28/05/2026
“👉🚨ថ្ងៃទី២៨ ខែឧសភា ឆ្នាំ២០២៥ គឺជាថ្ងៃដែលប្រជាជនកម្ពុជាមិនអាចបំភ្លេចបាន…ថ្ងៃនេះជាខួបមួយឆ្នាំ ដែលកងទ័ពថៃឈ្លានពានកម្ពុជា និងបាញ់សម្លាប់វីរៈកងទ័ពខ្មែរ
ជាថ្ងៃដែលយើងបានស្គាល់ឈ្មោះ និងមុខមាត់របស់វីរយុទ្ធជនម្នាក់ ដែលបានពលីជីវិតយ៉ាងអង់អាច ដើម្បីការពារបូរណភាពទឹកដី និងអធិបតេយ្យភាពជាតិ🇰🇭 គឺព្រិន្ទបាលឯក សួន រ៉ោន ដែលបានពលីជីវិតនៅតំបន់មុំបី ស្ថិតក្នុងស្រុកជាំក្សាន្ត ខេត្តព្រះវិហារ។
ការលះបង់របស់គាត់ មិនមែនត្រឹមតែជាការបាត់បង់សម្រាប់គ្រួសារមួយប៉ុណ្ណោះទេ ប៉ុន្តែជាការឈឺចាប់របស់ជាតិទាំងមូល។
ឈាម និងជីវិតដែលបានបូជានោះ គឺជាសក្ខីភាពនៃស្មារតីស្នេហាជាតិ ភាពក្លាហាន និងការពារទឹកដីរហូតដល់ដង្ហើមចុងក្រោយរបស់យោធិន នៃកងយោធពលខេមរភូមិន្ទ 🫡🇰🇭
ជាមួយគ្នានេះ ថ្ងៃនោះក៏ជាថ្ងៃដែលកម្ពុជាចងចាំមិនភ្លេច នូវទង្វើឃោរឃៅ និងការឈ្លានពានរំលោភបំពានពីសំណាក់យោធាថៃ មកលើទឹកដីកម្ពុជា។
ប្រវត្តិសាស្ត្រនឹងកត់ត្រាទុក ហើយប្រជាជនខ្មែរនឹងចងចាំជានិច្ច ចំពោះការលះបង់របស់វីរៈជនយើង។ 🙏🏼🇰🇭
សូមវិញ្ញាណក្ខន្ធវីរៈយុទ្ធជន បានទៅកាន់សុគតិភព និងសូមឱ្យការលះបង់របស់លោក ក្លាយជាកម្លាំងចិត្តដល់កូនខ្មែរគ្រប់រូប ក្នុងការរួបរួមការពារជាតិមាតុភូមិជារៀងរហូត។”
