Kachinnews

Kachin News Group (KNG) is covering news from Kachin and Burma. Publish news in three languages Kachi

07/09/2026

𝐒𝐢𝐧 𝐇𝐤𝐚𝐧 𝐌𝐚𝐡𝐤𝐫𝐚𝐢 𝐇𝐩𝐞 𝐌𝐲𝐞𝐧 𝐇𝐩𝐲𝐞𝐧 𝐍𝐢 𝐆𝐚𝐩 𝐉𝐚𝐡𝐭𝐞𝐧
===================================
September 07 2026/ Kachinnews

Gumshem Myen Hpyen dap ni KIA hte pawng hpawm dap ni htim gasat tawn ai Sin Hkan mare hpe bai gasat zing madu la lu na matu, lagaw dap, nbungli kaw na laja lana gap gasat wa ai lam nga ai hpe chye lu ai.
September praw 5 ya jahpawt Sin Hkam Mare kaw Hka Sanghpaw kaw na lawm lung wa ai Myen hpyen n kau hpe tawn da nna, Shwegu maga na lagaw lam hku lung wa ai Myen hpyen ni pawng nna, Sin Hkam mare hpe laja lana htim gasat wa ai re.

Sin Hkan mare hpe htim gasat ai hta, Myen hpyen hka sanghpaw hpe hkap shingla gasat ai Sin Hkan Mahkrai hpe Myen hpyen nbungli kaw na laja lana gasat bun wa ai majaw, Sin Hkan mahkrai masa lam hte seng na, ginra masha langai KNG shiga de n dai zawn tsun dan ai re.

"𝑺𝒆𝒑𝒕𝒆𝒎𝒃𝒆𝒓 5 𝒚𝒂 𝒔𝒉𝒂𝒏𝒊, 𝒔𝒉𝒂𝒏𝒊 𝒕𝒖𝒑 𝒘𝒂 𝒈𝒂𝒑 𝒔𝒉𝒂𝒓𝒖 𝒃𝒖𝒏 𝒂𝒊, 𝑱𝒆𝒕 𝒌𝒂𝒘 𝒏𝒂 𝑷𝒐𝒖𝒏𝒅 500, 1000 𝒌𝒂𝒃𝒂 𝒂𝒊 𝒍𝒂𝒌𝒏𝒂𝒌 𝒏𝒊 𝒉𝒕𝒆 𝒘𝒂 𝒈𝒂𝒑 𝒔𝒉𝒂𝒓𝒖 𝒃𝒖𝒏 𝒂𝒊, 𝑺𝒊𝒏 𝑯𝒌𝒂𝒏 𝑴𝒂𝒍𝒊𝒉𝒌𝒂 𝒎𝒂𝒉𝒌𝒓𝒂𝒊 𝒍𝒂𝒉𝒌𝒂𝒘𝒏𝒈 𝒏𝒈𝒂 𝒂𝒊 𝒌𝒂𝒘 𝒏𝒂, 𝑾𝒂𝒏𝒍𝒆𝒏𝒈 𝒍𝒂𝒎 𝒎𝒂𝒉𝒌𝒓𝒂𝒊 𝒘𝒂 𝒅𝒂𝒘 𝒎𝒂𝒕 𝒂𝒊, 𝑴𝒂𝒘𝒅𝒂𝒘 𝒍𝒂𝒎 𝒎𝒂𝒈𝒂 𝒏𝒂 𝒈𝒂𝒘 𝒏𝒂𝒘 𝒎𝒂𝒊 𝒍𝒂𝒊 𝒂𝒊," nga tsun ai re.

Myen Hpyen Hka Sanghpawli 2 na Myen hpyenla nkau dawnghkawn hpraw sharawt asum jaw rim hkam ai hpang, Pawng hpawm dap maga na Myen hpyen bawng masha ni hpe Sin Hkan mahkrai npu hku shim lam la nna, woi gawp shalai wa ai hpe online n tsa hkan pru ai Video ni hta mu lu nga ai re.

>>>Hkum tsup ai hku Comment link kaw

07/09/2026

Dai ni September praw 7 , 2026, bat 1 ya ( But ) shana na lu na shiga lamang hta gaw,
hka Sanghpawli ni hpe hkap shingla gasat ai shara, Sinhkan Mahkrai hpe Myen Hpyendap Nbungli hte bawm jahkrat jahten wa ai shiga
Myitkyina Sipin (Municipal) kaw na Salang langai hpe n ta kaw sa adup sat ai lam byin wa ai shiga
Mali Hka hku lwi yawng hkrat wa ai laknak a majaw, Mali hka hpe machyu na galaw sha nga ai mung shawa ni myit tsang hkrum taw ai shiga masa lam ni hpe na lu mat na re.

Laksan lamang hta gaw,
Myen Hpyen Hka Sanghpaw lung wa ai majaw hprawng yen hkawm taw ai Mali hka kau na mung shawa ni malu masha yak hkak nga ai masa lam hte seng nna, na lu mat na re.

07/09/2026

𝐌𝐚𝐧𝐦𝐚𝐰 𝐤𝐚𝐰 𝐌𝐚𝐣𝐚𝐧 𝐁𝐚𝐢 𝐁𝐲𝐢𝐧 𝐍𝐠𝐚
====================
September 07 2026/ Kachinnews

Manmaw de Myen Hpyen Hka Sanghpaw du ai hpang, Manmaw kaw majan bai byin taw ai nga shawng lam hpyen magam gun hte ni nawn ai ni tsun ai re.

Mani September praw 6 ya jahpawt Manmaw kaw rawng nga ai Myen Hpyen hpung ni Nmawk maga de Hpyen n gun htu wa ai majaw, majan byin taw ai lam chye lu ai.

Myen Hpyen Hka Sanghpaw kaw na Laknak malu masha hpyen n gun du lung wa ai majaw, Majan bai hpaw wa ai masa re nga, Hpyen masa yu maram taw ai salang langai KNG shiga de tsun dan ai re.

"𝑯𝒌𝒂 𝑺𝒂𝒏𝒈𝒉𝒑𝒂𝒘𝒍𝒊 𝒌𝒂𝒃𝒂 7 𝒍𝒖 𝒅𝒖 𝒂𝒊 𝒏𝒈𝒖 𝒈𝒂𝒘 𝒏 𝒍𝒐𝒊 𝒂𝒊 𝒍𝒂𝒎 𝒓𝒂𝒊 𝒏𝒈𝒂 𝒂𝒊, 𝑯𝒑𝒚𝒆𝒏 𝒏𝒊 𝒍𝒂𝒌𝒏𝒂𝒌 𝒎𝒂𝒍𝒖 𝒎𝒂𝒔𝒉𝒂 𝒈𝒓𝒂𝒊 𝒃𝒂𝒊 𝒈𝒓𝒖𝒏𝒈 𝒎𝒂𝒕 𝒔𝒂𝒊, 𝑳𝒂𝒌𝒏𝒂𝒌 𝒉𝒑𝒚𝒆𝒏 𝒏 𝒈𝒖𝒏 𝒈𝒓𝒖𝒏𝒈 𝒂𝒊 𝒎𝒂𝒋𝒂𝒘, 𝒃𝒂𝒊 𝒉𝒕𝒖 𝒈𝒂𝒔𝒂𝒕 𝒘𝒂 𝒔𝒂𝒊 𝒈𝒂 𝒓𝒂𝒊 𝒏𝒈𝒂 𝒂𝒊, 𝑴𝒂𝒏𝒊 𝒉𝒑𝒂𝒘𝒕 𝒌𝒂𝒘 𝒏𝒂 𝒃𝒂𝒊 𝒏𝒖𝒕 𝒉𝒌𝒂𝒕 𝒕𝒂𝒘 𝒔𝒂𝒊, 𝑵𝒎𝒂𝒘𝒌 𝒍𝒂𝒎 𝒎𝒂𝒈𝒂 𝒅𝒆 𝒉𝒕𝒖 𝒍𝒖𝒏𝒈 𝒘𝒂 𝒂𝒊 𝒅𝒂,"nga tsun dan ai re.
>>>Hkumtsup ai hku Comment Link kaw

05/09/2026

Bat mi laman byin nga ai shiga masa ni
September 5,2026/ ELTV
-Manmaw de du shatup sai Myen hpyen Sanghpaw hpung ni n gun alaw alam nga ai lam shawnglam magam gun ni tsun

- Myitkyina- Putao lam hta mawdaw ni hpe bai nhtang kau shangun ai lam n galaw ya na matu, mawdaw hpung ni hpyi shawn

- Thai mung hta tara shang masat da hkrum ai Bawsang amyu sha jahpan hta Kachin myu baw sang ni mung lawm

04/09/2026

Dai ni September praw 4 , 2026, bat 5 ya ( Hpan ) shana na lu na shiga lamang hta gaw,
Zin B**g Byuha dap hpe Myen hpyen ni lagaw dap hte matut htim gasat wa ai majaw, majan matut byin nga ai shiga.
Manmaw de du lung wa ai Myen hpyen Hka Sanghpawli ni hpe KIA hte pawng hpawm ni matut gasat nga ai majaw, majan byin taw nga ai shiga
Jinghpaw mung hte Sagaing jarit, Kaung Sit mare kaw Y12 nbungli bawm wa jahkrat ai majaw, amyu shayi 1 si nna, hpawmi lahkawng hkala hkrum wa ai shiga masa lam ni hpe na lu mat na re.

03/09/2026

Dai ni September praw 3 , 2026, bat 4 ya ( Pilan ) shana na lu na shiga lamang hta gaw,
Shwegu na lung wa ai Sanghpaw 7 dai hpawt manap Yeni kaw na Manmaw de matut lai lung wa ai majaw, majan laja lana matut byin taw ai shiga
Hkawnglanhpu Pyithutsit dap shara langai hpe KIA bai htim gasat zing madu la lu wa ai shiga
Myen Mung ka-ang Bebo kaw hka kaba ai majaw, Myen mung ting a malu masha lam ni kaning zawn rai yak hkak wa mai ai kun? N dai masa lam ni hpe na lu mat na re.
Laksan lamang hta gaw,
Shwegu na lung wa ai Myen hyphen hka sanghpaw n kau hpe KIA Pawng hpawm maga hkap shingla gasat kau lu ai hpang, Mali hka lam majan masa lam hte Sanghpaw masa lam ni hpe matut na lu mat na re.

03/09/2026

𝐌𝐲𝐞𝐧 𝐇𝐩𝐲𝐞𝐧 𝐒𝐚𝐧𝐠𝐡𝐩𝐚𝐰 𝟕 𝐌𝐚𝐧𝐦𝐚𝐰 𝐃𝐞 𝐃𝐮 𝐒𝐡𝐚𝐭𝐮𝐩
================================
September 03 2026/ Kachinnews

Shwegu kaw na Manmaw de lung wa ai Myen hpyen Hka sanghpawli nkau Manmaw de du sai lam, shawng lam hpyen magam gun ni tsun shateng wa ai re.

Mandalay kaw na lung wa ai Hkasanghpaw 14 hta na dai ni Manmaw de du mat ai Sanghpaw 7 re lam shawng lam magam gun hte matut mahkai nga ai Salang langai KNG de tsun dan wa ai re.

“𝑴𝒂𝒏𝒂 𝒀𝒆𝒏𝒊 𝒌𝒂𝒘 𝒘𝒂 𝒚𝒖𝒑 𝒂𝒊 𝑺𝒂𝒏𝒈𝒉𝒑𝒂𝒘 𝒉𝒑𝒖𝒏𝒈 𝒏𝒊 𝒅𝒂𝒊 𝒉𝒑𝒂𝒘𝒕 𝒋𝒂𝒖 𝒏𝒂 𝒍𝒖𝒏𝒈 𝒘𝒂 𝒂𝒊, 𝒍𝒂𝒎 𝒍𝒂𝒑𝒓𝒂𝒏 𝒈𝒂𝒔𝒂𝒕 𝒈𝒂𝒘 𝒏𝒂𝒘 𝒈𝒂𝒔𝒂𝒕 𝒂𝒊, 𝒓𝒂𝒊 𝒕𝒊𝒎 𝒅𝒂𝒊 𝒎𝒂𝒚𝒂𝒏 𝒈𝒂𝒘 𝒉𝒌𝒂 𝒅𝒂𝒎 𝒎𝒂𝒕 𝒂𝒊 𝒎𝒂𝒋𝒂𝒘 𝒈𝒂𝒘 𝒏 𝒍𝒐𝒊 𝒎𝒂𝒕 𝒔𝒂𝒊, 𝑴𝒚𝒆𝒏 𝒏𝒊 𝒅𝒊𝒏𝒈 𝒚𝒂𝒏𝒈 𝑵𝒃𝒖𝒏𝒈𝒍𝒊 𝒕𝒉𝒆 𝒃𝒂𝒊 𝒑𝒚𝒆𝒏 𝒈𝒂𝒚𝒊𝒏 𝒓𝒂𝒊 𝒚𝒂𝒏𝒈 𝒈𝒂𝒘 𝒂𝒑𝒚𝒂𝒘 𝒔𝒉𝒂 𝒅𝒖 𝒍𝒖 𝒎𝒂𝒕 𝒂𝒊 𝒈𝒂 𝒓𝒂𝒊 𝒏𝒈𝒂 𝒂𝒊,” nga tsun ai re.

September praw 2 ya shani Shwegu kaw na Manmaw de lai lung wa ai Hka Sanghpawli hpung ni hpe KIA hte PDF pawng hpawm ni Sin Hkan mahkrai n pu kaw hkap shingla gasat ai hta Sanghpawli 3 hpe lu gap jahten kau nna, Sanghpawli 2 gaw dawnhkawn hpraw sharawt asum jaw rim hkam wa ai re.

Sanghpaw 5 daram hpe pawng hpawm dap maga hkap lu shingla gasat ai rai tim, kaga ngam ai Sanghpaw 7 daram gaw Manmaw maga de lu lai mat ai hpe chye lu ai.

Dai lu lai lung mat ai Sanghpaw kaba 7 gaw September 2 y a shana Manmaw lawu Yene mare kaw wa hkring nna, dai hpawt manap jau Manmaw de lai lung wa ai hpe KIA maga bai shingla gasat ai majaw, majan gasat gala byin wa ai hpe matut chye lu ai.

Dai sanghpaw kaba 7 hte rau Hpri Sanghpaw kaba hpe kanawng ai Sanghpaw kaji 6 mung lawm ai lam matut chye lu ai re.

Mandalay kaw na lung wa ai Sanghpaw hpung ni hta Hpyen Sanghpaw kaba lahkawng lawm ai kaw na, langai hpe gaw lu gap jahten kau ya ai rai nna ngam ai langai sha Manmaw de lu lai bang mat ai rai nna, kaga ngam ai sanghpaw 6 gaw Malu masha the laknak machyu pala htaw ai sanghpaw kaba ni re lam chye lu ai.

Dai Sanghpaw hpung ni gaw, Mandalay kaw na August 21 ya shani lung wa nna, dai ni September praw 3 ya shani Manmaw de Sanghpaw 7 du wa lu ai rai nga ai.

02/09/2026

▶️Manmaw De Lai Lung Wa Ai Myen Hpyen Hkasanghpawli Hpung Hpe KIA Pawng Hpawm Ni Hkap Shingla Gasat
▶️Myen Hpyenla Tsa kaba laknak jahkrat rim hkam ai lam galaw wa
=======================
September 02 2026 / Kachinnews

Shwegu kaw na lung wa ai Myen Hpyen Hka Sanghpawli hpe KIA PDF hkap shingla gasat ai hta Myen Hpyen Hka Sanghpawli 3 hpe hkap shingla gasat jahten kau lu nna, Sanghpawli kaba lahkawng sumpan hpraw sharawt asum jaw nna, hkin gau de kap wa ai hpe KIA maga yawng rim sharen da lu sai lam chye lu ai.

September praw 2 ya jahpawt hkying 6 daram kaw Shwegu na lung wa ai Hkasanghpaw hpung ni hpe KIA hte PDF dap maga, Ubat hkumlai (မြစ်ကျဉ်း) makau kaw hkap shingla gasat ai kaw sum machyi law wa ai rai nga ai.

Shwegu kaw Sanghpaw kaba nkau tawn da nna, sanghpaw kaji n kau lai lung wa ai hpe KIA maga hkap shingla gasat ai kaw Myen hpyen maga sum machyi law wa ai re lam, KIO Shiga magam dap lithkam Dukaba Nhpang Naw Bu KNG shiga de n dai zawn tsun ai re.

““𝑫𝒂𝒊 𝒉𝒑𝒂𝒘𝒕 𝒈𝒂𝒘 𝒁𝒊𝒏𝒃𝒖𝒏𝒈 (မြစ်ကျဉ်း) 𝒎𝒂𝒌𝒂𝒖 𝒌𝒂𝒘 𝒈𝒂𝒑 𝒉𝒌𝒂𝒕 𝒂𝒊 𝒅𝒂, 𝒅𝒂𝒊 𝒌𝒂𝒘 𝒍𝒂𝒏𝒈𝒂𝒊 𝒈𝒂𝒑 𝒋𝒂𝒉𝒕𝒆𝒏 𝒌𝒂𝒖 𝒏𝒏𝒂, 𝒍𝒂𝒏𝒈𝒂𝒊 𝒈𝒂𝒘 𝒉𝒌𝒂 𝒌𝒂𝒘 𝒍𝒖𝒑 𝒎𝒂𝒕 𝒂𝒊, 𝒍𝒂𝒏𝒈𝒂𝒊 𝒈𝒂𝒘 𝒘𝒂𝒏 𝒉𝒌𝒓𝒖 𝒎𝒂𝒕 𝒂𝒊 𝒍𝒂𝒎 𝒉𝒑𝒆 𝒏𝒂 𝒍𝒖 𝒂𝒊, အလံဖြူထောင် 𝒂𝒊 𝒏𝒊 𝒎𝒖𝒏𝒈 𝒏𝒈𝒂 𝒂𝒊, 𝒓𝒂𝒊 𝒕𝒊𝒎 𝒂 𝒕𝒔𝒂𝒘𝒎 𝒕𝒖𝒑 𝒉𝒌𝒓𝒂𝒌 𝒈𝒂𝒘 𝒓𝒂𝒊 𝒏 𝒔𝒉𝒂𝒕𝒆𝒏𝒈 𝒍𝒖 𝒔𝒉𝒊 𝒂𝒊, 𝒓𝒂𝒊 𝒎𝒖𝒏𝒈 𝒔𝒉𝒆 𝒏 𝒓𝒂𝒊 𝒏𝒂 𝒊? 𝒏𝒈𝒂 ,” nga tsun ai.

>>> hkumtsup ai hku Comment na link kaw dip na shang hti mai nga ai re.

02/09/2026

Dai ni September praw 2 , 2026, bat 3 ya ( Dam ) shana na lu na shiga lamang hta gaw,
Shwegu kaw na Manmaw du lung wa ai Myen Hpyen Hka Sanghpawli 3 hpe gap jahten kau lu nna, Sanghpaw lahkawng dawnghkawn hpraw sharawt asum jaw wa ai shiga
Myitkyina Putao lam hten taw ai majaw, Putao de gunrai manu tsaw rawt taw ai shiga
Thai de Ameracan nbungli htaw sanghpaw kaba du taw sai shiga masa lam ni hpe na lu mat na re.
Laksan lamang hta gaw,
Mandung ginra, ရေပုံးမန်လုံ mare makau, Mahkuk hka baw hta gasau htu ai majaw, byin hkrum hkra wa na sum machyi lam yawng hpe TNLA lit la na lam Ginra masha ni hte sa du hkrum ai ten, tsun shaga wa ai lam hte seng nna na lu mat na re.

02/09/2026

Hka lam hku htu shadut nga ai Myen hpyendap Hka Sanghpaw li gap hkrum ai hpang jahtum masa hte
Shwegu - Sinhkan(စင်းခန်း) lapran, majan laja lana matut byin nga