်သောက်ပါ။
- အုန်းနုဇွန်းခြစ်ကို ရက်ခြားသောက်ပေးပါ။
ဝမ်းသန့်ဖို့ အောက်ပါတစ်ခုခု စားသောက်ပါ။
- မန်ကျည်းမှည့်ချဉ်ချိုလေးကို ထန်းလျက်နဲ့ ဖျော်သောက်ပါ။ (ဆီးချိုသမားများလည်း သောက်သုံးနိုင်ပါတယ်။) ချဉ်ချိုအရသာ ပြဌာန်းဦးစီးရပါမယ်။
- ဒိန်ချဉ်လည်း သောက်သုံးနိုင်ပါတယ်။ ထန်းလျက် မများရ၊ ရေခဲ မထည့်ရ၊ ဒိန်ချဉ်အရသာ ကဲပါစေ။
- ဖီးကြမ်းငှက်ပျောသီးမှည့်၊ ငှက်ပျော်ချဉ်မှည့်လေးလည်း စားနိုင်ပါတယ်။
(၂၁) ရက်တော့ လုပ်ဆောင်ပေးပါ

အထက်ကပြောခဲ့တဲ့ သန့်လေးသန့်ဖြစ်အောင် ၂၁ရက်လောက် နေထိုင်စားသောက်ပြီးရင် ဖောယောင်တာတွေ ကျသွားပါလိမ့်မယ်။ လေ၊ သွေး၊ ဆီး၊ ဝမ်း လေးမျိုးလုံး သန့်သွားရင် ကျောက်တည်တာကို ကာကွယ်ပြီးသား ဖြစ်သွားပါပြီ။

ထပ်မှာချင်ပါတယ်။
- အသက်ရှူလေ့ကျင့်ခန်းကို မှန်မှန် လုပ်ပေးပါ။
- ရေချိုးတိုင်း အခါးရွက်ပြုတ်ရည်လေးနဲ့ ချိုးပေးပါ။
- ရေချိုးပြီးတိုင်း ကရမက်ကို တစ်ကိုယ်လုံး လိမ်းပါ။

ကျောက်ကပ်ဆေးနေရသူတွေ ဘာလုပ်ရမလဲ

၁။ ကျောက်ကပ်ဆေးနေသူတွေကတော့ တတ်ကျွမ်းတဲ့ပညာရှင် ညွှန်ကြားချက်ကို လိုက်နာပြီး ရေကမာဏကို ချင့်ချိန်သောက်ပါ။
၂။ သက်စောင့်ဓာတ်တွေဖြစ်တဲ့ အခါးပျော့ပျော့ကို မနက်ပိုင်းမှာ မှန်မှန်စားပေးပါ။ အချဉ်ပျော့ပျော့ကို ညနေပိုင်းမှာ ပုံမှန်စားပေးပါ။
၃။ အကြော်နဲ့အစပ်ကို လုံးဝရှောင့်သင့်ပါတယ်။ ဥပမာအားဖြင့် ဆရာဝန်က ရေပမာဏကို ကန့်သတ်ထားရင် -
- မန်ကျည်းတော်ဖီ ချဉ်ချိုအရသာ ငုံပေးပါ။ ခွေးတောက်ရွက်ဟင်းချိုကို ငုံပြီး ထွေးထုတ်ပါ။ ကျောက်ဖရုံသီးကြော်ချက်၊ ဖရဲသီးတို့ကို စားပါ။ ဆရာဝန်က ကန့်သတ်ထားရင် ငုံပြီး ထွေးထုတ်ပါ။
သတ္တဝါတွေ - အစာဝ၊ အနာကင်း၊ ဘယာရှင်း - ကြပါစေ။
သြ/သုတိုင်းရင်းဆေးပညာရှင် - တိုင်းရင်းဆေးဆရာကြီး ဦးရန်အောင်
- ပင်လုံစာပေမှ ကူးယူဖော်ပြပါသည်။ #ကျန်းမာရေး #မြန်မာတိုင်းရင်ဆေး

14/07/2025

ခါးနာတာ ခြေထောက်တက်တာကို အရှင်ပျောက်စေတဲ့ ကြောင်လျှာပင်

14/07/2025

ကျီးပေါင်းကြောင့်မူးသူများအတွက် ဆေးဘက်ဝင်တဲ့"ဝါးမင်း" အကြောင်းမျှဝေချင်ပါတယ်။

ဝါးမင်း(ခေါ်)ဝါးပုတီး
ကျီးပေါင်းအမြစ်ပြတ်ဆေး😍
သွေးလိမ်းရုံဖြင့်အဆစ်အမြစ် လေးဘက်နာ ကျီးပေါင်းတို့ကိုသက်သာပျောက်ကင်းစေပါတယ်😊

လွန်ခဲ့တဲ့လက ကဖိုးမောင်တယောက်ပက်လက်ကုလားထိုင်ပေါ်ကအထ,မှာမိုက်ခနဲမူးလွန်းတာကြောင့်ဆရာဝန်ပြေးခေါ်ခဲ့ရပါတယ်။

ဆရာဝန်ရောက်လာလို့သွေးပေါင်ချိန်တော့လည်းပုံမှန်
သွေးချိုလည်းမရှိ မူးတာကလည်းချာချာလည် ။

စမ်းသပ်ပြီးတဲ့အခါ လည်ပင်းကြောရိုးကျီးပေါင်းကြောင့်မူးတာပါ တဲ့။ဆေးထိုးဆေးသောက်လိုက်တဲ့အခါသက်သာသွားပေမဲ့အရှင်းမပျောက်ပါဘူးအိပ်ယာဝင် အိပ်ယာထ မူးနေတုန်းပါဘဲ။

လမ်းလျှောက်ရင်းလည်းတခါတရံမူးနောက်နေတုန်းမို့ အထူးကုပြဖို့စီစဉ်ရပါတော့တယ်။အထူးကုပြဖို့စာရင်းပေးထားတုန်းမှာဘဲကဖိုးမောင်ရဲ့ မိတ်ဆွေဘကြီးဦးလှတင်ကဓါတ်ပုံမှာပြထားတဲ့ ဝါးပင်တပင်ကိုခုတ်ယူစေပြီး သွေးလူးခိုင်းပါတယ်။

အသက်၉၀ ဝန်းကျင်ဘကြီးကအာမခံပါတယ် ။
"အဲ့ဒိီဝါးပင်လေးကိုသွေးပြီးလည်ပင်း ဂုတ်စသည့်
နှံ့စပ်အောင်လိမ်းအိပ်စမ်းပါကွာ။ဘာအထူးကုမှမလိုပါဘူး"တဲ့

ကဖိုးမောင်ကြီးကလည်း ဝမ်းသာအားရယူလာပြီး
ညဘက်နဲ့ မနက်ခင်းတွေသွေးလူးပေးလိုက်တဲ့အခါ
ယူပြစ်သလို ပျောက်ကင်းသွားတာမို့အံ့သြဝမ်းသာဖြစ်ကြရပါတယ်။အထူးကုဆီလည်းမရောက်လိုက်ပါဘူး။

ဖြစ်ခါစမို့ချက်ချင်းသက်သာပုံပါဘဲ။

နှစ်ရှည်လများ ခေါင်းငုံ့ပြီးဂီတာတီးလာတဲ့
ကဖိုးမောင်မှ ကျီးပေါင်းမဖြစ်ခံနိုင်ပါ့မလား။

ကျီးပေါင်းကြောင့်မူးတတ်သူများအသုံးတည့်ရင်သုံးကြရအောင်ဝါးပင်လေးကို ညွှန်းပြမျှဝေလိုက်ပါတယ်ရှင်။
ကဖိုးမောင်ကတော့ အိုကေသွားပါပြီ။

တခြားအကြောအဆစ်နာသူများလည်းသုံးနိုင်တယ်လို့ဘကြီးကပြောပါတယ်။

"အနာ နဲ့ ဆေး တွေ့ကြပါစေ"

14/07/2025

လေဖြတ်ဝေဒနာ ခံစားနေရ သူများအတွက် shareပေးကြပါ ကုသိုလ်ရပါတယ်
_________________
လေဖြတ် ဝေဒနာ ခံစားနေရသူများသည် ပင်ပန်းဆင်းရဲစွာခံစားရပါသည် ပြုစုရသော မိသားစုမ်ားမွာလဲ အင်းမတန်မှ ဒုက္ခရောက်ပါသည် သို့ဖြစ်ပါ၍ ဆ:ေဖော်နည်းလေးမျှဝေ လိုက်ပါသည်

ဆေဖော်ရန်လိုအပ်သော_ပစ္စည်းများ
++++++++
၁ ! အုန်းသီးရင့်ရင့်တစ်လုံး

၂ ! ထနှောင်းခေါက် နှင့် ချက်သော တောအ=ရ.က် ဦးရည်

၃ ! ဆေ:ဖော်နည်းမှာ အုန်းသီး၏ နတ်သမီးပေါက် အနားကို ဓားနှင့် ရှက်၍ နတ်သမီးပေါက်ကို ဖောက်ပြီး အုန်းရည်များ ထုတ်ပြစ်ရပါမည်

၎င်းနောက် အ=ရ.က်ဦးရည်ကို အုန်းသီးထဲတွင် အပြည့် ထည့်၍ အေပါက္ကို သင့်တော်ရာဖြင့် လုံအောင်ပြန်ပိတ်ပါ

ပိတ်ပြီးသောအုန်းသီးကို မြေကြီးကို တောင်ဝက်လောက်တူး၍ (၇)ရက် တိတိ မြုတ်ပါ။

(၇)ရက်ပြည့်လျှင် ပြန်ဖော်၍ အုန်းသီးထဲမှ အ=ရ.က် များပြန်ထုတ်ပြီး ပုလင်းထဲပြန်ထည့်၍ သောက်လို့ရပါပြီ။

ဆေ:နည်း_အညွှန်း
=++++++
တစ်ခါသောက် လဖက်ရည် အကြမ်း ပန်းဂံ တစ္လုံး တစ်နေ့တစ်ကြိမ်

ဆေ:သောက်ပြီးလျှင် လူနာ၏ ကိုယ်တွင်းမှာ စိုးစိုးစစ်စစ် ဖြစ်တတ်ပါသည် ဆိုးရိမ္စရာမရွိပါ ဘေးထွက်ဆိုးကျိုးမရှိပါ ထွက်လာသော ချွေးများကို သု.တ်ပြစ်၍ အဝတ်အသစ်လဲပြစ်ပါ

လေဖြတ်ထားသော နေရာများကိုလဲ လိမ်းပေး၍ ရပါသည်။
.....
shareပေးကြပါနော်....တစ်ဆင့်ပြပြန်လည်မျှဝေခြင်းဖြစ်ပါသည်

++++++++++++
ကျွန်တော်တို့တင်ပြပေးထားသည်ဖတ်၍မိဘပြည်သူများအနေဖြင့်
ဗဟုသုတအဖြစ်မှတ်သားစရာတစ်ခုခုကျန်ခဲ့မယ်ဆိုရင် အလွန်ဝမ်းမြောက်မိမှာပါ။
အခြားသူများလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးကြပါရန် မေတ္တာရပ်ခံအပ်ပါသည်။

လေးစားစွာဖြင့်မူရင်းရေးသားသူကို
ေးပါတယ်
🙏🙏🙏
ကျန်းမာရေးဗဟုသုတများကိုနေ့စဉ်နှင့်အမျှတင်ဆက်ပေးနေတာကြောင့် page ကိုlikeလုပ်ထားဖို့အကြံပေးပါရစေpageထဲလဲဝင်ရောက်လေ့လာဖို့ဖိတ်ခေါ်ပါတယ်ခင်ဗျာ...

#ကျန်းမာရေး

13/07/2025

“ယနေ့ခေတ်မှာ ကိုယ်တိုင်ရန်သွားမစပဲ ရလာတဲ့ ရန်သူမျိုး ၅ ပါး ထပ်တိုးပါတယ်”

(1) ပိုက်ဆံမချေးလို့ ရန်သူရလာတာ

(2)ကူညီပေး မိလို့ ရန်သူရလာတာ

(3) အလျော့ပေးမိလို့ ရန်သူရလာတာ

(4) သဘောကောင်း မိလို့ ရန်သူရလာတာ

(5) သူများမလုပ်နိုင်တဲ့အလုပ် ကိုယ်တယောက်ထဲ လုပ်မိလို့ ရန်သူရလာတာ

ဒါတွေက ဒီခေတ်မှာ တကယ်ရှိတယ် ကိုယ်တွေ့ပဲ။

Original Uploader

13/07/2025

🥒🍋 သခွားသီး၊ ဂျင်း၊ ပူဒီနာ၊ သံပရာရည်ကို နေ့စဥ်သောက်သုံးသင့်တဲ့ အကြောင်းရင်းကောင်းများ 💧✨

တစ်ခါတလေ သင်တွေးဖူးပါသလား......?

🥰 ဒီရိုးရှင်းတဲ့ရေတစ်ခွက်ကနေ သင့်ကျန်းမာရေးကို ပြောင်းလဲပေးနိုင်တယ်ဆိုတာ ဘယ်တုန်းကမှ မတွေးထားခဲ့ဖူးဘူးမလား။

🥰 ဒီရေက ခန္ဓာကိုယ်ထဲက အဆိပ်အတောက်တွေကို ဖယ်ရှားပေးနိုင်တယ်၊ စွမ်းအင်တွေတိုးစေတယ်၊ အသားအရေကို ကြည်လင်တောက်ပစေတယ်၊ ပြီးတော့ ခံတွင်းလည်း ရှင်းသွားစေပြီး Spa သွားသလို လန်းဆန်းတဲ့အရသာကိုလည်း ပေးနိုင်ပါတယ်...!!! 😍

🥰 ဒီအထူးဖျော်ရည်က "သခွားသီး၊ ဂျင်း၊ ပူဒီနာနှင့် သံပရာရည်" ဖြစ်ပြီး ဒီသဘာဝဖျော်ရည်မှာ အာဟာရဓာတ်တွေ၊ ဗီတာမင်နှင့် (အန်တီအောက်ဆီးဒင့်) ဓာတ်တိုးဆန့်ကျင်ပစ္စည်းတွေ အပြည့်အစုံပါဝင်ပါတယ်။

🥰လူအများစုက ဒီရိုးရှင်းတဲ့ ဖျော်ရည်ကို လျစ်လျူရှုထားကြတယ်ဆိုပေမယ့် ရလဒ်ကတော့ မျှော်လင့်ထားတာထက် ပိုကောင်းတဲ့ရလဒ်တွေက အံ့မခန်းပါပဲ! 🌿🍋

🥤👉 အိမ်မှာ အလွယ်တကူ ပြုလုပ်နိုင်တဲ့ ပါဝင်ပစ္စည်းများ.....

* သခွားသီး ½ လုံး (ပါးပါးလှီးထားပါ) 🥒

* ဂျင်း လက်မဝက်ခန့် (ခြစ်ထားပါ သို့မဟုတ် လှီးထားပါ)

* ပူဒီနာရွက် လက်တစ်ဆုပ်စာ 🌱

* သံပရာသီးတစ်ခြမ်းမှ ရရှိသော သံပရာရည် 🍋

* ရေအေး ၁-၂ လီတာ

🧊 ပြင်ဆင်နည်း အလွန်လွယ်ကူပါတယ်......။

* သခွားသီး၊ ဂျင်း၊ ပူဒီနာရွက်နဲ့ သံပရာရည်တို့ကို ရေဘူး
ထဲထည့်ပါ။

* ရေထည့်ပြီး ပါဝင်ပစ္စည်းတွေ ရောစပ်သွားအောင် ညင်
သာစွာမွှေပေးပါ။

* ရေခဲသေတ္တာထဲမှာ ၁ နာရီခန့် အေးအောင်ထားပါ။
(ဒါမှမဟုတ် တစ်ညလုံးထားရင် ပိုမွှေးပါလိမ့်မယ်)။

* ပြီးရင် တစ်နေ့တာလုံး သောက်သုံးနိုင်ပြီး ရေကုန်သွားရင်
ရေထပ်ဖြည့်ပြီး သောက်သုံးနိုင်ပါတယ်။

💡 နောက်ထပ် အထူးအကြံပြုချက်များ.........

* ပိုလန်းဆန်းစေတဲ့အရသာ ထပ်လိုချင်လား....?

လိမ္မော်သီး ပါးပါးလှီးထားတာလေးတွေ ဒါမှမဟုတ်

နနွင်းအနည်းငယ် ထည့်ကြည့်ပါ။ 🍊🧡
* ရေခဲသေတ္တာထဲမှာ အမြဲဆောင်ထားဖို့ အကြံပြုလိုပါတယ်။

နေ့စဉ်သောက်ဖို့ အဆင်ပြေပါတယ်။

ဒီဖျော်ရည်က ရေငတ်ပြေရုံတင်မကဘဲ စွမ်းအင်ဖြည့်တင်းပေးတယ်၊ ကိုယ်ခံအားကို မြှင့်တင်ပေးတယ်၊

အဆိပ်အတောက်တွေကို ဖယ်ရှားပေးပြီး သင့်အသားအရေကို အတွင်းကနေ အပြင်အထိ ကြည်လင်တောက်ပစေပါတယ်။ 🌟

တစ်နေ့တစ်ခွက် စမ်းသောက်ကြည့်ပါ။ သင့်ကျန်းမာရေးဟာ သင်အံ့သြရလောက်အောင် ပြောင်းလဲသွားပါလိမ့်မယ်...!!!

✨ကျန်းမာရေး ကောင်းဖို့ဆိုတာ သင်နေ့စဉ်လုပ်ဆောင်တဲ့ အရာငယ်လေးတွေကနေ စတင်ပါတယ်။💕🥰

#မူးရင်းပိုင်ရှင်များကိုလည် Credit ပေးပါတယ်
#မြန်မာတိုင်းရင်ဆေး #ကျန်းမာရေး

13/07/2025

မတော်တဆ လည်ချောင်းမှာ ငါးအရိုးစူးလျှင်
ဒါတွေလုပ် လိုက်ပါ .

ငါး အရိုးမျက်လျှင် အတော့်ကို ခံစားရခက်သည်မှာ အားလုံးလည်း သိပြီးဖြစ်မှာပါ။ တစ်ခါတရံ ခဏလေးနဲ့ ပျောက်သွားပေမယ့် အခန့်မသင့်လျှင်ဆေးရုံတက်ပြီး
လည်ချောင်းကနေ
ခွဲထုတ်ရတဲ့အထိ ဖြစ်တတ်ကြပါတယ်။ ဒါ့ကြောင့် ငါးအရိုးမျက်လျှင် အလွယ်တကူပြုလုပ်နိုင်မယ့် အိမ်တွင်းကုထုံးလေးများကို ရသမျှစုစည်း၍ တင်ပေးလိုက်ပါတယ်။
ကိုယ်နဲ့ အဆင်ပြေရာနည်းကို ပြုလုပ်နိုင်ကြပါတယ်။

(၁) သံပုရာသီးကို အခွံမာများခွါ၍ အလုံးကို သွားကြားထိုးသံဖြင့် အပေါက်လေးများ ထိုးဆွထား၍ခေတ္တမျ ငုံထားပါ။ အရည်ကို တဖြေးဖြေး မျိုချပေးပါ။ အချဉ်ဓါတ်က ငါးရိုးများကိုတိုက်စားသွားပေလိမ့်မည်။

(၂) ငှက်ပျောသီး စားပါ။ ဘာငှက်ပျောသီးဖြစ်ဖြစ်အဆင်ပြေပါသည်။

(၃) ကြက်ဥအကာကို သောက်ပေးပါ။ ငါးရိုးသည်အချွဲများနှင့်အတူ ကျသွားမည်။

(၄) သံပုရာသီး သို့မဟုတ် သံပုယိုသီးကို ၄ စိတ်ခွဲ၍ ပါးစပ်ဟကာ အာခေါင်ထဲကို တစ်စိတ်ချင်းစီ အရည်ညျစ်၍ သံပုရာရည်ကို ခေတ္တငုံထားပါ။ ပြီးမှ ရေသောက်လိုက်ပါ။ ငါးရိုးမျက်ခြင်းပျောက်ကင်းသွားလိမ့်မည်။

(၅) ဇီးဖြူသီးကို အလုံးလိုက် ဝါးစားပြီး အရည်ရော အဖတ်ပါ မျိုချပါ။ ငါးရိုးများ အရည်ပျော်ကျသွားပါလိမ့်မည်။

(၆) ရေများများ သောက်ပါ။ သောက်ရေထဲကို ဆားအနည်းငယ် ခတ်၍ သောက်ပါ။ ဆားဓါတ်က ငါးရိုးကို အမြတ်ချေဖျက်ပေးနိုင်ပါသည်။

(၇) သံလွင်ဆီ အနည်းငယ်ခန့်ကို သောက်ပါ။ ငါးရိုးများ ဆီနှင့်အတူ လျှောကျသွားမည်။ လည်ချောင်းနာလည်း ပျောက်မည်။

(၈) လိမ္မော်ရည်၊ သံပုရာရည်တို့ကို ဖျော်သောက်ပါ။ ၄င်းတို့မှာ ပါ၀င်သည့် Citric Acid က ငါးရိုးများကို အမြန်ကျေသွားစေပါသည်။

(၉) ထမင်းပူပူနွေးနွေးကို အနေတော်ခန့် လက်ဖြင့်ဆုပ်လုံး၍ မျိုချပါ။ အာခေါင်တွင် ကပ်ညှိနေသော ငါးအရိုးများ အောက်ကို ထိုးကျသွားပါမည်။

(၁၀) ယခုခေတ်တွင် ပေါများနေသော Coke, Pepsi စသည့် ဂက်စ်ပါ၀င်သည့် အချိုရည်တို့ကို သောက်ပါ။ ငါးရိုးကို အမြန်ပျော့သွားစေပါသည်။

သတိပြုရန်

ငါးရိုးမျက်နေစဉ် လည်ချောင်းအပြင်ဘက်မှ ဖိခြင်း၊ နှိပ်နယ်ခြင်းများ မပြုလုပ်ပါနှင့်။ သင့်ပတ်၀န်းကျင်မှာလည်း ငါးရိုးမျက်၍ ဒုက္ခရောက်သူများအတွက် ဒီ Post လေးကို Share ပေးနိုင်ကြပါတယ်။ အားလုံးပဲ ဘေးအန္တရာယ် ကင်းရှင်းနိုင်ကြပါစေ။
🙏🙏🙏🙏🙏🙏🙏

13/07/2025

ညအိပ်မပျော်သူများအတွက် ဂျင်းရေ

ဒီရက်ပိုင်း ညအိပ်မပျော်တာ၊ အိပ်ပျော်ရခက်တာ၊ ညဘက် မကြာခဏ နိုးတာ၊ မနက်ရောက်ရင် ငိုက်မျဉ်းပြီး တစ်နေကုန် သမ်းနေရတာမျိုးတွေ ဖြစ်ဖူးလား။ ဒါဆိုရင် 'ဂျင်းရေ' သောက်ကြည့်ပါ။

👉ပါဝင်ပစ္စည်းများ-
• ဂျင်းအရင့် ၄-၅ ချပ်
• အုန်းသကြား (စိတ်ကြိုက်) မထည့်လည်းရပါတယ်
• ရေ ၅၀၀ မီလီလီတာ
• ပျားရည်အစစ် ၁ လက်ဖက်ရည်ဇွန်း

👉ပြုလုပ်နည်း.....
ဂျင်းကို ၁၀ မိနစ်ခန့်ပြုတ်ပါ။ အုန်းသကြားအနည်းငယ်ထည့်နိုင်ပါတယ် (မချိုချင်ရင် မထည့်ပါနဲ့)။ ပြီးရင် အရည်ကိုစစ်ယူပြီး နည်းနည်းအေးသွားတဲ့အခါ ပျားရည်ထည့်ပါ။ ညအိပ်ရာမဝင်ခင် နေ့တိုင်းသောက်ပေးပါ။ ဂျင်းက သွေးလည်ပတ်မှုကိုကောင်းစေပြီး ပျားရည်က ဦးနှောက်ကိုလန်းဆန်းစေပါတယ်။

MON SOUNG
#မြန်မာတိုင်းရင်ဆေး #ကျန်းမာရေး

13/07/2025

ချဥ်ပေါင်သီးနှင့် သွေးတွင်းအဆီကျစေတဲ့ အစွမ်းသတ္တိ...။

ချဥ်ပေါင်သီးဟာ သွေးတွင်းအဆီဓာတ်ကိုကျစေပြီး သွေးကြောပိတ်ခြင်း၊ သွေးကြောကျဉ်းရောဂါဖြစ်နိုင်ချေကို လျော့ကျစေပါတယ်။ သွေးတိုးကိုလည်း ကျစေပြီး သွေးရဲ့ပျစ်ဆတ်မှု၊ သွေးခဲမှုကို လျော့ချပေးတာကြောင့် တစ်ကိုယ်လုံး သွေးလည်ပတ်မှု ကောင်းမွန်စေပြီး၊ သွေးကြောများ ရောင်ရမ်းခြင်းကိုပါ သက်သာစေပါသည်။ ဒါ့အပြင် အကြောထုံးခြင်း၊ ဆီးချိုရောဂါ၊ အားနည်းခြင်း၊ ဆီးအောင့်ခြင်း၊ ဆီးသွားရခက်ခြင်းတို့ကိုလည်း သက်သာစေပါတယ်။

ချဥ်ပေါင်သီးနှင့် အဖူးအညှောင့်များတွင် ကယ်လ်စီယမ်ဓာတ်ပါဝင်တာကြောင့် အရိုးနှင့် သွားများကို သန်မာစေပါသည်။

သောက်သုံးနည်း...........
ချဥ်ပေါင်သီးကို ရေနဲ့ပြုတ်ပြီး တစ်နေ့ကို သုံးကြိမ်၊ ခုနစ်ရက် ဆက်တိုက်သောက်ပါက မကောင်းတဲ့အဆီတွေ၊ ကိုလက်စထရောနဲ့ ထရိုင်ဂလစ်ဆာရိုက်ဓာတ်များ ကျဆင်းပြီး နှလုံးရောဂါနဲ့ သွေးကြောဆိုင်ရာရောဂါများကို ကာကွယ်ပေးနိုင်ပါတယ်။

အများကြီး ပြုတ်ချင်ရင် ချဥ်ပေါင်ပွင့် ၅၀ ဂရမ်ကို ရေ ၅ လီတာနဲ့ ပြုတ်ပြီး ရေခဲသေတ္တာထဲမှာ ထည့်သိမ်းထားပြီး သောက်သုံးနိုင်ပါသည်။

MON SOUNG
#မြန်မာတိုင်းရင်ဆေး #ကျန်းမာရေး

13/07/2025

#တစ်ညနဲ့တစ်မနက်
၂ ခွက်သောက်ရုံ
ရှိသေးတယ် ကျောက်ကျလာတဲ့လက်တွေ့ဆေး

၂ ရက်နှင့်ကျောက်ကျတဲ့နည်း
ဆန်ဆေးရေ နဲ့ စပါးလင် စိမ်ပြီး သောက်
တာတစ်ညနဲ့ တမနက် ၂ ခွက်သောက်ရုံရှိ
သေးတယ် ကျောက် ကျလာတယ်။

အဖေ့ ဆီက ဘာပဲဖြစ်ဖြစ် ဆေးနည်းဖြန့်
ပေးတာပါ။လက်တွေ့ တစ်ရက်နဲ့တစ်ည အောင့်
တာ မခံနိုင်လို့ ဆေးရုံပြတာ ၂.၁ ၁၈ ရက်နေ့ဆေးရုံမှာ လေဆာနဲ့ချေဖို့ချိန်းထားပြီးသားကို မိတ်ဆွေတစ်ယောက်က ညွှန်လို့ သောက်ကြည့်တာပါ

ဆေးနည်းညွှန်တဲ့ ကိုအသေးလေးလဲ ကျေးဇူး အရမ်းတင်ပါတယ်။ သူ့မိတ်ဆွေတုန်းကလဲ ဘန်ကောက် သွားဖို့လုပ်ပြီးသားပါ။ ဆန်ဆေးရေကို ဆန်တအိုးကြီး ဆေးစရာ မလိုပါခင်ဗျာ ။

လက်တစ်ဆုက်လောက်ကို ဂိုင်း ဖန်ခွက်ကြီးထဲ ထည့်ဆေး ၂ကြိမ်မြောက်လောက်က ရေကိုယူ စပါးလင်ကို လက်လေးဆစ်ခန့် ၂ပင်လောက်ယူပါးပါးလှီးပြီး တစ်နာရီ နာရီဝက်လောက်စိမ်ပြီးရင် သောက်ပါ တစ်နေ့သုံးကြိမ်ပါ ။

လူတိုင်းနဲ့တော့ ကျချင်မှ ကျမှာပါ။ တချို့က ငါးပြေမနဲ့ဇောင်းခါးသီး ချက်စားကြသလို တချို့က ကျောက်ကွဲရွက် စားကြပါတယ်။

ကျန်းမာချမ်းသာလို့ပျော်ရွှင်ကြပါစေခင်ဗျာ🙏

သင့်မိတ်ဆွေတွေလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးပါ။

ကျန်းမာရေးဗဟုသုတများကိုနေ့စဉ်နှင့်အမျှတင်ဆက်ပေးနေတာကြောင့် page ကိုfollowလုပ်ထားပါ။

#မြန်မာတိုင်းရင်ဆေး #ကျန်းမာရေး

12/07/2025

အဲကွန်း တနာရီဖွင့်ရင် 0.7 unit
ရေခဲသေတ္တာ တနာရီဖွင့်ရင် 0.1 unit
ပန်ကာ တနာရီဖွင့်ရင် 0.1 unit

LED ၄ပေ မီးချောင်း နာရီ၅၀ဖွင့်ရင် 1unit
၄ပေရိုးရိုးဖန်မီးချောင်း ၂၅နာရီသုံးရင် 1unit

ဒယ်နီ ၁နာရီသုံးရင် 1.5unit
ထမင်းပေါင်းအိုး ၁နာရီသုံးရင် 0.7unit
အဲ့ဒီနှုန်းရှိပါတယ်။

air con တည ၅နာရီ
ရေခဲသေတ္တာ အမြဲဖွင့်မယ်
ပန်ကာတနေ့ ၈နာရီ
Led ၄၀ပေမီးချောင်း ၁၀နာရီ
ဒယ်နီ နာရီဝက်
ထမင်းပေါင်းအိုး နာရီဝက်
သုံးမယ်ဆိုရင်
air con 5hrs x 0.7 =3.5
ရေခဲ 24 hrs x 0.1 =2.4
ပန်ကာ 8hrs x 0.1 =0.8
မီးချောင်း10hrsx0.002=0.2
ဒယ်နီ 0.5hr x 1.5 = 0.75
ထမင်းအိုး 0.5hr x 0.7 = 0.35

တရက်ကိုစုစုပေါင်း 8 units ရှိပါမယ်။
တစ်လဆိုရင် 8x 30days =240units

အဲကွန်း ဒယ်နီ ထမင်းပေါင်းအိုး သုံးတဲ့ပေါ်
မူတည်ပြီး မီတာခ ကုန်ကျငွေမှာ
အပြောင်းအလဲ အများကြီးဖြစ်နိုင်ပါတယ်
လျှပ်စစ် ပစ္စည်းတွေ ပြုပြင်နည်းကို မြန်မာလို လေ့လာချင်ရင်
ဒီဆော့ဝဲဒေါင်းထားပါ - https://clk.bz/wcdw

𝐊𝐧𝐨𝐰𝐥𝐞𝐝𝐠𝐞 𝐕𝐢𝐥𝐥𝐚𝐠𝐞

15/07/2025

15/07/2025

14/07/2025

14/07/2025

14/07/2025

13/07/2025

13/07/2025

13/07/2025

13/07/2025

13/07/2025

13/07/2025

12/07/2025

ที่อยู่

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท