23/08/2026
သစ္စာတွေက သစ္စာရှိပါတယ် ❣️
အလှဆုံးပွင့်လန်းခဲ့ကြပြီး ရာသီကုန်လို့
မကြာခင်ပြန်ကြတော့မယ် ။
သူတို့က အလေ့ကျပေါက်တာလေ
ပြုစုစိုက်ပျိုးထားတဲ့ သစ္စာတွေ နဲ့ တူမလိုနဲ့
ကွဲပါတယ်။
အပွင့်သေးတယ် ။ ရိုးတံက ကျစ်တယ် ။
အရောင်စုံ တောသစ္စာပန်းတွေ
တောင်ပေါ်မြေမှာ အလှဆုံးပွင့်ကြတယ် ။
ဒီလို အလေ့ကျပေါက်တာကို ရှမ်းပြည်ရောက်မှ
မြင်ဖူးတာ ။ ဒီနှစ်ပထမဆုံးပေါ့ ။
6 လပိုင်း ၊ 7 လပိုင်းမှာ တောင်တက်တောတိုးရင်း
အများကြီးတွေ့ခဲ့တာ ။ ခုတော့ နည်းနည်းပဲတွေ့တော့တယ် ။
သူတို့ကို တခါတလေ ဟိုနားတစု ဒီနားတစု အစုလိုက်အများကြီး ပွင့်နေတာတွေ့ခဲ့တယ် ။
1 ပင်ထဲလဲ ရှင်သန်ပြီး အလှဆုံးပွင့်နေခဲ့တာတွေလဲ
မြင်ဖူးခဲ့တယ် ။
ဒီနှစ်တွေ့ခဲ့တဲ့ အရောင်တွေက လိမ္မော်ရောင် ၊ ချိုချဉ်ရောင် ၊အဝါရောင် ၊ အနီရောင် ၊ အဖြူရောင် တွေပဲ ။
ချိုချဉ်ရောင်လေးကိုတော့ အများဆုံးတွေ့ခဲ့တာ ။
အဖြူလေးကိုတော့ တောင်ပေါ်မှာ တပင်ထဲ တခါထဲ တွေ့ဖူးတယ် ။ ပုံတော့ မရိုက်မိခဲ့ဘူး ။
ဒီပန်းလေးက ဝါဆိုမှာပွင့်တာရယ် ၊ ဝါဆိုဘုရားပွဲတွေမှာ မြိုင်မြိုင်ဆိုင်ဆိုင်ကပ်လှူ ပူဇော်ကြလို့ ဒေသအခေါ် ဝါဆိုပန်းလို့ခေါ်ကြတယ် ။
တနှစ်တခါ သူ့အချိန်ရောက်တိုင်း မြေကြီးထဲက ကျန်နေတဲ့ဥကနေ မိုးရေနဲ့ထိေတွ့ပြီး
အလေ့ကျပေါက်လာကာ အလှဆုံးပန်းလေးတွေ
ပွင့်ပေးရှာတယ် ။
ဒီပုံလေးတွေက သူတို့ရဲ့ရာသီ အလှဆုံးပွင့်နေချိန်မှာ တောတိုးရင်းတွေ့ခဲ့ရတဲ့ ပုံတွေပါ ။ ရက်တွေမတူဘူးပေါ့ ။ သူတို့ နဲ့ ကိုယ် နဲ့ ဆုံတွေ့ခွင့်ရခဲ့တဲ့ ရက်တွေအများကြီးပဲ ။ ဆုံခွင့်ရပေမဲ့ မရိုက်မိခဲ့တဲ့
သစ္စာတွေလဲရှိတယ် ။
ရှမ်းပြည်ကို ပန်းတွေပွင့်ချိန်အလိုက် ပန်းချစ်သူတွေ လာလည်ကြတယ်လေ ။ Cosmos ချိန် ၊
စိန်းပန်းပြာ ချိန် ၊ ချယ်ရီ ချိန် ၊ တောင်နေကြာ ချိန်
သူတို့လေးတွေက လူမြင်လွယ်တဲ့ လမ်းတွေပေါ်မှာ
ရှိတတ်ပြီး အလှဆုံးပွင့်ပေမဲ့
တောသစ္စာပန်းလေးတွေ မြင်ချင်ရင်တော့ တောတိုး တောင်တက်မှ တွေ့ရဖို့ အခွင့်အရေးများတယ် ။
စုပြုံပြီး အများကြီး အခင်းလိုက်ကြီး ခရီးသွားတွေကို ဆွဲဆောင်နိုင်ဖို့ မရှိတတ်ပေမဲ့
သဘာဝကိုထိတွေ့ချင်သူတွေအတွက်တော့ ဆုအနေ နဲ့ တောထဲမှာ ၊ တောင်ပေါ်မှာ ၊တောင်ယာခင်းတွေနားမှာ သူတို့လေးတွေ စောင့်နေကြတယ် ။
** ဒီပန်းလေးတွေက ကိုင်းကျိုးနေတာမျိုး ၊
အောက်ကအပွင့်တွေအများကြီး ညှိုးနေပြီး
အပေါ်က နည်းနည်းပဲ အလှကျန်တော့မှ ခူးထားတာတွေပါ ။
----------------------------------------
ကလောရောက်တုန်း သဘာဝအလှတွေခံစားဖို့
Hiking, Trekking သွားချင်ရင် Solo ရော
အဖွဲ့လိုက်ရောပို့ပေးပါတယ်နော် ။
လမ်းလျှောက်ကြာချိန် 3 နာရီ ကနေ 6 နာရီ
အမျိုးမျိုးရှိတာမို့ ကြိုက်ရာရွေးပြီးသွားလို့ရပါတယ် ။
အသေးစိတ် page cb (or )
Viber 09405952347 မှာ မေးလို့ရပါတယ် ။
Phone - 09405952347
