เว็บไซต์คืออะไร?

https://www.facebook.com/116983211002337/

Moe Joe News, Chiang Mai (2026)

01/06/2026

နေပြည်တော်တိုင်းစစ်ဌာနပြည်သူ့ကာကွယ်ရေးတပ်မတော်တပ်ရင်းအမှတ် ၈၀၈ တော်ဝင်လျှပ်စီးစစ်ကြောင်းတပ်ခွဲ ၂
မီးစက်ဝယ်ယူရန်အတွက်ဆရာတော်မင်းသုညနှင့်မလေးရှားနိုင်ငံရောက် ဒါယကာဒါယိကာမ ဓမ္မမိတ်ဆွေများမှလှူဒါန်း
=========
ဇွန်လ၁ရက်

နေပြည်တော်တိုင်းစစ်ဌာနပြည်သူ့ကာကွယ်ရေးတပ်မတော်တပ်ရင်းအမှတ် ၈၀၈ တော်ဝင်လျှပ်စီးစစ်ကြောင်းတပ်ခွဲ ၂
မီးစက်ဝယ်ယူရန်အတွက်ဆရာတော်မင်းသုညနှင့်မလေးရှားနိုင်ငံရောက် ဒါယကာဒါယိကာမ ဓမ္မမိတ်ဆွေများမှလှူဒါန်းခဲ့ပါတယ်။

နေပြည်တော်တိုင်းစစ်ဌာနပြည်သူ့ကာကွယ်ရေးတပ်မတော်တပ်ရင်းအမှတ် ၈၀၈ တော်ဝင်လျှပ်စီးစစ်ကြောင်းတပ်ခွဲ ၂ မီးစက်ဝယ်ယူရန်အတွက်ဆရာတော်မင်းသုညနှင့်တကွမလေးရှားနိုင်ငံရောက် ဒါယကာဒါယိကာမ ဓမ္မမိတ်ဆွေများမှတစ်ဆယ့်တစ်သိန်းကျပ်ပေးပို့လှူဒါန်ခဲ့ကြောင်းသတင်းရရှိပါတယ်။

01/06/2026

တော်လှန်ရေးကို အဆုံးထိပါဝင်နေဆဲဖြစ်တယ်လို့သရုပ်ဆောင်မြနှင်းရည်လွင်အသိပေး
=========
ဇွန်လ၁ရက်

တော်လှန်ရေးကို အဆုံးထိပါဝင်နေဆဲဖြစ်တယ်လို့သရုပ်ဆောင်မြနှင်းရည်လွင်အသိပေးဆိုထားပါတယ်။

ဇွန်လ၁ရက်ဆိုရှယ်မီဒီယာမှာအသိပေးရေးသားဆိုထားပါတယ်။

"ဘာမှရှင်းပြစရာတော့မလိုပေမဲ့ အခုရက်ပိုင်း ဟိုဘက်ပြောင်းသွားပြီဆိုတို့ ဘက်ပြောင်းတာတကယ်လားတို့ တမင်ပဲလာမေးမေး အတည်ပဲမေးမေး တကယ်ဆိုဦးနှောက်ပါတဲ့သူကသိပြီးသားပါ ဒီလောက် အကောင့်အစစ်ကြီးမှာ တလရ ကမ်ပိန်းတွေရှဲနေတာ ပြောရမယ်ဆိုရင် ဒီတလရမှာပါဝင်လာတာလဲဘယ်သူမှဓားထောက်ပြီးပါခိုင်းခဲ့တာမဟုတ်သလိုကိုယ့်ခံယူချက်ကိုယ့်ဆုံးဖြတ်ချက်နဲ့ပဲပါဝင်ခဲ့တာ ဆိုးဆိုးကောင်းကောင်းကိုယ့်ရွေးချယ်မှုပဲ ဒီ၅ နှစ်တာကာလအတွင်းမှာတော့ စိတ်ကျစရာစိတ်ညစ်စရာကြုံတိုင်းလူ့သဘာဝ ရန်ကုန်ပြန်မယ်တို့ အရင်လိုအလုပ်တွေပြန်လုပ်ချင်လို့ ငါအလင်းဝင်တော့မယ်တို့အလွယ်ပြောမိတာပဲ ဒါပေမဲ့ ဒါကလဲရန်သူကိုပူးပေါင်းပါတော့မယ်ဆိုပြီးစိတ်ကဖြစ်တာတော့မဟုတ်ဘူး အရင်ကအနုပညာအလုပ်တွေကိုလုပ်ချင်လို့လွမ်းလို့ဒါပေမဲ့ ပြန်အားတက်လာတဲ့အခါကျတော့ လွမ်းပေမဲ့ တလရကိုအဆုံးထိပါဝင်မဲ့စိတ်ကပျောက်မသွားပါဘူးဘာလို့ဆို ဒီလောက်ကိုယ်ပါဝင်ခဲ့တဲ့နှစ်တွေ ကိုယ်လုပ်ပေးကူပေးခဲ့တာတွေရော ကိုယ်ချစ်တဲ့ရဲဘော်ရဲဘက်တွေကိုယ့်ကိုယ်ချစ်တဲ့ရဲဘော်ရဲဘက်တွေရှိသေးတယ် ဒါတွေကအလကားမှမဟုတ်တာ ဘာလို့ လွယ်လွယ်လေးနဲ့ ဘက်ထပြောင်းရမှာလဲ ဒါပေမဲ့တခုတော့ရှိတယ် ကိုယ်လဲကိုယ့်လမ်းကိုယ်သွားနေတယ်ကိုယ်လုပ်စရာရှိတာလုပ်နေတယ် ဘယ်သူ့မှလဲမတိုက်ခိုက်နေဘူး ပြသာနာမရှာနေဘူး ဒုက္ခရောက်အောင်လုပ်မနေဘူး နောက်ကျောဓားထိုးလုပ်မနေဘူး တစ်ဘက်ကလဲသူ့အလုပ်သူလုပ်နေတယ် အဲ့ဒါကို အလကားကြီးဘာမဆိုင်ညာမဆိုင်ထိုင် ဘလိန်းထိုင်တိုက်ခိုက်ထိုင်ဆဲတဲ့အလုပ်တွေတော့မလုပ်သလိုပါလဲမပါဝင်အားလဲမပေးတော့ပါဘူး အေးချမ်းငြိမ်းချမ်းတဲ့နည်းနဲ့တလရမှာအဆုံးထိပါဝင်နေဆဲပါပဲ"လို့သရုပ်ဆောင်မြနှင်းရည်လွင်ကဆိုထားပါတယ်။

၂၀၂၁ ခုနှစ် စစ်တပ်အာဏာသိမ်းပြီးနောက်ပိုင်း စစ်အာဏာရှင်ဆန့်ကျင်ရေးလူထုလှုပ်ရှားမှုနဲ့အတူ သရုပ်ဆောင်နဲ့အနုပညာရှင်များဟာ လူထုလှုပ်ရှားမှုကိုထောက်ခံရပ်တည်ခဲ့ကြပါတယ်။

01/06/2026

အကြမ်းဖက်စစ်တပ် တပ်ရင်း (ခလရ-၁၀၁) တပ်သား(၁)ဦး ကရင်အမျိုးသားလွတ်မြောက် ရေးတပ်မတော် K.N.L.A တပ်ရင်း(၁၁) ထံသို့ ဘက်ပြောင်းခိုလှုံ
========
ဇွန်လ(၁)ရက်

အကြမ်းဖက်စစ်တပ် တပ်ရင်း (ခလရ-၁၀၁) တပ်သား(၁)ဦး ကရင်အမျိုးသားလွတ်မြောက် ရေးတပ်မတော် K.N.L.A တပ်ရင်း(၁၁) ထံသို့ ဘက်ပြောင်းခိုလှုံခဲ့ပါတယ်။

ကေအဲန်ယူ-ကရင်အမျိုးသားအစည်းအရုံး၊ မြိတ်ထားဝယ်ခရိုင်၊ တနောသရီမြို့နယ်(တနင်္သာရီမြို့နယ်) အတွင်းတွင် ၂၀၂၆ခုနှစ် ဇွန်လ(၁)ရက်နေ့တွင် အာဏာသိမ်းအကြမ်းဖက်တပ် ခလရ တပ်ရင်း(၁၀၁) တပ်သား(၁)ဦး ကရင်အမျိုးသားလွတ်မြောက်ရေးတပ်မတော် K.N.L.A တပ်မဟာ(၄)၊ တပ်ရင်း(၁၁)ထံသို့ MA-2(၁)လက်အပါအဝင်ဘက်ပြောင်းခိုလှုံခဲ့တယ်လို့သတင်းရရှိပါတယ်။

31/05/2026

အင်အား ထောင်ချီဖြင့် ယောဒေသ ပုံတောင်နတ်ထိပ်သို့ စစ်ကြောင်းထိုးဝင်ရောက်လာတဲ့စစ်အုပ်စုစစ်ကြောင်းနှင့် တိုက်ပွဲပေါင်း အကြိမ် (၁၀၀) ထက်မနည်း ရှိခဲ့တယ်လို့ ယောတပ်တော်အသိပေး

စစ်အုပ်စုဘက်ကသေဆုံးသူ (၈၀) ကျော်ရှိပြီး ဖမ်းဆီးရမိ စစ်သုံ့ပန်းများ နှင့် လက်နက်ခဲယမ်းများလည်း သိမ်းဆည်းရရှိခဲ့

-moe joe news၊မေလ၃၁ရက်

အင်အား ထောင်ချီဖြင့် ယောဒေသ ပုံတောင်နတ်ထိပ်သို့ စစ်ကြောင်းထိုးဝင်ရောက်လာတဲ့စစ်အုပ်စုစစ်ကြောင်းနှင့် တိုက်ပွဲပေါင်း အကြိမ် (၁၀၀) ထက်မနည်း ရှိခဲ့တယ်လို့ ယောတပ်တော်အသိပေးဆိုပါတယ်။

မေလ၁၁ရက်နေ့ ပေါက် ကပစ-၂၄ မှ ထွက်လာသော အင်အား (၄၀၀) ဝန်းကျင် ခန့်ပါ စစ်ကောင်စီ စစ်ကြောင်းနှင့်၂၂ ရက်နေ့တွင် ကပစ -၂၄ မှထွက်လာသော အင်အား(၉၀၀) ဝန်းကျင်နှင့် စစ်ယာဉ်တန်းများအပါအဝင် စုပေါင်းအင်အား ထောင်ချီဖြင့် ယောဒေသ ပုံတောင်နတ်ထိပ်သို့ စစ်ကြောင်းထိုးဝင်ရောက်လာချိန် ယောတပ်တော် မဟာမိတ်တပ်ပေါင်းစုများနှင့် ထိတွေ့တိုက်ပွဲစတင်ဖြစ်ပွားကာ တိုက်ပွဲပေါင်း အကြိမ် (၁၀၀) ထက်မနည်း ရှိခဲ့ပြီး ယနေ့အချိန်ထိ ဆက်လက်၍တိုက်ပွဲဖြစ်ပွားနေဆဲဖြစ်တယ်လို့ဆိုပါတယ်။

မေလ၁၃ရက်နေ့မှစ၍ ယနေ့အချိန်ထိ တိုက်ပွဲများအတွင်း ယောတပ်တော်မဟာမိတ်တပ်ပေါင်းစုဘက်မှ ထိခိုက်ဒဏ်ရာရရှိသူများနှင့် မြင့်မြတ်စွာဖြင့် အသက်စွန့်လွှတ်သွားကြသော အာဇာနည်သူရဲကောင်းများ လည်းရှိခဲ့ကာ ရန်သူ့ဘက်မှ ထိခိုက်ဒဏ်ရာရရှိသူ (၁၀၀) ကျော်၊ သေဆုံးသူ (၈၀) ကျော်ရှိပြီး ဖမ်းဆီးရမိ စစ်သုံ့ပန်းများ နှင့် လက်နက်ခဲယမ်းများလည်း သိမ်းဆည်းရရှိခဲ့တယ်လို့သိရပါတယ်။

တိုက်ပွဲများဖြစ်ပွားနေစဉ် ကာလတစ်လျှောက်တွင် စကစ စစ်ကြောင်းများမှ အပြစ်မဲ့အရပ်သားပြည်သူများအား လူသားဒိုင်းအဖြစ် ဖမ်းဆီးခေါ်ဆောင်၍ ညှင်းပန်းနှိပ်စက်သတ်ဖြတ်ခြင်း ၊ ကျေးရွာများအတွင်းရှိ ပြည်သူပိုင်ပစ္စည်းများအား ခိုးယူခြင်း ၊ နေအိမ်များအားမီးရှို့ဖျက်ဆီးခြင်း ၊ လေကြောင်းဖြင့် စစ်ဘေးရှောင်နေရာများသို့ အကြိမ်ကြိမ်ဗုံးကျဲတိုက်ခိုက်ခြင်း စသည့်လူမဆန်သောလုပ်ရပ်များနှင့်အတူ ယုတ်မာရိုင်းစိုင်းစွာ စစ်ရာဇဝတ်မှုများအား ပြောင်ပြောင်တင်းတင်း ပြုလုပ်ခဲ့ကြတယ်လို့ဆိုပါတယ်။

31/05/2026

ဒေါ်အောင်ဆန်းစုကြည်၏ (၈၁) နှစ်ပြည့် မွေးနေ့အထိမ်းအမှတ်နှင့် "Proof of Life" ယူကေပါလီမန်တွင်း ကျင်းပမည်
============
မေ၃၁

ဒေါ်အောင်ဆန်းစုကြည်၏ (၈၁) နှစ်ပြည့် မွေးနေ့အထိမ်းအမှတ်နှင့် "Proof of Life" ယူကေပါလီမန်တွင်း ကျင်းပမည်ဖြစ်ကြောင်းသိရပါတယ်။

လာမည့် ဇွန်လ (၁၉) ရက်နေ့တွင် ကျရောက်မည့် လူထုခေါင်းဆောင် ဒေါ်အောင်ဆန်းစုကြည်၏ (၈၁) နှစ်ပြည့် မွေးနေ့တွင် ယူကေပါလီမန် (The House of Commons) အတွင်း၌ မွေးနေ့ဆုတောင်းပွဲ ကျင်းပပြုလုပ်သွားမယ်လို့သိရပါတယ်။

ဤအခမ်းအနားတွင် မွေးနေ့ကို ဂုဏ်ပြုကြရုံသာမက၊ ဒေါ်အောက်ဆန်းစုကြည်၏ သက်ရှိထင်ရှားရှိမှုနှင့် ကျန်းမာရေးအခြေအနေကို မျက်မြင်သက်သေပြရန် တောင်းဆိုသည့် "Proof of Life" Campaign တောင်းဆိုချက်များကို ပါလီမန်အတွင်းရှိ လွှတ်တော်အမတ်များထံ တောင်းဆို လှုံ့ဆော်သွားကြ မည် ဖြစ်ကြောင်းသိရပါတယ်။

နေ့လည် ၂:၃၀ နာရီတွင် ပါလီမန်မှ ပြန်လည်ထွက်ခွာကြပြီးနောက်၊ လန်ဒန်မြို့ရှိ အကြမ်းဖက်စစ်ကောင်စီ သံရုံးရှေ့သို့ စုပေါင်းချီတက်ကြမည် ဖြစ်ကာထိုနေရာတွင် ပြုလုပ်နေသည့် (၂၄) နာရီ အစာငတ်ခံ ဆန္ဒပြပွဲ ပိတ်ပွဲအခမ်းအနားသို့ သွားရောက်၍ ရဲဘော်ရဲဘက်များကို အတူတကွ ဂုဏ်ပြုအားပေးကြမည်ဖြစ်ကြောင်းသိရပါတယ်။

31/05/2026

မြန်မာပြည်အရေးအတွက်ကြယ်လေးပွင့်အဆင့် စစ်ဗိုလ်ချုပ်ကြီး တဦးကို တာဝန်ပေးအပ်ဖို့ အရှေ့တီမော သမ္မတ အကြံပြု
===========
မေလ၃၁ရက်

မြန်မာပြည်အရေးအတွက် အရှေ့တောင် အာရှက ကြယ်လေးပွင့်အဆင့် စစ်ဗိုလ်ချုပ်ကြီး တဦးကို တာဝန်ပေးအပ်ဖို့ အရှေ့တီမော သမ္မတ အကြံပြုဆိုပါတယ်။

မြန်မာ့ပြည်တွင်းစစ်ကို ဖြေရှင်းနိုင်ဖို့ အတွက်အရှေ့တောင် အာရှက အငြိမ်းစား ကြယ်လေးပွင့်အဆင့် စစ်ဗိုလ်ချုပ်ကြီး တဦးကို တာဝန်ပေးအပ်ဖို့ အရှေ့တီမော သမ္မတ ဟိုဆေး ရာမို့စ် ဟော်တာ ကဆိုပါတယ်။

စစ်ဗိုလ်ချုပ်ဟာ မြန်မာနိုင်ငံက ပဋိပက္ခ ဖြစ်နေတဲ့ အဖွဲ့အစည်းအားလုံးကို တဲတလုံး အောက်မှာ အတူတူ စုစည်းစေပြီး တပ်မတော်၊ တိုင်းရင်းသားလက်နက်ကိုင် ခေါင်းဆောင် အားလုံးနဲ့ ဒီမိုကရေစီ အတိုက်အခံ အင်အားစုတွေ အားလုံးကို ဘာကြိုတင်ကန့်သတ်ချက်၊ ဘာအစီအစဉ်မှ မထားရှိစေဘဲ ဆွေးနွေးညှိနှိုင်းကြဖို့ ဖြစ်တယ်လို့သမ္မတကဆိုပါတယ်။

31/05/2026

စစ်ကိုင်းတိုင်း၊ မြင်းမူမြို့နယ်၊ မုံရွာမန္တလေးလမ်းကြောတွင် ကင်းပုန်းချရန် ပြင်ဆင်နေသော စစ်အုပ်စု စစ်ကြောင်းကိုတိုက်ခိုက်

စစ်အုပ်ဘက်မှ၇ဦးသေ

moe joe news၊မေလ၃၁

စစ်ကိုင်းတိုင်း၊ မြင်းမူမြို့နယ်၊ မုံရွာမန္တလေးလမ်းကြောတွင် ကင်းပုန်းချရန် ပြင်ဆင်နေသော စစ်အုပ်စု စစ်ကြောင်းကိုတိုက်ခိုက်ခဲ့ပါတယ်။

၂၀၂၆ ခုနှစ်၊ မေလ ၂၇ ရက် ၈ နာရီ ၃၀ မိနစ်တွင် စစ်ကိုင်းတိုင်း၊ မြင်းမူမြို့နယ်၊ မုံရွာမန္တလေးလမ်းကြောတွင် ကင်းပုန်းချရန် ပြင်ဆင်နေသော စစ်ကော်မရှင် စစ်ကြောင်းကို ဗမာလွတ်မြောက်ရေးဒီမိုကရက်တစ်တပ်ဦး (BLDF)၊ မဟာမိတ်တပ်များဖြစ်သည့် မုံရွာခရိုင်ပကဖ (ရေနဂါးစစ်ကြောင်း)နှင့် Black Eagle အဖွဲ့တို့ပူးပေါင်း၍ စောင့်ကြိုတိုက်ခိုက်ခဲ့ကြကြောင်းသိရပါတယ်။

စစ်ကော်မရှင် စစ်ကြောင်းမှာ စစ်ကိုင်းတိုင်းတပ်မ (၃၃) လက်အောက်ရှိ တပ်ရင်းနှင့် ပျူစောထီးများဖြစ်ပြီး အင်အား ၂၀ ခန့် ရှိကြောင်းသိရကာ တိုက်ပွဲမှာ မိနစ် ၃၀ ခန့် ကြာမြင့်ခဲ့ပြီး စစ်ကော်မရှင်ဘက်မှ ၇ ယောက်ခန့် သေဆုံးပွီး ၅ ယောက်ခန့်ထိခိုက်ဒဏ်ရာရခဲ့ကြောင်းသိရပါတယ်။

ပူးပေါင်းမဟာမိတ်များဘက်မှ အကျအဆုံးမရှိပြန်လည်ဆုတ်ခွာနိုင်ခဲ့ပါတယ်။

30/05/2026

ဂဲဒေါက် မာကျား

မိုးယံ

တရုတ်ကျေးဇူးရှိဖူးတယ်လို့ပြောရင် ကျနော်တို့မြန်မာနိုင်ငံအတွက်မဟုတ်တာတော့ ကျိန်းသေပါတယ်။ မြန်မာပြည်အပေါ်မှာ တရုတ်ပြည်သူ့သမ္မတနိူင်ငံရဲ့ ကျေးဇူးလို့ပြောရရင် မြေခိုးတယ်။ရွှေခိုးတယ်။သစ်ခိုးတယ်။ လူခိုးတယ်။ ကုန်ကုန်ပြောရရင် ဖားကန့်ကထွက်တဲ့ကျောက်စိမ်းစျေးကွက်ကို လက်ဝါးကြီးအုပ်ချင်တဲ့ရည်မှန်းချက်ဟာ ခေတ်အပျက်မှာ တရုတ်အတွက် တော်တော်တွက်ချေကိုက်သွားခဲ့ပါတယ်။

တာတမံနဲ့ စိုက်ပျိုးရေးမြေသြဇာပါမကျန် တရုတ်ကခိုးဝင်တွေပါ မြန်မာ့မြေပေါ် ဖောခြင်းသောခြင်းပို့ခဲ့တဲ့ စစ်အုပ်စုဟာ တရုတ်ကို အမှန်တကယ်ပဲကြောက်ခဲ့ရပါတယ်။တိတိပပတိတိကျကျပြောမယ်ဆိုရင် ဘေဂျင်းအစိုးရကို မြန်မာစစ်အုပ်စုဟာ ဘယ်တုန်းကမှမော်မကြည့်ခဲ့ဘူးလို့ပြောရမှာဖြစ်ပါတယ်။

အခုလည်း မြန်မာပြည်သူတွေက ဒီလောက်လက်မခံပါဘူးလို့ တတိုင်းပြည်လုံးတိုင်းပြည်သိပြည်သိကမ္ဘာသိ ငြင်းခဲ့တဲ့ စစ်အာဏာရှင်စနစ်ကို ဘေဂျင်းအစိုးရဟာ သူတိူ့ကိုယ်တိုင်အားပေးအားမြှောက်ပြုရုံသာမက တရုတ်သံတမာန် မြန်မာကိုလွှတ်လို့ ကိုယ်ထိလက်ရောက် သံတမာန်ရေးရာပါ အတင်းအဓမ္မထောက်ခံခဲ့ပါတယ်။

တရုတ်အစိုးရကပို့လိုက်တဲ့မာကျားဟာ ဘန်ဒေါင်းမူဝါဒကို ချိုးဖျက်ရုံသာမက မြန်မာပြည်အရေးကို မြန်မာပြည်သူတွေသဘောထားမပါပါဘဲ မြန်မာပြည်သူတွေ သဘောထားပါသယောင် စစ်တပ်ရဲ့ အတုအယောင်ရွေးကောက်ပွဲကိုထောက်ခံ သွေးစွန်းလက်တွေဖြစ်တဲ့ စစ်ခေါင်းဆောင်တွေကို ဂုဏ်ပြုလက်ဆွဲနှုတ်ဆက် မြန်မာပြည်နဲ့လားလားမှ မအပ်စပ်တဲ့ သံတမာန်တယောက်ဖြစ်နေပါတယ်။

အမျိုးသမီးတယောက်ဖြစ်ပါလျက်နဲ့ မြန်မာပြည်မှာဖြစ်ပျက်နေတဲ့ စစ်အုပ်စုရဲ့ လေယာဥ်နဲ့ဗုံးကြဲတိုက်ခိုက်သတ်ဖြတ်နေမှုကိုမမြင်ချင်ယောင်ဆောင်၊ မေတ္တာတရားကင်းမဲ့တဲ့ ဘေဂျင်းကမာကျား၊ ဓမ္မကိုချိုးဖျက်လို့ အဓမ္မဘက်ကရပ်တည်ခဲ့တဲ့မာကျား၊ မြန်မာပြည်သူနဲ့မြန်မာပြည်သားတွေအပေါ် ညှာတာစာနာရကောင်းမှန်းမသိပါဘဲနဲ့ စစ်အုပ်စုအလိုကျ ဘေဂျင်းအစိုးရအလိုကျ ကပြအသုံးတော်ခံနေတဲ့ တရုတ်သံတမာန်မာကျားကို မြန်မာပြည်သူများ အခါခါ ပြောဆိုနေကြတာကတော့ ဂဲဒေါက်မာကျား၊ ဂဲဒေါက် ပဲ ဖြစ်ပါတော့တယ်။

30/05/2026

မြန်မာပြည်သူများ ထိုင်ဝမ်လွတ်လပ်မှုကိုအသိအမှတ်ပြုကြသည်

ကာလု

ထိုင်ဝမ်ဆိုတာ လှပတဲ့ကျွန်းနိုင်ငံတခု၊ ခေတ်မီတဲ့နည်းပညာများပေါက်ဖွားရာ၊ ကမ္ဘာကြီးရဲ့ဆုံချက်တနေရာ၊ ထိုင်ဝမ်ပြည်သူတိုင်း ထိုင်ဝမ်နိုင်ငံကိုလွတ်လပ်စွာ ရှင်သန်နေတာကိုမြင်ချင်ကြသည်။ ထိုနည်းလည်းကောင်းပင် ထိုင်ဝမ်နိုင်ငံရဲ့ လွတ်လပ်မှုကို မြန်မာပြည်သူများကအားကျသည်။တနည်းအားဖြင့် ထိုင်ဝမ်ကိုနိုင်ငံ အဖြစ်ပင်အသိအမှတ်ပြုကြသည်။

ထိုင်ဝမ်အတွက် ခက်ခဲတဲ့အခြေအနေတရပ်မဟုတ်သော်လည်း တရုတ်နိုင်ငံ၏ဘေဂျင်းအစိုးရသည် ကြီးမားသည့်ချိန်းခြောက်မှုကြီးတရပ်လိုလိုအမြဲတမ်းဖြစ်နေခဲ့သည်။ ဘေဂျင်းအစိုးရသည် ထိုင်ဝမ်၏ ခမ်းနားထည်ဝါမှုနှင့် ထိုင်ဝမ်ပြည်သူများလွတ်လပ်မှုကိုအတိုင်းသားတွေ့မြင်နေရသည်။ ထို့အတွက်ပင် မနာလိုဝန်တိုမှုကတနေ့တခြားကြီးမားလာသည်ဟုပြောလျှင်မမှား။

ထိုင်ဝမ်နှင့်မြန်မာတို့သည် အဝေးကြီးမှာ မဟုတ်သလိုနီးနီးကပ်ကပ်မှာလည်းရှိမနေကြ။သို့သော်ထိုင်ဝမ်ပြည်သူတို့၏ လွတ်လပ်စွာရှင်သန်နေထိုင်မှုနှင့်ဖွံဖြိုးတိုးတက်မှုတို့ကို ကမ္ဘာကြီးနှင့်အတူ မြန်မာပြည်သူများတွေ့မြင်နေကြရသည်။ တချို့ကထိုင်ဝမ်မှာပင် မြန်မာပညာသည်အဖြစ်နေထိုက်သက်မွေးကြသည်။တချို့ကထိုင်ဝမ်မှာပင်မြန်မာပြည်အရေးကိုလှုပ်ရှားလုပ်ကိုင်ဆောင်ရွက်ကြသည်။ မြန်မာပြည်သူတို့၏နှလုံးသားနှင့်ထိုင်ဝမ်ပြည်သူတို့၏နှလုံးသားမှာ နီးကပ်စွာ ယှဥ်တွဲတွေ့မြင်နိုင်သည်။

အနှစ်ချုပ်ပြောရပါက တရုတ်ပြည်၏ဘေဂျင်းအစိုးရသည် တရုတ်ပြည်သူတို့ကို ကြိုးတန်းလန်းနှင့်ဒီမိုကရေစီကို ရွှေရည်စိမ်ကာပေးထားရုံသာမက အိမ်နီးချင်းနိုင်ငံများကိုလည်းနိုင်ငံဟုပင်မမြင်။လက်အောက်ခံ ပြည်နယ်တခုအလားဆက်ဆံပြုမူကြလေသည်။ထိုနည်းလည်းကောင်း တရုတ်နိုင်ငံ၏ဘေဂျင်းအစိုးရသည်အလိုရမ္မက်ကြီးရုံသာမက ကွန်မြူနစ်ယောင်ဆောင်ကာ ပစ္စည်းရှိလူတန်းစားတရပ်ပင်ဖြစ်နေကြသည်။တကယ်တော့ဘေဂျင်းအစိုးရသည် ထိုင်ဝမ်ပြည်သူများကိုပင် ဒီမိုကရေစီမပေးချင်ရုံသာမက မြန်မာပြည်သူများကိုလည်း ဒီမိုကရေစီပေးရမှာ သေမလောက်ကြောက်လန့်နေခဲ့ကြသည်။ ။

30/05/2026

ဒေါ်အောင်ဆန်းစုကြည်ကို ချက်ခြင်းလွှတ်
*********************

မိုးယံ

၂၀၂၁ ခုနှစ် ဖေဖော်ဝါရီ၁ရက်မီးဖြတ်၊ဆက်သွယ်ရေးလိုင်းဖြတ်၊ ဟိုဟာဖြတ်၊ဒီဟာဖြတ်၍ ယုတ်မာတဲ့အသွင်သဏ္ဍန်အပြည့်နဲ့စစ်စိမ်းရောင်ဝတ်စစ်အုပ်စုတစုဟာ နိုင်ငံတော်အာဏာကို မတရားလုယူသိမ်းဆည်းခဲ့ပါတယ်။

ဒီနေရာမှာပြောချင်တာဘာအပြစ်မှမရှိတဲ့ နိုင်ငံ
တော်သမ္မတဦးဝင်းမြင့်ရယ်၊နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ရယ် စတဲ့နိုင်ငံတော်အကြီးအကဲနဲ့အစိုးရအဖွဲ့ဝင်အများစုကို စစ်တပ်ကညစ်ပတ်တဲ့လှည့်ကွက်နဲ့မတရားဖမ်းဆီးချုပ်နှောင်ခဲ့တာကိုဖြစ်ပါတယ်။

တိုင်းပြည်နဲ့လူထုမျက်နှာကိုမထောက် လူပုံအလယ်မှာလူထုရဲ့သဘောထားဆန္ဒကိုအသိအမှတ်ပြုရမယ်လို့ဗြောင်လိမ်ခဲ့တဲ့ ဗိုလ်မင်းအောင်လှိုင်နဲ့စစ်အုပ်စုအပေါင်းအပါတစုဟာ ဘယ်တုန်းကမှ ကတိသစ္စာတိုင်းပြည်အပေါ်စောင့်ထိန်းခဲ့ခြင်းမရှိဘူးလို့ဆိုရမှာဖြစ်ပါတယ်။

ICJတရားခှငျမှာတောငျစဈတပျရဲ့အဓိပ်ပါယျဖှငျ့ဆိုမှုကိုတိုငျးပွညျတပွညျရဲ့စဈတပျလုပျပိုငျခှငျ့နဲ့ခြိနျထိုးထှကျဆိုပေးသှားတဲ့ အန်တီ့ကို စစ်တပ်ဟာနောက်ကျောဓားနဲ့ထိုးရုံသာမက ကျနော်တို့လုပ်ပါမယ်။ ပြုပြင်ပြောင်းလဲပါမယ်ဆိုပြီး ပန်းဆိုးတန်းတံတားအောက်က ပြည့်တန်ဆာလောက်တောင်တန်ဖိုးမရှိတဲ့ လုပ်ရပ်ကိုလုပ်ဆောင်သွားခဲ့တယ်လို့ဆိုရမှာဖြစ်ပါတယ်။

အန်တီဟာတိုင်းပြည်နဲ့လူမျိုးအတွက်မိသားစုနဲ့အတူနေရမယ့်အချိန်တွေကို ပေးအပ်ခဲ့တယ်။ တိုင်းပြည်နဲ့မိသားစုမှာ တိုင်းပြည်ကိုရွေးချယ်ခဲ့ပြီး "ဒီစစ်တပ်တော့ကယ်လို့ရကောင်းပါရဲ့" "ပြုပြင်ပြောင်းလဲလို့ရကောင်းပါရဲ့ဆိုပြီး"အကြိမ်ကြိမ်အခါခါနားချဖြောင်းဖျခဲ့ပေမယ့် စစ်တပ်ဟာတတိုင်းပြည်လုံးကိုမီးရှို့လို့လူငယ်အသက်ပေါင်းများစွာကို အာဏာအတွက်စတေးပစ်ခဲ့ကြပါတယ်။

ပြည်သူ့အစိုးရလက်ထက်အန်တီတာဝန်ယူတဲ့သက်တမ်းအတွင်းမှာပညာရေးအသုံးစရိတ်တွေတိုးမြှင့်ပေးခဲ့တယ်။လမ်းတွေဖောက်၊တံတားတွေဆောက်လို့ ကျေးလက်တောရောမြို့ပါမကျန် လျှပ်စစ်မီးလင်းရေးကိုအဓိကဦးစားပေးကာ နိုင်ငံတော်ဘတ်ဂျက်ကနေရော၊အလှူရှင်များရဲ့ပါဝင်မှုအားကိုပါအန်တီဟာရယူခဲ့တယ်။

တိုင်းပြည်နဲ့လူမျိုးအပေါ် အန်တီဟာစေတနာကြီးမားခဲ့ပါလျက်နဲ့ စစ်ဗိုလ်ချုပ်အငြိမ်းစားများနဲ့ လက်ရှိတာဝန်ယူထားတဲ့သက်တမ်းလွန်စစ်ဗိုလ်ချုပ်များဟာ အာဏာငမ်းဖမ်းတဲ့ရောဂါဖီးစီးခဲ့ကြပါတယ်။သမ္မတဖြစ်ချင်တဲ့ရောဂါ၊ပြည်သူလူထုကချစ်ခင်မှုကိုလိုချင်တဲ့ရောဂါဟာ စစ်တပ်ကစစ်ဗိုလ်ချုပ်နဲ့ဗိုလ်ပြုတ်များအဖို့ နောက်ဘဝအဆက်ဆက်အထိရမယ့်အရာမျိုးလည်းမဟုတ်ပါ။

လက်ရှိမှာအသက်၈၀ပြည့်လို့ အကျဥ်းထောင်ထဲမတရားဖမ်းဆီးခံထားရတဲ့ဒေါ်အောင်ဆန်းစုကြည်ဟာ အသက်နဲ့အရှက်ကိုလဲလို့ စစ်တပ်နဲ့ဘယ်လိုသဘောတူညီမှုမျိုးမှရယူထွက်မလာတာဟာ အန်တီ့ရဲ့နိုင်ငံရေးဂုဏ်သိက္ခာ၊အန်တီ့ရဲ့တိုင်းပြည်အပေါ်ချစ်ခြင်းမေတ္တာတရား ၊အန်တီ့ရဲ့ နိုင်ငံရေးသီလနဲ့သမာဓိလို့ပြောရမှာဖြစ်ပါတယ်။

အန်တီ့ပြစ်မှားစော်ကားနေကြတဲ့စစ်အုပ်စုနဲ့စစ်အုပ်စုအပေါင်းအပါတစုဟာ ယနေ့ချက်ခြင်းလက်ငင်းကံကြီးမထိုက်တောင် နောင်တချိန်မှာပြန်လမ်းမဲ့ ဘဝမျိုးသူ့အလိုလိုရောက်ရှိကြရမှာမလွဲဧကန်ဖြစ်ပါတယ်။အန်တီဟာ သူ့အပေါ်ပုဂ္ဂိုလ်ရေးအရမုန်းတီးသည်ဖြစ်ပါစေ။ခေတ်ကောင်းတုန်း အမကြီး အမကြီးနဲ့အနားကပ်လာသည်ဖြစ်ပါစေ။ တိုင်းပြည်နဲ့လူမျိုးအပေါ်မေတ္တာနဲ့ဂရုဏာတရားကြီးမားစွာနဲ့ငြိမ်းချမ်းရေးနိုဗယ်ဆုရှင်ပီသစွာ မေတ္တာ၊စေတနာထားလျက် စောင့်ရှောက်မေတ္တာပို့သမပျက်ရှိနေမှာဖြစ်ပါတယ်။အခုအချိန်မှာအန်တီ့အတွက် စစ်အုပ်စုကို ပေးချင်တဲ့သတင်းစကားကတော့ ဒေါ်အောင်ဆန်းစုကြည်ကို ချက်ခြင်းလွှတ်။ ဒေါ်အောင်ဆန်းစုကြည်ကို ချက်ခြင်းလွှတ်။ ဒေါ်အောင်ဆန်းစုကြည်ကို ချက်ခြင်းလွှတ်။

Moe Joe News

01/06/2026

01/06/2026

01/06/2026

31/05/2026

31/05/2026

31/05/2026

31/05/2026

30/05/2026

30/05/2026

30/05/2026

ที่อยู่

เบอร์โทรศัพท์

เว็บไซต์

แจ้งเตือน

ทางลัด

แชร์

ประเภท