เว็บไซต์คืออะไร?

https://www.facebook.com/116983211002337/

Moe Joe News, Chiang Mai (2025)

30/11/2025

ဒေါ်အောင်ဆန်းစုကြည်ကို လွတ်မြောက်စေဖို့ ထိုင်းဝန်ကြီးက တောင်းဆိုပေးတဲ့အတွက်ကျေးဇူးအထူးတင်ရှိကြောင်းသားငယ်ကိုထိန်လင်းပြော

-moe joe

ဒေါ်အောင်ဆန်းစုကြည်ကို လွတ်မြောက်စေဖို့ ထိုင်းဝန်ကြီးက တောင်းဆိုပေးတဲ့အတွက်ကျေးဇူးအထူးတင်ရှိကြောင်းသားငယ်ကိုထိန်လင်းပြောကြားလိုက်ပါတယ်။

နိုဝင်ဘာလအတွင်း ဒေါ်အောင်ဆန်းစုကြည်ရဲ့သားငယ်ကိုထိန်လင်းကအသိပေးပြောကြားထားပါတယ်။

"မြန်မာပြည်သူများ ယုံကြည်ကြတဲ့အတိုင်း စစ်အာဏာရှင် ဦးဆောင်ကျင်းပမယ့် လာမည့်ရွေးကောက်ပွဲဟာ လွတ်လပ်တရားမျှတမှုမရှိတဲ့အပြင် မယုံကြည်ရတဲ့ ရွေးကောက်ပွဲတစ်ခုဖြစ်တယ်ဆိုတာ ထိုင်းနိုင်ငံခြားရေးဝန်ကြီးက အသိအမှတ်ပြုပေးတဲ့တာဟာ ကြိုဆိုလေးစားဖွယ်ရာ ဖြစ်ပါတယ်။ ပြီးတော့ ကျွန်တော့် မေမေ ဒေါ်အောင်ဆန်းစုကြည်ကို လွတ်မြောက်စေဖို့ ထိုင်းဝန်ကြီးက တောင်းဆိုပေးတဲ့အတွက်လည်း ကျေးဇူးအထူးတင်ရှိပါတယ်။ မေမေ့ကို ဆက်လက်အကျဉ်းချထားခြင်းက ဒီမိုကရေစီနဲ့ ပြည်သူတွေရဲ့ ဆန္ဒကို စစ်ကောင်စီက ဘယ်လောက်တောင် ကြောက်ရွံ့နေလဲဆိုတာ ပေါ်လွင်စေပါတယ်။ တကယ်လို့ အာဆီယံနဲ့ တခြားနိုင်ငံတွေက ဒီရွေးကောက်ပွဲက စစ်မှန်တဲ့ ရွေးကောက်ပွဲ မဟုတ်ဘူးလို့ လက်ခံသဘောပေါက်တယ်ဆိုရင် သူတို့ဟာ မြန်မာပြည်သူတွေကို ဖိနှိပ်နေတဲ့ စစ်ကောင်စီနဲ့ မရပ်တည်ဘဲ လွတ်လပ်ရေး အမှန်တကယ်လိုအပ်နေတဲ့ မြန်မာပြည်သူတွေနဲ့ အတူ ရပ်တည်ရပါမယ်။ ဒီလို ရှက်စရာကောင်းပြီးတော့ စစ်ကောင်စီရဲ့ စစ်ဘက်ဆိုင်ရာ ရာဇဝတ်မှုတွေကို ဖုံးပေးဖို့ သက်သက်လုပ်ထားတဲ့ ရွေးကောက်ပွဲကို တစ်ကမ္ဘာလုံးက အသိအမှတ်မပြုပေးဖို့လိုပါတယ်"လို့ကိုထိန်လင်းကပြောပါတယ်။

ဒါ့အပြင် မြန်မာပြည်သူတွေအားလုံးက စစ်မှန်တဲ့ ဒီမိုကရေစီနဲ့သာထိုက်တန်ပြီး ဖမ်းဆီးခံထားရတဲ့ နိုင်ငံရေး အကျဉ်းသားများအားလုံးဟာလည်း လွတ်လပ်မှုနဲ့သာ ထိုက်တန်တယ်လို့ကိုထိန်လင်းကထပ်လောင်းပြောကြားထားပါတယ်။

အသက်၈၀ပြည့်ပြီဖြစ်တဲ့ဒေါ်အောင်ဆန်းစုကြည်ကို စစ်အုပ်စုဟာစစ်အာဏာသိမ်းတဲ့၂၀၂၁ ခုနှစ်ဖေဖော်ဝါရီ၁ရက်နေ့ကတည်းကမတရားဖမ်းဆီးထားတာဖြစ်ပါတယ်။

26/11/2025

စစ်အုပ်စု၏ရက်စက်ကြမ်းကြုတ်မှုများကြောင့်
မြန်မာပြည်သူ၃.၆ သန်းခန့်ပြည်တွင်း၌ နေရပ် စွန့်ခွာ နေထိုင်နေရ

-moe joe

စစ်အုပ်စု၏ရက်စက်ကြမ်းကြုတ်မှုများကြောင့်
မြန်မာပြည်သူ၃.၆ သန်းခန့်ပြည်တွင်း၌ နေရပ် စွန့်ခွာ နေထိုင်နေရကြတယ်လို့သံအမတ်ကြီးဦးကျော်မိုးထွန်းကပြောကြားခဲ့ပါတယ်။

ကုလသမဂ္ဂ၏ လူကုန်ကူးမှု တိုက်ဖျက်ရေး ကမ္ဘာလုံးဆိုင်ရာ လုပ်ငန်းစီမံချက်အား ပြန်လည်သုံးသပ် ဆွေးနွေးသည့် အထွေထွေညီလာခံ အဆင့်မြင့်အစည်းအဝေးတွင် ကုလသမဂ္ဂဆိုင်ရာ မြန်မာ အမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကပြောပါတယ်။

"စစ်အုပ်စုက ကျယ်ပြန့်စွာ စနစ်တကျ ကျူးလွန်လျက်ရှိသော အရပ်သားပြည်သူများအပေါ် မဆင်မခြင် လေကြောင်းဗုံးကြဲတိုက်ခိုက်မှုများကို တိုးမြှင့်လုပ်ဆောင်ခြင်း၊ အဓမ္မ တပ်သား စုဆောင်းခြင်းနှင့် ပျံ့နှံ့နေသော လူ့အခွင့်အရေး ချိုးဖောက်မှုများ အပါအဝင် မြောက်များစွာသော ရက်စက်ကြမ်းကြုတ်မှုများကြောင့် ၃.၆ သန်းခန့်သော ပြည်သူများအနေဖြင့် ပြည်တွင်း၌ နေရပ် စွန့်ခွာ နေထိုင်နေရကြောင်း၊ ထိုသို့ နေရပ်စွန့်ခွာ ထွက်ပြေးတိမ်းရှောင်နေစဉ်တွင်လည်း မိမိတို့၏ ပြည်သူများ၊ အထူးသဖြင့် အမျိုးသမီးများ၊ ကလေးသူငယ်များနှင့် ရိုဟင်ဂျာများအပါအဝင် လူနည်းစုများအနေဖြင့် လူကုန်ကူးခံရမည့် အန္တရာယ်များနှင့် ရင်ဆိုင်နေရကြောင်း"သံအမတ်ကြီးကပြောပါတယ်။

ဒါ့အပြင်မြန်မာအရေးကိစ္စနှင့်ဆက်စပ်လျှင် ပြဿနာ၏ဇစ်မြစ်အား ရှင်းလင်းစွာ သိရှိထားရမည်ဖြစ် ကြောင်း၊စစ်အာဏရှင်စနစ်နှင့် တရားမဝင် စစ်အာဏာသိမ်းမှုတို့သည် ပြဿနာ၏ ဇစ်မြစ်ဖြစ်ပြီး ယင်းတို့ ကြောင့်သာလျှင် ပြည်တွင်းတရားဥပဒေစိုးမိုးမှု ပျက်ပြယ်ကာ စီးပွားရေးကဏ္ဍ ပြိုလဲခဲ့ရခြင်း ဖြစ်ကြောင်း သံအမတ်ကြီးဦးကျော်မိုးထွန်းကရှင်းလင်းပြောကြားခဲ့ပါတယ်။

24/11/2025

ဒေါ်အောင်ဆန်းစုကြည်ကို ချက်ခြင်းလွှတ်
*********************

မိုးယံ

၂၀၂၁ ခုနှစ် ဖေဖော်ဝါရီ၁ရက်မီးဖြတ်၊ဆက်သွယ်ရေးလိုင်းဖြတ်၊ ဟိုဟာဖြတ်၊ဒီဟာဖြတ်၍ ယုတ်မာတဲ့အသွင်သဏ္ဍန်အပြည့်နဲ့စစ်စိမ်းရောင်ဝတ်စစ်အုပ်စုတစုဟာ နိုင်ငံတော်အာဏာကို မတရားလုယူသိမ်းဆည်းခဲ့ပါတယ်။

ဒီနေရာမှာပြောချင်တာဘာအပြစ်မှမရှိတဲ့ နိုင်ငံ
တော်သမ္မတဦးဝင်းမြင့်ရယ်၊နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ရယ် စတဲ့နိုင်ငံတော်အကြီးအကဲနဲ့အစိုးရအဖွဲ့ဝင်အများစုကို စစ်တပ်ကညစ်ပတ်တဲ့လှည့်ကွက်နဲ့မတရားဖမ်းဆီးချုပ်နှောင်ခဲ့တာကိုဖြစ်ပါတယ်။

တိုင်းပြည်နဲ့လူထုမျက်နှာကိုမထောက် လူပုံအလယ်မှာလူထုရဲ့သဘောထားဆန္ဒကိုအသိအမှတ်ပြုရမယ်လို့ဗြောင်လိမ်ခဲ့တဲ့ ဗိုလ်မင်းအောင်လှိုင်နဲ့စစ်အုပ်စုအပေါင်းအပါတစုဟာ ဘယ်တုန်းကမှ ကတိသစ္စာတိုင်းပြည်အပေါ်စောင့်ထိန်းခဲ့ခြင်းမရှိဘူးလို့ဆိုရမှာဖြစ်ပါတယ်။

ICJတရားခွင်မှာတောင်စစ်တပ်ရဲ့အဓိပ္ပါယ်ဖွင့်ဆိုမှုကိုတိုင်းပြည်တပြည်ရဲ့စစ်တပ်လုပ်ပိုင်ခွင့်နဲ့ချိန်ထိုးထွက်ဆိုပေးသွားတဲ့ အန်တီ့ကို စစ်တပ်ဟာနောက်ကျောဓားနဲ့ထိုးရုံသာမက ကျနော်တို့လုပ်ပါမယ်။ ပြုပြင်ပြောင်းလဲပါမယ်ဆိုပြီး ပန်းဆိုးတန်းတံတားအောက်က ပြည့်တန်ဆာလောက်တောင်တန်ဖိုးမရှိတဲ့ လုပ်ရပ်ကိုလုပ်ဆောင်သွားခဲ့တယ်လို့ဆိုရမှာဖြစ်ပါတယ်။

အန်တီဟာတိုင်းပြည်နဲ့လူမျိုးအတွက်မိသားစုနဲ့အတူနေရမယ့်အချိန်တွေကို ပေးအပ်ခဲ့တယ်။ တိုင်းပြည်နဲ့မိသားစုမှာ တိုင်းပြည်ကိုရွေးချယ်ခဲ့ပြီး "ဒီစစ်တပ်တော့ကယ်လို့ရကောင်းပါရဲ့" "ပြုပြင်ပြောင်းလဲလို့ရကောင်းပါရဲ့ဆိုပြီး"အကြိမ်ကြိမ်အခါခါနားချဖြောင်းဖျခဲ့ပေမယ့် စစ်တပ်ဟာတတိုင်းပြည်လုံးကိုမီးရှို့လို့လူငယ်အသက်ပေါင်းများစွာကို အာဏာအတွက်စတေးပစ်ခဲ့ကြပါတယ်။

ပြည်သူ့အစိုးရလက်ထက်အန်တီတာဝန်ယူတဲ့သက်တမ်းအတွင်းမှာပညာရေးအသုံးစရိတ်တွေတိုးမြှင့်ပေးခဲ့တယ်။လမ်းတွေဖောက်၊တံတားတွေဆောက်လို့ ကျေးလက်တောရောမြို့ပါမကျန် လျှပ်စစ်မီးလင်းရေးကိုအဓိကဦးစားပေးကာ နိုင်ငံတော်ဘတ်ဂျက်ကနေရော၊အလှူရှင်များရဲ့ပါဝင်မှုအားကိုပါအန်တီဟာရယူခဲ့တယ်။

တိုင်းပြည်နဲ့လူမျိုးအပေါ် အန်တီဟာစေတနာကြီးမားခဲ့ပါလျက်နဲ့ စစ်ဗိုလ်ချုပ်အငြိမ်းစားများနဲ့ လက်ရှိတာဝန်ယူထားတဲ့သက်တမ်းလွန်စစ်ဗိုလ်ချုပ်များဟာ အာဏာငမ်းဖမ်းတဲ့ရောဂါဖီးစီးခဲ့ကြပါတယ်။သမ္မတဖြစ်ချင်တဲ့ရောဂါ၊ပြည်သူလူထုကချစ်ခင်မှုကိုလိုချင်တဲ့ရောဂါဟာ စစ်တပ်ကစစ်ဗိုလ်ချုပ်နဲ့ဗိုလ်ပြုတ်များအဖို့ နောက်ဘဝအဆက်ဆက်အထိရမယ့်အရာမျိုးလည်းမဟုတ်ပါ။

လက်ရှိမှာအသက်၈၀ပြည့်လို့ အကျဥ်းထောင်ထဲမတရားဖမ်းဆီးခံထားရတဲ့ဒေါ်အောင်ဆန်းစုကြည်ဟာ အသက်နဲ့အရှက်ကိုလဲလို့ စစ်တပ်နဲ့ဘယ်လိုသဘောတူညီမှုမျိုးမှရယူထွက်မလာတာဟာ အန်တီ့ရဲ့နိုင်ငံရေးဂုဏ်သိက္ခာ၊အန်တီ့ရဲ့တိုင်းပြည်အပေါ်ချစ်ခြင်းမေတ္တာတရား ၊အန်တီ့ရဲ့ နိုင်ငံရေးသီလနဲ့သမာဓိလို့ပြောရမှာဖြစ်ပါတယ်။

အန်တီ့ပြစ်မှားစော်ကားနေကြတဲ့စစ်အုပ်စုနဲ့စစ်အုပ်စုအပေါင်းအပါတစုဟာ ယနေ့ချက်ခြင်းလက်ငင်းကံကြီးမထိုက်တောင် နောင်တချိန်မှာပြန်လမ်းမဲ့ ဘဝမျိုးသူ့အလိုလိုရောက်ရှိကြရမှာမလွဲဧကန်ဖြစ်ပါတယ်။အန်တီဟာ သူ့အပေါ်ပုဂ္ဂိုလ်ရေးအရမုန်းတီးသည်ဖြစ်ပါစေ။ခေတ်ကောင်းတုန်း အမကြီး အမကြီးနဲ့အနားကပ်လာသည်ဖြစ်ပါစေ။ တိုင်းပြည်နဲ့လူမျိုးအပေါ်မေတ္တာနဲ့ဂရုဏာတရားကြီးမားစွာနဲ့ငြိမ်းချမ်းရေးနိုဗယ်ဆုရှင်ပီသစွာ မေတ္တာ၊စေတနာထားလျက် စောင့်ရှောက်မေတ္တာပို့သမပျက်ရှိနေမှာဖြစ်ပါတယ်။အခုအချိန်မှာအန်တီ့အတွက် စစ်အုပ်စုကို ပေးချင်တဲ့သတင်းစကားကတော့ ဒေါ်အောင်ဆန်းစုကြည်ကို ချက်ခြင်းလွှတ်။ ဒေါ်အောင်ဆန်းစုကြည်ကို ချက်ခြင်းလွှတ်။ ဒေါ်အောင်ဆန်းစုကြည်ကို ချက်ခြင်းလွှတ်။

24/11/2025

ဘာမဲမှ ပေးစရာမလို
=============

နိုင်ငံတနိုင်ငံမှာဒီမိုကရေစီရေချိန်ကိုကြည့်ချင်ရင်နိုင်ငံသားတွေရဲ့ လွတ်လပ်စွာပြောဆိုနေထိုင်ခွင့်နဲ့အသက်ရှင်နေထိုင်ပုံအပါအဝင်လွတ်လပ်စွာမဲပေးခွင့်တို့ကိုကြည့်ရပါတယ်။

ဒါပေမယ့်မြန်မာနိုင်ငံမှာတော့ လွတ်လပ်စွာပြောဆိုနေထိုင်ခွင့်နဲ့လွတ်လပ်စွာ မဲပေးပိုင်ခွင့်ဆိုတာ ညစ်ပတ်တဲ့စစ်တပ်ရဲ့လုပ်ရပ်ကြောင့်ပျောက်ဆုံးနေခဲ့တာနှစ်အတော်ကြာခဲ့ပြီဖြစ်ပါတယ်။

စစ်တပ်ဟာနိုင်ငံသားတွေရဲ့အသိဥာဏ်ဖွံဖြိုးမှုကိုမလိုလားဘူး။စစ်တပ်ဟာ လူထုအတွက်မရပ်တည်ဘဲလူတစုအတွက်သာသာရပ်တည်ပေးခဲ့တယ်။စစ်တပ်ဟာ နိုင်ငံသားတွေလွတ်လပ်စွာသွားလာနေထိုင်ခွင့်၊အရပ်ရှင်သန်ပိုင်ခွင့်နဲ့လွတ်လပ်စွာပြောဆိုဝေဖန်ခွင့်၊မဲပေးပိုင်ခွင့်တို့ကိုမနာလိုစိတ်ကြီးခဲ့ပါတယ်။

မြန်မာနိုင်ငံမှာ စစ်တပ်ကြီးစိုးရေးကိုအစဥ်တစိုက်ကြိုးပမ်းခဲ့တဲ့စစ်ခေါင်းဆောင်များဟာ ဒီမိုကရေစီတို့၊လူ့အခွင့်အရေးတို့ကို ခါးခါးသီးသီးတင်းခံ၊ငြင်းဆန်ခဲ့ကြပါတယ်။ရွေးကောက်ပွဲဆိုတာသူတို့တတွေရဲ့ရန်သူလို့တောင် ထင်မှတ်နေကြသူတွေဆိုရင်လည်းမမှားပါဘူး။

လွတ်လပ်စွာပြည်သူတွေမဲပေးရွေးချယ်ပိုင်ခွင့်ကိုမလိုလားဘူး။မျက်စိပိတ်၊နားပိတ်နဲ့မြန်မာနိုင်ငံထဲ မြန်မာပြည်သူ၊ပြည်သားတွေပင်ပန်းဆင်းရဲကြီးတာကိုပဲ စစ်တပ်ကလိုချင်တယ်။တိုင်းပြည်မှာ တိုင်းသူ၊ပြည်သားဆင်းရဲမွဲတေလေလေစစ်တပ်ကြိုက်လေလို့ပြောရမှာဖြစ်ပါတယ်။

ဘယ်တုန်းကမှ ပြည်သူလူထုအပေါ်စေတနာမရှိခဲ့တဲ့စစ်တပ်ဟာ အာဏာကိုလိုချင်လို့ကိုနိုင်ငံတော်အာဏာကိုသိမ်းပြီးတော့ရွေးကောက်ပွဲ အသစ်တဖန်ကျင်းပပေးမယ်လို့ဆိုလာပြန်ပါတယ်။စည်းကိုက်၊ဝါးကိုက်လက်ဝါးချင်းရိုက်ပြီးမှ စစ်တပ်ကတည်ထောင်ထားတဲ့ကြံဖွံပါတီရယ်၊အရိုးအရင်းကိုက်မယ့်ဘယ်တုန်းကမှလူထုမဲတပြားမရဘူးတဲ့ပါတီတွေရယ်ဝင်ပြိုင်ကြမယ့်ရွေးကောက်ပွဲပဲ ဖြစ်ပါတယ်။

ဒါတွေပြောရင်ဒေါတွေပါမယ်ဆိုတာ ရွေးကောက်ပွဲပဲ ဖြစ်ပါတယ်။၉၀ပြည့်နှစ်တုန်းကတခါပြည်သူလူထုဟာ ပြည်သူ့နှလုံးသိမ်းကျုံးယူတဲ့ပါတီကိုမဲပေးပြီးခါမှ ရူးကြောင်မူးကြောင်နဲ့ အာဏာလွှဲဖို့မဟုတ်ပါဘူးဆိုပြီး အရူးကွက်နင်းသွားတဲ့စစ်တပ်၊၂၀၂၀ ရွေးကောက်ပွဲမှာ ပြည်သူ့ဆန္ဒနဲ့သဘောထား ရလဒ်ကို ကျနော်လက်ခံပါမယ်ဆိုပြီး အရှက်တရားကင်းမဲ့ခဲ့တဲ့မအလ။ဒါတွေဟာ ပြည်သူလူထုဘက်ကတွေးကြည့်ရင် အသည်းခိုက်အောင်ရင်နာစရာကောင်းလှပါတယ်။

အခုတခါမှာတော့ လာပြန်ပြီရွေးကောက်ပွဲ၊စစ်တပ်ကကျင်းပတဲ့ရွေးကောက်ပွဲ၊ဘာရွေးကောက်ပွဲပဲ ဖြစ်ဖြစ် ပြည်သူဘက်က၂၀၂၀ ရွေးကောက်ပွဲမှာတာဝန်ကျေခဲ့ပြီးပြီမို့ ၂၀၂၅ ရွေးကောက်ပွဲမှာ ဘာမဲမှပေးစရာမလိုတော့ဘူးဖြစ်ပါတယ်။ဒီမိုကရေစီနည်းလမ်းနဲ့ကျင့်စဥ်အရ ရွေးကောက်ပွဲရှိရင်မဲပုံးရှိမှာ မှန်ပေမယ့်မဲပေးခွင့်ရှိရင်မဲမပေးဘဲနဲ့လည်းနေထိုင်နိုင်ပါကြောင်း။ ။

ဖိုးသာထူး

23/11/2025

ထိုင်းနိုင်ငံBIMSTEC ဆွေးနွေးပွဲလာစဥ် မင်းအောင်လှိုင် ကိုဆန္ဒပြရန် ကြိုးစားခဲ့တဲ့မြန်မာနှစ်ဦး နေရပ်ပြန်ပို့နိုင်တဲ့အန္တရာယ်ရင်ဆိုင်ကြုံတွေ့နေရ
=============
နိုဝင်ဘာ၂၃ရက်

ထိုင်းနိုင်ငံBIMSTEC ဆွေးနွေးပွဲလာစဥ် မင်းအောင်လှိုင် ကိုဆန္ဒပြရန် ကြိုးစားခဲ့တဲ့မြန်မာနှစ်ဦး နေရပ်ပြန်ပို့နိုင်တဲ့အန္တရာယ်ရင်ဆိုင်ကြုံတွေ့နေရတယ်လို့သိရပါတယ်။

နိုဝင်ဘာလအတွင်းမှာကာယကံရှင်တို့ကအသိပေးဆိုထားပါတယ်။

"ကျနော် NaingNaing Soe နှင့် ကိုPhyo Paing တို့သည် ၂၀၂၅ ခုနှစ် ဧပြီလ ၃ ရက်နေ့တွင် ဘန်ကောက်မြို့၌ ကျင်းပသည့် BIMSTEC ဆွေးနွေးပွဲသို့ တက်ရောက်ရန် ရောက်ရှိလာသော မင်းအောင်လှိုင် ဦးဆောင်သည့် မြန်မာစစ်အုပ်စုဝင်များအား ဆန္ဒပြရန် စီစဉ်ခဲ့ပါတယ်။ကျွန်တော်တို့သည် Shangri-La ဟိုတယ်အနီးတွင် စောင့်ဆိုင်းနေစဉ်၊ ထိုင်းရဲတပ်ဖွဲ့ဝင်များက ဖမ်းဆီးခဲ့ပြီး ရန်နာဝါ ရဲစခန်း သို့ ခေါ်ဆောင်သွားခဲ့ပါတယ်။ ထိုနေ့ နေ့လယ်ပိုင်းကတည်းက စတင်၍ စုံစမ်းစစ်ဆေးမှုများ ပြုလုပ်ခံခဲ့ရပြီး၊ ည ၁၂ နာရီခွဲတွင် ချွန်ဖူး လူဝင်မှုကြီးကြပ်ရေး ထိန်းသိမ်းရေးဌာန (Immigration Detention Center - IDC) သို့ ပို့ဆောင်ခြင်းခံခဲ့ရတယ်"လို့အသိပေးဆိုထားပါတယ်။

လက်ရှိ အခြေအနေမှာ၄င်းတို့နှစ်ဦးသည် ဖမ်းဆီးခံရသည့် အချိန်မှစ၍ ယခုအချိန်အထိ ၇ လကျော် ကြာမြင့်လာပြီဖြစ်သော်လည်း ထိုင်းအာဏာပိုင်များက လွှတ်ပေးခြင်း မရှိသေးဘဲ ထိန်းသိမ်းခံနေရဆဲဖြစ်ပါတယ်။

နိုင်ငံတကာမှ အကာအကွယ်ပေးမည့် အစီအစဉ်တစ်ရပ်ကို လျှောက်ထားခဲ့သော်လည်း၊ ၂၀၂၅ ခုနှစ် အောက်တိုဘာလ ၁၀ ရက်နေ့တွင် ပယ်ချခံခဲ့ရတယ်လို့သိရပါတယ်။

"ကျွန်တော်တို့နှစ်ဦး၏ အသက်အန္တရာယ် ကင်းရှင်းရေးနှင့် နိုင်ငံတကာ အကာအကွယ် ရရှိရေးအတွက် သက်ဆိုင်ရာ အဖွဲ့အစည်းများ၊ လူ့အခွင့်အရေး အဖွဲ့အစည်းများနှင့် နိုင်ငံတကာအသိုက်အဝန်းမှ အမြန်ဆုံး အကူအညီပေးပါရန် လေးစားစွာ တောင်းဆိုအပ်ပါတယ်"လို့ကိုနိုင်နိုင်စိုးကအသိပေးထားပါတယ်။

23/11/2025

"အားဖြည့်ထောက်ကူ တို့ဆိပ်ဖြူ" သိန်း ၂,၀၀၀ ကမ်ပိန်း ဖွင့်ပွဲ

"အားဖြည့်ထောက်ကူ တို့ဆိပ်ဖြူ" ကမ်ပိန်းမှာ ပါဝင်ထောက်ပံ့ချင်သူတွေအနေနဲ့ အောက်ပါ Page ကို တိုက်ရိုက်ဆက်သွယ် ထောက်ပို့နိုင်ပါသည်။

https://www.facebook.com/pkuppc

ပခုက္ကူခရိုင်၊ အမှတ်(၁၁)တပ်ရင်းမှ စစ်အနိုင်တိုက်ရေး လိုအပ်ချက်များအတွက် ပြုလုပ်သည့် ကမ်ပိန်းဖြစ်ပါသည်။

22/11/2025

၂၀၂၅ နိုဝင်ဘာ မြန်မာလူထု သဘောထားစစ်တမ်း မှာ မြန်မာပြည်တွင်းရော ပြည်ပမှာပါ ရောက်ရှိနေတဲ့ မြန်မာနိုင်ငံသားတိုင်း ဝင်ရောက်ဖြည့်စွက်ပေးဖို့ Japan Myanmar Future Conference (JMFC) မှအလေးအနက် တိုက်တွန်း
----------------------

၂၀၂၅ နိုဝင်ဘာ မြန်မာလူထု သဘောထားစစ်တမ်း မှာ မြန်မာပြည်တွင်းရော ပြည်ပမှာပါ ရောက်ရှိနေတဲ့ မြန်မာနိုင်ငံသားတိုင်း ဝင်ရောက်ဖြည့်စွက်ပေးဖို့ Japan Myanmar Future Conference (JMFC) မှအလေးအနက် တိုက်တွန်းထားပါတယ်။

မြန်မာပြည်သူအားလုံး ပါဝင်ကြပါစို့!Japan Myanmar Future Conference (JMFC) မှ ဦးဆောင်ပြုလုပ်နေတဲ့ ၂၀၂၅ နိုဝင်ဘာ မြန်မာလူထု သဘောထားစစ်တမ်း ကိုလက်ရှိမှာကောက်ယူလျက်ရှိပါတယ်။

မြန်မာပြည်တွင်းရော ပြည်ပမှာပါ ရောက်ရှိနေတဲ့ မြန်မာနိုင်ငံသားတိုင်း ဝင်ရောက်ဖြည့်စွက်ပေးဖို့ အလေးအနက် တိုက်တွန်းထားပြီး မြန်မာ့ဒီမိုကရေစီရေးအတွက် အလွန်အရေးကြီးတဲ့ တာဝန်တစ်ရပ် ဖြစ်တယ်လို့ဆိုပါတယ်။

ပါဝင်လှုပ်ရှားလိုသူများအနေနဲ့သက်ဆိုင်ရာလူမှုကွန်ရက်မှာဝင်ရောက်ဖတ်ရှုပါဝင်နိုင်ပါတယ်။

Comment ရှိ လင်ခ့်

22/11/2025

"၂၀၂၅၊ဒီဇင်ဘာ ၂၈ အာဏာသိမ်းစစ်ကောင်စီလုပ်မည့်ရွေးကောက်ပွဲ တရားမျှတမှုရှိလိမ့်မယ်ဆိုတာစိတ်ကူးရင်သက်သက်ဘဲဖြစ်မယ်။
ပါတီဝင်တွေ၊ကော်မရှင်တွေ၊ထောက်ခံသူတွေသတိထား"
===========

ကိုရီးယားဒယ်ဂူးဘုန်းဘုန်းမိန့်ကြားချက်

22/11/2025

အမှန်တရားကိုပြောပြဖို့အရာရာရင်းနှီးထားတဲ့သတင်းထောက်များကိုကူညီကြဖို့ ဒေါ်အောင်ဆန်းစုကြည်ရဲ့သားငယ်ကိုထိန်လင်းကပြောကြားလိုက်ပါတယ်။

22/11/2025

စစ်တပ်အာဏာသိမ်းတဲ့ လေးနှစ်ကျော်ကာလအတွင်း အရပ်သားနေအိမ်ပေါင်း ၁၁၆,၈၉၇ လုံးမီးရှို့ဖျက်ဆီးခံခဲ့ရ

-moe joe နိုဝင်ဘာ၂၂ရက်

စစ်တပ်အာဏာသိမ်းတဲ့ လေးနှစ်ကျော်ကာလအတွင်း အရပ်သားနေအိမ်ပေါင်း ၁၁၆,၈၉၇ လုံးမီးရှို့ဖျက်ဆီးခံခဲ့ရပါတယ်။

နိုဝင်ဘာလအတွင်း Data for Myanmar ရဲ့ အစီရင်ခံထတြ်ပြန်ချက်အရသိရှိပါတယ်။

၂၀၂၅ မေလကုန်အထိ စုစည်းထားတဲ့ အချက်အလက်တွေအရ စစ်အာဏာသိမ်း လေးနှစ်ကျော်ကာလအတွင်း အရပ်သားနေအိမ်ပေါင်း ၁၁၆,၈၉၇ မီးရှို့ဖျက်ဆီးခံခဲ့ရတယ်လို့ဆိုပါတယ်။

၂၀၂၅ ခုနှစ်၊ ဖေဖော်ဝါရီလကနေ မေလအတွင်း မကွေးတိုင်း၊ စစ်ကိုင်းတိုင်း၊ မန္တလေးတိုင်းနဲ့ ပဲခူးတိုင်းထဲက ကျေးရွာတွေရဲ့ မီးလောင်ပျက်စီးမှုအခြေအနေတွေ အပါအဝင် သုံးသပ်ချက်နဲ့ အကြံပြုချက်တွေကို Data for Myanmar ကဖော်ပြထားပါတယ်။

20/11/2025

ဓားမြတွေဆီက ဝေစုယူပြီလား
ဦးကိုကိုကြီး
****************

အခါတစ်ပါးက လူထုလှုပ်ရှားမှုမှာ တက်တက်ကြွကြွနဲ့ပါဝင်ခဲ့တဲ့ ဦးကိုကိုကြီး ဘက်ပြောင်းသွားတာလား။ ရဲဖမ်း နှိပ်စက်မှာကြောက်နေတာလား။ လူအများက သို့လော၊ သို့လောနဲ့ ထင်နေကြပါတယ်။တချို့ ကေ ကျူ့ရဲ့ သူငယ်ချင်းအရင်းအချာကြီးတွေတောင် ကေကျူ့စိတ်ဓာတ်ကိုမကြိုက်လို့ လမ်းခွဲသွားကြလည်းမနည်းမနောပါပဲ။တချို့ကတော့ ဦးကိုကိုကြီးကို မျှော်လင့်နေဆဲပါပဲ။ ဦးကိုကိုကြီး ပြည်သူ့ဘက်ကများ ပြန်လည်ရပ်တည်လာမလားလို့ ထင်မြင်နေကြဆဲဖြစ်ပါတယ်။

အရင်စစ်အုပ်စု ရဲ့ လက်စွဲတော် ဦးသိန်းစိန် လက်ထက်ကတည်းက စိန်အောင်မင်းနဲ့ ငြိမ်းချမ်းရေးပွဲတွေမှာ ဦးကိုကိုကြီးကို တွေ့ရကတည်းက ဦးကိုကိုကြီး ခြေလှမ်းတွေဟာ ယိုင်နှဲ့လာတာကိုတွေ့မြင်ရပါတယ်။ ဒီ့နောက်မှာ နိုင်ငံရေးပါတီ တစ်ရပ် အနေနဲ့ထွက်ပေါ်လာတဲ့ ဦးကိုကိုကြီးကို အင်မတန်မှ စိတ်ဝင်စားစရာကောင်းစွာနဲ့လေ့လာကြည့်မိပါတယ်။နိုင်ငံရေးပါဝါအရ ဒေါ်အောင်ဆန်းစုကြည်ကို မယှဥ်နိုင်ပေမဲ့ အရင်လို ဝန်းရံလိုစိတ် ဦးကိုကိုကြီးမှာ မရှိတော့တာတော့ အသေအချာပဲ ဖြစ်ပါတယ်။နိုင်ငံရေး ပါဝါ အာဏာရလိုမှုနဲ့ ဒီမိုကရေစီ အင်အားစုတွေကို တိုက်ခိုက်တဲ့ စကားလုံးနဲ့အပြုအမူတွေဟာ ဦးကိုကိုကြီးဆီမှာ အထင်းသားတွေ့မြင်နေရပါတယ်။

ဒီလိုနဲ့ စစ်အာဏာသိမ်းခဲ့သလို ဦးကိုကိုကြီး ရဲ့ ပြည်သူ့ပါတီဟာ မူလ ပထမက ပြည်သူဘက်ကပဲ ရပ်တည်မလိုနဲ့ ယခုအချိန်မှာတော့ စစ်အုပ်စုရဲ့ အတုအယောင်ရွေးကောက်ပွဲကိုအသိအမှတ်ပြု ပြည်သူ့ပါတီမှတ်ပုံတင်ပုံတင်လို့ရွေးကောက်ပွဲဝင်ပြိုင်ပုံထောက်တော့စစ်ကောင်စီကို တရားဝင် အသိအမှတ်ပြုထားတဲ့ပုံကိုရနေပါတယ်။

တစ်ချိန်က ခမောက်ကိုဆောင်းလို့ ကျောင်းနံရံတစ်ဝိုက်မှာ ဒေါင်းအလံ ပြန်စိုက်မယ်လို့ ကြွေးကြော်ခဲ့တဲ့ ဦးကိုကိုကြီး၊ လူထု ခေါင်းဆောင် ဒေါ်အောင်ဆန်းစုကြည်ကို မထိနဲ့ ဒို့ ကျောင်းသားတွေ ဝန်းရံမယ်ဆိုတဲ့ ဦးကိုကိုကြီး၊ အာဏာရှင် စနစ်ကို မကြိုက်လို့ ခေါင်းကိုမော့ ရင်ကိုကော့လို့ လက်သီး လက်မောင်းတန်းခဲ့တဲ့ ဦးကိုကိုကြီး အခုဘယ်လိုဖြစ်သွားတာလဲလို့ လူထုကအများကြီး စိတ်ဝင်စားနေကြပါတယ်။ တချို့အရာတွေက အကျိုးစီးပွားနဲ့များဆက်စပ်နေမလား။တချို့အရာတွေက အသက်ဘေး လုံခြုံရေးနဲ့များ ဆက်စပ်နေမလား။ ဘာတွေ သဘောတူထားပြီး ဘာတွေခေါင်းညိတ်ထားသလဲကတော့ ဦးကိုကိုကြီးကိုယ်တိုင်အသိဆုံးဖြစ်မှာဖြစ်ပါတယ်။

ယခုလည်း စစ်အုပ်စုရဲ့ အတုအယောင်ရွေးကောက်ပွဲဟာ ပြည်သူ့အာဏာကို လုယူထားတဲ့ ဓားမြတွေရဲ့ဝေစုလို့ တစ်ယောက်သောသူက တင်စားပြောဆိုလာပါတယ်။ဒီလို ပြည်သူတွေကို သတ်ဖြတ်၊ ပြည်သူ့အိုးအိမ်တွေကို ဖျက်ဆီး မီးရှို့ပြီး ဒီမိုကရေစီနည်းကျ ရွေးကောက်ပွဲပါလို့ ကမ္ဘာကို ပတ်လိမ်နေတဲ့ စစ်အုပ်စုဆီက ဝေစုကို ဦးကိုကိုကြီးဟာ ဒီလိုအချိန် ဒီလိုကာလမှာ ယူကိုယူရမယ်ဆိုတဲ့အမြင်ဟာ အင်မတန်မှ စိတ်ဝင်စားစရာကောင်းနေပါတယ်။ တစ်သက်လုံး ဖုံးလာသမျှ ကုန်းကာမှပေါ်ဆိုသလို အကယ်၍များ စစ်အုပ်စုနဲ့ ဦးကိုကိုကြီးဟာ အကျိုးတူပူးပေါင်းဖြစ်ခဲ့ပြီဆိုရင် တစ်သက်လုံးလုပ်လာတဲ့ မြန်မာ့ဒီမိုကရေစီအရေးနဲ့ ဒီမိုကရေစီလွတ်လပ်ရေးသမိုင်းမှာ သမိုင်းအမည်းစက်အနေနဲ့ ဦးကိုကိုကြီးဟာ ထင်ထင်ရှားရှား မှတ်မှတ်သားသား ရှိနေမှာ မလွဲမသေပဲ ဖြစ်ပါတော့တယ်။ ။

သဓာရေးသည်

Moe Joe News

30/11/2025

26/11/2025

24/11/2025

24/11/2025

23/11/2025

23/11/2025

22/11/2025

22/11/2025

22/11/2025

22/11/2025

20/11/2025

ที่อยู่

เบอร์โทรศัพท์

เว็บไซต์

แจ้งเตือน

ทางลัด

แชร์

ประเภท