Kantarawaddy Times

Kantarawaddy Times Kantarawaddy Times > The most reliable media that support positive changes in life improvement for Karenni people. Visit us : http://www.kantarawaddytimes.org/
(440)

Kantarawaddy Times ( KT ) is Karenni's Independent Media in Karenni State, Myanmar. KT features latest multimedia news and local news. KT also brings topics forth that often goes underreported, listening to all sides of the story and giving a voice to the voiceless. Our impartial, fact-based reportings wins State's praise and respect which is a unique brand of Journalism that local and others have come to rely on. At Kantarawaddy Times, we focus on PEOPLE and the events that impact their lives.

ဒီးမော့ဆိုအနောက်ခြမ်းမှာ မိုးသည်းထန်စွာ ရွာသွန်းပြီးနောက် နေအိမ်ထဲထိ ရေဝင်ရောက်ကန္တာရဝတီတိုင်း ( မ် )မိုးသည်းထန်စွာ ရွာသ...
30/09/2025

ဒီးမော့ဆိုအနောက်ခြမ်းမှာ မိုးသည်းထန်စွာ ရွာသွန်းပြီးနောက် နေအိမ်ထဲထိ ရေဝင်ရောက်

ကန္တာရဝတီတိုင်း ( မ် )

မိုးသည်းထန်စွာ ရွာသွန်းပြီးနောက် ဒီကနေ့ စက်တင်ဘာလ ၃၀ရက်နေ့ ညနေ ၃နာရီကျော်အချိန်မှာ ကရင်နီပြည် ၊ ဒီးမော့ဆိုမြို့နယ်အနောက်ခြမ်းမှာရှိတဲ့ ကျေးရွာတစ်ရွာက နေအိမ်တွေထဲ ရေဝင်ရောက်မှုရှိတယ်လို့ ဒေသခံတွေက ပြောပါတယ်။

“ရေက မိုးကြီးမှပဲတက်လာတာ နှစ်နာရီခွဲမှာ မိုးစကြီးတယ်ပေါ့နော်။ အဲ့ဒါနဲ့ ရေကချောင်း‌ဘေးမြောင်းဘေးတဝိုက်မှာပဲ ရေကြီးတာပေါ့။ မြောင်းဘေးမှာရှိတဲ့ အိမ်တစ်ဝက် လောက်တော့ ရေဝင်တယ်” လို့ ဒေသခံတစ်ဦးက ပြောပါတယ်။

ယခင်က မိုးသည်းထန်စွာ ရွာသွန်းပေမယ့် နေအိမ်ထဲထိ ရေဝင်ရောက်မှုမရှိခဲ့ဘူးလို့ ဆိုပါတယ်။ အခုလို ရေဝင်ရောက်တာက တောင်ကျချောင်းရေ ရုတ်တရက်မြှင့်တက်လာတဲ့အတွက် နေအိမ်ထဲထိ ရေဝင်ရောက်ပြီး ဆန်အိတ်တချို့လည်း ရေစိုခဲ့တယ်လို့ သူက ဆက်ပြောပါတယ်။

“ပစ္စည်း‌ကတော့ ရွှေ့မမှီလိုက်ဘူး။ အိမ်ထဲမှာတော့ စပါးထားတာတွေ ရှိနေတယ်ပေါ့။ တစ်ဝက်လောက်တော့ စို သွားတယ် ပါသွားတယ်။ပစ္စည်းတွေကော စက်ခေါင်းတွေ ဘာတွေတော့ မြုပ်သွားတာတော့ ရှိတယ်” ‌လို့ ဒေသခံတစ်ဦးက ဆက်ပြောပါတယ်။

လတ်တလောမှာတော့ ရေအနည်းငယ်ပြန်ကျပေမယ့် နောက်ရက်တွေမှာ မိုးသည်းထန်စွာရွာသွန်းပါက ရေထပ်မံဝင်ရောက်နိုင်တယ်လို့ ဆိုပါတယ်။

#မိုးသည်းထန်စွာရွာသွန်း ‌ #တောင်ကျချောင်းရေကြီး #ဒေသခံတွေရဲ့နေအိမ်အချို့မြုပ် #စက်ပစ္စည်းနဲ့စပါးအိမ်တချို့ရေစို

30/09/2025

KT-FM မြန်မာဘာသာ အစီအစဉ် ၂၀၂၅ ခုနှစ်၊ စက်တင်ဘာလ (၃၀ ) ရက်၊ (အင်္ဂါနေ့)

– အဲဒိုပေါ်မီ (ခေါ်) ဒီးကူပွဲကို ထိုင်းနိုင်ငံ ၊ ချင်းမိုင်တွင် ကျင်းပပြုလုပ်ခဲ့
– ဒီးမော့ဆိုအနောက်ခြမ်း တစ်နေရာကို လက်နက်ကြီးကျရောက်ပြီး နေအိမ်တချို့ထိမှန်ပျက်စီး
– ကရင်နီဆေးကောလိပ်ကျောင်းရဲ့ ရုံးလုပ်ငန်းအတွက် လိုအပ်တဲ့ ဝန်ထမ်းများခေါ်ယူနေ စတဲ့သတင်းတွေအပါအဝင် မိုးလေဝသတင်း၊ ဒေသတွင်းသတင်းနဲ့ ကို ကြားကြရမှာပါ။ အဲဒီနောက်မှာတော့ အပတ်စဉ်တင်ဆက်ပေးတဲ့ လူငယ်အစီအစဉ်ကနေပြီး “ ကနျားမော်ဖောင်ဒေးရှင်းတည်ထောင်သူ ဖြစ်သလို Drummer မော်ရီးရီ နဲ့ တွေ့ဆုံမေးမြန်းခြင်း” ကို ဆက်လက်နားဆင်ကြရမှာပါ။

KT-FM မြန်မာဘာသာအစီအစဉ်ကို နေ့စဉ်ည ၇ နာရီကနေစတင်ပြီး Kantarawaddy Times ရဲ့ လူမှုကွန်ယက် စာမျက်နှာမှာ တိုက်ရိုက်ထုတ်လွှင့်ပေးနေပါတယ်။ တစ်ချိန်ထဲမှာပဲ ထိုင်းကရင်နီ နယ်စပ်မှာ FM ရေဒီယိုလိုင်း 100 mhz နှင့် ကရင်နီပြည်တွင်းဒီးမော့ဆို နဲ့ဖရူဆိုမြို့နယ်မှာ FM ရေဒီယိုလိုင်း 108 mhz ၊ မယ်စဲမြို့နယ်မှာ 95.9 mhz ထုတ်လွှင့်ပေးနေပါတယ်။

30/09/2025

မင်္ဂလာပါရှင်.....
00:16 - အဖွင့်
စက်တင်ဘာလ ၃၀ ရက်၊ အင်္ဂါနေ့ ကန္တာရဝတီတိုင်း သတင်းဌာနရဲ့ ညနေခင်းရုပ်သံသတင်းအစီအစဉ်မှာ
00:58 - ဖရူဆိုကိုရောက်နေတဲ့ စစ်ကော်မရှင်တပ် ဘောလခဲမြို့နယ်ဘက်ကို ထိုးစစ်ဆင်ဖို့ပြင်နေတဲ့သတင်း
02:07 - ဒီးမော့ဆိုအနောက်ခြမ်း တစ်နေရာကို လက်နက်ကြီးကျရောက်ပြီး နေအိမ်တချို့ထိမှန်ပျက်စီးခဲ့တဲ့ဖြစ်စဉ်
02:47 - မြို့နယ်သုံးခုမှာ လုံခြုံရေးကိစ္စ ဆောင်ရွက်နေပြီး လူထုတွေအနေနဲ့ လိုက်နာကြဖို့ မြို့နယ်ပူးပေါင်း အုပ်ချုပ်ရေး ကော်မတီအသိပေးလိုက်တဲ့အကြောင်း
03:45 - ဘီးလူးချောင်းရေကြီးမှုကြောင့် တောင်သူများ ပြောင်းသီးနှံတွေ ဆုံးရှုံးနေတဲ့ အခြေအနေတွေကို ကြည့်ရှုနားဆင်ကြရပါမယ်။
04:43 - အပိတ်
ကန္တာရဝတီတိုင်း(မ်) ရဲ့ ညနေခင်းရုပ်သံသတင်းတွေကို တင်ဆက်ပေးနေတာဖြစ်ပါတယ်။ ကြည့်ရှုအားပေးနေကြတဲ့ ပရိတ်သတ်များအားလုံး နဲ့ ကရင်နီပြည်သူပြည်သားအားလုံး စစ်ဘေးအပါအဝင် သဘာဝဘေးအမျိုးမျိုးနဲ့ ကင်းဝေးကြပါစေရှင်။

ဖရူဆိုမြို့နယ်က စစ်ဘေးရှောင်ကျောင်းတစ်နေရာမှာ အဲဒိုပေါ်မီ (ဒီးကူပွဲ) ကို အကျဥ်းချုပ် ပြုလုပ်ကန္တာရဝတီတိုင်း(မ်)ကရင်နီပြည...
30/09/2025

ဖရူဆိုမြို့နယ်က စစ်ဘေးရှောင်ကျောင်းတစ်နေရာမှာ အဲဒိုပေါ်မီ (ဒီးကူပွဲ) ကို အကျဥ်းချုပ် ပြုလုပ်

ကန္တာရဝတီတိုင်း(မ်)

ကရင်နီပြည်၊ ဖရူဆိုမြို့နယ်အတွင်းက စစ်ဘေးရှောင်စခန်း တစ်နေရာမှာ ဖွင့်လှစ်ထားတဲ့ အလယ်တန်းကျောင်းမှာ ဒီကနေ့ စက်တင်ဘာလ ၃၀ရက်နေ့ မနက်ပိုင်းက ရိုးရာ အဲဒိုပေါ်မီ (ခေါ်) ဒီးကူပွဲကို အကျဥ်းချုပ် ပြုလုပ်ခဲ့ပါတယ်။

ရိုးရာ အဲ့ဒိုပေါ်မီ ပွဲတော် ဖြစ်ပေါ်လာပုံ သမိုင်းကြောင်း၊ စဉ်ဆက်မပြတ် ထိမ်းသိမ်းကြဖို့ လိုအပ်ကြောင်း ကို သိရှိစေဖို့ ရည်ရွယ်ချက်နဲ့ ပြုလုပ်ခဲ့တာဖြစ်ပါတယ်။

အဆိုပါ အလယ်တန်းကျောင်းမှာတော့ ကျောင်းသား၊ ကျောင်းသူပေါင်း ၅၀ ကျော်ရှိပါတယ်။

#ဖရူဆိုမြို့နယ် #အလယ်တန်းကျောင်း #အဲ့ဒိုပေါ်မီပွဲပြုလုပ်

စစ်ကော်မရှင် ကျင်းပမယ့် ရွေးကောက်ပွဲအပေါ် ဘောလခဲနဲ့ လွိုင်ကော် ဒေသခံ တချို့ရဲ့ စကားသံများကန္တာရဝတီတိုင်း (မ်)လာမယ့် ၂၀၂...
30/09/2025

စစ်ကော်မရှင် ကျင်းပမယ့် ရွေးကောက်ပွဲအပေါ် ဘောလခဲနဲ့ လွိုင်ကော် ဒေသခံ တချို့ရဲ့ စကားသံများ

ကန္တာရဝတီတိုင်း (မ်)

လာမယ့် ၂၀၂၅ခုနှစ်၊ ဒီဇင်ဘာလ (၂၈)ရက်နေ့ မှာ ရွေးကောက်ပွဲ အပိုင်း ( ၁ ) ကျင်းပသွားမယ်လို့ စစ်ကော်မရှင်က ကြေငြာထားတဲ့ မြို့နယ်အနက် ကရင်နီပြည်က လွိုင်ကော်မြို့နယ် နဲ့ ဘောလခဲမြို့နယ် ပါဝင်ပါတယ်။

အဲ့ဒီမြို့နယ်က ဒေသခံအများစုကတော့ မြို့တွင်းမှာ နေထိုင်လို့မရတာကြောင့် နီးစပ်ရာမြို့နယ်တွေမှာ သွားရောက်ခိုလှုံနေထိုင်ရပါတယ်။ ကရင်နီပြည်က ဘောလခဲ၊ လွိုင်ကော် ဒေသခံတချို့ရဲ့ ရွေးကောက်ပွဲ အပေါ် ပြောဆိုချက်စကားသံတွေကို တင်ဆက်ပေးလိုက်ပါတယ်။

ဘောလခဲ ဒေသခံအမျိုးသားတစ်ဦး

“ကျနော်တို့ဘောလခဲမြို့မှာ ရွေးကောက်ပွဲ ပြန်လုပ်မယ်ဆိုပြီးတော့ စကစ (စစ်ကောင်စီ) တွေ လိုင်းပေါ်မှာ တင်ထားတာ တွေ့ရပါတယ်။ အဲ့ဒါ ကျနော့်ရဲ့ အမြင်မှာကတော့ ဒါလုံးဝမတရားဘူး။ စကစတွေရဲ့ လုပ်ရပ်က အမြဲတမ်း မတရားတာတွေပဲ ဆိုတော့လေ။ ဒီလုပ်ရပ်ကိုလဲ ကျနော်မထောက်ခံပါဘူး။ ကျနော်က အမှန်တရားကို လိုချင်လို့လဲ ဒီလို ဆင်းရဲဒုက္ခခံပြီး လာစစ်ရှောင်နေကြရတာပေါ့။ အဲ့ကြောင့်မို့ ဒီမတရားမှုကို ကျနော်တို့ တွန်းလှန်နေတယ်။ ကျနော်တို့ တွန်းလှန်နေတဲ့ လူတွေကလဲ သူတို့ကို နိုင်တော့မယ်လို့ သိတဲ့အချိန်မှာ ဒီနည်းကိုသုံးတာလို့လဲ ကျနော်ထင်မြင်တယ်။ အဲ့အတွက် ဒီရွေးကောက်ပွဲဟာ ကျနော်တို့ ပြည်သူဆန္ဒတွေ မပါပဲ သူတို့ စကစတွေဖက်ကပဲ လုပ်တယ်လို့ ကျနော်ထင်တယ်။ ဒီရွေးကောက်ပွဲဟာ အကျုံးမဝင်ပါဘူး။ ပြည်သူတွေရဲ့ သဘောဆန္ဒတွေ တစ်ဦးတစ်ယောက် မှမပါပဲ သူတို့က လုပ်တဲ့အတွက် ကျနော်တို့အတွက်လဲ အဆင်မပြေပါဘူး”

ဘောလခဲ ‌ဒေသခံအမျိုးသမီးတစ်ဦး

“ရွေးကောက်ပွဲနဲ့ ပတ်သက်ပြီး ဒါက စစ်ကောင်စီဖက်က လုပ်ကွက် တစ်ခုပဲပေါ့နော်။ ဒါက မှန်ပါတယ်ဆိုတာ ပြချင်ရုံသက်သက်ပဲ မြင်တယ်။ သူတို့ဖက်က တရားမျှတမှုရှိတယ် ဆိုတာကို လုပ်ပြချင်တာပေါ့နော်။ ပြီးတော့ ဒီလိုတရားမျှတစွာနဲ့ သူတို့အဖွဲ့အစည်းက ဒီလွှတ်တော်မှာ အုပ်ချုပ်ရေးမှာ နေရာယူတာပါဆိုပြီးတော့ အကြောင်းပြအုံးမယ်ပေါ့။ တကယ်တမ်း မျှတမှုရှိရဲ့လားတွေးကြည့်တော့ ဒီဘောလခဲမှာ ဘယ်သူတွေများ ကျန်ရှိနေအုံးမလဲပေါ့။ တော်တော်များများက စစ်ဘေးတိမ်းရှောင် နေကြရတယ်လေးနော်။ သူတို့တွေ ဘယ်လို မဲပေးလို့ ရမလဲပေါ့။ ဒါက လုပ်ကွက်တစ်ခုပဲပေါ့။ နိုင်ငံရေးကို တရားဝင်ပုံစံနဲ့ အကွက်ရွေ့ကစားနေတယ်လို့ မြင်တယ်။ ကျမအနေနဲ့ဆို ဒီ‌ရွေးကောက်ပွဲက လုံးဝတရားမျှတမှု မရှိဘူးလို့ မြင်ပါတယ်”

ဘောလခဲ ‌ဒေသခံအမျိုးသားတစ်ဦး

“စစ်တပ်ကလုပ်တဲ့ ‌ရွေးကောက်ပွဲက ခေတ်အဆက်ဆက်ပဲ တရားမျှတမှုနဲ့ လွတ်လပ်မှုတွေမရှိခဲ့ဘူးပေါ့။ အခု ဘောလခဲမြို့မှာလဲ သူလုပ်မယ့် ‌ရွေးကောက်ပွဲကလဲ လွတ်လပ်ပြီးတရားမျှတမှာ မဟုတ်ဘူးဆိုတာ သေချာတယ်။ ပြီးတော့ ဘောလခဲ မြို့ပေါ်မှာ ရှိတဲ့ လူတွေရဲ့ ဆန္ဒမဲပေးပိုင်ခွင့် တွေကိုလဲ သူချုပ်ချယ်ပြီးတော့ အတင်းအကြပ် မဲထည့်ခိုင်းမဲ့သဘောမျိုး သက်‌ရောက်တယ်ပေါ့။ အဲ့လိုအနေအထားနဲ့ ဆိုရင် ဘယ်လိုမှလက်ခံနိုင်စရာ မရှိဘူး။ ‌ရွေးကောက်ပွဲဟာလဲ ပြည်သူ့ဆန္ဒနဲ့ အညီ မဟုတ်တဲ့‌ရွေးကောက်ပွဲပဲပေါ့ အဲ့လိုပဲ မှတ်ယူပါတယ်”

ဘောလခဲ ဒေသခံအမျိုးသားတစ်ဦး

“ဘောလခဲမှာက ရှင်းရှင်းပြောရင်လူထုက မရှိတော့ဘူးလေ။ ရာဂဏန်းလောက်တောင် မကျန်တော့ ဘူး။ လူထုစစ်စစ်ပေါ့နော်။ ကျန်တာကတော့ သူတို့ စစ်တပ်အတိုင်းအဝိုင်းတွေရှိမယ်။ စစ်သားတွေ ရှိမယ်။ စစ်မှုထမ်းဟောင်းတွေရှိမယ်ပေါ့။ အဲ့တာတွေပဲကျန်တာ။ သူတို့ဘောလခဲမှာလုပ်မယ့် ‌ရွေးကောက်ပွဲလည်း ဘယ်လိုဖြစ်ဖြစ် နာမည်ပဲပေါ့။ ရွေးကောက်ပွဲလုပ်တယ်။ သူတို့ အတုယောင်‌ရွေးကောက်ပွဲတစ်ခုပါပဲ။ ဒါနိုင်ငံတကာကိုလိမ်ဖို့ သူတို့ရွေးကောက်ပွဲ လုပ်နိုင်တာကိုလိမ်ဖို့ တခုပါပဲ။ အစစ်အမှန်ရွေးကောက်ပွဲတော့ မဖြစ်နိုင်ဘူးလေနော်။ လူထုဆို လဲ ပုံမှန်ဆိုတော့ လူဦး‌ရေ ၆ထောင်လောက်ရှိတယ်လေနော်။ ဘောလခဲ မြို့နယ်တစ်ခုလုံးဆို အခုက ဘောလခဲမြို့နယ်မှာ လူဦးရေက ရာဂဏန်းသာသာ ပဲ ရှိတယ်လေနော်။ အဲ့ဒါ ဘယ်လိုမှ လုပ်လို့မရနိုင်ဘူးလေ ရွေးကောက်ပွဲဆိုတာ အလိမ်အညာတစ်ခုပဲပေါ့”

လွိုင်ကော် ဒေသခံအမျိုးသားတစ်ဦး

" အမှန်တိုင်းပြောရရင် လွိုင်ကော်မှာ ရွေးကောက်ပွဲလုပ်တာ သဘောမကျဘူး။ လုံးဝသဘောမကျဘူး။ ဘာဖြစ်လို့လဲဆို ပြည်သူတွေက မရှိဘူးလေ ကိုယ်စီကိုယ်စီထွက်သွားကြတယ်။ ဒါပေမဲ့ သူတို့တွေက ပြည်သူတွေကို လိုက်ပြီးဗုံးတွေကြဲတယ်။ လက်နက်ကြီးတွေထုတယ်။ နေလို့မရအောင် သူတို့လုပ်နေတာ။ ပြည်သူတွေက နေစရာမရှိ ကြောက်လန့်တော့ ပြန်ဝင်ကြတယ်လေ။ ပြန်ဝင်ကြတော့ အခုဆို ပြန်ဝင်တဲ့ သူအကုန်လုံးက သူတို့က အဆင်သင့် မဲနာမည်ပါပြီးသား။ လာတဲ့သူဆို နာမည်စရင်းတွေကောက်တယ်။ မိသားစု လူဦးရေတွေသူတို့ ကောက်တယ်။ ဓာတ်ပုံမှတ်တမ်းတွေ ယူပြီးတော့ တခါတည်း မဲအတွက် သူတို့ စွယ်ထားပြီးသား။ အဲ့လိုဖြစ်နေတာ။ ဒါပြည်သူတွေရဲ့ ဆန္ဒမပါဘူး။ အမှန်တိုင်းပြောရင်ပြည်သူတွေက သူတို့ကို မကြိုက်လို့ ဆန့်ကျင်လို့ ထွက်သွားခဲ့တာ ဒါပေမဲ့ သူတို့ တွေက သူတို့ဖက်ပါအောင် အမျိုးမျိုး လုပ်ဆောင်နေတာ။"

#ဘောလခဲ၊လွိုင်ကော်ဒေသခံ #ရွေးကောက်ပွဲ #လူထုစကားသံ

အောက်တိုဘာလ ၁ ရက်နေ့နဲ့ ၂ ရက်နေ့ တွေမှာ ကရင်နီပြည်အပါအဝင် ဒေသအချို့မှာ နေရာကွက်မိုးကြီးပြီး လေပြင်းတိုက်ခတ်မှုတွေဖြစ်ပေါ...
30/09/2025

အောက်တိုဘာလ ၁ ရက်နေ့နဲ့ ၂ ရက်နေ့ တွေမှာ ကရင်နီပြည်အပါအဝင် ဒေသအချို့မှာ နေရာကွက်မိုးကြီးပြီး လေပြင်းတိုက်ခတ်မှုတွေဖြစ်ပေါ်နိုင်

ကန္တာရဝတီတိုင်း(မ်)

ကရင်နီပြည်အပါအဝင် မြန်မာနိုင်ငံအတွင်းက ဒေသအချို့မှာ လာမယ့် အောက်တိုဘာလ ၁ ရက်နေ့နဲ့ ၂ ရက်နေ့ နှစ်ရက်အတွင်း နေရာကွက်မိုးကြီးပြီး လေပြင်းတိုက်ခတ်မှုတွေဖြစ်ပေါ်နိုင်တယ်လို့ ယမန်နေ့ စက်တင်ဘာလ ၂၉ ရက်နေ့မှာ အမျိုးသားညီညွတ်ရေးအစိုးရ(NUG) က အသိပေးထုတ်ပြန်ထားပါတယ်။

နေရာဒေသအရ ကရင်နီပြည်အပါအဝင် ကချင်ပြည်နယ်၊ စစ်ကိုင်းတိုင်းအထက်ပိုင်း၊ ရှမ်းပြည်နယ်၊ မန္တလေးတိုင်း၊ ချင်းပြည်နယ်၊ ရန်ကုန်တိုင်း၊ ပဲခူးတိုင်း၊ ကရင်ပြည်နယ်နဲ့ မွန်ပြည်နယ်တို့ ဖြစ်ပါတယ်။

အောက်တိုဘာလ ၄ ရက်နေ့နဲ့ ၅ ရက်နေ့မှာတော့ မိုးအားပြန်လည်လျှော့လာနိုင်တယ်လို့ ဆိုပါတယ်။

စက်တင်ဘာလ ၂၉ ရက်နေ့ကနေ စက်တင်ဘာလ ၅ ရက်နေ့အထိ တစ်ပတ်အတွင်း မိုးလေဝါသ အခြေအနေမှာတော့ ဖိလစ်ပိုင်ပင်လယ်မှာ ဖြစ်ပေါ်ခဲ့တဲ့ တိုင်ဖွန်းမုန်တိုင်း ဟာ စက်တင်ဘာ(၃၀)ရက်နေ့ နံနက်ပိုင်းမှာတော့ မြန်မာနိုင်ငံအရှေ့ခြမ်းမှာ အားပျော့ပျက်ပြယ်သွားနိုင်ပြီး မုန်တိုင်းအကြွင်းအကျန် တွေကြောင့် ကရင်နီပြည်အပါအဝင် မြန်မာနိုင်ငံနေရာအနှံ့အပြားမှာ မိုးသည်းထန်စွာရွာသွန်းနိုင်တယ်လို့ ထုတ်ပြန်ချက်မှာ ဖော်ပြထားပါတယ်။

ရက်သတ္တပတ်အတွင်း မိုးသည်းထန်နိုင်တဲ့ အခြေအနေရှိနေတာကြောင့် မြစ်ရေကြီးတာ၊ လျှပ်တပြက်ရေလွှမ်းမိုးတာ၊ တောင်ကျချောင်းရေလျှံတာနဲ့ မြေပြိုတာ စတဲ့ သဘာဝဘေး အန္တရာယ်တွေကို အထူးသတိပြုကြဖို့နဲ့ ကြိုတင်ရှောင်ရှားနိုင်ကြဖို့ကိုလည်း NUG က အကြံပြု တိုက်တွန်းထားပါတယ်။

#မိုးလေဝသ #မိုးကြီး #လေပြင်းတိုက်ခတ် #သဘာဝဘေးအန္တာရာယ်

စစ်ကော်မရှင်ကျင်းပမယ့် ရွေးကောက်ပွဲအတွက် ပထမအကြိမ် မဲစာရင်းကို ဒီကနေ့ စတင်ကြေညာမည်ကန္တာရဝတီတိုင်း (မ်) လာမယ့် ရွေးကောက်ပ...
30/09/2025

စစ်ကော်မရှင်ကျင်းပမယ့် ရွေးကောက်ပွဲအတွက် ပထမအကြိမ် မဲစာရင်းကို ဒီကနေ့ စတင်ကြေညာမည်

ကန္တာရဝတီတိုင်း (မ်)

လာမယ့် ရွေးကောက်ပွဲအတွက် ပထမအကြိမ် မဲစာရင်းကို ဒီကနေ့ စက်တင်ဘာလ ၃၀ ရက်နေ့ကစလို့ သက်ဆိုင်ရာ ရပ်ကွက်/ ကျေးရွာအုပ်စုကော်မရှင်အဖွဲ့ခွဲရုံးတွေနဲ့ ကျေးရွာအုပ်စု အသီးသီးမှာ ကြေညာစာကပ် ထားမယ်လို့ စစ်ကော်မရှင် လက်အောက်ခံ ပြည်ထောင်စုရွေးကောက်ပွဲကော်မရှင် UEC က စက်တင်ဘာ ၂၉ ရက်နေ့မှာ‌ ကြေညာပါတယ်။

ဒီကနေ့ကစပြီး အောက်တိုဘာ ၁၃ ရက်နေ့အထိ ရက်ပေါင်း ၁၄ ရက်ကြာ မဲစာရင်း ကြေညာ‌ပေးသွားမှာဖြစ်တယ်လို့ ဆိုပါတယ်။ ပြည့်စုံမှန်ကန်တဲ့ မဲဆန္ဒရှင်စာရင်း ရရှိရေးအတွက် အိမ်ထောင်စုတစ်ခုမှာ အနည်းဆုံး တစ်ဦး မပျက်မကွက် မဲစာရင်းလာရောက်ကြည့်ရှုဖို့ကိုလည်း တိုက်တွန်းထားပါတယ်။

မဲဆန္ဒရှင်တွေက အမည်မပါဝင်ပါက အမည်ထည့်သွင်းဖို့တောင်းဆိုစေပြီး၊ မပါဝင်သင့်သူတွေပါနေပါက ကန့်ကွက်တာ၊ မဲစာရင်းအချက်အလက်မှားယွင်းနေပါက ပြင်ဆင်လွှာ တင်သွင်းတာတွေကို ဆောင်ရွက်ဖို့ကိုလည်း UEC ကတိုက်တွန်းထားပါတယ်။

မဲဆန္ဒနယ်အဖြစ် ကြေညာမထားတဲ့ ကရင်နီပြည်က တော်လှန်ရေးတပ်ဖွဲ့ထိန်းချုပ်ရာနယ်မြေတွေမှာတော့ စစ်ကော်မရှင်တပ်နဲ့ တော်လှန်ရေး
တပ်ဖွဲ့ကြား ထိတွေ့တိုက်ပွဲ ဆက်လက်ဖြစ်ပွားနေပြီး ဒေသခံတွေကိုလည်း လက်နက်ကြီးပစ်ခတ်မှု၊ လေကြောင်းတိုက်ခိုက်မှုတွေ လုပ်ဆောင်နေဆဲဖြစ်တယ်လို့ ကရင်နီပြည်၊ ဖားဆောင်းမြို့နယ်၊ မော်ချီးဒေသက ‌ဒေသခံအမျိုးသမီးတစ်ဦးက ပြောပါတယ်။

“တော်လှန်ရေးတွေက သူ့တို့ကို ဆန့်ကျင်တယ်။ ဆန့်ကျင်တဲ့အတွက် ရွေးကောက်ပွဲကို အဟန့်အတားဖြစ်စေမဲ့ အရာဖြစ်တဲ့အတွက်ကြောင့် ‌တော်လှန်ရေးပုဂ္ဂိုလ်တွေကို မနိုင်ဘူးဆိုရင် ပြည်သူတွေကို ချမှာပဲ။ရွေးကောက်ပွဲ လုပ်မယ့် နေရာမှာတော့ အေးအေးချမ်းချမ်းရှိနေတာတွေ့ရတယ်။ ဘာဖြစ်လဲဆို မဲပေးမယ့် ပုဂ္ဂိုလ်က သူတို့နယ်မြေမှာရှိနေတော့ အထိအခိုက် အဟန့်အတားမဖြစ်အောင်တော့ သူတို့က ကာကွယ်ပေးမှာပဲ”လို့ သူက ဆိုပါတယ်။

လာမယ့် ဒီဇင်ဘာလ ၂၈ ရက်နေ့မှာ ကျင်းပမယ့် စစ်ကော်မရှင်ရဲ့ ပထမအသုတ် ရွေးကောက်ပွဲမှာ ပါဝင်ယှဥ်ပြိုင်မယ့် ကိုယ်စားလှယ်လောင်းတင်သွင်းမှုတွေကို UEC က စိစစ်နေပြီဖြစ်ပြီး ကိုယ်စားလှယ်လောင်းထပ်တိုးလာတာကြောင့် စုစုပေါင်း ၅၀၂၃ ဦးအထိရှိလာပါတယ်။

ပုံစာ - ရွေးကောက်ပွဲကော်မရှင်အဖွဲ့ခွဲက ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ်မှာ မဲစာရင်း ကပ်ထားကြေညာနိုင်ရေး၊ ပုံစံ - ၁ မဲစာရင်းတွေကို စက်တင်ဘာ ၂၉ ရက်နေ့မှာ ဖြန့်ဝေနေစဥ်

#ရွေးကောက်ပွဲ #မဲစာရင်းကြေညာ

ကရင်နီဆေးကောလိပ်ကျောင်းရဲ့ ရုံးလုပ်ငန်းအတွက် လိုအပ်တဲ့ ဝန်ထမ်းများခေါ်ယူနေ ကန္တာရဝတီတိုင်း(မ်) ကရင်နီပြည်တွင်း တစ်နေရာ...
30/09/2025

ကရင်နီဆေးကောလိပ်ကျောင်းရဲ့ ရုံးလုပ်ငန်းအတွက် လိုအပ်တဲ့ ဝန်ထမ်းများခေါ်ယူနေ

ကန္တာရဝတီတိုင်း(မ်)

ကရင်နီပြည်တွင်း တစ်နေရာမှာ ဖွင့်လှစ်ထားတဲ့ ကရင်နီဆေးကောလိပ်ကျောင်းကနေ ရုံးလုပ်ငန်းတွေအတွက် လိုအပ်တဲ့ ဝန်ထမ်းတွေကို ခေါ်ယူနေတယ်လို့ ယမန်‌နေ့ စက်တင်ဘာလ ၂၉ ရက်နေ့မှာ ကရင်နီဆေးကောလိပ်ကျောင်း(Karenni Medical College) က ထုတ်ပြန်ထားပါတယ်။

ကရင်နီဆေးကောလိပ်ကျောင်းရဲ့ ရုံးလုပ်ငန်းအတွက် ပညာရေးပိုင်းဆိုင်ရာ ရုံးအကူ (၁) ဦး ၊ ကျောင်းသားရေးရာ ရုံးအကူ (၁)ဦး၊ လက်ထောက် ဘဏ္ဍာရေးမှူး (၁)ဦး နဲ့ ကားမောင်းကျွမ်းကျင်သူ (၁) ဦး လိုအပ်ကြောင်း ဖော်ပြထားပါတယ်။

သတ်မှတ်ချက်အနေနဲ့ အထက်တန်းပြီးမြောက်သူ၊ အခြေခံ ကွန်ပျုတာ တတ်မြောက်သူ၊ အခြေခံ အင်္ဂလိပ်စာတတ်သူ၊ အသင်းအဖွဲ့နဲ့ အလုပ်လုပ်နိုင်ပြီး ဆက်ဆံရေးကောင်းမွန်သူ၊ အဖွဲ့အစည်းကနေ ချမှတ်ထားတဲ့ စည်းကမ်းတွေကို လိုက်နာနိုင်သူ နဲ့ လုပ်ငန်းအတွင်း အနည်းဆုံး ၁ နှစ်တာဝန်ထမ်းဆောင်ရမှာ ဖြစ်ပြီး အသက် ၁၈ နှစ်ကနေ ၃၅ နှစ်ကြား ရှိသူဖြစ်ရမယ်လို့လည်း သတ်မှတ်ထားတာရှိပါတယ်။

ဒါ့အပြင် တာဝန်ထမ်းဆောင်ရမည့် ကဏ္ဍ အလိုက် လိုအပ်တဲ့ လုပ်ငန်းတာဝန်နဲ့ ဝတ္တရားတွေကိုလည်း လုပ်ဆောင်နိုင်ရမှာဖြစ်တယ်လို့လည်း ဆိုထားပါတယ်။

ပါဝင် လျှောက်ထားလိုသူတွေအနေနဲ့ [email protected] ဖြစ်တဲ့ အီးမေ့လ်ကနေတဆင့် ဆက်သွယ်မေးမြန်းလာလို့ရကြောင်းကိုလည်း ထုတ်ပြန်ချက်မှာ ဖော်ပြထားပါတယ်။

ကရင်နီဆေးကောလိပ်ကျောင်းဟာ ပြီးခဲ့တဲ့ ၂၀၂၄ ခုနှစ် နိုဝင်ဘာလ ၂၀ ရက်နေ့မှာ စတင်ဖွင့်လှစ်ခဲ့ တာဖြစ်ပါတယ်။

#ဝန်ထမ်းခေါ်ယူ #ရုံးလုပ်ငန်း

ကလေးနှင့် စိတ်ဒဏ်ရာကန္တာရဝတီတိုင်း(မ်) အရွယ်ရောက်ပြီးတဲ့ လူကြီးတဦးဟာ စိတ်ဖိစီးမှုများလာတဲ့အခါမှာ “အပူအပင်မရှိတဲ့ ကလေးဘဝ...
30/09/2025

ကလေးနှင့် စိတ်ဒဏ်ရာ

ကန္တာရဝတီတိုင်း(မ်)

အရွယ်ရောက်ပြီးတဲ့ လူကြီးတဦးဟာ စိတ်ဖိစီးမှုများလာတဲ့အခါမှာ “အပူအပင်မရှိတဲ့ ကလေးဘဝကို တခါပြန်ပြီးရချင်တယ်” လို့ ညည်းတွားမိကြပါတယ်။ ငယ်ရွယ်သေးတဲ့ ကလေးလေးတွေမှာ ပူပင်စရာမရှိကြဘူးလို့ ယူဆကြတာကြောင့်လည်းဖြစ်ပါတယ်။

တကယ်တမ်းတော့ ကလေးတွေမှာလည်း စိတ်ပူပန်စရာတွေ၊ စိတ်ဓာတ်ကျစရာတွေ များစွာရှိ နေပါတယ်။ အထူးသဖြင့် ဒီလိုအကျပ်အတည်းကာလတွေမှာ ကလေးတွေဟာ သူတို့သင်ယူချင်တဲ့ ပညာတွေ အပြည့်အဝ မသင်ယူနိုင်တာ၊ လွတ်လွတ်လပ်လပ် ဆော့ကစားလို့မရတာတွေက သူတို့ကို ပိုပြီး စိတ်ဖိစီးမှုများစေမှာ အသေအချာပါပဲ။

ဒီ ၂၀၂၅ ခုနှစ်ထဲမှာပဲ ကရင်နီမှာ ကျောင်းနေအရွယ်ကလေးတဦးဟာ မိမိကိုယ်မိမိ အဆုံးစီရင်တဲ့ ဖြစ်စဉ်ရှိခဲ့ပါတယ်။ ဒါဟာ ကလေးတွေမှာလည်း သူအရွယ်နဲ့သူ စိတ်ဖိစီးမှုရှိတယ်ဆိုတာကို ဒီဖြစ်စဉ်က သက်သေပြလိုက်တာပါပဲ။

ဒါကြောင့် လူကြီးမိဘတွေအနေနဲ့ မိမိရဲ့ ကလေးတွေကို “ကလေးပဲ ဘာပူပန်စရာရှိလဲ” ဆိုပြီး သူတို့ရဲ့ ခံစားချက်တွေကို လျှော့တွက်မထားသင့်ပါဘူး။ ကလေးတွေရဲ့ စိတ်ခံစားချက်တွေကို ဂရုမစိုက်ဘဲ ပစ်ထားလိုက်ရင် သူတို့ရဲ့ ဝမ်းနည်းပူဆွေးမှုတွေဟာ ပိုပြီးနက်ရှိုင်းသွားနိုင်တယ်ဆိုတာကိုလည်း သတိထားသင့်ပါတယ်။

မြန်မာနိုင်ငံအပါအဝင် နိုင်ငံတကာမှာ အသက်မပြည့်သေးတဲ့ (၁၈) နှစ်အောက်ကို ကလေးလို့ သတ်မှတ်ထားကြပါတယ်။

ကလေးတွေဟာ လူကြီးတွေလောက် ပြဿနာတွေကြီးကြီးမားမားမရှိဘူးလို့ ထင်ရပေမဲ့ သူတို့ရဲ့ ကမ္ဘာငယ် လေးထဲမှာတော့ နေ့စဉ်နေ့တိုင်း စိတ်ဖိစီးမှုဆိုတာ ရှိမြဲဖြစ်ပါတယ်။ ဒီလိုစိတ်ဖိစီးမှုတွေကို ခံနိုင်ရည်အားရှိတာထက် ကျော်လွန်သွားတဲ့အခါ စိတ်ဒဏ်ရာဖြစ်လာတာပါ။

ကလေးငယ်တဦးဟာ သူတို့ရဲ့ အချစ်ဆုံးအရုပ်လေး ပျောက်သွားတာကအစ အိမ်မွေးတိရစ္ဆာန်လေး ဆုံးရှုံးလိုက်ရတာ၊ သူငယ်ချင်းနဲ့ အဆင်မပြေတာ၊ သူငယ်ချင်းတွေနဲ့ ခွဲခွာရတာ၊ ဆော့ကစားဖို့ အပြင် မထွက်ရတာ၊ ကျောင်းပြောင်း၊ အိမ်ပြောင်းတာတွေကအဆုံး စိတ်ဖိစီးမှုကို ဖြစ်ပေါ်စေပါတယ်။

လက်ရှိဖြစ်ပျက်နေတဲ့ ပဋိပက္ခတွေရဲ့ နောက်ဆက်တွဲဖြစ်တဲ့ အစားအစာ ဝဝလင်လင်မစားရတာ၊ လုံခြုံတဲ့နေရာမှာ မနေရတဲ့အတွက် ရာသီဥတုရဲ့ ပူလွန်း၊ အေးလွန်းတဲ့ ဒဏ်တွေခံစားရတာ၊ လက်နက်ကြီးသံ၊လေယာဉ်ဝဲတွေ၊ ပတ်ဝန်းကျင်ရဲ့ စိတ်ကြွ၊ သွေးကြွပြီး ပြုမူလုပ်ဆောင်နေတဲ့ အဖြစ်အပျက်တွေကလည်း ကလေးတွေကို စိတ်ဖိစီးမှုဖြစ်စေတာပါ။

ဒါတွေအပြင် သူ့ရဲ့ မိဘနှစ်ပါး ကွဲသွားတာ (သို့မဟုတ်) မိဘတွေက ခဏခဏ စကားများတာ၊ အိမ်တွင်းအကြမ်းဖက်မှုဖြစ်ပွားတာ၊ မိဘတွေက အချိန်မပေးနိုင်တာ၊ မိဘတွေအနေနဲ့ သားသမီးတွေ အပေါ် မျှတစွာ ပြုမှုဆက်ဆံမှုမရှိတဲ့အချိန်တွေမှာ ကလေးငယ်တွေဟာ စိတ်ဖိစီးမှုကနေ စိတ်ဒဏ်ရာ အထိ ဖြစ်နိုင်ပါတယ်။

နောက်ထပ်သတိထားရမယ့်အချက်က ပတ်ဝန်းကျင်မှာ ကလေးအကြီးတွေက ကလေးအငယ်တွေကို နိုင်ထက်စီးနင်းပြုတာတွေ မြင်တွေ့ရတဲ့အခါ သူတို့ဟာ ကြောက်စိတ်တွေဝင်ပြီး လူတွေကို ကြောက်တတ်တဲ့ စိတ်တွေကိုလည်း ဖြစ်ပေါ်စေနိုင်ပါတယ်။

ကလေးဆိုတာ အင်မတန်နုနယ်သေးတဲ့အရွယ်ဖြစ်သလို သူတို့ရဲ့နေ့စဉ်နေ့တိုင်း တိုးတက်မှုတွေအတွက် အနီးဆုံးမှာရှိတဲ့သူတွေကို အတုခိုးပြီး ဘဝသင်ခန်းစာတွေ သင်ယူနေတာဖြစ်ပါတယ်။ ဒါကြောင့် လူကြီးမိဘတွေအနေနဲ့ မိမိရဲ့ ကလေးတွေကို ကောင်းတဲ့အပြုအမူတွေနဲ့ နွေးထွေးကြင်နာစွာနဲ့ ဆက်ဆံသင့်ပါတယ်။

ကလေးတွေမှာ စိတ်ဖိစီးမှုဖြစ်တဲ့အခါ လူကြီးတွေလို သိသာတဲ့ လက္ခဏာတွေမပြတတ်ကြတာကြောင့် မိဘတွေနဲ့အနေနဲ့လည်း ကလေးရဲ့စိတ်ဖိစီးမှုကို အမှတ်တမဲ့ဖြစ်နေတတ်ပါတယ်။ ဒါပေမဲ့ အကဲခတ်လို့ ရပါတယ်။

မိမိရဲ့ကလေးက ပုံမှန်နေ့တွေနဲ့မတူဘဲ အာရုံစူးစိုက်မှုနည်းနေတာ၊ ရန်လိုတဲ့ အမူအရာတွေပြတာ၊ ဒေါသဖြစ်တာ၊ တယောက်တည်းနေရမှာကြောက်တာ၊ ညအမှောင်ကိုကြောက်တာ၊ ဂဏာမငြိမ်တာ၊ တယောက်တည်းနေနေတာ စတာတွေက စိတ်ဖိစီးမှုဖြစ်နေတယ်ဆိုတာ သေချာပါပြီ။

ဒါကြောင့် ကလေးရဲ့ အသက်အရွယ်နဲ့ သူ့ရဲ့ ဖွံ့ဖြိုးလာတဲ့ အခြေအနေပေါ်မူတည်ပြီး သင့်တော်တဲ့ အပြုအမူတခုခုနဲ့ စိတ်ဖိစီးမှုရဲ့ သဘောတရားတွေကို သိနားလည်အောင်နဲ့ လျော့ကျသွားအောင် လုပ်ပေးရမှာ ဖြစ်ပါတယ်။

လူကြီးမိဘတွေအနေနဲ့ ကလေးငယ်တွေရဲ့ စိတ်ဖိစီးမှုကို နည်းမျိုးစုံနဲ့ ကာကွယ်နိုင်ပါတယ်။ သူတို့ရဲ့ နားလည်မှုလွဲနေတာလေးတွေကိုလည်း တည့်တည့်မတ်မတ်ဖြစ်သွားအောင် (သို့မဟုတ်) လျော့အောင် လုပ်ပေးနိုင်ပါတယ်။

ကလေးတွေရဲ့ ပတ်ဝန်းကျင်မှာလည်း သူ့တို့တွေပျော်အောင် ကစားခိုင်းပြီး၊ သူလိုအပ်တာလေးတွေကို ထောက်ပံ့ ကူညီပေးတာကလည်း စိတ်ဖိစီးမှုကို လျော့ချပေးနိုင်ပါတယ်။ သူတို့ရဲ့ လိုအပ်တာလေး တွေကို စီမံလုပ်ကိုင်ပေးတာ၊ သူတို့ရဲ့ ခံစားချက်လေးတွေကို သင့်လျော်တဲ့နည်းလေးတွေနဲ့ ဖော်ဆောင် ပေးတာတွေလည်း သူတို့ကို စိတ်ဖိစီးမှုလျော့ချတာကို ကူညီနိုင်ပါတယ်။

မိမိရဲ့ကလေးငယ်တွေရဲ့ စိတ်ဖိစီးမှုတွေလျော့ချအောင် ကူညီပေးခြင်းဖြင့် သူတို့ရဲ့ ဘဝမှာ အကောင်းမြင်တတ်တဲ့၊ အပြုသဘောဆောင်တဲ့ လူငယ်အဖြစ် သူတို့ရဲ့ဘဝကို အသင့်လျော်ဆုံး လျှောက်လှမ်းနိုင်တယ်ဆိုတာ မျှဝေပေးလိုက်ပါတယ်။

ကိုးကား - NUG MOH website

ဒီးမော့ဆိုမြို့နယ် အနောက်ခြမ်း၊ ဖရူဆိုမြို့နယ် အရှေ့ခြမ်း နဲ့ ဖယ်ခုံမြို့နယ် ပီကင်းဈေးမှာ ရောင်းချပေးနေတဲ့ ကုန်ဈေးနှုန်း...
30/09/2025

ဒီးမော့ဆိုမြို့နယ် အနောက်ခြမ်း၊ ဖရူဆိုမြို့နယ် အရှေ့ခြမ်း နဲ့ ဖယ်ခုံမြို့နယ် ပီကင်းဈေးမှာ ရောင်းချပေးနေတဲ့ ကုန်ဈေးနှုန်းများ

ကန္တာရဝတီတိုင်း (မ်)

စက်တင်ဘာလ (၂၉) ရက်နေ့မှာ ကောက်ယူထားတဲ့ ဒီးမော့ဆိုမြို့နယ် အနောက်ခြမ်း၊ ဖရူဆိုမြို့နယ် အရှေ့ခြမ်း နဲ့ ဖယ်ခုံမြို့နယ် ပီကင်းဈေးက အခြေခံစားသောက်ကုန်ဈေးနှုန်းတချို့ နဲ့ စက်သုံးဆီစျေးနှုန်းတွေပဲ ဖြစ်ပါတယ်။ ကုန်ဈေးနှုန်းတွေနဲ့ စက်သုံးဆီ ဈေးနှုန်းတွေဟာ အချိန်နဲ့အမျှ အပြောင်းအလဲ ရှိနိုင်သလို ရောင်းချတဲ့ ဈေးဆိုင်ပေါ်မူတည်ပြီးလည်း ဈေးနှုန်းကွာဟမှု အနည်းငယ် ရှိနိုင်ပါတယ်။

30/09/2025

“မှန်ကန်တဲ့ရှေးဦးသူနာပြုစုနည်းနဲ့ အသက်ကယ်ပါ”
မြေမြှုပ်မိုင်းတစ်မျိုးမျိုး ဒါမှမဟုတ် စစ်ကျန်လက်နက်ပစ္စည်းတစ်ခုခုပေါက်ကွဲပြီး ထိခိုက်ဒဏ်ရာသူကို မှန်ကန်တဲ့ ရှေးဦးသူနာပြုစုနည်းနဲ့ ပြုစု ပေးရပါမယ်။
အရင်ဆုံးတော့ ထိခိုက်မိသူဟာ အသက်ရှူ၊ မရှူ စစ်ဆေးရပါမယ်။
ဒါ့အပြင် လူနာ အသက်ကောင်းကောင်းရှူနိုင်ဖို့ လေပြွန်လမ်းကြောင်း ပိတ်ဆို့မှုမဖြစ်စေဖို့လည်း လုပ်ပေး ရပါမယ်။
ခြေထောက်နဲ့ လက်မှာ ဒဏ်ရာရတယ်ဆိုရင် ဒဏ်ရာကို သန့်စင်တဲ့ရေနဲ့ ဆေးကြောပေးပြီး ပတ်တီး ဒါမှမဟုတ် လွယ်လွယ်ကူကူရနိုင်တဲ့ အဝတ်စတွေနဲ့ ဒဏ်ရာပေါက်ကို ဖိသိပ် စည်းနှောင်ရပါမယ်။ လိုအပ်ရင် သွေးထွက်တာကို ထိန်းဖို့ ချိုင်းနဲ့ ပေါင်ခြံမှာရှိတဲ့သွေးလွှတ်ကြောမကြီးကို ဖိထားရပါမယ်။
လူနာကို ပက်လက်လှန်ထားပြီး ဒဏ်ရာရထားတဲ့ ခန္ဓာကိုယ်အစိတ်အပိုင်း ဖြစ်တဲ့ လက် (သို့မဟုတ်) ခြေထောက်ကို နှလုံးထက်မြင့်တဲ့နေရာမှာ မြှောက်ထားဖို့လည်း လိုပါတယ်။ ဦးခေါင်းထိခိုက် ဒဏ်ရာရ ထားရင် ငြိမ်အောင်ထားပေးပါ။
အခြေအနေပေးတာနဲ့ လူနာကို အနီးဆုံး ဆေးကုသရာနေရာဆီ အမြန်ဆုံးပို့ဆောင်ရပါမယ်။
တကယ်လို့ လူသားချင်းစာနာထောက်ထားမှုဆိုင်ရာ မိုင်းလုပ်ငန်းဆောင်ရွက်နေတဲ့အဖွဲ့အစည်းတွေရှိရင် ဆက်သွယ်အကူအညီရယူပါ။
"Disclaimer: This video is for educational awareness only. It does not promote violence or provide instructions. Viewer discretion is advised."

ဒီးမော့ဆိုအနောက်ခြမ်း တစ်နေရာကို လက်နက်ကြီးကျရောက်ပြီး နေအိမ်တချို့ထိမှန်ပျက်စီး ကန္တာရဝတီတိုင်း (မ်)ကရင်နီပြည်၊ ဒီးမော့...
29/09/2025

ဒီးမော့ဆိုအနောက်ခြမ်း တစ်နေရာကို လက်နက်ကြီးကျရောက်ပြီး နေအိမ်တချို့ထိမှန်ပျက်စီး

ကန္တာရဝတီတိုင်း (မ်)

ကရင်နီပြည်၊ ဒီးမော့ဆိုမြို့နယ် အနောက်ဖက်ခြမ်းတစ်နေရာကို ဒီကနေ့ စက်တင်ဘာလ ၂၉ ရက်နေ့ မနက် (၁၀) နာရီဝန်းကျင်အချိန်မှာ စစ်ကော်မရှင်တပ်က ပစ်ခတ်တဲ့ လက်နက်ကြီးကျရောက်ပေါက်ကွဲမှုကြောင့် ဒေသခံတွေရဲ့ နေအိမ်တချို့ ထိမှန်ပျက်စီးခဲ့တယ်လို့ ဒေသခံတွေက ပြောပါတယ်။

ဒီးမော့ဆိုအနောက်ခြမ်းက ကျေးရွာ နှစ်ခုမှာ လက်နက်ကြီးကျရောက်ခဲ့တာဖြစ်ပြီး လူထိခိုက်မှု မရှိဘူးလို့ သိရပါတယ်။

" လက်နက်ကြီးကျသွားတာက (၁၀)နာရီဝန်းကျင်လောက်ပေါ့။လူတော့ မထိခိုက်ပါဘူး။ ဒါပေမယ့် ဆုံးရှုံးမှုတော့ နည်းပါးရှိတယ်ပေါ့နော်။ ကျတာက သုံးလုံး အိမ်ထိခိုက်မှုက သုံးလုံးလောက်ရှိပါတယ်။ ဒါပေမယ့် သုံးလုံးထဲမှာ တစ်လုံးက ပျက်စီးမှုပိုများတယ်။” လို့ နေအိမ်ပျက်စီးခဲ့တဲ့ ဒေသခံအမျိုးသားတစ်ဦးက ပြောပါတယ်။

နေအိမ်အပြင် လက်ကိုင်ဖုန်းတစ်လုံး ၊အင်ဗာတာ နှစ်လုံး၊ အဝတ်အစားတွေလည်း ပျက်စီးခဲ့ပြီး အနီးအနားက နေအိမ်တွေမှာလည်း လက်နက်ကြီးစ ထိမှန်ခဲ့တယ်လို့ သူက ဆက်ပြောပါတယ်။

“ကျနော့် အနေနဲ့ကတော့ စစ်ဘေးရှောင်တွေ ပြည်သူထုတွေရဲ့ အိုးအိမ်တွေရှိတဲ့ ဖက်ကို ဒီလိုမျိုးပစ်လာတာတော့ မကောင်းဘူးလို့ ကျနော်ကတော့ ယူဆမိတယ်ပေါ့။ဆုံးရှုံးသွားတဲ့ ပစ္စည်းတွေလဲ ဝယ်ရမယ့် အချိန်ဆို ပိုက်ဆံတွေ လေး၊ ငါးလ လောက်စု ရမယ့် အရာကို သူတို့က (စစ်ကော်မရှင်) တစ်ရက်ထဲနဲ့ပဲ ပစ်ခတ်သွားတာမျိုး ပျက်သွားတာမျိုးပေါ့။အဲ့လို ဆုံးရှုံးသွားတော့ ကျနော်တို့လဲ နှမြောမိတယ်ပေါ့” လို့ ဒေသခံတစ်ဦးက ပြောပါတယ်။

ဒီးမော့ဆိုမြို့ပေါ်မှာ စစ်ကြောင်းထိုးလာတဲ့ စစ်ကော်မရှင်တပ်နဲ့ တော်လှန်ရေးပူးပေါင်းတပ်တို့ နှစ်ဖက်ထိတွေ့တိုက်ပွဲ နေ့စဉ်ရက်ဆက်ဖြစ်ပွားနေတာပါ။ စစ်ကော်မရှင်တပ်က ဒီးမော့ဆိုမြို့နယ်အတွင်းက လူထုရှိရာဖက်ကို လက်နက်ကြီး မကြာခဏ ပစ်ခတ်နေတာကြောင့် ဒေသခံတွေနဲ့ စစ်ဘေးရှောင် လူထုတွေဟာ စိုးရိမ်ပူပန်မှုနေကြပါတယ်။

#စစ်ကော်မရှင် #လက်နက်ကြီးကျ #လူထုအိုးအိမ်ပျက်စီး

ที่อยู่

1070/34 Soi Pridipanomyong 48, Sukhumvit 71 Road, Klongtan Nua, Watana, Thailand 10110
Bangkok
20102

เวลาทำการ

จันทร์ 09:00 - 17:00
อังคาร 09:00 - 17:00
พุธ 09:00 - 17:00
พฤหัสบดี 09:00 - 17:00
ศุกร์ 09:00 - 17:00

เว็บไซต์

http://www.ktnews.org/, http://t.me/kantarawaddy

แจ้งเตือน

รับทราบข่าวสารและโปรโมชั่นของ Kantarawaddy Timesผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ ธุรกิจของเรา

ส่งข้อความของคุณถึง Kantarawaddy Times:

ทางลัด

แชร์

ประเภท

Our Story

Kantarawaddy Times ( KT ) is only Karenni's Independent Media in Karenni (Kayah) State, Myanmar. KT features latest multimedia news and local news. KT also brings topics forth that often goes under-reported, listening to all sides of the story and giving a voice to the voiceless. Our impartial, fact-based reporting wins State's praise and respect which is a unique brand of Journalism that local and others have come to rely on. At Kantarawaddy Times, we focus on PEOPLE and the issues that impact their lives.