เว็บไซต์คืออะไร?

https://youtube.com/channel/UC0BNdfPWAdTHNqRgaP0XKiA

Best Share with Love, wat Ket, Chiang Mai (2025)

31/10/2025

ဘာလို့....
ကိတ်မုန့်တွင် Baking Powder/Soda ကို အသုံးပြုပြီး ပေါင်မုန့်တွင် Yeast ကို အသုံးပြုရသလဲဆိုရင်...

၎င်းတို့၏ ဓာတ်ပြုပုံနှင့် အဓိကလုပ်ဆောင်ချက် ကွာခြားသောကြောင့် ဖြစ်ပါသည်။

အဓိကအချက်များမှာ အောက်ပါအတိုင်း ဖြစ်ပါတယ်...

📌ဓာတ်ပြုပုံနှင့် လှုပ်ရှားမှု ကွာခြားပုံ

* Baking Powder/Soda (ဓာတုဗေဒနည်းဖြင့် လေထွက်စေခြင်း)။

* ၎င်းသည် ဓာတုဗေဒတုံ့ပြန်မှု (Chemical Reaction) ဖြင့် အလုပ်လုပ်ပါသည်။ Baking Powder တွင် အက်ဆစ်နှင့် ဘေစ် (Base) ပါဝင်သောကြောင့် ရေနှင့်ရောလိုက်သည်နှင့် ကာဗွန်ဒိုင်အောက်ဆိုဒ် (CO2) ဓာတ်ငွေ့ ကို ချက်ချင်း ထုတ်လွှတ်ပါသည်။ ထို့အတူ Baking Soda သည်လည်း Acid အက်ဆစ်ဓာတ်ရှိသော ပါဝင်ပစ္စည်းများနှင့် တွေ့လျှင် ကာဗွန်ဒိုင်အောက်ဆိုဒ် (CO2) ဓာတ်ငွေ့ ကို ထုတ်လွှတ်ပါသည်။

* ဒီဖြစ်စဥ်သည် ကိတ်မုန့်အတွက် အသင့်တော်ဆုံး ဖြ်ပါသည်။ အကြောင်းမှာ ကိတ်မုန့် batter(မုန့်နှစ်) ကို လျင်မြန်စွာ လေပွစေပြီး Oven(မီးဖို)ထဲ ထည့်လိုက်သည်နှင့် ချက်ချင်း ပုံသဏ္ဍာန်တည်သွားစေရန် လိုအပ်သောကြောင့် ဖြစ်သည်။ ၎င်းသည် နူးညံ့ပြီး ပွနေသော (Tender and Crumbly) အသွင်အပြင်ကို ပေးစွမ်းသည်။

* Yeast (ဇီဝဗေဒနည်းဖြင့် လေထွက်စေခြင်း):
* Yeast သည် အသက်ရှိသော သက်ရှိပိုး (Living Microorganism) ဖြစ်သည်။ ၎င်းသည် Dough ထဲရှိ သကြားဓာတ်ကို စားသုံးပြီး Fermentation(အချဥ်ဖောက်ခြင်း) ဖြစ်စဉ်မှတစ်ဆင့် ကာဗွန်ဒိုင်အောက်ဆိုဒ် (CO2) ဓာတ်ငွေ့ နှင့် အယ်လ်ကိုဟော ထုတ်လွှတ်သည်။

* ဒီဖြစ်စဥ်သည် ပေါင်မုန့်အတွက် အသင့်တော်ဆုံး ဖြစ်ပါသည်။ ဒီလုပ်ငန်းစဉ်သည် နှေးကွေးပြီး အချိန်ယူရသောကြောင့် (ကစီ/ဂလူတန် ဖွဲ့စည်းပုံကို တည်ဆောက်ရန် အချိန်ရစေပါသည်)။ ဒီနှေးကွေးသော ဓာတ်ပြုမှုက ပေါင်မုန့်၏ ဆွဲဆန့်မှု (Elasticity) နှင့် ဝါးရသည့် အသွင်အပြင် (Chewy Texture) ကို ဖြစ်ပေါ်စေပါသည်။ ထို့အပြင် Fermentation(အချဥ်ဖောက်ခြင်း)က ပေါင်မုန့်၏ ထူးခြားသော အရသာနှင့် အနံ့ ကို ပေးစွမ်းနိုင်ပါသည်။

📌 အချိန်နှင့် ဖွဲ့စည်းပုံ

* ကိတ်မုန့်တွင်...
လျင်မြန်သော လေပွမှု လိုအပ်သည်။ အချိန်ကြာပါက ကိတ် batter ၏ အလေးချိန်ကြောင့် ပြန်ပြုတ်ကျသွားနိုင်သည်။

* ပေါင်မုန့်တွင်...
ဖြည်းဖြည်းချင်း လေပွချိန်ကြာကြာ ပေးရမည်။ ဤအချိန်အတွင်းတွင် ဂလူတန် (Gluten) သည် အားကောင်းလာပြီး ပေါင်မုန့်၏ အတွင်းသား (Crumb)သည် လေပါသည့် ပုံစံမျိုး ဖြစ်လာစေပါသည်။

အထက်ပါအကြောင်းအရာတွေကြောင့် ဘာလို့ ကိတ်မှာ Baking Powder/Soda သုံးပြီး ပေါင်မုန့်မှာ Yeast ဖြစ်ရတာလဲဆိုတာ သိရှိနိုင်မှာဖြစ်ပါတယ်ခင်ဗျာ။

ဒီ Post က သင့်အတွက် အကျိုးရှိစေတယ်ဆိုရင် react နှင့် ပြန်လည်မျှဝေသွားတာမျိုး လုပ်ပေးသွားနိုင်ပါတယ်ခင်ဗျာ။

တခြားသော မုန့်လုပ်နည်းနှင့် ပတ်သက်သည့်အကြောင်းအရာများ သိချင်တာရှိလျှင် comment တွင် ရေးသွားနိုင်ပါတယ်ခင်ဗျာ။

28/10/2025

မုန့်တွေဖုတ်တဲ့အခါ မုန့်တွေပွလာစေဖို့ ဘယ်အရာတွေက ဖြစ်ပေါ်စေတာပါလဲ?

ဒီဖြစ်စဥ်သည် မုန့်ဖုတ်သည့်အခါ ကာဗွန်ဒိုင်အောက်ဆိုဒ် (CO2) ဓာတ်ငွေ့ ထုတ်လွှတ်မှုကနေဖြစ်ပေါ််စေတာဖြစ်ပါတယ်။ ကာဗွန်ဒိုင်အောက်ဆိုဒ် (CO2) ဓာတ်ငွေ့ ထုတ်လွှတ်မှုက အလွန် အရေးပါပါတယ်။

📌ကာဗွန်ဒိုင်အောက်ဆိုဒ် (CO2) ဓာတ်ငွေ့ ထုတ်လွှတ်မှုကြောင့်

* မုန့်သားကို ဖောင်းကြွစေခြင်း (Leavening)။

CO2 ဓာတ်ငွေ့သည် မုန့်သားအတွင်း၌ ပူဖောင်းငယ်များအဖြစ် ဖန်တီးကာ ပိတ်မိနေပြီး၊ အပူပေးသည့်အခါ ထိုပူဖောင်းများ ပိုမိုကြီးထွားလာခြင်းကြောင့် မုန့်သားကို ဖောင်းကြွစေပါသည်။ ဤဖြစ်စဉ်သည် မုန့်ကို ပေါ့ပါးသော၊ ပွသော၊ စားချင်စဖွယ် အသွင်အပြင် ကို ရရှိစေပါသည်။

* ပမာဏ တိုးလာခြင်း။

ဓာတ်ငွေ့များ ထုတ်လွှတ်မှုကြောင့် မုန့်သား၏ ပမာဏသည် သိသိသာသာ တိုးလာပြီး၊ မုန့်တစ်လုံးအဖြစ် ပုံပေါ်လာစေသည်။

📌CO₂ Gas ထွက်ပေါ်စေတဲ့အရာတွေရှိပါတယ်။

အဲ့ဒါတွေကတော့

Baking powder / Baking soda (chemical leaveners) နှင့် Yeast (biological leavener) တွေ ဖြစ်ပါတယ်။

- Baking soda (NaHCO₃) သည်
➡️ Acid (ဥပမာ — vinegar, lemon juice, yogurt, buttermilk) နဲ့တွေ့ရင်
CO₂ + water + salt ဖြစ်ပေါ်သွားပြီးနောက် CO₂ သည် batter (မုန့်နှစ်) ထဲမှာ အပူနဲ့အတူ ပျံ့သွားကာ မုန့်ပွစေပါတယ်။

- Baking powder သည်
➡️ Acid နဲ့ base နှစ်မျိုးပါဝင်လို့ ကိုယ်တိုင် CO₂ ထုတ်ပေးနိုင်တယ်။
အပူနှင့်ထိတွေ့တဲ့အခါ CO₂ ထုတ်ပေးပြီး မုန့်ကိုပွစေပါတယ်။

- Yeast (သမားရိုးကျ မုန့်ဖုတ်နည်းတွင်)
➡️ Yeast က sugar ကိုဖျက်ပြီး
CO₂ + alcohol ထုတ်ပေးပါတယ်။
CO₂ က dough ထဲမှာ ပျံ့နှံ့သွားပြီး မုန့်ကို ပွစေပါတယ်။

ဒီဖြစ်စဥ်တွေသည် မုန့်တစ်ခုပြုလုပ်ရာမှာ ပါဝင်သည့်ပါဝင်ပစ္စည်းများကို ရောစပ်တဲ့အချိန်ကနေစပြီး တစ်ခုနှင့်တစ်ခု ဓာတ်ပြုခြင်း(reaction)ကြောင့် ပေါ််ပေါက်လာတာဖြစ်လို့ မုန့်နှစ်တွေရောစပ်ပြီးတဲ့အချိန်မှာ အချိန်ကိုက်သင့်တော်‌သောမီးအားဖြင့် ဖုတ်မှသာလျှင် ကောင်းမွန်သောမုန့်များကို ရရှိစေမှာဖြစ်ပါတယ်။

အချိန်ကိုက်မုန့်ဖုတ်ခြင်းကို မပြုလုပ်နိုင်ဘဲ အချိန်လွန်သွားသည့်အခါ ပါဝင်ပစ္စည်းများက ထုတ်ပေးသော CO₂ gas သည် ဆက်လက်မထုတ်ပေးနိုင်တော့သည့်အတွက် မုန့်ပွလာတော့မည်မဟုတ်ပါ။

ဒီဖြစ်စဥ်တွေကို သဘော‌ပေါက်သွားပြီဆိုလျှင် ဘယ်အရာတွေက မုန့်ကို ပွစေတာလဲ?

ဘာ့ကြောင့် မုန့်နှစ်တွေ ရောစပ်ပြီးသည့်အခါ အချိန်ကိုက်မုန့်ဖုတ်ဖို့လိုသလဲ?

ဆိုတာတွေကို သဘောပေါက်သွားနိုင်မယ်ထင်ပါတယ်ခင်ဗျာ။

မုန့်ပြုလုပ်ရာမှာ သိလိုသောအခြားအကြောင်းအရာတွေရှိရင် comment မှာ ရေးသွားလို့ရပါတယ်ခင်ဗျာ...

ကျနော်အချိန်ရရင်ရသလို Post ရေးပေးသွားပါမယ်ခင်ဗျာ။

07/09/2025

အခက်အခဲတွေများလာလေ ဒါတွေကိုဖြေရှင်းနိုင်ဖို့ ကိုယ်မှာ စွမ်းရည်များများလိုလာလေပါပဲ..

ဒီလိုအချိန်မှာ personal development က ပိုလိုအပ်ပါတယ်..

ကိုယ်နဲ့သက်ဆိုင်တဲ့နယ်ပယ်တွေမှာ ကိုယ်ထပ်လုပ်နိုင်တာတွေချဲ့ထွင်နိုင်ဖို့ အသိပညာတွေဆက်ရှာဖွေမှသာ အခက်အခဲတွေကို ကျော်လွှားနိုင်မှာဖြစ်ပါတယ်...

ဖြေရှင်းရမဲ့အခက်အခဲက အဆင့် ၂ဖြစ်နေပြီး ကိုယ်ရဲ့ စွမ်းဆောင်ရည်က အဆင့် ၁ သာရှိနေသေးရင် ကျော််ဖြတ်နိုင်ဖို့ မလွယ်ပါဘူး...

အဆင့် ၂ကို ဖြတ်ကျော်ဖို့က ကျနော်တို့ရဲ့ စွမ်းဆောင်ရည် အဆင့် ၃ဖြစ်နေဖို့ လိုပါလိမ့်မယ်..

01/09/2025

မာဂျရင်း(Margarine) ဘယ်ကစဖြစ်‌ပေါ်လာခဲ့တာလဲ?

မာဂျရင်း (Margarine) ဆိုတာ ထောပတ် (butter) ကို အစားထိုးနိုင်ဖို့ ပြုလုပ်ထားတဲ့ စားသုံးဆီတစ်မျိုးဖြစ်ပါတယ်။ မာဂျရင်းမှာ အဓိကအားဖြင့် ဟင်းသီးဟင်းရွက်ဆီ (vegetable oil)၊ ရေ၊ ဆားနဲ့ အခြားပါဝင်ပစ္စည်းတွေကို အသုံးပြုပြီး ထုတ်လုပ်ပါတယ်။ ထောပတ်နဲ့ ဆင်တူတဲ့ အသား၊ အရသာ၊ အနံ့နဲ့ အသွင်အပြင် ရရှိအောင် ပြုလုပ်ထားတာ ဖြစ်ပါတယ်။

မာဂျရင်း စတင်ပေါ်ပေါက်လာပုံ

မာဂျရင်းကို ၁၉ ရာစုမှာ ပြင်သစ်နိုင်ငံသား ဓာတုဗေဒပညာရှင် Hippolyte Mège-Mouriès က စတင်တီထွင်ခဲ့တာ ဖြစ်ပါတယ်။ ၁၈၆၉ ခုနှစ်မှာ ပြင်သစ်ဧကရာဇ် နပိုလီယံ တတိယ (Napoleon III) က စစ်သည်တွေနဲ့ ဆင်းရဲသားပြည်သူတွေအတွက် ဈေးသက်သာတဲ့ ထောပတ်အစားထိုးပစ္စည်းတစ်ခုကို တီထွင်ဖို့ စိန်ခေါ်ခဲ့ပါတယ်။

ဒီစိန်ခေါ်မှုကို လက်ခံပြီး Hippolyte Mège-Mouriès ဟာ နွားနို့အဆီ (beef tallow) ကို အသုံးပြုပြီး "oleomargarine" လို့ အမည်ပေးထားတဲ့ ပစ္စည်းတစ်ခုကို ဖန်တီးနိုင်ခဲ့ပါတယ်။ "Oleomargarine" ဆိုတဲ့ နာမည်က "oleic acid" (အဆီ) နဲ့ "margaric acid" (ပုလဲလို တောက်ပတဲ့) ဆိုတဲ့ ဂရိစကားလုံး နှစ်ခုကို ပေါင်းစပ်ထားတာ ဖြစ်ပါတယ်။

အစောပိုင်းကာလတွေမှာတော့ မာဂျရင်းကို တိရစ္ဆာန်အဆီကနေ ပြုလုပ်ခဲ့ကြပေမဲ့ ၂၀ ရာစုအစပိုင်းမှာတော့ သိပ္ပံပညာတိုးတက်လာတာနဲ့အမျှ ဟင်းသီးဟင်းရွက်ဆီတွေကို အသုံးပြုပြီး ထုတ်လုပ်လာကြပါတယ်။ ဒီလိုပြောင်းလဲလိုက်ခြင်းအားဖြင့် ထုတ်လုပ်စရိတ်ကို ပိုပြီးသက်သာစေသလို ကျန်းမာရေးအတွက်လည်း ပိုပြီး ကောင်းမွန်လာခဲ့ပါတယ်။

မာဂျရင်းကို ထုတ်လုပ်ပုံအဆင့်ဆင့်
လက်ရှိအချိန်မှာတော့ မာဂျရင်းကို အဓိကအားဖြင့် ဟင်းသီးဟင်းရွက်ဆီတွေ ဖြစ်တဲ့ ပဲပိစပ်ဆီ၊ ပြောင်းဆီ၊ နေကြာဆီ၊ စွန်ပလွန်ဆီ စတာတွေကို အသုံးပြုပြီး ထုတ်လုပ်ကြပါတယ်။

ထုတ်လုပ်ပုံ အဆင့်ဆင့်ကတော့-

* ဟင်းသီးဟင်းရွက်ဆီ အရည်အသွေးမြှင့်တင်ခြင်း:

ဆီတွေကို အရောင်၊ အနံ့နဲ့ အရသာ မရှိအောင် သန့်စင်လိုက်ပါတယ်။

* မာဂျရင်းအဖြစ် ဖန်တီးခြင်း:

သန့်စင်ပြီးသား ဆီအရည်ကို ရေ၊ ဗီတာမင်တွေ၊ အရသာနဲ့ ဆားတို့နဲ့ ရောစပ်ပါတယ်။ ဒီအဆင့်မှာ ဆီနဲ့ရေကို ပေါင်းစပ်ပေးဖို့ emulsifiers (အရောအနှောကို အားကောင်းစေသော ဓာတုပစ္စည်း) တွေကို အသုံးပြုပါတယ်။

* အအေးခံပြီး အခဲဖြစ်စေခြင်း:

အရည်ကို ရုတ်တရက် အအေးခံလိုက်ခြင်းအားဖြင့် ထောပတ်လိုမာတဲ့ အခဲအဖြစ် ပြောင်းလဲသွားစေပါတယ်။

ယခုခေတ်ထုတ် မာဂျရင်းတွေကတော့ ကျန်းမာရေးနဲ့ညီညွတ်အောင် ဖက်တီးအက်ဆစ် (Trans Fat) နည်းအောင်၊ အိုမီဂါ ၃ (Omega-3) နဲ့ ဗီတာမင်တွေထည့်သွင်းပြီး ထုတ်လုပ်လာကြပါတယ်။

Shortening အကြောင်းရေးပြီးတော့ Margarine အကြောင်းဆက်ရေးပေးလိုက်ပါတယ်။

ထုတ်ကုန်တွေက ကျနော်တို့ လူနေမှု၊ ‌စားသောက်မှုတွေကို ပိုမိုကောင်းမွန်စေဖို့ လူတွေက ဖန်တီးထားကြတာဖြစ်ပေမဲ့ ဘယ်အရာမဆို "တန်ဆေး လွန်ဘေး" ဆိုတဲ့စကားအတိုင်းပဲ ခန္ဓာကိုယ်အတွက် ဘယ်လောက်ပဲကောင်းမွန်သည်ဖြစ်စေ အလွန်အကျွံမဖြစ်ဖို့ မသိထားရမှာပဲဖြစ်ပါတယ်ခင်ဗျာ။

#မာဂျရင်း

31/08/2025

Shortening ဆိုတာ....

Shortening ဆိုသည်မှာ မုန့်ဖုတ်ရာတွင် အသုံးပြုသော အခန်းအပူချိန်တွင် အခဲဖြစ်နေသည့် အဆီတစ်မျိုးဖြစ်သည်။ "Shortening" ဟူသော အမည်သည် မုန့်လုပ်တဲ့အခါ အဆီက ဂျုံထဲရှိ gluten (ဂလူတန်) မော်လီကျူးများကို ဆွဲဆန့်မှု မဖြစ်အောင် တားဆီးပေးပြီး မုန့်သားကို နူးညံ့ပြီး ကြွပ်ဆတ်စေရန် "shorten" (တိုအောင်လုပ်ပေး) ခြင်းကြောင့် ထိုအမည်ရခြင်းဖြစ်သည်။

Shortening တွင် အဓိကအားဖြင့် အောက်ပါ အမျိုးအစားများရှိသည်။

* ဟင်းသီးဟင်းရွက် Shortening - မူလက ဝါစေ့ဆီ (cottonseed oil) ကဲ့သို့သော ဟင်းသီးဟင်းရွက်ဆီကို ဟိုက်ဒရိုဂျင်ဓာတ်ပေါင်းထည့်ကာ အခဲဖြစ်အောင် ပြုလုပ်ထားခြင်းဖြစ်သည်။ Crisco ကဲ့သို့သော အမှတ်တံဆိပ်များသည် ဤအမျိုးအစားတွင် ပါဝင်သည်။

* ဝက်ဆီ (Lard) - ဝက်အဆီမှ ရရှိသော စားသုံးနိုင်သည့်အဆီဖြစ်သည်။ ရိုးရာမုန့်ဖုတ်ရာများတွင် အများဆုံးအသုံးပြုကြသည်။

* ထောပတ် (Butter) နှင့် မာဂျရင်း (Margarine) - ၎င်းတို့သည်လည်း Shortening အမျိုးအစားများ ဖြစ်ကြသည်။

အဓိကအသုံးပြုပုံများနှင့် ဂုဏ်သတ္တိများ

* မုန့်သားနူးညံ့စေခြင်း - Shortening ကို မုန့်ဖုတ်ရာတွင် အသုံးပြုခြင်းဖြင့် ကိတ်မုန့်၊ ကွတ်ကီး နှင့် ပိုင်မုန့် (pie crust) တို့ကို ပိုမိုနူးညံ့စေပြီး ပုံသဏ္ဌာန်မပျက်စေရန် ကူညီပေးပါသည်။

* မုန့်သားအလွှာလိုက်ဖြစ်စေခြင်း - ပိုင်မုန့်ကဲ့သို့သော မုန့်များပြုလုပ်ရာတွင် Shortening ကို ဂျုံမှုန့်နှင့် ရောစပ်လိုက်ပါက မုန့်သားကို အလွှာလိုက် ဖြစ်ပေါ်စေကာ နူးညံ့ပြီး ကြွပ်ဆတ်သော အရသာကို ပေးစွမ်းစေပါသည်။

* အရည်ပျော်မှတ် မြင့်မားခြင်း - ထောပတ်ထက် အရည်ပျော်မှတ် ပိုမြင့်သောကြောင့် မုန့်ဖုတ်စဉ် မုန့်သားပုံစံကို ပိုမိုထိန်းထားနိုင်ပြီး အပူချိန်မြင့်မားစွာ လိုအပ်သော မုန့်များအတွက် ပိုမိုသင့်လျော်သည်။

* အရသာ မပါဝင်ခြင်း - အများစုသော Shortening အမျိုးအစားများသည် အရသာမရှိသောကြောင့် မုန့်ဖုတ်ရာတွင် အခြားပါဝင်ပစ္စည်းများ၏ မူလအရသာကို မပြောင်းလဲစေဘဲ ထိန်းသိမ်းပေးသည်။

Shortening သမိုင်းကြောင်း

Shortening ကို ၁၉ ရာစုနှောင်းပိုင်းတွင် စတင်ဖန်တီးခဲ့ပြီး ၁၉၁၁ ခုနှစ်တွင် Procter & Gamble ကုမ္ပဏီမှ Crisco အမှတ်တံဆိပ်ကို စတင်မိတ်ဆက်ခဲ့သည်။ Crisco သည် ဝက်ဆီထက် ဈေးသက်သာသော အစားထိုးပစ္စည်းဖြစ်ပြီး ချက်ပြုတ်ရာတွင် သန့်ရှင်းပြီး ပိုမိုလွယ်ကူသည်ဟု ကြော်ငြာခဲ့ရာမှ အလွန်ရေပန်းစားပြီး စိတ်၀င်စားမှုကို ရရှိလာခဲ့ပါသည်။ ထိုအချိန်မှစ၍ "Shortening" ဟူသော အမည်သည် ဟိုက်ဒရိုဂျင်ဓာတ်ပေါင်းထည့်ထားသည့် ဟင်းသီးဟင်းရွက်ဆီများကို သီးသန့်ရည်ညွှန်းသော အသုံးအနှုန်းဖြစ်လာခဲ့သည်။

ဒါကတော့ shortening ဆိုတာ ဘာလဲ သိချင်လို့ မေးထားကြသူများအတွက် ရှာဖွေရေးသားပေးတာဖြစ်ပါတယ်ခင်ဗျာ။

29/08/2025

ဒီ video ကျနော်တင်‌ထားပေးပြီးသားဖြစ်ပါတယ်။

ရှာနေကြသူများ c o m m e n t မှာ လ င် ့ ရေး ထားပေးပါမယ်...

တကယ်တော့ baker တွေအတွက် အထောက်အကူဖြစ်‌စရာ တော်တော်များများ ကျနော့် page နဲ့ channel တွေမှာ တင်‌ထားပြီးသားပါ...

ရှာတက်တဲ့သူတွေ့ပါလိမ့်မယ် 😊

29/08/2025

📌 Best မုန့်လုပ်နည်း online class group 1 အမြဲတမ်း၀င်ကြေးကို 50% discount ဆက်ပေးထားပါတယ်...

အခုလိုခက်ခဲတဲ့ကာလမှာ ငွေကြေးကုန်ကျမှုသက်သာစွာဖြင့် ဝါသနာပါရာလေ့လာနိုင်ဖို့အတွက် Best က ဖွင့်လှစ်ထားသည့် Online Class များ အားလုံးကို ၀င်ကြေးကို 50% သာ ပေးသွင်းပြီး လေ့လာဖို့ discount ဆက်လက်ပေးထားပါသေးတယ်ခင်ဗျာ

Best က ဖွင့်လှစ်ထားတဲ့ Online Class တွေထဲမှာမှ Online Class တစ်ခုတည်းမှာ ပေါင်မုန့်၊ ကိတ်မုန့်နှင့် မွေးနေ့ကိတ်ပြုလုပ်နည်းများအပြင် လေ့လာစရာများစွာကို တစ်နေရာတည်းမှာ စုံလင်စွာစုစည်းပေးထားသော Video 144 ပုဒ်ထိပါ၀င်သည့် Best Online မုန့်လုပ်နည်း Group 1 ကို ၀င်ကြေး ❌135000 ကနေ ✅67500 သာ ပေးသွင်းလေ့လာနိုင်တော့မှာဖြစ်ပါတယ်။

ဒီလိုအမြဲတမ်း၀င်ကြေး လျှော့ချလက်ခံပေးတဲ့အစီအစဉ်ကိုတော့ ပုံမှန်၀င်ကြေးဖြင့် ပြန်လည်လက်ခံမည့် post ပြန်မတင်ခင်အထိ ဆက်လက်လက်ခံပေးသွားပါမယ်ခင်ဗျာ...

📌ဘယ်လိုလေ့လာရမှာလဲ?

မုန့်ပါ၀င်ပစ္စည်းတွေကနေစပြီး ပြုလုပ်ပုံအဆင့်ဆင့်ကို Video ရိုက်ကူးပြီး Facebook Private Group မှာ တင်ပေးထားတာဖြစ်လို့ ၀င်ကြေးပေးသွင်းပြီးသည်နှင့် အချိန်မရွေး နေရာမရွေး မိမိအဆင်ပြေသလို လေ့လာနိုင်မှာဖြစ်ပါတယ်။

📌ဘယ်အချိန်ထိ လေ့လာနိုင်မှာလဲ?

အမြဲတမ်း၀င်ကြေးဖြစ်သည့်အတွက် အချိန်အကန့်အသတ်မရှိ လေ့လာနိုင်မှာဖြစ်ပါတယ်။

📌မသိတာတွေ ဘယ်လိုမေးရမလဲ?

video တွေကြည့်ရင်း နားမလည်သည်များကို မေးမြန်းဖို့အတွက် video တွေရဲ့ comment နေရာ၊ page message box နှင့် member များအတွက် သီးသန့်လုပ် ပေးထားသည့် Telegram Member Group များလည်း ထားရှိပေးထားပါတယ်။

📌ဘာတွေ လေ့လာရမှာလဲ?

🎞️🎞️ လက်ရှိတင်ထားပြီးသော video တွေကတော့

🟦 ပေါင်မုန့်နှင့်ပတ်သက်ပြီး🍞🍝🍕🥪🥯🍩

- Sausage and Floss Roll
- Korea Corn Dog ပြုလုပ်နည်း 2 မျိုး
- Chocolate Buns
- ပေါင်မုန့်ဒိုးသားနယ်ပြီး ပေါင်မုန့်လေ့ကျင့်ခန်း
- Sandwich Bread လုပ်နည်းနှင့် Sandwich Tuna/Sausage လုပ်နည်း
- ကြက်သားမျှင်ပေါင်မုန့်လုပ်နည်း
- Whole Wheat Bread
- Garlic Bread
- နို့ပေါင်မုန့်ပြုလုပ်နည်း
- Cheese Pizza
- Sausage Pizza
- Tomato Sauce (Pizza Sauce)
- Burger ပြုလုပ်နည်း
- Fried Donut ပြုလုပ်နည်း
- Baked Donut ပြုလုပ်နည်း

🟦 Cake နှင့်ပတ်သက်ပြီး🥞🍰🍮

- Tiramisu Cake (with lady finger)
- Strawberry Cheese Cake
- Home Made Caramel Pudding
- Honey Hive Cake
- Chocolate Lava Cake 2
- Durian Cake
- Mocha Cake
- Madeleines
- Chocolate Poppy Seed Cake
- Chocolate Crinkle
- Pan Cake
- Assorted Cake
- Black Forest Cake
- Blueberry Fancy Cake Roll
- Banana Cake
- Cheese Pudding
- Potato & Sweet Potato Cake
- Batik Cake with Chocolate Ganache
- Fruits Cheese Cake
- Tiramisu Crepe Cake
- Cup Cake ပြုလုပ်နည်း
- Yogurt Mousse Cake
- Red Velvet Cake
- Strawberry Mousse Cake
- Young Coconut Cake
- Chocolate Lava Cake
- Cream Cheese Mousse Cake
- Cheddar Cheese Cake
- Lava Cheese Cake / Melt Cheese Cake
- Burnt Cheese Cake
- Double Cheese Cake
- Tom & Jerry Cheese Cake
- American Cheese Cake
- Butter Cake
- Butter Marble Cake
- Chiffon Cake
- Sponge Cake
- Chocolate Swiss Roll
- Rainbow Swiss Roll
- Chocolate Brownies
- Caramel Pudding
- Pudding Cake
- Chocolate
- Eclair

🟦 Cake Decoration နှင့်ပတ်သက်ပြီး🎂

- Money Pulling Cake
- Burn Away Cake
- Black Forest Cake
- Basic Cake Decoration 7ပုဒ်
- Baby Barbie Cake Decoration
- Photo Cake Decoration
- 2 Layers Cake Decoration
- Caramel ကျိုနည်း
- Topping Cream ရိုက်နည်း
- Butter Cream ရိုက်နည်း
- Whipping Cream Powder ရိုက်နည်း
- Chocolate Ganache ကျိုနည်းများ

🟦 Cookies နှင့်ပတ်သက်ပြီး🍪

- Oatmeal Cookies
- Lady Finger
- Butter Biscuits
- Rice Cracker ပြုလုပ်နည်း
- Italian Breadstick ပြုလုပ်နည်း
- Butter Cookies ပြုလုပ်နည်း
- Churros ပြုလုပ်နည်း
- Florentine Biscuits
- Dry Cake
- Nan Ka Htai နန်ကထိုင်
- Scottish Shortbread
- Cheese Cookie
- Egg Tart
- Blueberry Cookies
- Fan Puff
- Scott Cookies
- Double Chocolate Cookies

🟦 အခြားအစားအစာနှင့် မုန့်လုပ်နည်းများ

- ငါးဆားအုံကင်ပြုလုပ်နည်း
- အီကြာကွေးပြုလုပ်နည်း
- ပလာတာပြုလုပ်နည်း
- ပေါက်စီပြုလုပ်နည်း
- Yogurt (ဒိန်ချဉ်)လုပ်နည်း
- Rasmalai
- Durian Pillow လုပ်နည်း
- Durian Malai
- Mochi ပြုလုပ်နည်း
- Home Made Cream Cheese လုပ်နည်း

🟦 အအေးဖျော်နည်း🧋🥛

- Lemon Tea Cheese Foam
- Mango Milk, Strawberry Milk ဖျော်နည်း
- Thai Bubble Tea ဖျော်နည်း
- Italian Soda

🟦 မုန့်လုပ်ရာတွင်သိသင့်သည့်အကြောင်းအရာများ

- ဂျုံရွေးချယ်မှုမှန်ကန်စေဖို့ ဂျုံအကြောင်းသိကောင်းစရာ
- အော်ဒါတွေရပြီးရောင်းရပေမဲ့ ဘာကြောင့် အမြတ်မရှိတာလဲ?
- မုန့်အချိုးထဲက ပါ၀င်ပစ္စည်းတွေ ပြောင်းတဲ့အခါ ဘာတွေဖြစ်နိုင်သလဲ?
- တနိုင်တပိုင်မုန့်တွေ ဆိုင်တင်ရောင်းချင်ရင် ဘာတွေ သိထားသင့်သလဲ?
- မုန့်အချိုးတွက်နည်း
- မုန့်ဈေးနှုန်းတွက်နည်း
- Oven တွေမှာ Safeguarde ခံသုံးဖို့ လိုအပ်သလား
- Pre Heat temperature ဆိုတာဘာလဲ
- Mixer ၀ယ်မယ်ဆိုရင် သိထားသင့်သည်များ
- Oven နှင့်ပတ်သက်ပြီး သိထားသင့်သည့်အချက်များ

🟦 အလုပ်နှင့်ပတ်သက်ပြီးအခြားသိသင့်တာများ

- Ethic ၊ ကျင့်၀တ်ဆိုတာ
- Branding ဆိုတာ ဘာလဲ?
- ကိုယ်ပိုင်အလုပ်လုပ်မည့်သူများအတွက် သိထားသင့်သည့် Soft Skill (၄)ခု
- လူများကို ဦးဆောင်နေသည့်သူများအတွက် သိထားသင့်သည့်အချက်များ
- တနိုင်တပိုင်အလုပ်များရဲ့ တိုးတက်မှုတွေကို အတားအဆီးဖြစ်စေသော အကြောင်းအချက်များ
- သက်မွေး၀မ်းကြောင်းပညာရပ် ရွေးချယ်တဲ့အခါ ထည့်သွင်းစဉ်းစားသင့်သည့်အချက်များ
- အလုပ်လုပ်မည့်သူများသိထားသင့်သည့် 5P အကြောင်း
- ရေရှည်ခရီးအတွက် ကိုယ့်ကိုကိုယ်ပြန်ရှာပါ
- Everything starts with a Dream
- Member Zoom Meeting M1 recording

စသော ခေါင်းစဉ်များဖြင့် video များစွာကို
စုံလင်စွာလေ့လာခွင့်ကို တစ်နေရာတည်းရရှိမှာဖြစ်ပါတယ်...

စိတ်ဝင်စားသူများအနဖြင့် Online class ကို ၀င်ရောက်လေ့လာလိုပါက Page Message box သို့ ဆက်သွယ်‌မေးမြန်းနိုင်ပါတယ်...

၀င်ကြေးအတွက်
💳 Kpays, Ayapays, KBZ & AYA Bank online payment တို့ဖြင့် ပေးသွင်းနိုင်ပါသည်။

ုန့်လုပ်နည်းGroup1

27/08/2025

Topping Cream ၀ယ်မရရင် whipping cream powder သုံးပါ.. အဲ့ဒါမှမရရင် butter cream ရိုက်နည်း page မှာ တင်ထားပါတယ် 😊

27/08/2025

ကျနော့် page က video တွေကြည့်ပြီး ခဏခဏလုပ်စားဖြစ်နေတဲ့မုန့်တွေက ဘာတွေများဖြစ်မလဲဗျာ့ ?

26/08/2025

Mayonnaise တွေဝယ်ရခက်တဲ့အချိန် ကိုယ်တိုင်လုပ်နိုင်သော လွယ်ကူပြီးအရသာကောင်းမွန်သော Mayonnaise ပြုလုပ်နည်း မျှဝေပေးလိုက်ပါတယ်ခင်ဗျာ။

20/08/2025

Dough Volume နဲ့ Yeast Volume က ဘာကိုဆိုလိုတာပါလဲ?

Dough Volume (မုန့်ဖုတ်ဂျုံလုံး ထုထည်)

Dough volume ဆိုတာက မုန့်ဖုတ်ဂျုံလုံးရဲ့ ထုထည်ကို ဆိုလိုတာပါ။ 🍞 မုန့်ဖုတ်ရာမှာ တဆေးရဲ့ အချဉ်ဖောက်တဲ့ လုပ်ဆောင်မှုကြောင့် ကာဗွန်ဒိုင်အောက်ဆိုဒ် (CO₂) ဓာတ်ငွေ့တွေ ထွက်လာပါတယ်။ ဒီဓာတ်ငွေ့တွေက ဂျုံလုံးထဲမှာ ပိတ်မိနေပြီး မုန့်ဖုတ်ဂျုံလုံးကို ဖောင်းကားလာစေကာ ထုထည်ပိုများလာစေပါတယ်။ ဒီလို ထုထည်တိုးလာခြင်းကို မုန့်ဖုတ်ဂျုံလုံး ဖောင်းကားလာခြင်း (dough rising) လို့ ခေါ်ပြီး၊ မုန့်သားရဲ့ အနုအရွဖြစ်မှုနဲ့ အချိုးအစားကျမှုကို ဆုံးဖြတ်ပေးပါတယ်။

Yeast Volume (တဆေး ထုထည်)

Yeast volume ဆိုတာက မုန့်ဖုတ်ရာမှာ သုံးတဲ့ တဆေးရဲ့ ထုထည် ကို ရည်ညွှန်းပါတယ်။ 🥣 တိုင်းတာတဲ့ ယူနစ်အနေနဲ့ လက်ဖက်ရည်ဇွန်း (teaspoon)၊ ဇွန်း (tablespoon) ဒါမှမဟုတ် ဂရမ် (grams) တို့နဲ့ တိုင်းတာလေ့ရှိပါတယ်။ ဒီတဆေးပမာဏက မုန့်ဖုတ်ဂျုံလုံးရဲ့ အချဉ်ဖောက်နှုန်းနဲ့ နောက်ဆုံးမှာ ထွက်လာမယ့် ထုထည်ကို သက်ရောက်မှုရှိပါတယ်။ တဆေးအနည်းငယ် ပိုသုံးမိရင် အချဉ်ဖောက်တာ ပိုမြန်ပြီး မုန့်သားက ပိုဖောင်းလာနိုင်ပါတယ်။

အချုပ်အားဖြင့်ဆိုရသော်...

* Dough Volume သည် ရလဒ် ဖြစ်ပြီး၊ တဆေးအချဉ်ဖောက်မှုကြောင့် မုန့်ဖုတ်ဂျုံလုံး၏ ထုထည် တိုးလာခြင်းကို ဆိုလိုသည်။

* Yeast Volume သည် ပါဝင်ပစ္စည်း ဖြစ်ပြီး၊ ၎င်းသည် မုန့်ဖုတ်လုပ်ငန်းစဉ်၏ အစပိုင်းတွင် သုံးစွဲသည့် တဆေးပမာဏဖြစ်သည်။

ဒါကြောင့် မုန့်ဖုတ်တဲ့အခါမှာ Yeast Volume ဟာ Dough Volume ကို တိုက်ရိုက်သက်ရောက်မှုရှိတယ်လို့ ပြောနိုင်ပါတယ်။

ဒီလောက်ဆိုရင်တော့ မေးထားတဲ့သူအနေနဲ့ dough volume နှင့် yeast volume ရဲ့ အကြောင်းကို နားလည်နိုင်မယ်ထင်ပါတယ်ခင်ဗျာ။

ဒီ post က ဗဟုသုတရစေတယ်ဆိုရင် ပြန်လည်မျှဝေနိုင်ပါတယ်ခင်ဗျာ။

ကျနော် Page မှာလည်း တခြားမုန်လုပ်နည်းနှင့် ဗဟုသုတရစရာများစွာတင်ထားတာတွေ ဆက်လက်လေ့လာနိုင်ပါတယ်ခင်ဗျာ။

20/08/2025

Online class လာမေးထားသူများခင်ဗျာ

‌အောက်ကလင့်က ကျနော့် online class ဖြစ်ပါတယ်။

သင်တန်း‌ကြေး 50% discount လည်း ပေးထားပါတယ်ခင်ဗျာ။

စိတ်၀င်စားကြသူများ အောက်ကလင့်ကနေ online class သွားရောက်စုံစမ်းနိုင်ပါတယ်ခင်ဗျာ။

Best Share with Love

31/10/2025

28/10/2025

07/09/2025

01/09/2025

31/08/2025

29/08/2025

29/08/2025

27/08/2025

27/08/2025

26/08/2025

20/08/2025

20/08/2025

ที่อยู่

เบอร์โทรศัพท์

เว็บไซต์

แจ้งเตือน

ทางลัด

แชร์

ประเภท