The People's Voice-ခမ်းသားငေါဝ်း Pa-O Version

The People's Voice-ခမ်းသားငေါဝ်း Pa-O Version ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก The People's Voice-ခမ်းသားငေါဝ်း Pa-O Version, Chiang Mai.

ပအိုဝ်ႏဒေႏသကို အဗဉ်ႏအဗꩻနေက်စက်အံႏနွောင်ꩻမုမျိုꩻစုမ်ႏယို အိုင်ထွိုင်ႏတနွောင်းနွောင်းခမ်းသားဖဲ့ꩻတွော့ꩻ လွစ်လွစ်တခြင်ခြင်ဖောႏထန်ႏနယ်လွေꩻ သတင်ꩻဖိုင်ႏ၊ ထိန်ꩻသိမ်ꩻလွေꩻပါ ပအိုဝ်ႏယိုꩻယာႏအမွီႏတောမ်ႏ ပင်ႏတသွောင်းထိုပအိုဝ်ႏလိတ်လုဲင်ꩻ ပအိုဝ်ႏမီဒီယာတဗာႏတန်သွူ။

03/10/2025

ပုင်ႏဆောင်ႏတောမ်ႏစဲ့ꩻသားတဲ့ စွန်အံႏထူႏနွိုင်ႏ ဗွေႏသျင်ႏသင်ကယ်တောမ်ႏဖုန်းသတင်ꩻအပါ သꩻဝင်ႏစာꩻခရာႏ သတင်ꩻထူꩻအလင်ဖိုင်ႏယို အီႏဒင်ႏနယ်လွေꩻဖေႏယင်းနဝ်ꩻသွူ။

နေင်ႏ ၁၃၈၇ ဗာႏ တင်ꩻကျွောစ်လာဆန်ꩻ ၁၂နီꩻ ခရာဇ်နေင်ႏ ၂၀၂၅ ဗာႏ အောက်တိုဘာလာ ၃ နီꩻ မွူးနီꩻသောကျာႏ မွူးဟားခိုႏငိမ်ꩻခွꩻရျူႏအခိင်ႏ အဝ်ႏခမ်းသားငဝ်း သေသင်ꩻ တလီꩻလောင်းအခြပ်အရဲဉ်ႏကို အီႏဒင်ႏနယ်ꩻလွေꩻဖေႏယင်း ခမ်းသားငဝ်းကလꩻလွောန်ဒါႏ ပအိုဝ်ႏဒေႏသကို သတင်ꩻထူꩻဖိုင်ႏနဝ်ꩻ...

လူႏသွီႏခိင်ႏ ဆဲ့ꩻထꩻအလဲင်ႏပေါင်ꩻအာတဲင် စဝ်းစံထွန်းတသီႏယုင်ႏကို မဲဉ်လူႏရောင်တဝ်းသွီႏဖိုင်ႏ သတင်ꩻ ၊အွိုင်ႏထမ်းဖရာꩻ အွိုင်ႏလိုꩻတန်ဖြားကံႏနဝ်ꩻကေပ်ꩻလွေꩻ လိုꩻလွေꩻထုဲင်ꩻ သက် ၁၈ မာꩻကီသားထျꩻ တဖြာꩻအသိန်ႏ ၂၀ သတင်ꩻ ၊ရွေညောင်ကို ဗွေႏစင်ꩻတပါꩻနဝ်ꩻ တောမ်ꩻတံဆိတ်အတုတွော့ꩻ ယံအွောန်ႏထွော့ꩻဖေႏသာႏသနာႏဟံႏပဲင်ႏ ဒင်ႏခါꩻ နုဲင်းနဝ်ꩻတဲင် ခံႏဗာႏစွယ်ꩻတရာꩻ သတင်ꩻ စတဲင်ꩻ သတင်ꩻတွမ်ႏ အီႏခြုဲင်းနယ်လွေꩻပါ "တန်ႏတူႏနေဟောင်း ထာမဥ်လꩻ” ရောမ်ꩻဖြုဲင်ꩻနုဲင်းနဝ်ꩻသွူ။





03/10/2025

ပအိုဝ်ႏကပျဆန္ဒ ၈၈ ခိန်ႏနဝ်ꩻ ပါꩻမုဲင်ꩻအွောန်

---------------

ခမ်းသားငေါဝ်း
မော့ꩻခွဲးရီရွောင်

၁၉၈၈ ဗာႏနေင်ႏ ခမ်းထီရုန်ႏရေင်ခိန်ႏ ပအိုဝ်ႏကပျဆန္ဒ လိုꩻအသောင်ႏတန်ꩻ တောင်ႏကီꩻကို နဝ်ꩻ ပါꩻမုဲင်ꩻအွောန်။ နဝ်ꩻခိန်ႏပအိုဝ်ႏစွိုးခွိုꩻအစွိုꩻချုက် PNO အစွိုꩻ နုဲင်ႏငံႏရေꩻ အဝ်ႏနုဲင်းမုဲင်ꩻ စစွောန်ႏအကျောင်ꩻခရာႏ ဖြားခွန်ကျော်ဇေယျ ခြုဲင်းနယ်ဖေႏနဝ်ꩻသွူ။



#88

02/10/2025

ပ အ မ ဖ ဒုတိယခွိုꩻသွုပ် ကတဲႏထောင်ႏထွာဗာႏအကျောင်ꩻနဝ်ꩻ
ခမ်းသားငေါဝ်း
မော့ꩻခွဲးရီရွောင်
ပအမဖ အစွိုꩻအဗူႏယို ထွာ တရာꩻဝင်ႏနုဲင်ႏငံႏရေꩻအစွိုꩻအဗူႏတဲင် ဖြားဗွာလှဖေသီးစိုးထွူ ကတဲႏခွုန်ꩻယင်းဒါႏ ပအမဖ အစွိုꩻ ဒုတိယခွိုꩻသွုပ် အကျောင်ꩻယို မော့ꩻခွဲးဒေါ့ꩻရီလွေꩻတောမ်ꩻ ကပါဝင်ႏတဲႏခွုန်ꩻဒါႏသားတဖြာꩻ ဖြားခွန်ကျော်ဇေယျနဝ်ꩻသွူ။


01/10/2025

ခံႏဗာႏ တောမ်စုနွိုင်ႏစဲ့ꩻသားဖိုင်ႏယို စဲ့ꩻမန်းတပ်သုင်ꩻအီ လိုꩻတံꩻတွိုင်ꩻတဲင် လꩻရာꩻအနယ်ꩻ ထန်ႏဆွန်ꩻစူသွော့ꩻ အွော့ꩻဝန်ရေꩻသားအစွိုꩻ NUG နွန်ႏထွာႏ သတင်ꩻအပါ သꩻဝင်ႏစာꩻခရာႏ သတင်ꩻထူꩻအလင်ဖိုင်ႏယို အီႏဒင်ႏနယ်လွေꩻဖေႏယင်းနဝ်ꩻသွူ။

နေင်ႏ(၁၃၈၇)ဗာႏ၊တင်ꩻကျွောစ်လာဆန်ꩻ(၁၀)နီꩻ၊ခရာဇ်နေင်ႏ(၂၀၂၅)၊အောက်တိုဘာလာ (၁)နီꩻ၊မွူးနီꩻဗုဒ္ဓဟူႏ မွူးဟာခိုႏငိမ်ꩻခွꩻရျူႏအခိန်ႏ အောဝ်ႏခမ်းသားငေါဝ်းသေသင်ꩻသတင်ꩻ တလီꩻလောင်းအခြပ်အရဲဥ်ႏကို အီႏဒေ့ါꩻနယ်လွေꩻဖေႏယင်း သတင်ꩻထူꩻဖိုင်ႏနဝ်ꩻ----------------------

ထုဲင်ꩻခမ်း၊ ကန်ချနပူရီခရဲင်ႏကို မန်းခမ်းသား (၁၀၀) လွို ခံႏဗာႏဝင်ꩻဆောမ်ꩻလꩻ သတင်ꩻ၊ နောင်ရွီႏ သပြေပင်ထောင့်ကွေးဒိုင်ကို တျာႏဆေႏတွော့ꩻ မေႏခိုးထိုꩻလမ်းတဖြိုင်ႏသတင်ꩻ တောမ်ႏသꩻဝင်ႏစာꩻခရာႏသတင်ꩻအလင်ဖိုင်ႏထွူ အီႏဒင်ႏနယ်လွေꩻဖေႏပါယင်း “ကံထွိုင်ႏရော့ꩻ”ရောမ်ဖြုဲင်ꩻနဝ်ꩻသွူ။





30/09/2025

ကားကအဝ်ႏမင်္ဂလာႏဒျာႏသွူဩ။ အဝ်ႏခမ်းသားငေါဝ်း ရောမ်ဖြုဲင်ꩻအခန်ကဏ္ဏကိူ ကျိုႏဆုမ်ႏလွေꩻဒျာႏသွူဩ။

ယိုတလဲင်ႏကအီႏခြုဲင်းနယ်လွေꩻဒါႏ ရောမ်ဖြုဲင်ꩻကတူႏစဲဉ်ႏနဝ်ꩻ “ရဟန်ꩻတပါꩻတဲ့နဝ်ꩻ လိုꩻတဖြာꩻအလောင်းတဲ့နဝ်ꩻ တောမ်ႏထင်းဖွီမွိုန်မွုန်း” အမဉ်ꩻအဝ်ႏနုဲင်းနဝ်ꩻသွူ။

ရဟန်ꩻတပါꩻလွေꩻတဖူꩻကျာꩻ အဝ်ႏသူင်ꩻသောမ်ꩻ ဆဲင်ႏကိုတွင်ꩻ မွူးပင်ꩻလင်ꩻခိင်ႏလဲဉ်းတွော့ꩻ နွို့လွောန်ဆဲင်ႏကိုသားဖိုင်ႏယဟန်ႏနဝ်ꩻ တွဲးတခွန်ꩻပုင်ႏထွူ ဒင်ႏလွေꩻလဲင်းလောင်း လဲင်ꩻခိင်ႏယိုသွူ အဝ်ႏသုင်ꩻကသောမ်ꩻ ယိုနဝ်ꩻတောမ်ႏကယားနီသာႏသနာႏဗွိုန်ဝင်ꩻ နုဲင်းနဝ်ꩻသွူ။

ယဟန်ႏသားနဝ်ꩻလဲ့ လွောန်ဖေႏရောင်ကွန့်မန့် မဉ်ႏအိုင်နွောင်ꩻတဝ်းလဲ့ လိုႏထွက်နေးဒျာႏ တသေတဝ်းအခရာႏတဲင် ဝွေႏဖန်ႏရောင်သားဖိုင်ႏအဝ်ႏအတွိုင်ꩻ လွေꩻတဖူꩻကျာꩻ ကာꩻမဉ်ႏဆွိုးမုဲင်ꩻခါမꩻ သူင်ꩻဗာႏသောမ်ꩻနဝ်ꩻက ကာꩻထဲ့ဆုဲင်ꩻတဲ့ ထွာနွောင်ꩻဒျာႏ လိုႏသေနာႏဖေႏဒျာႏ စတဲင်ထီႏအဟဝ်ဖဲ့ꩻ သားဖိုင်ႏလဲ့အဝ်ႏနဝ်ꩻသွူ။

အမဲန်ႏနဝ်ꩻတဲ့ ရဟန်ꩻသီးအမျိုꩻ မဉ်ႏလွေꩻတဖူꩻကျာꩻ မွူးလဲဉ်းခန်းလဲ့သူင်ꩻသောမ်ꩻလꩻဒျာႏနဝ်ꩻသွူ။ ဗွေးဖရာꩻတဲ့ အဝ်ႏခွင်ꩻခါꩻဖေႏဒျာႏနဝ်ꩻသွူ။ ဖေႏနေးကခွင်ꩻဖေႏတာႏ ကကွီꩻလွေꩻခွင်ꩻသားနဝ်ꩻ ကျောင်ꩻတကာႏမ နင်ꩻဝိသာႏခါနဝ်ꩻသွူ။ ဗွေႏဖရာꩻအဝ်ႏသတင်ꩻသူင်ꩻလွေꩻ ဇေႏတဝန်ႏကျောင်ꩻကို ကျောင်ꩻတကာႏမꩻ နင်ꩻဝိသားခါႏနဝ်ꩻ အွောန်ႏခန်းအလိုꩻ ထင်ႏပင်ꩻသူင်ꩻသောမ်ꩻတာႏနဝ်ꩻသွူ။

ကထင်ႏပင်ꩻဒါႏ ရဟန်ꩻကျာꩻ သမ်းတနꩻရဟန်ႏဖိုင်ႏအဝ်ႏတပါယ်ႏရောင်ထီတွော့ꩻ ကထင်ႏပင်ꩻသားနဝ်ꩻ သဲင်ꩻချာꩻသွူးခန်းနဝ်ꩻသွူ။ သဲင်ꩻလဝ်းချာနင်ꩻဝိသားခါႏနုဲင်းယို “ကေျာင်ꩻကို ရဟန်ꩻဖိုင်ႏတအဝ်ႏတဝ်း အဝ်ႏလုမ်ꩻတကတွောန်ဖိုင်ႏ” နုဲင်းနဝ်ꩻသွူ။ နင်ꩻဝိသာႏခါꩻနဝ်ꩻ လိုꩻမူႏပရီႏပရာႏမွေးတဝ်း ညဏ်ႏပညာႏဗွေထာꩻသူႏသေအဝ်ႏ လိမ္မာႏယေန်ꩻကေႏထွူ ထာꩻယူႏတဲ့ထင်တဲင် ရဟန်ꩻဖိုင်ႏရအဝ်ႏတပယ်ႏထီကရိုꩻနဝ်ꩻ သေသွူးစွောန်ႏသွူ။

နဝ်ꩻတွော့ꩻ ရတပါယ်ႏထီထွူ အဝ်ႏဗုဲင်သင်ႏကန်ꩻထွူခိင်ႏရပ် အွောန်ႏထင်ႏပင်ꩻထဲင်းယင်း တလဲင်ႏမꩻ ဗွေႏဖရာꩻတောမ်ႏ ရဟန်ꩻဖိုင်ႏနဝ်ꩻ ကျွꩻသဲင်ꩻသူင်ꩻဖေႏသောမ်ꩻနဝ်ꩻသွူ။ ကပ်လူႏသောမ်ꩻထွူ ကျောင်ꩻတကာႏမ နင်ꩻဝိသာႏခါႏနဝ်ꩻ ယူႏလွေꩻဖေႏရဟန်ꩻသီးတာႏတဲင် ကွီလွေꩻဆုꩻ ဗွေႏဖရာꩻထျꩻ ၈ ချက်နဝ်ꩻသွူ။ တရျိုးနန်းခီလွေꩻ သင်ႏကန်ꩻဖိုင်ႏ ခမ်းမဉ်ႏစဝ်ႏနဝ်ꩻ ကီႏညိုႏကုဲင်လွေꩻဒါႏ သာႏသနာႏအလောင်းတဲင်တွော့ꩻ ကွီလွေꩻအမုဲင်( ၁ ) ရဟန်ꩻဖိုင်ႏ သုင်ꩻခွင်ꩻဖေႏကလꩻလွေꩻ ဝါႏဆိုႏသင်ꩻကန်ꩻ ထီခမ်းဗာႏတဲ့ ခံႏဒါႏသင်ႏကန်ꩻ၊ အမုဲင်(၂) ရဟန်ꩻဖိုင်ႏမဉ်ႏလွေꩻညာꩻတဖူꩻခိင်ႏ အယပ်ꩻအခုဲင်ႏဖိုင်ႏ အဝ်ႏနွောင်ꩻဒါႏတဲင် အာဂန္တုထဉ်ႏရဟန်ꩻဖိုင်ႏယို အခိင်ႏတရွေꩻတဝ်း သူင်ꩻသောမ်ꩻခွင်ꩻ၊ အမုဲင်(၃) အဝ်ႏထိုမ်ႏသောမ်ꩻခိင်ႏတရိုꩻတဝ်း အိုင်ပွေါးဗာႏလွေꩻတဖူꩻသွꩻတရိုꩻတဝ်း တဖူꩻတွင်ႏတဝ်းထွာဒါႏတဲင်တွော့ꩻ လွေꩻတဖူꩻရဟန်ꩻဖိုင်ႏယို အခိင်ႏတရွေꩻတဝ်းသူင်ꩻသောမ်ꩻခွင်ꩻ၊ အမုဲင်(၄) အိုင်ဟဝ်တဝ်း ခြိုန်ႏသန်ꩻတဝ်း ရဟန်ꩻဖိုင်ႏယို အခိင်ႏတရွေꩻတဝ်း သူင်ꩻသောမ်ꩻခွင်ꩻ၊
အမုဲင်(၅) အိုင်ဟဝ်တဝ်း ခြိုန်ႏသန်ꩻတဝ်း ရဟန်ꩻဖိုင်ႏတာႏ အခိင်ႏတရွေꩻတဝ်း လူႏတသီႏခွင်ꩻ၊ အမုဲင်(၆) မဉ်ႏလွေꩻတုင်ꩻဗာႏသောမ်ꩻ လိုႏထွားကို တခြိုန်ႏတဝ်းရဟန်ꩻသီး ထွားဖေႏလိုꩻဆာ ရဟန်ꩻဖိုင်ႏယို အခိင်ႏတရွေꩻတဝ်း သူင်ꩻသောမ်ꩻခွင်ꩻ
အမုဲင်(၇) ယာကုအကျိုꩻ ၅ မျိုꩻနဝ်ꩻ ခန္ဓာႏအတွက် ထွာအသူင်ꩻတည့်တဲင် ရဟန်ꩻဖိုင်ႏယိုအခိင်ႏတရွေꩻတဝ်း သူင်ꩻယာကုခွင်ꩻ၊ အမုဲင်(၈) ဘိက္ခုနီႏ ရဟန်ꩻမူႏဖိုင်ႏ သူင်ꩻလွေꩻ ဝါႏဆိုႏသင်ႏကန်ꩻ ထီခမ်းဗာႏတဲ့ ခံႏဒါႏသင်ႏကန်ꩻ စတဲင်နုဲင်းနဝ်ꩻဖိုင်ႏသွူ။

ကျောင်ႏတကာႏမ နင်ꩻဝိသာႏခါႏ ကကွီꩻလွေꩻဒါႏဆုꩻဖိုင်ႏနဝ်ꩻ အကျိုꩻအဝ်ႏရာꩻဒျာႏဖိုင်ႏတဲင် ဗွေႏဖရာꩻလဲ့ ခွင်ꩻဖေႏလွေꩻခါꩻနဝ်ꩻသွူ။ နဝ်ꩻမꩻ တသေစဲင်းတဝ်းအခရာႏ ဝွေႏဖန်ႏလွေꩻ နီကထီႏကထင်ႏအတွိုင်ꩻ သဲ့ꩻသောမ်ꩻလွေꩻရဟန်ဖိုင်ႏနဝ်ꩻ ထွာထိုꩻထဲင်းနီဖြောင်းပဲစ်ဖြေꩻပဲစ်အကုသိုလ်ႏဖိုင်ႏနဝ်ꩻသွူ။

နီပအိုဝ်ႏအကိုတဲ့အမွေးမဲန်ႏအဝ်ႏဖို နဝ်ꩻနဝ်ꩻ အဝ်ႏဟွိုန်ဖို ပအိုဝ်ႏသဌေꩻဖြားတဖြာꩻ ခံႏဗာႏခန်းဝင်ꩻဖစ် ဝင်ꩻမာꩻပွယ်ꩻ ဝွေꩻတဲ့လွေꩻလမ်းစောဝ်းပနားထွူ တောမ်ႏဆဲင်ꩻကလာꩻယကွောန်ꩻယ လွေꩻတငါခန်းဒျာႏ ဝင်ꩻကဖစ်လမ်းနဝ်ꩻသွူ။ တွိုင်ႏတွိုးလမ်းကိုနဝ်ꩻ တမုဲင်ꩻတဖြာꩻလဲ့ တဟဲ့ꩻဆူမ်ႏတဝ်း တဗွော့ꩻဖေႏတဝ်းဒဲန်ဟန်ႏနဝ်ꩻသွူ။

နဝ်ꩻမꩻဝွေꩻဖြား ယူႏလချာခန်း ပါႏဝွေꩻခေါမ်ꩻလာꩻနုဲင်းနဝ်ꩻတဲင် နဲက်သဲင်ꩻချာꩻလမ်း သဲင်ꩻပြွတ်ခန်းခေါမ်လာꩻဆွေꩻနားကီလ တောမ်ႏကတူႏပေါက်ခွေႏတန် သဲင်ꩻဆွပါခန်းအစူဆွို့ꩻတန်ဖိုင်ႏ ငွေါန်ဟွဲးဖိုင်ႏ တောမ်ႏတောင်းပွိုလားတန်တဲင် လွောန်ယင်းတလဲင်ႏ သဲက်ကတွိုးလဲ့ အိုင်ခိုးခိုႏယိုဟုဲင်းဖြားတန် စတဲင်နဲက်ကဖစ်ဟဲ့ꩻသားအဝ်ႏအတွိုင်ꩻ နဲက်ဗွော့ဒဲန်ဟန်ႏသားဖိုင်ႏလဲ့အဝ်ႏနဝ်ꩻသွူ။ နဝ်ꩻထွူ ဟဲ့ꩻသူင်ꩻဆောင်ႏခန်းဒဲန် သူဌေꩻဖြားနဝ်ꩻလဲ့ ဗွောင်ႏလွေꩻအဆဲင်ꩻဖိုင်ႏ ကတူႏပေါက်ဖိုင်ႏ ယော့ꩻအမ်ႏဟုဲင်း ယိုနဝ်ꩻခွေမေတ္တာႏမွေးတဝ်း သီမေတ္တာႏဒျာႏ ရိုꩻနုဲင်းနဝ်ꩻအကျောင်ꩻ ဟွိုန်ထွꩻဗာႏဖိုဝင်ꩻလိုꩻဖြားဖိုင်ႏ ခြုဲင်းနဝ်ꩻသွူ။

နဝ်ꩻမꩻ ရဟန်ꩻတပါꩻအလောင်းတဲ့ꩻနဝ်ꩻ ပါမုဲင်ꩻတဖြာꩻအလောင်းခန်းယဝ်း ထွားအထန်ႏတွော့ꩻ ထီႏဖွီမွိုန်မွုန်းတဝ်းသွော့ꩻအကျောင်ꩻ

နင်ꩻခမ်း ဟေႏမာန်ႏ
သထူင်ႏပေႏ
၂၈၊ ၉၊ ၂၀၂၅

ကနာႏထွားဖေႏအာႏဒါႏ ခမ်းသားငေါဝ်း ရောမ်ဖြုဲင်ꩻအခန်ကဏ္ဏကိုတာႏ ကေꩻဇူꩻတင်ႏငါႏမရေႏမရာႏသွူဩ။ မဉ်ႏမဲန်ဖေႏဒါႏ အကျံႏညဏ်ႏဖိုင်ႏတရိုꩻနဝ်ꩻ မဉ်ႏမဲန်တဲမ်းပသာဒါႏရောမ်ꩻဖြုဲင်ꩻတရိုꩻတဝ်း တဲမ်းပသာဖေႏနွောင်ꩻဒျာႏ ခမ်းသားငေါဝ်းပေစ့်ကိုတောမ်ႏ ခမ်းသားဝိုက်အက်စီမေးဒေါ့ꩻကောမ်းကိုအကျောင်ꩻ ဖေႏသေလွေꩻဗာႏသွူဩ။ ကခံႏဗာႏလွိုက်ထူႏ ရောမ်ꩻဖြုဲင်ꩻဖိုင်ႏယို ဖေႏအပ်ခွိုန်ꩻချာယင်း ညဏ်ႏပူႏခꩻထွူ စုမ်ႏပတ်တနင်ꩻနွေꩻနီꩻနဝ်ꩻ ဒင်ႏလွေꩻဖေႏချာယင်းသွူဩ။ ကေꩻဇူꩻတန်ငါႏသွူဩ။


#ရောမ်ဖြုဲင်ꩻ

29/09/2025

နမ်းဟူꩻဒိုင်ကိုလိုꩻမူႏတဖြာꩻ ခံႏဗာႏဝင်ꩻလဲဥ်အံႏရွောန်တောမ်ႏခံꩻဖိုင်ႏသတင်ꩻအပါသꩻဝင်ႏစာꩻခရာႏ သတင်ꩻထူꩻအလင်ဖိုင်ႏယို အီႏဒင်ႏနယ်လွေꩻဖေႏယင်းနဝ်ꩻသွူ။

နေင်ႏ(၁၃၈၇)ဗာႏ၊တင်ꩻကျွောစ်လာဆန်ꩻ(၈)နီꩻ၊ခရာဇ်နေင်ႏ(၂၀၂၅)၊စက်တင်ဘာလာ(၂၉)နီꩻ၊မွူးနီꩻတနင်ႏလာႏ မွူးဟာခိုႏငိမ်ꩻခွꩻရျူႏအခိန်ႏ အောဝ်ႏခမ်းသားငေါဝ်းသေသင်ꩻသတင်ꩻ တလီꩻလောင်းအခြပ်အရဲဥ်ႏကို အီႏဒေ့ါꩻနယ်လွေꩻဖေႏယင်း သတင်ꩻထူꩻဖိုင်ႏနဝ်ꩻ---------------------------

သီႏသဲင်ႏဝေင်ꩻနယ်ႏနမ်းဩဒိုင်ထျꩻ လိုꩻမူႏတဖြာꩻခံႏဗာႏကာꩻလွောန်တလူႏတဲင် သီလွေꩻဗာႏထွူ ကာꩻသားနဝ်ꩻဝါးလွင်းလွေꩻထိုꩻကာꩻသတင်ꩻ၊ ပအိုဝ်ႏစွိုးခွိုꩻအစွိုꩻချုတ် (၇)လဲင်ႏဗွေညီႏလာႏခံႏကို အွောန်ႏထွော့လွေꩻ ဆငါတာႏထာꩻမာꩻရဲဥ်ႏ (၉)ဗာႏသတင်ꩻ၊ မလေးသျားခမ်းနဝ်ꩻ မန်းခမ်းတာႏဖေႏလွေꩻ ဗီဇာလွစ်တခြင်ခွင်ꩻ(၁၄)နီꩻသတင်ꩻ တောမ်ႏသꩻဝင်ႏစာꩻခရာႏသတင်ꩻအလင်ဖိုင်ႏထွူ အီႏဒင်ႏနယ်လွေꩻဖေႏပါယင်း “လိုပ်ꩻလုဲင်းမာꩻခြံသား ငေါဝ်းအွို့ꩻခြင်ꩻ”ရောမ်ဖြုဲင်ꩻနဝ်ꩻသွူ။





ကားကအဝ်ႏမင်္ဂလာႏဒျာႏသွူဩ။ အဝ်ႏခမ်းသားငေါဝ်း ရောမ်ဖြုဲင်ꩻအခန်ကဏ္ဏကိူ ကျိုႏဆုမ်ႏလွေꩻဒျာႏသွူဩ။ ယိုတလဲင်ႏကအီႏခြုဲင်းနယ်လွေꩻဒ...
28/09/2025

ကားကအဝ်ႏမင်္ဂလာႏဒျာႏသွူဩ။ အဝ်ႏခမ်းသားငေါဝ်း ရောမ်ဖြုဲင်ꩻအခန်ကဏ္ဏကိူ ကျိုႏဆုမ်ႏလွေꩻဒျာႏသွူဩ။

ယိုတလဲင်ႏကအီႏခြုဲင်းနယ်လွေꩻဒါႏ ရောမ်ဖြုဲင်ꩻကတူႏစဲဉ်ႏနဝ်ꩻ “ရဟန်ꩻတပါꩻတဲ့နဝ်ꩻ လိုꩻတဖြာꩻအလောင်းတဲ့နဝ်ꩻ တောမ်ႏထင်းဖွီမွိုန်မွုန်း” အမဉ်ꩻအဝ်ႏနုဲင်းနဝ်ꩻသွူ။

ရဟန်ꩻတပါꩻလွေꩻတဖူꩻကျာꩻ အဝ်ႏသူင်ꩻသောမ်ꩻ ဆဲင်ႏကိုတွင်ꩻ မွူးပင်ꩻလင်ꩻခိင်ႏလဲဉ်းတွော့ꩻ နွို့လွောန်ဆဲင်ႏကိုသားဖိုင်ႏယဟန်ႏနဝ်ꩻ တွဲးတခွန်ꩻပုင်ႏထွူ ဒင်ႏလွေꩻလဲင်းလောင်း လဲင်ꩻခိင်ႏယိုသွူ အဝ်ႏသုင်ꩻကသောမ်ꩻ ယိုနဝ်ꩻတောမ်ႏကယားနီသာႏသနာႏဗွိုန်ဝင်ꩻ နုဲင်းနဝ်ꩻသွူ။

ယဟန်ႏသားနဝ်ꩻလဲ့ လွောန်ဖေႏရောင်ကွန့်မန့် မဉ်ႏအိုင်နွောင်ꩻတဝ်းလဲ့ လိုႏထွက်နေးဒျာႏ တသေတဝ်းအခရာႏတဲင် ဝွေႏဖန်ႏရောင်သားဖိုင်ႏအဝ်ႏအတွိုင်ꩻ လွေꩻတဖူꩻကျာꩻ ကာꩻမဉ်ႏဆွိုးမုဲင်ꩻခါမꩻ သူင်ꩻဗာႏသောမ်ꩻနဝ်ꩻက ကာꩻထဲ့ဆုဲင်ꩻတဲ့ ထွာနွောင်ꩻဒျာႏ လိုႏသေနာႏဖေႏဒျာႏ စတဲင်ထီႏအဟဝ်ဖဲ့ꩻ သားဖိုင်ႏလဲ့အဝ်ႏနဝ်ꩻသွူ။

အမဲန်ႏနဝ်ꩻတဲ့ ရဟန်ꩻသီးအမျိုꩻ မဉ်ႏလွေꩻတဖူꩻကျာꩻ မွူးလဲဉ်းခန်းလဲ့သူင်ꩻသောမ်ꩻလꩻဒျာႏနဝ်ꩻသွူ။ ဗွေးဖရာꩻတဲ့ အဝ်ႏခွင်ꩻခါꩻဖေႏဒျာႏနဝ်ꩻသွူ။ ဖေႏနေးကခွင်ꩻဖေႏတာႏ ကကွီꩻလွေꩻခွင်ꩻသားနဝ်ꩻ ကျောင်ꩻတကာႏမ နင်ꩻဝိသာႏခါနဝ်ꩻသွူ။ ဗွေႏဖရာꩻအဝ်ႏသတင်ꩻသူင်ꩻလွေꩻ ဇေႏတဝန်ႏကျောင်ꩻကို ကျောင်ꩻတကာႏမꩻ နင်ꩻဝိသားခါႏနဝ်ꩻ အွောန်ႏခန်းအလိုꩻ ထင်ႏပင်ꩻသူင်ꩻသောမ်ꩻတာႏနဝ်ꩻသွူ။

ကထင်ႏပင်ꩻဒါႏ ရဟန်ꩻကျာꩻ သမ်းတနꩻရဟန်ႏဖိုင်ႏအဝ်ႏတပါယ်ႏရောင်ထီတွော့ꩻ ကထင်ႏပင်ꩻသားနဝ်ꩻ သဲင်ꩻချာꩻသွူးခန်းနဝ်ꩻသွူ။ သဲင်ꩻလဝ်းချာနင်ꩻဝိသားခါႏနုဲင်းယို “ကေျာင်ꩻကို ရဟန်ꩻဖိုင်ႏတအဝ်ႏတဝ်း အဝ်ႏလုမ်ꩻတကတွောန်ဖိုင်ႏ” နုဲင်းနဝ်ꩻသွူ။ နင်ꩻဝိသာႏခါꩻနဝ်ꩻ လိုꩻမူႏပရီႏပရာႏမွေးတဝ်း ညဏ်ႏပညာႏဗွေထာꩻသူႏသေအဝ်ႏ လိမ္မာႏယေန်ꩻကေႏထွူ ထာꩻယူႏတဲ့ထင်တဲင် ရဟန်ꩻဖိုင်ႏရအဝ်ႏတပယ်ႏထီကရိုꩻနဝ်ꩻ သေသွူးစွောန်ႏသွူ။

နဝ်ꩻတွော့ꩻ ရတပါယ်ႏထီထွူ အဝ်ႏဗုဲင်သင်ႏကန်ꩻထွူခိင်ႏရပ် အွောန်ႏထင်ႏပင်ꩻထဲင်းယင်း တလဲင်ႏမꩻ ဗွေႏဖရာꩻတောမ်ႏ ရဟန်ꩻဖိုင်ႏနဝ်ꩻ ကျွꩻသဲင်ꩻသူင်ꩻဖေႏသောမ်ꩻနဝ်ꩻသွူ။ ကပ်လူႏသောမ်ꩻထွူ ကျောင်ꩻတကာႏမ နင်ꩻဝိသာႏခါႏနဝ်ꩻ ယူႏလွေꩻဖေႏရဟန်ꩻသီးတာႏတဲင် ကွီလွေꩻဆုꩻ ဗွေႏဖရာꩻထျꩻ ၈ ချက်နဝ်ꩻသွူ။ တရျိုးနန်းခီလွေꩻ သင်ႏကန်ꩻဖိုင်ႏ ခမ်းမဉ်ႏစဝ်ႏနဝ်ꩻ ကီႏညိုႏကုဲင်လွေꩻဒါႏ သာႏသနာႏအလောင်းတဲင်တွော့ꩻ

ကွီလွေꩻအမုဲင်( ၁ ) ရဟန်ꩻဖိုင်ႏ သုင်ꩻခွင်ꩻဖေႏကလꩻလွေꩻ ဝါႏဆိုႏသင်ꩻကန်ꩻ ထီခမ်းဗာႏတဲ့ ခံႏဒါႏသင်ႏကန်ꩻ
အမုဲင်(၂) ရဟန်ꩻဖိုင်ႏမဉ်ႏလွေꩻညာꩻတဖူꩻခိင်ႏ အယပ်ꩻအခုဲင်ႏဖိုင်ႏ အဝ်ႏနွောင်ꩻဒါႏတဲင် အာဂန္တုထဉ်ႏရဟန်ꩻဖိုင်ႏယို အခိင်ႏတရွေꩻတဝ်း သူင်ꩻသောမ်ꩻခွင်ꩻ
အမုဲင်(၃) အဝ်ႏထိုမ်ႏသောမ်ꩻခိင်ႏတရိုꩻတဝ်း အိုင်ပွေါးဗာႏလွေꩻတဖူꩻသွꩻတရိုꩻတဝ်း တဖူꩻတွင်ႏတဝ်းထွာဒါႏတဲင်တွော့ꩻ လွေꩻတဖူꩻရဟန်ꩻဖိုင်ႏယို အခိင်ႏတရွေꩻတဝ်းသူင်ꩻသောမ်ꩻခွင်ꩻ
အမုဲင်(၄) အိုင်ဟဝ်တဝ်း ခြိုန်ႏသန်ꩻတဝ်း ရဟန်ꩻဖိုင်ႏယို အခိင်ႏတရွေꩻတဝ်း သူင်ꩻသောမ်ꩻခွင်ꩻ
အမုဲင်(၅) အိုင်ဟဝ်တဝ်း ခြိုန်ႏသန်ꩻတဝ်း ရဟန်ꩻဖိုင်ႏတာႏ အခိင်ႏတရွေꩻတဝ်း လူႏတသီႏခွင်ꩻ
အမုဲင်(၆) မဉ်ႏလွေꩻတုင်ꩻဗာႏသောမ်ꩻ လိုႏထွားကို တခြိုန်ႏတဝ်းရဟန်ꩻသီး ထွားဖေႏလိုꩻဆာ ရဟန်ꩻဖိုင်ႏယို အခိင်ႏတရွေꩻတဝ်း သူင်ꩻသောမ်ꩻခွင်ꩻ
အမုဲင်(၇) ယာကုအကျိုꩻ ၅ မျိုꩻနဝ်ꩻ ခန္ဓာႏအတွက် ထွာအသူင်ꩻတည့်တဲင် ရဟန်ꩻဖိုင်ႏယိုအခိင်ႏတရွေꩻတဝ်း သူင်ꩻယာကုခွင်ꩻ
အမုဲင်(၈) ဘိက္ခုနီႏ ရဟန်ꩻမူႏဖိုင်ႏ သူင်ꩻလွေꩻ ဝါႏဆိုႏသင်ႏကန်ꩻ ထီခမ်းဗာႏတဲ့ ခံႏဒါႏသင်ႏကန်ꩻ စတဲင်နုဲင်းနဝ်ꩻဖိုင်ႏသွူ။

ကျောင်ႏတကာႏမ နင်ꩻဝိသာႏခါႏ ကကွီꩻလွေꩻဒါႏဆုꩻဖိုင်ႏနဝ်ꩻ အကျိုꩻအဝ်ႏရာꩻဒျာႏဖိုင်ႏတဲင် ဗွေႏဖရာꩻလဲ့ ခွင်ꩻဖေႏလွေꩻခါꩻနဝ်ꩻသွူ။ နဝ်ꩻမꩻ တသေစဲင်းတဝ်းအခရာႏ ဝွေႏဖန်ႏလွေꩻ နီကထီႏကထင်ႏအတွိုင်ꩻ သဲ့ꩻသောမ်ꩻလွေꩻရဟန်ဖိုင်ႏနဝ်ꩻ ထွာထိုꩻထဲင်းနီဖြောင်းပဲစ်ဖြေꩻပဲစ်အကုသိုလ်ႏဖိုင်ႏနဝ်ꩻသွူ။

နီပအိုဝ်ႏအကိုတဲ့အမွေးမဲန်ႏအဝ်ႏဖို နဝ်ꩻနဝ်ꩻ အဝ်ႏဟွိုန်ဖို ပအိုဝ်ႏသဌေꩻဖြားတဖြာꩻ ခံႏဗာႏခန်းဝင်ꩻဖစ် ဝင်ꩻမာꩻပွယ်ꩻ ဝွေꩻတဲ့လွေꩻလမ်းစောဝ်းပနားထွူ တောမ်ႏဆဲင်ꩻကလာꩻယကွောန်ꩻယ လွေꩻတငါခန်းဒျာႏ ဝင်ꩻကဖစ်လမ်းနဝ်ꩻသွူ။ တွိုင်ႏတွိုးလမ်းကိုနဝ်ꩻ တမုဲင်ꩻတဖြာꩻလဲ့ တဟဲ့ꩻဆူမ်ႏတဝ်း တဗွော့ꩻဖေႏတဝ်းဒဲန်ဟန်ႏနဝ်ꩻသွူ။

နဝ်ꩻမꩻဝွေꩻဖြား ယူႏလချာခန်း ပါႏဝွေꩻခေါမ်ꩻလာꩻနုဲင်းနဝ်ꩻတဲင် နဲက်သဲင်ꩻချာꩻလမ်း သဲင်ꩻပြွတ်ခန်းခေါမ်လာꩻဆွေꩻနားကီလ တောမ်ႏကတူႏပေါက်ခွေႏတန် သဲင်ꩻဆွပါခန်းအစူဆွို့ꩻတန်ဖိုင်ႏ ငွေါန်ဟွဲးဖိုင်ႏ တောမ်ႏတောင်းပွိုလားတန်တဲင် လွောန်ယင်းတလဲင်ႏ သဲက်ကတွိုးလဲ့ အိုင်ခိုးခိုႏယိုဟုဲင်းဖြားတန် စတဲင်နဲက်ကဖစ်ဟဲ့ꩻသားအဝ်ႏအတွိုင်ꩻ နဲက်ဗွော့ဒဲန်ဟန်ႏသားဖိုင်ႏလဲ့အဝ်ႏနဝ်ꩻသွူ။ နဝ်ꩻထွူ ဟဲ့ꩻသူင်ꩻဆောင်ႏခန်းဒဲန် သူဌေꩻဖြားနဝ်ꩻလဲ့ ဗွောင်ႏလွေꩻအဆဲင်ꩻဖိုင်ႏ ကတူႏပေါက်ဖိုင်ႏ ယော့ꩻအမ်ႏဟုဲင်း ယိုနဝ်ꩻခွေမေတ္တာႏမွေးတဝ်း သီမေတ္တာႏဒျာႏ ရိုꩻနုဲင်းနဝ်ꩻအကျောင်ꩻ ဟွိုန်ထွꩻဗာႏဖိုဝင်ꩻလိုꩻဖြားဖိုင်ႏ ခြုဲင်းနဝ်ꩻသွူ။

နဝ်ꩻမꩻ ရဟန်ꩻတပါꩻအလောင်းတဲ့ꩻနဝ်ꩻ ပါမုဲင်ꩻတဖြာꩻအလောင်းခန်းယဝ်း ထွားအထန်ႏတွော့ꩻ ထီႏဖွီမွိုန်မွုန်းတဝ်းသွော့ꩻအကျောင်ꩻ

နင်ꩻခမ်း ဟေႏမာန်ႏ
သထူင်ႏပေႏ
၂၈၊ ၉၊ ၂၀၂၅

ကနာႏထွားဖေႏအာႏဒါႏ ခမ်းသားငေါဝ်း ရောမ်ဖြုဲင်ꩻအခန်ကဏ္ဏကိုတာႏ ကေꩻဇူꩻတင်ႏငါႏမရေႏမရာႏသွူဩ။ မဉ်ႏမဲန်ဖေႏဒါႏ အကျံႏညဏ်ႏဖိုင်ႏတရိုꩻနဝ်ꩻ မဉ်ႏမဲန်တဲမ်းပသာဒါႏရောမ်ꩻဖြုဲင်ꩻတရိုꩻတဝ်း တဲမ်းပသာဖေႏနွောင်ꩻဒျာႏ ခမ်းသားငေါဝ်းပေစ့်ကိုတောမ်ႏ ခမ်းသားဝိုက်အက်စီမေးဒေါ့ꩻကောမ်းကိုအကျောင်ꩻ ဖေႏသေလွေꩻဗာႏသွူဩ။ ကခံႏဗာႏလွိုက်ထူႏ ရောမ်ꩻဖြုဲင်ꩻဖိုင်ႏယို ဖေႏအပ်ခွိုန်ꩻချာယင်း ညဏ်ႏပူႏခꩻထွူ စုမ်ႏပတ်တနင်ꩻနွေꩻနီꩻနဝ်ꩻ ဒင်ႏလွေꩻဖေႏချာယင်းသွူဩ။ ကေꩻဇူꩻတန်ငါႏသွူဩ။

28/09/2025

ယိုတလဲင်ႏကအီႏခြုဲင်းနယ်လွေꩻဒါႏ ရောမ်ဖြုဲင်ꩻကတူႏစဲဉ်ႏနဝ်ꩻ “ရဟန်ꩻတပါꩻတဲ့နဝ်ꩻ လိုꩻတဖြာꩻအလောင်းတဲ့နဝ်ꩻ တောမ်ႏထင်းဖွီမွိုန်မွုန်း” အမဉ်ꩻအဝ်ႏနုဲင်းနဝ်ꩻသွူ၊၊

https://fb.watch/CoQJD1tfF7/

ဆောမ်ꩻလꩻတခွန်ꩻထူႏသင်ကယ်သားတဖြာꩻတောမ်ႏ သေင်ကယ်ဖိုင်ႏ တောင်ႏကီꩻကို ---------ခမ်းသားငေါဝ်းလိုꩻကထိုမ်ႏထူႏတခွန်ꩻဒါႏဝင်ꩻသင်ကယ်...
27/09/2025

ဆောမ်ꩻလꩻတခွန်ꩻထူႏသင်ကယ်သားတဖြာꩻတောမ်ႏ သေင်ကယ်ဖိုင်ႏ တောင်ႏကီꩻကို
---------
ခမ်းသားငေါဝ်း

လိုꩻကထိုမ်ႏထူႏတခွန်ꩻဒါႏဝင်ꩻသင်ကယ်သားတဖြာꩻယို တောမ်ႏသေင်ကယ်ဖိုင်ႏတွော့ꩻ ဝင်ꩻဆောမ်ꩻလꩻ တောင်ႏကီꩻဝေင်ꩻကိုအကျောင်ꩻ သေထွꩻဗာႏနဝ်ꩻသွူ။

ဖြောဝ်ꩻခမ်းခဝ်နဝ်၊ တောင်ႏကီꩻဝေင်ꩻ စက်တင်ဘာလာ(၂၃)နီꩻ မွူးရောဝ်ꩻစဝ်း (၄)နားရီႏရပ်ခိန်ႏ ပါခိုတဖြာꩻနဝ်ꩻ ထူႏတခွန်ꩻဝင်ꩻသေင်ကယ် ပိုမွိုးတောမ်ႏလိုꩻပေႏတသီႏယုင်ႏဝဲင်ꩻကို အောဝ်ႏနွန်ႏထန်ႏကျာꩻ ကလယ်ႏထွား ဒါႏထာꩻယယ်ꩻတပ်စွိုꩻထီႏတဲင် ဆောမ်ꩻလꩻနဝ်ꩻသွူ။

ဆောမ်ꩻထွူယယ်ꩻစွိုꩻရီစဲစ်တဲင် ဝွေꩻနဝ်ꩻထိုမ်ႏထူႏတခွန်ꩻပါꩻသင်ကယ်ဝေင်ꩻကိုထွူ တောမ်ႏသက်သေႏဖိုင်ႏတွော့ꩻ သိမ်ꩻလꩻပါယင်း ဝွေꩻကစာခါꩻဒါႏ သင်ကယ်(၇)ဆွိုင်ꩻအကျောင်ꩻ ယိုခါနဝ်ꩻ ဥပဒေႏအလꩻ အောဝ်ႏခုမ်မာꩻ ထူႏရေꩻ ဖေႏလဲဥ်းအကျောင်ꩻ သေထွꩻဗာႏနဝ်ꩻသွူ။

“တောင်ႏကီꩻကိုသင်ကယ်မိဥ်ႏထိုꩻမားနဝ်ꩻ သင်ကယ်ထုဲင်ꩻဒျာႏကဥ်းအာအာ၊ မိဥ်ႏထိုꩻမားတဲ့ꩻ တဆောမ်ꩻလꩻဖိုတောဝ်းတခွန်ꩻသား ယဟန်ႏသားနဝ်ꩻရိုꩻ တခွန်ꩻနဝ်ꩻထွာဒျာႏ ယယ်ꩻအရာႏတန်သွတ်ꩻတဖြာꩻ လီꩻပေႏဒျာႏတဲ့ꩻ၊ တညတောဝ်းအီႏလွောစ်ထန်ႏယင်းဒျာႏ”တဲ့ꩻ ဒေႏသခံႏတဖြာꩻနဝ်ꩻ ဒေ့ါꩻနုဲင်းနဝ်ꩻသွူ။

ကထူႏတခွန်ꩻဒါႏဝင်ꩻသင်ကယ်သား တခွန်ꩻနဝ်ꩻ အမိဥ်ꩻဟဲ့ꩻ ညီညီထွန်း သက်လꩻလဲဥ်း(၅၃)နေင်ႏအကျောင်ꩻ၊ ဝွေꩻနဝ်ꩻအိုင်အောဝ်ႏ အေးသာယာဝေင်ꩻကိုထွူ ကဆောမ်ꩻလꩻဝွေꩻခိန်ႏနဝ်ꩻတဲ့ꩻ သိမ်ꩻထူႏလꩻပါက ကယားကုဲင်အီဒါႏဝင်ꩻသင်ကယ်သော် စောက်လဲ့ဖိုင်ႏ၊ သော်အတုဖိုင်ႏ စစွောန်ႏတခြိုꩻသက်သေႏဖိုင်ႏ အကျောင်ꩻ သေထွꩻဗာႏနဝ်ꩻသွူ။

သင်ကယ်ကထိုꩻမားသားဖိုင်ႏတဲ့ꩻ လွောန်ရီဖြောင်နွောင်ꩻဒျာႏ ဝေင်ꩻတောင်ႏကီꩻ၊ မြို့မယယ်ꩻစခန်ꩻကိုအကျောင်ꩻ အွောန်ႏဟွိုန်ပါကနုဲင်းနဝ်ꩻသွူ။

တောင်ႏကီꩻဝေင်ꩻကိုနဝ်ꩻ အတွင်ꩻယိုသေင်ကယ်ထိုꩻမားမုဖိုင်ႏ၊ တရိမ်ထူႏဝင်ꩻတခြိုဖိုင်ႏ၊ ထူႏတခွန်ꩻဝင်ꩻတခြိုꩻဖိုင်ႏနဝ်ꩻ တဆင်ႏဆင်ႏထွာအကျောင်ꩻ သေထွꩻဗာႏနဝ်ꩻသွူ။

27/09/2025

ထာꩻပူႏထိုဒိုင်သား သဲင်ꩻဖြိုးလမ်းခိန်ႏ ယမ်းဗာႏဗုင်းတဲင် လꩻထာꩻဆာ
------------
ခမ်းသားငေါဝ်း

သီႏသဲင်ႏဝေင်ꩻနယ်ႏ၊ ထာꩻပူႏထိုဒိုင် ဒေႏသခံႏသား(၂)ဖြာꩻနဝ်ꩻအဝ်ႏဖုဲင်းစဲ့ꩻဘေꩻသဲင်ꩻဖျိုးလမ်းခိန်ႏ ယမ်းဗာႏဗုင်းတွော့ꩻ လꩻလွေꩻထာꩻဆာဖိုင်ႏအကျောင်ꩻ သေထွꩻဗာႏ ပအိုဝ်ႏစွိုးခွိုꩻလွောစ်ထန်ႏရေꩻအစွိုꩻထျꩻနဝ်ꩻသွူ။

ဖြောဝ်ꩻခမ်းအခဝ်နဝ်၊ သီႏသဲင်ႏဝေင်ꩻနယ်ႏ၊ အွိုင်ႏနောင်ကျောႏ၊ ထာꩻပူႏထိုဒိုင်ကို ဩဂုတ်လာ(၂၈)နီꩻ မွူးဟာလင်ꩻခိန်ႏနဝ်ꩻ ဒိုင်သားနီဖြာꩻသဲင်ꩻဖျိုးကြောင်းလမ်း တွင်ꩻယမ်းဗာႏဗုင်းနဝ်ꩻသွူ။

“ကယမ်းမဲဥ်ႏဒါႏဗုံးပါꩻမူႏတဖြာꩻနဝ်ꩻ အလမ်းတဲ့ꩻ PNOစွိုꩻလဲ့ꩻဗုင်လဲဥ်းမေႏ၊ ထွာဒျာႏသဲင်ꩻဖျိုးစင် မေႏကခိုးထွူဒါႏလမ်းသနဲ့ꩻ၊ သဲင်ꩻဖျိုးလမ်းတွင်ꩻ ယမ်းမဲဥ်ႏထိုꩻ PNOစွိုꩻကဒေါင်ဒါႏဗုင်း၊ ခင်ႏအထွေပင်တောမ်ႏ စူထွေပင် တပွတ်ꩻထိုꩻစွောန်ႏ”တဲ့ꩻ PNLA ဒေ့ါꩻခွင်ꩻအောဝ်ႏ ခွန်ရုဲင်းယံနဝ်ꩻ ဒေ့ါꩻနယ်ခမ်းသားငေါဝ်းနုဲင်းနဝ်ꩻသွူ။

တပူႏထိုဒိုင်ကိုနဝ်ꩻ ဒေႏသခံႏသားမော့ꩻဗုင်းထွူ ဒေ့ါꩻနယ်ဒျာႏ စဲ့ꩻမန်းတောမ်ႏ PNOစဲ့ꩻစွိုꩻတဲ့ꩻ တသျင်ꩻကြောင်း ဖေႏတဝ်းအကျောင်ꩻ သေထွꩻဗာႏနဝ်ꩻသွူ။

“ဒိုင်နဝ်ꩻကိုနဝ်ꩻတွိုက်ꩻပွယ်ꩻတထွာသော့ꩻဖိုတောဝ်း ကချဒါႏတပ်စခန်ꩻဒိုင်ကိုနဝ်ꩻတဲ့ꩻ စဲ့ꩻမန်းတောမ်ႏ PNOခမ်းသားစဲ့ꩻစွိုꩻဒျာႏ၊ ဒိုင်ကိုလမ်းအဖြိုင်ႏ (၂၀၊၃၀)ရပ်အောဝ်ႏဒျာႏ ကခံႏဗာႏဝင်ꩻလဲ့ꩻဗုင်ကုဲင်မေႏနဝ်ꩻ”တဲ့ꩻ ဝွေꩻနဝ်ꩻဒေ့ါꩻယင်းနုဲင်းနဝ်ꩻသွူ။

သီႏသဲင်ႏဝေင်ꩻနယ်ႏ၊ နောင်ထောဝ်ဒေႏသကိုနဝ်ꩻ ဩဂုတ်လာခိန်ႏကို စဲ့ꩻမန်းတောမ်ႏ PNOခမ်းသားစဲ့ꩻစွိုꩻ ရဲဥ်ႏသော့ꩻလွောန်စဲ့ꩻရေꩻထွူ နောင်ထောဝ်ဒိုင်တသာ၊ ကလာꩻလန်ႏ၊ ကယန်းပိုင်း၊ နောင်ဗို၊ တပူႏထို စစွောန်ႏဒိုင်ဖိုင်ႏအကို လမ်းအဖြိုင်ႏ(၁၀၀)လွို ခံႏဗာႏဝင်ꩻလဲ့ꩻဗုင်လွေꩻမေႏအကျောင်ꩻ PNLAနဝ်ꩻ ထေပြန်ႏခါꩻကလိတ်နုဲင်းနဝ်ꩻသွူ။

26/09/2025

ထာꩻပူႏထိုဒိုင်သား သဲင်ꩻဖျိုးလမ်းခိန်ႏ ယမ်းဗာႏဗုင်းတဲင် လꩻထာꩻဆာသတင်ꩻအပါသꩻဝင်ႏစာꩻခရာႏ သတင်ꩻထူꩻအလင်ဖိုင်ႏယို အီႏဒင်ႏနယ်လွေꩻဖေႏယင်းနဝ်ꩻသွူ။

နေင်ႏ(၁၃၈၇)ဗာႏ၊တင်ꩻကျွောစ်လာဆန်ꩻ(၅)နီꩻ၊ခရာဇ်နေင်ႏ(၂၀၂၅)၊စက်တင်ဘာလာ(၂၆)နီꩻ၊မွူးနီꩻသောကျာႏ မွူးဟာခိုႏငိမ်ꩻခွꩻရျူႏအခိန်ႏ အောဝ်ႏခမ်းသားငေါဝ်းသေသင်ꩻသတင်ꩻ တလီꩻလောင်းအခြပ်အရဲဥ်ႏကို အီႏဒေ့ါꩻနယ်လွေꩻဖေႏယင်း သတင်ꩻထူꩻဖိုင်ႏနဝ်ꩻ---------------------------

ဆောမ်ꩻလꩻတခွန်ꩻထူႏသင်ကယ်သားတဖြာꩻတောမ်ႏ သင်ကယ်ဖိုင်ႏ တောင်ႏကီꩻကို သတင်ꩻ၊ သုဲင်ꩻခေါဝ်ကိုပနားပုဲင်ႏတဲင် သီလွေꩻတဖြာꩻထွူလꩻလွေꩻထာꩻဆာသားဖိုင်ႏလဲ့ꩻ အောဝ်ႏအာလွေꩻသတင်ꩻ၊ မလေးသျားတောမ်ႏထုဲင်ꩻခမ်းကိုနဝ်ꩻ အတွင်ꩻယိုဆောမ်ꩻလꩻအာမွေး အထောက်အထာအဲဥ်တဝ်း မန်းခမ်းသားဖိုင်ႏသတင်ꩻ တောမ်ႏသꩻဝင်ႏစာꩻခရာႏသတင်ꩻအလင်ဖိုင်ႏထွူ အီႏဒင်ႏနယ်လွေꩻဖေႏပါယင်း “နီကခြီခြောဝ်အတွိုင်ꩻ ကံကျင်ꩻမာꩻလွဥ်ꩻဒျာႏနဝ်ꩻမꩻ နီကမဥ်ထွာအတွိုင်ꩻအီႏထွာလꩻ” ရောမ်ဖြုဲင်ꩻနဝ်ꩻသွူ။





24/09/2025

သီႏသဲင်ႏကိုတခွန်ꩻသားလွိုင်ႏတဲင် သေင်ကယ်ဖိုင်ႏနဝ်ꩻ အွောန်ႏသော့ꩻခါꩻဗာႏဒျာႏလမ်းကို၊ တသီႏယုင်ႏခန်ꩻကိုဖိုင်ႏသတင်ꩻ အပါသꩻဝင်ႏစာꩻခရာႏ သတင်ꩻထူꩻအလင်ဖိုင်ႏယို အီႏဒင်ႏနယ်လွေꩻဖေႏယင်းနဝ်ꩻသွူ။

နေင်ႏ(၁၃၈၇)ဗာႏ၊တင်ꩻကျွောစ်လာဆန်ꩻ(၃)နီꩻ၊ခရာဇ်နေင်ႏ(၂၀၂၅)၊စက်တင်ဘာလာ(၂၄)နီꩻ၊မွူးနီꩻဗုဒ္ဓဟူꩻ မွူးဟာခိုႏငိမ်ꩻခွꩻရျူႏအခိန်ႏ အောဝ်ႏခမ်းသားငေါဝ်းသေသင်ꩻသတင်ꩻ တလီꩻလောင်းအခြပ်အရဲဥ်ႏကို အီႏဒေ့ါꩻနယ်လွေꩻဖေႏယင်း သတင်ꩻထူꩻဖိုင်ႏနဝ်ꩻ---------------------------

နောင်ရွီႏကိုအင်တိန်းဖဲ့ꩻ ထီတန်ထီတသုဲင်တဲင်ဖောင်ႏတောႏဦꩻဖုရာꩻကျွꩻလွေꩻဗာႏနေးတောမ်ႏ သွမ်ꩻတောႏတန်ဖောင်ႏသတင်ꩻ၊ စံကာꩻဒေႏသကိုလိုꩻတပွေါးကိုတောဝ်းဂဲက်သား PNOခမ်းသားစဲ့ꩻ တဖေႏသဲင်ꩻအိုင်တဝ်းဒိုင်သတင်ꩻ၊ တောင်ႏကီꩻကိုတဲႏမွူးရောဝ်ꩻခိုႏစောဝ်း(၇)နားရီႏခိန်ႏကာႏ အောဝ်ႏဆောမ်ꩻကျပ်လွေꩻလဲဥ်ႏ လဲင်သဥ်အောဝ်ႏတဝ်း ကာꩻ၊ သင်ကယ်ဖိုင်ႏသတင်ꩻ တောမ်ႏသꩻဝင်ႏစာꩻခရာႏသတင်ꩻအလင်ဖိုင်ႏထွူ အီႏဒင်ႏနယ်လွေꩻဖေႏပါယင်း “လွောင်ႏဗူႏရေꩻယို ဖွင်ꩻခါꩻစွောန်ႏအဓိပ္ပါယ်ႏနုဲင်းမုဲင်ꩻ” ရောမ်ဖြုဲင်ꩻနဝ်ꩻသွူ။





ที่อยู่

Chiang Mai

เว็บไซต์

แจ้งเตือน

รับทราบข่าวสารและโปรโมชั่นของ The People's Voice-ခမ်းသားငေါဝ်း Pa-O Versionผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ ธุรกิจของเรา

ส่งข้อความของคุณถึง The People's Voice-ခမ်းသားငေါဝ်း Pa-O Version:

ทางลัด

แชร์