เว็บไซต์คืออะไร?

https://www.facebook.com/125464967325358/

Pajau Media Channel, Chang Rai (2025)

14/07/2025

ဗန်းမော်၊ဝိုင်းမော်နှင့် ဖားကန့်ဒေသများတွင် (၁)ပတ်အတွင်း တိုက်ပွဲ(၁၃)ကြိမ်အထိ ဖြစ်ပွား....

ပါဂျောင်မီဒီယာ။
၁၄ရက်၊ဇူလိုင်လ၊၂၀၂၅။

လက်ရှိ ကချင်ပြည်နယ်အတွင်း စစ်ကောင်စီနှင့် KIAပူးပေါင်းတပ်ဖွဲ့များ ထိတွေ့တိုက်ပွဲ နေ့စဉ်ပြင်းထန်နေချိန် တစ်ပတ်အတွင်း ဗန်းမော်ဒေသ၊ ဝိုင်းမော်-လမြန်ဒေသနှင့် ဖားကန့်ဒေသတို့တွင် ထိတွေ့တိုက်ပွဲပေါင်း (၁၃)ကြိမ်ထက်မနည်း ဖြစ်ပွားခဲ့ကြောင်း KIAသတင်းဌာနမှ သိရသည်။

ဗန်းမော်ဒေသတွင် မြေပြင်ထိတွေ့တိုက်ပွဲ ဖြစ်ပွားခြင်းမရှိသော်လည်း နေ့စဉ်လေကြောင်း၊ဒရုန်းနှင့် လက်နက်ကြီးများဖြင့်ပစ်ခတ်လျက်ရှိရာ လေကြောင်းဖြင့် (၆)ကြိမ်၊ ဒရုန်းဗုံးဖြင့် (၇၆)ကြိမ်နှင့် လက်နက်ကြီးပစ်ခတ်မှုမှာ (၁၇၈) ကြိမ် ပစ်ခတ်ခဲ့ကြောင်း သိရသည်။

ဝိုင်းမော်-လမြန်ဒေသတွင် စစ်ကောင်စီက မြေပြင်စစ်ကြောင်းထိုး လှုပ်ရှားလာသောကြောင့် ထိတွေ့တိုက်ပွဲပေါင်း(၃)ကြိမ် ဖြစ်ပွားခဲ့သည့်အပြင် မြစ်ကြီးနား၊မြောက်ပိုင်းတိုင်းဌာနချုပ်မှလည်း လက်နက်ကြီး၊ဒရုန်းဗုံးများဖြင့် ‌နေ့စဉ်တိုက်ခိုက်ကူခဲ့သည်ဟု ဆိုသည်။

ကချင်ပြည်နယ်မှ နိုင်ငံရေးလေ့လာသုံးသပ်သူများ ပြောကြားချက်အရ စစ်ကောင်စီက ဝိုင်းမော်ဒေသနှင့် ဗန်းမော်ဒေသကို တစ်ပြိုင်နက် စစ်ကြောင်းထိုး လှုပ်ရှားရန် စစ်အင်အားဖြည့်တင်းနေကြောင်းသိရသည်။

သတင်း - ပီလမ့်အူ

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;-https://t.me/pajaumediachannelgenuinenews2023/7195?single

Website Link; https://www.pajau.net

14/07/2025

တနိုင်း-လီဒိုလမ်းတစ်လျှောက်နှင့် ဖားကန့်စစ်ရှောင်များ၏ နေအိမ်များရှိ တန်ဖိုးကြီးပစ္စည်းများ ခိုးခံနေရ...

ပါဂျောင်မီဒီယာ။
၁၄ရက်၊ဇူလိုင်လ၊၂၀၂၅။

တိုက်ပွဲကြောင့် ဘေးလွတ်ရာကို ထွက်ပြေးတိမ်းရှောင်နေကြသည့် တနိုင်း-လီဒိုလမ်းမတစ်လျှောက်နှင့် ဖားကန့်ဒေသမှ ပြည်သူအများအပြား၏ နေအိမ်များတွင် တန်ဖိုးကြီးပစ္စည်းအပါအဝင် အိမ်တွင်းပစ္စည်းများ သူခိုးခိုးခံနေရသည်ဟု ဒေသခံအချို့က ပြောသည်။

သူခိုးခိုးခံနေရသည့် ပစ္စည်းများတွင် ကား၊ဆိုင်ကယ်များ အပါအဝင် တန်ဖိုးကြီးပစ္စည်းများနှင့် အိမ်တွင်းပစ္စည်းများ ပါဝင်ကြောင်း သိရသည်။

စစ်ရှောင်များမှာ တိုက်ပွဲဖြစ်ပွားလာချိန် မိမိနိုင်နင်းသည့် ပစ္စည်းအနည်းငယ်ကိုသာ ယူသွားနိုင်သောကြောင့် ပစ္စည်းအများစုမှာ နေအိမ်အတွင်းသာ သော့ခတ်သိမ်းဆည်းခဲ့ရသည်ဟု ဆိုသည်။

သို့သော် ရက်အချိန်ကြာထွက်ပြေးတိမ်းရှောင်နေချိန် နေအိမ်အတွင်းမှ ပစ္စည်းများ သူခိုးခိုးခံရပြီး၊ တန်ဖိုးကြီးပစ္စည်းများပါ ခိုးခံနေရကြောင်း သိရသည်။ ထို့အပြင် နှစ်ဖက်စစ်တပ်၏ စစ်ရေးမှာ ဆက်လက်တင်းမာနေဆဲဖြစ်သည့်အပြင် အချို့ကျေးရွာများမှာ စစ်ကောင်စီတပ် အင်အားအလုံးအရင်းဖြင့် တပ်စွဲနေရာယူထားသောကြောင့် နေရပ်ရင်းသို့ပြန်လည်အခြေချ နေထိုင်ရန်လည်း စိုးရိမ်နေရဆဲ ဖြစ်သည်ဟု ဆိုသည်။

အထူးသဖြင့် ဖားကန့်ဒေသတွင် ခိုးဆိုးလုယက်မှုများ ဝေဝေဆာဆာ ဖြစ်ပွားနေချိန် သေနတ်ဖြင့်ပစ်သတ်ခံရမှုများ၊ လူပျေက်ဆုံးမှုများနှင့် စစ်ရေးမှာလည်း တင်းမာနေပြီး နေ့စဉ်လေကြောင်းပစ်ခတ်မှု၊ ဒရုန်းဗုံးဖြင့် ပစ်ခတ်တိုက်ခိုက်မှုများလည်း ဆက်လက်ပြင်းထန်နေဆဲဖြစ်သည်။

အဆိုပါဒေသများတွင် တောတောင်နေရာများသို့ ကိုယ်ထူကိုယ်ထထွက်ပြေးတိမ်းရှောင်နေကြသူများ၊ ဆွေမျိုးရင်းခြာနေအိမ်များတွင် တိမ်းရှောင်နေသည့် ပြည်သူပေါင်း(၂၀၀၀)ကျော် ရှိနေဆဲ ဖြစ်ကြောင်းလည်း ထပ်မံသိရသည်။

သတင်း - ထုဆိုင်း

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;-https://t.me/pajaumediachannelgenuinenews2023/7176?single

Website Link; https://www.pajau.net

14/07/2025

ဖားကန့်ဒေသအတွင်း လက်နက်ကြီးပစ်ခတ်မှုနှင့် မိုင်းပေါက်ကွဲမှုများ ခပ်စိပ်စိပ်ဖြစ်ပွားနေ....

ပါဂျောင်မီဒီယာ။
၁၄ရက်၊ဇူလိုင်လ၊၂၀၂၅။

ကချင်ပြည်နယ်၊ ကျောက်စိမ်းများထွက်ရှိရာ ဖားကန့်ဒေသ၌ယခုရက်ပိုင်းအတွင်း လူနေရပ်ကွက်များတွင် မိုင်း/ဗုံးပေါက်ကွဲမှုများနှင့်သေနတ်ပစ်ခတ်မှုများ ခပ်စိပ်စိပ်ဖြစ်ပွားနေကြောင်း သိရသည်။

ဇူလိုင်လ ၁၂ရက်နေ့ နံနက် ၁နာရီအချိန်ခန့်တွင် လုံးခင်းရပ်ကွက်(၂)၊ Diamond ဆိုင်အနီး လမ်းဘေး၌မိုင်းတစ်လုံးကွဲခဲ့ပြီး၊ ထိုပေါက်ကွဲမှုကြောင့် အနီးလူနေအိမ်ရှိ ပစ္စည်းဆုံးရှုံးမှုများ ဖြစ်ပေါ်ခဲ့ပေမယ့်၊ လူသေဆုံးနှင့် ထိခိုက်ဒဏ်ရာရရှိသူ မရှိကြောင်း သိရသည်။

“လက်နက်ကြီးကျတာတော့ မဟုတ်ဘူး။ မိုင်းလာထောင်ထားတာလား၊ ဗုံးလာပစ်သွားတာလား တစ်ခုခုပဲ၊ ပေါက်ကွဲတဲ့အိမ်ကသွပ်ကာထားတဲ့ ခြံစည်းရုံံးနဲ့ ဘေးနားက ရေမော်တာ၊ ရေပိုက်တွေပဲ ပျက်စီးတာ။ ဘုရားမလို့ ထိခိုက်တဲ့သူမရှိတာ” ဟု လုံးခင်းဒေသခံတစ်ဦးက ပြောသည်။

ထိုနေ့တစ်ရက်တည်းတွင် ည၁၁နာရီဝန်းကျင်အချိန်၌လည်း လက်နက်ကြီးရမ်းသမ်းပစ်ခတ်မှုများ ဖြစ်ပွားခဲ့ပြီး၊ လူနေရပ်ကွက်များအတွင်းသို့ လက်နက်ကြီးများ ကျရောက်ပေါက်ကွဲသောကြောင့် ဖားကန့်မြို့တစ်မြို့လုံး လက်နက်ကြီးသံများဖြင့် ဖုံးလွှမ်းသွားခဲ့သည်ဟု ဆိုသည်။

“ဆိုင်းတောင်ကဆို လက်နက်ကြီးသံတွေ အတိုင်းသားကြားရတယ်။ နှစ်ဆင့်မြည်တာ အကျယ်ကြီးပဲ။ ယူမာဘက်က သူငယ်ချင်းတွေပြောတာတော့ ပေါက်ကွဲတဲ့အရှိန်ကြောင့် အစအနတွေလား မြေကြီးတွေလားတော့ မသိဘူး။ သူတို့အိမ်ခေါင်မိုးပေါ် တောင်ကျတယ်တဲ့။ ပြင်းတာတော့ တော်တော်ကိုပြင်းတာ” ဟု အထက်ပါဒေသခံက ဆက်ပြောသည်။

တစ်ဖက်မှာလည်း စစ်ကောင်စီတပ်ဖွဲ့က ဇူလိုင်လ ၁၃ရက် ညနေ ၅နာရီဝန်းကျင်အချိန်ခန့်တွင် လေယာဉ်ဖြင့် ဗုံးကျဲမှုများ (၅)ကြိမ်ထက်မနည်း ပြုလုပ်ခဲ့သောကြောင့် ကချင်လို (Maw Mau Bum)ခေါ် မော်မောင်းကုန်းရှိ စာသင်ကျောင်း ထိခိုက်ပျက်စီးခဲ့ရသည်။

ကျောင်းပိတ်ရက်ဖြစ်သောကြောင့် လူထိခိုက်သေဆုံးမှုများ မရှိခဲ့ကြောင်းကို “လေယာဥ်နဲ့ဗုံးကျဲချတာ ၅ ကြိမ် ၆ ကြိမ်လောက်ရှိတယ်။ လောလောဆယ် မော်မောကုန်းက စာသင်ကျောင်းတော့ အမိုးပါပွင့်သွားတယ်။ ကျန်တဲ့အပျက်အစီးတွေနဲ့ ထိခိုက်တာတွေတော့ မကြားရသေးဘူး။ ကလေးတွေ ကျောင်းပိတ်ရက်မို့လို့သာ တော်သေးတယ်။ ကလေးတွေကျောင်းတက်ရက်မှာသာဆိုရင် မတွေးရဲစရာပဲ” နောက်ထပ်ဒေသခံတစ်ဦးကလည်း ပြောသည်။

ထို့အပြင် ညနေ (၇) နာရီဝန်းကျင်တွင်လည်း စစ်ကောင်စီတပ်ဖွဲ့ဝင်များက မော်ဝမ်းရှိ ဘုရားကျောင်းအတွင်းသို့ ဝင်ရောက်ကာ ဘုရားကျောင်းတွင်းရှိ သင်းအုပ်ဆရာများအပါအဝင် အမှုတော်ဆောင် ဆရာ/ ဆရာမ များအား စစ်ဆေးမေးမြန်းမှုများ ပြုလုပ်ခဲ့ကြောင်း သိရသည်။

ပြီးခဲ့သည့် မေလကုန်ပိုင်း ဖားကန့်မြို့သို့ စစ်ကောင်စီတပ်များ စစ်ကြောင်းထိုး ဝင်ရောက်လာချိန်မှစပြီး လူနေရပ်ကွက်များအတွင်းသို့ လက်နက်ကြီးပစ်ခတ်မှုများ၊ လူသေဆုံးမှုများနှင့် လူပျောက်ဆုံးမှုများ နေ့စဉ်ဖြစ်ပွားခဲ့ကြောင်း သိရသည်။

သတင်း - အန်ဒီ

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;-https://t.me/pajaumediachannelgenuinenews2023/7166?single

Website Link; https://www.pajau.net

12/07/2025

အပတ်စဥ် သတင်းပေါင်းချုပ်။

ပါဂျောင်မီဒီယာ။
၁၂ရက်၊ဇူလိုင်လ၊၂၀၂၅ခုနှစ်။

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Facebook Link;-https://t.me/pajaumediachannelgenuinenews2023/7163

Website Link; https://www.pajau.net

12/07/2025

KIO ဌာနချုပ်က(၆)လတာအတွင်း မူးယစ်ဆေးဝါးတိုက်ဖျက်ရေးဆောင်ရွက်ရာတွင် မူးယစ်မှု(၂၀၀)ကျော်နှင့်သုံးစွဲသူ(၂၀၀)ကျော်ကို ဖမ်းဆီးထိန်းသိမ်းနိုင်ခဲ့....

ပါဂျောင်မီဒီယာ။
၁၂ရက်၊ဇူလိုင်လ၊၂၀၂၅။

KIOဌာနချုပ်နေရာတွင် ဌာနချုပ်အစိုးရ ဦးဆောင်မှုဖြင့် ယခုနှစ်(၆)လတာကာလအတွင်း မူးယစ်ဆေးဝါးအမှု(၂၀၈)မှုအထိ ရှင်းလင်းနိုင်ခဲ့ကြောင်းKIAသတင်းဌာနမှသိရသည်။

ဌာနချုပ်မူးယစ်ဆေးဝါးတိုက်ဖျက်ရေးကော်မတီ၏ လမ်းညွှန်မှုဖြင့် အမှု(၂၀၈)မှုနှင့်အတူ သုံးစွဲသူ(၂၇၀)ဦးလည်းဖမ်းဆီးထိန်းသိမ်းထားပြီဖြစ်ကြောင်းသိရသည်။

ဖမ်းဆီးထိန်းသိမ်းခံထားရသူများထဲတွင် အနည်းဆုံးထောင်ဒဏ်(၇)နှစ်မှ အနှစ်(၂၀)ထိ ချမှတ်ခံရသူများပါ၀င်ပြီး၊ ထိုထဲတွင် အမျိုးသမီး(၆၉)ဦးလည်းပါ၀င်သည်ဟုဆိုသည်။

ကချင်လွတ်လပ်ရေးတပ်မတော် ဌာနချုပ်က မူးယစ်ဆေးဝါးရောင်း၀ယ်ဖောက်ကားသူများနှင့် သုံးစွဲသူများကို အမြစ်ပြတ်ရှင်းလင်းနိုင်ရေး ကြိုးပမ်းဆောင်ရွက်နေဆဲဖြစ်သည်။

ထို့အပြင် မူးယစ်ဆေးဝါးပပျောက်ရေးအတွက် ဌာနချုပ်ဒေသဖြစ်သည့် လိုင်ဇာ၊မိုင်ဂျာယာန်နှင့် အခြားKIAထိန်းချုပ်ဒေသများတွင်လည်း KTV၊ Bar ဆိုင်များအားလုံး ပိတ်ပင်ထားရန် ဇွန်လတွင် ထုတ်ပြန်ကြေငြာထားပြီး ဖြစ်သည်။

သတင်း - ပီလမ့်အူ

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;-https://t.me/pajaumediachannelgenuinenews2023/7152?single

Website Link; https://www.pajau.net

11/07/2025

တနိုင်း-လီဒိုလမ်းမပေါ်မှ စစ်ကောင်စီတပ်စခန်းတစ်ခုကို KIAပူးပေါင်းတပ်ဖွဲ့မှတိုက်ခိုက်သိမ်းပိုက်...

ပါဂျောင်မီဒီယာ။
၁၁ရက်၊ဇူလိုင်လ၊၂၀၂၅။

တနိုင်း-လီဒိုလမ်းပေါ်ရှိ လဝါး-ခွမ်စိုင်ယန်ကျေးရွာ သင်္ချိုင်းကုန်းပေါ်တွင် တပ်စွဲထားပြီးစစ်ရေးလှုပ်ရှားနေသည့် စစ်ကောင်စီပူးပေါင်းတပ်ဖွဲ့များကို KIAတပ်ဖွဲ့က ယမန်နေ့ ဇူလိုင်၁၀ရက်နေ့တွင် တိုက်ခိုက်သိမ်းပိုက်ခဲ့ကြောင်း သိရသည်။

လဝါး-ခွမ်စိုင်ယန်သင်္ချိုင်းကုန်းပေါ်တွင် တပ်စွဲထားသည့် စစ်ကောင်စီတပ်ဖွဲ့များကို ဇူလိုင်၁၀ရက် နံနက်၄နာရီအချိန်ကတည်းက KIAပူးပေါင်းတပ်ဖွဲ့မှ လာရောက်တိုက်ခိုက်ခဲ့ရာ နံနက်၆နာရီအရောက်တွင် အပြီးသတ် တိုက်ခိုက်သိမ်းပိုက်ခဲ့ခြင်းဖြစ်ကြောင်း သိရသည်။

တနိုင်း-လီဒိုလမ်းပေါ်ဖြစ်သောကြောင့် လမ်းသွားလမ်းလာပြည်သူများအား တိုက်ပွဲဖြစ်ပွားနေချိန်တွင် ဖြတ်သန်းသွားလာခွင့် ယာယီပိတ်ပင်ထားသော်လည်း ညနေပိုင်းအချိန်တွင် ပြန်လည်ဖွင့်လှစ်ပေးခဲ့ကြောင်း သိရသည်။

အဆိုပါ စစ်တပ်စခန်းသိမ်းပိုက်တိုက်ပွဲတွင် စစ်သုံ့ပန်း(၃)ဦးကိုလည်း ဖမ်းဆီးရမိထားကြောင်း ဒေသသတင်းဌာနများ၏ဖော်ပြချက်အရ သိရသည်။

KIAပူးပေါင်းတပ်ဖွဲ့များ သိမ်းပိုက်ရရှိလိုက်သည့် ခွမ်စိုင်ယန်သင်္ချိုင်းကုန်းသည် ယခင်က KIAပူးပေါင်းတပ်ဖွဲ့များ တပ်စွဲနေရာယူထားသည့်နေရာဖြစ်ပြီး၊ မတ်လ၂၄ရက်နေ့က မင်းဇေသန့်ပြည်သူ့စစ်များ လာရောက်သိမ်းပိုက်ထားသည့် တပ်စခန်းတစ်ခုဖြစ်သည်။

သတင်း - ပီလမ့်အူ

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;-https://t.me/pajaumediachannelgenuinenews2023/7121?single

Website Link; https://www.pajau.net

11/07/2025

ဇွန်လ(၁)လတာအတွင်း ကချင်ပြည်နယ်တွင် စစ်ကောင်စီကျူးလွန်ချိုးဖောက်ခဲ့သော လူ့အခွင့်အရေးများ....

ပါဂျောင်မီဒီယာ။
၁၁ရက်၊ဇူလိုင်လ၊၂၀၂၅။

ကချင်ပြည်နယ်တွင် ဇွန်လ(၁)လတာအတွင်း စစ်ကောင်စီကျူးလွန်ခဲ့သည့် လူ့အခွင့်အရေးချိုးဖောက်မှုပေါင်း (၃၆)မှုရှိခဲ့ပြီး၊ လေကြောင်းတိုက်ခိုက်ခံရမှုကြောင့် ပျက်စီးဆုံးရှုံးရသည့် ပြည်သူပိုင်နေအိမ် (၅၀)လုံးအထိ ရှိခဲ့ကြောင်း လူ့အခွင့်အရေးဆိုင်ရာဝန်ကြီးဌာနရုံး၏ ယမန်နေ့ထုတ်ပြန်ချက်မှ သိရသည်။

(၁)လတာအတွင်း လေကြောင်းတိုက်ခိုက်ခံရမှု(၆)ကြိမ်၊ လေကြောင်းတိုက်ခိုက်ခံရမှုကြောင့် ပျက်စီးဆုံးရှုံးခဲ့သည့် ခရိယာန်ဘာသာရေးအဆောက်အအုံများ(၂)လုံး၊ ဗုဒ္ဓဘာသာ ဘာသာရေးအဆောက်အအုံ(၁)လုံး၊ သေဆုံးခဲ့ရသူ(၅)ဦးနှင့် ထိခိုက်ဒဏ်ရာရသူ(၃၄)ဦး တို့ ရှိခဲ့သည်ဟု ဆိုသည်။

နိုင်ငံတစ်ဝှမ်း စစ်ကောင်စီက လူ့အခွင့်အရေးချိုးဖောက် ကျူးလွန်မှုပေါင်း (၅၃၂)မှုအထိ ရှိခဲ့ပြီး၊ တရားလက်လွတ်သတ်ဖြတ်ခံရခြင်း၊ ကိုယ်ပိုင်ပစ္စည်းများ ဖျက်ဆီးခံရခြင်း၊ အတင်းအဓမ္မစေခိုင်းခြင်း၊ တရားလက်လွတ်ဖမ်းဆီးမှု၊ ဖိအားပေးရွှေ့ပြောင်းစေခြင်း၊ ညှင်းပန်းနှိပ်စက်ခြင်း၊ လွတ်လပ်စွာသွားလာခွင့်၊ လွတ်လပ်စွာထုတ်ဖော်ပြောဆိုခွင့်နှင့် ဘာသာရေးအဆောက်အအုံများ ဖျက်ဆီးခြင်း အစရှိသည့် လူ့အခွင့်အရေးများကို ကျူးလွန်ခဲ့သည်ဟု ဖော်ပြထားသည်။

ထို့အပြင် တရားလက်လွတ်သတ်ဖြတ်ခံရမှုမှာ (၁၁၄)မှုအထိ ရှိခဲ့ပြီး၊ အများဆုံးကျုးလွန်ခံရသည့် ချိုးဖောက်မှုအမျိုးအစားဖြစ်ကာ၊ အခြားချိုးဖောက်မှုလည်း (၁၁၅)ကြိမ်အထိ ရှိခဲ့သည်။ ယင်းတို့မှာ စစ်ကောင်စီက တိုက်ပွဲဖြစ်ပွားခြင်းမရှိဘဲ အရပ်သားပြည်သူအား လက်နက်ကြီး၊ လေကြောင်းတို့ဖြင့် ပစ်ခတ်တိုက်ခိုက်သည့် ချိုးဖောက်မှုများ ဖြစ်သည်။

သတင်း - ထုဆိုင်း

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;-https://t.me/pajaumediachannelgenuinenews2023/7105?single

Website Link; https://www.pajau.net

11/07/2025

ကချင်ပြည်နယ်၊ဖားကန့်ဒေသတွင် ဇူလိုင်လ (၁)ရက်နေ့ မှ (၁၀)ရက်နေ့အတွင်း လက်သည်မပေါ်ပဲ သေဆုံးခဲ့ရသည့်အလောင်း (၃)လောင်းအထိရှိလာ...

ပါဂျောင်မီဒီယာ။
၁၁ရက်၊ဇူလိုင်လ၊၂၀၂၅။

လက်ရှိစစ်ရေးပြင်းထန်နေသည့် ဖားကန့်ဒေသတွင် ဇူလိုင်(၁)ရက်နေ့မှ (၁၀)ရက်နေ့အတွင်း လက်သည်မပေါ်ပဲ သေနတ်ဖြင့်ပစ်သတ်ခံရသည့် အလောင်း(၃)လောင်းအထိ ရှိနေပြီဖြစ်ကြောင်း သိရသည်။

ဖားကန့်ဒေသတွင် စစ်ကောင်စီတပ်ဖွဲ့များ စစ်ကြောင်းထိုး တိုက်ပွဲဝင်ရောက်လာချိန်ကတည်းက လမ်းမပေါ်တွင် သေနတ်ပစ်သတ်ခံရသည့် ဒဏ်ရာဒဏ်ချက်ဖြင့် အသက်သေဆုံးနေသည့် အလောင်း များပြားလာပြီး၊ ပစ်သတ်ခံရသူ အများဆုံးမှာ အသက်(၃၀)ကျော်မှ (၄၅)နှစ်အတွင်း အများဆုံးဖြစ်ကြောင်း သိရသည်။

ဖားကန့်ဒေသသည် လက်နက်ကိုင်အဖွဲ့အစည်းနှစ်ခုမှ စီမံအုပ်ချုပ်နေသည့် ဒေသဖြစ်သောကြောင့် ယခုကဲ့သို့ ပြည်သူများ ပစ်သတ်ခံရသည့် အမှုအရင်းအမြစ်ကို မသိရသည့်အပြင် မည်သူ့လက်ချက်ဖြစ်သည်ကိုလည်း မစုံစမ်းနိုင်ကြောင်း သိရသည်။

ဖားကန့်-လုံးခင်း၊မှော်စီစာကျေးရွာ SKYဟိုတယ်အရှေ့တွင်လည်း ဇူလိုင်(၁၀)ရက် နေ့လည် (၁)နာရီဝန်းကျင်က အသက်(၄၅)နှစ်အရွယ် အမျိုးသားတစ်ဦး၊ ဦးခေါင်းတွင် သေနတ်ပစ်ခတ်ဒဏ်ရာဖြင့် အသက်သေဆုံးနေပြီး၊ ထိုအမျိုးသားမှာ အချဉ်ပေါင်းရောင်းသူတစ်ဦးဖြစ်ကာ မည်သူ့လက်ချက်ဖြစ်သည်ကို မသိရကြောင်း သိရသည်။

မေလကုန်ပိုင်းမှစ၍ ဖားကန့်မြို့နယ်ကို စစ်ကောင်စီစစ်ကြောင်း ဝင်ရောက်လာပြီးနောက်ပိုင်း အရပ်သားပြည်သူများ တစ်နေ့ထက်တစ်နေ့ ပိုမိုပစ်သတ်ခံလာရသည်ဟုလည်း ဒေသခံများကပြောသည်။

ဒေသသတင်းရင်းမြစ်များ ပြောဆိုချက်အရ ဖားကန့်ဒေသတွင် ဇွန်တစ်လတာအတွင်း ညှင်းပန်းနှိပ်စက်ခံရပြီး သေဆုံးနေသည့်အလောင်း (၆)လောင်း၊ လမ်းဘေးတွင် သေနတ်ဖြင့် ပစ်သတ်သေဆုံးနေသည့်အလောင်း(၁၁)လောင်း၊ ရေကန်နှင့် ဉရုချောင်းမှ ဆယ်ယူထားသည့် အလောင်း(၂)လောင်း ရှိခဲ့ကြောင်း သိရသည်။

သတင်း - ပီလမ့်အူ

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;-https://t.me/pajaumediachannelgenuinenews2023/7103?single

Website Link; https://www.pajau.net

10/07/2025

ဝါရာဇွပ်ဒေသခံအနည်းစု နေရပ်သို့ပြန်လည်လာရောက်နေထိုင်ကြသော်လည်း အများစုမှာ ဆက်လက်တိမ်းရှောင်နေ....

ပါဂျောင်မီဒီယာ။
၁၀ရက်၊ဇူလိုင်လ၊၂၀၂၅။

တနိုင်း-လီဒိုလမ်း ဝါရာဇွပ်ကျေးရွာတစ်လျှောက် မင်းဇေသန့်ပြည်သူ့စစ်နှင့် KIAတပ်ဖွဲ့များ ထိတွေ့တိုက်ပွဲကြောင့် တောတောင်နေရာသို့ ထွက်ပြေးတိမ်းရှောင်ခဲ့ကြသည့် ဝါရာဇွပ်ဒေသခံအနည်းစုမှာ နေရပ်ရင်းကို ပြန်လာခဲ့ကြသော်လည်း အများစုမှာ ဆက်လက်တိမ်းရှောင်နေကြဆဲ ဖြစ်ကြောင်း သိရသည်။

“အခုတလောက တိုက်ပွဲဖြစ်တာ သိပ်မရှိတော့ဘူး။ တခါတလေ KIA ဘက်က လမ်းပေါ်ထွက်လာတဲ့အချိန်ပဲ နဲနဲစိုးရိမ်ရတယ်။ ပြည်သူ့စစ်တွေက နေ့တိုင်းကို သွားလာနေကြတယ်။ ဒေသခံတွေလည်း ရွာပြန်ချင်နေကြပြီ။ မိုးရာသီချိန်လည်းဖြစ်တော့ တောထဲမှာ အရမ်းခက်ခဲလို့ တစ်ချို့က ပြန်လာနေကြတယ်။” ဟု ဝါရာဇွပ်ဒေသခံတစ်ဦးက ပြောသည်။

လက်ရှိ ကျေးရွာအတွင်း ပြန်လာနေထိုင်ကြသူများမှာ အိမ်ခြေ(၃၀)နီးပါးသာရှိသေးပြီး၊ အိမ်ခြ(၂၀၀)နီးပါးမှာ တောတောင်ထဲ တိမ်းရှောင်နေကြဆဲ ဖြစ်သည်။
တောထဲ တိမ်းရှောင်နေသူများထဲတွင် ကျောင်းသား/သူများ ပါဝင်ပြီး၊ ကလေးငယ်များ ပညာရေးအတွက် ခက်ခက်ခဲခဲ သင်ယူနေကြသည်ဟု ဆိုသည်။

ဝါရာဇွပ်‌ကျေးရွာမှာပြီးခဲ့သည့် မတ်လကတည်းက KIA မှကျေးရွာအထွက်နေရာများတွင် နေရာယူထားစဉ် မင်းဇေသန့်ပြည်သူ့စစ်မှ လာရောက်ပစ်ခတ်သောကြောင့် ဒေသခံများ ထွက်ပြေးတိမ်းရှောင်ခဲ့ကြခြင်းဖြစ်ပြီး၊ နေရပ်ရင်းသို့ ပြန်လာနေထိုင်သူများမှာ ဇူလိုင်လဆန်းကတည်းက ဖြစ်ကြောင်း သိရသည်။

ဝါရာဇွပ်ဒေသခံများ ထွက်ပြေးတိမ်းရှောင်နေချိန်မှာ မိုးဦးရာသီကာလဖြစ်သောကြောင့် ခက်ခက်ခဲခဲ တိမ်းရှောင်ခဲ့ရပြီး၊ ကူညီထောက်ပံ့မှုများလည်း လိုအပ်နေကြသည်။

သတင်း - ပီလမ့်အူ

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;-https://t.me/pajaumediachannelgenuinenews2023/7087?single

Website Link; https://www.pajau.net

09/07/2025

ဆွမ်ပီယာန်ကျေးရွာတွင် စစ်ကောင်စီတပ်ဖွဲ့များက စစ်ရေးလှုပ်ရှားမှုများပြန်လည်ပြုလုပ်လာသောကြောင့် တိုက်ပွဲဖြစ်ပွားမည်ကိုဒေသခံများစိုးရိမ်နေ....

ပါဂျောင်မီဒီယာ။
၉ရက်၊ဇူလိုင်လ၊၂၀၂၅။

ပူတာအို-မြစ်ကြီးနားသွားလမ်းပေါ်ရှိ ဆွမ်ပီယာန်ကျေးရွာတွင် စစ်ကောင်စီပူးပေါင်းတပ်ဖွဲ့များက ဇူလိုင်လဆန်းကတည်းက စစ်ကြောင်းလှုပ်ရှားမှုများ ပုံမှန်လှုပ်ရှားလာသောကြောင့် တိုက်ပွဲဖြစ်ပွားလာမည်ကို ဒေသခံများ စိုးရိမ်နေကြကြောင်း သိရသည်။

ဆွမ်ပီယာန်ကျေးရွာအတွင်း စစ်ကောင်စီတပ်များ နေရာယူတပ်စွဲထားသည်မှာ ပြီးခဲ့သည့် ၂၀၂၄ခုနှစ် မေလကတည်းကဖြစ်ပြီး၊ လက်ရှိတွင် စစ်အင်အားပြန်လည်ဖြည့်တင်းကာ လတ်တလောစစ်ရေးလုပ်ရှားမှုများ ရှိလာသောကြောင့် တိုက်ပွဲပြန်ဖြစ်လာမည်ကို စိုးရိမ်နေကြသည်ဟု ဆွမ်ပီယာန်ဒေသခံတစ်ဦးက ‌ပြောသည်။

“အခုက ဆွမ်ပီယာန်ကျေးရွာမှာ စစ်တပ်က တပ်စွဲနေရာယူထားလို့ စိုးရိမ်ပြီး တိမ်းရှောင်နေတာ တစ်နှစ်ကျော်လာပြီ။ သူတို့က စစ်ရေားလှုပ်ရှားလာတာတွေ ဆက်တိုက်လုပ်လာတယ်။ ရွာကို ပစ်ထားတာ တစ်နှစ်ကျော်လာတဲ့အထိ သွားမကြည့်ရသေးဘူး။ သူတို့ဆက်တိုက်လှုပ်ရှားလာတော့ သတိထားရမဲ့ အခြေအနေဖြစ်နေတယ်။” ဟု ဒေသခံတစ်ဦးက ပြောသည်။

ဆွမ်ပီယာန်ကျေးရွာရှိ တပ်စခန်းတွင် စစ်ကောင်စီနှင့် ပြည်သူ့စစ်ပူးပေါင်းတပ်ဖွဲ့များက စစ်အင်အားအလုံးအရင်းဖြင့် တပ်စွဲထားခြင်းဖြစ်ပြီး၊ လုံရှာယာန်‌ကျေးရွာတွင်လည်း စစ်ကောင်စီတပ်ဖွဲ့က အင်အားအလုံးအရင်းဖြင့် စစ်ရေးလှုပ်ရှားနေကြသည်ဟု ဆိုသည်။

လတ်တလော မြစ်ကြီးနား-ပူတာအိုသွားလမ်းရှိ တန်ဖရဲစစ်ဆေးရေးဂိတ်တွင်လည်း ဖြတ်သွားဖြတ်လာ ပြည်သူများကို စစ်ဆေးရေးတင်းကြပ်ထားပြီး၊ ပူတာအို၊ဆွမ်ပရာဘွမ့်၊အင်ဂျန်းယာန် မှတ်ပုံတင်ကိုင်ဆောင်သူများကိုသာ ဖြတ်သန်းခွင့်ပေးနေသည့် အခြေအနေဖြစ်သည်ဟုလည်း ခရီးသွားပြည်သူများက ပြောသည်။

သတင်း - ပီလမ့်အူ

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;-https://t.me/pajaumediachannelgenuinenews2023/7066?single

Website Link; https://www.pajau.net

09/07/2025

ကချင်ပြည်နယ်ရှိ ပူတာအို၊လန်ဆယ်ဒေသများတွင် မိုးများပြီး၊ ရေကြီးရေလျှံမှု ဖြစ်ပေါ်နေ...

ပါဂျောင်မီဒီယာ။
၉ရက်၊ဇူလိုင်လ၊၂၀၂၅။

ကချင်ပြည်နယ်၏ မြောက်ပိုင်းဒေသဖြစ်သည့် ပူတာအို၊လန်ဆယ် စသည့်ဒေသများတွင် ယခုရက်ပိုင်းအတွင်း မိုးအဆက်မပြတ်ရွာသွန်းနေပြီး၊ ရေကြီးရေလျှံဖြစ်ကာ အသေးစားတောင်ပြိုမှုပါ မကြာခဏ ဖြစ်ပေါ်နေကြောင်း သိရသည်။

“အခုတလော မိုးတွေအဆက်မပြတ် ပြန်ရွာနေလို့ တောင်ပေါ်ဒေသဖြစ်တဲ့ ပူတာအို၊ လန်ဆယ်ဘက်တို့၊ ပြီးတော့ ဖီမော်၊ပန်ဝါ လမ်းပိုင်းနေရာတွေမှာ တောင်တွေလမ်းတွေ ပြိုနေတာ မကြာခဏ ဖြစ်နေတယ်” လို့ လန်ဆယ်ဒေသခံတစ်ဦးက ပြောသည်။

ဇူလိုင်လဆန်းပိုင်းမှစ၍ ပူတာအိုဒေသဘက် နေ့စဉ်မိုးဆက်တိုက်ရွာသွန်းနေပြီး၊ ရေကြီးရေလျှံမှုများ ကျေးရွာ၊ရပ်ကွက်ထဲထိ ဝင်ရောက်လာကာ လက်ရှိအချိန်ထိလည်း ဆက်တိုက်ရွာသွန်းနေဆဲ ဖြစ်သည်ဟု ဆိုသည်။

ထို့အပြင် ဖားကန့်ဒေသ လုံးခင်းကျောက်ဝိုင်းဘက်လည်း မိုးများသော‌ကြောင့် တမြန်နေ့မှစ၍ ရေစတင်ဝင်ရောက်လာကာ ရေကြီးရေလျှံမှု ဖြစ်နေသည်ဟု ဖားကန့်ဒေသခံတစ်ဦးက ပြောသည်။

“ခုဒီဖားကန့် လုံးခင်းကျောက်ဝိုင်းဘက်မှာဆို မိုးကဆက်တိုက်ရွာနေလို့ မနေ့တနေ့ကစပြီး ရေတွေတက်လာပြီ။ ရပ်ကွက်ထဲထိ ရေစဝင်နေပြီ။ ဒီတိုင်းဆက်တိုက်ရွာနေရင်တော့ ရေဒီထက်ကြီးလာနိုင်တယ်။” ဟု ပြောသည်။

တစ်ဖက်မှာလည်း ဖားကန့်၊ဖားပြင်စက်လှေဂိတ်နေရာတွင် ရေမြင့်တက်လာသောကြောင့် စက်လှေဂိတ် ကူးမရသည့်အခြေအနေဖြစ်နေသည်ဟု ထပ်မံသိရသည်။

ကချင်ပြည်နယ်တွင် ဇွန်လဆန်းပိုင်းကလည်း မြစ်ကြီးနားမြေနိမ့်ရပ်ကွက်များနှင့် ချီဖွေဒေသ စသည့်နေရာများတွင် ရေကြီးရေလျှံမှု ဖြစ်ခဲ့သည့်အပြင် ယခုတစ်ခါ မိုးအဆက်မပြတ်ရွာသွန်းနေမှုကြောင့်လည်း ရေကြီးရေလျှံမှုထပ်မံ ဖြစ်လာမည်ကို စိုးရိမ်နေကြကြောင်းနှင့် မြစ်ကြီးနားမြစ်ရေမှာ စိုးရိမ်ရေအမှတ် ၁၂၀၀စင်တီမီတာသို့ ရောက်ရှိရန် (၅၀၉)စင်တီမီတာ (၁၆)ပေခွဲကျော်ခန့်အလိုတွင် ရောက်ရှိနေကြောင်းသိရသည်။

သတင်း - ဖရိန်း

ဓာတ်ပုံ- ပုံဟောင်း

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;-https://t.me/pajaumediachannelgenuinenews2023/7063?single

Website Link; https://www.pajau.net

08/07/2025

စတားလင့်အကောင့်များ စတင်ပျက်ကျ(Disabled)ဖြစ်လာသောကြောင့် ကချင်ပြည်သူများ စိုးရိမ်နေ....

ပါဂျောင်မီဒီယာ။
၈ရက်၊ဇူလိုင်လ၊၂၀၂၅။

ဖုန်းနှင့်အင်တာနက်လိုင်းဖြတ်တောက်ခံထားရသည့် ကချင်ပြည်နယ်တွင် starlinkဂြိုလ်တုအကောင့် lockကျခြင်းများ တစ်ခုပြီးတစ်ခု ဖြစ်ပေါ်လာသောကြောင့် ဒေသခံပြည်သူများ အင်တာနက်အသုံးပြုရာတွင် အခက်အခဲများ ထပ်မံဖြစ်ပေါ်လာသည်ဟု မြစ်ကြီးနားဒေသခံများထံမှ သိရသည်။

“အရင်ဇွန်လကတည်းက စတားလင့်အကောင့်တွေက တစ်ခုပြီးတစ်ခု လော့ကျလာတာ။ နောက်လဲဆက်ပြီး လော့ကျအုံးမယ်လို့ထင်တယ်။ ဘာလို့ဆို စတားလင့်က မြန်မာနိုင်ငံမှာဆို တရားမဝင်ဘူးလို့ ကြားသိရတယ်။ အခုစတားလင့်က လော့ကျလာတာဆိုတော့ ကျမတို့ ကချင်ပြည်နယ်မှာက အဆက်အသွယ်တွေ၊ အလုပ်လုပ်ရာတွေမှာ အရင်လိုပဲ ပြန်ဖြစ်လာမယ်လို့ ထင်တယ်။ အခုတောင် တစ်ချို့အင်တာနက်ဆိုင်တွေက စတင်ပိတ်ပင်လာပြီလေ။” ဟု မြစ်ကြီးနားဒေသခံ အမျိုးသမီးတစ်ဦးက ပြောသည်။

မြန်မာနိုင်ငံက စတားလင့်တရားဝင်ရရှိသည့်နိုင်ငံထဲ မပါသည့်အတွက် စတားလင့်၏ Teams of Serviceနှင့် Roaming Policyကို ချိုးဖောက်နေသည်ဟု သတ်မှတ်ကာ အကောင့်ပိတ်ခံရခြင်းဖြစ်သည်ဟု Internet ဝန်ဆောင်မှု လုပ်ငန်းလုပ်ကိုင်သူတစ်ဦးက ပြောသည်။

ထို့ကြောင့် Starlink Support Ticketတင်ခြင်းအား ရှောင်ရန်နှင့် မြန်မာနိုင်ငံမှ စတားလင့်အသုံးပြုနေခြင်းသည် စတားလင့်၏ စည်းကမ်းချက်များကို တိုက်ရိုက်ချိုးဖောက်နေသောကြောင့် အကောင့်ပိတ်ခံရနိုင်ခြေ အလွန်မြင့်မားကြောင်းလည်း ဆက်ပြောသည်။

“လိုင်းမရှင်းပေမဲ့ ဖုန်းအဆက်အသွယ်က နဲနဲအဆင်ပြေနေတဲ့အချိန် စတားလင့်အင်တာနက်လိုင်းတွေ ရနေလို့အလုပ်လုပ်တာကော၊ အဆက်အသွယ်လုပ်တာကော အဆင်ပြေနေတာကို အခုက စတားလင့်ပါ လော့ကျပြီး ပြန်ဆယ်မရဖြစ်လာတော့ အရင်လို့ပဲ သတင်းအမှောင်ချခံ ပြန်ဖြစ်မှာကို စိုးရိမ်နေတာ။” ဟု အထက်ပါအမျိုးသမီးက ဆက်ပြောသည်။

ကချင်ပြည်နယ်တွင် ပြီးခဲ့သည့်နှစ် ဇူလိုင်လ၂၁ရက်နေ့ကတည်းက ဖုန်းနှင့်အင်တာနက်လိုင်းအားလုံး ရုတ်တရက် ဖြတ်တောက်ခံခဲ့ရပြီး၊ ယခုလတွင် (၁)နှစ်ပြည့်လာပြီဖြစ်သည်။ ယင်းအချိန်မှစပြီး တစ်နာရီ(၃၀၀၀)ကျပ်မှစ၍ စတားလင့်အင်တာနက်ဆိုင်များ မြိုင်မြိုင်ဆိုင်ဆိုင် ဖွင့်လှစ်လာကာ လက်ရှိအချိန်ထိ ဆက်လက်အသုံးပြုလာခဲ့ကြကြောင်း သိရသည်။

သို့သော် (၁)နှစ်မပြည့်မှီ (၁)လအလိုကတည်းက မြန်မာနိုင်ငံတွင် စတားလင့်ဂြိုလ်တု တရားမဝင်သောကြောင့် စတားလင့်အကောင့်များ စတင်လော့ကျပျက်စီးလာသဖြင့် အင်တာနက်ဖြတ်တောက်ခံထားရသည့် ကချင်ပြည်သူများ စိုးရိမ်နေကြရခြင်းဖြစ်ကြောင်းသိရသည်။

သတင်း - ထုဆိုင်း

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;-https://t.me/pajaumediachannelgenuinenews2023/7051?single

Website Link; https://www.pajau.net

Pajau Media Channel

14/07/2025

14/07/2025

14/07/2025

12/07/2025

12/07/2025

11/07/2025

11/07/2025

11/07/2025

10/07/2025

09/07/2025

09/07/2025

08/07/2025

ที่อยู่

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท