Duwun Tech, Room No. 710, Building B, Lanna Nakorn Condominium ลานนานคร คอนโด เชียงใหม่, 38 Soi 2 Suk Kasem Road, Tambon Patan, Mueang Chiang Mai District, Chang Wat, Chiang Mai (2025)

08/07/2025

battery ကြီးပြီး လိုင်းဆွဲအားမြင့်တဲ့ Huawei Nova Y63

ကြာရှည်အသုံးခံ 6000mAh ဘက်ထရီသုံး တန်ဖိုးသင့် Huawei Nova Y63 ဖုန်း ပြည်တွင်းဈေးကွက်ထဲ ဝင်လာပါတယ်။

Huawei Nova Y63 က ၆.၇၅ လက်မ 90Hz display နဲ့ လာပြီး ဈေးနှုန်း ၅၇၉၀၀၀ ကျပ်နဲ့ ဝင်ပါတယ်။ screen ကြီးကြီး ဘက်ထရီကြီးကြီး ဈေးတန်ပြီး လိုင်းဆွဲအားကောင်းရမယ် ဆိုသူတွေ အကြိုက်ဖုန်းမျိုးပါ။

ကင်မရာအနေနဲ့ 50MP+2MP နှစ်လုံးသုံးပြီး CiCi AI Assistant နဲ့ AI အလွယ်တကူ အသုံးပြုနိုင်မယ်လို့ ဆိုပါတယ်။ Google apps တွေလည်း Huawei AppGallery ကနေ တိုက်ရိုက် သုံးနိုင်ပါလိမ့်မယ်။

Huawei Nova Y63 ကို အနက် ၊ ငွေရောင် နှစ်မျိုး ထွက်ပြီး ပြည်တွင်းက ဖုန်းဆိုင်နဲ့ Huawei Showroom တွေမှာ ဇူလိုင် ၉ ရက်ကနေ ၁၃ ရက်အတွင်း ဝယ်သူတွေအတွက် ကျပ် ၄ သောင်းတန် Bluetooth နားကြပ်လက်ဆောင်လည်း ပေးသွားမယ်လို့ ဆိုပါတယ်။

08/07/2025

၆ သိန်းမပြည့်တဲ့ဈေးနဲ့ Ai လည်း Free သုံးရမယ်၊ တစ်နေကုန် ဘက်ထရီခံမယ်၊ လိုင်းဆွဲအားကောင်းပြီး Google လည်းသုံးလို့ရမယ်ဆို စိတ်ဝင်စားကြလားဗျ?

08/07/2025

ရှေ့ရေးစိတ်မအေးတဲ့ တရုတ်လူငယ်တွေ DeepSeek ကို ဗေဒင်ပိုမေးလာ

တရုတ်မှာ DeepSeek ကို ဗေဒင်ဟောစာတန်းတွေ ထုတ်ခိုင်းတာ အလုပ်ဖြစ်နေလို့ ရိုးရာဗေဒင်ဆရာတွေ စိတ်ညစ်နေကြတယ်လို့ ဆိုပါတယ်။

ပုံမှန်အတိုင်းဆို အလုပ်အကိုင်ခက်ပြီး အနာဂါတ်ပျောက်လေလေ ဗေဒင်ဆရာတွေ ခေတ်ကောင်းလေလေ ဖြစ်ရမှာပါ။ အခုတော့ ရိုးရာဗေဒင်နည်းနာတွေ ထည့်သွင်းထားတဲ့ AI ကို မေးတာက ပိုမြန် ပိုလွယ် ပိုလည်း ပြည့်စုံတော့ AI ဗေဒင်ပဲ အကြည့်များလာနေပါတယ်။

DeepSeek ရဲ့ နောက်ဆုံးထွက် အဆင့်မြင့်ဆုံး AI reasoning model ဖြစ်တဲ့ DeepSeek R1 ဆို ၁၅ စက္ကန့်နဲ့ ရှေ့ဖြစ်ဟောတွေ ထုတ်နိုင်တော့ လူသုံးများလာတာ မဆန်းဘူးလို့ ပြောရမှာပါ။ AI ကို ဗေဒင်မေးရတာလည်း လွယ်ပါတယ်။

"Bazi (တရုတ်ရိုးရာနက္ခတ်ဗေဒင်ဆရာ) လုပ်ပြီး ငါ့ကံကြမ္မာကို ဖတ်ပေးပါ။ ငါ့စရိုက်ဝါသနာ နဲ့ ရှေ့ရေးတွေ ၊ ငွေကြေးကံကြမ္မာတွေ ဟောပေးပါ။ " ဆိုပြီး ကိုယ်ရဲ့ လိင်(ကျား/မ) ၊ မွေးသက္ကရာဇ် နဲ့ လိပ်စာပေးလိုက်ရင် AI က ဗေဒင်ဟောတော့တာပါပဲ။

ဘယ်နှစ်မှာ ငွေအများကြီးရမယ် ၊ ဘယ်နှစ်မှာ ကံကောင်းခြင်းတွေ လာမယ်ဆိုတာမျိုးပေါ့။ အပြင်မှာ ဒါမျိုးရိုးရာဗေဒင်ဆရာဆီ သွားရင် ဟောခ ယွမ် ၅၀၀ (မြန်မာငွေ ၃ သိန်းကျော်လောက်) ကုန်ပေမယ့် DeepSeek မှာတော့ free မေးလို့ ရပါတယ်။ တကယ်လို့ DeepSeek AI သုံး AI ဗေဒင် app တွေကို မေးရင်တော့ သူ့ဟောကြေးနဲ့သူ ရှိပါတယ်။

ဗေဒင်မေးပြီး စိတ်သက်သာရာရှာချင်သူတွေအတွက် AI ရဲ့ အဖြေက စိတ်ထွက်ပေါက်ပေးနိုင်ပါတယ်။ တရုတ်မှာ DeepSeek ကို AI ဗေဒင်မေးတဲ့သူ ဘယ်လောက်ရှိလဲ မပြောနိုင်ပေမယ့် ဖေဖော်ဝါရီတစ်လထဲ WeChat မှာတင် DeepSeek fortune-telling ဆိုပြီး mention ခေါ်ထားတဲ့ ပို့စ်ပေါင်း ၂ သန်းကျော်ပါတယ်။

နိုင်ငံစီးပွားရေးအကျပ်ဘက်ရောက်ပြီး အလုပ်အကိုင်မကောင်းချိန် DeepSeek ကို အိတ်ဆောင်ဗေဒင်ဆရာလို အသုံးပြုသူတွေ တရုတ်မှာ သန်းနဲ့ချီ ရှိနေမှာတော့ သေချာပါတယ်။ DeepSeek ဟောချက်တွေ အကုန်ယုံမရပေမယ့် ဗေဒင်ကြည့်မှ စိတ်ပြေတဲ့သူတွေအဖို့တော့ AI ဗေဒင်က အဖော်တစ်ယောက်အဖြစ် ရှိနေဦးမှာပါ။

08/07/2025

Facebook ရုံးအတွက် ပန်းချီဆွဲခကို ရှယ်ယာနဲ့ ယူပြီး မီလျံနာဖြစ်ခဲ့သူ

Meta စတော့တွေ အခုလို ထောင်တက်နေချိန် David Choe ရှယ်ယာတွေ ရှိနေမယ်ဆို ဒေါ်လာ ၅ ဘီလျံနီးနီး တန်နေမှာပါ။

David Choe ကတော့ သူ့ရှယ်ယာတွေ Facebook ကုမ္ပဏီအများပိုင် IPO ပြောင်းတဲ့ ၂၀၁၂ ကတည်းက ရောင်းပစ်လိုက်ပါပြီ။ David Choe ဆိုတာက ဂရပ်ဖ်တီအနုပညာရှင်တစ်ယောက်ဖြစ်ပြီး ၂၀၀၅ မှာ Facebook တည်ထောင်သူ ရှောင်ပါကာဆီက အလုပ်တစ်ခု ရခဲ့သူပါ။

ပါကာက Choe ရဲ့ လက်ရာတွေကို သဘောကျလို့ Facebook ရဲ့ ပထမဆုံးရုံးခန်း အလှဆင်ဖို့ အလုပ်အပ်ခဲ့တာပါ။ Choe က ဈေးတောင်းကြမ်းတဲ့သူပါ။ အဲ့ဒီအချိန်ကတော့ သူလည်း ထောင်က လွတ်ကာစ ဘကြိုင်ဖြစ်နေတော့ Facebook တစ်ရုံးလုံး decoration ကို ဒေါ်လာ ၆ သောင်း တောင်းပါတယ်။

Facebook ကလည်း သက်တမ်း ၁ နှစ်ပဲ ရှိသေးတဲ့ startup ပဲမလို့ ဒီလောက်ငွေ မပေးနိုင်ပါဘူး။ Choe ကို အလုပ်အပ်တဲ့ ပါကာကပဲ decoration ခကို ကုမ္ပဏီရှယ်ယာနဲ့ ခုယူပါဆိုပြီး ဆွယ်ပါတယ်။ တော်ရုံလူဆို ကုမ္ပဏီပေါက်စဆီက မသေချာတဲ့ ရှယ်ယာကို ငြင်းမှာဆိုပေမယ့် Choe ကတော့ ပါကာပေးတဲ့ ၀.၂၅% ရှယ်ယာနဲ့ တပ်ခေါက်ပြန်ခဲ့ပါတယ်။

ဒါကလည်း ပါကာရဲ့ အထာကို သဘောကျလို့ပါ။ "ဒီဘဲက ဆံပင်ကေက အလန်းစား ၊ နေ့တိုင်းလည်း အားကစားကလုပ်သေး ၊ ဝတ်စုံပြည့်က ဝတ်ထားသေး။ သူ့ကို ကျုပ်ယုံတယ်။ Face [book] ဘာညာတော့ ကျုပ်ဂရုမစိုက်ပါဘူး။ ဒီဘဲက တစ်ခုခုကို သိနေတယ်။ ဒါနဲ့ ကျုပ်ရမယ့်ငွေတွေအကုန် သူ့အပေါ် ပုံအောလိုက်တယ်။"

အဲ့ဒီအချိန် PayPal က ပီတာသီးလ် Facebook မှာ invest လုပ်တာ သူကိုယ်တိုင် မြင်ခဲ့ရတာမို့ Facebook က သူတောင်းတဲ့ ငွေ ၆ သောင်း ပေးနိုင်မယ်ဆိုတာ Choe က သိပါတယ်။ ဒါပေမယ့် အစုရှယ်ယာနဲ့ ယူဖို့ လက်ခံလိုက်တာပါ။ သူ့ရွေးချယ်မှု မမှားခဲ့ပါဘူး။

၂၀၁၂ မှာ Facebook IPO လုပ်တော့ ရှယ်ယာတစ်စု ၃၈ ဒေါ်လာနဲ့ ထုတ်ရောင်းပြီး ဒေါ်လာ ၁၀၄ ဘီလျံတန် ကုမ္ပဏီကြီးအဖြစ်ကို ထိုးတက်သွားပါတယ်။ Choe ရဲ့ ၀.၂၅% ရှယ်ယာကလည်း ဒေါ်လာသန်း ၂၀၀ လောက် တန်သွားပါတယ်။ ဒေါ်လာ ၆ သောင်းလုပ်ခကနေ အဆ ၃၃၃၂၃၃% အထိ မယုံနိုင်လောက်အောင် ခုန်တက်သွားတာပါ။

Facebook ရဲ့ အစုရှယ်ယာ ၂.၇ ဘီလျံကျော်ထဲမှာ Choe ပိုင်ခဲ့တာ ရှယ်ယာ ၆.၈ သန်းကျော်ပါတယ်။ အခုရက်ပိုင်း Facebook ကုမ္ပဏီ Meta Platforms ရဲ့ အစုရှယ်ယာဈေးက ၇၁၉ ဒေါ်လာကျော် တက်ခဲ့တာမို့ Choe သာ ရှယ်ယာတွေ ပိုင်ဦးမယ်ဆိုရင် ဒေါ်လာ ၄.၉ ဘီလျံကျော် ချမ်းသာနေမှာပါ။

Choe ကတော့ သူ့ပိုက်ဆံတွေကို နိုင်ငံအနှံ့ လင်းတလိုက်ဖမ်းတာနဲ့ အနုပညာပြပွဲကြီးတွေ လုပ်တာနဲ့ ပျော်ပျော်ကြီးသုံးနေတော့တာပါပဲ။ တကယ့်လူ။

08/07/2025

ပါကစ္စတန်က Microsoft လုပ်ငန်းတွေ ဖျက်သိမ်း

Microsoft က ပါကစ္စတန်မှာ ရှိတဲ့ သူ့လုပ်ငန်းတွေ ပိတ်သွားပါပြီ။

တစ်ခါတုန်းကတော့ ပါကစ္စတန်ကို နည်းပညာဗဟိုချက်တစ်ခုလို Microsoft က မြင်ခဲ့တာပါ။ ၂၀၂၂ လောက်ကတောင် ဈေးကွက်တိုးချဲ့တာမျိုးတွေ လုပ်ဖို့ စဉ်းစားခဲ့တာပါ။ နောက်တော့ နိုင်ငံရေးမငြိမ်သက်မှုတွေကို တွက်ပြီး ဗီယက်နမ်ဘက် အာရုံရောက်သွားပါတယ်။

Microsoft က ပါကစ္စတန်မှာ ၂၅ နှစ်တောင် လုပ်ငန်းတွေ လည်ပတ်ခဲ့တာပါ။ နိုင်ငံအစွန်အဖျားတွေအထိ ကွန်ပျူတာ labs ခန်းရာနဲ့ချီ တည်ထောင်ပေးခဲ့ပြီး လုပ်ငန်းတွေ လုပ်ခဲ့ဖူးပါတယ်။ အခုချိန် ပါကစ္စတန်မှာက အခုချိန် စီးပွားရေးမတည်ငြိမ်မရေရာမှုတွေ ကြုံနေသလို ဒီဂျစ်တယ်ကွာဟချက်ကလည်း များသထက်များလာနေပါတယ်။

"ဒါက ကော်ပိုရိတ်တစ်ခု ထွက်သွားတာထက် ပိုပါတယ်။ ပါကစ္စတန်ရဲ့ အနေအထားဝန်းကျင်က Microsoft လို ကုမ္ပဏီကြီးတောင် ရပ်တည်ဖို့ မဖြစ်နိုင်တော့ဘူးဆိုတာကို လှစ်ဟပြနေတာပါ။" ဆိုပြီး Microsoft မန်နေဂျာဟောင်းတစ်ယောက်က မှတ်ချက်ပေးပါတယ်။

"ကျွန်တော်တို့ ထားခဲ့တဲ့ ခိုင်မာတဲ့အခြေခံအုတ်မြစ်ကို နောက်ပိုင်းအဖွဲ့နဲ့ ဒေသတွင်း Microsoft စီမံခန့်ခွဲမှုက မလိုက်နိုင်ခဲ့တာကိုလည်း ပြနေပါတယ်။"

နိုင်ငံထဲက Microsoft ထွက်ခွာတာဟာ နိုင်ငံ့စီးပွားရေးအနာဂါတ်အတွက် မကောင်းတဲ့နိမိတ်လက္ခဏာပဲလို့လည်း ပါကစ္စတန်သမ္မတဟောင်း အရစ်ဖ်အယ်ဘီက ဆိုပါတယ်။

Microsoft ကတော့ ဒီနှစ်ထဲမှာ ကုမ္ပဏီပြန်ဖွဲ့စည်းနေတယ်ဆိုပြီး လူပေါင်း သောင်းနဲ့ချီ အလုပ်ဖြုတ်ထားပြီး AI ဘက် အကြီးအကျယ် ရင်းနှီးမြှုပ်နှံနေပါတယ်။

07/07/2025

laptop ဘက်ထရီဟောင်းတွေနဲ့ တစ်အိမ်လုံး ၈ နှစ်ဆက် လျှပ်စစ်ရစေခဲ့သူ

အိုင်ဒီယာကောင်းရင် အဟောင်းတွေလည်း ရွှေပါပဲ။

မီတာခဈေးကြီးလို့ တချို့တွေ solar panel ပြောင်းတပ်ဖို့ စဉ်းစားနေချိန် ပြင်သစ်သားတစ်ယောက်က laptop ဘက်ထရီဟောင်းတွေ ကြည့်ပြီး စိတ်ကူးတစ်ချက်ရသွားပါတယ်။ သူ့အိုင်ဒီယာက ဘက်ထရီဟောင်းတွေ စုပြီး ကိုယ်ပိုင်အိမ်သုံး off-grid power source တစ်ခု ထွင်ဖို့ပါ။

ဒါနဲ့ အားသွင်းလို့ရတဲ့ laptop battery အဟောင်းတွေ လိုက်စုပါတယ်။ DIY ထွင်ဉာဏ်ကောင်းပြီး လျှပ်စစ်ကျွမ်းတဲ့ ကလူဘတ် က သူလိုချင်တဲ့ ဘက်ထရီဟောင်းတွေ ၁၀၀၀ လောက်ရတော့ အကုန်တွဲပြီး battery packs လုပ်ပါတယ်။ ဒီဘက်ထရီတွေကို အိမ်နဲ့ မီတာ ၅၀ ဝေးတဲ့နေရာမှာ အခန်းသပ်သပ်နဲ့ ဆင်ပြီး အင်ဗာတာ ၊ controller ၊ solar panel တွေနဲ့ ချိတ်ပါတယ်။

"ဆိုလာပြားဟောင်းတွေ လဲပြီး 440W အထိ ထွက်တဲ့ ဆိုလာပြား ၂၄ ချပ် တပ်ပါတယ်။ ၈ နှစ်ကြာတဲ့အထိ အကုန်လုံး ကောင်းကောင်း အလုပ်လုပ်တယ်။ ဘက်ထရီဆဲလ်တစ်လုံးတောင် မလဲရဘူး" လို့ ပြောပါတယ်။

laptop battery တွေနဲ့ ချိတ်ထားတဲ့ ပါဝါနဲ့ပဲ အိမ်သုံး လျှပ်စစ်မီးကနေ အဝတ်လျှော်စက်အထိ သုံးပါတယ်။ ၂၀၁၆ နောက်ပိုင်းလောက်ကတည်းက ဒီပရောဂျက်ကို စတင်ခဲ့တာပါ။ အခု ၈ နှစ်ကျော်ကြာတဲ့အထိ ဒီ ဘက်ထရီပါဝါကိုပဲ သုံးနေတာလို့ ဆိုပါတယ်။

သူ့ပရောဂျက်က အကုန်အကျနည်းပြီး တကယ်လည်း အလုပ်ဖြစ်ပါတယ်။ ၈ နှစ်ကြာ သုံးနေပေမယ့် ဘက်ထရီမီးလောင်တာမျိုး မရှိခဲ့ပါဘူး။ ဒီအိုင်ဒီယာကြောင့် အိမ်သုံးမီတာခ သက်သာသွားသလို e-Waste တွေကို ကောင်းကောင်းအသုံးချနိုင်လို့ အများကလည်း သူ့ကို ချီးကျူးနေကြပါတယ်။

07/07/2025

မျက်နှာစကင်ဖတ်နိုင်တဲ့ စက်ရုပ်ခွေးတွေနဲ့ အင်ဒိုနီးရှားမှာ ကင်းလှည့်

အင်ဒိုနီးရှားတောင် စက်ရုပ်ခွေးတွေ ၊ စက်ရုပ်ရဲတွေနဲ့ ကင်းလှည့်တဲ့အဆင့် ဖြစ်နေပြီ။

Polri လို့ ခေါ်တဲ့ အင်ဒိုနီးရှားအမျိုးသားရဲတပ်ဖွဲ့က ဒီလ ၁ ရက်နေ့စလို့ ရဲလုပ်ငန်းစဉ်မှာ စက်ရုပ်တွေ သုံးနေတဲ့ပုံတွေ တက်လာတာ တွေ့ရပါတယ်။ ရဲတပ်ဖွဲ့ ၇၉ နှစ်ပြည့်အကြိုအနေနဲ့ ဂျာကာတာမြို့ လမ်းတွေပေါ် ရဲတပ်ဖွဲ့သုံး လူတူစက်ရုပ် humanoid နဲ့ စက်ရုပ်ခွေး ၂၅ ခု သုံးပြီး ကင်းလှည့်ပြတာပါ။

ကင်းလှည့်ပွဲမှာ စက်ရုပ်ကို Polri ရဲယူနီဖောင်းနဲ့ ဦးထုပ်ဆောင်းခိုင်းထားတာပါ။ ပတ်ဝန်းကျင်အခြေအနေကို ထောက်လှမ်းဖို့အတွက်လည်း ၃၆၀ ဒီဂရီပတ်လည်ကြည့် ကင်မရာစနစ်သုံး ယာဉ်ကြောစောင့်ကြည့်နိုင်စွမ်းနဲ့ မျက််နှာပြင်ဖတ်ရှုနိုင်တဲ့ နည်းပညာတွေ ပါပါတယ်။

ဒီ robotcops တွေက ဗုံးရှင်းလင်းရေးလုပ်နိုင်သလို ရှာဖွေကယ်ဆယ်ရေးတွေမှာပါ သုံးနိုင်မှာပါ။ ရဲဝန်ထမ်းတွေအတွက် အန္တရာယ်များတဲ့နေရာတွေမှာ ဒီစက်ရုပ်တွေက တော်တော့်ကို အသုံးဝင်ပါလိမ့်မယ်။ ဂျာကာတာကင်းလှည့်ပွဲမှာ ပြသသွားတဲ့ စက်ရုပ်ခွေးက ပုံမှန်ရဲခွေးတွေလို မူးယစ်ဆေးဝါး နဲ့ ဖောက်ခွဲရေးပစ္စည်းလို အန္တရာယ်ရှိတဲ့အရာတွေ ရှာဖွေနိုင်စွမ်း ရှိပါတယ်။

"ကျွန်တော်တို့ i-K9 စက်ရုပ်တွေက အင်မတန်ပြင်းထန်တဲ့ ရာသီဥတုမှာ ၈ နာရီအထိ အလုပ်လုပ်နိုင်ပါတယ်။ ဒီစက်ရုပ်တွေက ဉာဏ်ရည်တုနည်းပညာနဲ့ ပေါင်းစပ်ထားတာပါ။" လို့ စက်ရုပ်တွေ ထုတ်နေတဲ့ Sari Teknologi ရဲ့ CEO ဂျိုဟန်နက်စ် ကာနီယာ ဝီဒ်ဂျာဂျာက ပြောပါတယ်။

လုံခြုံရေးသုံး humanoid ရဲစက်ရုပ်တွေကို အပြည့်အဝအသုံးမချခင် နာရီထောင်နဲ့ချီ စမ်းသပ်မှုတွေ algorithms မွမ်းမံပြင်ဆင်မှုတွေ လုပ်ရဦးမှာပါ။ အင်ဒိုနီးရှားရဲတပ်ဖွဲ့မှာတော့ နောက်နှစ်က စလို့ စက်ရုပ်ခွေး robodogs တွေ သုံးဖို့ စီစဉ်ထားပါတယ်။

07/07/2025

Bitcoin လောကကို တုန်လှုပ်စေခဲ့တဲ့ wallet ၈ ခု လွှဲပြောင်းမှု

ဒီတစ်ပတ် Crypto အသိုင်းအဝိုင်းကို ရှော့ခ်ရစေတာက Bitcoin ဈေးမဟုတ်ပါဘူး။

၁၄ နှစ်ကျော် ငြိမ်နေတဲ့ wallets ၈ ခု ပထမဆုံးအကြိမ် wallet သစ်ကို transfer လုပ်လာတဲ့ ကိစ္စပါ။ ၂၀၁၁ ကတည်းက စပြီး အရောင်းအဝယ်မလုပ်ဘဲ ဥထားလို့ ဒီ wallet တွေကို sleeping wallet တွေလို့ ခေါ်ကြပါတယ်။ wallet ၈ ခုပေါင်း 80009 BTC ပါပြီး တန်ကြေးအရ ဒေါ်လာ ၈.၆၉ ဘီလျံ ရှိပါတယ်။

အရင်ဆုံး စုစုပေါင်း BTC 40000 ပါတဲ့ wallet ၄ ခု စလွှဲပါတယ်။ wallet တစ်ခုချင်းစီရဲ့တန်ဖိုးက ဒေါ်လာ ၁ ဘီလျံ ကျော်ပါတယ်။ ရွှေတန်ချိန်ပေါင်းများစွာ တန်ပါတယ်။ wallet ၄ ခု ထွက်သွားပြီးနောက်မှ BTC 10000 စီ ရှိတဲ့ wallet နှစ်ခု transfer ဖြစ်ပါတယ်။ နောက်ဆုံး wallet ၂ ခု ထွက်ပြီးနောက်မှ ဒီလွှဲပြောင်းတဲ့ကိစ္စ ပြီးသွားတာပါ။

ဒီ Bitcoin အကုန်လုံးက ဆာတိုရှီခေတ်လို့ ခေါ်တဲ့ (၂၀၀၉-၂၀၁၁) ကတည်းက ရှိထားတာပါ။ အဲ့ဒီအချိန်တုန်းကတော့ coin တစ်ခုကို ၁ ဒေါ်လာတောင် မရှိပါဘူး။ ၀.၇၈ ဒေါ်လာနဲ့ အမြင့်ဆုံး ၃.၃၇ ဒေါ်လာအကြားပဲ ရှိခဲ့တာပါ။ အခုက 1BTC ကို ဒေါ်လာ ၁ သိန်းကျော် ဖြစ်နေပါပြီ။ ဒီ wallet တွေနဲ့ တစ်ခေတ်တည်း နောက် wallet ၄ ခုကတော့ inactive ဖြစ်နေတုန်းပါပဲ။

၉ ဘီလျံနီးနီးတန် BTC တွေ ဘယ်အဖွဲ့က လာတာလဲ။ ဘယ်သူတွေ ပိုင်တာလဲ။ ဘာလို့ ရုတ်တရပ်ကြီး အခုလို ရွှေ့နေကြတာလဲ။ Bitcoin ကို ပြန်ချိန်ညှိနေကြတာလား။ ပိုကြီးတဲ့ ဂယက်တွေ ရှိလာနိုင်လားဆိုပြီး ပွက်လောတွေ ရိုက်နေပါတယ်။

Bitcoin Wallet တွေအကြောင်း သတင်းတွေ သို့လောသို့လော ဖြစ်နေချိန် America Party ဆိုတဲ့ နိုင်ငံရေးပါတီကို ထောင်တဲ့ သူဌေးကြီးအီလွန်မတ်စ်ကတော့ "အစိုးရထုတ် ငွေကြေး (Fiat currency) က မျှော်လင့်ချက်မဲ့နေပြီ" လို့ ပြောပြီး သူ့ပါတီက BTC ကို လက်ခံကျင့်သုံးမယ်လို့ ပြောနေပါတယ်။

05/07/2025

ဖုန်း ၃ ရက် ဖြတ်ရုံနဲ့ အာရုံစူးစိုက်မှု သိသိသာသာကောင်းနိုင်

ဂျာမနီက ပညာရှင်တွေက "သုံးရက် သက်ရောက်မှု" (Three Day Effect) ဆိုတာကို စမ်းထားတာ ရှိပါတယ်။

အဲ့ဒီစမ်းသပ်မှုက ၇၂ နာရီ (၃ ရက်ဆက်) ဖုန်းမသုံးဘဲနေရင် ဦးနှောက်လုပ်ဆောင်ချက်တွေ ဘယ်လို ဖြစ်လာမလဲဆိုတာကို လေ့လာတာပါ။ အသက် ၁၈ နှစ်ကနေ ၃၀ ကြား လူငယ် ၂၅ ယောက်ကို ဖုန်း ၃ ရက် ဖြတ်ခိုင်းပြီး MRI scans တွေနဲ့ လေ့လာကြည့်တာပါ။

ဒီ ၃ ရက်အတွင်းမှာ မခေါ်မဖြစ် ဖုန်းခေါ်ရတာတွေနဲ့ အလုပ်ကိစ္စတွေကလွဲရင် ဖုန်းသုံးခွင့် ပိတ်ထားလိုက်ပါတယ်။ စမ်းသပ်မှုမတိုင်ခင်နဲ့ စမ်းသပ်ပြီး ရလဒ်ကိုလည်း ပြန်ကြည့်ပါတယ်။ အဲ့ဒီလို ကြည့်ချိန်မှာ ဦးနှောက်ရဲ့စွဲလမ်းတောင့်တမှုနဲ့ ဆုလာဘ်ခံစားတဲ့အစိတ်အပိုင်းတွေမှာ သိသိသာသာ ပြောင်းသွားတာ တွေ့ခဲ့ပါတယ်။

ဖုန်းမသုံးဘဲ ဖြတ်ထားချိန် ရက်ပိုင်းအတွင်းမှာ ဖုန်းကြောင့်ဖြစ်တဲ့ trigger (စိတ်ထဲက ရုန်းကြွမှု) တွေ တုံ့ပြန်မှုလျော့ကျသွားပါတယ်။ ဒါက နီကိုတင်းတို့ ကဖိန်းတို့လို စွဲလမ်းစေတဲ့အရာတွေ ဖြတ်ပြီး ဖြစ်လာတဲ့ ရလဒ်နဲ့ ဆင်ပါတယ်။ screen time လျှော့ပြီး သဘာဝကို ခံစားခိုင်းရာမှာ ဖိစီးမှုတွေ လျော့ကျပြီး စိတ်ခံစားချက်ပါ ပိုကောင်းသွားပါတယ်။

Digital Detox လုပ်လိုက်တဲ့ 3 Day Effect က ဦးနှောက်ရဲ့ သိမှုလုပ်ဆောင်ချက် ၊ ဖန်တီးနိုင်စွမ်းနဲ့ ပြဿနာဖြေရှင်းနိုင်မှု စွမ်းရည်ပါ တက်လာစေတာနိုင်ပါတယ်။ ခေါင်းထဲမှာ ရှုပ်ထွေးပြီး rewire လုပ်ချင်တယ်ဆိုရင် စမတ်ဖုန်း ၃ ရက်လောက် ဖြတ်ကြည့်ဖို့ အကြံပြုချင်ပါတယ်။

05/07/2025

Esports World Cup ရဲ့ တရားဝင်ဖုန်းအဖြစ် Honor Magic 7 Pro အရွေးခံရ

ဒေါ်လာသန်း ၇၀ အထိ ဆုကြေးပေးမယ့် ကမ္ဘာ့အဆင့် eSports ပြိုင်ပွဲကို Honor Magic 7 proသုံးပြီး ပြိုင်တော့မှာပါ။

Honor ရဲ့ flagship မော်ဒယ်က နောက်အပတ် ဇူလိုင် ၇ ရက်ကနေ ဩဂုတ် ၂၄ အထိ ဆော်ဒီအာရေဗျနိုင်ငံ Riyadh မှာ ကျင်းပမယ့် Esports World Cup 2025 ရဲ့ official device ဖြစ်လာလို့ပါ။ EWC 2025 က ကမ္ဘာ့အကြီးဆုံး eSports ပြိုင်ပွဲကြီး ဖြစ်ပြီး ဒီနှစ်က ဒုတိယအကြိမ်လည်း ဖြစ် ဆုကြေးလည်း စံချိန်တင် မြင့်လာလို့ပါ။

ကမ္ဘာ့နိုင်ငံ ၁၀၀ ကျော်က ပရော်ဖက်ရှင်နယ် player ၂၀၀၀ ကျော် ၊ eSports club ပေါင်း ၂၀၀ ဝင်ပြိုင်မှာ ဖြစ်ပြီး ဆုကြေးစုစုပေါင်း ဒေါ်လာသန်း ၇၀ သတ်မှတ်ထားပါတယ်။ အခုနှစ် ဆုကြေးက ပြီးခဲ့တဲ့ EWC 2024 ဒေါ်လာ ၆၂.၅ သန်းထက် များပါတယ်။ Club Championship ဆုကြေး ဒေါ်လာ ၂၇ သန်းပေးပြီး ပထမရတဲ့အသင်းက ဒေါ်လာ ၇ သန်း ရမှာပါ။

Game Championships အနေနဲ့ စုစုပေါင်း ဒေါ်လာ ၃၈ သန်း ခွဲပေးမှာ ဖြစ်ပြီး ဂိမ်းတစ်ခုချင်းစီမှာ ဆုကြေးသီးသန့် သတ်မှတ်ထားတာ ရှိပါတယ်။ ဥပမာ - Mobile Legends: Bang Bang နဲ့ PUBG Mobile တို့က ဒေါ်လာ ၃ သန်းစီနဲ့ League of Legends မှာ ဒေါ်လာ ၂ သန်း ပေးတာမျိုးပါ။ MVP Awards ဆိုပြီး ထူးချွန်တဲ့ player တွေအတွက် စုစုပေါင်း ဒေါ်လာ ၄ သိန်းခွဲလည်း ချီးမြှင့်ဦးမယ်လို့ ဆိုပါတယ်။

EWC 2025 မှာ MLBB , PUBG Mobile , Honor of Kings , League of Legends , Dota 2 , Free Fire, Counter-Strike 2, Apex Legends, Call of Duty: Black Ops 6 , TEKKEN 8 , StarCraft II , Chess , Rocket League စတဲ့ နာမည်ကြီး ဂိမ်းတွေအပြင် အသစ်ထဲက Valorant , Crossifr , Fatal Fury: City of the Wolves တို့လို ဂိမ်း titles ၂၄ ခု events ၂၅ ခု နဲ့ ကျင်းပမှာပါ။

Honor Magic 7 Pro ကတော့ ဒီပွဲရဲ့ official smartphone ဖြစ်တာမို့ မိုဘိုင်းဂိမ်းတွေကို ဒီဖုန်းနဲ့ပဲ ကစားပြီး ပြိုင်ကြတော့မှာပါ။ Magic 7 Pro က စွမ်းရည်မြင့် processor အပြင် ရေရှည်ဂိမ်းပွဲကစားဖို့ ပြီးပြည့်စုံတဲ့ အပူထိန်းစနစ် ၊ အသံစွမ်းရည် ၊ ကြာရှည်အသုံးခံမယ့် 5270 mAh ဘက်ထရီနဲ့ 100W charging နည်းပညာ ၊ မျက်စိမထိခိုက်အောင် ကာကွယ်မယ့် AI eye-comfort သုံး LTPO OLED display တွေနဲ့ လာပါတယ်။

Honor က eSports အသိုင်းအဝိုင်းနဲ့ ချိတ်ဆက်အားကောင်းတဲ့ ကုမ္ပဏီပါ။ ပြီးခဲ့တဲ့နှစ် EWC 2024 မှာလည်း Honor 200 Pro က official smartphone အဖြစ် ပါဝင်ခဲ့ပါတယ်။

05/07/2025

startup ၃-၄ ခု တပြိုင်တည်း ဝင်လုပ်ပြီး နာမည်ကြီးနေတဲ့ အိန္ဒိယအိုင်တီပညာရှင်

ဆီလီကွန်ဗယ်လီက ဇာတ်လမ်းတစ်ပုဒ်ပါ။ ဒီဇာတ်လမ်းကို လူပြောများစေခဲ့တဲ့အကြောင်းက AI နဲ့ ဓါတ်ပုံတွေ ဖန်တီးတဲ့ Playground AI ရဲ့ CEO ဆူဟေးလ်ဒိုရှီရဲ့ X ပို့စ်တစ်ခုက စပါတယ်။

"အားလုံးသတိထားဖို့ပါ။ startups ၃-၄ ခုမှာ အလုပ်လုပ်နေတဲ့ အိန္ဒိယက ဆိုဟန် ပါရက်ခ်ဆိုတဲ့ တစ်ယောက်ရှိပါတယ်။ သူအခု YC ကုမ္ပဏီတွေမှာ အလုပ်တွေ လိုက်လျှောက်နေပါတယ်။ သတိထားကြပါ"

ဒိုရှီကိုယ်တိုင်က ပြီးခဲ့တဲ့တစ်နှစ်လောက်ကပဲ ဆိုဟန် ပါရက်ခ်ကို တခြားကုမ္ပဏီတွေအတွက်ပါ အလုပ်လုပ်နေတာ တွေ့ပြီး ပထမဆုံးအပတ်မှာတင် အလုပ်ထုတ်ခဲ့တာလို့ ဆိုပါတယ်။ သူ့ပို့စ်က လူသန်း ၂၀ ဆီ ရောက်သွားပြီး တခြားကုမ္ပဏီတည်ထောင်သူတွေလည်း ပြန် share နေကြပါတယ်။

ဆိုဟန်ကို အလုပ်ခန့်ထားတဲ့ တချို့ CEO တွေလည်း ဒိုရှီရဲ့ tweet တွေ့ပြီးနောက် အလုပ်ပြန်ဖြုတ်တာတွေ ရှိပါတယ်။ ဒိုရှီ့ရဲ့ tweet အောက်မှာတင် ဆိုဟန်ကို အလုပ်ခန့်မိတဲ့ Lindy, Sync Lap , Pally AI , Mosaic စတဲ ကုမ္ပဏီတွေ တွေ့ရသလို ပါရက်ခ်ကို အင်တာဗျူးခဲ့တဲ့ ကုမ္ပဏီတွေလည်း အများကြီး တက်လာပါတယ်။

အားလုံးက AI ကုမ္ပဏီတွေချည်းပါ။ ပါရက်ခ်ကို အင်တာဗျူးခဲ့သူတွေထဲမှာ AI နဲ့ coding အင်တာဗျူးတွေ ကူဖြေပေးနိုင်တဲ့ Cluely ကို တည်ထောင်သူ ရွိုင်းလီလည်း ပါပါတယ်။ သူ့ရဲ့ react skill ကို ရွိုင်းလီက သဘောကျခဲ့ပေမယ့် အလုပ်မခန့်ဖြစ်ခဲ့ဘူးလို့ ဆိုပါတယ်။

ဆိုဟန်ကိုယ်တိုင်လည်း TBPN နဲ့ အွန်လိုင်းအင်တာဗျူးမှာ startups တွေအများကြီးနဲ့ အလုပ်လုပ်နေတာကို ဝန်ခံပါတယ်။

"ကျွန်တော်လုပ်နေတာကို ဂုဏ်မယူပါဘူး။ လုပ်ချင်လို့လုပ်နေတာလည်း မဟုတ်ပါဘူး။ ငွေကြေးအခြေအနေအရပါ။ ဘယ်သူမှတော့ တစ်ပတ် နာရီ၁၄၀ အလုပ်လုပ်ချင်မှာ မဟုတ်ဘူးလေ။ ဟုတ်တယ်မလား။ မလုပ်မနေရမို့သာ လုပ်နေတာပါ။ ကျွန်တော့်အနေအထားက တော်တော့်ကို ငွေကြေးအကြပ်အတည်းဆိုက်နေခဲ့တာ။"

ဆိုဟန်က coding အလုပ်ကလွဲပီး ဘာအလုပ်မှ မလုပ်သလို အလုပ်ရဖို့ AI tools တွေ သုံးတာ ၊ developers တွေ ခေါ်ပြီး အလုပ်လုပ်တာမျိုး မရှိဘူးလို့ ဆိုပါတယ်။ တချိန်တည်း statup ၄ ခု အများဆုံး ကိုင်ခဲ့ပြီး လစာ တစ်လ ဒေါ်လာ ၃ သောင်းနဲ့ ၄ သောင်းကြား ၊ တစ်နှစ်ကို ဂဏန်း ၆ လုံးအထိ ရှာနိုင်တယ်လို့ ပြောပါတယ်။ ဒါတွေအကုန်လုံး အိန္ဒိယတစ်နေရာမှာ နေပြီး remote လုပ်နေတာလို့ ယူဆရပါတယ်။

ဆိုဟန်လို developer ၃-၄ ယောက်စာ အလုပ်တွေအများကြီး တပြိုင်တည်းလုပ်နိုင်တဲ့ serial moonlighter တွေက အလုပ်ခွင် ethic နဲ့ ပတ်သက်ပြီး အပြစ်ဆိုစရာ ရှိပေမယ့် သူ့ရဲ့ထူးချွန်မှုနဲ့ အလုပ်လုပ်နိုင်စွမ်းကတော့ ချီးကျူးစရာပါပဲ။

05/07/2025

open-source ပေးမယ့် Huawei ထုတ် programming language သစ်

Huawei က ကိုယ့်နည်းပညာနဲ့ကိုယ် ဘယ်သူ့မှ မှုစရာမလိုတဲ့အနေအထားကို သွားနေတာပါ။

Google service တွေ သုံးမရတော့ ကိုယ်ပိုင် HarmonyOS ပလက်ဖောင်းထုတ်ပြီး ကိုယ်ပိုင် ecosystem ထောင်တယ်။ အခု apps တွေ ရေးဖို့ ကိုယ်ပိုင် programming language ထုတ်တယ်။ ဒီ language ကို Cangjie လို့ ခေါ်ပါတယ်။

Cangjie ဆိုတဲ့ နာမည်ကတော့ တရုတ်အက္ခရာတွေ တီထွင်ခဲ့တယ်ဆိုတဲ့ တရုတ်ဒဏ္ဍာရီလာ ပုဂ္ဂိုလ်ထူးရဲ့နာမည်ကို ယူထားတာပါ။ native AI စွမ်းရည်ပါပြီး security ကောင်းသလို app အမျိုးမျိုးနဲ့ ကိုက်အောင် ဒီဇိုင်းထုတ်ထားတာလို့ ဆိုပါတယ်။ မနှစ်က စပြီး မိတ်ဆက်ခဲ့တဲ့ Cangjie က လာမယ့် ဇူလိုင် ၃၀ မှာ developers တွေအတွက် open-source ထုတ်ပေးဖို့ ရှိပါတယ်။

third-party developers တွေက source code ကို ယူပြီး ကိုယ့်ဘာသာ ဒီဇိုင်းပြင် ၊ ချို့ယွင်းချက်တွေ ပြင်ပြီး ဒီ language ကို မွမ်းမံကြတော့မှာပါ။ Cangjie က HarmonyOS Next ပေါ်က apps တွေအတွက် အဓိက support ပေးဖို့ဆိုပေမယ့် Android နဲ့ iOS apps တွေကိုလည်း ထောက်ပံ့ပေးထားတယ်လို့ ပြောပါတယ်။

Huawei က အခု programming language အတွက် ၅ နှစ်နီးပါး development လုပ်ထားတာပါ။ iOS ရော Android အတွက်ပါ support ပေးထားတာ ဖြစ်လို့ Android developers တွေ သုံးနေတဲ့ နာမည်ကြီး Java နဲ့ iOS developer သုံး Swift တို့ကို ယှဉ်ဖိုက်ပါလိမ့်မယ်။ developer community မှာတော့ သီတင်းပတ်အနည်းငယ်အတွင်း trai application ၁ သောင်းကျော် ရနေပြီလို့လည်း ဆိုပါတယ်။

တရုတ်နာမည်ကြီးကုမ္ပဏီတွေကလည်း Cangjie သုံးပြီး မိုဘိုင်း app တွေ ထုတ်လာပါတယ်။ နာမည်ကြီး delivery ကုမ္ပဏီ Meituan ဆို ပစ္စည်းပို့တဲ့ riders တွေအတွက် app ကို Cangjie နဲ့ ရေးနေပါတယ်။ ဒီနှစ် တတိယသုံးလပတ်ထဲ HarmonyOS ပေါ်မှာ ဒီ app တင်မှာပါ။

Huawei ကတော့ mobile OS တင် မဟုတ်ဘဲ open-source ပေးတဲ့ programming language နဲ့ပါ ကိုယ်ပိုင် ecosystem အင်ပါယာကြီးကို အရှိန်ရရ သွားနေပြီလို့ ဆိုရမှာပါ။

Duwun Tech

08/07/2025

08/07/2025

08/07/2025

08/07/2025

08/07/2025

07/07/2025

07/07/2025

07/07/2025

05/07/2025

05/07/2025

05/07/2025

05/07/2025

ที่อยู่

เบอร์โทรศัพท์

เว็บไซต์

แจ้งเตือน

ทางลัด

แชร์

ประเภท