เว็บไซต์คืออะไร?

https://www.facebook.com/279877061880624/

Pajau Shiga

Jinghpaw mung hta byin nga ai masa lam ni hte hkyak hkyak shiga ni hpe aten dep shapoi ya nga ai re.

04/09/2026

Hpyen Sanghpaw li 15 Kaw Na 7 Sha Manmaw De Du Ai Lam

Pajau Media
4 September 2026.

Mandalay Gaw Wun hkali daru kaw nna Mali hka hku lung wa ai hpyen sanghpaw li 15 kaw na 7 gaw, Manmaw de mani September praw 3 ya shani du wa sai lam, hpyen dap shiga ni kaw na chye lu ai.

September praw 2 ya shani Shwegu kaw nna Manmaw maga de rawt wa ai hta sanghpaw li 7 sha du wa nna dai hpyen sanghpaw ni gaw gasat sanghpaw li 2 hte gun rai htaw sanghpaw li 5 rai nna, yang pawng sanghpaw li 7 re ai hpe chye lu ai

Shwegu kaw nna rawt lung wa ai hpyen sanghpaw ni hpe KIA hte PDF pawng hpawn hpyen hpung ni lapran kaw na gasat wa ai majaw, sanghpaw nkau mi lim mat nna, sanghpaw lahkawng gaw dawnghkawn hpraw sharawt nna asum jaw wa ai re.

Myen hpyen hpung gaw Manmaw de hpyen n-gun sa ai shaloi laknak, arung arai ni sha n-ga, dap dinghku masha ni hte, num ni, ma ni mung lawm nga ai.

Manmaw de du wa ai hpyen sanghpaw ni gaw lai wa sai shaning hta na n law tim, hpyen n-gun, laknak malu masha law law hpe htaw sa lu ai majaw, Manmaw hpyen man galai shai wa chye nna, myen hpyen maga kaw na htu shadut ai lam bai laja wa chye hpe tsun nga ma ai.

Lai wa sai shaning 2025 ning hta mung hpyen sanghpaw 10 jan du wa nna, laning mi hta kalang malu masha hte hpyen laknak arung arai ni hpe htaw sa nga ai lam chye lu ai.

Shiga-Zau

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13706

website ; https://www.pajau.net/

04/09/2026

Rim Hkrum Ai Bawng Masha Marai 200 Daram Hpe Shim Lum Ai Shara De Htawt Sit Kau Sai.

Pajau Media
4 September 2026.

Manmaw de sa wa ai hpyen sanghpaw ni gap gasat hkrum ai hpang rim hkrum ai bawng masha ni marai 200 daram hpe shim lum ai shara de htawt sit kau sai lam hpyen shiga ni kaw na chye lu ai.

Majan laman KIA pawng hpawn ni rim la lu ai bawng masha ni hta hpyen la, num hte ma kaji ni lawm nna, dap dinghku masha ni hte mung shawa ni mung lawm ai lam chye lu ai.

Lu rim da ai bawng masha marai 200 daram hta na marai 100 jan gaw hpyen lahkawn hkrum ai ni re ai hpe chye lu ai.

Lai wa sai September praw 2 ya shani, Shwegu de du taw nga ai hpyen sanghpaw ni Manmaw maga de lung wa ai shaloi, KIA pawng hpawn hpung kaw na htim gasat ai majaw hpyen sanghpaw 2 dawnghkawn hpraw sharawt ai hta lu rim zing wa ai re.

Ya ten hta KIA pawng hpawn hpyen hpung ni gaw hpyen sanghpaw 5 hpe jahten kau lu sai rai nna, ngam ai hpyen sanghpaw 7 gaw mani September praw 3 ya shani, Manmaw de du wa sai lam chye lu ai.

Shiga-Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13701

website ; https://www.pajau.net/

04/09/2026

Shata Mi Laman Num Marai 55 Si Hkrum, Marai 52 Hkala Hkrum Ai Lam

Pajau Media
4 September 2026.

August 1 kaw nna 31 ya du hkra shata mi laman, myen hpyen dap ni kaw nna nb**gli gasat ai hte ga lam hku gasat gala ai majaw mungdan ting hta num marai 55 si hkrum nna, marai 52 hkala hkrum ai lam, Myen Mungdan Num Wuhpung kawn chye lu ai.

Myen hpyen hpung gaw asuya nnan langai zawn galaw nga ai raitim, tatut gaw mungdan ting hta nb**gli hte gasat ai lam, mung masha law law hpe sat ai lam, zingri zingrat ai lam, dai zawn re ai ni hpe matut manoi galaw nga ai.

Si hkrum ai num ni hta na marai 55 gaw nb**gli hte gap gasat ai majaw rai nna , nb**gli gap gasat ai majaw marai 43 hkra hkala nna, laknak kaba gap gasat ai majaw marai 3, pala hkra ai majaw marai 3 hte hkam bawm a majaw marai 3 ni re ai.

Ndai shata mi laman si hkrum ai numsha ni hta Rakhine mungdaw hta marai 17 hte si hkrum law htum ginra rai nna, Sagaing ginra hta gaw marai 13 hte number lahkawng law htum ginra ni re ma ai.

Shiga - Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13700?single

website ; https://www.pajau.net/

Photo-BWU

03/09/2026

Jinghpaw Mung Asuya Kaw N-Na Nan Si Aung De Du Hkra Wanleng Lam Hkrang Lu Na Lam Bawngban Nga Ai

Pajau Media
3 September 2026.

Jinghpaw Mungdan Asuya gaw Monyin kaw na Jinghpaw Mungdaw hte Sagaing mungdaw jarit Nan Si Aung du hkra deng 22 galu ai wanleng lam hpe bai gram lajang nna wanleng bai hkawm sa na matu bawngban jahkrup sai lam chye lu ai.

“Ndai majan byin nga ai ten hta wanleng lam hpe shim lum ai hte lu hkawm sa na nga yang grai akyu nga ai. Lawu tsang Mung masha ni gaw htaw wa htaw sa manu rawt jat wa ai hte malu masha manu rawt jat wa ai hpe tsawm ra hkam sha ra ai” nga nna ginra masha langai tsun dan ai.

Ndai zuphpawng hpe August 31 ya shani Myitkyina kaw na Jinghpaw Mungdaw Asuya Rung kaw galaw ai rai nna, Monyin-Nan Si Aung wanleng lam ntsa na wanleng lam hte mahkrai ni hpe jep ai lam, gram lajang ai lam ni hpe madung bawng ban wa ai zawn Kadu, Mawhan hte Nan Si Aung wanleng daru ni hta nga ai jarawp nta ni hpe mung bai gram lajang na matu masing ni hpe bawngban wa ai hpe chye lu ai.

Ginra masha nkau mi gaw Nan Si Aung de du hkra wanleng bai hkawm lu ai hpang Mandalay maga de wanleng lam hkrang wa lu yang, htaw wa htaw sa manu hte nga sat nga sa jarik yak hkak nga ai mung shawa ni a matu akyu grai byin shangun na re ai hpe tsun nga ma ai.

Wanleng lam ni hkrang nna hkawm sa lu na matu ya aten majan masa a majaw hten za mat ai ni (sh) sharu shatsang lam byin shangun chye ai jarawp nta ni hpe mung bai gram lajang na matu ra kadawn nga nna, ginra masha ni gaw wanleng lam atsawm bai lu hkawm sa na matu kade nna yang byin wa na ngu n myit mada ma ai la tsun ma ai.

“Lamu ga masa hpe yu yang, shimlam masa nkaja ding yang n dai laman byin wa na re ngu n shadu ai. Raitim, lahkawng maga jawm bawngban nna, htaw wa hkaw sa lam ni hpe bai hpaw lu yang, mung shawa ni a matu akyu kaba rai na re” nga nna kaga ginra masha langai tsun ai.

Wanleng lam hpe bai gram lajang lu yang, hkrun lam hte gun rai htaw ai manu ni hpe shayawm lu na rai nna, Jinghpaw mung kata kaw na ginra ni de gunrai ni htaw sa na matu loi wa na re.

Shiga - Shagaung

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13691

website ; https://www.pajau.net/

03/09/2026

Zin Bo Hte Sin Hkan Makau Hta Hpyen Hpung Lahkawng Maga Majan Laja Lana Byin Nga

Pajau Media
3 September 2026.

Jinghpaw mungdaw, Shwegu ginra Zin Bo mare grup yin hte Manmaw ginra Sin Hkan mahkrai makau hta dai ni September praw 3 ya jahpawt kaw nna laja lana majan byin nga ai lam hpyen shiga ni kawn chye lu ai.

Mani Mali hka nu hta hpyen sanghpaw nkau mi hpe gasat ai hpang, ngam ai sanghpaw 7 sha, Sin Hkan mahkrai hpe lai nna, dai ni Manmaw ginra makau na Kan Tar mare de du wa sai re hpe chye lu ai.

Dai Kan Tar de du taw sai myen hpyen hpung gaw dai ni Zin Bo maga lamu ga hku htu shadut nga ai zawn Sin Hkan mahkrai shara hpe mung ngam nga ai sanghpaw ni hte htu shadut lung wa ai majaw lahkawng maga man hkrum majan laja lana byin nga ai hpe chye lu ai..

Maga mi hta mung Manmaw makau na Yeni ginra hta wa hkring da ai ngam nga ai hpyen sanghpaw ni mung Manmaw de matut lung wa nna, hpyen dap gaw lam jasan ya ai hku sinpraw hkran hte sinna hkran kaw na Let Pan Tan, Kan Tar, Nyaungpintha hte Kon mahok ginra ni hta Y-12 nb**gli hte bawm gap gasat wa ai hpe chye lu ai.

Shiga-Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13688

website ; https://www.pajau.net/

03/09/2026

Wara Zup Ginra Kata Na Asak Hpring Sai Ramma Ni Hpe P.T.Ts Galaw Na Matu Amying Jahpan Hta Hkrum Nga

Pajau Media
3 September 2026.

Wara Zup mare hta, mare salang woi awn nna asak 18 ning hpring sai ramma ni hpe P.T.Ts n galaw nmai ngu nna ramma mying jahpan hkan hta nga ai lam ginra masha ni tsun ai kawn chye lu ai

Lai wa sai August 31 ya shani kaw nna lawk salang woi awn nna laika sharin jawng, b**ggyi jawng shara hkan hta jawngma amying jahpan ni hta nga nna asak 18 ning hpring sai ramma ni hpe P.T.Ts n galaw nmai ngu tsun da ai hpe chye lu ai .

Dai hte maren, Namati mare makau grup yin hta mung, September shata praw 1 ya shani hta, Mogaung hpyen asuya hte lawk salang ni hpe asak 18 ning hpring sai ramma ni a mying jahpan hpe tang madun na matu matsun dat sai.

Myen hpyen gaw Danai ginra Mung Ding hte Sut Ngai lawk kaw na manam jarawt shara ni hta mung manam jahpan hpe jep joi nga ai zawn, lawk shagu hta mung balik ni hte pawng nna hkan yu nga ai hpe chye lu ai.

Ya aten hta, Wara Zup, Shadu Zup, Naungmi hte Dun Bang grup yin hta nga ai mung masha ni gaw, shinggan de pru hkawm na matu sha pyi, jep hkrum ai ni, rim hkrum ai hte , sat kau hkrum ai du hkra hkrit tsang nga nna ra ai aten hta sha pru hkawm sa nga ai hpe chye lu ai.

Shiga - Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13687

website ; https://www.pajau.net/

03/09/2026

Myitkyina Hta Smart Card Kata Na Mying Hte Jahpan Ni Byen Lajang Galaw Na Matu Manu Grai Law Jaw Ra Ai Hpe Ginra Masha Ni Tsun

Pajau Media
3 September 2026.

Jinghpaw mungdaw, Myitkyina hta Smart card galaw ai shaloi immigration department’s a electronic database hta mying hte ga si ni hpe shut ai majaw, gunhpraw hkrat ra ang ai law ai hte aten na na lat ra nga ai lam ginra masha ni kaw na tsun ai.

Lai wa sai ten hkan Myitkyina pawng hpawn rung de sa du gawan ai mung shawa ni tsun ai hta, ya na Mungdan Mungchying Masat (NRC) hte dum nta jahpan ni hta lawm ai jahpan hte ga si ni gaw teng ai raitim, electronic system kata na labau jahpan ni jep ai (sh) bang ai shaloi mying hte ga si ni n b**g ai lam ni byin nga ai hpe chye lu ai.

Ndai zawn shut ai lam ni hpe mu hkrup yang, smart card galaw ai lam hpe matut galaw lu na matu, dai data jahpan ni hpe immigration department’s database kaw shading sharai ra nna, dai na matu gumhpraw jat bang ra ai hte rung de a lang lang sa ra ai lam ni byin nga ai hpe ginra masha ni tsun ai.

“Ngai na mungchying masat hte nta masha ni a jahpan gaw prat tup jaw ai. Raitim, system kata de data jahpan ni hpe bang dat ai shaloi, ga si shut ai ni byin wa ai, smart card lu la na matu dai shut ai hpe shawng gram lajang ra ai da dai bai galaw na matu gumhpraw sen ma ra ai” nga nna Myitkyina ginra masha langai tsun dan ai.

Kaga masha langai tsun ai hta, database kata data jahpan manghkang ni hpe hkrum katut ai shaloi, shawk da ai masha ni hku na lata la mai ai lam nau n nga ai ngu tsun ai.

“Shut hkra galaw da ai gaw anhte ni n rai tim dai shut ai a matu gumhpraw jaw ra gaw anhte bai rai taw, pgumhpraw n jaw yang, shut ai ni hpe n gram lajang ya, rung de alang lang bai sa ra nna, mung shawa ni a matu lit kaba langai byin wa ai,” nga nna ginra masha wa tsun ai.

Mung shawa ni gaw, database kaw na data jahpan ni hpe sharai la na matu, tara shang ladat ni hte ra ang ai manu jahpu ni hpe asan sha tsun dan na matu, seng ang ai ni hpe hpyi shawn da ai. Smart card galaw jaw ai hta tara shang magam b**gli galaw ai a manu jahpu ni hta lai nna bai jat jaw na matu hpyi shawn ai lam ni nga nnga hpe mung jep na matu hpyi shawn da ai.

Asuya a nhtoi 100 ya masing kata hta, ahkaw ahkang lu ai ni gaw, Unique Identification (UID) jahpan ni hpe mahkawng ai hte madi shadaw laika pa ni hpe htuk ya ai lam hpe n gun dat galaw ya nga ai rai nna, mung shawa ni mung tara shang ladat ni hpe hkan nang hkan sa na matu hte, lapran salang galaw sha ai ni hpe n kam na matu, hkring mang dap kaw nna tsun shadut da ai.

Myitkyina ginra masha ni mung, Jinghpaw mungdaw asuya hte mungdan pru shang masha yu lakawn dap hte mungdaw hkringmang dap ni hku na pawng hpawn rung kaw Smart Card galaw ai lam hpe tatut sa du gawan nna, database kata data jahpan shut ai ni hte gumhpraw manu jahpu jaw ra ai ni hte seng ai shawk shawn lam ni hpe sawk jep ya na matu hpyi shawn da ai.

Smart Card ni galaw ai shaloi hkan sa ra ai tara upadi ni, data ni hpe sharai la na matu ra ai jahpan ni hte tara shang masat da ai manu jahpu ni nga ai rai yang, asan sha jahpra dan na matu mung shawa ni hpyi shawn da ai. Mung shawa ni n galaw shut ai lam ni hpe sharai la na matu manu gumhpraw jai lang lam nnga na matu mung shanhte hpyi shawn da ai .

Shiga - Ko Kyaw

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13681

website ; https://www.pajau.net/

02/09/2026

Manmaw De Rawt Lung Wa Ai Hpyen Sanghpaw Ni Hpe KIA Ni Gap Jahten Kau Ai

Pajau Media
2 September 2026.l

KIA masat 11 dap ba Shwegu ginra kaw na Manmaw de rawt lung wa ai myen hpyen sanghpaw hpung ni hpe KIA pawng hpawn hpung kaw na dai ni September praw 2 ya shani hta ninghkap gasat nga ai re lam chye lu ai.

September 2 ya jahpawt hkying 6 daram kaw na, Shwegu de du taw sai myen hpyen hpung ni a hpyen sanghpaw dap gaw, Manmaw de rawt lung wa ai shaloi, Zin Bo ginra makau hta KIA pawng hpawn hpyen hpung ni ninghkap gasat wa ai hpe chye lu ai.

Myen hpyen sanghpaw dap hpe gasat ai hta sanghpaw kaji lahkawng hte kaba langai gap gasat jahten kau ya lu nna ngam nga ai sanghpaw nkau mi gaw Mali hka hku matut nna rawt lung wa ai hpe chye lu ai

KIA pawng hpawn hpyen hpung ni ninghkap gasat ai gaw jahpawt hkying 6 kaw nna hkying 9 du hkra nga yang Mandalay de na lung wa ai myen hpyen nb**gli langai gaw bawm 9 lang hta n yawm ai sha gap gasat mat wa ai.

Myen hpyen hpung gaw lai wa sai August shata htum wa maga kaw nna hka lam hku n-gun jet, rawt lung wa ai rai nna, KIA pawng hpawn hpung ni mung ninghkap gasat nga ai hta sanghpaw nkau mi hpe gap jahten kau lu ai zawn, ya ten Shwegu ginra Mali Hka mayan shani shagu gasat gala majan laja lana byin nga ai re.

Shiga - Htu Seng

Crd-Video
============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13670

website ; https://www.pajau.net/

02/09/2026

August Shata Laman Mung Shawa Marai 94 Si Hkrum Sai Ngu AAPP Ndau

Pajau Media
2 September 2026.

Myen hpyen hpung a majaw mungdan ting hta shata mi laman num la yawng marai (94) si hkrum sai lam mung masa hte htawng masha ni hpe garum ningtum jaw ai wuhpung (AAPP) kaw nna September praw 1 ya shani ndau ai hta chye lu ai.

August shata praw 1 ya shani kaw nna 31 ya shani du hkra, myen hpyen hpung a majaw La marai (49) hte Num marai (45) yawng marai (94) si hkrum nna, dai hta asak shata 6 ma numsha langai hte asak 18 ning lawu na ma ni marai (12) mung lawm ai ngu tsun ndau da ai.

Ndai si hkrum ai hta na marai (80) gaw, myen hpyen hpung a nb**gli gap gasat ai majaw si hkrum ai rai nna, marai (58) hpe gaw, ya du hkra amying hte hpawn chye lu na matu naw ra nga ai hpe chye lu ai.

Lai wa sai July shata laman hta mungdan ting kaw myen hpyen hpung a majaw mung shawa yawng marai (74) si hkrum wa sai re.

Shiga-Zau

Photo-AAPP
============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13669?single

website ; https://www.pajau.net/

02/09/2026

Shwegu Kaw Na Hpyen Sanghpaw Ni Manmaw De Du Hkra Shakut Nga Ma Ai.

Pajau Media
2 September 2026.

Jinghpaw mungdaw, Shwegu kaw hkring nga ai hpyen sanghpaw hpung ni gaw Manmaw maga matut lung wa lu na matu myen hpyen hpung gaw, Y-12 nb**gli, Jet nb**gli ni lang nna lam mayan nb**gli gap gasat ai ni matut galaw nga ai lam hpyen shiga ni kawn chye lu ai.

Lai wa sai August 27 ya shani Shwegu de du nga ai hpyen sanghpaw ni gaw Manmaw de matut hkawm wa lu na matu lam amyu myu hte shakut nga ai hpe chye lu ai.

Dai hta n-ga, Dai ni September 2 ya jahpawt hkying 4 daram kaw nna, Zin Bo lawu kaw hkring da ai hpyen sanghpaw ni gaw, lahta de matut hkawm sa na matu shamu shamawt hpang wa sai re hpe chye lu ai.

Ya na zawn Manmaw maga de lung wa ai hpyen sanghpaw hpe KIA pawng hpawn dap ni gaw FPV drone ni hte gasat ai hta hpyen sanghpaw nkau mi hpe wan nat jahten kau ya ai lam chye lu ai.

Shiga-Hpring

Video-Crd
============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13663

website ; https://www.pajau.net/