เปิดทำการกี่โมง?

จันทร์ 09:00 - 21:00 อังคาร 09:00 - 21:00 พุธ 09:00 - 21:00 พฤหัสบดี 09:00 - 21:00 ศุกร์ 09:00 - 21:00 เสาร์ 09:00 - 21:00 อาทิตย์ 09:00 - 21:00

เว็บไซต์คืออะไร?

https://www.facebook.com/2345892538809880/

ELLIE, Chiang Mai (2025)

07/12/2025

✉️ “ကျွန်တော်ကျွန်မမှ ကျွန်တော်ကျွန်မသို့..”

တခါတလေမှာများ ယူမလာသင့်တော့မှန်း သိပါလျက်နဲ့ လွှတ်ချဖို့မေ့နေခဲ့ကြတာတွေ၊ ပြန်သတိထားကြည့်လိုက်ရင် အများကြီးမှအများကြီး။ ဒါတွေက ကြာရှည်မှာ ခြေထောက်ကိုခဲဆွဲထားသလို လေးပင်လာစေတယ်။ နှာခေါင်းဝမှာ ပိတ်ခဲနေသလို အသက်ဝဝရှူခွင့်မပေးတော့ဘူး။ နောက်တနှစ်မှာ အကောင်းဆုံး version ဖြစ်ဖို့ဆိုရင်၊ ၂၀၂၅ ဆိုတဲ့ တံခါးတချပ်ကို အပြည့်အဝမပိတ်လိုက်ခင်မှာ တကူးတကလေး၊ ဒါတွေချန်ထားရစ်ခဲ့ကြမယ် 🌿

06/12/2025

Gossip အတူတူ လုပ်လို့အကောင်းဆုံး Zodiac ဆိုရင် Pisces ဘဲ
Drew Barrymore ဘဲကြည့် ဆရာမကြီးက Sun Venus Midheaven Pisces ကိုမှ Gemini ASC နဲ့ 😂
သူတို့လောက် Judge မလုပ်ဘဲ ကိုယ့်ကို Related လုပ်ပေးနိုင်တာလဲသူတို့ဘဲ သူတို့ ကိုဘယ်အကြောင်းမေးမေး အကုန်သိတယ် အချို့ဟာတွေဆို လုပ်တဲ့သူ တင်တဲ့သူကသာမေ့သွားတာသူတို့မှာ SS နဲ့ အကုန်မှတ်တမ်းရှိပြီးသား အိမ်စာလဲကြေတယ် 🙂‍↔️

29/11/2025

"အေးဖို့ ဝေးစို့"

ပျော်အောင်ထားမယ် ပြောတဲ့သူက မျက်ရည်ကျစေတဲ့အခါမှာ.. ကျွန်မတို့ အငိုမတိတ်နိုင်ကြပါဘူး။

အကြာကြီးပြင်ထားပြီးမှ၊ သင်္ချာနဲ့ Bio ရက်တွက်မှားပြီး စာမေးပွဲမဖြေနိုင်တဲ့ ခံစားချက်ကိုသိလား။ မိုးတွေများလို့ ဆည်နိုင်မှနိုင်ပါ့မလား၊ တထိတ်ထိတ် အိပ်မရတဲ့ခံစားချက်ကိုရော သိလား။ ဒီလိုမဖြေနိုင်တာ ဆည်မနိုင်တာနှစ်ခုပေါင်းရင်တောင်၊ (နှလုံးသားနုနုလေးမို့) သူ့ကြောင့် ဖြေမဆည်နိုင်တဲ့ ခံစားချက်က သာလို့ ခံစားရခက်မယ်နဲ့တူတယ်။

သူက မိုးနတ်သားလေးများလား၊ ကျွန်မတို့ကမ္ဘာကို စိတ်ရှိတိုင်း မိုးပြိုအောင်လုပ်နိုင်တယ် ဆိုကတည်းက သူ့မှာ အစွမ်းအစတွေရှိလို့ပဲ ဖြစ်ရမယ်။

တကယ်တော့လေ၊ ဒီလို “စေ”တလုံးနဲ့ ရယ်စေ၊ တည်စေ၊ ဝမ်းနည်းစေတဲ့ပါဝါက သူ့ရဲ့လက်ထဲကို ကျွန်မတို့ကိုယ်တိုင် ကျေကျေနပ်နပ်နဲ့ ထည့်ပေးခဲ့ကြတာပါ။

ဒီလို အချစ်ဇာတ်လမ်း ဘယ်ကစသလဲဆိုရင်၊ ဟိုးရှေးရှေးတုန်းကပေါ့.. အခုမှဆုံတဲ့ သူစိမ်းတယောက်ကို ကဲ ရော့၊ အရှင်ကြီး နန်းတက်ပါ၊ ဘဝကိုအုပ်စိုးပါ။ ကိုယ့်ထမင်းကိုယ်စားပြီး သူများသားရဲ့အပါးကို ခစားခွင့်ပေးတော်မူပါ။ ဒီလို သဘောကောင်းလွန်ခြင်းနဲ့ ပရုတ်လုံးလို လုံးပါးပါးခြင်းဇာတ်လမ်းက အစပျိုးခဲ့ပါသတဲ့။

ဒီနေ့မှာ၊ ကိုယ့်ကိုကိုယ်ပျက်သုဥ်းခြင်းကို ဒုန်းစိုင်း ခရီးနှင်နေခြင်းကနေ ရပ်တန်းကရပ်ပါမယ်။

သူ့ကိုပုံချ အပြစ်တင်လိုက်တာက လွယ်တယ်၊ ကိုယ့်အမှားကို တာဝန်ယူတတ်ဖို့က ပိုခက်တယ်။ ဒါကြောင့်မို့ ကျွန်မတို့ လွယ်တာကိုပဲလုပ်ရအောင်လေ။ အဆင်မပြေတာတွေအားလုံးစုပေါင်းပြီး လက်ညိုးဆန့်ဆန့်ကြီး ထိုးလိုက်ကြမယ်။ (ဒီလို မလုပ်ပါနဲ့)

တခါတလေမှာလေ၊ ဘဝထဲကို ရင်နာစရာတွေ ချောင်းပေါက်အောင်လာနေတယ်ဆိုတာက၊ ကျွန်မတို့ကိုယ်တိုင် ရေလာမြောင်းပေး လုပ်နေခဲ့ကြတာလည်း ဖြစ်နေတတ်တယ်။ နတ်သမီးဆိုတဲ့အမျိုးကလည်း ရေလယ်ခေါင် သောင်ထွန်းချင်တာကိုး။

အတည်ပြောပါမယ်၊ ကျွန်မတို့ဖြစ်တည်မှုကို ဘယ်သူကမှ ခွင့်ပြုပေးနေစရာ မလိုပါဘူး။ ကိုယ့်တန်ဖိုးကိုသိဖို့ နဖူးမှာ စျေးကပ်ထားဖို့လည်း မသင့်တော်ဘူး။ ကိုယ့်မလိုပါဘူးဆိုမှ သားကိုရွေး သမီးကိုရွေး၊ သွားလုပ်နေလို့လည်း အရှက်ကွဲတာပဲရှိတယ်။ ဒီတော့..

ဒီသကောင့်သား၊ သူသွားလိုရာကို ပေးသွားလိုက်တော့၊ အချိန်ကုန် လူပင်ပန်းတယ်။

တချို့အချစ်ဇာတ်လမ်းလေးတွေက ရုပ်ရှင်တကားစာထက် ပိုဆွဲလို့မရဘူး၊ ဒါကိုစီးရီးသွားရိုက်နေရင် ကြာလေ ပေါ့ပျက်ပျက်နိုင်တာ ပိုသိသာလာတယ်။ ဒီလှေကားထစ်က ရင့်ကျက်ဖို့ နင်းတက်ရမယ့်ကိစ္စ၊ ဒါကို အဖီထိုးပြီး ပေတေသွားအိပ်နေရင် အိမ်ပိုင်ရှိရက်နဲ့ သူများဘဝထဲ ကျူးကျော်ဖြစ်နေမယ်။

တကယ်တမ်းမှာ အဖြေကလွယ်လွယ်လေး။ လက်ဖြောက်တချက်တီးစာမှာ ဇာတ်သိမ်းကို ကိုယ့်အပြုံးနဲ့ပိတ်ကားချနိုင်အောင် ပြောင်းပစ်လိုက်လို့ရတယ်။

အဓိကက အရှိတရားကို လက်ခံရဲဖို့ပဲ။ တကယ်ကို ဒါပဲလိုပါတယ်။

ကိုယ့်ကိုကိုယ် ပြန်မေးပါ။

ဒါဆို.. ရှေ့ဆက်ရအခက် နောက်ဆုတ်ရအခက်၊ အခုစိတ်ထဲရှင်းမနေတဲ့ကိစ္စ ပြီးပြတ်ပြီလား။ ရှာနေတဲ့အမှန်တရားနဲ့ရော ဒီစာဖတ်အပြီးမှာ ပိုနီးစပ်ပြီလား။

အရေးကြီးဆုံးက..

ဒီအရွယ်ရောက်မှတော့ လက်ဖြောက်တော့ တီးတတ်ပြီမှလား?

26/11/2025

ဓနဥစ္စာ ဆထက်တိုး ✨ ရွှေမိုးငွေမိုး ရွာသွန်းဖြိုး

ရောက်လာတော့မယ့် ဒီဇင်ဘာမှာ ကြွယ်ဝချမ်းသာခြင်းတွေ ပိုင်ကြတော့မှာပါ

Claim the abundance ✨

04/11/2025

"စိတ်မပူပါနဲ့ Ellie ရှိပါတယ်" 🩵

Nov transits တွေရဲ့ negative energy တွေကို protect လုပ်နိုင်ဖို့နဲ့ စိတ်ရဲ့အေးချမ်း တည်ငြိမ်ခြင်းရဖို့အတွက် wallpaper လက်ဆောင်လေးပါ 🌊

Emotional အရမ်းဖြစ်နေတယ်၊ anxiety နဲ့ helpless feeling မျိုးရလာတယ်ဆိုရင် ဒီ wallpaper လေးက calm ဖြစ်စေပါလိမ့်မယ်။ နောင်တပြန်ရမယ့် decision တွေ၊ အပြောအဆိုတွေကနေလည်း တားပေးဖို့ရည်ရွယ်ပြီး energy ထည့်ပေးထားပါတယ်။ ထုံးစံအတိုင်း ဟပ်ချလောင်းမလုပ်နိုင်ပေမယ့် တစိတ်တပိုင်း အကူအညီဖြစ်စေမှာပါ။

Calm down ဖြစ်ဖို့အတွက် အလယ်မှာ Visualize လုပ်လို့ရမယ့် Box လေးလည်း ထည့်ပေးထားပါတယ်၊ အဆင်ပြေကြပါစေရှင် 🌙

ment မှာ ယူပေးနော်

04/11/2025

🌙 တခါတလေ ကိုယ့်ရဲ့စိတ်က၊ ပစ္စည်းတွေ အပြည့်သိပ်ထည့်ထားတဲ့ အခန်းကျဉ်းလေးတစ်ခုလိုပဲ။ အသက်ရှူစရာ.. နေရာတောင် မရှိတော့သလိုမျိုးလေ။ ခံစားရဖူးတယ် ဟုတ်?

စိုးရိမ်စိတ် ဆိုတဲ့အမျိုးက ပုထုဇဥ်လူသားတိုင်း ပြေးမလွတ်နိုင်တဲ့အရာမဟုတ်လား ။ ဒါပေမဲ့ ဒီရက်ပိုင်းတွေက အဲ့ဒီ anxiety ကို ပိုပြီး trigger ဖြစ်စေတယ်။ ပိုပြီးတော့လည်း overwhelm ဖြစ်လွယ်စေတယ်။

Ellie တို့ရဲ့စိတ်ကို "ခွက်"တစ်ခွက်လို့ မြင်ကြည့်ပါ။

ဟိုးအရင်တုန်းကဆိုရင်၊ ကိုယ်တို့ရဲ့ခွက်က ပုံမှန်အားဖြင့် နေရာလွတ်တွေ ရှိတယ်။ အလုပ်ကိစ္စ၊ မိသားစုကိစ္စတွေ ဝင်လာမယ်။ ဒါတွေကို ဖြေရှင်းလိုက်မယ်။ ပြီးရင် အနားယူလိုက်တဲ့အခါ အဲ့ဒီခွက်က ပြန်ပြီး ရှင်းလင်းသွားတယ်။ နေရာလွတ် ပြန်ရသွားတယ်။

"ဒီရက်ပိုင်းတွေ" မှာတော့ Ellie တို့ရဲ့ခွက်က မနက်မိုးလင်းတာနဲ့ ပြည့်လုနီးပါး ဖြစ်နေတတ်တယ်။ ဘာတွေနဲ့ ပြည့်နေလဲဆိုတော့ မသေချာမရေရာမှုတွေ၊ Social Media က နေရထိုင်ရခက်စေတဲ့ သတင်းတွေ၊ စီးပွားရေး၊ လူမှုရေး ဖိအားတွေ.. ဒီအရာတွေအားလုံးက Ellie တို့ မသိလိုက်ပါဘဲနဲ့ ကိုယ့်ရဲ့ ခံနိုင်ရည်ခွက်ထဲကို နေ့တိုင်း နည်းနည်းချင်း ဖြည့်ထည့်နေတယ်။

ဒီခွက်က အပြည့်နီးပါး ဖြစ်နေတဲ့အချိန်မှာ၊ သာမန်လို့ထင်ရတဲ့ ကိစ္စသေးသေးလေးတစ်ခု ဝင်လာတယ် ဆိုပါတော့။ ဥပမာ- ရုတ်တရက် ဝင်လာတဲ့ ဖုန်း Call တစ်ခု၊ ကိုယ့်ကို နားလည်မှုလွဲသွားတဲ့ Message တစ်စောင်၊ ဒါမှမဟုတ် ကိုယ်လုပ်စရာတစ်ခုကို မေ့သွားတာမျိုး။

အရင်ကဆို ဒါက ရေတစ်စက်စာလောက်ပဲ ဖြစ်မှာ။ အခု ဒီခွက်က ပြည့်လျှံနေတဲ့အခါ၊ အဲ့ဒီ ရေတစ်စက်က “ဖြတ်”ခနဲ လျှံကျသွားစေရော။

အဲ့ဒီအချိန်မှာ ခံစားရတဲ့ Anxiety က အဆမတန် ပြင်းထန်သွားတယ်။ ရင်တွေ အရမ်းခုန်တာ၊ အသက်ရှူမဝတော့တာ၊ အတွေးတွေ ထိန်းမရတော့တာမျိုး ဖြစ်လာတယ်။ တကယ်တော့ ကိုယ်က အဲ့ဒီ ကိစ္စသေးသေးလေးကို လိုတာထက် ပိုတုံ့ပြန်နေတာ မဟုတ်ဘူး။ ကိုယ့်ရဲ့ ခွက်က နေရာလွတ်မကျန်တော့အောင် အရင်ကတည်းက အပြည့်အကြပ် ဖြစ်နေလို့ပါ။

ဒီရက်ပိုင်းတွေမှာ ကိုယ့်ရဲ့ Anxiety က ပိုထိခိုက်လွယ်တယ်၊ ပိုပြင်းထန်တယ်လို့ ခံစားရရင် ကိုယ်တစ်ယောက်တည်း မဟုတ်ဘူး။ လူအတော်များများဟာ နေ့တစ်နေ့ကို နေရာလွတ်မရှိတော့တဲ့ ခွက်တစ်ခွက်နဲ့ စတင်နေရပါတယ်။

🌙 သတင်းကောင်းက၊ ဒါဟာ ဖြေရှင်းနည်းမရှိတဲ့အရာ မဟုတ်ပါဘူး။ ခွက်က ပြည့်နေတဲ့အခါ၊ အပြင်က မိုးရွာတာကို သွားတားလို့မရပေမဲ့ ကိုယ့်ခွက်ထဲက ရေကိုတော့ ဖြည်းဖြည်းချင်း လောင်းထုတ်လို့ရပါတယ်။

အမှန်အတိုင်းဖြေပါ။ ကိုယ့်အသက်ရှူသံကို သတိထားပြီး ပြန်နားထောင်မိတာ နောက်ဆုံး ဘယ်တုန်းကပါလဲ။

Ellie တို့ရဲ့စိတ်က လေတိုက်နေတဲ့ အခန်းထဲက ခန်းစီးစလိုပဲ။ အတွေးတစ်ခုဝင်လာလိုက်၊ ဟိုဘက်လွင့်သွားလိုက်။ စိုးရိမ်စိတ်တစ်ခု ဝင်လာလိုက်၊ ဒီဘက်လွင့်သွားလိုက်နဲ့။ အဲ့ဒီအချိန်မှာ ကိုယ့်စိတ်ကို အတင်းလိုက်ဖမ်းဖို့ ကြိုးစားတယ်။ "မတွေးနဲ့" လို့ အတင်းတားတယ်။ "ငြိမ်ငြိမ်နေ" လို့ အမိန့်ပေးတယ်။ ဒါပေမဲ့ လေကိုဘယ်လိုလုပ် လက်နဲ့ ဖမ်းလို့ရမှာလဲ။ စိတ်ကလည်း အတူတူပဲ။

အဲ့ဒီလို 'Overwhelm' ဖြစ်လာတဲ့အခါ၊ ခံစားချက်က အရမ်းသိသာတယ်။ ရင်ဘတ်ကြီးက အလိုလို ကျပ်လာတယ်။ လည်ပင်းမှာ တစ်ခုခု လာဆို့နေသလို ခံစားရတယ်။ အသက်ရှူရတာ တဝက်တပျက် ဖြစ်လာတယ်။ အတွေးတွေက "ဒါပြီးရင် ဘာလုပ်ရမလဲ" "ဟိုဟာကရော အဆင်ပြေပါ့မလား" "ဘာလို့ ငါ့စိတ်က ဒီလိုဖြစ်နေရတာလဲ" ဆိုပြီး ကိုယ့်ကို အနားမရအောင် တရစပ် ဆွဲခေါ်သွားတယ်။ ကိုယ့်ခေါင်းထဲမှာ ကိုယ်ကိုယ်တိုင် ပိတ်မိနေသလို ခံစားရတာမျိုးပေါ့။

အဲ့ဒီအချိန်မှာ Ellie တို့လုပ်ရမှာက လွင့်နေတဲ့စိတ်ကို လိုက်ဖမ်းဖို့ မဟုတ်ဘူး။ ကိုယ့်ရဲ့ Anchor ကို ပြန်ရှာဖို့ပါ။ ဗုဒ္ဓဘာသာနဲ့လည်း မစိမ်းတဲ့အရာ၊ ကိုယ့်အနီးဆုံးမှာ အမြဲတမ်းရှိနေပြီး အားအကိုးရဆုံး ကျောက်ဆူးက ဘာလဲသိလား။

Ellie တို့ရဲ့ "အသက်ရှူသံ"ပါ။

ဒီနေ့မှာ Ellie လေးထောင့် Box လေးတလုံး လက်ဆောင်ပေးချင်ပါတယ်။ ဒါက အရမ်းရိုးရှင်းပြီး ချက်ချင်းအလုပ်တဲ့ "Box Breathing" ပါ။ သိတဲ့လူတွေလည်း သိကြပါတယ်။ ထူပူပြီး မေ့နေကြတာလည်းရှိရော့မယ်။

ခဏလေး လိုက်လုပ်ကြည့်ပါ။

ပထမဆုံး.. ကိုယ့်စိတ်ထဲမှာ စတုရန်းပုံလေးတစ်ခုကို မြင်ယောင်လိုက်ပါ။

🩵 ရှူသွင်း (Inhale)

၄ စက္ကန့် ရေတွက်ရင်း နှာခေါင်းကနေ ဖြည်းဖြည်းချင်း ရှူသွင်းပါ။ (စတုရန်းပုံရဲ့ ပထမ 'အနား'တလျှောက် တက်သွားသလို)

🩵 အောင့်ထား (Hold)

၄ စက္ကန့် အသက်အောင့်ထားပါ။ (ဒုတိယ 'အနား' တလျှောက် ကန့်လန့်ဖြတ်သွားသလို)

🩵 ရှူထုတ် (Exhale)

၄ စက္ကန့် ရေတွက်ရင်း ပါးစပ်ကနေ ဖြည်းဖြည်းချင်း ရှူထုတ်ပါ။ (တတိယ 'အနား' တလျှောက် အောက်ပြန်ဆင်းလာသလို)

🩵 ရပ်ထား (Pause) ၄ စက္ကန့် အသက်မရှူဘဲ ခဏ ရပ်ထားပါ။ (နောက်ဆုံး 'အနား' တလျှောက် ပြန်ပိတ်လိုက်သလို)

ဒါကို ၃ ကြိမ်၊ ၄ ကြိမ်လောက်ပဲ ထပ်ခါထပ်ခါ လုပ်ကြည့်ပါ။

ဒါက ကိုယ့်ရဲ့ လျှပ်စီးလိုမြန်နေတဲ့ အတွေးမုန်တိုင်းကို "၄ စက္ကန့်" ဆိုတဲ့ အချိန်ဘောင်လေးထဲမှာ ခဏသော့ခတ်လိုက်တာပါ။ တကယ်လို့ အသက်အကြာကြီး မအောင့်နိုင်ဘူးဆိုရင်လည်း ၂ စက္ကန့်၊ ၃ စက္ကန့်စီလည်း ရပါတယ်။ အဓိကက သူ့ရဲ့အချိန်မှတ်တာလေးတွေ အကုန်တူဖို့ပါ။

အသက်ကို ဖြည်းဖြည်းနဲ့ မှန်မှန် ပြန်ရှူလိုက်တဲ့အခါ၊ ဒါက ကိုယ့်ရဲ့ Nervous System ကို "ငါ အခု အသက်ရှူနေတယ်၊ ငါ့မှာ အချိန်ရှိတယ်၊ အန္တရာယ်မရှိဘူး" ဆိုတဲ့ Message ကို တိုက်ရိုက် ပို့ပေးလိုက်နိုင်ပါတယ်။ ဒါက ကိုယ့်ရဲ့ စိတ်နဲ့ ခန္ဓာကိုယ်ကို ပြန်ပြီး Sync လုပ်ပေးတဲ့ ခလုတ်လေးတစ်ခုပဲ။

Visualize လုပ်ရလွယ်အောင် Ellie ပုံလေးနဲ့ လုပ်ပေးထားပါတယ်။ ဒါလေးကို ဖုန်းထဲသိမ်းထားလို့လွယ်အောင် Ellie လိုဂိုလည်း မထည့်ထားပါဘူး။ လွယ်ကူ ရိုးရှင်းပေမဲ့ အင်မတန်အသုံးဝင်တဲ့ ဒီ Box လေးက နှလုံးသားတွေအများကြီးကို အေးချမ်းစေမယ်၊ ငြိမ်သက်စေမယ်၊ အသက်ကယ်စေနိုင်မယ်လို့ မျှော်လင့်ပါတယ်။

အားလုံး တကယ်ကို ပြန်အဆင်ပြေဖို့ မကြာတော့ပါဘူး 🩵

02/11/2025

🌙 နိုဝင်ဘာလကပေးမယ့် ကံကောင်းခြင်းလက်ဆောင်များ ✨

November ဟာ ရှေ့လတွေမှာ ရပ်တန့် ကြန့်ကြာနေတာတွေကနေ လွတ်မြောက်ပြီး အလင်းရောင်သစ်တွေ ပြန်ဝင်လာမယ့်လပါ။ ဒီညမှာ Rising Sign ၁၂ ခုလုံးအတွက် November “လအကုန်”မှာ လက်ထဲရောက်လာမယ့် လက်ဆောင်တွေကို စုစည်းရေးထားပေးပါတယ်။

✨ Aries Rising

လပေါင်းများစွာ စိတ်ထဲမှာ လေးလံနေခဲ့တာတွေ၊ အကြောင်းအရင်းမရှိ စိုးရိမ်နေခဲ့တာတွေ လုံးဝ ပြီးဆုံးသွားတော့မယ်။ အခုက ကိုယ့်ရဲ့အမြင်သစ်၊ အတွေးအခေါ်သစ်တွေ ဝင်လာမယ့်အချိန်ပါ။ ခရီးတွေ သွားဖို့၊ ပညာသစ်တွေ သင်ဖို့၊ စွန့်စားမှု အသစ်တွေ လုပ်ဖို့ စိတ်အားထက်သန်မှုတွေ ပြန်ရလာပါပြီ။ ကိုယ့်ရဲ့စိတ်က လွတ်လပ်တဲ့ ငှက်တစ်ကောင်လို ပေါ့ပါးနေပါမယ်။ 🔸 ကိုယ့်ကို အားအင်ဖြစ်စေမယ့် စာအုပ်အသစ်တစ်အုပ် ဖတ်ပါ၊ ဒါမှမဟုတ် ခရီးတစ်ခု ထွက်လိုက်ပါ။

✨ Ta**us Rising

အထီးကျန်ဆန်နေခဲ့တာ၊ လူမှုရေးရာမှာ စိတ်ညစ်ခဲ့ရတာတွေ ရှင်းလင်းသွားပါပြီ။ Ellie မြင်မိတာက ဒီလက ကိုယ့်ရဲ့ အနက်ရှိုင်းဆုံး ခံစားချက်တွေသီးသန့် ဦးစားပေးမယ့်လပါ။ အထူးသဖြင့် ကိုယ့်ရဲ့ လက်တွဲဖော်၊ ချစ်သူနဲ့ ပိုခိုင်မြဲတဲ့ သံယောဇဉ်တွေ ပြန်လည် တည်ဆောက်နိုင်ပါလိမ့်မယ်။ အချစ်ရေးမှာ အရမ်းကို Romantic ဖြစ်မယ့် အချိန်ပါ။ 🔸 အလုပ်တွေချည်း လုပ်မနေပဲနဲ့ တခြားအရာတွေထက် ကိုယ့်ရဲ့ အရေးကြီးဆုံး ဆက်ဆံရေးကို အချိန်ပေးလိုက်ပါ။

✨ Gemini Rising

Gemini တွေအတွက် "အောင်ပွဲ" လို့ ပြောလို့ရတယ်။ ကိုယ့်ရဲ့ Career မှာ လေးလံနေတာ၊ ပိတ်ဆို့နေတာတွေ လုံးဝ ပြီးဆုံးသွားတော့မှာပါ။ အခုက ကိုယ့်ရဲ့ "Relationship" နေရာက အတောက်ပဆုံးပဲ။ စိတ်လှုပ်ရှားစရာ လူသစ်တွေ၊ လက်တွဲဖော် အသစ်တွေ၊ ပျင်းဖို့ကောင်းနေတဲ့ လက်ရှိဆက်ဆံရေးမှာ စိတ်လှုပ်ရှားမှုတွေ ပြန်စီးဝင်လာပါပြီ။ 🔸 အိမ်ထဲမှာမနေပါနဲ့။ လူတွေနဲ့ တွေ့ပါ။ ကိုယ့်ရဲ့ကံကောင်းခြင်းက တခြားသူတွေဆီကနေ လာပါလိမ့်မယ်။

✨ Cancer Rising

ကိုယ့်ရဲ့ အနာဂတ်အစီအစဥ်တွေ၊ ယုံကြည်မှုတွေ "Stuck" ဖြစ်နေခဲ့တာ ရှင်းလင်းသွားတော့မှာပါ။ ခရီးသွားဖို့၊ ပညာသစ်သင်ဖို့ လမ်းတွေပြန်ပွင့်ပြီ။ ဒါပေမယ့် Ellie မြင်မိတဲ့ အကောင်းဆုံးလက်ဆောင်က ကိုယ့်ရဲ့ "အချစ်စိတ်”နဲ့ “စိတ်ပျော်ရွှင်မှု”မှာ အရမ်း တောက်ပလာတာပါပဲ။ နှလုံးသားက ပျော်ရွှင်မှုတွေ ပြန်ရလာမယ်။ အလုပ်ခွင်မှာလည်း စွမ်းအင်သစ်တွေနဲ့ တက်ကြွနေပါလိမ့်မယ်။ 🔸 ကိုယ့်ရဲ့ဝါသနာကို ဦးစားပေးပါ။ နှလုံးသားကို ပျော်ရွှင်အောင် ထားပါ။

✨ Leo Rising

စိတ်ထဲက ဖိအားတွေ၊ လေးလံမှုတွေ၊ ကြောက်စိတ်ဟောင်းတွေ လုံးဝ ပြီးဆုံးသွားပါတော့မယ်။ Nov က Leo Rising တွေအတွက် အကောင်းဆုံးလတစ်လ ဖြစ်နိုင်ပါတယ်။ ကိုယ့်ရဲ့ "အချစ်"၊ "ပျော်ရွှင်မှု"၊ "ဖန်တီးမှု" နေရာတွေကို စွမ်းအင်တွေ၊ ဖြတ်လက်တက်ကြွမှုတွေ စီးကူးဝင်ရောက်လာပြီ။ ကိုယ်က ဒီလရဲ့အပျော်ဆုံးလူ ဖြစ်လာနိုင်တယ်။ အချစ်သစ် တွေ့တာ၊ ကိုယ့်ရဲ့ ဖန်တီးမှုတွေ အောင်မြင်တာမျိုးတွေ ကြုံရပါလိမ့်မယ်။ 🔸 ဘာမှအများကြီး စဉ်းစားမနေဘဲ ကိုယ်ပျော်မယ့်အရာကို လုပ်လိုက်ပါ။

✨ Virgo Rising

အကြီးမားဆုံးလက်ဆောင်က ကိုယ့်ရဲ့ အဓိက"ဆက်ဆံရေး”တွေမှာ ပိတ်ဆို့နေတာ၊ လေးလံနေတာတွေ ပြီးဆုံးသွားတာပါပဲ။ စိတ်ရှင်းလင်းတဲ့ ဆက်ဆံရေးသစ်ကို ပြန်စနိုင်ပါတော့မယ်။ ဒီလမှာ ကိုယ့်ရဲ့အာရုံက အိမ်နဲ့ မိသားစုကို ပိုရောက်နေမယ်။ အိမ်ကို ပြင်ဆင်တာ၊ ရှင်းလင်းတာ၊ မိသားစုနဲ့ အချိန်ကုန်ဆုံးတာတွေက ကိုယ့်ကို စိတ်ကျေနပ်မှုတွေ ပေးပါလိမ့်မယ်။ စကားပြောဆိုမှုတွေကလည်း သိသိသာသာချိုမြိန်နေပါမယ်။ 🔸 ကိုယ့်ရဲ့ "အိမ်" ကို ကမ္ဘာပေါ်မှာ အငြိမ်းချမ်းဆုံး နေရာလေး ဖြစ်အောင် ဖန်တီးပါ။

✨ Libra Rising

နေ့စဉ်အလုပ်တွေမှာ အဆင်မပြေနေတာ၊ ကျန်းမာရေး တရှောင်ရှောင်နေတာတွေ ရှင်းလင်းသွားတော့မှာပါ။ Project တွေ ပြန်လည်ပတ်လာတော့မယ်။ ဒီလမှာ ကိုယ့်ရဲ့စိတ်က အရမ်းကိုတက်ကြွနေမယ်။ စကားတွေအများကြီး ပြောရမယ်၊ ခရီးတိုတွေ သွားရနိုင်တယ်၊ ပညာရပ်အသစ်တွေ လေ့လာရမယ်။ ဒါ့အပြင် ကိုယ့်ရဲ့ဝင်ငွေပိုင်းမှာလည်း အားရစရာ တိုးတက်မှုတွေမြင်ရနိုင်ပါတယ်။ 🔸 ကိုယ်ပြောချင်တာတွေကို ရဲရဲဝံ့ဝံ့ ပြောပါ။ ကိုယ့်စကားတွေ အောင်မြင်တဲ့လပါ။

✨ Scorpio Rising

ရှေ့လတွေမှာ ပျော်ဖို့ခက်ခဲနေတာ၊ အချစ်ရေး ပိတ်ဆို့နေခဲ့တာတွေ လွတ်မြောက်သွားဖို့ရှိနေပြီ။ အခုက ကိုယ့်ရဲ့ "ဝင်ငွေ”ပိုင်းကိုလည်း အားသစ်တွေဝင်လာပြီ။ ပိုက်ဆံရှာဖို့ လမ်းကြောင်းသစ်တွေ၊ စိတ်အားထက်သန်မှု အသစ်တွေ တွေ့လာမယ်။ အရေးအကြီးဆုံးက၊ ဒီလမှာ ကိုယ်တိုင်က အရမ်းကိုဆွဲဆောင်မှုရှိနေပြီး တောက်ပနေမယ့် အချိန်ပါ။ 🔸 ကိုယ့်ကိုယ်ကိုယ် ကြင်နာဂရုစိုက်ပါ။ ကိုယ့်ရဲ့တန်ဖိုးကို သစ္စာစောင့်သိလေ၊ ကံကောင်းခြင်းတွေက ပိုဝင်လာလေပါပဲ။

✨ Sagittarius Rising

အိမ်တွင်းရေး၊ မိသားစုနဲ့ဆိုင်တဲ့ စိတ်လေးလံမှုတွေ ပြီးဆုံးသွားပါပြီ။ ကိုယ်က ဒီလရဲ့ "Main Character" ပါပဲ။ စိတ်သွားတိုင်းမပါနေတဲ့ကာလတွေ လွန်သွားတော့မှာပါ။ ကိုယ်ဖြစ်ချင်တာကို စလုပ်ဖို့ အကောင်းဆုံး အချိန်အခါတွေ၊ အခွင့်အရေးတွေ တိုက်တိုက်ဆိုင်ဆိုင် ရောက်လာပါတော့မယ်။ လူတိုင်းက ကိုယ့်ကိုပဲ ငေးကြည့်နေပါလိမ့်မယ်။ 🔸 နောက်မဆုတ်ပါနဲ့။ ကိုယ်ဖြစ်ချင်တဲ့ “ဖြစ်တည်မှု”အသစ်ကို ဒီလမှာ စတင်ပါ။

✨ Capricorn Rising

ကိုယ့်ရဲ့ စကားလုံးတွေ၊ အတွေးအခေါ်တွေ ပိတ်ဆို့နေခဲ့တာ ရှင်းလင်းသွားတော့မယ်။ ကိုယ့်စကားတွေ ပြန်ပြီး အရာထင်လာမယ်။ မရောင်ရာဆီလူးမနေတော့ပဲ တကယ်ဖြစ်သင့်တာတစ်ခုကို Focus ထားနိုင်လာမယ်။ ဒီလကုန်မှာ Ellie မြင်မိတဲ့ အကောင်းဆုံးလက်ဆောင်က “အားပြည့်ဝခြင်း” ပါ။ နိုဝင်ဘာမှာ ကိုယ့်စိတ်ကို "Recharge" ပြန်လုပ်ဖို့၊ ဘာသာရေးပြန်လုပ်ဖို့၊ တရားထိုင်ဖို့ ဒါတွေအတွက်အချိန်ပေးပါ။ မတွေ့တာကြာတဲ့သူတွေနဲ့လည်း ပြန်ဆုံရမယ်။ သူတို့နဲ့တွေ့ဆုံခြင်းကလည်း ကိုယ့်ကိုပျော်ရွှင်မှုတွေ ယူဆောင်လာပါလိမ့်မယ်။ 🔸 အလုပ်တွေလည်းကြိုးစားပါ၊ အနားယူချိန် Relax လုပ်ချိန်မှာလည်း အပြစ်ရှိသလိုမခံစားပါနဲ့။

✨ Aquarius Rising

သတင်းကောင်းက ကိုယ့်ရဲ့ "ငွေရေးကြေးရေး”မှာ ပိတ်ဆို့နေတာတွေ လွတ်မြောက်သွားတာပါပဲ။ ပိုက်ဆံကိစ္စတွေ ပြန်ရှင်းလင်းလာမယ်။ ဒါ့အပြင် Ellie မြင်မိတာက ကိုယ့်ရဲ့အလုပ်အကိုင် နေရာမှာလည်း ပိုပြီးတောက်ပနေတယ်။ အထက်လူကြီးတွေက ကိုယ့်ကို အသိအမှတ်ပြုလာမယ်။ နောက်ပြီးတော့ သူငယ်ချင်းတွေ၊ အသိုင်းအဝိုင်းသစ်တွေနဲ့ တွေ့ဆုံရပြီး ပျော်ရမယ့်လပါပဲ။ 🔸 လူတွေနဲ့ တွေ့ဆုံပါ။ ကိုယ့်ရဲ့ အခွင့်အလမ်းက လူတွေဆီကနေ လာပါလိမ့်မယ်။

✨ Pisces Rising

လပေါင်းများစွာ ကိုယ့်ကိုယ်ကိုယ် ပိတ်ဆို့ထားတာ၊ တာဝန်တွေ ပိနေခဲ့တာတွေ လုံးဝ လွတ်မြောက်သွားပါတော့မယ်။ ကိုယ်က အများကြီး ပေါ့ပါးသွားမယ်။ ဒီလရဲ့ အကြီးမားဆုံး ကံကောင်းတာက ကိုယ့်ရဲ့ "Career"က အတောက်ပဆုံး ဖြစ်နေတာပါ။ အလုပ်သစ်၊ Project သစ်၊ အောင်မြင်မှုသစ်တွေက ကိုယ့်ကို လူအများရှေ့မှာ တောက်ပစေဖို့ စောင့်လို့နေပါတယ်။ 🔸 ပစ်ထားမိတာတွေ ပြန်စကြည့်ပါ၊ ကိုယ့်ရဲ့ Career ကို အရှိန်အမြင့်ဆုံး တင်လိုက်ပါ။

ကဲ.. ကိုယ့် Rising sign ကို Comment မှာ ချရေးပြီး နိုဝင်ဘာရဲ့ကံကောင်းခြင်းတွေ လက်ခံယူလိုက်ပါတော့ 💚🌙

01/11/2025

ညဉ့်နက် အမှောင်ဆုံးအချိန်ကို ဖြတ်သန်းနေချိန်မှာတောင်၊ အရှေ့ဘက်မိုးကုပ်စက်ဝိုင်းဆီက အလင်းရောင်သဲ့သဲ့လေးကို ကျွန်မတို့ မျှော်လင့်တက်ကြတယ်။

မျှော်လင့်ချက်ဆိုတာ အဲ့ဒီလိုပါပဲ 🍃

တစ်ခါတလေ ကိုယ့်ရဲ့ဘဝမှာ အရာအားလုံးကအဆင်မပြေ၊ လမ်းတွေက ပိတ်ဆို့နေသလို ခံစားရတဲ့အခါ၊ ကိုယ့်ရဲ့စိတ်ကလည်း ညဉ့်နက်တစ်ခုထဲမှာ ပိတ်မိနေသလို ဖြစ်နေတတ်တယ်။ အရာအားလုံးက ဝေဝါးပြီး အဓိပ္ပာယ်မဲ့နေသလိုပေါ့။

ဒါပေမဲ့ သတိထားကြည့်လိုက်ပါ။ အမှောင်ထဲမှာတောင် ကိုယ့်ရင်ထဲမှာ နွေးထွေးမှု သေးသေးလေးတစ်ခု ရှိနေသေးတယ်။ အဲ့ဒါ မျှော်လင့်ချက်ပဲ 🍃

သူက နေမင်းကြီးလို ချက်ချင်း ထိန်လင်းတောက်ပနေတာမျိုး မဟုတ်ဘူး။ သူက မီးအိမ်လေးတစ်ခုလို၊ ဒါမှမဟုတ် အရုဏ်မတက်ခင် မိုးကုပ်စက်ဝိုင်းက အလင်းရောင်မှိန်မှိန်လေးလိုပဲ။ သေးငယ်တယ်၊ ဒါပေမဲ့ သူ'ရှိနေတယ်'ဆိုတဲ့ အသိက ကိုယ့်ကို အားအင်ဖြစ်စေတယ်။

မျှော်လင့်ချက်ဆိုတာ "မနက်ဖြန် အရာအားလုံး အကောင်းဆုံး ဖြစ်သွားမယ်" လို့ မျက်စိစုံမှိတ်ယုံကြည်ခိုင်းတာမျိုး မဟုတ်ပါဘူး။

"ဒီနေ့ ဘယ်လောက်ပဲ ခက်ခဲနေပါစေ၊ ကိုယ် ဒီအခြေအနေကို ဖြတ်ကျော်နိုင်ဦးမှာပါ" ဆိုတဲ့ တိုးတိုးလေးပြောနေတဲ့ အတွင်းစိတ်ရဲ့ အသံတစ်ခုပါ 🍃

ကိုယ့်ရဲ့စိတ်ကို အဲ့ဒီ အလင်းရောင်သေးသေးလေးဆီမှာပဲ အာရုံစိုက်ထားကြည့်ပါ။ သူ့ကို ပျောက်ကွယ်မသွားအောင်၊ လေပြင်းတွေကြားထဲမှာ မငြိမ်းသွားအောင် ထိန်းသိမ်းထားပါ။ ဒီသေးငယ်တဲ့ မျှော်လင့်ချက်ကပဲ ကိုယ့်ကို နောက်တစ်လှမ်း လှမ်းနိုင်ဖို့၊ နောက်တစ်ရက်ကို ရင်ဆိုင်နိုင်ဖို့ တွန်းအားပေးလိမ့်မယ်။

အမှောင်ဆုံးညတွေက အမြဲတမ်း အရုဏ်ဦးကို မွေးဖွားပေးတယ် မဟုတ်လား။ ကိုယ့်ရဲ့ Positive Energy လေးကို စုစည်းပါ၊ အဲ့ဒီအလင်းစကိုပဲ ဆုပ်ကိုင်ထားလိုက်ပါ။

ကိုယ့်ရဲ့ နှလုံးသားထဲက မီးပွားလေးကို မငြိမ်းအောင်ထိန်းထားသမျှ၊ အလင်းရောင်က ကိုယ့်ဆီကို အမြဲတမ်း လမ်းပြန်ရှာတွေ့မှာပါ ✨

Hello, November 🍃 စိတ်ရဲ့အငြိမ်းဓာတ်တွေ၊ လောကရဲ့အချိုမြိန်ဆုံးသောအရာတွေ ယူလာခဲ့ပေးပါ

31/10/2025

November ငွေကြေးကံအတွက် Ellie သဘောအကျမိဆုံး
Top 5 Rising Signs 💚

26/10/2025

ကျွန်မတို့ရွေးချယ်သောအရာတွေကို အပိုင်စားရပါတယ် 🌱

တချို့အရာတွေမရလာသေးဘူးဆိုတာ လုံလောက်တဲ့စိတ်ပြင်းပြမှု အားထုတ်မှုတွေနဲ့မရွေးချယ်သေးတာကြောင့် အများကြီးဖြစ်နိုင်ပါတယ်။

ဆုံချင်ရင်တွေ့အောင်ရှာပါတယ်။ ရောက်လာနိုးနိုးအမြဲဖြစ်နေတာက သူအပြည့်အဝရောက်မလာချင်လို့ပါ။

ကျွန်မတို့ကိုမရွေးချယ်တဲ့သူတွေကို ဆက်စောင့်မနေတော့တာ၊ ကျွန်မတို့ကိုမရွေးချယ်ပဲနဲ့ အပိုင်စားရလိုတဲ့သူကို တန်ရာလမ်းကိုပေးသွားလိုက်တာ၊ ဒါတွေအားလုံးက Self-respect ဖြစ်ပါတယ် 🌙

လျှောက်လမ်းမှာသူတို့ပိတ်မနေတဲ့အခါ ပိုပြီးအသက်ရှူရလွယ်ကူပါတယ်။ ပိုပြီးလည်းစိတ်သန့်ရှင်းတယ်။

စိတ်နှင့်တွယ်ထားသောအဆိပ်တွေကို
စိတ်နှင့်ဖယ်ရှားခြင်းဖြင့်ကုသပျောက်ကင်းနိုင်ဖို့ ဆုတောင်းမေတ္တာပို့သပါတယ် 💚

26/10/2025

🎃 Pick a Pile: What Power Awakens Within You This Halloween

လောကတွေကြားကအလွှာတွေ ပိုပါးလွှာလာတယ်။ အိုဟောင်းပြီး.. ရှေးကျတဲ့စွမ်းအင်တခု အရေပြားအောက်ကနေရုန်းထလာတယ်။ မကြာခင်ရောက်လာတော့မယ့် Halloween မှာ ဘယ်လိုစွမ်းအင်တွေများ အပိုင်စားရမှာလဲ?

မျက်စိကိုမှိတ်လိုက်ပါ
အသက်ပြင်းပြင်းရှူလိုက်ပါ..

🐈‍⬛ Shadow Tamer
🔥 Ember Witch
🌙 Moonkeeper
🐍 Serpent Witch

ဘယ်အရာကကိုယ့်ကို Calling ဖြစ်နေသလဲ 🎃 ကိုယ့်ရဲ့ Spirit ဟာ ဘယ်လမ်းကိုလျှောက်ရမယ်သူသိပြီးသား၊ ဒီခရီးကိုအထောက်အကူရဖို့လမ်းပြမြေပုံတခု Ellie ရဲ့ Halloween special pick-a-pile ကတဆင့် ရှာဖွေလိုက်ရအောင် 🎃 Scorpio season special, Halloween theme လေးလုပ်ပေးထားပါတယ်

25/10/2025

🌝

ELLIE

07/12/2025

06/12/2025

29/11/2025

26/11/2025

04/11/2025

04/11/2025

02/11/2025

01/11/2025

31/10/2025

26/10/2025

26/10/2025

25/10/2025

ที่อยู่

เวลาทำการ

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท

จันทร์	09:00 - 21:00
อังคาร	09:00 - 21:00
พุธ	09:00 - 21:00
พฤหัสบดี	09:00 - 21:00
ศุกร์	09:00 - 21:00
เสาร์	09:00 - 21:00
อาทิตย์	09:00 - 21:00