เว็บไซต์คืออะไร?

https://www.facebook.com/641373172397310/

Burma Briefing, Chiang Mai (2026)

08/07/2025

မြွေကိုက်ခံရတဲ့ လူနာကို ဒေသအခေါ် တိမ်ကြာပင်လို့ခေါ်တဲ့ အပင်ရဲ့ အမြစ် ၁၀ ဥလောက် စားစေရုံနဲ့ အဆိပ်ဖြေနိုင်တယ်၊ မြွေပွေးအဆိပ် အထူးအာမခံတယ်ဆိုပြီး ဆိုရှယ်မီဒီယာပေါ်မှာ ပြောဆိုဖြန့်ဝေနေပါတယ်။
မြွေဆိပ်ဖြေဆေးပင်ဆိုပြီး ဖြန့်ဝေနေတဲ့ ဒီအကြောင်းအရာကို Aung Ko Oo ဆိုတဲ့ ဖေစ့်ဘွတ်အကောင့်ကနေ မေလ ၂၉ ရက်နေ့မှာ စတင်ဖြန့်ဝေခဲ့တာ ဖြစ်ပါတယ်။
ဒီဖြန့်ဝေမှုကို ပြန်လည်ဖြန့်ဝေမှုပေါင်း ၃ သောင်း ၂ ထောင်ကျော်နဲ့ ဝင်ရောက်ကြည့်ရှု့သူ ၂.၅ သန်းကျော် ရှိနေပါတယ်။
#သတင်းမှား #သတင်းတု #သတင်းစိစစ်မှု #မြွေဆိပ်ဖြေဆေးပင် #မြွေဆိပ်ဖြေဆေး #မြွေ

07/07/2025

ဘန်ကောက်မှာ ဆောက်လုပ်ရေးလုပ်ငန်းခွင် သံဖရိန်တစ်ခု ပြိုကျမှု ထိခိုက်ဒဏ်ရာရရှိ

ထိခိုက်ဒဏ်ရာ ရရှိသူတွေထဲ မြန်မာအလုပ်သမားတွေပါဝင်

Burma Briefing
ဇူလိုင်- ၇

ထိုင်းနိုင်ငံ ဘန်ကောက်မြို့၊ Soi Nimitmai ရှိ ဆောက်လုပ်ရေးလုပ်ငန်းခွင်တစ်ခုမှာ သံဖရိန်တစ်ခု ဇူလိုင် ၆ ရက်နေ့ ညပိုင်းက ပြိုကျခဲ့တဲ့အတွက် အလုပ်သမားအများအပြား ဒဏ်ရာရရှိကာ အရေးပေါ်ကယ်ဆယ်ခဲ့ရတယ်လို့ ထိုင်းသတင်းတွေမှာ ဖော်ပြပါတယ်။
ဒဏ်ရာရရှိသူတွေထဲမှာ မြန်မာ ၇ ဦး၊ ကမ္ဘောဒီးယား ၃ ဦးနဲ့ ထိုင်း ၂ ဦးပါဝင်ပြီး နီးစပ်ရာဆေးရုံတွေဆီ အမြန်ပို့ ဆောင်ပေးခဲ့ရတယ်လို့ ဆိုပါတယ်။
အလုပ်သမားတွေ ညဆိုင်းဆင်းနေတုန်း ကွန်ကရစ်လောင်းဖို့ပြင် ဆင်ထားတဲ့ သံငြမ်းစင် ပြိုကျလာခဲ့တဲ့အတွက် အလုပ်သမားတွေ အားလုံးထွက်ပြေးခဲ့ကြရတယ်လို့ သတင်းတွေမှာ ဖော်ပြပါတယ်။

Photo: Thaiger
Khaosod English

#မတော်တဆမှု #လုပ်ငန်းခွင်ပြိုကျ #လုပ်ငန်းခွင်ထိခိုက်မှု #ဘန်ကောက် #ထိုင်း

07/07/2025

မြန်မာနိုင်ငံနဲ့ နိုင်ငံအချို့မှာ ၆၃ နှစ်မြောက် ဆဲဗင်းဂျူလိုင်အထိမ်းအမှတ် လူထုလှုပ်ရှားမှုတွေ ပြုလုပ်

Burma Briefing
ဇူလိုင်- ၇

ဆဲဗင်းဂျူလိုင် ကျောင်းသားအရေးတော်ပုံဟာ ၆၃ နှစ် ပြည့်သွားပေမယ့် မြန်မာနိုင်ငံနဲ့ နိုင်ငံအချို့မှာ ဆဲဗင်းဂျူလိုင် အထိမ်းအမှတ် လူထုလှုပ်ရှားမှုတွေ ပြုလုပ်နေပါတယ်။
မကွေးတိုင်း၊ ပခုက္ကူမြို့နယ်အတွင်း တစ်နေရာမှာ ပခုက္ကူလူထုတိုက်ပွဲကော်မတီ (PPRC) နဲ့ ကျောင်းသား၊ ပြည်သူတွေ ပူးပေါင်းပြီး ၆၃ နှစ်ပြည့် ဆဲဗင်းဂျူလိုင် အထိမ်းအမှတ် ဆန္ဒပြခဲ့ကြတယ်လို့ သတင်းထုတ်ပြန်ပါတယ်။
အလားတူ တောင်ကိုရီးယားနိုင်ငံ ဘူဆန်မြို့နဲ့ ဒယ်ဂူးမြို့တွေမှာလည်း 7 July နေ့အထိန်းအမှတ်နဲ့ စစ်အာဏာသိမ်းမှု အလိုမရှိ ဆန့်ကျင်ဆန္ဒပြပွဲ ကျင်းပခဲ့ပါတယ်။
ဒီဆန္ဒပြပွဲကို မြန်မာ့ဒီမိုကရေစီအောင်နိုင်ရေးအဖွဲ့ပေါင်းချုပ် (MFDMC)၊ Busan Network နဲ့ RAM အဖွဲ့အစည်း တို့က ဦးဆောင်ကျင်းပခဲ့တာဖြစ်ပြီး မြန်မာ့နွေဦးတက်ကြွလှုပ်ရှားသူတွေသာမက ကိုရီးယားလူမျိုးတွေပါ ပူးပေါင်း ပါဝင်ခဲ့တယ်လို့ သိရပါတယ်။
ဒါ့အပြင် ချင်းမိုင်မြို့က မြန်မာကောင်စစ်ဝန်ရုံးအရှေ့မှာလည်း ဗကသများအဖွဲ့ချုပ်က ဦးဆောင်ပြီး ဆဲဗင်းဂျူလိုင် ကျောင်းသားအရေးတော်ပုံ ၆၃ နှစ်မြောက်အဖြစ် “Long Live Students Revolution” “ကျောင်းသားထုတော်လှန်ရေးတည်တံ့ပါစေ” ဆိုတဲ့ ဘန်နာ ချိတ်ဆွဲကာ လှုပ်ရှားမှုပြုလုပ်ခဲ့ပါတယ်။
ဒါ့အပြင် ချင်းမိုင်တက္ကသိုလ်ရှိ အန်ကော ရေကန်ဘေးနဲ့ MAYA စျေးဝယ်စင်တာရှေ့မှာလည်း လှုပ်ရှားမှု အသီးသီး လုပ်ခဲ့တယ်လို့ သိရပါတယ်။

Photo: PPRC၊
#ဆဲဗင်းဂျူလိုင် #လူထုလှုပ်ရှားမှု #ကျောင်းသားအရေးတော်ပုံ

07/07/2025

ဂန္တဝင်ဂီတပညာရှင် Ozzy Osbourne ရဲ့ နောက်ဆုံးဖျော်ဖြေပွဲကျင်းပ

◾Black Sabbath တီးဝိုင်းဖော်တွေနဲ့အတူ Metallica၊ Guns N' Roses နဲ့ Steven Tyler တို့လို ဂန္တဝင်အနုပညာရှင်တွေလည်း ပါဝင်ဖျော်ဖြေ

Burma Briefing
ဇူလိုင်- ၇

အသက် 76 နှစ်အရွယ် Ozzy Osbourne ဟာ အင်္ဂလန်နိုင်ငံ၊ Birmingham မှာ သူ့ရဲ့ Black Sabbath တီးဝိုင်း အဖွဲ့သားတွေနဲ့ "Back To The Beginning" ဆိုတဲ့ နှုတ်ဆက်ရှိုးပွဲကို ပြီးခဲ့တဲ့ စနေနေ့က နောက်ဆုံးအနေနဲ့ ဖျော်ဖြေ ခဲ့တာဖြစ်ပါတယ်။
အချိန် ၁၀ နာရီနီးပါး ကြာတဲ့ ဒီနှုတ်ဆက်ရှိုးပွဲမှာ Metallica၊ Guns N' Roses၊ Jack Black၊ Steven Tyler နဲ့ အခြား ဂန္တဝင် အနုပညာရှင်တွေလည်း ပါဝင်ဖျော်ဖြေခဲ့ပါတယ်။
ဒီရှိုးပွဲမှာ Danny Carey၊ Red Hot Chili Pepper က Chad Smith နဲ့ Blink-182 ရဲ့ ဒရမ်မာ Travis Barker တို့လို
ဂန္တဝင် ဒရမ်မာတွေကလည်း Black Sabbath ရဲ့ နာမည်ကျော် "Symptom of the Universe" သီချင်းကို ကာဗာတီးပြီး ဂုဏ်ပြုခဲ့ပါတယ်။
ရှိုးပွဲမှာ Osbourne ဟာ သူ့ရဲ့ ရောဂါအခြေအနေကြောင့် အနက်ရောင် လင်းနို့ပလ္လင်ခုံပေါ်မှာပဲ ထိုင်ပြီး သူ့ရဲ့ နာမည်ကျော် 'Crazy Train' နဲ့ 'Mama, I'm Coming Home' တို့အပါအဝင် သီချင်းငါးပုဒ် သီဆိုဖျော်ဖြေခဲ့ပါတယ်။

Photo: Black Sabbath/Ross Halfin
Osbourne #နောက်ဆုံးဖျော်ဖြေပွဲ Sabbath #ဂီတဖျော်ဖြေပွဲ

07/07/2025

KNU ဌာနချုပ်ဟောင်း မာနယ်ပလောဒေသကို ပြန်ရဖို့ စစ်ဆင်ရေး ဖော်ဆောင်ခဲ့တဲ့ တပ်မှူး (၂) ဦးကို ရဲစွမ်းသတ္တိဆုချီးမြှင့်

Burma Briefing
ဇူလိုင်- ၇

KNU ဌာနချုပ်ဟောင်း မာနယ်ပလောဒေသမှာ နှစ်ပေါင်း (၃၀) ကြာ တပ်စွဲထားတဲ့ စစ်ကောင်စီ စခန်းကို ပြန်လည်ရရှိဖို့ စစ်ဆင်ရေး အကောင်အထည် ဖော်ခဲ့တဲ့တပ်မှူး ၂ ဦးကို KNU က ကော်သူးလေ ရဲစွမ်းသတ္တိဆုတံဆိပ် ချီးမြှင့်လိုက်တယ်လို့ ဇူလိုင် ၇ ရက်နေ့မှာ သတင်းထုတ်ပြန်ပါတယ်။
ကရင်အမျိုးသားလွတ်မြောက်ရေးတပ်မတော်စစ်ဌာနချုပ် (KNLA) က ဒုတိယဗိုလ်မှူးကြီး စောခင်လေးနဲ့ တပ်မဟာ-၇၊ တပ်ရင်း(၂၂) တပ်ရင်းမှူး ဒုတိယဗိုလ်မှူးကြီး စောတင်မြင့်ထူးတို့ကို ဇူလိုင်လ ၅ ရက်နေ့ ကရင်အမျိုးသားတပ်မတော်နေ့မှာ
အခမ်းအနားနဲ့ ဆုချီးမြှင့်ခဲ့တာဖြစ်တယ်လို့ သိရပါတယ်။
ဒါ့အပြင် မာနယ်ပလောဒေသ ရရှိဖို့ စစ်ဆင်ရေးလုပ်ရာမှာ ရွတ်ရွတ်ချွန်ချွန် တိုက်ပွဲဝင်ခဲ့ကြတဲ့ အောင်ပွဲရ စစ်သည်တော် တွေကိုလည်း ကရင်အမျိုးသားလွတ်မြောက်ရေးတပ်မတော် စစ်ဌာနချုပ်က ဂုဏ်ပြုမှတ်တမ်းလွှာ ချီးမြှင့်ခဲ့တယ်လို့ သိရပါတယ်။
KNU ဌာနချုပ်ဟောင်း မာနယ်ပလောဒေသမှာ နှစ်ပေါင်း (၃၀) ကြာ တပ်စွဲထားတဲ့ ဗျူဟာစခန်းအဆင့် ပွိုင့်(၉၁၃) စစ်‌ကောင်စီစခန်းကို ၂၀၂၄ ခုနှစ် ဒီဇင်ဘာ ၁၆ ရက်နေ့မှာ KNLA ပူးပေါင်းတပ်တွေက ပြန်လည် တိုက်ခိုက်သိမ်းပိုက်ခဲ့တာ ဖြစ်ပါတယ်။

Photo: KNU

#မာနယ်ပလော #စစ်ကောင်စီ #ကော်သူးလေရဲစွမ်းသတ္တိဆု

07/07/2025

မြွေပွေး အထူးအာမခံတယ်ဆိုတဲ့ မြွေဆိပ်ဖြေဆေးပင် တကယ်စွမ်းသလား

BB Fact Check
ဇူလိုင်- ၇

မြွေကိုက်ခံရပါက ဒေသအခေါ် တိမ်ကြာပင်လို့ခေါ်တဲ့ အပင်ရဲ့ အမြစ် ၁၀ ဥလောက် စားရုံနဲ့ အဆိပ်ဖြေနိုင်တယ်၊ မြွေပွေးအဆိပ် အထူးအာမခံတယ်ဆိုပြီး ဆိုရှယ်မီဒီယာပေါ်မှာ ပြောဆိုဖြန့်ဝေနေပါတယ်။
မြွေဆိပ်ဖြေဆေးပင်ဆိုပြီး ဖြန့်ဝေနေတဲ့ ဒီအကြောင်းအရာကို Aung Ko Oo ဆိုတဲ့ ဖေစ့်ဘွတ်အကောင့်ကနေ မေလ ၂၉ ရက်နေ့မှာ စတင်ဖြန့်ဝေခဲ့တာ ဖြစ်ပါတယ်။
ဒီဖြန့်ဝေမှုကို ပြန်လည်ဖြန့်ဝေမှုပေါင်း ၃ သောင်း ၂ ထောင်ကျော်နဲ့ ဝင်ရောက်ကြည့်ရှု့သူ ၂.၅ သန်းကျော် ရှိနေပါတယ်။
ဖြန့်ဝေပုံကတော့ ကြာချိန် ၁ မိနစ်ခွဲ့ခန့်ရှိတဲ့ ဗီဒီယိုဖိုင်ထဲမှာ လူတစ်ဦးက အပင်တစ်ပင်တူးယူ ပြသပြီး မြွေဆိပ်ဖြေဆေးပင် ဆိုပြီး ပြောဆိုနေတာပဲ ဖြစ်ပါတယ်။
ဗီဒီယိုထဲမှာ ‘ယခု ကျွန်တော်ပြသမယ့် အပင်ကတော့ မြွေဆိပ်ဖြေဆေးဖြစ်ပါတယ်ခင်ဗျာ။ ဆေးနည်း ပေးချင်တဲ့အတွက် ကျွန်တော် တင်ပြခြင်းဖြစ်ပါတယ်။ ကျွန်တော်ပြောတဲ့ အပင်ကို နားမလည်မှာ စိုးလို့ ပုံနဲ့တကွ ရိုက်ပြီး တင်ရခြင်းဖြစ်ပါတယ်။ ကျွန်တော်တို့ဆီကတော့ တိမ်ကြာပင်လို့ ခေါ်ပါတယ်။ ခင်ဗျားတို့ ဒေသတွေမှာတော့ ဘယ်လို ခေါ်တုန်း။ အဲ့အပင်ကို ကျွန်တော် တူးပြပါမယ်။ ဥလေးတွေကို စားရတာပါခင်ဗျာ။ ဥလေးတွေကို ရေလေးဆေးပြီး စားရတာပါ။ မြွေကိုက်တဲ့သူတွေ ၁၀ ဥ၊ ၁၅ ဥ လောက်တော့ စားပါ။ မြွေပွေး အထူး အာမခံပါတယ်။ ကျွန်တော်ပေးတဲ့လူ ၁၄၊ ၁၅ ယောက်၊ အယောက် ၂၀ ရှိပါပြီ။ တစ်ယောက်မှ မသေပါဘူး။ အဆိပ်ဖြေဆေးတော့ ထိုးရတာပေါ့။ မြွေမပြ နိုင်ရင်တော့ မြွေဆေးထိုးမပေးပါဘူး။ ဒီဆေးလေးတွေ စားလိုက်တဲ့အတွက် အဆိပ်ဖြေဆေးလောက်နဲ့ပဲ ပြီးပါတယ်’ လို့ ပြောဆိုနေတာ တွေ့ရပါတယ်။
ဖြန့်ဝေထားတဲ့ ဗီဒီယိုဖိုင်ကို အောက်ပါလင့်တွေမှာ ဝင်ရောက်ကြည့်ရှု့နိုင်ပါတယ်။
Archive: https://archive.ph/Avxk9
https://archive.ph/e9zi6

သတင်းစစ်ဆေးချက်

ဒီဖြန့်ဝေမှုပါ အကြောင်းအရာကို BB Fact Check က စစ်ဆေးကြည့်ရှု့ရာမှာ အချက်အလက်တွေ မှားယွင်းနေတဲ့ သတင်းမှားဖြစ်နေတာ တွေ့ရပါတယ်။
သဘာဝပတ်ဝန်းကျင် ထိန်းသိမ်းရေးအဖွဲ့အစည်းတစ်ခုဖြစ်တဲ့ Native Species Conservation & Identification - NSCI ပေချ့်က ကျွမ်းကျင်သူတွေကို Burma Briefing က ဆက်သွယ်မေးမြန်းရာမှာ သိပ္ပံနည်းကျအရ ကမ္ဘာပေါ်မှာ မြွေဆိပ် ဖြေနိုင်တဲ့ အပင်၊ အရွက်၊ အပွင့်၊ အသီး လုံးဝ မရှိသေးကြောင်းနဲ့ မြွေဆိပ်ကို မြွေဆိပ်ဖြေဆေး တစ်မျိုးထဲကပဲ ဖြေနိုင်တာပါ လို့ ပြန်လည်ဖြေကြားထားပါတယ်။
ဗီဒီယိုထဲမှာ တွေ့ရတဲ့ အပင်ကတော့ ဒေသအလိုက် ဗောက်ပင်၊ ဗျောက်ပင် (သို့) နဂါးမှိုင်းပင် လို့ ခေါ်တာဖြစ်တယ်လို့ NSCI က ကျွမ်းကျင်သူတွေက ပြောပါတယ်။
မြန်မာ့ဇီဝဗေဒနယ်ပယ် အကြောင်းတွေ စာတမ်းရေး မှတ်တမ်းတင်တာ၊ အချက်အလက် မျှဝေတာတွေ လုပ်ပေးနေတဲ့ NSCI ရဲ့ ဖေစ့်ဘွတ်ပေချ့်ကို အောက်ပါလင့်ကနေ ဝင်ရောက်ကြည့်ရှု့နိုင်ပါတယ်။

NSCI - https://www.facebook.com/NSCIMyanmar/ #

ဗီဒီယိုဖိုင်ထဲမှာ ပြောဆိုနေသူက ‘မြွေပွေး အထူး အာမခံပါတယ်။ ကျွန်တော်ပေးတဲ့လူ ၁၄၊ ၅ ယောက်၊ အယောက် ၂၀ ရှိပါပြီ။ တစ်ယောက်မှ မသေပါဘူး။ အဆိပ်ဖြေဆေးတော့ ထိုးရတာပေါ့’ ဆိုပြီး ပြောထားတာ ရှိပါတယ်။
ဒီနေရာမှာ ဖြစ်နိုင်တာက မြွေတွေက လူကို ခုခံတဲ့အချိန်မှာ Dry bite ကိုက်တာတွေ ရှိပါတယ်။ Dry bite ဆိုတာ မြွေတွေက ကိုက်တဲ့အချိန် အဆိပ်မထည့်ပဲကိုက်လိုက်တာကို ပြောတာပါ။ ဒီလိုအချိန်မှာ အဆိပ်ရှိမြွေ အကိုက်ခံရပေမယ့် အဆိပ်မတက်တဲ့ ဖြစ်ရပ်မျိုးတွေလည်း ရှိတတ်ပါတယ်။ ဒီလို အဆိပ်မထိုးသွင်းပဲ အကိုက်ခံရချိန် ခုဖြန့်ဝေနေတဲ့ သစ်ဥ၊ သစ်ဖုတွေနဲ့ ကုသတာနဲ့ တိုက်ဆိုင်ပြီး မြွေဆိပ် ပျောက်ကင်းတယ်၊ မြွေဆိပ်ဖြေနိုင်တယ် ဆိုပြီး ပြောဆိုတာကို ယုံကြည် နေတာလည်း ဖြစ်နိုင်ပါတယ်။
မြွေတွေက အဆိပ်ကို သားကောင်လိုက်ရာမှာပဲ သုံးတဲ့အတွက် သူတို့က အတတ်နိုင်ဆုံး အဆိပ်မသုံးရအောင် ရှောင်ပါ တယ်။ ဒါကြောင့် အဆိပ်ပြင်းမြွေ ကိုက်ခံထိပေမဲ့ အဆိပ်တက်တဲ့ လက္ခဏာတွေ မပြဘူး၊ ဘာမှမဖြစ်ဘူးဆိုတာ မြွေက အဆိပ်မထည့်ပဲ Dry bite နဲ့ ကိုက်လိုက်လို့ ဖြစ်ပါတယ်။
ကမ္ဘာတစ်ဝန်းမှာ မြွေဆိပ်ဖြေဆေးအတွက် ဆေးဖက်ဝင် အပင်ပေါင်းများစွာကို စနစ်တကျ စမ်းသပ် သုတေသန ပြုလုပ်နေကြတာ ရှိသလို မြန်မာနိုင်ငံမှာလည်း မြွေကိုက်၊ မြွေဆိပ်သင့်ခြင်းကို ကာကွယ်နိုင်တယ်ဆိုပြီး လူအများ ပြောနေတဲ့ မြန်မာ့ဆေးဖက်ဝင် အပင်တွေများစွာရှိပါတယ်။
ဒါပေမယ့် ဆေးဖက်ဝင်ပါတယ်ဆိုတဲ့ မည်သည့်အပင်တွေကိုမှ စျေးကွက်တင် တရားဝင် ရောင်းချခွင့်ပြုနေတာ မရှိသေးသလို ဘယ်ဆေးဝါးကုမ္ပဏီကမှလည်း စျေးကွက်မှာ တရားဝင်ထုတ်လုပ် ရောင်းချတာ ယနေ့အထိ မရှိသေးဘူးလို့ ဆေးသုတေသန ဦးစီးဌာန ဒုတိယညွှန်ကြားရေးမှူးချုပ် (ငြိမ်း) ဒေါက်တာဝင်းအောင်ရဲ့ “မြွေဆိပ်သင့်ခြင်းနှင့် ဆေးဖက်ဝင် အပင်များ၏ အခန်းကဏ္ဍ” ဆိုတဲ့ ဆောင်းပါးမှာ ရေးသားထားပါတယ်။
၂၀၁၉ ခုနှစ် အတွင်း အစိုးရသတင်းဌာနတွေမှာ ဖော်ပြခဲ့တဲ့ ဒေါက်တာဝင်းအောင် (သုတေသီ) ရေးသားခဲ့တဲ့ ဆောင်းပါးထဲမှာ ဖော်ပြချက်အရ မြန်မာနိုင်ငံမှာ ၂၀၁၅ ခုနှစ်မှ ၂၀၁၇ ခုနှစ်အတွင်း နှစ်စဉ်လူဦးရေ ၉၀ဝ၀ ခန့် မြွေကိုက်ခံရပြီး အကိုက်ခံရသူတွေရဲ့ ၆၀ဝ ခန့်(၇ ရာခိုင်နှုန်းခန့်) မှာ အသက်ဆုံးရှုံးရကြောင်း၊ ဒါ့အပြင် မြန်မာနိုင်ငံမှာ ၁၉၆၅ ခုနှစ်မှ ၂၀၁၈ ခုနှစ်အတွင်း ဆေးသုတေသန ဦးစီးဌာနမှာ မြွေဆိပ်သင့်ခြင်းအတွက် စနစ်တကျ သုတေသန ပြုလုပ်ထားတဲ့ ဆေးဖက်ဝင် အပင်တွေရှိပေမယ့် ဒီဆေးဖက်ဝင်အပင်တွေရဲ့ ဘေးထွက်ဆိုးကျိုးတွေနဲ့ အဆိပ်ချေဖျက်နိုင်တဲ့ ဆေး ပမာဏအတိအကျကို ဖော်ထုတ်တင်ပြနိုင်ခြင်း မရှိသေးကြောင်းနဲ့ မြွေဆိပ်သင့် လူနာတွေပေါ်မှာ အမှန်တကယ် အစွမ်း အာနိသင်ရှိ၊ မရှိ ဆိုတာတွေက စမ်းသပ်သုတေသနပြုလုပ်ဘို့ လိုအပ်ဦးမှာ ဖြစ်တယ်လို့ ဖော်ပြထားပါတယ်။ ဒေါက်တာဝင်းအောင် (သုတေသီ) ရေးသားခဲ့တဲ့ ဆောင်းပါးအပြည့်အစုံကို အောက်ဖော်ပြပါ လင့်ကတဆင့် ဝင်ရောက် ကြည့်ရှု့နိုင်ပါတယ်။

ဆောင်းပါးလင့်- https://www.mdn.gov.mm/my/mechipsngkhngnng-chephkwngapngmaae-akhnknndd

ဆောင်းပါးရဲ့ အကြံပြုချက်ထဲမှာ မြွေကိုက်ခံရပါက ကျန်းမာရေးဌာနတွေက လမ်းညွှန်ထားတဲ့ ရှေးဦးသူနာပြုစုတာက လွဲပြီး အာနိသင် အာမခံချက် မရှိတဲ့ ဆေးဖက်ဝင်တယ်ဆိုတဲ့ အပင်တွေကို လိမ်းတာ၊ တိုက်ကျွေးတာတွေ လုံးဝမလုပ်ပဲ မြွေဆိပ်ဖြေဆေးရှိတဲ့ နီးစပ်ရာ ဆေးရုံ၊ ဆေးပေးခန်းတွေကို ပို့ဆောင်ကုသ သင့်တယ်လို့ ရေးသားထားပါတယ်။
ဒါကြောင့် မြွေဆိပ်ဖြေဆေးပင်ဆိုပြီး ဖြန့်ဝေနေတာဟာ သတင်းအချက်အလက် မှားယွင်းနေတဲ့ သတင်းမှားတွေပဲ ဖြစ်ပါတယ်။

#သတင်းမှား #သတင်းတု #သတင်းစိစစ်မှု #မြွေဆိပ်ဖြေဆေးပင် #မြွေဆိပ်ဖြေဆေး #မြွေ

04/07/2025

📢 နံနက်ခင်းသတင်း

ဇူလိုင်- ၄

မြန်မာပြည်တွင်းနဲ့ ဒေသတွင်းက သတင်းတွေကို စုစည်းတင်ဆက်ထားပါတယ်။

#နံနက်ခင်းသတင်း #မြန်မာသတင်း

03/07/2025

မန္တလေး အင်အားသင့် ငလျင်လှုပ်ခတ်မှု ဒေသခံတွေ ထိတ်လန့်

Burma Briefing
ဇူလိုင်- ၃

မန္တလေးမှာ ဒီနေ့ မနက်ပိုင်းက အင်အားအနည်းငယ်ပြင်းထန်တဲ့ ငလျင်လှုပ်ခတ်ခဲ့တဲ့အတွက် မြို့ခံတွေ ထိတ်လန့်ပြီး လမ်းပေါ်ပြေးထွက်ခဲ့ရတယ်လို့ သိရပါတယ်။
မန္တလေး၊ တံတားဦးမြို့အနီးကို ဗဟိုပြုပြီး ဒီနေ့ မနက်အစောပိုင်း ၇ နာရီ ၁၀ မိနစ်က ပြင်းအား ၄ ဒသမ ၉ အဆင့်ရှိ ငလျင်လှုပ်ခတ်ခဲ့တဲ့အတွက် မြို့ခံတွေ သိသိသာသာ ခံစားခဲ့ရတယ်လို့ ဆိုပါတယ်။
ငလျင်လှုပ်ခတ်မှုကို မန္တလေး၊ ကျောက်ဆည်နဲ့ ပြင်ဦးလွင်မြို့တွေမှာ အင်အားပြင်းပြင် ခံစားရတယ်လို့ ဆိုပါတယ်။
မိုးလေဝသနဲ့ ဇလဗေဒညွှန်ကြားမှုဦးစီးဌာနက တားဦးမြို့ရဲ့အနောက် မြောက်ဘက် ၅ မိုင်ခန့် အကွာကို ဗဟိုပြုပြီး ပြင်းအား ၄ ဒသမ ၈ အဆင့်နဲ့ လှုပ်ခတ်သွားတာလို့ ထုတ်ပြန်ထားပြီး ထိုင်းမြေငလျင်ဌာနကတော့ ပြင်ဦးလွင်မြို့တောင်ဘက် ၁၉ မိုင်ခန့် အကွာမှာ ပြင်းအား ၄ ဒသမ ၉ အဆင့်ရှိတယ်လို့ ဖော်ပြထားပါတယ်။
Photo: MFSD

#ငလျင်လှုပ်ခတ် #သဘာဝဘေး #မန္တလေးငလျင်

03/07/2025

စစ်ကောင်စီရဲ့ တိုက်လေယာဉ်တစ်စင်း ညအချိန် ပျံသန်းရင်းပျောက်ဆုံး

■ ပျောက်ဆုံးတိုက်လေယာဉ်ဟာ Yak-130 အမျိုးအစားဖြစ်နိုင်တယ်လိုံ MDSI ခန့်မှန်း

Burma Briefing

ဇူလိုင်- ၃

စစ်ကောင်စီရဲ့ တိုက်ခိုက်ရေးလေယာဥ် ၁ စင်း ညအချိန် လေ့ကျင့်ပျံသန်းရင်း ရေဒါက ပျောက်ကွယ်ကာ အဆက်အသွယ် ပြတ်တောက်သွားတယ်လို့ စစ်ကောင်စီက ဇူလိုင် ၃ ရက်မှာ သတင်းထုတ်ပြန်ပါတယ်။
ပျောက်ဆုံးသွားတဲ့ တိုက်လေယာဉ်ဟာ ဇူလိုင် ၁ ရက်နေ့ ညပိုင်းမှာ လေ့ကျင့်ပျံသန်းရင်း နေပြည်တော်ရဲ့အရှေ့တောင်ဘက် ကီလိုမီတာ ၁၃၀ အကွာမှာ ရုတ်တရက် ရေဒါမြင်ကွင်းက ပျောက်ကွယ်ပြီး အဆက်အသွယ် ပြတ်တောက်သွားတာလို့ ဆိုပါတယ်။
ကနဦး စစ်ဆေးချက်အရ စက်ချွတ်ယွင်းမှု (သို့မဟုတ်) ရာသီဥတုဆိုးရွားမှုကြောင့် ပျောက်ဆုံးသွားတာ ဖြစ်နိုင်တယ်လို့ စစ်ကောင်စီက ထုတ်ပြန်ထားပြီး ဆက်သွယ်မှု ပြတ်တောက်ရာ နေရာတစ်ဝိုက်ကို ရှာဖွေကယ်ဆယ်ရေးအဖွဲ့တွေ စေလွှတ်ထားတယ်လို့ ဆိုပါတယ်။
စစ်ကောင်စီလေတပ်မှာ ညပိုင်း လေကြောင်းစစ်ဆင်ရေးတွေအတွက် Yak-130၊ FTC-2000၊ JF-17 နဲ့ MiG-29 တိုက်လေယာဉ်များကို အသုံးပြုနိုင်တဲ့အတွက် အခုပျောက်ဆုံးလေယာဉ်ဟာ Yak-130 အမျိုးအစား ဖြစ်နိုင်တယ်လို့ မြန်မာစစ်ဘက်ရေးရာနှင့် လုံခြုံရေးဆိုင်ရာ လေ့လာရေးအဖွဲ့( Myanmar Defense & Security Institute-MDSI) က
ခန့်မှန်းထားပါတယ်။
စစ်ကောင်စီလေတပ်မှာ JF-17 ကို 1000-kg လေကြောင်းဗုံးကြဲရာမှာ အဓိကအသုံးပြုနေပြီး ညပိုင်း စစ်ဆင်ရေးတွေ အတွက် ရုရှားလုပ် Yak-130 အမောင်းသင် ဂျက်တိုက်လေယာဉ်ကို ပိုမိုအသုံးပြုနေတယ်လို့ CDM လေတပ်အဖွဲ့သားတွေက သုံးသပ်တယ်လို့ MDSI ရဲ့ ထုတ်ပြန်မှုမှာ ဖော်ပြထားပါတယ်။
အဆက်အသွယ် ပြတ်တောက်နေတဲ့ ‌စစ်ကောင်စီတိုက်လေယာဉ်ဟာ နေပြည်တော်‌လေတပ်စခန်းမှ Yak-130 အမျိုးအစားဖြစ်နိုင်ပြီး ညပိုင်းလေကြောင်းစစ်ဆင်ရေး လုပ်‌ဆောင်စဉ် စက်ချို့ယွင်းပျက်ကျခဲ့တာ ဖြစ်မယ်လို့ CDM လေတပ်အရာရှိ တဦးက သုံးသပ်ထားပါတယ်။
"နေပြည်တော်လေတပ်စခန်းကနေ ညပိုင်းလေကြောင်းစစ်ဆင်ရေးလုပ်တာဆိုရင် Yak-130 ဖြစ်မယ်၊ ရာသီဥတုဆိုးရွားလို့ ပျက်ကျသွားတာ ဖြစ်နိုင်တယ်" ဟု ပြောဆိုတယ်လို့ MDSI က ဖော်ပြပါတယ်။
ဒါ့အပြင် အဆိုပါ တိုက်‌လေယာဉ်ဟာ စစ်ကောင်စီတပ်နဲ့ ကရင်နီတပ်ပေါင်းစုတို့ တိုက်ပွဲပြင်းထန်နေတဲ့ ဖားဆောင်းမြို့နယ်ကို လေကြောင်းဗုံးကြဲ တိုက်ခိုက်ဖို့ လာရောက်တာဖြစ်နိုင်တယ်လို့ MDSI က သုံးသပ်ထားပါတယ်။

#လေယာဉ်ပျောက်ဆုံး #လေယာဉ်ပျက်ကျ #လေယာဉ်ပစ်ချခံရ #လေကြောင်းတိုက်ခိုက် #စစ်ကောင်စီလေတပ်

03/07/2025

📢 သတင်းမှားစစ်ဆေးမှု
ကျောက်မဲမြို့မှာ စစ်တပ်ရဲ့ လေကြောင်းတိုက်ခိုက်မှုအတွင်း TNLA တပ်ဖွဲ့ဝင်အများအပြား သေဆုံးတယ်ဆိုပြီး ရေးသားဖြန့်ဝေနေမှုတွေ ရှိနေပါတယ်။
ကျောက်မဲမြို့ကို စစ်ကောင်စီက ဇွန် ၂၉ ရက်နေ့ နေ့လည်နဲ့ ညပိုင်းတွေမှာ လေကြောင်းတိုက်ခိုက်ခဲ့တဲ့အတွက် တအာင်းအမျိုးသားလွတ်မြောက်ရေးတပ် (TNLA) မှ တပ်ဖွဲ့ဝင် အများအပြား သေဆုံးခဲ့တယ်ဆိုပြီး ဆိုရှယ်မီဒီယာ တွေပေါ်မှာ ဖြန့်ဝေနေပါတယ်။

02/07/2025

အရှေ့တီမောကို အာဆီယံအဖွဲ့ဝင် ဖြစ်ခွင့်မပေးဖို့ စစ်ကောင်စီ ကန့်ကွက်

Burma Briefing
ဇူလိုင် - ၂

အမျိုးသားညီညွတ်ရေးအစိုးရ NUG နဲ့ ထိတွေ့ဆက်ဆံမှုရှိတဲ့ တီမောနိုင်ငံကို အာဆီယံအဖွဲ့ဝင် ဖြစ်ခွင့်မပေးဖို့ စစ်ကောင်စီက အာဆီယံအလှည့်ကျ ဥက္ကဋ္ဌဖြစ်တဲ့ မလေးရှားကို တရားဝင်စာပို့ ကန့်ကွက်ခဲ့တာ ဖြစ်ပါတယ်။
လာမယ့် အောက်တိုဘာလမှာ အရှေ့တီမောကို အာဆီယံအဖွဲ့ဝင်နိုင်ငံသစ် အဖြစ် တရားဝင် လက်ခံမယ့် အဆိုကို ထောက်ခံမှာ မဟုတ်ဘူးလို့ စစ်ကောင်စီက စာပို့ခဲ့တာပါ။
စစ်ကောင်စီက ပေးပို့တဲ့စာမှာ တီမောဟာ အာဆီယံပဋိညာဉ်စာတမ်းပါ ပြဋ္ဌာန်းထားတဲ့ အဖွဲ့ဝင်နိုင်ငံတွေရဲ့ တစ်နိုင်ငံရဲ့ ပြည်တွင်းရေးကို တစ်နိုင်ငံက ဝင်ရောက်မစွက်ဖက်ရေးမူကို လိုက်နာဖို့ ပျက်ကွက်ခဲ့တယ်လို့ ပါပါတယ်။

#အာဆီယံအဖွဲ့ဝင် #အရှေ့တီမော #ကန့်ကွက်

02/07/2025

ထိုင်းနိုင်ငံရောက် မြန်မာနိုင်ငံသားတွေကို လူသားချင်းစာနာစွာနဲ့ ဆက်ပြီး ကူညီစောင့်ရှောက်ဖို့ NUG မေတ္တာရပ်ခံ

▪️ မြန်မာနိုင်ငံသားတွေက ထိုင်းနိုင်ငံရဲ့ အမျိုးသားအကျိုးစီးပွားကို ခြိမ်းခြောက်နေသူတွေ မဟုတ်ဘူးလို့ဆို

Burma Briefing
ဇူလိုင် - ၂

အကြမ်းဖက် စစ်အုပ်စုရဲ့ ဖိနှိပ်ရက်စက်မှုတွေကြောင့် ထိုင်းနိုင်ငံကို ထွက်ပြေးခိုလှုံလာရတဲ့ မြန်မာနိုင်ငံသားတွေကို လူသားချင်းစာနာ ထောက်ထားလျက် ဆက်လက် ကူညီစောင့်ရှောက်ပေးဖို့ ထိုင်းနိုင်ငံကို အမျိုးသားညီညွတ်ရေးအစိုးရ NUG က မေတ္တာရပ်ခံကြောင်း ဇူလိုင် ၂ ရက်နေ့မှာ ထုတ်ပြန်ပါတယ်။
မြန်မာနိုင်ငံသားတွေဟာ ထိုင်းနိုင်ငံရဲ့ အမျိုးသားအကျိုးစီးပွားကို ခြိမ်းခြောက်နေသူတွေ မဟုတ်ကြောင်းနဲ့ မြန်မာနိုင်ငံအတွင်း စစ်ကောင်စီရဲ့ အာဏာသိမ်းအကြမ်းဖက်မှုကို ဖယ်ရှားအောင်မြင်ပြီးပါက အမိမြန်မာနိုင်ငံကို ပြန်လည် အခြေချ နေထိုင်မယ့် သူတွေဖြစ်တယ်လို့ NUG က အသိပေးထားပါတယ်။
မြန်မာနိုင်ငံသားတွေ အနေနဲ့လည်း ထိုင်းနိုင်ငံအတွင်း လက်ရှိဖြစ်ပေါ်နေတဲ့ အခြေအနေတွေကြောင့် သတိထား နေထိုင် ကြဖို့၊ ထိုင်းနိုင်ငံသားတွေ စုဝေး ဆန္ဒပြတဲ့ နေရာတွေကို ရှောင်ရှားဖို့နဲ့ ထိုင်းနိုင်ငံရေးလှုပ်ရှားမှုတွေမှာ ပါဝင်တာ မလုပ်ကြဖို့ တိုက်တွန်းတယ်လို့ ဆိုပါတယ်။
မြန်မာနိုင်ငံသားတွေ အနေနဲ့ ယာယီခိုလှုံနေရတဲ့ ကာလအတွင်း ထိုင်းလူမှုအသိုင်းအဝိုင်း၊ ယဉ်ကျေးမှု၊ ဓလေ့ထုံးစံတို့ကို လေးစားလိုက်နာကြဖို့လည်း တိုက်တွန်းထားပါတယ်။
မြန်မာနိုင်ငံသားတွေကို ခိုလှုံနေထိုင်ခွင့်ပေးတဲ့ ထိုင်းဘုရင်၊ အစိုးရ၊ လွှတ်တော်၊ ထိုင်းတပ်မတော်နဲ့ ထိုင်း ပြည်သူလူထုကို ကျေးဇူးတင်ကြောင်းလည်း ထုတ်ပြန်ချက်ထဲမှာ ဖော်ပြထားပါတယ်။

Photo: Reuters

#ထုတ်ပြန်ချက် #ခိုလှုံ #ထိုင်းနိုင်ငံ

Burma Briefing

08/07/2025

07/07/2025

07/07/2025

07/07/2025

07/07/2025

07/07/2025

04/07/2025

03/07/2025

03/07/2025

03/07/2025

02/07/2025

02/07/2025

ที่อยู่

เว็บไซต์

แจ้งเตือน

ทางลัด

แชร์

ประเภท