เว็บไซต์คืออะไร?

Burma Independent Voice

ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก Burma Independent Voice, เว็บไซต์ข่าวและสื่อ, Chiang Mai.

BIV သည် လွတ်လပ်၍ အမှီအခိုကင်းသော သတင်းမီဒီယာဖြစ်သည်။ သတင်းအမှားများကို တားဆီး၍ တရားမျှတမှု၊ လူ့အခွင့်အရေးနှင့် ဒီမိုကရေစီစံတန်ဖိုးများ မြှင့်တင်ရန် မည်သည့် ဩဇာခံခြင်းမှ မရှိသော သတင်းမီဒီယာ အဖြစ်ရပ်တည်သည်။

03/09/2026

၂၀၂၁ စစ်အာဏာသိမ်းပြီးနောက် နယ်ပယ်စုံက လူငယ်တွေ သူတို့ ဘ၀ကို ဘယ်လိုဖြတ်သန်းနေကြလဲ၊ သူတို့ ဘာတွေကို ဆုံးရှုံးခဲ့ရသလဲ၊ သူတို့မှာ အနာဂတ်အတွက် ဘယ်လို စိတ်ကူးအိပ်မက်တွေ ရှိနေကြသလဲ၊ လူငယ်တွေ မျှော်မှန်းတဲ့ အနာဂတ်မြန်မာနိုင်ငံဆိုတာ ဘယ်လို ပုံစံမျိုးလဲ စတာတွေကို BIV ရဲ့ လူငယ်နဲ့ အနာဂတ်နိုင်ငံတော်ဆိုတဲ့ အစီစဉ်ကနေ ပြောပြပေးသွားမှာဖြစ်ပါတယ်။ ဒီတပတ် လူငယ်နဲ့ အနာဂတ်နိုင်ငံတော် အစီစဉ်မှာတော့ Brody နဲ့ တွေ့ဆုံမေးမြန်းထားပါတယ်။

ဗီဒီယီုအပြည့်အစုံ - https://youtu.be/fKCFcow01ag

#လူငယ်နဲ့အနာဂတ်နိုင်ငံတော်

#နေခြည်မင်းထွန်း

03/09/2026

ဆိုရှယ်မီဒီယာတွေရဲ့ အနာဂတ် - Meta ရဲ့ ဒေါ်လာ ၁၇ ဘီလီယံတန် သဘောတူညီချက်က ဆိုရှယ်မီဒီယာလောကကို ဘယ်လို ပြောင်းလဲပစ်မလဲ

သုတရေးရာ

#သုတရေးရာ

02/09/2026

လူငယ်များအား ဖမ်းဆီးနေသူများကို စစ်မှုထမ်းခေါ်ယူရေးအယောင်ဆောင်များဟု စစ်တပ်မီဒီယာတွေက သတင်းလွှင့်လာ (ရုပ်သံ)

#ဘုဏ်း
#ပေါ်တာဆွဲ

02/09/2026

ကြံ့ဖွတ်ပါတီ အထွေထွေညီလာခံ ရွှေ့ဆိုင်းထား
ပါတီထိပ်ပိုင်းနေရာတွေကို စစ်တပ်က လိုချင်နေလို့ CEC ရာထူးခွဲတမ်း မပြေလည် (ရုပ်သံ)

02/09/2026

ရန်ကုန်လေဆိပ်အထွက်မှာ ခရီးသည်တွေရဲ့ တဆင်စာရွှေထည်တွေပါ တင်းကျပ်စစ်ဆေး
ဝတ်ဆင်သွားတဲ့ လက်ဝတ်လက်စားစာရင်း ခရီးသည်တချို့ ပေးသွင်းနေရ (ရုပ်သံ)

#မီလီယံ

#ရန်ကုန်လေဆိပ်

02/09/2026

ထိုင်းမှာ ကလေးတိုင်း ပညာသင်ယူခွင့်ရှိတယ်လို့ ပညာရေးဝန်ကြီး အတည်ပြု
စာရွက်စာတမ်းကိစ္စ အဓိကအတားအဆီး ဖြစ်နေဆဲ (ရုပ်သံ)

#မီလီယံ

02/09/2026

တိုကျိုတရုတ်သံရုံးထဲ ဓားကိုင်ဝင်ခဲ့တဲ့ ဂျပန်စစ်အရာရှိ အလုပ်ထုတ်ခံရ

#ဘုဏ်း

02/09/2026

ကြံ့ဖွတ်ပါတီ အထွေထွေညီလာခံ ရွှေ့ဆိုင်းထား
ပါတီထိပ်ပိုင်းနေရာတွေကို စစ်တပ်က လိုချင်နေလို့ CEC ရာထူးခွဲတမ်း မပြေလည်

စက်တင်ဘာလ ၂ ရက်၊ ၂၀၂၆ ခုနှစ် | Burma Independent Voice

စက်တင်ဘာ ၁၇ နဲ့ ၁၈ ရက်မှာ ကျင်းပဖို့ စီစဉ်ထားတဲ့ ကြံ့ဖွတ်ပါတီ အထွေထွေညီလာခံကို ရွှေ့ဆိုင်းထားပြီး ညီလာခံမှာ ရွေးချယ်မယ့် ဗဟိုအလုပ်အမှုဆောင်ကော်မတီ (CEC) နေရာတွေအတွက် ဘယ်သူတွေကို ထည့်သွင်းမလဲဆိုတဲ့ ရာထူးခွဲဝေမှုမှာ အပြီးသတ်သဘောတူညီချက် မရသေးတာဟာ အဓိကအကြောင်းရင်းတခု ဖြစ်တယ်လို့ ပါတီတွင်းအခြေအနေ သိရှိသူတွေက ပြောပါတယ်။

လက်ရှိအငြင်းပွားမှုရဲ့ အဓိကဇစ်မြစ်ကတော့ ရွေးကောက်ပွဲမတိုင်မီကတည်းက ပါတီအတွက် မြေပြင်မှာ နှစ်ပေါင်းများစွာ လုပ်ကိုင်လာတဲ့ ဝါရင့်ပါတီခေါင်းဆောင်တွေကို ဆက်လက်အရေးပေးမလား၊ ဒါမှမဟုတ် စစ်ကောင်စီခေါင်းဆောင် မင်းအောင်လှိုင်နဲ့ နီးစပ်တဲ့ စစ်ဘက်အရာရှိဟောင်းတွေကို ပါတီထိပ်ပိုင်းမှာ ပိုမိုနေရာပေးမလားဆိုတဲ့ အာဏာနဲ့ သြဇာခွဲဝေမှု ဖြစ်တယ်လို့ သတင်းရင်းမြစ်တွေက ဆိုပါတယ်။

ကြံ့ဖွတ်ပါတီ ထိပ်သီးတွေဟာ ဩဂုတ် ၂၅ ရက်မှာ ဗဟိုကော်မတီအစည်းအဝေးနဲ့ ညီလာခံကျင်းပနိုင်ရေး CEC အစည်းအဝေး ပြုလုပ်ခဲ့သလို ဩဂုတ် ၂၈ ရက်မှာလည်း ပါတီဥက္ကဋ္ဌ ခင်ရီ တက်ရောက်တဲ့ ပါတီကော်မတီအဆင့်ဆင့် ဖွဲ့စည်းရေးဆိုင်ရာ လုပ်ငန်းညှိနှိုင်းအစည်းအဝေး ပြုလုပ်ခဲ့ပါတယ်။ ဒါပေမယ့် ညီလာခံမှာ အတည်ပြုမယ့် ထိပ်ပိုင်းတာဝန်ရှိသူတွေနဲ့ CEC ဖွဲ့စည်းမှုကို အပြီးသတ်နိုင်ခြင်း မရှိသေးဘူးလို့ ပါတီနဲ့ နီးစပ်သူတဦးက ပြောပါတယ်။

လက်ရှိအငြင်းပွားမှုရဲ့ ဗဟိုချက်က မင်းအောင်လှိုင်နဲ့ နီးစပ်သူအဖြစ် လူသိများတဲ့ အောင်လင်းဒွေးကို ပါတီထိပ်ပိုင်းမှာ ပိုမိုအရေးပါတဲ့ အခန်းကဏ္ဍတခု ထပ်မံပေးဖို့ ကြိုးပမ်းနေတဲ့ကိစ္စဖြစ်တယ်လို့လည်း ကြံ့ဖွတ်အသိုင်းအဝိုင်းအတွင်း သတင်းထွက်ပေါ်နေပါတယ်။ စစ်ဘက်နောက်ခံရှိသူတွေကို ပါတီထိပ်ပိုင်းမှာ နေရာတိုးပေးလာတဲ့ အခြေအနေဟာ ကြံ့ဖွတ်အဖွဲ့အတွင်း အရင်ကတည်းက ရှိနေတဲ့ မကျေနပ်မှုတွေကို ပိုမိုကြီးထွားလာစေတာ ဖြစ်ပါတယ်။

တဖက်မှာလည်း ၂၀၂၆ ရွေးကောက်ပွဲမှာ USDP အနိုင်ရခဲ့တာဟာ စစ်တပ်ရဲ့ အုပ်ချုပ်ရေးနဲ့ လုံခြုံရေးယန္တရားတွေကြောင့်သာ ဖြစ်တယ်လို့ စစ်ဘက်နဲ့ နီးစပ်တဲ့အသိုင်းအဝိုင်းတချို့မှာ အမြင်ရှိနေပြီး ပါတီအနေနဲ့ စစ်တပ်ရဲ့ အကူအညီမပါဘဲ ရွေးကောက်ပွဲအောင်ပွဲ ရရှိနိုင်စွမ်း မရှိဘူးလို့ မြင်နေကြတယ်လို့ ပါတီတွင်းသတင်းရင်းမြစ်တွေက ဆိုပါတယ်။

အဲဒီအမြင်နဲ့အတူ မင်းအောင်လှိုင်နဲ့ နီးစပ်တဲ့ စစ်ဘက်အရာရှိဟောင်းတွေက လွှတ်တော်နဲ့ အစိုးရပိုင်းမှာ အရေးပါတဲ့ ရာထူးတွေ ဆက်တိုက်ရရှိလာတာကြောင့် ပါတီအတွင်း မြေပြင်မှာ နှစ်ပေါင်းများစွာ အလုပ်လုပ်ခဲ့တဲ့ ပါတီဝင်တွေထက် စစ်ဘက်ကနေ တိုက်ရိုက်ဝင်လာသူ မိုးကျရွှေကိုယ်တွေက ပိုမိုအရေးပေးခံနေရတယ်ဆိုတဲ့ မကျေနပ်မှုတွေ ရှိလာတယ်လို့ သိရပါတယ်။

USDP က ပြည်ထောင်စုလွှတ်တော်အတွင်း အများစုနေရာ ရရှိခဲ့ပေမယ့် ပါတီအတွက် နှစ်ပေါင်းများစွာ လုပ်ကိုင်လာတဲ့ ဝါရင့်ပါတီဝင်တချို့ဟာ ရွေးကောက်ပွဲအပြီး အစိုးရအဖွဲ့နဲ့ အရေးပါတဲ့ အုပ်ချုပ်ရေးရာထူးတွေမှာ မျှော်မှန်းထားသလောက် နေရာမရခဲ့တာကလဲ အမှန်တရားတခု ဖြစ်နေပြီး ဒီကိစ္စရပ်အပေါ် ကြံ့ဖွတ်အမာခံတွေဖက်က မကျေနပ်မှုတွေလည်း ရှိနေပါတယ်။

ဒီအခြေအနေကြောင့် USDP အတွင်းမှာ ပြဿနာဟာ ရာထူးခွဲဝေမှုသက်သက်ထက် ပိုကျယ်လာပြီး ပါတီရဲ့ နောက်တဆင့်ဦးတည်ချက်ကို ဘယ်အုပ်စုက ပိုမိုလွှမ်းမိုးမလဲဆိုတဲ့ ပြိုင်ဆိုင်မှုအဖြစ် ပြောင်းလဲလာနေပါတယ်။ တနည်းအားဖြင့် ပါတီဟာ နှစ်ပေါင်းများစွာ တည်ဆောက်လာတဲ့ ကိုယ်ပိုင်နိုင်ငံရေးကွန်ရက်နဲ့ ပါတီခေါင်းဆောင်မှုအပေါ် ဆက်ပြီးအခြေခံမလား၊ ဒါမှမဟုတ် လက်ရှိစစ်ဘက်အာဏာပိုင်စနစ်နဲ့ ပိုမိုနီးကပ်တဲ့ နိုင်ငံရေးအဖွဲ့အစည်းအဖြစ် ပြောင်းလဲသွားမလားဆိုတဲ့ မေးခွန်းက CEC ဖွဲ့စည်းရေးနောက်ကွယ်မှာ ရှိနေပါတယ်။

ညီလာခံကို အလျင်အမြန်ကျင်းပလိုက်ရင် CEC ရွေးချယ်ရေးမှာ မဲခွဲမှု ဒါမှမဟုတ် ပွင့်လင်းတဲ့ သဘောထားကွဲလွဲမှုတွေ ပေါ်ပေါက်လာနိုင်တာကြောင့် ညီလာခံကို ရွှေ့ဆိုင်းပြီး ပါတီတွင်းမှာ ဆက်လက်ညှိနှိုင်းနေရတာလို့ ပါတီတွင်းသတင်းရင်းမြစ်တွေက ပြောပါတယ်။ ဒါပေမယ့် ညီလာခံရွှေ့ဆိုင်းရတဲ့ အကြောင်းရင်းကို USDP ဘက်က တရားဝင် အသေးစိတ်ရှင်းလင်းထားခြင်း မရှိသေးတာကြောင့် CEC နေရာခွဲတမ်းနဲ့ ပတ်သက်တဲ့ အတွင်းပိုင်းသဘောထားကွဲလွဲမှုဟာ ညီလာခံရွှေ့ဆိုင်းရတဲ့ အဓိကအကြောင်းရင်း ဟုတ်မဟုတ်ကိုတော့ သီးခြားအတည်ပြုနိုင်ခြင်း မရှိသေးပါဘူး။