15/08/2024
#ၽၢင်ႉ ၵူဝ်လႆႈၸပ်းၺႃးတင်းပဵၼ် မလဵင်း လူၺ်ႈတီႈဢမ်ႇႁူႉတူဝ်။
ၵူၼ်းႁိူၼ်းလင်ၼိုင်ႈ တိတ်းၸပ်းတင်းပဵၼ် မလဵင်းၵၼ်တင်းႁိူၼ်း ယွၼ်ႉလူၺ်ႈၶူဝ်းၸႂ်ႉၶူဝ်းတိုဝ်း ဢၼ်မီးယူႇၼႂ်းသိုင်ႉမိုဝ်ႉ။
ႁူဝ်ႁုပ်ႈလွင်ႈတင်းမၼ်းတေႉ လႆႈမိးသိုဝ်ႇၶၢဝ်ႇပိုၼ်ၽၢဝ်ႇတင်ႇလူင်း မိူဝ်ႈဝၼ်းထိႉ 14 August 2024 ၼႆႉဝႃႈ ၵူၼ်းႁိူၼ်းသီႇၵေႃႉ လႆႈတိတ်းၸပ်းတင်း ပဵၼ်မလဵင်း ၶၵ်ႉထိႉသမ် ယွၼ်ႉလူၺ်ႈလွင်ႈၶူဝ်းၸႂ်ႉၶူဝ်းတိုဝ်း ဢၼ်မီးယူႇၼႂ်းသိုင်ႇမိုဝ်ႉ ဢၼ်ႁဝ်းၸႂ်ႉယူႇၵူႈဝၼ်းဝၼ်း။
မႄႈပႃႈၵေႃႉၼိုင်ႈ ၸိုဝ်ႈႁွင်ႉဝႃႈ မႄႈပႃႈလိဝ် ဢႃႇယု 50ပီပၢႆပၢႆ၊ မႄႈပႃႈၵေႃႉၼႆႉ ၵႆႉမီးတင်းပဵၼ် ၶူမ်ႈၶူမ်းၵႆးၵႆး ၸွမ်းၽိဝ်ၼိူဝ်ႉၽိဝ်ၼင် လႄႈ မီးတိုမ်ႇလႅင်လႅင်ဢွၼ်ႇၸွမ်းၽႃႇမိုဝ်း ၵူၺ်းယွၼ်ႉဝူၼ်ႉဝႃႈ ဢမ်ႇပဵၼ်သင်ၵွၼ်ႇယူဝ်ႉၼႆသေ ပွႆႇလူမ်လမ်ၵႂႃႇ။
ၶၢဝ်းယၢမ်းပူၼ်ႉႁိုင်ထိုင်မႃး တင်းပဵၼ် မႄႈပႃႈလိဝ် ၼႆႉၵေႃႈ ၼႃႇမႃးတိၵ်းတိၵ်းသေ ၸင်ႇတႅပ်းတတ်းၵႂႃႇႁႃ မေႃယႃ ပိူဝ်ႈတႃႇတေၵႂႃႇၵူတ်ႇထၢတ်းတင်းပဵၼ်။
မိူဝ်ႈၵူတ်ႇထၢတ်း တင်းပဵၼ်ယဝ်ႉၼၼ်ႉ မေႃယႃၶၢဝ်လၢတ်ႈဝႃႈ မႄႈပႃႈလိဝ် လႆႈတိတ်းၸပ်းတင်းပဵၼ် မလဵင်း ၶၵ်ႉထိႉသမ် မေႃယႃၶဝ်ဝႃႈၼင်ႇၼႆ လိူဝ်သေၼၼ်ႉၵူၺ်းဢမ်ႇၵႃး ဢၼ်ပဵၼ်ၵူၼ်းၼႂ်းႁိူၼ်းလဵဝ်ၵၼ် ထႅင်ႈတႃႇသၢမ်ၵေႃႉၼၼ်ႉၵေႃႈ လႆႈဢွၼ်ၵၼ်တိတ်းတင်းပဵၼ် မလဵင်း မိူၼ်ၵၼ်။
မေႃယႃၶဝ်လၢတ်ႈၼႄဝႃႈ လွင်ႈတင်းဢၼ်ႁဵတ်းႁႂ်ႈလႆႈတိတ်းၸပ်းတင်းပဵၼ် မလဵင်း ၵၼ်ၼႆႉ ပဵၼ်ယွၼ်ႉ ၶူဝ်းၸႂ်ႉ၊ ၶူဝ်းတိုဝ်း ဢၼ်မီးယူႇၼႂ်းသိုင်ႇမိုဝ်ႉၼၼ်ႉၵူၺ်း။ ၼၼ်ႉၵေႃႈပဵၼ် ၶဵင် လႄႈ တင်းမႆႉထူႇ။
ၸႂ်ႈယဝ်ႉၶႃႈ ၶဵင် သွႆးၽၵ်းသွႆးၼိူဝ်ႉဢၼ်မိးယူႇၼႂ်းသိုဝ်ႉမိုဝ်ႉႁဝ်းၵူႈဝၼ်းဝၼ်းၼၼ်ႉ ဝၢႆးသေၸင်ႉယဝ်ႉၼႆၸိုင်ထုၵ်ႇလီၽဵဝ်ႈသိမ်းလင်ႉဝႆႉႁႂ်ႈမီးလွင်ႈမူတ်းသႂ်ႇတႃႇသေႇ ဢၼ်ပဵꧣ် မႆႉထူႇၼၼ်ႉသမ်ႉ သင်ၸႂ်ႉယဝ်ႉပွၵ်ႈၼိုင်ႈၼႆ ဢမ်ႇထုၵ်ႇလီသိုပ်ႇၸႂ်ႉယဝ်ႉ။
ၵၢၼ်ပႅင်းၵိၼ်ပႅင်းၸၢႆႇၼႆႉပဵၼ်လွင်ႈတီႈလီ ၵူၺ်းသင်ႁဝ်းပႅင်းၵိၼ်ပႅင်းၸၢႆႇၼႃႇပူၼ်ႉတီႈၸိုင် ၸင်ႈတေမီးၽွၼ်းယွၼ်ႈမႃးထိုင် ပၢႆးယူႇလီႁဝ်းယူႇယဝ်ႉ။
Crd: KHL-Khur Hsur Lai
