A Living Thing Called Tohn

07/01/2026

No Watch,No Date!
2025 တုန်းကထွက်ထားတဲ့ ဒီရုပ်ရှင် ၃ခုကို မကြည့်ထားရင် 2026 မှာ ရည်းစားမထားပါနဲ့။
တကယ့်ကို Must Watch တွေမို့ အများကြီး ထပ်မညွှန်းတော့ဘူး။ကိုယ်တိုင်တော့ တစ်ကားကို ၃ခါလောက်ကြည့်ပြီး အရမ်းကြိုက်လွန်းလို့ ရည်းစားထားဖို့စိတ်ကူးရှိရင်/တစ်ယောက်ယောက်ကို တွေ့ဖို့ကြံနေတယ်ဆို ဒီ၃ကားကို ကြည့်ပြီး တစ်ခုခုရမှာသေချာပါတယ်။ ကိုယ်က နဂိုအခံ စောက်**ကျင့်ကောင်းပြီး လူတစ်ယောက်နဲ့ အတည်တံ့ဘဝကို ဖြတ်သန်းချင်စိတ်ရှိမှကြည့်ရင်တော့ပိုကောင်းတယ်။ မဟုတ်ပဲ ရှုပ်ချင်သေးတယ် အပျော်တွေပဲထားပြီး ပတ်ဒိတ်ချင်သေးတာပါဆိုရင်တော့ အချိန်ကုန်ခံပြီးကြည့်မနေနဲ့ သူတောင်းဇား 🤗😘

01/01/2026

Happy New Year to everyone!
လူတွေမှာ ကိုယ့်ကိုယ်ချစ်တတ်အောင် လုပ်တဲ့ပုံစံတွေ တစ်ယောက်တစ်မျိုးရှိကြမှာပဲ Tohn မှာလဲ ရှိတယ်။
တခါတလေ ကိုယ်လိုချင်တာလေးတွေ ကိုယ့်ကိုယ်ကို ပြန်ဝယ်ပေးရင်း ငါ့လိုအပ်ချက်လေးတွေ ငါ့အင်အားလေးနဲ့ ဖြည့်နိုင်နေသေးသားပဲ ၊ အခန်းတွေရှင်း မီးဖိုချောင် အိမ်သာ ရေချိုးခန်းတွေ တိုက်ဆေးရင်း ငါ့တကိုယ်စာဝန်းကျင်ကို သန့်ရှင်းတောက်ပြောင်နေအောင် ထားနိုင်နေတယ် ၊ပြီးရင် scrub လေးတိုက် ရေချိုးခေါင်းလျှော် skincare လေးလုပ်ပြီး ကိုယ့်ကြည့်ချင်တဲ့ ရုပ်ရှင်လေးကြည့်ပြီး ပုတီးလေးစိပ် အိပ်ရတဲ့ညတွေလဲ ကြိုက်တယ်။
အဲ့တာတွေထဲမှာမှ New Year ဆို လှတပတလေးဝတ်စားပြီး အပြင်သွားရတာကြိုက်တယ်။
အဓိပ္ပာယ်တစ်ခုခုပါတဲ့ ဝတ်စုံလေးဝတ်ရတာလဲ ကိုယ့်ကိုယ်ကို ချစ်တတ်အောက်လုပ်တဲ့ Tohn ရဲ့နည်းလမ်းတွေထဲက တစ်ခုပါပဲ။
ဒီနှစ်တော့ Tohn ရဲ့ Dress Creator အကိုက Tohn ကိုကြည့်ပြီး ဒီဝတ်စုံလေးဖန်တီးပေးခဲ့ပါတယ်။ သူပေးချင်တဲ့ message ကတော့ အစီအစဉ်မရှိ သေချာမပြင်ဆင်လာရပဲ ဖရိုဖရဲလေး ကောင်းကင်ကနေကျလာပြီး လူ့ပြည်က Festival မှာ လာပျော်တာတဲ့ 😬😅
တကယ်တော့ ၂၀၂၅ ဟာ Tohn အတွက် တော်တော်ခက်ခဲတဲ့နှစ်ထဲမှာပါခဲ့တယ်။ တစ်နှစ်လုံးနီးပါးကျန်းမာရေးညံ့ခဲ့တယ်။စိတ်ဓာတ်တွေကျ၊ခန္ဓာကိုယ်လဲ ပုံပျက်၊အသဲတောင်ကွဲလိုက်သေး 😅
ဒါပေမဲ့ အဲ့တာတွေကြားကနေ နှစ်ကုန်ခါနီးမှာ Tohn ကျန်းမာရေးလိုက်စားမိခဲ့တယ်။ Workout အရမ်းလုပ်မိခဲ့တယ်။တကယ်တော့ မိနစ်၃၀ ထပ်ပိုပြီးလမ်းလျှောက်ရင် အတွေးတွေမများတော့ဘူးဆိုပြီးရေးထားတဲ့စာတစ်ခုကို မြင်လိုက်လို့ပါ။🤣
အဲ့တာနဲ့ လမ်းတွေအသေလျှောက်ခဲ့တာ မေ့နိုင်အောင်/စိတ်ထားတတ်အောင် …
Body ပြောင်းလာတာကနေ Mind ပါလိုက်ပြောင်းလာတယ်။စိတ်ကတည်ငြိမ်လာလေလေ ကိုယ်ဘာဖြစ်ချင်လဲ ပိုမြင်လာလေလေပဲ၊ စိတ်ကြည်လင်တော့ ကံလဲကောင်းတယ်။ မထင်ထားတဲ့အရာတွေတောင် ရလာတယ်။(ဘာတွေလဲဆိုတာတော့ ‘ဥ’ ထားလိုက်ဦးမယ် ဟီး)
Tohn ဘဝမှာ ဘယ်အရာကိုမှ သေချာစီစဉ်ထားပြီး လုပ်လို့မဖြစ်ခဲ့ဘူး။ မမျှော်လင့်ထားတဲ့အချိန်မှာကျရောက်လာသမျှကိစ္စတိုင်းကို Improvise လုပ်ခဲ့ရတာတွေများတယ်။ ပြီးရင် အဲ့လိုအချက်တွေနဲ့ပဲ အရွေးခံရတာများတယ်။

အဲ့တာကြောင့် Dress Creator ကလဲ မအားတဲ့ကြားက ဒါလေး လက်ဆောင်ချုပ်ပေးခဲ့တယ်။ Angel က ကမန်းကတန်းနဲ့ ခုန်ချခဲ့လိုက်ပြီး လူ့ပြည်ရောက်မှ အလွယ်သဘော Converse လေးစီး၊ခပ်မြန်မြန် Jean pant အတိုလေးကောက်ဝတ်လာတဲ့သဘောပေါ့
Dress ရဲ့ Message အရ အမြန်ဆင်းလာရပြီး လူပြည်ကကိစ္စအဝဝနဲ့ သိပ့်မရင်းနှီးခင်မှာ အဆင်ပြေအောင် ကိုယ့်ကိုယ်ကိုဘယ်လိုအမြန်ဖြေရှင်းလိုက်သလဲ ဆိုတာပါပေါ့။
တဖက်မှာ ဖရိုဖရဲ မလုံတလုံဖြစ်နေပေမဲ့ workout လုပ်ထားတော့ ပေါ်နေတဲ့ ကိုယ့်အစိတ်အပိုင်းတွေကနေ တဆင့် ကိုယ့်ကိုယ်ကိုပိုချစ်လာတယ်။ နောက်ကျောဘက်လေးကအစ ဓာတ်ပုံရဲရဲတင်းတင်းရိုက်ရဲလာတယ်။
အမှန်တိုင်းဝန်ခံရရင် Tohn ရဲ့ Body က မလှနေပါဘူး။ ခန္ဓာကိုယ်မှာ ရှေ့တည့်တည့်ကကြည့်ရင် Curve တွေ shape တွေမရှိနေဘူး။ ကျောပြည့်တော့ ဘေးကကြည့်လဲ shape မသိသာဘူး။
မနှစ်ကဆို ကိုယ့်ဘာသာ အရမ်းကြီး Confidence မရှိခဲ့လို့ ဘေးတင်ပါးနားလေးတွေမှာ အဖောင်းပုံစံလေးဖြစ်အောင်လုပ်ခိုင်းခဲ့တယ်။
ဒီနှစ်တော့ မလိုတော့ပါ …ကိုယ်ကိုယ့်ကို အရမ်းချစ်လာ 🫠😘

21/12/2025

ဒီနေ့ ထိုင်းနိုင်ငံ၊ ဘန်ကောက်မြို့ หอภาพยนตร์ Thai Film Archive ၊Red Elephant Theatre မှာ Tohn ရဲ့ Non Actor အနေနဲ့ ပါဝင်ခဲ့တဲ့ “မြစ်ဝ Of The Sea” ပြပါတယ်။
Congratulations to Mouth Of The Sea’s team.

19/12/2025

"ယောင်္ကျားတစ်ယောက်ရဲ့ မအောင်မြင်သေးတဲ့ အခြေအနေကို စောင့်ပေးဖို့ ကိုယ့်မှာ စိတ်ရှည်သည်းခံမှု အပြည့်ရှိတယ်။ ဒါပေမဲ့ ကိုယ့်အတွက် မဟုတ်တော့တဲ့ နှလုံးသားတစ်ခုကို စောင့်နေဖို့တော့ အချိန်အပိုမရှိဘူး။ ခက်ခဲတဲ့အချိန်တွေမှာ လက်တွဲဖော်ကောင်း တစ်ယောက်အဖြစ် ရှိပေးနိုင်ပေမဲ့၊ ကိုယ့်ကိုမချစ်တော့တဲ့သူတစ်ယောက်ရဲ့ ဘေးမှာတော့ အရိပ်တစ်ခုလို ကပ်တွယ်မနေချင်ဘူး။"
ကိုယ်ဟာ အခြေနေပေါင်းစုံကိုကြုံတွေ့ပြီးနေခဲ့ရပြီးလို့လားမသိဘူး ဆင်းရဲ ချမ်းသာဟာ ကိုယ့်အတွက် အရမ်းကြီးထည့်စဉ်းစားမနေခဲ့မိဘူး။ကိုယ့်အတွက်ဆို “ဆင်းရဲခြင်း” က ကြောက်စရာမဟုတ်ပဲနဲ့ ဆင်းရဲခြင်းရဲ့ဒဏ်ကို မခံနိုင်တာကမှသာ ကြောက်စရာလို့ ခံယူထားတယ်။ပြီးတော့ “အချစ်မရှိမှာ” ပဲပိုကြောက်တယ်။ အချစ်ဟာ ဗိုက်တော့မပြည့်ဘူး ဟုတ်တယ် ဒါမဲ့ မျှော်လင့်စရာတော့ကောင်းတယ်။ အနာဂတ်အတွက် ရုန်းကန်နေရတဲ့ ပင်ပန်းမှုတွေကို အတူထမ်းပိုးပေးဖို့ဆို အချစ်ရှိမှပဲရမှာ။ ဒါပေမဲ့ တစ်ယောက်ယောက်ရဲ့ကမ္ဘာထဲမှာ ကိုယ်ဟာ မလိုအပ်တဲ့သူ ဖြစ်နေပြီဆိုရင်တော့... ကိုယ့်ဘက်က အတင်းအကျပ် နေရာယူမှာ မဟုတ်သလို၊ သူ့ရဲ့ လျစ်လျူရှုမှုတွေကိုလည်း စောင့်စားနေမှာ မဟုတ်ဘူး။တချို့တွေက မပြည့်စုံသေးလို့ပါဆိုတဲ့အကြောင်းပြမျိုးနဲ့ မလိုချင်တဲ့သူကို တွန်းဖယ်ထားကြတယ်။ သူတို့တကယ်လိုချင်တဲ့အခါ ဘယ်လိုမပြည့်စုံမှုပဲ ရှိရှိ အနားမှာ ဒီတစ်ယောက်တော့ မြဲစေဖို့ ထားမှာပါ။
ကိုယ်လေ …”စောင့်ရမှာ မကြောက်ဘူး... မသေချာတဲ့အရာကို စောင့်ရမှာပဲ ကြောက်တာ။ မင်း မအောင်မြင်သေးတာကို စောင့်ပေးရတာ ဂုဏ်ယူစရာလို့တောင် ထင်မိသေးတယ်။ ဒါပေမဲ့ ကိုယ့်ကိုမချစ်တဲ့သူတစ်ယောက်ဆီက အချစ်ကို တောင်းတပြီး စောင့်ရတာကတော့ ကိုယ့်ကိုယ်ကိုယ် သတ်နေသလိုပဲ။ ကိုယ်ချစ်တဲ့သူ ခက်ခဲချိန်မှာ သူ့အနားမှာ အရှိချင်ဆုံးက ကိုယ်ပဲဖြစ်ချင်တယ်။ ဒါပေမဲ့ အဲ့တစ်ယောက်ယောက်စိတ်ထဲမှာ ကိုယ့်အတွက်နေရာမရှိတော့ဘူးဆိုရင်တော့ အဝေးဆုံးကို အရင်ဆုံး ထွက်ခွာသွားမယ့်သူကလည်း ကိုယ်တိုင်ပဲ ဖြစ်လိမ့်မယ်။

08/12/2025

ရုပ်ရှင်ဇာတ်ကောင်တွေဟာ တခါတလေ ကိုယ့်ကိုယ်ကို ထင်ထင်ရှားရှား ပြန်မြင်စေနိုင်တယ်။
ကိုယ်ဟာ ရုပ်ရှင်အရမ်းကြီးလဲ အကြည့်နာသူမဟုတ်တော့ ကိုယ့်ဘေးကလူတချို့လောက်နဲ့ကလွဲရင် ဘယ်တုန်းကမှ ရုပ်ရှင်နဲ့ပတ်သက်လို့ လေမကန်ဘူး။ရုပ်ရှင်အကြောင်းတွေလဲ တက်ရေးဖြစ်မှာမဟုတ်ဘူး။ရုပ်ရှင်ဟာ ကိုယ့်ဘဝထဲမှာအချစ်လောက်ကြီးတယ်။အချစ်ထပ်ကြီးရင်လဲကြီးလောက်တယ်။
ဒီတော့ ရုပ်ရှင်ကိုလဲချစ်တတ်တဲ့လူတစ်ယောက်အနေတော့ ကိုယ့် page မှာ ရုပ်ရှင်တွေကို မဝေဖန်ပဲ ရုပ်ရှင်တွေက ကိုယ့်ကို ဘယ်လိုအလင်းပြလဲဆိုတာလေး ရေးချင်တယ်။

🎞️❤️Modern Love Series (Season 1) ရဲ့ Episode.6:So he looked like dad.Is was just a dinner,Right?

Daddy issue???
👨🏽‍🦳တကယ်တော့ Daddy issue ဆိုတာ စိတ်ပညာ (Psychology) ရဲ့ တရားဝင် အခေါ်ဝေါ်မျိုးတော့ မဟုတ်ဘူး။ ဖခင်နဲ့ကလေးဘဝမှာ ဆက်ဆံရေးပုံစံမမှန်ခြင်းကြောင့် အသက်ရွယ်ရလာအခါမှာ တွေ့ရတဲ့ ဆက်ဆံရေး ဥပမာ သားသမီးရည်းစားဆက်ဆံရေးတွေမှာ ဘယ်လိုသက်ရောက်မှူဖြစ်စေလဲ ဆိုတာတွေပါပဲ။

🎞️📹ဇာတ်လမ်းထဲမှာတော့ Mast Cast ဖြစ်တဲ့ Maddy က သူ့အသက် ၁၁နှစ်လောက်မှာ သူ့အဖေသေဆုံးမှု(Abandonment by Death)ကြောင့် အခု အသက်၂၁ အရွယ်ထိ အဖေတစ်ယောက်ကချစ်ပေးတဲ့အချစ်မျိုးကို ရှာဖွေတာမျိုးဖြစ်ပြီး၊
Tohn အဖြစ်မှာကတော့ စိတ်ပိုင်းဆိုင်ရာ စွန့်ပစ်ခံရတာမျိုး(Emotional Abandonment)ကြောင့်၊ ကိုယ်ထိလက်ရောက် အကြမ်းဖက်ခံရမှု(Physical Abuse) ကြောင့် ဖခင်နဲ့လုံခြုံတဲ့ဆက်ဆံရေးမျိုးမရှိခဲ့ခြင်းပါ။

_Attached ဖြစ်လွယ်
Tohn အတွေ့ကြုံအရဆိုရင် သူစိမ်းယောင်္ကျားလေးတစ်ယောက် ရုပ်ပိုင်းဆိုင်ရာအရ ကိုယ့်ကြိုက်တဲ့ပုံမျိုးလဲဟုတ်နေမယ်၊ ကြိုက်တဲ့ သီချင်းအမျိုးစားတချို့နဲ့ ကြည့်တတ်တဲ့ ရုပ်ရှင်တချို့လဲ တူသလောက်ရှိမယ်၊ ကောင်းလဲကောင်းပေး ဂရုကလဲစိုက်တတ်သေးဆိုရင် တူတူရှိတာ တစ်နှစ်နီးပါးလောက်ဆို ကိုယ့်ဘက်ကနေ စပြီး Attached ဖြစ်လာပါပြီ။
စိတ်ပညာရှူထောင့်ကနေပြန်ကြည့်ရင် အဲ့အခြေနေမျိုးဟာ ကိုယ့်အဖေဆီကမရခဲ့တဲ့ တန်ဖိုးထားမှု(Validation) နှင့် အသိမှတ်ပြုမှု(Recognition)ကို ပြင်ပလူဆီက အလျင်အမြန် ဖြည့်ဆည်းလိုက်သလိုမျိုး

_စွန့်ပစ်ခံရမှာကို ကြောက်ခြင်း
ကလေးဘဝတုန်းက ရိုက်နှက်ခံရတာများတာ/အချစ်မခံရတာများတာမျိုးကြောင့် စိတ်ပိုင်းဆိုင်ရာ မလုံခြုံမှု (Insecurity) ကြီးက အမြစ်တွယ်သလိုဖြစ်နေတတ်တော့ ဘယ်တော့ထားခဲ့မှာလဲဆိုတဲ့အသိကြီးက ကြိုးစားမေ့လဲ တချိန်ချိန်ထထပေါ်လာတတ်တာမျိုး

_တဖက်က မလိုချင်တော့တဲ့ချိန်မှာလဲ လိုက်ကပ်တွယ်မိခြင်း
တန်ဖိုးထားခံရတဲ့ ခံစားချက်ကို ကောင်းကောင်းမသိပဲ ကြီးပြင်းလာရတဲ့အချိန်မှာ စွန်ပစ်ခံရတာကိုပဲ တားဆီးဖို့အရင်ကြိုးစားတယ်။ ကိုယ်ပိုင်ခံစားချက်နဲ့တန်ဖိုးကို ရုတ်တရပ် သို့ လုံးလုံးလျားလျားမေ့သွားပြီး ဆက်ဆံရေးကို လွယ်လွယ်လွှတ်မချနိုင်တာမျိုး
(Inability to let go)

_ဆောက်တည်ရာမရဖြစ်ခြင်း/ဂဏာမငြိမ် အတွေးများခြင်း
စိတ်ပိုင်းဆိုင်ရာ မတည်ငြိမ်မှု (Emotional Instability) နဲ့ စိတ်ပင်ပန်းမှု လွန်ကဲလာခြင်း(Anxiety) တို့ကို ခံစားလာရတတ်တယ်။

အဲ့တော့ ကောင်းတာတွေရှိမနေဘူး ဆိုတော့ ဟုတ်ပြီ … ဘာတွေလုပ်ကြမလဲ?
အရာရာထပ်ပိုပြီး လူတစ်ယောက်ကို ချစ်မိနေပြီလား?
အဲ့တာဆိုရင်တော့
__ရှင်းပါတယ်။ အရင်ဆုံးတော့ Attachment တွေကို ရှောင်ရမှာပါ။ သူစိမ်းတစ်ယောက်က ချီးကျူးတာပဲဖြစ်ဖြစ် ကိုယ့်အပေါ်တစ်ခုခုကောင်းပေးတိုင်း ကိုယ့်ရဲ့ တန်ဖိုး (Self-Worth) လို့လဲ တွေးပါ။ မမျောပါနဲ့ ရအောင်တွေးပါ။
__Self-Sufficient ဖြစ်အောင်နေပါ။
ကိုယ့်ရဲ့စိတ်ခံစားမှုတွေအတွက် Physical needs ပဲဖြစ်ဖြစ် Emotional needs ပဲဖြစ်ဖြစ် ကိုယ့်ဘာသာလဲ ဖြည့်စည်းတတ်ဖို့ ကြိုးစားပါ။
Tohn မှာဆို တစ်ခုရှိတယ်။ဘယ်တော့မှ အစတွေမှာ ကိုယ်တတ်နိုင်တဲ့ပမာဏထပ်ပိုပြီး သူများဆီကမယူပြီး။ရုပ်ရှင်လက်မှတ်ဖိုးစိုက်ရင် ကော်ဖီဖိုးပြန်ရှင်းနိုင်ရမဲ့ Amount တွေနဲ့ပဲတွေ့တယ်။
တဖက်ကနေ ကိုယ်လက်ခံလိုက်တဲ့စျေးနှုန်းက ကိုယ့်ဝင်ငွေနဲ့လဲ ကိုယ်ဝယ်နိုင်တဲ့ပမာဏပဲလက်ခံတယ်။
အဲ့လိုနဲ့ ပြင်ပကရတဲ့ပျော်ရွှင်မှုနဲ့ တန်ဖိုးတွေကို တခြားလူတွေဆီကနေ မျှော်လင့်တာ ကိုယ်လိုသလို အလျော့တင်းလုပ်နိုင်သွားမယ်။
__နယ်နိမိတ် သတ်မှတ်ရမယ်။(Setting boundaries) ဒီဘက်ခေတ်အရ ခပ််မိုက်မိုက်လေး ပြောရရင် ချေမိုးနေတာပဲဆိုတာပေါ့ ကွယ်၊ ကိုယ့်ရဲ့စိတ်ပိုင်းဆိုင်ရာ လုံခြုံမှုအတွက် တင်းကျပ်တဲ့စည်းတွေ ချထားရမှာပါ။ တန်ဖိုးကြီးတဲ့ စိန်၊ရွှေ၊ရတနာ တွေတော့ ဘယ်သူမှ Wet Market မှာ လေဟာပြင်ဟောတိုက် ပုံမရောင်းဘူးပေါ့လေ …သိလား။

အရေးကြီးဆုံးကတော့ ချစ်ခြင်းမေတ္တာနဲ့ လေးစားထိုက်သူဖြစ်ကြောင်းကိုလဲ တခြားလူတစ်ယောက်ကနေ မသတ်မှတ်ပါနဲ့ ။
ကလေးဘဝမှာ ဘယ်လောက်ပဲ စိတ်ဒဏ်ရာရရ အဲ့တာဟာ ကိုယ့်အမှားမဟုတ်သလို ပြီးခဲ့တာအတွက်လဲ ကိုယ့်အဖေပေါ်မှာပဲ ထပ်တလဲလဲ အပြစ်ပုံလို့မရပါဘူး။
အခုချိန်မှာ ကိုယ့်ကိုယ်ကို ကိုယ့်အနာဂတ်အတွက် ပိုမိုလုံခြုံပြီး ပိုမိုစိတ်ကျန်းမာစေတဲ့ ဆက်ဆံရေးတွေကို ရအောင် ပြုပြင်နိုင်ဖို့ အရေးကြီးတာပါ။
❤️ကိုယ့်ကိုယ့်ကို ကျေးဇူးတင်ပါ။
❤️ကိုယ့်ကိုယ်ကို အားပေးပါ။
❤️ပြီးတော့ ကိုယ့်ကိုယ်ကို ချစ်ပါ။

07/12/2025

_တဖက်က အတည်အတံ့မဖြစ်ချင်သေးပေမဲ့ တဖက်က အချိန်ကြာလာတာနဲ့အမျှ တစ်ယောက်တည်းပဲ မြင်လာတတ်တာမျိုး
_Dating အဆင့်လောက်လဲ မဟုတ်တော့ အတူနေတာလဲ ကြာလာတော့ အကျင့်တွေသိပြီး တဖက်က ရင်နှီးလာသလောက် တဖက်က ပျင်းရိလာတာကိုခံရတတ်တာမျိုး
_Commitment မရှိတော့ တဖက်က အကုန်လုံးနဲ့ပတ်အိချင် တွေ့ချင်နေပေမဲ့ တဖက်က အတူရှိတာကြာလာတော့ တစ်ယောက်တည်းနဲ့ပဲ ရှိချင်တော့တာမျိုး
_Commitment မရှိတော့ တစ်ယောက်က အပေါ်ကဟာတွေ တရားဝင်ပတ်လုပ်နေတာကို အပြစ်ပြောလို့လဲမရ ကိုယ်လဲ ကိုယ့်ရည်းစားမဟုတ်ပဲ အသည်းကွဲတာမျိုး
_အသည်းကွဲဖူးလို့ ရည်းစားမထားခါမှ ရည်းစားထားခဲ့တုန်းကထပ် ပိုခံစားရတတ်တာမျိုး
_ကိုယ်ဘာတွေများပြင်ပေးလိုက်ရင် ဒီဆက်ဆံရေးလေးပိုကောင်းလာမလဲဆိုပြီး ကိုယ့်ဘာသာ တဖက်က မလိုချင်တာကြီး အတင်းလိုက်လုပ်ယူနေမိတာမျိုး
_ရည်းစားတွေမဟုတ်ကြတော့ ခံစားသွားမလားတွေထည့်မတွေးတော့ပဲ တခြား ကောင်လေး/ကောင်မလေး တော်ကြောင်းတတ်ကြောင်း လှကြောင်းချောကြောင်းတွေ ဟက်ဟက်ပက်ပက်ပြောတတ်တာမျိုး(တဖက်က အဲ့လိုပြောချိန် တဖက်ကလဲ မခံစားရသလိုနဲ့ အလိုက်အထိုက်လိုက်ပြောပေးဖြစ်တာမျိုး)
_တဖက်က လိုချင်တာ မရမချင်း ရှာနေတုန်း တဖက်က ကိုယ့်ကိုယ်ကို မရှိသုံးလို့ ခံစားလာရတာမျိုး
_တဖက်က သူငယ်ချင်းတွေကြားမှာ အလေးနက်မထားပေမဲ့ တဖက်က သူငယ်ချင်းတွေ အထင်မှားမှာဆိုးလို့ “သူကတော့ အဲ့လိုမဟုတ်ပါဘူး…”ဆိုပြီး အမြဲအကောင်းပြောပေးတတ်တာမျိုး
_အဲ့လိုအခြေနေကြီး တခါမှလဲ မရောက်ဖူး/မဖြစ်လဲ မဖြစ်ဖူးခဲ့ပေမဲ့ ကိုယ်တိုင်တောင် မသိပဲ ရောက်သွားခဲ့မျိုး
_ဘယ်လိုပြန်ထွက်လို့ထွက်ရမှန်းမသိတော့တာမျိုး
_ကိုယ်လဲ အရှေ့မှာ အသဲကွဲဖူးခဲ့လို့ ရည်းစားလဲမဟုတ်တဲ့ ဒီဆက်ဆံရေးလောက်မှာ ကိုယ့်အလွန်ဖြစ်မှာဆိုးလို့ သူများကိုယ့်လိုခံစားရမှာဆိုးလို့ မကျေနပ်သမျှ မျိုချလိုက်ရတာမျိုး
_နေရာတကာ အတူသွားတာတော့ စန်းကျခြင်း
_လွယ်လွယ်နဲ့အစားမထိုးတတ်တဲ့တဖက်က ရည်းစားထားလို့အသည်းကွဲတာထပ်ပိုတဲ့ ဘာကြီးမှန်းမသိတာကို ခံစားရတာမျိုး
_အချစ်မဟုတ်တာကြီးကို အချစ်လို့ထင်လာမျိုး

အခုခေတ်လူတွေကိုကြောက်ပါပြီ
ဆက်ဆံရေးနာမည်အသစ်အဆန်းများကိုလဲ မစမ်းသပ်ရဲပါရှင့်
ကြောက်လိုက်တာ မျက်ရည်ပါဝဲတယ်။
ရွှတ် …

29/11/2025

ကိုယ့်အတွက်ဆို 1st date မှာ နှင်းဆီပန်း ၃၆၅ ပွင့်ထပ်ပိုမျှော်လင့်တာ တစ်ခုရှိတယ်။
အဲ့အချက်ကပဲ ဘေလ်ကို ဘယ်သူရှင်းတယ် မရှင်းဘူးထပ် 2nd date ကို ပိုဖြစ်စေခဲ့တယ်။
ကိုယ့်ရဲ့မမေ့နိုင်တဲ့ 1st date က ဒီလိုလေး…
အကြောင်းအမျိုးမျိုးကြောင့် ချိန်းထားတဲ့ အချိန်ထပ် ၂နာရီလောက်နောက်ကျမိပြီး တွေ့မဲ့နေရာကလဲ ကိုယ်မရောက်ဖူးတဲ့နေရာဖြစ်နေပြီး သူ့မှာ ကိုယ့်ကို Building တွေတစ်ခုပြီးတစ်ခုပတ်ရှာပေးရတာတောင် ကိုယ့်ကိုမြင်မြင်ချင်း သွားညီညီဖြူဖြူလေးတွေနဲ့ အေးအေးချမ်းချမ်းလေးဘာစိတ်ညစ်ညူးမှုအရိပ်ယောင်ကိုမှ မျက်နှာမှာမဖြစ်ပဲ နှဖူးမှာချွေးလေးတွေစို့နေတဲ့ကြားက ရီပြလိုက်တာကနေကြွေတဲ့ အကြွေက ရုပ်ရှင်ရုံထဲမှာ ရုပ်ရှင်ကိုပဲ အာရုံစိုက်ကြည့်ပြီး သူထောက်ပြချင်တဲ့နေရာလေးရောက်မှ အဲ့တာကအဲ့လိုလေဆိုပြီး ခံတွင်းနံ့ကောင်းကောင်းလေးနဲ့ကပ်ပြောတဲ့အချိန်ကနေစလို့ He got all of my attention by his personal hygiene.
လူတစ်ယောက်ရဲ့ Hygiene ဟာ သူ့ရဲ့အနေထိုင်နဲ့ အရမ်းဆက်စပ်တယ်။ သန့်ရှင်းမှုနဲ့ အဲ့လူရဲ့တန်ဖိုးအလုံးစုံကိုတော့ အကဲဖြတ်လို့မရပေမဲ့ ပတ်ဝန်းကျင်ကို ဂရုစိုက်တတ်တဲ့လူအများစုကတော့ တကိုယ်ရည်သန့်ရှင်းမှုအားကောင်းကြတယ်။
စိတ်ရဲ့တံခါးဟာ မျက်လုံးဆိုရင် ကျမအတွက်တော့ အပြုံးဟာ အဲ့ဒီစိတ်ခံစားချက်တွေကို တဖက်လူဆီကူးလူးပေးနိုင်တဲ့ ပေါင်းကူးတံတားလိုပါ။
အဲ့လိုအပြုံးလှလှလေးအောက်က သန့်ရှင်းတဲ့သွားတွေနဲ့ လတ်ဆတ်တဲ့ခံတွင်းကတော့ ကိုယ့်ရဲ့ စိတ်ကို တဆင့်ပိုနီးအောက် အမြန်ဆုံးစွဲဆောင်နိုင်တဲ့ Charm ပါပဲ။
တခြားမိန်းကလေးတွေရော 1st date မှာ ဘာကို အရင်ဆုံးကြည့်မိတတ်ကြလဲဟင် 😅❤️

25/11/2025

ကိုယ့်ကိုယ်ကို အရင်ချစ်တတ်ပြီးမှ တခြားတစ်ယောက်ကို ချစ်သင့်ပါတယ်။
ကိုယ့်ကိုယ်ကိုချစ်တတ်ပြီးမှလဲ တခြားတစ်ယောက်ကို မှန်မှန်ကန်ကန်နဲ့ အတ္တကင်းကင်းချစ်နိုင်မှာပါ။ အဲ့လိုအတ္တကင်းတဲ့ချစ်ခြင်းနဲ့မှလဲ စိတ်ကျန်းမာတဲ့ မေတ္တာရေးခရီးတစ်ခုဖြစ်မှာပါ။

ကိုယ့်ကိုယ်ကို သိခြင်း၊ကိုယ်ဘာလဲဆိုတာ မမေ့သွားခြင်းက Self-respect,Self-Love ရဲ့ အခြေခံတန်ဖိုးတွေပါ။
ကိုယ့်ကိုယ်ကို သေချာချစ်တတ်ဖို့ဆိုတာမှာ ကိုယ့်ရဲ့အားသာချက်ကို အားနည်းချက်ကိုရော ကောင်းကောင်းသိမြင်ပြီးတော့ လက်ရှိအနေအထားတွေကို လက်ခံနိုင်တဲ့ Self-acceptance နဲ့ တပါတည်း Self-care ကိုယ့်ကိုယ်ကို ဂရုစိုက်နိုင်ခြင်းလဲပါပါတယ်။

အဲ့တာမှ ကိုယ့်ထပ်ကျော်ပြီး လူတစ်ယောက်ကို ချစ်ရတဲ့အခါမှာ ကိုယ်ကပြည့်စုံနေလေလေတဖက်လူအပေါ် တောင်းဆိုမှုနည်းပြီး ကိုယ့်ချစ်တဲ့သူကို ဝန်ထုပ်ဝန်ပိုးနည်းနည်းနဲ့ ပိုကျန်းမာတဲ့ဆက်ဆံရေးမျိုးဖြစ်စေမှာပါ။
ကိုယ့်ချစ်ရတဲ့လူဘဝကိုလဲ ပံ့ပိုးပေးနိုင်ပြီး ကိုယ်ပိုင်ဘဝကိုလဲ မဆုံးရှုံးရပဲ ဟန်ချက်ညီတဲ့ ဆက်ဆံရေးကောင်းတွေ ပိုင်ဆိုင်ကြပါစေနော်။

19/11/2025

ကျွန်းပေါ်မှာ စီးပွါးရှာရတာလွယ်တယ် Customer ကစိတ်သိပ့်မခိုင်ဘူး ခေါင်းလေးပဲ ပွတ်ပေးလိုက်တာ တန်းပြီး section ဝင်ရော 🥲❣️

18/11/2025

စာမရေးပဲ ပုံတွေပဲတင်ချင် 🫶🏻🫢

13/11/2025

12/11/2025

November နဲ့ပတ်သက်ပြီး ကိုယ့်ဆီမှာ အသစ်အသစ်စတင်ရတာတွေ ဖြစ်လေ့ရှိတတ်ပါများလာတော့ ကိုယ့်နားက တခြားလူတွေဆီမှာလဲ သတိထားပြီး ကြည့်မိတဲ့အခါ သူတို့လဲ ဆုံးဖြတ်ချက်အသစ်တွေ လမ်းကြောင်းနောက်တစ်ခုပြောင်းနေကြတဲ့သူတွေရှိနေတယ်။
အဲ့တာနဲ့ပဲ November အကြောင်း လိုက်ဖတ်ကြည့်တဲ့အခါ ပထမဆုံး 11:11 ကို ဂဏန်းဗေဒင်အရ “Manifesting Portal” ဆန္ဒပြင်းပြမှု အကောင်းအထည်ဖော်တဲ့ဂိတ်ဝဆိုပြီး ပြောကြတယ်။ အဲ့တာကြောင့် ရည်ရွယ်ချက်၊ဆုံးဖြတ်ချက်အသစ်တွေ ချဖို့အကောင်းဆုံးအချိန်တဲ့။
ပြီးတော့ အခုဒီခေတ်လူငယ်ပီပီ Tarot ဘက်ခြမ်း၊Sign တွေဘက်ကို လိုက်ကြည့်ပြန်တော့လဲ November ဆိုတာက Scorpio season ပေါ့လေ။
ဗြိစ္ဆာရာသီခွင်ဆိုတာက Death နဲ့ Rebirth ကို နက်ရှိုင်းစွာ ကိုယ်စားပြုနေတာဆိုတော့ သူ့ရဲ့သဘောက အတိတ်မှာမလိုအပ်တော့တဲ့ အတွေးအမြင်တွေ၊ဆက်ဆံရေးတွေ၊အလေ့ကျင့်တွေကို အဆုံးသတ်ပေးပြီး ပိုကောင်းတဲ့ စစ်မှန်တဲ့အရာတွေကို အသစ်မွေးဖွားပေးတာတဲ့။

November လအတွက် Tarot ကဒ်တွေမှာဆိုလဲ
၁_The death card (သေခြင်းကဒ်)
သူက နာမည်ကြားရုံနဲ့ တော့ ထိတ်လန့်စရာဖြစ်နေပေမဲ့ အဲ့ဒီသေဆုံးခြင်ဆိုတာက ရုပ်ပိုင်းဆိုင်ရာသေတာကို ပြောတာမဟုတ်ပါဘူးတဲ့။ ပြောင်းလဲခြင်း၊အသွင်ကူးပြောင်းခြင်း၊မလိုအပ်တော့တာတွေကို ဖယ်လိုက်တဲ့သဘောပါပဲ။
၂_The Judgement Card (ဆုံးဖြတ်ချက်ကတ်) • အဓိပ္ပာယ်ကတော့ ဒီကဒ်ဟာ မိမိရဲ့ အတွင်းပိုင်းကနေ နိုးထလာခြင်း၊ မိမိကိုယ်ကို ပြန်လည်အကဲဖြတ်ခြင်းနှင့် ခေါ်သံကို နားထောင်ခြင်း ကို ဆိုလိုတယ်။အချိန်အတိုင်းတာတစ်ခု ပြီးဆုံးပြီးနောက် ရှေ့ဆက်ရမည့် လမ်းကြောင်းကို ရှင်းလင်းစွာ မြင်လာရဖို့ပေါ့နော်။
၃_Ace of Wands (တုတ်တံ၏ Ace ကတ်) /(New Beginnings, Inspiration)
သူ့ရဲ့အဓိပ္ပာယ်က Ace of Wands _အစပြုမှု၊ စွမ်းအင်အသစ်နှင့် စိတ်ကူးသစ်များ ကို ကိုယ်စားပြုသည်။ မီးတောက်တစ်ခုကဲ့သို့ တောက်ပသော စိတ်အားထက်သန်မှုကို ပေးသည်။ အသစ်တစ်ခုကို စတင်ချင်နေတဲ့ဆန္ဒက အဲ့ဒီ Ace of Wands ရဲ့ စွမ်းအင်ပါတဲ့။

အဲ့တာကြောင့် အကျဉ်းချုပ်ကတော့ ဒီနိုဝင်ဘာလမှာ စိတ်ထဲကထင်နေတာတွေကို ရဲရဲတင်းတင်းအကောင်းထည်ဖော်လိုက်ပါတော့နော်။