30/09/2025
ကနီ ချောင်းမတိုက်ပွဲက ထွက်ပြေးလာတဲ့ ဒုတပ်ကြပ်အပါ စစ်သုံ့ပန်း ၃ ဦးဖမ်းမိ
စက်တင်ဘာ ၃ဝ - Bagan News
စစ်ကိုင်းတိုင်း၊ ကနီမြို့နယ်၊ ချောင်းမတိုက်ပွဲက စစ်ပြေးလာတဲ့ စစ်တပ် ဒုတပ်ကြပ်အပါအဝင် စစ်သုံ့ပန်း (၃)ယောက်ကို အရှင်မိပြီး၊ ကျန်(၃)ယောက်ကို အသေပစ်ခတ်ဖမ်းမိခဲ့တယ်လို့ ယင်းမာပင်မြို့နယ် ပကဖ (Union Liberation Front - ULF V 02)ကထုတ်ပြန်ပါတယ်။
စက်တင်ဘာလ ၁၂ ရက်နေ့က ထွက်ပြေးလာတဲ့ စစ်ကော်မရှင်တပ်သား(၂)ဦးကို အသေဖမ်းဆီးနိုင်ခဲ့ပြီးMa 1 (၂)လက်၊ ၅.၅၆ကျည် ၁၇၀တောင့်နဲ့ ကျည်ဘောက် (၈) ဘောက် သိမ်းဆည်းရရှိခဲ့တယ်လို့သိရပါတယ်။ စက်တင်ဘာလ ၁၈ ရက်နေ့မှာ ထွက်ပြေးလာတဲ့ စစ်ကော်မရှင် ဒုတပ်ကြပ်(၁)ဦးနဲ့ ပြည်သူစစ်(၂)ဦးကို အရှင်ဖမ်းမိခဲ့ပြီး Ma 1 (၂)လက်၊ Ma 2 (၁)လက်၊ ၅.၅၆ကျည် 200 နဲ့ ကျည်ဘောက် (၈)ဘောက်၊ ဖုန်း(၄)လုံးကို သိမ်းဆည်းခဲ့တယ်လို့ ထုတ်ပြန်ပါတယ်။
အလားတူ စက်တင်ဘာလ ၂၉ ရက်မှာလည်း ထွက်ပြေးလာတဲ့ တပ်သားတစ်ဦးကို အသေ ဖမ်းစီးခဲ့ပြီး Ma 1 (၁)လက်၊ ၅.၅၆ ကျည် 50 နဲ့ ကျည်ဘောက် (၃)ဘောက်ကို ထပ်မံသိမ်းဆည်းရရှိခဲ့တယ်လို့ ယင်းမာပင်မြို့နယ် ပကဖ ကထုတ်ပြန်ပါတယ်။
#ကနီ
#ယင်းမာပင်
#စစ်ကိုင်းတိုင်း
Youtube https://www.youtube.com//videos
Telegram https://t.me/bagannews
Spotify https://open.spotify.com/show/731ZlRXmHoEucpxapMJuul
Website www.bagannews.org
