เว็บไซต์คืออะไร?

https://www.facebook.com/279877061880624/

Pajau Shiga, Chiang Rai (2025)

30/08/2025

Lang Se Kaw Amyu Shayi Langai hpe Adup Gayet Ai Dkb Ja Li Awng Hpe N Ra Sharawng Ai Lam Amyu Shayi Ni N Gun Madun Ai Lam

Pajau Media
August 30.2025

Jinghpaw Mung Saw Law ginwang Lang Se kaw amyu shayi langai hpe dai ginra uphkang ai Du Kaba Ja Li Awng kawn adup gayet ai manghkang byin nna Du Kaba Ja Li Awng hpe n ra sharawng ai lam Amyu shayi hte Mung masha ni n-gun madun ai re lam chye lu ai.

August 29 ya shana daw hta Lang Se kaw na Lu Sha seng langai kaw Amyu shayi langai hte Du Kaba Langai ga shawng shai hkat nna adup gayet hkat ai madang byin ai re hpe chye lu ai.

Ah dup gayet hkrum ai amyu shayi gaw Asak 34 ning re Ma Ar lu Mee ngu ai jan rai nna Mogok kaw nna Lang Se de wa nga ai re lam, ah dup gayet ai wa gaw Dap Dung 51 kaw nna Dap Up Dkb Lahpai Ja Li Awng hte Hpyen Ma Lahkawng mung lawm ai lam chye lu ai.

Ah dup gayet hkrum ai Ar Lu Mee Gaw myi man, lata hte magyi hkan ningma lu ai rai nna ခြောက်ပေါက် mung bang hkrum ai re, n dai mabyin hpe ninghkap ai hku na Lang Se Ginra kaw du nga ai amyu shayi ni n-gun madun ai majaw bai dat ya sai re lam chye lu ai.

Amyu shayi hpe Ja lawk kaw nna Ja lagu ai ngu rsun nna adup gayet hkrum ai re lam, mabyin manghkang hte seng nna lit nga ai ni kawn hparan ya na matu Lang Se ginra amyu shayi ni ra sharawng nga ma ai re.

Lang se Ginra hpe lai wa sai shaning hta KIA pawng hpawm hpung ni zing madu da ai hpang kaw nna KIO uphkang masa hte uphkang nga ai re. lang se Ginra gaw Ja grai pru ai lam hta Mying gumhkawng ai Ginra langai mung rai nga ai.

Shiga - Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Media page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/8565?single

website ; https://www.pajau.net/

30/08/2025

Mandalay Myitkyina Mawdaw Lam Hpaw Ya Na Matu Mawdaw La Ni Hpyi Shawn

Pajau Media
August 30.2025

Mandalay Myitkyina hkawm sa lam lawan bai hpaw na matu Loi S*k mare masha ni hte hkrun lam hkawm Mung masha ni, Mawdaw La ni n gun madun hpyi shawn nga ma ai lam chye lu ai.

"ဘောရွာ၊ လွှဲဆိပ်၊ ဆယ့်တစ်ပေါက် Mare ni hta yu wa ai Mawdaw ni tsa lam chyat taw ai majaw lawan bai hpaw na matu n gun madun hpyi shawn ai re. Anhte hpung ni hkrai pyi August 2 ya kaw nna chyat taw ai, ya du hkra n lu lai shi ai. Nbungli bawm jahkrat bun ai mung hkrum sha ai, lung wa ai mawdaw ni hpe gaw hpaw ya na, Yu wa maga na mawdaw ni hpe gaw n hpaw ya ai" nga nna Mawdaw La tsun ai.

Mawdaw lam bai hpaw na matu lai wa sai August 28 ya hta Mawdaw La ni hte hkrun lam hkawm masha ni pawng hpawm n gun madun hpyi shawn ai re.

Lam kaw chyat nga ai gaw August praw kaw nna rai sai hte nbungli bawm gap bun ai hte nbungli bawm htim gasat ai majaw Sen 30 daram sum hkam nna shwe Bu du hkra n htang wa ai lam ni mung nga ai re.

August 4 ya hte 11 ya ni hta Mandalay Myitkyina Lam Sagaing Ginra Tawng Yin mare kaw mung Myen hpyen dap kawn Lahkawng lang nbungli bawm wa jahkrat ai majaw Mung masha 12 asak si sum nna Marai 30 hkawt hkala hkrum ai lam chye lu ai.

Ya aten Mandalay hte Myitkyina Lam mayan hta Myen hpyen dap htu shadut nga dingyang rai nna Ginra makawp maga Dap ni hte gasat gala majan laja nga ai rai nna Myitkyina Mandalay Pyuha Lam hte Koi lam ni hpe pat da ai re hpe mung chye lu ai.

Gasat gala Majan lapran Myen hpyen dap gap gasat ai majaw Mawdaw La ni hte hkrun lam hkawm Mung masha ni si hkala hkrum ai lam chye lu ai.

Shiga - Kachin Pyi tar

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/8563

website ; https://www.pajau.net/

30/08/2025

Myen Hpyen Dap Hpyen N-Gun Htu Shadut Nna Shamu Hkawm Nga Ai Aten Mung Masha Ni Grai Sadi Maja Ra Ai Lam

Pajau Media
August 30.2025

Jinghpaw Mung kata shara shagu de Myen hpyen dap hpyen n-gun htu shadut htim gasat nga ai re hte Myen hpyen dap n-gun kaba hte htu shadut yan lung wa ai hpe pru yu hkawm ai lam n galaw na matu KIO Shiga Magam Dap Lithkam kaw nna tsun Hpaji jaw da re hpe chye lu ai.

Myen hpyen dap gaw Mung masha hte hpyen hpe garan gin hka ai lam n nga ai sha gap gasat nga ai re majaw Hpyen hpung ni shamu shamawt hkawm ai aten le yu ai lam, lagu yu ai lam ni n galaw na matu tsun ai re.

Myen hpyen dap gaw Hpyen hpung shamu hkawm ai aten hkan yu ai ni hpe n tsen n hten ai majaw sinat gap sat kau da ai lam ni, rim woi mat ai lam ni galaw ai majaw grau sadi maja ra ai lam chye lu ai.

Ya aten Manmaw, Wai Maw Lamyang ginra de sha n-ga Hpakant ginra de myen hpyen dap hpyen n-gun htu shadut htim gasat majan Laja nga dingyang re.

Laiwa sai August 25 ya hta mung hpakant Maw Si Zar maga kaw nna Hpakant Pyuha Kawng de htu shadut wa ai Myen hpyen hpung ni gaw hpakant shang wa ai Pan Tin mahkrai kaw Hpyen hpung ni hpe tsap yu ai ngu nna amyu shayi langai gap sat hkrum ai lam nga sai re.

Dai sha n-ga August 24 ya shani hta mung Hpakant ginra de htu shadut ai Myen hpyen hpung ni gaw Maw Si Zar Kaw na La marai 9 hpe rim woi mat ai lam chye lu ai.

N dai zawn re masa lam ni a majaw Myen hpyen hpung ni htu shadut shamu hkawm yang Mung masha ni grai sadi maja ra ai re hpe mung chye lu ai.

Shiga - Pyilan U

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/8533?single

website ; https://www.pajau.net/

29/08/2025

Mandalay Myitkyina Lam Mayan Hpyen N-gun Htu Nna Gasat Gala Majan Laja Nga

Pajau Media
August 29.2025

Mandalay Myitkyina lam mayan hta Myen hpyen dap hpyen n gun htu shadut nga dingyang rai nna gasat gala maja laja nga ai re hpe chye lu ai.

Jinghpaw Mung In Daw Gyi Ginra hte Sagaing Kan Balu Ginra Pyuha lam mayan kaw nga ai mare ni hta mung Myen hpyen dap Pyu Saw Hti pawng hpawm hpung n-gun 400 jan hte hpyen n-gun htu shadut dingyang rai nna Myen hpyen dap Uphkang lu hkra shakut nga ai re lam chye lu ai.

Dai ginra makawp maga dap hte Myen hpyen dap lapran gasat gala majan laja nga ai re majaw ya aten Mandalay hte Myitkyina hkawm sa lam rai nga ai koi lam hpe mung pat da sai re lam chye lu ai.

Lam lapran hta byin ai gasat gala majan lapran Mawdaw la ni hte hkrun lam hkawm Mung masha ni si hkala hkrum ai lam nga ai re hpe mung chye lu ai.

Dai masa lam ni a majaw Myitkyina Mandalay sa lam Pyuha Lam sha n-ga Pe Gyi koi lam hku nna hkawm sa nga tim aten n tam pat mat ai masa hte hkrum katut wa mai ai lam tang madun da ai re.

Shiga - Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/8528?single

website ; https://www.pajau.net/

29/08/2025

Shata Lahkawng Laman Myen Mungdan Kata Ma Marai (47) Asak Si Sum Ai Lam AAPP N Dau Ai Lam

Pajau Media
August 29.2025

Myen Mungdan kata Myen hpyen dap dingsa gasat ai majaw July praw 1 kaw nna August 28 du hkra Asak 18 n pu amyu shayi marai 21 hte La kasha marai (26) yawng rai yang marai 47 asak si sum ai lam AAPP kawn ndau da ai re.

Myen hpyen dap nbungli dingsa gasat ai majaw asak si sum ai marai (34) re hte n bungli dingsa gasat ai majaw law malawng re lam, marai (12) gaw laknak kaba gap hkrum ai majaw asak si sum ai lam chye lu ai.

Asak si sum ai ni kaw na marai (11) gaw Mandalay ginwang kaw na rai nna asak si sum ai lam law dik ginra re hte Magwi ginwang kaw na marai (7) hte No 2 law dik ginra re lam chye lu ai. Dai sha n-ga shagrin la na matu naw ra nga ai asak (18) ning npu asak si sum ai Mung masha marai (25) nga ai lam tang madun da ai.

Myen hpyen dap uphkang wa ai 2021 February shata kaw nna 2025 August 28 ya du hkra rai yang Myen hpyen dap dingsa gasat ai majaw Asak 18 n pu Ma ni rim hkrum ai lam marai (622) du hkra nga ai rai nna asak si sum ai gaw marai (885) du hkra nga ai lam AAPP n dau da ai kaw na chye lu ai.

Shiga - Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/8525

website ; https://www.pajau.net/

28/08/2025

Alen Bum Jawng Kaw Na Jawngma Marai (40) Jan A Matu Jawng Lang Laika Hte Bu Hpun Palawng Ni Hkyak Hkyak Ra Kadawn Nga Ai Lam

Pajau Media
August 28.2025

August shata hta sha Laiza ginjaw ginra kata sawng dik ai Hka Mawru lahkawng lang hkrum sha lai wa sai re hte Hka mawru hta Dum nta nawng nawng yawng lawm mat ai masa lam ni a majaw ya aten Jawng lung nga ai Ma marai (40) jan a matu laika, jawng lang arung arai hte bu hpun palawng kaw na hkawt hkyak hkyak ra kadawn nga ai lam chye lu ai.

Dai jawng ma marai (40) jan gaw Alen bum lahta tsang jawng kaw jawng lung nga ma ai re hte Hka Mawru sawng dik madang hkrum sha ai Je Yang, Hpun Lum Yang, Hpung Mai Yang, Sut Mu Awng hpyen koi yen dabang kaw na Ma ni re hpe mung chye lu ai. Hka Mawru a majaw hten za mat ai Alen bum jawng Tsi jaw gawk hpe mung grai n lu gram sharai la shi ai re lam mung chye lu ai.

Hka mawru a majaw hkrun lam ni grai hten za mat nna Jawng hpe gan pat da ai raitim ya aten shawoi na zawn sha bai hpaw sharin nga sai re. Laiza ginra hta Hka mawru hkrum sha ai ginra ni hkan jasan jaseng ai daw hpe gaw ngut kre sai madang ngu mai tsun ai raitim Gaw sharawt matsing ni mung galaw nga dingyang re hpe mung chye lu ai.

Hka mawru byin ai hpang Laiza ginra kata Myi Hprap Wan shadaw ni mung hten za mat ai sha n-ga Wan jak hka len la ai shakum ni gyi mat ai majaw shata mi hkawt myi hprap wan n lu mat ai raitim August 25 ya kaw nna Myi Hprap Wan shawoi na zawn bai lu sai lam mung chye lu ai.

August shata laman byin lai wa sai Laiza ginra Hka Mawru hta Mung masha marai (6) asak si sum nna, dum nta (460) hte mahkrai (7) hten za mat ai lam nga sai re hpe mung chye lu ai.

Shiga – Pyilan U

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/8498?single

website ; https://www.pajau.net/

28/08/2025

Manmaw Majan Matut Laja Nga Ai Lam

Pajau Media
August 28.2025

Jinghpaw Mung Manmaw Muklum zing madu majan gaw August 24 kaw nna bai laja wa ai rai nna ya aten du hkra matut laja nga dingyang re lam chye lu ai.

KIA pawng hpawm hpung ni hte Myen hpyen dap hpung ni gaw August 24 ya kaw nna Myen hpyen dap Tank Dap hte Hk.L.Y (236) Dap shara ni hta gasat gala majan byin ai rai nna August 25 ya hta Myen hpyen dap Drone bawm laja lana jahkrat htim gasat nga ai lam chye lu ai.

Ya aten Manmaw Muklum hta Ts.k.hk (21) Dap, Ah Myawk Dap (366) makau grup yin, Nbungli pa mayan hte Muklum kata shara n kau hta shani shagu gasat gala majan laja nga ai re.

Manmaw ginra de myen hpyen dap gaw Hpyen n-gun Laknak n-gun shahting da nna htu shadut nga dingyang rai nna Hpakant ginra de mung matut manoi htu shadut htim gasat nga ai re. Manmaw, Hpakant hte Waimaw ginra de Nbungli bawm, Laknak kaba hte Drone ni gap shadam ai majaw Mung masha dum nta ni hten za ai re hpe mung chye lu ai.

Shiga - Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/8492?single

website ; https://www.pajau.net/

28/08/2025

Myen Hpyen Dap Gap Dat Ai Laknak Kaba Mukchyik KBC Nawku Jawng Kaw Wa Hkrat Kapaw Ai Lam

Pajau Media
August 28.2025

Waimaw Lamyang ginra de byin ai gasat gala majan hta Myen hpyen dap kawn gap dat ai Laknak kaba gaw Waimaw Washawng sa lam Nam Wa, Mukchyik KBC Nawku Jawng ntsa kaw wa hkrat ai majaw nawku jawng hten za mat ai lam ginra masha ni tsun ai re.

Myen hpyen dap gaw Waimaw Lamyang maga de n dai laman nbungli bawm wa jahkrat nna htu shadut htim gasat nga ai sha n-ga lagaw lam htu shadut ai lam mung laja lana galaw ai majaw gasat gala majan byin ai re hpe chye lu ai.

Myen hpyen dap a htu shadut majan a majaw n dai laman Myitkyina Muklum hta mung shani shagu sinat n sen ni na taw ai hte shimlam ni grau laja wa ai re lam ginra masha ni tsun ai.

Dai sha n-ga Myen hpyen dap gaw Lamyang maga de August 26 ya jahpawt daw kaw nna Laknak kaba hte gap nna shani hkying 1 aten daram hta gaw Jet Fighter bawm wa jahkrat bun ai lam nga ai re hpe mung chye lu ai.

Shiga - Hpring

================================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/8480?single

website ; https://www.pajau.net/

27/08/2025

Hpakant Pyuha Kawng Kaw Nna Gap Dat Ai Laknak Kaba A Majaw Hpunggyi Ni Hkala Nna La Langai Asak Si Sum

Pajau Media
August 27.2025

Hpakant Pyuha Kawng kaw shadun da ai laknak kaba hte shani shagu gap bun ai majaw Mung masha hkra hkala asak si sum ai lam matut manoi byin nga ai re lam chye lu ai.

August 26 ya shana daw hta Hpakant Pyuha Kawng kaw nna gap dat ai laknak hte drone bawm gaw shara shagu ngu na daram hta hkrat kapaw ai hta မဏိဇေယျုံကျောင်းတိုက် lu sha len kata de drone bawm wa hkrat kapaw ai majaw U Zin marai langai hte Ko Yin marai (3) hkala hkrum ai lam nga ai.

Ginra masha langai tsun ai hta “ shana daw maga မဏီဇေယျုံကျောင်းတိုက် kaw wa hkrat kapaw ai, asak si sum ai masha gaw n lawm tim Hpunggyi(4) hkala mat ai, shana tup bawm kapaw nsen chyu na taw” nga nna tsun ai re.

Ndai laman Hpakant ginra de laknak kaba sha n-ga Drone bawm, Nbungli bawm ni hkrup mara gap jahkrat ai lam grau galaw ai sha n-ga gasat gala majan mung byin nga ai rai nna mana de du hkra sinat nsen matut manoi na nga ai lam Hpakant ginra masha matut tsun ai re.

“ N dai laman Seng Tawng 7 Star makau kaw mung langai wa hkrat ai, Pazan Chauk maga na Company Wang hta mung langai wa hkrat ai, ngam ai gaw Yu Ma, Seng Tawng Muklum koi lam maga de mung hkrat ai nga na ai, hten za ai masa hte hkala hkrum ai lam gaw tup hkrak n chye shi ai” nga nna tsun ai.

Dai zawn sha August 27 jahpawt daw hkying 12 jan kaw nna nhkring nsa laknak kaba gap ai majaw Lawng Hkang Kahtan Mare makau kaw nga ai Miwa amyu sha langai asak si sum nna kaga hten za ai masa lam ni hpe matut sagawn nga dingyang re.

Shiga - ND

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/8459?single

website ; https://www.pajau.net/

27/08/2025

Waimaw Lamyang De Myen Hpyen Dap Nbungli Bawm Jahkrat Ai Lam

Pajau Media
August 27, 2025

Jinghpaw Mung Waimaw ginra KIA zing madu da lu sai Lamyang ginra de myen hpyen dap nbungli bawm lahkawng lang wa jahkrat bun ai lam chye lu ai.

Lamyang maga de August 26 ya jahpawt daw kaw nna laknak kaba gap bun ai rai nna shani ka-ang hkying 1:00 PM aten daram hta gaw Jet Fighter hte bawm lahkawng lang wa jahkrat bun ai lam lamyang ginra masha tsun ai kaw na chye lu ai.

Myen hpyen dap gaw Waimaw HK.L.Y (58) Dap hte M.P.Hk kaw nna laknak kaba ni hte gap bun ai majaw Myitkyina Waimaw ginra ni hkan n dai laman Myen hpyen dap hpyen shamu ai lam ni grau galaw wa ai re.

Myen hpyen dap gaw Lamyang mare maga de laknak kaba nbungli hte wa gap gasat ai lam jahkring hkring galaw nga ai re hpe mung chye lu ai. Dai sha n-ga August 24 ya shana hta mung Myitkyina M.P.HK kaw nna gap dat ai laknak kaba gaw Myitkyina Ram Bu lawk dum nta kaw wa hkrat kapaw ai majaw Ma langai asak si sum lai wa sai re.

Myen hpyen dap gaw Manmaw hte Hpakant ginra de mung hpyen n-gun jat gasat nga dingyang rai nna Tang Hpare, Waimaw Lamyang maga de mung hpyen n-gun htu shamu shamawt nga ai re hpe mung chye lu ai.

Shiga - Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/8450?single

website ; https://www.pajau.net/

26/08/2025

Myen Hpyen Nbungli Gap Gasat Ai Majaw Manmaw Ginra Mung Masha Dum Nta Tsa Lam Shadang 88 Hten Za Nga Sai Lam

Pajau Media
August 26.2025

Jinghpaw Mung Manmaw ginra de nbungli bawm laja lana htim gasat ai majaw Mung masha dum n ta Tsa lam shadang 88 daram hten za ai lam Manmaw ginra shinggyim ahkaw ahkang shamu shamawt nga ai hpung ni tsun ai.

August praw daram kaw nna myen hpyen dap sanghpaw hpung ni du shang wa ai hpang kaw nna grau gasat gala majan laja wa ai re hte nbungli bawm htim gasat ai lam mung shani shagu galaw wa ai re hpe chye lu ai.

Ya na zawn laja lana htim gasat ai majaw Mung masha law law hprawng koi yen ra ai rai nna dum nta law malawng mung hten za mat ai re hpe chye lu ai.

Gasat gala majan laja ai lapran Myen asuya magam gun ni hpe Manmaw Muklum kata de bai shaga la ai lam nga ai re hpe mung chye lu ai.

Jinghpaw Mung a matu No 2 kaba dik rai nga ai Manmaw Muklum zing madu majan gaw shata 8 daram na wa sai rai nna shara law malawng hpe KIA kawn zing madu da lu sai re hpe mung chye lu ai.

Shiga - Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/8435?single

website ; https://www.pajau.net/

26/08/2025

Sumpra Bum Ginra Kata Yu Li Hku Grai Sawng Taw Ai Lam

pajau Media
August 26.2025

Jinghpaw Mung Sumpra Bum, Putao lam mayan na mare kahtawng hkan na Mung masha ni a Yi Nai Mam ni hpe Yu sha jahten ai lam grai sawng ai nga nna ginra masha langai tsun ai.

"N Sha Yang, Hkin Du Yang mare masha ni a Bum Yi ni hpe Yu sha jahten ai, Mam ni yawng ya gaw N-gu tum pyi n tai shi ai, maning gaw dai ginra hta Kawa hpun ni asi si ai, dai Kawa hpun ni asi si ai hte Yu bai du wa sai" nga nna tsun ai re.

Yu ni gaw lai wa sai July shata htum wa maga kaw nna du wa ai re hte hkai n mai yaw jahten ai re lam chye lu ai.

Mung masa gaw n pyaw ai hta n-gu manu ni mung grai tsaw rawt nga ai lapran hkai da ai Bum Yi hkan Yu li bai du ai majaw malu masha grai yak wa na hpe grai myit tsang nga ma ai re.

"Ya na mung masa n pyaw ai hta n-gu manu ni mung grai rawt, galaw da ai Bum Yi hkan Yu li bai du, gara hku tawt lai ra ai hpan kun" nga nna ginra masha matut tsun ai re.

Yu Li du ai shara ni gaw Putao-Myitkyina mawdaw lam hte Mali Hka makau mayan dingyang na Bum Yi Hkai Sun ni hta rai nna Hpung Ngai Yang Hpyen yen Mung masha ni galaw sha ai Yi Hkan mung Yu sha jahten ai lam chye lu ai.

Ginra masha ni tsun ai hta Sumpra Bum ginra hte kaga ginra n kau hta lai wa sai shaning hkan mung Yu sha ai raitim nau n sawng ai. Dai ning gaw Shu Dan la na pyi n nga hkra sha jahten kau ai lam chye lu ai.

Shiga - Zau

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/8430?single

website ; https://www.pajau.net/

Pajau Shiga

30/08/2025

30/08/2025

30/08/2025

29/08/2025

29/08/2025

28/08/2025

28/08/2025

28/08/2025

27/08/2025

27/08/2025

26/08/2025

26/08/2025

ที่อยู่

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท