AH LIN EAIN

AH LIN EAIN 🍀မကောင်းမှုရှောင် ကောင်းမှုဆောင်🍀
🍀ဖြူအောင်စိတ်ကိုထား🍀

ဘဝအတွက် အကျိုးရှိစေမည် စာပေးများ နေ့စဉ် မျှဝေနေသော page ဖြစ်ပါတယ်

please follow me 🙏

🍀စွန့်ခြင်းဖြင့် လွတ်လပ်နိုင်ပါစေ🍀စွန့်လွတ်သူတွေဟာထူးခြားတဲ့အာဇာနည် ပုဂ္ဂိုလ်တွေပါပဲ ။မြတ်ဗုဒ္ဓဟာလည်းသတ္တဝါ ဝေနေယျတွေအတွ...
19/07/2025

🍀စွန့်ခြင်းဖြင့် လွတ်လပ်နိုင်ပါစေ🍀

စွန့်လွတ်သူတွေဟာ
ထူးခြားတဲ့အာဇာနည် ပုဂ္ဂိုလ်တွေပါပဲ ။

မြတ်ဗုဒ္ဓဟာလည်း
သတ္တဝါ ဝေနေယျတွေအတွက်
စွန့်ခဲ့ရတာတွေဟာ အရမ်းများပါတယ် ။

အဲ့ဒီလို စွန့်ခဲ့တဲ့အတွက်ကြောင့်လည်း
ဘ၀ သံသရာဝဲထဲက နေလွတ်ပြီး
အလုံးစုံသိတဲ့ သဗ္ဗညုတဘွဲ့ကိုပိုင်ခဲ့တာပေါ့ ။

စွန့်တယ်ဆိုတဲ့အလုပ်ဟာ
ပါရမီမြောက်တယ်ဆိုရင်ကောင်းတယ် ။

စိတ်မကောင်းစရာတွေကိုစွန့်တယ်ဆိုရင်
ဘ၀ပေါ့ပါးဖို့အတွက် ကောင်းတယ် ။

မကောင်းတဲ့အကျင့်တွေကိုစွန့်တယ်ဆိုရင်
ဘ၀ချမ်းသာဖို့အတွက် ကောင်းပါတယ် ။

စွန့်လွတ်ဆိုတဲ့အဓိပ္ပါယ်ဟာ
စွန့်လိုက်မှ လွတ်ကြမယ့်သဘောပါပဲ ။

ကိုယ့်ရဲ့လက်ရှိဘ၀မှာ
မကောင်းတဲ့ကိလေသာတွေကိုစွန့်နိုင်ပြီး

ကောင်းတဲ့အကျင့်သုစရိုက်တရားတွေနဲ့ပဲ
ဘ၀ကို နေနိုင်သွားကြမယ်ဆိုရင်

သံသရာ၀ဋ်ဆင်းရဲ အပါယ်ဆင်းရဲတွေကနေ
လွတ်မြောက်သွားမှာ ဖြစ်ပါတယ် ။

သာရ ဂ ဝေ သီ
AH LIN EAIN

"ဘူးသီး" ကို "ဗူးသီး"လို့ မရေးမိစေနဲ့။"ဗူး"မှုတ်တာကလွဲရင်ဘာထည့်တဲ့ ဘူးဖြစ်ဖြစ် ၊အကုန်လုံး ဘကုန်းနဲ့ "ဘူး" ။[ပန်းရန်ဆရာတ...
17/07/2025

"ဘူးသီး" ကို "ဗူးသီး"လို့ မရေးမိစေနဲ့။
"ဗူး"မှုတ်တာကလွဲရင်
ဘာထည့်တဲ့ ဘူးဖြစ်ဖြစ် ၊
အကုန်လုံး ဘကုန်းနဲ့ "ဘူး" ။
[ပန်းရန်ဆရာတွေ၊ကိုင်တဲ့ကိရိယာကို
"သံလျက်"လို့ ၊မရေးမိစေနဲ့နော်။(ကိုယ်လည်းမှားရေးဖူးတယ်)။
"သံလက်"လို့ ရေးမှ မှန်တယ်။]
[ဘုရင်တွေကိုင်တဲ့ ဓားအမျိုးအစားကိုလည်း"သံလက်"လို့ မရေးမိစေနဲ့ ။
"သန်လျက်"လို့ ရေးမှ အမှန်]
"ပါတ်သက်"လို့ရေးထားတာတွေ့ရင်၊
"ပတ်သက်"လို့ ပြင်ပေးလိုက်ပါ။
"တစ်ချို့"လို့ ရေးထားတာတွေ့ရင်၊
"တချို့"လို့ ပြင်ပေးလိုက်ပါ။
"မျိုးမျိုးမြတ်မြတ်"မဟုတ်ဘူးနော်။
"မြိုးမြိုးမြက်မြက်"
"မျက်ခြေပြတ်"လို့မှား မရေးနဲ့။
"မျက်ခြည်ပြတ်"လို့ရေးမှအမှန်။
"ဟိုလိုတက်ကတယ်"
"ဒီလိုတက်ကတယ်"ဆိုပြီး
"တက်ရတယ်"လို့ ပြောတဲ့အခါမှာ၊
"ရ" နဲ့ "က"တောင်
အထားအသို မမှန်ဘဲ ပြောနေတဲ့၊
နိုင်ငံခြားဘာသာ သင်တန်းဆရာတချို့လည်းရှိတတ်တယ်။
"တက်ရတယ်"လို့ ပြောမှ မှန်ပါတယ်။
"တက်ကတယ်"ဆိုတာ၊ အပေါ်ကိုတက်ပြီး ကတယ်လို့ ဆိုလိုတာပါ။
လုပ်ရတယ်ကို လုပ်ကတယ်
စားရတယ်ကို စားကတယ် ၊
စားရဦးမယ်ကို စားကဦးမယ် စသည်ဖြင့် ၊
(ဒါဟာ စကားမပီတာ မဟုတ်ပါဘူး။
စာမပီတာပါ။စာမတတ်တာပါ။
မြန်မာစာကို တိတိကျကျ ၊မသိ မတတ်တာပါ။
မြန်မာစကား မတတ်တာပါ။
မြန်မာစကား ပီပီသသ၊မပြောတတ်တာပါ)။
"ပဠိပက္ခ"လို့
ရေးတဲ့ပညာရှင်ရှိနေတယ်။
"ပဋိပက္ခ"သာ အမှန် ဖြစ်ပါတယ်။
ကာတွန်းမှာပဲ ဖြစ်ဖြစ်၊
တခြားဝါကျမှာပဲဖြစ်ဖြစ်၊
"ဝုန်းကနဲ့"တို့
"ဒိုင်းကနဲ"တို့ တွေ့ပြီဆိုရင်၊
"ဝုန်းခနဲ" "ဒိုင်းခနဲ"လို့သာ
ပြင်ပေးလိုက်ပေတော့။
"ကတ်ပြား"လို့ ရေးမှ အမှန်။
["ကပ်ပြား" "ကဒ်ပြား"(အမှား)]
သေနတ်ထဲ ထည့်တဲ့ ယမ်းတောင့်ကို
"ကျည်ဆံ"လို့ ရေးရင် အမှား။
["ကျည်ဆန်"လို့ရေးမှ အမှန်။
(ကိုယ်လည်း မှားရေးဖူးတယ်)]
{တစ်ဆက်တည်း မှာပါရစေ။ကျည်ဆံလို့ အသံမထွက်ဘူးနော်။ ကျည်ဇန်လို့အသံထွက်ရမယ်}
သူ့ထက်ပိုတယ်လို့ ရေးရမှာကို၊
သူ့ထပ်ပိုတယ်လို့ ရေးနေမိကြတယ်။
မြန်မာစာ သိပ်မရင်းနှီးတဲ့သူဆိုရင်၊
"ကရဝိက်"ငှက်ကို ၊
"ကရဝိတ်ငှက်"
"ကရဝိတ်ဌက်"လို့၊ရေးမိတတ် ကြတယ်။
"ကြေငြာ" လို့ရေးရင်အမှား၊
"ကြေညာ"လို့ရေးမှ အမှန်။
"ကြော်ညာ"လို့ရေးရင် အမှား၊
"ကြော်ငြာ"လို့ရေးမှ အမှန်။
"ရှုခင်း"ကို
"ရှု့ခင်း"လို့ မရေးမိစေနဲ့။
{"မွှေ့ရာ"လည်း မဟုတ်ဘူး။
"မွှေ့ယာ"လည်း မဟုတ်ဘူး။
"မွေ့ယာ"လည်းမဟုတ်ဘူး။
"မွေ့ရာ"လို့ ရေးမှ အမှန်။}
{"အိပ်ယာ"လို့ရေးရင် အမှား။
"အိပ်ရာ"လို့ရေးမှ အမှန်။}
{"အိမ်ယာ"လို့ ရေးရင် အမှား။
"အိမ်ရာ"လို့ရေးမှ အမှန်။}
သတင်းရေးသူတွေပဲဖြစ်ဖြစ်
တခြားရေးသူတွေပဲဖြစ်ဖြစ်၊
"တုန့်ပြန်"လို့ ရေးနေမိကြလိမ့်မယ်။
"တုံ့ပြန်"သာအမှန်ဖြစ်ပါတယ်။
"သံပုရာသီး"လို့ မှားမရေးမိစေနဲ့။
"သံပရာသီး"လို့ ရေးမှ အမှန်။
"ပုခုံး"လို့ မှားမရေးမိစေနဲ့။
"ပခုံး"လို့ ရေးမှ အမှန်။
"အမွှာပူး"လို့ ရေးရင် မှားတယ်။
"အမြွှာပူး"လို့ရေးမှ အမှန်။
ဗံဒါပင်လည်းမဟုတ်ဘူး၊
ဗန်ဒါပင်လည်း မဟုတ်ဘူး၊
ဗန္ဒာပင်လည်း မဟုတ်ဘူး။
"ဗာဒံပင်"
"ဆက်နွယ်"လို့ရေးတာ
အမှန် ထင်ခဲ့ဖူးတယ်။မဟုတ်ဘူး။
"ဆက်နွှယ်"လို့ရေးမှ အမှန်။
"ပတ်သက်"ကို "ပတ်သတ်"လို့ရေးသလို၊
"ဖြစ်ရပ်"ကို "ဖြစ်ရက်"လို့ ရေးနေကြတယ်။
(မြန်မာပြည်က မြန်မာတွေရဲ့ မြန်မာစာအခြေအနေ)
___________
"တစ်ခြား"လို့ အရေးမှားသူတွေ
ရှိနေသေးတယ်။
"တခြား"ကအမှန် ။
"အဓိဠာန်"လို့ မှားရေးထားတာလည်း တွေ့ကြရမယ်။
"အဓိဋ္ဌာန်"သာအမှန်ဖြစ်ကြောင်း
သိထားရမယ်။
"လှေခါး"လို့ရေးရင်မှားတယ်။
"လှေကား" (အမှန်)
ကမ်ဘာ"တစ်ဝှမ်း"နိုင်ငံ"တစ်ဝှမ်း"လို့
ရေးမိတတ်ကြတယ်။
ကမ်ဘာတစ်ဝန်း
နိုင်ငံတစ်ဝန်းလို့ ရေးမှမှန်တယ်နော် ။
"တစ်ခါတစ်လေ"လို့ရေးထားတာပဲဖြစ်ဖြစ်၊
"တခါတလေ"လို့ ရေးထားတာပဲဖြစ်ဖြစ်၊ တွေ့ခဲမြင်ခဲ့ရင်၊
"တစ်ခါတလေ"သာ အမှန်ဖြစ်ကြောင်း၊
ကိုယ့်ဘာသာ မှတ်သားထားလိုက်ပါ။
"မြင့်မိုရ်တောင်"လို့ရေးထားတာတွေ့ရင်၊
"မြင်းမိုရ်တောင်"လို့ ပြင်ရေးပေးလိုက်ပါ။
"အနူးအညွန့်"တောင်းပန်ပါတယ်လို့
ရေးထားတာတွေ့ရင်၊
"အနူးအညွတ်"တောင်းပန်ပါတယ်လို့၊ ပြင်ပေးလိုက်ပါ။
ဒါဏ်ရိုက်မယ်လို့ရေးထားရင်၊
ဒဏ်ရိုက်မယ်လို့ ပြင်ပေးလိုက်ပါ။
ပါတ်ဝန်းကျင်လို့ ရေးထားရင်
ပတ်ဝန်းကျင်လို့ ပြင်ပေးလိုက်ပါ။
"လျှက်"ဆိုတဲ့ စာလုံး
ဘယ်မှာမှ မသုံးဘူး ။ ။
ဘာကြောင့်သတိရလျှက်
ခင်မင်လျှက်၊လေးစားလျှက်လို့
ရေးနေကြသလဲဆိုတာ့။
"လျက်"နဲ့ ရေးရတာကို မသိကြလို့ပေါ့။
လျက်ဆားကိုလည်း လျှာနဲ့ လျက်တယ်။
လေပြေလေညှင်းလို့ ရေးထားတာတွေ့ရင်၊
"လေပြည်လေညင်း"လို့ပြင်ပေးလိုက်ပါ။
(တိုက်ခတ်တဲ့လေကို၊"လေပြည်"လို့ခေါ်ပါတယ်။
"လေပြေ"လို့ ရေးရင် ၊ မှားပါတယ်)။
(ဇာတ်သဘင်မှာ ၊ အခန်းအကူးအပြောင်းအတွက်၊ ပြောတဲ့စကားကို၊ "လေပြေထိုး"တယ်လို့ ခေါ်သလို၊
စိတ်ဆိုးနေသူကို ပြေလည်အောင် ၊ ပြောတဲ့စကားကိုလည်း ၊ "လေပြေထိုး"တယ်လို့ခေါ်ပါတယ်)။
သတ်ပုံ မမှားစေနဲ့
အမှန် (အမှား)
ကောက်နုတ်
(ကောက်နှုတ်)
(အပေါင်းအနုတ်၊ ထုတ်နုတ်၊ ပေါင်းနုတ် စသည်တို့မှာလည်း 'နှုတ်' မဟုတ်ပါ။ 'နုတ်'သာ ဖြစ်ပါသည်။)
ကျစ်လျစ် (ကျစ်လစ်)
(ကျောင်းသားများ မေးခွန်းကူးရာကစ မှားတတ်သော စာလုံးပေါင်း ဖြစ်ပါသည်။)
ခုနစ် = ၇ (ခုနှစ်)
ခေတ်မီ (ခေတ်မှီ)
(မကြာမီ၊ အမီလိုက်၊ သူတို့ကိုမီပြီ စသည်တို့မှာလည်း 'မီ' ကိုသာ သုံးပါသည်။)
ဂုဏ်ရည်တူချင်း (ဂုဏ်ရည်တူခြင်း)
(ရူပကအလင်္ကာ ဖြေဆိုရာတွင် မှားတတ်သည်။)
စိုပြည် (စိုပြေ)
စွဲလမ်း (စွဲလန်း)
တကယ် (တစ်ကယ်)
တချို့ (တစ်ချို့)
တခြား (တစ်ခြား)
(ဤစကားလုံးများမှာ အမှားများလှသည်။)
တစ်ဝန်း (တစ်ဝှမ်း)
(နိုင်ငံတစ်ဝန်း၊ ကမ်ဘာတစ်ဝန်း၊ လောကတစ်ဝန်းဟု ရေးမှ မှန်ပါသည်။ နိုင်ငံတော်အတိုင်ပင်ခံရုံး၊ သမ္မတရုံးက ထွက်လာသော စာများပင် မှားသုံးနေသည်ကို တွေ့ရသည်။)
တွန်ကျူး (တွန်ကြူး)
ထို့ပြင် (ထို့အပြင်)
(ထို့အပြင် ဟူသော အမှားကို စာနယ်ဇင်းလောကမှာ မမြင်ချင်အဆုံးပါ။ စာစီစာကုံးစာအုပ်များမှာပင် တွေ့နေရသည်။)
ဒါပေမဲ့ (ဒါပေမယ့်)
နေ့လယ် (နေ့လည်)
(ဤ အမှားကို ဖိတ်စာများတွင် အများဆုံးတွေ့ရသည်။)
ပရိသတ် (ပရိတ်သတ်)
ပင်ကို (ပင်ကိုယ်)
ပြာသာဒ် (ပြသာဒ်\ပြဿာဒ်)
(ကျောင်းသားများ ရေးတိုင်းမှားတတ်သော စာလုံးပေါင်း ဖြစ်သည်။)
ဖြည်းဖြည်း (ဖြေးဖြေး)
မြောက်မြား (မြောက်များ)
(ရှေးသုံးစကားကို မသိသူများ မှားလေ့ရှိသည်။)
မြင်းမိုရ်တောင်(မြင့်မိုရ်တောင်)
မြိန်ရှက် (မြိန်ယှက်)
ရှိခိုး (ရှစ်ခိုး)
(ယနေ့ခေတ်တွင် အံ့သြစရာ ကောင်းလောက်အောင် မှားလာကြသော စာလုံးပေါင်း ဖြစ်သည်။)
လေပြည်လေညင်း (လေပြည်လေညှင်း)
(စာစီစာကုံးတွင် အသုံးရဆုံး စကားလုံးဖြစ်သည်။ မှားသူ များသည်။)
လက်ထပ် (လက်ထက်)
('လက်ထပ်'ကို 'လက်ထက်'ဟု မှားပြီး
မင်းတုန်းမင်း၊ သီပေါမင်းတို့'လက်ထက်' ဆိုသည်ကိုတော့ 'လက်ထပ်'ဟု
ကိုရွှေကျောင်းသားတို့
မှားတတ်ကြပါသည်။)
လျက် (လျှက်)
(မြန်မာစာတွင် 'လျှက်' မရှိဟု မှတ်ထားလျှင် မမှားဟု ဆိုနိုင်ပါသည်။)
ဝီရိယ (ဝိရိယ)
သာမန် (သာမာန်)
သဏ္ဌာန် (သဏ္႑ာန်)
သန္နိဋ္ဌာန် (သံဓိဋ္ဌာန်)
ဟေမန် (ဟေမာန်)
(ဟေမန် = ဟေမန္တ = ဆောင်းဥတု။
ဂိမှန် = ဂိမှာန = နွေဥတု။
ဝသန် = ဝသန္တ = နွေဥတု။
ဝသန် = ဝ ဿာန = မိုးဥတု။)
အနှောင့်အယှက် (အနှောက်အရှက်)
အလျင်အမြန် (အလျှင်အမြန်)
အရုဏ် (အာရုဏ်)
(အာရုံနှင့် အရုဏ်ကို ကွဲကွဲပြားပြား
သိထားသင့်ပါသည်။)
အလွန်အကြူး (အလွန်အကျူး)
(အတိသယဝုတ္တိအလင်္ကာ ဖြေဆိုရာတွင် မှားတတ်ကြသည်။)
သြော် (အော်...)
('သြော်' သာလျှင် အာမေဍိတ်စကား
အမှန် ဖြစ်ပါသည်။ အမှားများသည်။)
အိပ်ရာ (အိပ်ယာ)
(မွေ့ရာ၊ အိမ်ရာ၊ ကြင်ရာတို့မှာ 'ရာ' သာ အမှန် ဖြစ်ပါသည်။)
စာလုံးပေါင်းသတ်ပုံမှာ
ကျွန်တော်လည်း ခဏခဏ မှားပါသည်။ သို့သော် အသုံးများသော စကားလုံးများကိုတော့ မမှားအောင် သတိထား
သုံးပါသည်။ သတ်ပုံမှားသောစာမှာ
စာအရသာ ပျက်သည်။
ယခု ဖော်ပြထားသော စကားလုံးများမှာ တက္ကသိုလ်ဝင်တန်းတွင် ကျောင်းသားများ မှားလေ့ရှိသော၊
မှားလျှင် အမှတ်လျော့နိုင်သော
စာလုံးပေါင်းတချို့ ဖြစ်ပါသည်။
စာရလျက်၊ ဖြေနိုင်လျက်
သတ်ပုံကြောင့် အမှတ်ဝက်မျှမရသော
အဖြစ် မကြုံ ကြစေရန်
ဖော်ပြလိုက်ရခြင်း ဖြစ်ပါသည်။
Credit.....
#ကူးယူဖော်ပြပေးပါတယ်။

စကားပြောနည်း (6) နည်း1✅တစ်ဖက်လူက သူလုပ်မိတဲ့အမှားအတွက် တောင်းပန်တဲ့အခါ "ရပါတယ်" လို့မပြောပဲ ''ကျေးဇူးပါ" လို့ပြောပေးပါ သ...
13/07/2025

စကားပြောနည်း (6) နည်း

1✅တစ်ဖက်လူက သူလုပ်မိတဲ့အမှားအတွက်
တောင်းပန်တဲ့အခါ "ရပါတယ်" လို့မပြောပဲ
''ကျေးဇူးပါ" လို့ပြောပေးပါ သူအဲ့အမှားကို
ထပ်လုပ်မှာမဟုတ်တော့ဘူး။

2✅စကားကိုကပ်ကပ်ပြီးပြောတာ၊
တစ်ဖက်လူပြောသမျှကို
မေးခွန်းလိုက်ထုတ်တာမျိုးတွေ မလုပ်ပါနဲ့
ကိုယ်ကတော့ဘာရယ်မဟုတ်လဲ ဖြစ်နိုင်ပေမယ့်
တစ်ဖက်လူအတွက်တော့ကိုယ်က ရိုင်းတဲ့သူ၊
တမင်အနှောက်အယှက်ပေးတဲ့သူ ဖြစ်သွားပါလိမ့်မယ်
နားထောင်သင့်တဲ့အခါမှာ နှုတ်ပိတ်ပြီးသာနားထောင်ပါ

3✅စကားကို အကုန်မပြောပါနဲ့ ကိုယ်စိတ်ထဲရှိနေတာ
အကုန်ပြောပြတဲ့အခါ လူမုန်းခံရနိုင်သလို၊
ကိုယ့်ရဲ့အကြောင်းကို အကုန်ထုတ်ပြောတဲ့အခါမှာလဲ
ကိုယ်ကငပေါကြီး ဖြစ်လာနိုင်ပါတယ် တစ်ချို့သော
အကြောင်းအရာတွေက ကိုယ့်စိတ်ထဲမှာထားခြင်းသာ
အကောင်းဆုံးပါ။

4✅နေရာတကာ "တောင်းပန်ပါတယ်"
ဆိုတဲ့စကားကို အသုံးမပြုပါနဲ့ အဲ့ဒီအစား
"ကျေးဇူးတင်ပါတယ်" ဆိုတဲ့စကားကို
ပိုပြီးအသုံးပြုပေးပါ ဥပမာ "စောင့်နေပေးလို့
ကျေးဇူးပါ" "နားလည်ပေးလို့ ကျေးဇူးပါ"
"ကူညီပေးလို့ ကျေးဇူးပါ”

5✅တစ်ယောက်ယောက်က ကိုယ့်ကိုယ်
ကိုယ်မဖြေချင်တဲ့မေးခွန်းကို အတင်းမေးလာတဲ့အခါ
သူမေးတဲ့မေးခွန်းကို သူ့ကိုပြန်ပြီးမေးခွန်းထုတ်လိုက်ပါ

ဥပမာ တစ်ယောက်ယောက်ကကိုယ့်ကို ဘယ်သူ့ကို
ကြိုက်နေတာလဲလို့ မေးလာတဲ့အခါ
"မင်းကကော ဘယ်သူ့ကိုကြိုက်နေတာလဲ"
ဆိုပြီး တစ်ဖန်သူ့ကိုပြန်မေးလိုက်ပါ

6✅ကိုယ်မှန်နေရဲ့သားနဲ့ ကိုယ်ရင်းနှီးချစ်ခင်ရတဲ့
လူတစ်ယောက်နဲ့ ငြင်းခုန်စကားများတဲ့အခါ
သူနဲ့ပြိုင်ပြီးငြင်းမဲ့အစား "ငါမှားရင် တောင်းပန်ပါ
တယ်ကွာ" "အရင်ဆုံးသေချာအောင်
စစ်ဆေးကြည့်တာပေါ့"

ဆိုတာမျိုးကို ပြောကြည့်ပါ တစ်ဖက်လူကို
စိတ်ပြေသွားစေနိုင်ပြီး သူကိုယ်တိုင်လဲ
အမှန်တရားကိုရှာဖွေချင်စိတ် ဖြစ်လာပါလိမ့်မယ်။

Credit
မူရင်းရေးသားသူ
AH LIN EAIN

ที่อยู่

Bangkok
Bangkok
10400

เว็บไซต์

แจ้งเตือน

รับทราบข่าวสารและโปรโมชั่นของ AH LIN EAINผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ทางลัด

แชร์

ประเภท