Kachinnews

06/06/2026

Bat mi laman na, Jinghpaw mung hte Mungmyit Sinli ginra shiga ni
June 6,2026 / ELTV
- Myen hpyendap hte simsa lam bawngban ai lam hta rawt malan galaw nga ai wuhpung yawng lawm ai rai yang KIO mung shanglawm bawngban na re lam tsun

- Mungmyit Sinli, Namhkam mare Kawngdap Bawmyam kapaw hkrum ai mabyin hta sum machyi hkrum ai mung shawa ni garum ntum ra kadawn nga

- Myitkyina, Mali zup hta Ja htu ai lam laja lana galaw nga

05/06/2026

Dai ni June shata praw 5, 2026 bat 5ya( Hpan ) shana na lu na shiga lamang hta gaw,
Shwegu Sitar Mare Bawm wa jahkrat bun ai majaw mung shawa marai 3 si hkrum wa ai shiga
Mungkan Shingra makawp maga nhtoi shani hta Mali Nmai Zup madam masing ninghkap ai lam hte hkashi hkanu san seng na matu Thai mungdan Chiangrai kaw mung shawa lam hkawm n-gun madun poi lamang galaw nga ai shiga hte rau
June 9 alu tam lamang hpe Chiangmai Muklum kaw mung galaw mat wa na lam hte seng ai shiga lam ni hpe na lu mat na re.
Laksan lamang hta gaw,
Miwa Langu sun a majaw, makau grup yin gade daram hten za taw sai kun? Hpaji munu ni a n sen hpe na lu mat na re.

05/06/2026

Maza Hte Shinggyim Nga Pra Lam

04/06/2026

04/06/2026

Shwegu Sitar Mare Kaw Nbungli Bawm a Majaw Mung Shawa Marai (3) Si
=====================
June 04 2026/ Kachinnews

Shwegu ginwang Sitar mare Ninghtawn tsirung kaw Myen Hpyen nbungli bawm sa jahkrat bun ai majaw, mung shawa marai ( 3) asak si hkrum wa ai lam ginra masha ni kaw na chye lu ai.

Dai hpawt manap hkying 7 aten daram hta, Mandalay maga na pyen lung wa ai Jet Nbungli langai dai grup yin kaw masum lang daram pyen gayin shinggrup nna, Ninghtawn tsi rung hpe shading jahkrat bun da ai re lam ginra masha langai KNG shiga de n dai zawn tsun dan ai re.

“Nbungli bawm wa jahkrat bun ai majaw, marai 3 si ai langai gaw Salang kaba re nga ai. marai lahkawng kun gaw hkala sawng ai,Dai makau hkan na n ta mung hten ayai mat ai ga rai nga ai, Myen ni ndai laman dai maga de ding yang စစ်ကြောင်းထိုး taw ai rai nga ai,” nga tsun ai re.

>>>>Hkumtsup ai hku Comment na Link kaw

04/06/2026

Hpakant Hawngpa Mare Ja Htu Ai Gaw Lam Nyep Na Matu Re Lam Ahkang Aya Nga Ai Ni Tsun
===================
June 04 2026/ Kachinnews

Tamahkan Hawng Pa mare kaw Ja htu nga ai lam gaw, lam galaw na matu ginra masha ni jahtu lauban hpe lamu ga dut ya nna, htu ai re nga, dai ginra na lit nga ai ni tsun ai re.

Hawngpa mare kaw ja htu taw nga ai gaw, buga gaw sharawt magam bungli hta jai lang na matu, dai mare na lit nga ai mare salang hte mare masha ni yawng jawm myit hkrum nna, ja htu lauban ni hpe lamu ga dut ya nna htu shangun ai re lam, ginra amyu shayi langai KNG shiga de n dai zawn tsun dan ai re.

“Ya dai line n tsa kaw pru wa ai hku n re. Mare masha yawng jawm myit hkrum nna htu shangun ai she re. htu kau ai shara ni hpe bai ka-put jahpring ya nna, mare n hten hkra bai galaw na matu re. Ya Ja htu shangun ai ngu mung, mare lam galaw ra ai majaw, mare myitsu kanu kawa ni the mung shawa ni a tsawm sha bawn jahkrup na galaw ai bunli lam she re.” nga tsun ai.

Hawngpa mare gaw, lai wa sai 2023 ning kaw na majan byin wa ai majaw, mung mare masha n kau tinang man ang ai shara ni de hprawng yen ai mare kahtawng langai mung rai nga ai.

Dai mare gaw, Sam amyu bawsang law malawng nga ai mare kahtawng rai nna, SNA maga de tsap ai Sam nkau nga ai rai nna, dai mung shawa ni dai ni ten du hkra mare de rai n wa shi ai lam chye lu ai.

Hawngpa mare kata de ja htu ai lam the seng nna, lai wa sai bat hta, အောင်ဇော်မိုး ဖားကန့် mying ai Facebook n tsa hta, mare kata, Hpaji jawng ni de du hkra ja htu taw ai lam tsun da ai re.

Mare kata ja htu ai masa lam the seng na dai ginra na lit nga ai KIO Salang Kaba hpe KNG maga san yu yang ndai zawn nga tsun ai re.

“Dai kaw Ja htu ai gaw Mare Buga gaw sharawt na matu chyawm gaw re, mare lam hpe Concrete lam nyep na matu mare buga masha ni nan Ja htu lauban ni hpe dut ya nna, htu ai she re, htu ngut jang atsawm bai kaput da ya na ngu ai myit hkrum lam jawm la nna, galaw ai she re, dai kaw gara gadai Salang kaba ma n lawm ai, shan hte lauban ni hte mare masha ni hkrai jawm galaw ai bungli she re.” nga tsun ai.

Photo # အောင်ဇော်မိုး ဖားကန့် ၊ KNG

>>>>hkumtsup ai hku Comment na link kaw shang hti ga.

03/06/2026

Dai ni June shata praw 3, 2026 bat 2ya( Dam ) shana na lu na shiga lamang hta gaw,

Myen Jawng de jawng htawt shang wa ai jawngma n kau mayak lam ni byin hkrum taw nga ai shiga
Shwegu makau grup yin ni de majan shani shagu laja lana matut byin taw nga ai shiga hte rau,
Myen Hpyen Asuya Ningbaw Min Aung Hlaing hte India hkringmang daju Modi yan hkrum jahta ai lam hta hpa baw lam ni jahta wa ai kun? Jinghpaw mung hte seng na hpa baw ni lawm ai kun? Ndai shiga masa lam ni hpe na lu mat na re.
Laksan lamang hta gaw,
Hpakant Hawngpa mare hpe hpa majaw Ja htu sha taw nga ai kun? Lanam Ying Luk tang madun tawn ai lamang hpe na lu mat na re.

03/06/2026

Hpakant de shang ai Myihprap wan gunrai hpe Myen Hpyendap Hkum Pat Nga
==================
June 03 2026/ Kachinnews

Hpakant de Htaw lung wa ai Masha lang arung arai hte Myihprap wan Electronic rai ni hpe Lawnghkang, Lay Pyin (Sha It Yang mare) na Myen Hpyen Bawm yam dap kaw pat hkum da ai lam chye lu ai.

Myen Hpyen maga Bawm Yam Dap kaw pat hkum da ai nhtoi bat mi jan du wa sai majaw, Hpakant de mi shawoi na hta manu grau tsaw rawt taw nga ai lam ginra masha langai KNG Shiga dap de n dai zawn tsun dan wa ai re.

“Myen Hpyen maga Lay Pyin Bawm Yam Dap kaw, အခြေခံလူသုံးကုန် hte Electronic rai ni hpe pat ai ya bat lapran mi du wa sai, lit nga ai n tsang tsang na ni hte jahkrup nga ai da, lahkawng masum ya rai yang gaw shalai ya na zawn nga ai, ya Myen ni n shalai ai majaw, Hpakant kaw wan rai hte nkau gunrai shawoi na hta htam lahkawng ram grau manu laja mat sai nga,” tsun ai re.

Myen hpyen dap pat Hkum da ai Shagyit ni hpe Gumhpraw law law jaw nna Lai rap wa ai majaw shawoi na hta gunrai manu grau Rawt mat ai lam byin taw ai nga matut tsun ai re.

Namya Hpakant lam hpe Wunpawng Mungdan Shanglawt Hpyendap KIA pat da ai kaw na bai hpaw ya ai hpang, gunrai manu grai hkyam sa wa na mung shawa ni myit mada ai rai tim, Mung Shawa myit mada ai hku n byin ai sha n ga, gunrai manu grau rawt ai lam ni byin taw ai hpe matut chye lu ai.

Solar Plate Jingo hpan Watt 620 pa langai sen-6 daram Kaw nna ya Gaw Sen-8 daram jaw nna Mari ra ai lam ni byin taw ai hpe chye lu ai.

Lama ra ahkyak na mari ra ai rai tim pyi mari na rai n nga ai mabyin lam ni nga taw ai hpe chye lu ai.

Ya ten Hpakant ginra kata majan gap gasat hkat ai lam n nga tim, kata lam hpyen masa shaja hkat ai lam ni gaw, ding yang matut nga taw ai hpe sagawn chye lu ai.

02/06/2026

Dai ni June shata praw 2, 2026 bat 2ya( Chyanun ) shana na lu na shiga lamang hta gaw,
Hawngpa mare kata de du hkra ja htu taw ai hshiga
KIA Dung 26 ginra Hopin - Chaung Wa lam kaba pat ai lam ndau tawn ai shiga
Awng Lawt mare de shang wa ai Salang marai 3 kaw Kani mu jep rim ai shiga masa lam ni hpe na lu mat na re.

Laksan lamang hta gaw,
Myitkyina Muklum kata Myen Hpyen balik ni, Kani dut ai ni hpe n rim na, lusha ai masha ni hpe hkrai rim ahkyak la taw ai gaw, tang ndu ai masa lam hte seng na, ngai Ah Naw matut tang madun tawn ai lamang hpe na lu mat na re.

01/06/2026

Nawnglut Ginra hta SNA Pyithutsit ni atit anang hpyen rim lahkawn taw nga ai shiga
Myen Hpyen ni Waimaw Jamga mare kaw hpyen n-gun mahkawng nga ai shiga hte
Namhkam Kawng Dap mare kaw Bawm Yam kapaw ai hta Jinghpaw nta 30 daram hten za hkrum ai shiga masa lam ni hpe na lu mat na re.