08/08/2025
ရန်ကုန်မြို့မှာ ၈၈၈၈ အထိမ်းအမှတ် ထီးသပိတ် လှုပ်ရှားမှုပြုလုပ်
ဩဂုတ် ၈ - Bagan News
ရန်ကုန်မြို့ နေရာအနှံ့အပြားမှာ ၈၈၈၈ ထီးသပိတ်လှုပ်ရှားမှုကို ဒီကနေ့ပြုလုပ်ခဲ့ကြပါတယ်။
၃၇ နှစ်မြောက် ၈၈၈၈နေ့ အထိမ်းအမှတ်အနေနဲ့ ရန်ကုန်တော်လှန်ညီနောင်လေးဖွဲ့ကပြုလုပ်ခဲ့ကြတာပါ။
စစ်ကောင်စီရဲ့ လှည်ကင်းတွေ လုံခြုံရေးတွေ အထပ်ထပ်ချထားတဲ့ကြားက ရန်ကုန်မြို့ ရဲ့အထင်ကရနေရာအနှံ့အပြားမှာ '၈' သင်္ကေတစာလုံးရေးဆွဲထားတဲ့ ထီးတွေနဲ့ စစ်အာဏာရှင်ဆန့်ကျင်ရေးလှုပ်ရှားမှုပြုလုပ်ခဲ့တာဖြစ်တယ်လို့ တော်လှန်ညီနောင်လေးဖွဲ့ကထုတ်ပြန်ပါတယ်။
'၈' လေးလုံး ဒီမိုကရေစီအရေးတော်ပုံကနေ ဒီကနေ့ နွေဦးတော်လှန်ရေးကာလအထိ စစ်အာဏာရှင်တွေရဲ့ အကြမ်းဖက် ဖိနှိပ်ရက်စက်မှုအောက်မှာ ပြည်သူတွေရဲ့ အသက် အိုးအိမ်ပေါင်းများစွာ ဆုံးရှုံးခဲ့ရတယ်။
အာဏာတည်မြဲရေးအတွက် ပြည်သူကို ရန်သူသဖွယ် သတ်ဖြတ်ချေမှုန်းနေတဲ့ စစ်အာဏာရှင်စနစ်ကိုအမြစ်ပါမကျန် တွန်းလှန်တိုက်ထုတ်ကြဖို့ ရန်ကုန်လူထုသပိတ်နဲ့ ရန်ကုန်တော်လှန်ညီနောင်လေးဖွဲ့ကထုတ်ပြန်ထားပါတယ်။
#ရန်ကုန်
#ထီးသပိတ်
#၈၈၈၈လူထုအရေးတော်ပုံ
YouTube https://www.youtube.com//videos
Telegram https://t.me/bagannews
Spotify https://open.spotify.com/show/731ZlRXmHoEucpxapMJuul
Website www.bagannews.org
