เว็บไซต์คืออะไร?

https://www.facebook.com/384365225043049/

သုညတ, Chiang Mai (2025)

06/07/2025

စည်းကမ်းဆိုတာ အမှန်တရား မဟုတ်ဘူး။ အယူအဆတစ်ခုပဲ။ Society တစ်ခုမှာ လိုအပ်လို့ ဥပဒေ
ဆိုတာ လုပ်ကြတာ။ ဥပဒေဆိုတာ အမှန်တရားမဟုတ်ဘူး။ အမှန်တရား မဟုတ်သည့်အတွက်ကြောင့်
ဥပဒေကို အခါအားလျော်စွာ ပယ်ဖျက်ကြတယ်။ ပြင်ကြတယ်။ ဥပဒေဆိုတာ ပြင်လို့ရတယ်။ ပယ်ဖျက်လို့ရတယ်။ အမှန်တရားဆိုတာ ပြင်လို့မရဘူး။ ပယ်ဖျက်လို့မရဘူး။

#ဒေါက်တာအရှင်နန္ဒမာလာဘိဝံသဆရာတော်ဘုရားကြီး #ဒေါက်တာအရှင်နန္ဒမာလာဘိဝံသဆရာတော်ဘုရားကြီး #ဓမ္မဒါန #သုညတ

05/07/2025

အိမ်ထောင်ထဲမှာ နေတတ်ထိုင်တတ်ဖို့ 🙏🏼🙏🏼🙏🏼

03/07/2025

ကိုယ်စိတ်နှစ်ဖြာ ကျန်းမာချမ်းသာကြပါစေ 🙏🏼🙏🏼🙏🏼

02/07/2025

အရာခပ်သိမ်း ဘာပဲလုပ်လုပ် စိတ်ကောင်း
နဲ့လုပ်မှ လုပ်ဆောင်ချက်တွေက မှန်ကန်မှု
ရှိမယ်။ စိတ်နဲ့ ရှေးဦးစွာ စဉ်းစားတွေးခေါ်
ကြံစည်ပြီးမှ နှုတ်ကလည်း ထုတ်ပြောတယ်။
ကိုယ်ထိလက်ရောက်လည်း လုပ်ကြတယ်။
စိတ်ကောင်းမရှိဘူးဆိုရင် ပြောသမျှစကား
အမှား၊ လုပ်သမျှအလုပ် အမှား ဖြစ်မှာပဲ။
#ဒေါက်တာအရှင်နန္ဒမာလာဘိဝံသဆရာတော်ဘုရားကြီး #သုညတ #ဓမ္မဒါန

29/06/2025

“ကမ္မဋ္ဌာန်းအလုပ်အားထုတ်တဲ့ ပုဂ္ဂိုလ်တွေ အောင်မြင်မှုရဖို့အတွက် ပဓာနိယင်္ဂ တရားငါးပါး နဲ့ ပြည့်စုံရင် (၁) ရက်နဲ့ တရားထူးရတယ်”

#ဒေါက်တာအရှင်နန္ဒမာလာဘိဝံသဆရာတော်ဘုရားကြီး #သုညတ #ဓမ္မဒါန

28/06/2025

ဗုဒ္ဓဘာသာဝင်သူတော်စင်တွေအနေနဲ့ ဘုရားဆိုတဲ့ပုဂ္ဂိုလ်ဟာ အလွန်ကိုတန်ခိုးကြီးတဲ့ ပုဂ္ဂိုလ်ဖြစ်လို့ အခက်အခဲမှန်သမျှ တန်ခိုးနဲ့ပဲ ကျော်လွှားလိမ့်မယ်လို့ ထင်ကောင်း ထင်ကြလိမ့်မယ်။ ဒီလို မဟုတ်ဘူး။
ဘုန်းကြီးတို့တတွေထက် ပိုပြီးပြင်းထန်တဲ့ လောကဓံမုန်တိုင်းတွေကို မြတ်စွာဘုရား တွေ့ကြုံရတယ်။ လောကဓံ
မုန်တိုင်းနဲ့ တွေ့ကြုံသော်လည်း မြတ်စွာဘုရားရဲ့ စိတ်ဓာတ်ကြံ့ခိုင်မှုကတော့ အံ့ဩလောက်ပါပေတယ်။
ဒါတွေကို အတုယူ အားကျကြည်ညိုပြီး ဗုဒ္ဓဘာသာဝင်သူတော်စင်တွေဟာ သည်းခံနိုင်တဲ့စွမ်းအားတွေ၊
ကြိုးပမ်းအားထုတ်မှု လုံ့လစွမ်းအားတွေ၊ ပညာစွမ်းတွေ ရရှိအောင် ကြိုးပမ်းအားထုတ်ကြရမယ်ဆိုတာ သိရှိ
နားလည်ကြဖို့ပဲ။

မိမိတို့ကိုယ်တိုင် ကြီးမားတဲ့ ဆန္ဒထားဖို့ လိုအပ်တယ်။ ဆန္ဒရှိသလောက် မိမိတို့ကိုယ်တိုင် ကြိုးပမ်းအားထုတ်မှုလဲ လိုအပ်တယ်။ ကြိုးပမ်းအားထုတ်တဲ့အခါမှာ စိတ်ပျက်စရာအခက်အခဲတွေ မကြုံ မဟုတ်ဘူး။ ကြုံလာမယ်။ ကြုံလာတဲ့အခါမှာ စိတ်ဓာတ်ကြံ့ခိုင်မှုဆိုတာ အရေးကြီးတယ်။ စိတ်ဓာတ်ကြံ့ခိုင်မှု အရေးကြီးသလို ဘယ်လိုနည်းနဲ့လုပ်ရင် အောင်မြင်နိုင်တယ်။ အခက်အခဲတွေကို ဘယ်လိုနည်းနဲ့ ကျော်လွှားနိုင်တယ်ဆိုတဲ့ အမြော်အမြင် ဉာဏ်ပညာဆိုတာလဲ အရေးကြီးတယ်။ means of ဣဒ္ဓိပါဒ၊ ဣဒ္ဓိဆိုတာ အောင်မြင်ခြင်းရဲ့၊ ပါဒ - အကြောင်းတရား။ (အင်္ဂလိပ်လို accomplishment) အောင်မြင်မှုရဲ့နည်းလမ်းတွေဆိုတာ ဘယ်မှာရှာရမလဲလို့ဆိုရင် ကိုယ့်ရင်ထဲမှာပဲ ရှာရမယ်။ ဒါက မှန်ကန်တဲ့လမ်းကြောင်းပဲ။ အပြင်သွားရှာနေလို့တော့ ဘာမှတွေ့မှာ မဟုတ်ဘူးနော်။ တစ်ဖက်သားကို အားကိုးနေလို့လဲ ဖြစ်နိုင်တာ ရှိသလို မဖြစ်နိုင်တာတွေက အများကြီးရှိတယ်။

မြတ်စွာဘုရားကဣဒ္ဓိပါဒဆိုတဲ့ စွမ်းရည်သတ္တိလေးမျိုးကိုပဲ ပဋ္ဌာန်း ၂၄-ပစ္စည်းမှာ “အဓိပတိပစ္စယော” လို့ ဟောတာပဲ။ အဓိပတိဆိုတာ မိမိရဲ့စိတ်ကို လွှမ်းမိုးကြီးစိုးထားမဲ့ အရာတွေဖြစ်တယ်။ ဘာတွေလွှမ်းမိုးကြီးစိုးထားရမလဲဆိုရင် ဖြစ်ချင်တဲ့ဆန္ဒက လွှမ်းမိုး ကြီးစိုးနေဖို့ လိုတယ်။ လောကလူတွေဟာ ဘဝကို အရှုံးပေးပြီး အေးအေးနေလို့ရှိရင်တော့ တစ်သက်လုံး အရှုံးပဲတွေ့မှာပဲနော်။ ဒါကြောင့်မို့လို့ ဘဝကို အရှုံးမပေးလိုတဲ့၊ အောင်မြင်ကြီးပွားလိုတဲ့၊ အထွတ်အထိပ်ရောက်လိုတဲ့ ဆန္ဒဆိုတာ ရှိကို ရှိရမယ်။

“ဆန္ဒဆိုတာလောကမှာ မဖြစ်နိုင်တာကို ဖြစ်အောင်လုပ်တယ်”။ ကြည့်လေ။ ဂေါတမမြတ်စွာဘုရားဟာ လေးအသင်္ချေနဲ့ ကမ္ဘာတစ်သိန်း မတိုင်မီ သုမေဓာရသေ့ဖြစ်ခဲ့တယ်။ သုမေဓာရသေ့ဘဝမှာ ကြီးမားတဲ့ဆန္ဒကြောင့် သူ့ ရှိတဲ့စည်းစိမ်ဥစ္စာတွေ အကုန်စွန့်လွှတ်နိုင်တယ်။

ဒီတော့ ဗုဒ္ဓဘာသာဝင်တွေက ယုံတယ်လို့ဆိုတာ အသိဉာဏ်ကို ယုံတာ။ အသိဉာဏ် ယုံသည့်အတွက်ကြောင့် ဘုရားရဲ့ အဆုံးအမကို လက်ခံတာ။ လက်ခံပြီးရင် ကိုယ်တိုင် လိုက်နာကျင့်သုံးရမယ်။ လိုက်နာကျင့်သုံးနိုင်မှ အကျိုးဆိုတာ ဖြစ်တယ်။ ရောဂါဖြစ်လို့ ဆရာဝန်ကို ယုံတယ်။ ယုံရင် ဆရာဝန်ပေးတဲ့ဆေး သောက်မှာပေါ့။ မယုံဘူးဆိုရင် မသောက်ဘူး။ ဒီဆေးရောဂါ ပျောက်မယ်လို့ မယုံဘူးဆို ဘယ်သူမှမသောက်ဘူး။ ဆေးမသောက်ရင် ရောဂါပျောက်လား။ မပျောက်ဘူး။ ရောဂါပျောက်ဖို့ ဆရာဝန်ကကုတာ မဟုတ်ဘူး။ ဆေးက ကုတာ။ ဆေးမသောက်ရင် ရောဂါဘယ်ပျောက်မှာတုံး။

မြတ်စွာဘုရားက တရားပဲဟော၊ ဆရာဝန်က ဆေးပဲပေးတာ။ ဒီတရားကို လိုက်နာကျင့်သုံးမှု မပြုဘူးဆိုလို့ရှိရင် ဘယ်သူ တရားထူးတရားမြတ် ရမလဲ။ မရနိုင်ဘူး။ ဒါကြောင့်မို့ မြတ်စွာဘုရားက တရားထူးတရားမြတ် ရချင်ရင် ဘုရားရဲ့ အသိဉာဏ်ကို ယုံကြည်ရမယ်။ ယုံကြည်မှ မဂ္ဂင် ၈-ပါးကို ကျင့်မှာ။ နို့မိုဆို မကျင့်ဘူး။ ယုံမှ မယုံတာ။ နိဗ္ဗာန်ရှိတယ်ဆိုတာလဲ မယုံဘူး။ သံသရာဝဋ်က လွတ်နိုင်တယ်ဆိုတာလဲ
မယုံဘူး။ မယုံရင် မကျင့်ဘူး။

ယုံတော့ ယုံကြည်ပါရဲ့ လူက ကျန်းမာရေး မကောင်းဘူး။ ကျန်းမာရေး မကောင်းရင် ဘာမှလုပ်လို့ မရဘူး။ အလွယ်လေးနဲ့ တရားထူးတရားမြတ်ဆိုတာ ရတာမဟုတ်ဘူး။ ဒါကြောင့်မို့ ယုံကြည်ပြီးတဲ့နောက်တရားအားထုတ်နိုင်လောက်အောင် ကျန်းမာရေး ကောင်းရမယ်။ ယုံလည်း ယုံကြည်တယ်။ ကျန်းမာရေးလည်း ကောင်းတယ်။ ဒါပေမဲ့ လူက ရိုးသားမှု
မရှိဘူး။ တရားထူးတရားမြတ် မရဘဲ ကြွားချင်လို့ ရတယ်လို့ ပြောချင်ပြောမယ်။ ကိုယ့်အဖြစ်မှန်ကို အမှန်အတိုင်းတင်ပြမှု မပြုဘူး။ စိတ်ထဲမှာသိနေတာ တစ်မျိုး၊ ပြောတာ တစ်မျိုး။ ဒါမျိုးတွေလဲ လုပ်တတ်တာရှိတာကိုး။ ဒါကြောင်မို့ ရိုးသားဖြောင့်မတ်ရမယ်။

ကြိုးစားအားထုတ်ရမယ်။ ကိုယ့်သန္တာန်မှာ အကုသိုလ်တွေမဖြစ်အောင် ကြိုးစားရမယ်။ စိတ်ထဲမှာအကုသိုလ်ဖြစ်မလာအောင် ကြိုးစားအားထုတ်ရတယ်။ ကုသိုလ်တရားတွေ ဖြစ်လာအောင်၊ တိုးပွားအောင် ကြိုးစားအားထုတ်ရတယ်။ အဲဒီကြိုးစားမှု နှစ်ရပ်။ တစ်နည်းအားဖြင့် မဖြစ်သေးတဲ့ အကုသိုလ်တွေ မဖြစ်ရအောင် ဆို့ပိတ်ခြင်းဆိုတဲ့ ကြိုးစားမှု၊ ဖြစ်လာတဲ့ အကုသိုလ်တရားတွေကို တွန်းလှန်ဖယ်ရှားပစ်ခြင်းဆိုတဲ့
ကြိုးစားမှု၊ မဖြစ်သေးတဲ့ ကုသိုလ်တရားတွေ ဖြစ်လာအောင် ကြိုးစားမှု၊ ဖြစ်ပြီးသား ကုသိုလ်တရားတွေ တိုးပွားလာအောင် ကြိုးစားမှုဆိုတဲ့ သမ္မပ္ပဓာန်တရားလေးပါး၊ မဂ္ဂင် ၈-ပါးထဲမှာ သမ္မာဝါယာမ လို့ခေါ်တယ်။ အဲဒီ ကြိုးစားအားထုတ်မှုနဲ့ ပြည့်စုံရမယ်။

ဒါတင်လုံလောက်ပြီလားဆို မလုံလောက်သေးဘူး။ ပညာဆိုတာ ရှိဖို့လိုသေးတယ်။ ပညာမှမရှိရင် သဘာဝတရားတွေရဲ့ nature ကို မသိနိုင်ဘူး။ အမှန်တရားကို မသိနိုင်ဘူး။ ဒါကြောင့်မို့ အသိပညာဆိုတာ ရှိရမယ်။ ဒီငါးချက်ကို ပဓာနိယင်္ဂ တရားငါးပါးလို့ ခေါ်တယ်။ ကမ္မဋ္ဌာန်းအလုပ်အားထုတ်တဲ့ ပုဂ္ဂိုလ်တွေ အောင်မြင်မှုရဖို့အတွက် ဒီအင်္ဂါ ၅-ချက် ရှိရမယ်။ အဲဒီငါးချက်နဲ့ပြည့်စုံမှ အောင်မြင်မှုဆိုတာ ရတယ်။ မှန်တယ်လေ။ အလုပ်တစ်ခုလျှောက်တာတောင် အရည်အချင်း အရင်ဖော်ပြရတယ် မဟုတ်လား။ အရည်အချင်းမရှိ ဘယ်ရမလဲ။ အရည်အချင်းဆိုတာ ရှိရမယ်။ ဒီလိုအရည်အချင်းတွေနဲ့ ပြည့်စုံပြီဆိုလို့ရှိရင်တဲ့ မနက်ပိုင်းမှာ သွန်သင်ဆုံးမ လမ်းပြလိုက်တာနဲ့ ညနေကျတော့ တရားထူးတရားမြတ် ရသွားတယ်။ ညနေပိုင်းမှာ သွန်သင်ပြသ ဆုံးမလိုက်တာနဲ့ နံနက်ပိုင်းမှာ
တရားထူးရသွားပြီဆိုတဲ့ အကျိုးကျေးဇူးတွေကို ရနိုင်တယ်လို့ အဲဒီလို မြတ်စွာဘုရားက မိန့်တော်မူတယ်။

‌ #ဒေါက်တာအရှင်နန္ဒမာလာဘိဝံသဆရာတော်ဘုရားကြီး
#သုညတ
( လောကသားတို့အတွက် မြတ်ဗုဒ္ဓ၏ ကြိုးပမ်းချက်များ အပိုင်း (၁)၊ အခန်း (၁၄) မှ ကောက်နုတ်ချက်များ ဖြစ်ပါတယ်။ )

25/06/2025

လိုချင်သလောက် မရပေမယ့် လုပ်သလောက်တော့
မှာပဲ ဆိုတာ သိထားရမယ်။

ကိုယ်က မနေ့ တစ်နေ့ကမှ အားထုတ်ပြီး ရဟန္တာဖြစ်ချင်
နေလို့ ဘယ်ရမလဲ။ တစ်ခါမှ အားမထုတ်တဲ့သူတွေထက်စာရင်တော့ ကိုယ်က ပိုရတာပေါ့ဗျာ။

တချို့ကအားတော့ထုတ်တယ်၊ အပေါ်ယံနည်းနည်းပါးပါးလေးအားထုတ်ပြီး နားပြန်ပြီ။ သေသေချာချာ ထိထိ
မိမိ အားမထုတ်တော့ မဂ်ဉာဏ် ဖိုလ်ဉာဏ်က မရဘူး။ တရားက ကိုယ်လုပ်မှကိုယ်ရတာ။

ဝေယျာဝစ္စအလုပ်ပဲဖြစ်ဖြစ်၊ စာကျက်တဲ့အလုပ်ပဲဖြစ်ဖြစ် စီးပွားရှာတဲ့အလုပ်ပဲဖြစ်ဖြစ် ကိုယ်လုပ်မှကိုယ်ရတာ။ မလုပ်ဘဲနဲ့ အချိန်ဖြုန်းတဲ့ပုဂ္ဂိုလ်ကတော့ တရားလည်းမရ၊ ကုသိုလ်လည်းမရ၊ ပညာလည်းမရ၊ ဥစ္စာလည်းမရ၊ ဘာမှမရဘူး။

အလကားနေရင်း ရတာကတော့ ပျင်းတဲ့ရောဂါနဲ့ ကိလေသာပဲရမှာ။

မြစိမ်းတောင်ဆရာတော်ဘုရားကြီး အရှင်ဇာနေယျ

#သုညတ

20/06/2025

မသေခင်မှာ ……
မေတ္တာနဲ့ ဂရုဏာနဲ့ သင့်သင့်မြတ်မြတ်နေကြပါ။
မေတ္တာနဲ့ နေတဲ့သူဟာ ……
ကိုယ်လည်းအေး၊ သူများလည်း အေးပါပဲ။

17/06/2025

တရားဆိုတာ အမှန်ကိုသိတာ၊ အဲ့ဒီအမှန်တွေက ဘာတွေလဲဆိုတာ ဘုန်းဘုန်း အကျဉ်းချုံ့ပြီး ပြောပြမယ်၊ သစ္စာရွှေစည်ဆရာတော် အရှင်ဥတ္တမ။

#သစ္စာရွှေစည်ဆရာတော် #ဓမ္မဒါန #သုညတ

16/06/2025

တန်ဖိုးရှိတာကို တန်ဖိုးရှိမှန်း သိမှ အဲ့ဒီအရာကို တန်ဖိုးထားတတ်မယ်။သစ္စာရွှေစည်ဆရာတော်၊ အရှင်ဥတ္တမ။

#သစ္စာရွှေစည်ဆရာတော် #သုညတ #ဓမ္မဒါန

15/06/2025

လူချမ်းသာ နတ်ချမ်းသာ ဗြဟ္မာချမ်းသာ
ရလျှင်လည်း ဘဝရနေတာမို့ အို နာ သေ က မလွတ်ဘူး။

#ဒေါက်တာနန္ဒမာလာဘိဝံသဆရာတော်ဘုရားကြီး #သုညတ

13/06/2025

ဘုရားရိပ် တရားရိပ် သံဃာ့ရိပ် ဟာ အအေးချမ်းဆုံးပါတဲ့။

ဒီလိုပြောလို့ ဘုရားပေါ်မှာ တရားရိပ်သာမှာ ဘုန်းကြီးကျောင်းမှာ ဒီလို သွားနေမှ အေးချမ်းတာကို ပြောတာ မဟုတ်ပါဘူး။

သွားနေနိုင်ရင်တော့ အကောင်းဆုံးပေါ့။

ဒါပေမဲ့ လူထဲက လူတွေမို့ အမြဲတမ်း မသွားနိုင် မနေနိုင်တာ သဘာဝပါ။

ဒါပေမဲ့ လူကမရောက်ပေမယ့် စိတ်ကတော့ ရောက်ဖို့လိုပါတယ်။

မိမိစိတ်က အားနေတိုင်း ဘုရားဂုဏ်တော်လေး ပွားနေမယ် ၊ ဘုရားရှင်ရဲ့ ဂုဏ်ကျေးဇူးလေး အောက်မေ့နေမယ် ဆိုရင် ဒါဟာ ဘုရားရိပ်မှာ နေနေတာပါပဲ။

ဒီလိုမှ မဟုတ် နှာသီးဝက ဝင်လေ ထွက်လေ လေးကိုရှု၊ ထိုင်တယ် ထတယ် စသဖြင့် သတိပဋ္ဌာန် အမှတ်လေးနဲ့ ဖြစ်စေ၊ မြင် ကြား နံ စား ထိသိ တွေးတော စတဲ့ စိတ်တွေ ပေါ်တိုင်း သိပေး ရှုပေးနေရင် ဖြစ်စေ၊ ဒါဟာ တရားရိပ်မှာ နေနေတာပါပဲ။

ဒီလိုမှ မဟုတ် ၊ မိမိရဲ့ ကိုယ်ပိုင်အချိန်လေးမှာ ရုပ်ရှင်ကြည့်မယ့် အစား ဆရာတော်ကြီးများ ဟောကြားတဲ့ တရားတော်တွေကို နာယူနေတာ၊ တရားတော် စာအုပ်တွေကို ဖတ်ရှုနာကြားနေတာ စသဖြင့် ဒါတွေဟာ သံဃာ့ရိပ်မှာ နေနေတာပါပဲ။

ဒီတော့ ဒီ ဘုရားရိပ် တရားရိပ် သံဃာ့ရိပ်ကလေးတွေမှာ နေတဲ့အချိန်တိုင်းမှာ အခြားတစ်ပါးသော ကာမဂုဏ်နဲ့ စပ်ယှဉ်တဲ့ လိုချင်မှုတွေ၊
ကြံစည်မှုတွေ ၊ မရလို့ ဖြစ်ရတဲ့ ဒေါသ သောက စတဲ့ ပူလောင်မှုတွေ အကုန်လုံး
ဖြစ်ပေါ်မှုတောင် မရပဲ ချုပ်ငြိမ်းနေတော့ အေးချမ်းနေတော့တာပေါ့။

မေတ္တာဖြင့်
#သုညတ

သုညတ

06/07/2025

05/07/2025

03/07/2025

02/07/2025

29/06/2025

28/06/2025

25/06/2025

20/06/2025

17/06/2025

16/06/2025

15/06/2025

13/06/2025

ที่อยู่

เว็บไซต์

แจ้งเตือน

ทางลัด

แชร์

ประเภท