Democratic Press

Democratic Press "Your source for democracy, human rights, and breaking news – follow Democratic Press on Facebook."

The mission of Democratic Press is to provide accurate, detailed information on the challenging and evolving situation in Myanmar, where a military coup has led to widespread human rights violations across the country. Our primary objective is to promote an informed and empowered society that can understand and engage with democratic principles in the face of oppression. We are dedicated to produc

ing independent, unbiased journalism that brings attention to political, social, and human rights abuses impacting citizens nationwide. Through investigative reporting, advocacy for press freedom, and educational initiatives, we aim to strengthen public awareness and resilience amid the crisis. By empowering citizens with reliable information, Democratic Press aspires to be a steadfast voice for truth and a source of hope and support for positive change in Myanmar.

လှိုင်သာယာတွင် ချစ်သူမိန်းကလေးကို သတ်ဖြတ်ခဲ့သည့် တရုတ်နွယ်ဖွား မြန်မာအမျိုးသား ဆီဒိုးနားဟိုတယ် ၂၉ လွှာမှ ခုန်ချ၍ မိမိကို...
11/06/2026

လှိုင်သာယာတွင် ချစ်သူမိန်းကလေးကို သတ်ဖြတ်ခဲ့သည့် တရုတ်နွယ်ဖွား မြန်မာအမျိုးသား ဆီဒိုးနားဟိုတယ် ၂၉ လွှာမှ ခုန်ချ၍ မိမိကိုယ်ကိုယ် အဆုံးစီရင်

Democratic Press
ဇွန် ၁၁၊ ၂၀၂၆

ရန်ကုန်တိုင်းဒေသကြီး၊ လှိုင်သာယာမြို့နယ်ရှိ နဝဒေးအိမ်ရာတွင် ချစ်သူမိန်းကလေးကို ဓားဖြင့်ထိုးသတ်ခဲ့သည့် တရုတ်နွယ်ဖွား မြန်မာအမျိုးသားတစ်ဦးသည် ရန်ကင်းမြို့နယ်ရှိ ဆီဒိုးနားဟိုတယ် ၂၉ လွှာမှ ခုန်ချ၍ မိမိကိုယ်ကိုယ် အဆုံးစီရင်သွားခဲ့ကြောင်း ရဲတပ်ဖွဲ့သတင်းရင်းမြစ်များထံမှ သိရှိရသည်။ အဆိုပါ အမျိုးသားသည် ရည်းစားဖြစ်သူအား သတ်ဖြတ်ခဲ့ကြောင်းနှင့် ၎င်း၏ရုပ်အလောင်းရှိရာလိပ်စာကို ဖော်ပြထားသည့် သေတမ်းစာတစ်စောင်ကိုလည်း ဟိုတယ်အရေးပေါ်ထွက်ပေါက်၌ ချန်ထားခဲ့သည်။

ယမန်နေ့ ဇွန်လ ၁၀ ရက် နံနက် ၁၁ နာရီအချိန်တွင် ရန်ကင်းမြို့နယ်၊ အမှတ် ၅ ရပ်ကွက်၊ မောယဝတီလမ်းရှိ ဆီဒိုးနားဟိုတယ်ပေါ်မှ အမျိုးသားတစ်ဦး ခုန်ချသေဆုံးကြောင်း သတင်းအရ ရဲတပ်ဖွဲ့က သွားရောက်စစ်ဆေးခဲ့ခြင်းဖြစ်သည်။ စစ်ဆေးချက်အရ သေဆုံးသူမှာ ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်၊ တာမိုးညဲအထူးဒေသမှ တရုတ်နွယ်ဖွား မြန်မာအမျိုးသား ကိုတင်စိုး ဖြစ်ကြောင်း သိရှိရပြီး ၎င်း၏ရုပ်အလောင်းကို ရဲဆေးစာဖြင့် စံပြဆေးရုံသို့ ပို့ဆောင်ထားရှိသည်။

ရဲတပ်ဖွဲ့က ဖြစ်စဉ်ဖြစ်ပွားရာ ဆီဒိုးနားဟိုတယ် ၂၉ လွှာ အရေးပေါ်ထွက်ပေါက် တံခါးဘောင်ပေါ်တွင် သေဆုံးသူ ကိုတင်စိုး ချန်ထားခဲ့သည့် လက်ကိုင်ဖုန်း ၂ လုံး၊ ကားမောင်းလိုင်စင်တစ်ခုနှင့် သေတမ်းစာတစ်စောင်တို့ကို ရှာဖွေတွေ့ရှိခဲ့သည်။

၎င်း၏သေတမ်းစာတွင် ချစ်သူဖြစ်သူ မရှုလင်က လမ်းခွဲရန် ပြောဆိုသည့်အတွက် စိတ်မထိန်းနိုင်ဘဲ သတ်မိခဲ့ခြင်းဖြစ်ကြောင်း၊ လှိုင်သာယာအရှေ့ပိုင်းမြို့နယ်၊ နဝဒေးအိမ်ရာရှိ နေအိမ်တွင် ၎င်း၏အလောင်းရှိသဖြင့် သွားရောက်ဆယ်ယူပေးရန်နှင့် မိမိကိုယ်ကိုယ် ကြိုးဆွဲချသေကြောင်းကြံစည်မှု မအောင်မြင်ခဲ့၍ ယခုကဲ့သို့ ဟိုတယ်ပေါ်မှ ခုန်ချကာ အဆုံးစီရင်ရခြင်းဖြစ်ကြောင်း ရေးသားတောင်းပန်ထားသည်။

အဆိုပါ သေတမ်းစာပါ လိပ်စာအတိုင်း ရဲတပ်ဖွဲ့က လှိုင်သာယာအရှေ့ပိုင်းမြို့နယ်၊ ၆ ရပ်ကွက်၊ ပုဂံလမ်း၊ နဝဒေးအိမ်ရာ၊ Block ၂၀၊ ခြံနံပါတ် ၃ နေအိမ်သို့ သွားရောက်ရှာဖွေရာ မြေညီထပ် ကြမ်းပြင်ပေါ်တွင် ပြတ်ရှဒဏ်ရာများဖြင့် သွေးအိုင်ထဲ လဲကျသေဆုံးနေသည့် အမျိုးသမီးတစ်ဦးကို တွေ့ရှိခဲ့ရသည်။

သေဆုံးသူမှာ မိန်ကျယ်အထည်ချုပ်စက်ရုံမှ စီမံကိန်းမန်နေဂျာ မရှုလင် ဖြစ်ကြောင်း အတည်ပြုနိုင်ခဲ့ပြီး ၎င်းတို့နှစ်ဦး ချစ်သူသက်တမ်း ၇ လကျော်အကြာတွင် ယခုကဲ့သို့ လူသတ်မှုနှင့် ကိုယ့်ကိုယ်ကိုယ် အဆုံးစီရင်မှု ဖြစ်ပွားခဲ့ခြင်း ဖြစ်သည်။

11/06/2026

လားရှိုးမြို့တွင် ဆိုင်ရှေ့ရပ်ထားသည့် ဆိုင်ကယ်အား ဗြောင်ကျကျခိုးယူရန် ကြိုးပမ်းသူကို ပြည်သူများ လက်ရဖမ်းဆီး

Democratic Press
ဇွန် ၁၁၊ ၂၀၂၆

ရှမ်းပြည်နယ်မြောက်ပိုင်း၊ လားရှိုးမြို့တွင် အွန်လိုင်းစျေးသည်တစ်ဦး၏ ဆိုင်ရှေ့၌ ရပ်တန့်ထားသော ဆိုင်ကယ်တစ်စီးအား လူအများရှိနေစဉ် ဗြောင်ကျကျ ဝင်ရောက်ခိုးယူရန် ကြိုးပမ်းခဲ့သည့် အမျိုးသားတစ်ဦးကို အနီးအနားရှိ ပြည်သူများက ဝိုင်းဝန်းခုခံ ဖမ်းဆီးနိုင်ခဲ့သည့် ရုပ်သံမှတ်တမ်းတစ်ခု လူမှုကွန်ရက်စာမျက်နှာတွင် ပျံ့နှံ့လျက်ရှိသည်။

အဆိုပါဖြစ်စဉ်တွင် ခိုးယူသူသည် လူစည်ကားရာအချိန်၌ပင် ရဲရဲတင်းတင်း ဝင်ရောက်မွှေနှောက် ခိုးယူရန် ကြိုးစားခဲ့ခြင်းဖြစ်ပြီး၊ ယင်းသို့ ပြုလုပ်နေသည်ကို ပတ်ဝန်းကျင်ရှိ ပြည်သူများက မြင်တွေ့ကာ ဝိုင်းဝန်းခုခံ ဖမ်းဆီးခဲ့ကြခြင်းဖြစ်သည်။

ဆိုင်ကယ်ပိုင်ရှင်ဖြစ်သူကလည်း ၎င်း၏ဆိုင်ကယ် မပျောက်ပျက်ဘဲ ပြန်လည်ရရှိခဲ့ခြင်းမှာ အနီးအနားရှိ ပြည်သူများက အချိန်မီ ဝိုင်းဝန်းဖမ်းဆီးပေးခဲ့ကြ၍ဖြစ်ကြောင်း လူမှုကွန်ရက်စာမျက်နှာမှတစ်ဆင့် ကျေးဇူးတင်စကား ရေးသားဖော်ပြထားသည်။

#လားရှိုး #လားရှိုးမြို့ #မှုခင်းသတင်း #ပြည်သူ့အား #ဆိုင်ကယ်သူခိုး

11/06/2026

ကုက္ကိုလ်စု ပျူစခန်းခေါင်းဆောင်တွေ အသက်ရှင်ရက်ရှိကြောင်းထုတ်ပြန်

Democratic Press
ဇွန်၁၁၊ ၂၀၂၆

မကွေးတိုင်း၊ ပေါက်မြိုနယ်ရှိ ကုက္ကိုလ်စု ပျူစောထီးကျေးရွာစခန်းကို တော်လှန်ရေးပူးပေါင်းတပ်ဖွဲများက တိုက်ခိုက်သိမ်းပိုက်နိုင်ခဲ့ပြီး ပျူစောထီးခေါင်းဆောင် အပါအဝင် အဖွဲဝင်အမြောက်အမြားကို အရှင်ဖမ်းဆီးရမိခဲ့ကြောင်း သိရသည်။

အဆိုပါ တိုက်ပွဲအတွင်း တော်လှန်ရေးခေါင်းဆောင် ကိုမဲကြီး သေဆုံးသွားပြီဖြစ်ကြောင်း စစ်ကောင်စီထောက်ခံသူ ပေါက်ကိုယ်တော်က သတင်းအမှားများ ထုတ်လွှင့်ခဲ့သော်လည်း၊ ဖမ်းဆီးရမိသည့် ပျူစောထီးများနှင့်အတူ ကိုမဲကြီးကိုယ်တိုင် ရုပ်သံဗီဒီယိုဖိုင်ဖြင့် သက်သေပြကာ တုံပြန်လိုက်ခြင်းဖြစ်သည်။

ထိုထုတ်ပြန်ချက် ရုပ်သံဖိုင်တွင် ဖမ်းဆီးခံထားရသည့် ပျူစောထီးအဖွဲဝင်များက ၎င်းတိုအား တစ်စုံတစ်ရာ ထောက်ပံ့ကူညီမှု မပေးသည့်အပြင် သတင်းအမှားများ ထုတ်လွှင့်နေသော ပေါက်ကိုယ်တော်အပေါ် မကျေမနပ်ဖြစ်ကာ ပြင်းပြင်းထန်ထန် ဆဲရေးတိုင်းထွာ ပြောဆိုနေကြသည်ကိုလည်း တွေ့ရှိရသည်။

မြောက်ဒဂုံတွင် ၁၃ နှစ်အရွယ် ကျောင်းသားငယ် သေဆုံးမှု ရဲတပ်ဖွဲ့က ရေနစ်သေဆုံးဟုဆိုကာ အမှုပိတ်သော်လည်း မိသားစုက လူသတ်မှုဟု ယ...
11/06/2026

မြောက်ဒဂုံတွင် ၁၃ နှစ်အရွယ် ကျောင်းသားငယ် သေဆုံးမှု ရဲတပ်ဖွဲ့က ရေနစ်သေဆုံးဟုဆိုကာ အမှုပိတ်သော်လည်း မိသားစုက လူသတ်မှုဟု ယူဆ၍ သက်သေရှာနေ

Democratic Press
ဇွန် ၁၁၊ ၂၀၂၆

ရန်ကုန်တိုင်း၊ မြောက်ဒဂုံမြို့နယ်တွင် ပျောက်ဆုံးနေသည့် အသက် ၁၃ နှစ်အရွယ် နဝမတန်း (Grade 6) ကျောင်းသား မောင်မင်းခန့်ဇော်၏ ရုပ်အလောင်းကို ရေကန်တစ်ခုအတွင်း ပြန်လည်တွေ့ရှိခဲ့ရမှုနှင့် ပတ်သက်၍ မှုခင်းဆရာဝန်နှင့် ရဲတပ်ဖွဲ့က ရေနစ်သေဆုံးမှုအဖြစ် သတ်မှတ်ကာ အမှုပိတ်သိမ်းထားသော်လည်း မိသားစုနှင့် ဆွေမျိုးအသိုင်းအဝိုင်းကမူ ၎င်းကို လူသတ်မှုအဖြစ် ယူဆနေကြပြီး အမှုမှန်ပေါ်ပေါက်ရေးအတွက် မျက်မြင်သက်သေများ ကူညီပေးရန် ရှာဖွေနေကြသည်။

ဒဂုံမြို့သစ်မြောက်ပိုင်းမြို့နယ်၊ ၃၉ ရပ်ကွက်တွင် နေထိုင်သည့် မောင်မင်းခန့်ဇော်သည် ဇွန်လ ၈ ရက်နေ့ ညနေ ၄ နာရီခန့်တွင် ကျောင်းမှ ပြန်လာပြီးနောက် နေအိမ်မှ ပြန်လည်ထွက်ခွာသွားရာမှ ပျောက်ဆုံးခဲ့ခြင်း ဖြစ်သည်။

ယင်းနောက် ဇွန်လ ၁၀ ရက်နေ့ နံနက် ၆ နာရီအချိန်တွင် မြောက်ဒဂုံမြို့နယ် ၃၈ ရပ်ကွက်ရှိ ရေကန်တစ်ခုအတွင်း၌ မှောက်လျက်အနေအထားဖြင့် သေဆုံးနေသည့် ၎င်း၏ရုပ်အလောင်းကို ပြန်လည်တွေ့ရှိခဲ့ရသည်။

အဆိုပါရုပ်အလောင်းကို မြောက်ဥက္ကလာပဆေးရုံသို့ ပို့ဆောင်ကာ ရင်ခွဲစစ်ဆေးခဲ့ရာ မှုခင်းဆရာဝန်က ရေနစ်သေဆုံးမှုအဖြစ် မှတ်ချက်ပြုခဲ့သဖြင့် သက်ဆိုင်ရာရဲစခန်းက သေမှုသေခင်းဖွင့်လှစ်ပြီးနောက် ထပ်မံစုံစမ်းစစ်ဆေးခြင်း မပြုတော့ဘဲ အမှုကို ပိတ်သိမ်းခဲ့ကြောင်း သိရသည်။

သို့ရာတွင် သေဆုံးသူ ကောင်လေးမှာ ရေကူးတတ်သူဖြစ်ပြီး ၎င်း၏မျက်နှာတွင် ဖူးယောင်ဒဏ်ရာများ တွေ့ရှိရသဖြင့် မိသားစုဝင်များက သာမန်ရေနစ်သေဆုံးမှု မဟုတ်နိုင်ကြောင်း ငြင်းဆိုထားသည်။

သေဆုံးသူ၏ ဆွေမျိုးတစ်ဦးက ကလေးငယ်သည် ပုံမှန်အားဖြင့် ညနေပိုင်းတွင် မုန့်စားရန်နှင့် ဆော့ကစားရန်သာ ခေတ္တထွက်လေ့ရှိပြီး အဆိုပါရေကန်သို့ သွားရောက်ကာ ရေဆင်းကူးရမည့် အကြောင်းရင်း မရှိကြောင်း၊ ထို့ကြောင့် ၎င်းကို ရေနစ်သေဆုံးအောင် ပြုလုပ်ထားသည့် လူသတ်မှုသာ ဖြစ်နိုင်ကြောင်း ပြောဆိုသည်။

ကျောင်းတွင် လူချစ်လူခင်ပေါများပြီး ရန်ငြိုးရန်စမရှိသည့် မောင်မင်းခန့်ဇော်သည် အဝတ်အစားကို သပ်သပ်ရပ်ရပ် စနစ်တကျ ဝတ်ဆင်တတ်သဖြင့် ငွေကြေးချမ်းသာသူဌေးသားပုံစံ ပေါက်နေတတ်ကြောင်း ၎င်း၏ သူငယ်ချင်းမိဘအချို့က ဆိုသည်။

လက်ရှိတွင် ရဲတပ်ဖွဲ့က သာမန်သေမှုသေခင်းအဖြစ်သာ သတ်မှတ်ထားသဖြင့် အမှုမှန်ပေါ်ပေါက်စေရန်အတွက် ကလေးငယ် နေအိမ်မှ ထွက်ခွာသွားချိန်တွင် မည်သူနှင့်ရှိနေသည် သို့မဟုတ် မည်သည့်အရာများ ဖြစ်ပျက်ခဲ့သည်ကို မြင်တွေ့သိရှိခဲ့သည့် မျက်မြင်သက်သေများရှိပါက ကျန်ရစ်သူမိသားစုထံသို့ ဆက်သွယ်အသိပေးကြပါရန် ဆွေမျိုးများက အကူအညီတောင်းခံ မေတ္တာရပ်ခံထားကြသည်။

ForMinKhantZaw

မိတ္ထီလာ ခုတင် ၅၀၀ ဆေးရုံမှ ဖမ်းဆီးရမိသည့် စစ်ကောင်စီ ဆေးဗိုလ်ကြီးကို မကွေးတိုင်းစစ်ဌာနထံ စနစ်တကျ လွှဲပြောင်းပေးအပ်Democ...
11/06/2026

မိတ္ထီလာ ခုတင် ၅၀၀ ဆေးရုံမှ ဖမ်းဆီးရမိသည့် စစ်ကောင်စီ ဆေးဗိုလ်ကြီးကို မကွေးတိုင်းစစ်ဌာနထံ စနစ်တကျ လွှဲပြောင်းပေးအပ်

Democratic Press
ဇွန် ၁၁၊ ၂၀၂၆

မိတ္ထီလာမြို့၊ အမှတ် (၁) တပ်မတော်ဆေးရုံ (ခုတင် ၅၀၀) မှ ဆေးဗိုလ်ကြီး ဘိုဘိုကို တော်လှန်ရေးပူးပေါင်းတပ်ဖွဲ့များက အရှင်ဖမ်းဆီးရမိခဲ့ပြီးနောက် မကွေးတိုင်းစစ်ဌာနထံသို့ စနစ်တကျ လွှဲပြောင်းပေးအပ်လိုက်ကြောင်း ဧရာဒေါင်းပြည်သူ့ကာကွယ်ရေးတပ်ဖွဲ့ (Ayar Daung) မှ သိရသည်။

အဆိုပါ ဖမ်းဆီးရမိထားသည့် စစ်ကောင်စီဆေးဗိုလ်ကြီးကို လက်ရှိတွင် မကွေးတိုင်းစစ်ဌာနက ဆက်လက်ထိန်းသိမ်းထားပြီး လိုအပ်သည့် လုပ်ငန်းစဉ်များအတိုင်း ဆောင်ရွက်လျက်ရှိသည်။

သုံ့ပန်းလွှဲပြောင်းမှုကို မေလ ၈ ရက်နေ့တွင် ပြုလုပ်ခဲ့ခြင်းဖြစ်ပြီး ယင်းသို့လွှဲပြောင်းပြီးနောက် စစ်သုံ့ပန်းအား ထိန်းသိမ်းစောင့်ရှောက်ခြင်း၊ ဘေးကင်းလုံခြုံရေး တာဝန်ယူခြင်းနှင့် ဆက်လက်ဆောင်ရွက်ရမည့် လုပ်ငန်းစဉ်များကို မကွေးတိုင်းစစ်ဌာနမှ အပြည့်အဝ တာဝန်ယူဆောင်ရွက်သွားမည်ဖြစ်ကြောင်း နှစ်ဦးနှစ်ဘက် သဘောတူ လက်မှတ်ရေးထိုးခဲ့ကြသည်။

ဆေးဗိုလ်ကြီး ဘိုဘိုကို ပြီးခဲ့သည့် မတ်လ ၁ ရက်နေ့က ချောက်-ဆိတ်ဖြူ လမ်းပိုင်းတွင် ရှောင်တခင်စစ်ဆေးမှုများ ပြုလုပ်စဉ် ဧရာဒေါင်းပြည်သူ့ကာကွယ်ရေးတပ်ဖွဲ့က ဖမ်းဆီးရမိခဲ့ခြင်းဖြစ်သည်။

အဆိုပါ ဖမ်းဆီးမှုအတွင်း ၎င်းထံမှ လက်နက်ခဲယမ်းများ သိမ်းဆည်းရမိခြင်းမရှိဘဲ ၎င်းမောင်းနှင်လာသည့် မော်တော်ယာဉ် တစ်စီးကိုသာ သိမ်းဆည်းရမိခဲ့ကြောင်းနှင့် ၎င်းသည် မိတ္ထီလာ ကုတင် ၅၀၀ ဆေးရုံမှ သုံးပွင့်အဆင့်ရှိ ဆေးဗိုလ်ကြီးတစ်ဦးဖြစ်ကြောင်း ဧရာဒေါင်းအဖွဲ့မှ တာဝန်ရှိသူတစ်ဦးက အတည်ပြုပြောကြားထားသည်။

#မိတ္ထီလာ #မကွေးတိုင်းစစ်ဌာန #ဧရာဒေါင်းပြည်သူ့ကာကွယ်ရေးတပ်ဖွဲ့ #စစ်သုံ့ပန်း #ဆေးဗိုလ်ကြီး

11/06/2026

မိသားစုဝင်ယောက်ျား ၃ ဦးလုံး စစ်မှုထမ်း ခေါ်ခံရလို့ ကလေးတစ်ယောက်နဲ့ အားကိုးရာမဲ့ဖြစ်နေ

Democratic Press
ဇွန် ၁၁၊ ၂၀၂၆

ပဲခူးတိုင်းဒေသကြီး၊ မိကျောင်းအိုင်ရွာတွင် နေထိုင်သည့် အမျိုးသမီးတစ်ဦးသည် ၎င်း၏ မိသားစုဝင် အမျိုးသား ၃ ဦးလုံး စစ်တပ်အတွင်း အဓမ္မခေါ်ဆောင်ခြင်း ခံထားရသဖြင့် လက်ရှိတွင် ကလေးတစ်ယောက်နှင့်အတူ အားကိုးရာမဲ့ဖြစ်ကာ စားဝတ်နေရေး အပြင်းအထန် ဒုက္ခရောက်နေကြောင်း သိရသည်။

ယခင်အိမ်ထောင်ဘက် ခင်ပွန်းဟောင်းမှာလည်း စစ်မှုထမ်းခေါ်ဆောင်ခံရသဖြင့်သေဆုံးခဲ့ရပြီးဖြစ်သည့် အပြင် ယခုအကြိမ် စစ်မှုထမ်းရန် ခေါ်ဆောင်ခံရသူများထဲတွင် ၎င်း၏ လက်ရှိခင်ပွန်းအပြင် သားဖြစ်သူ လည်းပါဝင်ခဲ့ကြောင်း သိရသည်။

အုပ်ချုပ်ရေးပိုင်းက စစ်မှုထမ်းရန် လိုက်ပါပါက ငွေကျပ် သိန်း ၆၀ ပေးမည်ဟု ကတိပြုခဲ့သော်လည်း လက်တွေ့တွင် သိန်း ၃၀ သာပေးခဲ့ပြီး၊ ကျန်ငွေတောင်းခံရာတွင်လည်း ဥပဒေနှင့်ရေးယူမည် ခြိမ်းခြောက်ခဲ့ကြောင်းသိရသည်။

လက်ရှိတွင် အဆိုပါအမျိုးသမီးမှာ မိခင်ဖြစ်သူ၊ ကလေးငယ်တိုနှင့်အတူ အလုပ်အကျွေးပြုမည့်သူ လုံးဝမရှိတော့ဘဲ ဒုက္ခရောက်နေရသဖြင့် ဥပဒေကြောင်းအရ ကာကွယ်ပေးရန်နှင့် စားဝတ်နေရေး ကူညီပေးကြရန်လူမှုကွန်ယ်မှ တဆင့်တောင်းခံထားသည်ကို တွေ့ရသည။်

#စစ်မှုထမ်းဥပဒေ #မတရားစစ်ဆွဲခံရမှု #လူ့အခွင့်အရေးချိုးဖောက်မှု #ပဲခူးတိုင်း #အကူအညီတောင်းခံခြင်း

11/06/2026

မအလ လက်ထက်မှာ ကျောင်းသား တွေရဲ့ လမ်းမပေါ် ရန်ပွဲတွေ မကြာခဏ မြင်တွေ့

Democratic Press
ဇွန် ၁၁၊ ၂၀၂၆

မြန်မာနိုင်ငံတွင် အမေရိကန် သံတမန်တစ်ဦး သေဆုံးနေသည်ကို တွေ့ရှိ၊ ထိုင်းအမျိုးသမီးတစ်ဦးကို ဖမ်းဆီးထိန်းသိမ်းထားDemocratic P...
11/06/2026

မြန်မာနိုင်ငံတွင် အမေရိကန် သံတမန်တစ်ဦး သေဆုံးနေသည်ကို တွေ့ရှိ၊ ထိုင်းအမျိုးသမီးတစ်ဦးကို ဖမ်းဆီးထိန်းသိမ်းထား

Democratic Press
ဇွန် ၁၁၊ ၂၀၂၆

အမေရိကန်နိုင်ငံခြားရေးဝန်ကြီးဌာနက သေဆုံးမှုကို အတည်ပြုသော်လည်း ရန်ကုန်မြို့တွင် ဖြစ်ပွားခဲ့သည့် အဆိုပါ သေဆုံးမှုနှင့်ပတ်သက်၍ အသေးစိတ်အချက်အလက်များကို ထုတ်ဖော်ပြောဆိုရန် ငြင်းဆန်ထားသည်။

မြန်မာနိုင်ငံ၏ အကြီးဆုံးမြို့ဖြစ်သော ရန်ကုန်မြို့တွင် အမေရိကန် သံတမန်တစ်ဦး သေဆုံးနေသည်ကို တွေ့ရှိခဲ့ရကြောင်း အမေရိကန်နိုင်ငံခြားရေးဝန်ကြီးဌာနက ပြောကြားခဲ့ပြီး၊ အဆိုပါအမှု စုံစမ်းစစ်ဆေးမှုနှင့် ပတ်သက်၍ ထိုင်းအမျိုးသမီးတစ်ဦးကို ရဲတပ်ဖွဲ့က ဖမ်းဆီးထိန်းသိမ်းထားကြောင်း ရန်ကုန်ရှိ သံတမန်အသိုင်းအဝိုင်းမှ အဖွဲ့ဝင်သုံးဦးက ပြောကြားခဲ့သည်။

ရန်ကုန်မြို့ရှိ အမေရိကန်သံရုံးတွင် တာဝန်ထမ်းဆောင်နေသော အမေရိကန်သံတမန်တစ်ဦး သေဆုံးသွားခဲ့ကြောင်း အမေရိကန်နိုင်ငံခြားရေးဝန်ကြီးဌာနက ဗုဒ္ဓဟူးနေ့တွင် Associated Press (AP) သတင်းဌာနသို့ အတည်ပြုပြောကြားခဲ့သည်။ သို့သော်လည်း အဆိုပါပုဂ္ဂိုလ် သေဆုံးရသည့် အကြောင်းရင်း သို့မဟုတ် နောက်ခံအခြေအနေများနှင့် ပတ်သက်၍ အသေးစိတ် အချက်အလက်များကို ဝန်ကြီးဌာနက ထပ်မံထုတ်ပြန်ခြင်း မရှိပေ။

"သေဆုံးသူရဲ့ မိသားစုနဲ့ ချစ်ခင်ရသူတွေရဲ့ သီးသန့်နေထိုင်ပိုင်ခွင့်ကို လေးစားတဲ့အနေနဲ့ လက်ရှိအချိန်မှာ ကျွန်တော်တို့အနေနဲ့ ထပ်မံထုတ်ပြန်ပေးစရာ အချက်အလက် မရှိပါဘူး" ဟု ၎င်းက ပြောကြားခဲ့သည်။

အဆိုပါကိစ္စအား ထုတ်ဖော်ပြောဆိုရန် လုပ်ပိုင်ခွင့်မရှိသဖြင့် အမည်မဖော်လိုသည့် အခြေအနေဖြင့် AP သတင်းဌာနသို့ ပြောကြားခဲ့ကြသော မြန်မာနိုင်ငံရှိ သံတမန်အသိုင်းအဝိုင်းမှ ပုဂ္ဂိုလ်သုံးဦး၏ အဆိုအရ မြန်မာနိုင်ငံရဲတပ်ဖွဲ့သည် ယင်းသေဆုံးမှုကို လူသတ်မှုအဖြစ် သံသယရှိပြီး အမှုဖွင့် ဆောင်ရွက်နေကြောင်း သိရသည်။

၎င်းတို့၏ ပြောကြားချက်အရ အဆိုပါပုဂ္ဂိုလ်အား လွန်ခဲ့သည့် နှစ်ပတ်ခန့်က အမေရိကန်သံရုံးမှ ၁.၅ ကီလိုမီတာ (၁ မိုင်ခန့်) ကွာဝေးသော ဟိုတယ်တစ်ခုတွင် သေဆုံးလျက်သား တွေ့ရှိခဲ့ခြင်း ဖြစ်သည်။ ယင်းဟိုတယ်သည် ရေရှည်ငှားရမ်း နေထိုင်နိုင်သော နေရာတစ်ခုဖြစ်ပြီး သံတမန်များ၊ စီးပွားရေးလုပ်ငန်းရှင်များနှင့် အခြားသော နိုင်ငံတကာဧည့်သည်များအကြား ရေပန်းစားသော နေရာတစ်ခု ဖြစ်သည်။

မြန်မာနိုင်ငံရဲတပ်ဖွဲ့ကမူ ယင်းအမှုနှင့်ပတ်သက်၍ လူသိရှင်ကြား တစ်စုံတစ်ရာ မှတ်ချက်ပေးခြင်း မရှိသေးပေ။

ထိုင်းနိုင်ငံခြားရေးဝန်ကြီးဌာနကမူ ထိန်းသိမ်းခံထားရသည့် အမျိုးသမီးအတွက် ကောင်စစ်ဆိုင်ရာ ကူညီပံ့ပိုးမှုများ ဆောင်ရွက်ပေးထားပြီး ၎င်း၏မိသားစုထံ အကြောင်းကြားထားကြောင်း ပြောကြားခဲ့သော်လည်း အသေးစိတ်ကိုမူ မှတ်ချက်ပေးရန် ငြင်းဆန်ခဲ့သည်။

မြန်မာနိုင်ငံသည် လွန်ခဲ့သော ငါးနှစ်ကျော်က ဒီမိုကရေစီနည်းကျ ရွေးကောက်တင်မြှောက်ထားသည့် အစိုးရကို စစ်တပ်က အာဏာသိမ်းပြီးနောက်ပိုင်း ပြည်တွင်းစစ်မီး တောက်လောင်နေသည့် အခြေအနေတွင် ရှိနေသည်။

လက်ရှိ မြန်မာနိုင်ငံကို အုပ်ချုပ်နေသည့် စစ်တပ်ဦးဆောင်သော အစိုးရသည် တိုင်းရင်းသားလက်နက်ကိုင်အဖွဲ့များနှင့် ဒီမိုကရေစီလိုလားသော အင်အားစုများကို နှစ်ပေါင်းများစွာ တိုက်ခိုက်ခဲ့ရပြီးနောက် နိုင်ငံ၏ ၂၁ ရာခိုင်နှုန်းကိုသာ ထိန်းချုပ်ထားနိုင်တော့ကြောင်း ခန့်မှန်းရသည်။

နိုင်ငံတကာ စောင့်ကြည့်လေ့လာရေးအဖွဲ့တစ်ခုဖြစ်သည့် (ACLED) ၏ အဆိုအရ လူပေါင်း ၉၆,၀၀၀ ကျော် သေဆုံးခဲ့ရပြီး ဖြစ်သည်။ ကုလသမဂ္ဂ၏ အဆိုအရ အနည်းဆုံး လူပေါင်း ၃.၆ သန်းကျော် နေရပ်စွန့်ခွာ တိမ်းရှောင်နေရသည်။

ပြီးခဲ့သည့် ဧပြီလတွင် နိုင်ငံတော်သမ္မတ မင်းအောင်လှိုင်က အကျဉ်းသားထောင်ပေါင်းများစွာကို လွတ်ငြိမ်းချမ်းသာခွင့်ပေးပြီး ပြစ်ဒဏ်များ လျှော့ပေါ့ပေးခဲ့ပြီးနောက် ခေါင်းဆောင်ဟောင်း ဒေါ်အောင်ဆန်းစုကြည်ကို နေအိမ်ကယ်ဆယ်ရေး (နေအိမ်အကျယ်ချုပ်) သို့ ပြောင်းရွှေ့ခဲ့သည်။ အသက် ၈၀ အရွယ်ရှိပြီဖြစ်သော ဒေါ်အောင်ဆန်းစုကြည်တွင် ပြစ်ဒဏ်ကျခံရန် ၁၃ နှစ် ကျန်ရှိနေသေးသည်။

10/06/2026

တိုက်ပွဲအတွင်း အမိန့်ပေးရာ၌ ဗမာဘာသာစကားပါ
ပူးတွဲသုံးစွဲပေးရန် တော်လှန်ရေးရဲဘော်များ လိုလား

Democratic Press
ဇွန် ၁၀၊ ၂၀၂၆

တောင်ငူမြို့တွင် ၁၅ ပေမြင့်သည့် ဗိုလ်ချုပ်အောင်ဆန်း ကြေးရုပ်တုကြီးကို ကရိန်းကားများဖြင့် ဖယ်ရှားဖျက်ဆီးDemocratic Pressဇ...
10/06/2026

တောင်ငူမြို့တွင် ၁၅ ပေမြင့်သည့် ဗိုလ်ချုပ်အောင်ဆန်း ကြေးရုပ်တုကြီးကို ကရိန်းကားများဖြင့် ဖယ်ရှားဖျက်ဆီး

Democratic Press
ဇွန် ၁၀၊ ၂၀၂၆

တောင်ငူမြို့လယ် ကေတုမတီကျုံးအနီးရှိ မြန်မာနိုင်ငံ၏ ပထမဆုံးနှင့် အမြင့်ဆုံး သမိုင်းဝင် ဗိုလ်ချုပ်အောင်ဆန်း ကြေးရုပ်တုကြီးနှင့် ရင်ပြင်ကို စစ်ကောင်စီတပ်နှင့် စည်ပင်တာဝန်ရှိသူများက ဇွန်လ ၉ ရက် ညပိုင်းတွင် ကရိန်းကားများဖြင့် ဖယ်ရှားဖျက်ဆီးခဲ့ကြောင်း ဒေသခံများထံမှ သိရသည်။ အဆိုပါ ဖျက်ဆီးမှုသည် မင်းအောင်လှိုင် တောင်ငူမြို့သို့ လာရောက်သွားပြီးနောက် ရက်အနည်းငယ်အကြာတွင် ရုတ်တရက် ဖြစ်ပွားခဲ့ခြင်းဖြစ်သည်။

ဖျက်ဆီးခြင်းခံရသည့် ဗိုလ်ချုပ်အောင်ဆန်း ကြေးရုပ်တုကြီးသည် တောင်ငူမြို့ ၁၇ ရပ်ကွက်၊ ကန်လမ်းတွင် တည်ရှိပြီး အမြင့် ၁၅ ပေနှင့် အလေးချိန် ၄၅၃ ပိဿာ ရှိသည်။ ယင်းရုပ်တုကြီးကို လွန်ခဲ့သည့် ၂၀၁၆ ခုနှစ် ဖေဖော်ဝါရီလ ၁၃ ရက်နေ့တွင် ကျရောက်ခဲ့သော ဗိုလ်ချုပ်အောင်ဆန်း၏ (၁၀၁) နှစ်မြောက် မွေးနေ့အထိမ်းအမှတ်အဖြစ် ဒေသတွင်း ထင်ရှားကျော်ကြားသည့် အထိမ်းအမှတ်တစ်ခုအဖြစ် စတင်ဖွင့်လှစ်စိုက်ထူခဲ့ခြင်း ဖြစ်သည်။

#တောင်ငူ #ဗိုလ်ချုပ်အောင်ဆန်းရုပ်တု #တောင်ငူဗိုလ်ချုပ်ရုပ်တုဖျက်ဆီးခံရ

ที่อยู่

Chiang Mai
50160

เบอร์โทรศัพท์

09428022332

เว็บไซต์

แจ้งเตือน

รับทราบข่าวสารและโปรโมชั่นของ Democratic Pressผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ ธุรกิจของเรา

ส่งข้อความของคุณถึง Democratic Press:

ทางลัด

แชร์

ประเภท