01/11/2025
ခြူးလေးရဲ့ တောင်းဆိုမှုကြောင့် ဖြစ်ပေါ်လာတဲ့ နန်းစုနဲ့ ခြူးလေးတို့ရဲ့ အမိုက်စား "Wicked"
Glinda အဖြစ် ပန်းရောင်လေးနဲ့ နတ်သမီးလေးတစ်ပါးလို လှနေတဲ့ "နန်းစု" နန်းစုရဲ့ အပြုံးနဲ့ နူးညံ့တဲ့အမူအရာတိုင်းမှာ လူတိုင်းအပေါ် ကောင်းတဲ့ Glinda ရဲ့ စိတ်ထား၊ ကြင်နာတတ်မှုတွေက အတိုင်းသားမြင်နေရပါတယ်။ သူ့ကိုကြည့်လိုက်ရုံနဲ့ နွေးထွေးပြီး လုံခြုံတဲ့ခံစားချက်ကို ပေးစွမ်းနိုင်ပါတယ်။ တစ်ဖက်မှာလည်း ခြူးလေးက Elphaba ရဲ့ အထီးကျန်မှု၊ လူတွေရဲ့နားလည်မှုလွဲခြင်းကို ခံရပေမယ့် မတုန်လှုပ်ဘဲ ကြံ့ကြံ့ခံနိုင်တဲ့ စိတ်ဓာတ်နဲ့ စူးရှတဲ့အကြည့်တွေကို အပီအပြင် သရုပ်ဆောင်ထားပါတယ်။ သူ့ရဲ့အကြည့်တွေက စကားလုံးတွေမပါဘဲ ဝမ်းနည်းမှုနဲ့ ခိုင်မာမှုကို ပြောပြနေသလိုပါပဲ။ တစ်ယောက်နဲ့တစ်ယောက် အပြန်အလှန်ကူညီဖေးမရင်း အနုပညာအလုပ်တွေကို အတူလုပ်ကိုင်ကြတဲ့ သူတို့နှစ်ယောက်ကို ကြည်နူးမိပါတယ်။ သူတို့နှစ်ယောက်ရဲ့ "Wicked" ကိုရော၊ သူတို့ရဲ့ ခင်မင်မှုကိုရော ချစ်တဲ့ ပရိသတ်တွေ ရှိလား?
