ချင်းမိုင်ရောက် ကွီးပိုင်

09/08/2025

အိပ်မပျော်နိုင်တာ 4ရက်ရှိခဲ့ပြီ...
ရင်ထဲမှာတမြေ့မြေ့နဲ့ပူတယ်...
ယူကြုံးမရဖြစ်တယ်...
ဒေါသထွက်တယ်...

04/08/2025

မဲဆောက်ရောက်တုန်းက လပ်ကီးဆိုတဲ့ဆိုင်မှာ စားခဲ့တာလေး...

အဲ့ဒါလေး စားချင်လို့လဲ တမင်လိုက်သွားတာ...

ဆိတ်ပဲနံပြား အမဲစွပ်ပြုတ်

#စား

04/08/2025

ခရီးလေးနှစ်ရက်လောက်ထွက်မိတာကို
ပြန်ရောက်ကထဲကနေ ခုထိ အနားကမခွာ...

တွိုင်းလက်ဝင်ရင်တောင် တံခါးဝထိုင်စောင့်တဲ့ Luci...

04/08/2025

British curriculum ထဲက ကျနော်သိသလောက်တော့ ဈေးသင့်တော်တဲ့အထဲမှာ BCIS ပါတယ်...
ချိန်ဆကြည့်ချင်ရင် ချိန်ဆလို့ရအောင်လို့...

ကျောင်းအပ်ဖို့လိုအပ်တာတွေက

ကလေးကျောင်းအပ်ရန် လိုအပ်ချက်များ

1) Passport

2) Birth Certificate (မွေးစာရင်း)
* Notary ပြန်
* MOFA ရုံး တံဆိပ်ထု
* Thai Embassy Yangon တံဆိပ် (legalized stamp) ဒါမှမဟုတ်ရင် Bangkok Myanmar သံရုံး တုံး (or) Chiangmai Myanmar Consulate တုံး

3) အိမ်ထောင်စုစာရင်း
* Notary ပြန်
* MOFA ရုံး တံဆိပ်ထု

**** Guardian visa လျှောက်မယ်ဆိုရင်
* Thai Embassy Yangon တံဆိပ် (legalized stamp) ဒါမှမဟုတ်ရင် Bangkok Myanmar သံရုံး တုံး (or) Chiangmai Myanmar Consulate တုံး

4) Transcript (နောက်ဆုံးတက်ခဲ့တဲ့ အတန်း နှစ်တန်း ရဲ့ အမှတ်စာရင်း) နဲ့ အောင်လက်မှတ်

Eng လိုမဟုတ်ရင် Notary ပြန်ရပါမယ်။

မူကြိုတက်မယ့်ကလေးအတွက်မလိုပါဘူး။

ဒါတွေပါ...

မလာခင်ကြိုပြင်ဆင်ထားလာခဲ့ရင် ပိုအဆင်ပြေပါတယ်...
လိုအပ်မယ်ထင်တဲ့သူတွေအတွက်ပါ...

04/08/2025

လက်ဖက်ရည်သောက်ရင်း သူငယ်ချင်းတွေနဲ့ အာရိုက်ဖို့...

03/08/2025

ကိုယ့်ကိုကိုယ်ပြန်ကြည့်ပြီး ရှက်ရတဲ့ကိစ္စတခု ဖြစ်ခဲ့တယ်...

ဒီဖက်လူမှုအသိုင်းအဝိုင်းမှာ ကိုယ့်ကိုကိုယ်စောင့်ရှောက်မှုပေးသူအဖြစ်နဲ့ယူဆခဲ့မိတဲ့အချိန်ကာလတွေက ဒီကိစ္စဖြစ်ချိန်မှာ အဆုံးသတ်သွားတယ်...

ဒါက ကျနော့်ကိစ္စ ကျနော့်ပါဆင်နယ်
အစ်ကိုဝင်စွက်ဖက်စရာအကြောင်းမရှိဘူး...

ဒီစကားကြားရပြီးတဲ့နောက်မှာ ကိုယ့်စောင့်ရှောက်မှုထဲမှာရှိနေကြတယ်လို့ကိုယ်ယူဆထားတဲ့သူတွေအကုန်လုံးကို မင်းတို့ဘဝကိုမင်းတို့ဘာသာစီမံရမယ်...
ငါ့အနေနဲ့ မင်းတို့ဘဝတွေ အဖြစ်အပျက်တွေ လူမှုအခက်အခဲတွေကို အခုချိန်ကစပြီး ဝင်ပါတော့မှာမဟုတ်ဘူးလို့ ပြောရသလို ကိုယ်ရှိနေလို့ စိတ်ချထားပါတယ်ဆိုတဲ့ ကိုယ်မမြင်ရတဲ့ သူတို့တွေရဲ့တခြားဖက်ကမိသားစုတွေကိုလဲ တပါးသူတွေရဲ့ကိစ္စအဝဝကို ကျနော်တာဝန်မယူနိုင်တာမို့ ကျနော့်ကိုမအပ်ပါနဲ့လို့ ‌သိသလောက်တခါထဲရှင်းလိုက်တယ်...

ဒီမြို့လေးမှာ ကိုယ်ရှိနေတယ်ဆိုတဲ့အတွေးနဲ့ သူတို့ရဲ့ကလေးတွေ မိသားစုဝင်တွေကို ကိုယ်ကြည့်ရှု့စောင့်ရှောက်လိမ့်မယ်လို့ ယူဆနေကြတဲ့ ကျနော်မသိတဲ့မိဘဆွေမျိုးတွေကိုလဲ အခုတခါထဲ ပြောပြချင်ပါတယ်...

ကျနော့်အနေနဲ့ တပါးသူရဲ့ဘဝကို ထိန်းချုပ်နိုင်စွမ်းမရှိတာမို့ ဘယ်သူဘယ်ဝါဖြစ်ဖြစ် ကိုယ်ဖြစ်ကိုယ်ခံ ကိုယ်လုပ်သမျှကိုယ်ရင်ဆိုင်ဖြေရှင်းကြရမှာပါ...

ကျနော်လက်လွှတ်ထားခဲ့ရတဲ့ ကျနော့်ကိုယ်ပိုင်ဘဝလေးနဲ့ မိသားစုအတွက် အချိန်ပိုထွက်လာခဲ့တာရယ်
ဘယ်သူမှအသိအမှတ်မပြုဘဲ ကိုယ့်ဘာသာထမ်းပိုးထားမိတဲ့ဝန်ထုပ်ကြီးတွေကို ဖြုတ်ချလိုက်ရတဲ့ ပေါ့ပါးမှုရယ်...

ဒီစကားကို ပြောလာကြတဲ့သူတွေကို ကျေးဇူးတင်ရပါတယ်...
ကိုယ့်ကိုကိုယ် ပြန်မြင်ခွင့် တခေါက်ပြန်ရခဲ့တယ်...

03/08/2025

03/08/2025

ကြည့်လိုက်ရင် ပဲပြုတ်ထမင်းဆီဆမ်း ကြက်ဥကြော်ဘဲ့ရယ်...

ဒါပေမယ့် ဒီမီနူးက နေ့တိုင်းရနိုင်ဖို့သိပ်ခက်တယ်...
ပဲတခါပြုတ်ဖို့ အညှောင့်ဖောက်ရချိန်ကိုက သုံးရက်ကိုး...

ဒါပေမယ့် အမြဲတမ်းရလာတော့မှာပါ...
မရလဲ ရအောင်လုပ်တာပေါ့လေ...

မြောက်ဥက္ကလာမှာ ကျောင်းတက်ခဲ့တုန်းက ၂၀၀၁ ခုနှစ်မှာ တပွဲ ၇၀နဲ့ နေ့တိုင်းစားခဲ့တဲ့ မနက်စာကို ဒီမှာပြန်ရှာဖွေကြည့်တာပေါ့...

မကြာမီပေါ့...

03/08/2025

မျက်စိအောက်ကအပျောက်မခံနိုင်လောက်အောင် ငါ့ကိုဂရုစိုက်ကြတယ်...

လစာမပေးဘဲ ပျောက်ပျောက်သွားလို့တဲ့...

02/08/2025

တမာတော တဲ့...

21/07/2025

တခေါက်တခါလောက်သာ
ပြန်လှည့်ခွင့် ပြန်စတင်ခွင့်
အချိန်တွေကို ပြန်ရစ်ခွင့်ရခဲ့ရင်...

ဒါမှမဟုတ် တချိန်တုန်းက
ငါ့ကိုယ်ငါ ပြန်ပြီးသတိသွားပေးခွင့်...

ငါ ရခဲ့မယ်ဆိုရင်

ဟေ့ရောင်
မင်း တာဝန်မဟုတ်ဘူး
ဒါတွေက မင်းနဲ့မဆိုင်ဘူး
မင်း မလုပ်နိုင်ဘူး
မင်း ကိစ္စမဟုတ်ဘူး

ငါ့ကိုယ်ငါ သံကုန်ဟစ်ပြီး ကြောက်လန့်တကြား
အော်ဟစ်တားဆီးနေမိလိမ့်မယ်...

ကြောက်လန့်တကြား
အော်ဟစ်တားဆီးနေမိလိမ့်မယ်...

19/07/2025

Tea time