15/07/2024
🔏စွိုးခွိုꩻပညာႏရေꩻယို ကွပ်ပွိုးထာꩻမုဲင်ꩻမွော့ꩻ အဝ်ႏလိုႏသန်ဗာႏမွေးငါႏဟောင်း?
သေႏချာႏမွေးငါႏနာꩻယိုနဝ်ꩻ သေထွꩻချာတဝ်းနီပအိုဝ်ႏသမဲင်ꩻ။ နာꩻယို ထင်ꩻတန်တေားလိုꩻမျိုꩻလင်ꩻ၊ ဟွိုန်ယံဒျာႏလိုꩻမျိုꩻချာꩻ၊ ထီႏပေႏချာနမ်းပအိုဝ်ႏနဝ်ꩻ ကွပ်နာꩻတသေတဝ်း နီပအိုဝ်ႏသမဲင်ꩻ။ နဝ်ꩻမꩻ ပအိုဝ်ႏလိုꩻမျိုꩻယိုနာꩻထီႏဖွီ၊ ပအိုဝ်ႏလိတ်လုဲင်ꩻယို နာꩻထင်ꩻပေႏ၊ လိုꩻမျိုꩻအင်္ဂါႏလက္ခဏာႏဗွေပြဲ့ꩻစွုမ်ႏထွူလဲဥ်းဒျာႏနီပအိုဝ်ႏအတာႏ ကအဝ်ႏလိုႏလꩻထွိုက် ကအဝ်ႏလိုႏလꩻသင်ꩻဒါႏ ထာႏကအဝ်ႏလိုႏလꩻဖုံႏသူꩻတဲ့ နာꩻတသေတဝ်း။
ဝင်ꩻထူႏသိမ်ꩻထိုꩻနီသေင်ႏမုဲင်းသက်ꩻပိဥ်ခြံခြံထွူ ဝင်ꩻလွဥ်ဖေႏဗဲင်းချာကွို့ꩻ သေင်းမုဲင်းသေားထွန်ႏပေႏတလီးသူꩻနဝ်ꩻ နာꩻယိုအဝ်ႏဟွိုန်မွေးကေꩻဇူꩻတန်နေကဝင်ꩻ။
နာꩻယိုခံႏထူႏလဲဥ်းနမ်းပအိုဝ်ႏမွော့ꩻ အုံကြို့ꩻ အုံဖွီ ထွားဖွီ ယူႏဖွီ ငါႏထာꩻနဝ်ꩻဟွေး...။ သေအာႏနာႏချာဗဲင်း နာꩻကအဝ်ႏကွဥ်ꩻ နာꩻကအဝ်ႏက နာꩻအစွိုꩻယူနီဖောင်းနဝ်ꩻဟုဲင်း။
နမ်းတွမ်ႏနမ်း မိဥ်ႏတအွဥ်ႏရေꩻချာတဝ်း၊ နမ်းတွမ်ႏနမ်ႏ ထာꩻယွုမ်းအံႏမိဥ်ႏတအဝ်ႏချာတဝ်းနဝ်ꩻ ပါမုဲင်ꩻအီႏ သွင်ꩻအံႏနီဟောင်း? ။ ကွပ်လိုꩻနုဲင်းနာꩻဖုံႏအဝ်ႏနဝ်ꩻမꩻ နီပအိုဝ်ႏယိုထွာဗာႏ ခမ်းတအဲဥ်တဝ်းလိုꩻမျိုꩻ၊ ဟံႏတအဝ်ႏတဝ်းလိုꩻအစားဖုံႏ၊ ဝင်ꩻအဝ်ႏတေက်ꩻ၊ ဝင်ꩻအဝ်ႏနျꩻ၊ ဝင်ꩻအဝ်ႏအံႏမျောႏ၊ ဝင်ꩻအဝ်ႏယားကုဲင်ထိုꩻနီလꩻ။
ကွပ်နဝ်ꩻမꩻ အမာႏနုဲင်းကရီးခါ အာႏပေႏချက်နုဲင်းကခလဲဥ်းတွင်ꩻဖုံႏသူꩻ ဖေႏကထွာဗာႏထဲင်းမွုန်းဒွုန်၊ ပအိုဝ်ႏတွိုင်ꩻ စွုမ်ႏဖြာꩻ ဖေႏကသေထွꩻခွုန်ꩻချာဗာႏ ပအိုဝ်ႏသမဲင်ꩻအစဲစ်ꩻအမဲဥ်ႏအတွက် ခေတ်အဆွိုက်ဆွိုက်အကို နီပအိုဝ်ႏဖုံႏ တကျင်ꩻသွုံꩻဗာႏဖိုတဝ်းဒါႏ နီတွမ်ႏနီတဖူꩻစဲဥ်ႏတွမ်ႏ နီပအိုဝ်ႏဖုံႏအတာႏတအဝ်ႏဗာႏဖိုတဝ်းဒါႏ နီတွမ်ႏနီစွိုးခွိုꩻပညာႏရေꩻဖုံႏယို အရေꩻတန်အထျꩻထွာမွေးငါနဝ်ꩻ စွုမ်ႏဖြာꩻပအိုဝ်ႏလိုႏသေငါႏနဝ်ꩻသွူ။
Khun Maung Raai
#နီတွမ်ႏနီတဖူꩻစဲဥ်ႏ
#နီတွမ်ႏနီပညာႏရေꩻ
#ပအိုဝ်ႏကျောင်ꩻသားတွမ်ႏလိုꩻယွဲးကွန်ဂရက်
