เว็บไซต์คืออะไร?

https://www.facebook.com/279877061880624/

Pajau Shiga, Chiang Rai (2025)

25/10/2025

Myen Mungdan Mung Dinghku Majan Aten Grau Galu Wa Mai Ai Lam KIO Ningbaw Tsun Ai Lam

Pajau Media
October 25.2025

Myen Hpyen Dap gaw ya aten Mungdan ting madang galaw na Ra lata poi a matu hkyen shajin nga ai re hte n dai Ra lata poi a majaw Myen Mungdan Mung Dinghku majan gaw grau galu wa mai ai lam KIO Ningbaw Kaba kawn KIO Masat N Htoi Mungga hta tsun ai re.

Myen Hpyen Dap kawn woi awn galaw na Ra lata poi hpe madi shadaw ai hpung hte ninghkap ai hpung kaba lahkawng gaw pru wa na re lam, dai hpung lahkawng jahkrup la matu yak mat wa na re majaw Myen Mungdan Mung Dinghku majan mung aten grau galu wa na re hte bawng ban jahkrup ai lam n mai galaw na hpe grai myit tsang ai lam tsun da ai re.

Masat n htoi mungga hta majan rau chyawm gasat nga ai kaga amyu sha ni, kaga Rawt malan hpung ni hpe mung tsawra myit hte lata gindun nga na lam, Myu hte Mungdan a matu asak ap nawng, hkum hkrang daw chyen ap nawng sai ni kaman n di kau na re lam, KIO ginjaw komiti gaw Hpyen masa, Mung masa hpe Pai Hkra sharap shara let ngang grin ai simsa lam gaw gap nga ai aten re hte awng dang hkra galaw shakut sa wa na lam KIO Ningbaw tsun ai re hpe chye lu ai.

KIO hpe lai wa sai 1960 ning October 25 ya shani hta hpaw hpang dat sai re hte dai ning gaw 65 ning hpring sai re hpe chye lu ai. N dai masat n htoi hpe Shanglawt Uphkang ginra kata shara shagu hta masat n htoi mungga chyawm madat hkam la ai hpawng lamang ni galaw ai re hpe mung chye lu ai.

Shiga - Pyilan u

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/9689

website ; https://www.pajau.net/

24/10/2025

Myitkyina Putao Lam Pat Ai Hpang Myen Hpyen Dap Hpyen Garum N Bungli Du Ai Lam

Pajau Media
October 24.2025

Myitkyina Putao hkawm sa hkrun lam hpe Myen hpyen dap kawn Lamung Zup gate kaw pat kau ai hpang Myen hpyen dap Hpyen garaum Nb**gli gaw Putao ginra de du shang ai lam chye lu ai.

" Dai ni lani mi laman sha Myen hpyen dap hpyen garum Nb**gli Y8 masum lang sa ai, dai gaw Laknak malu masha htaw ai rai na masa nga, Myitkyina Lam mung pat sai re nga yang gaw dai gaw ang katut ai lam gaw n mai byin ai, Putao ginra masha ni grai sadi ra sai" nga nna tsun ai.

October 23 kaw nna Putao Myitkyina hkrun lam hpe Myen hpyen dap pat kau ai hpang, Myen hpyen dap Y8 Nb**gli gaw Putao Nb**gli Pa kaw 3 lang wa hkring ai re.

Hpyen masa grai laja wa mai ai majaw ya aten Putao ginra masha ni grai myit tsang nga ma ai re hpe mung chye lu ai.

N dai shata laman Myitkyina Putao lam mayan hta gasat gala byin ai sha n-ga Hkawng Lang Hpu ginra maga de mung Myen hpyen dap shara 2 hpe Rawt malan hpung ni zing madu da sai re hpe mung chye lu ai.

Shiga- Mali Hku

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/9687?single

website ; https://www.pajau.net/

24/10/2025

Myen Mungdan Kata Tinang Hkum Tinang Sat Si Ai Masha Asak 19 Ning Kaw Na 25 Ning Ni Law Malawng Re Lam

Pajau Media
October 24.2025

Myen Mungdan kata 2025 ning laman hta tinang hkum tinang je yang sat si ai masha marai 86 du hkra nga wa ai hte dai sat si ai hta law malawng gaw Asak 19 ning kaw na 25 ning lapran na ni law ai lam DVB shiga dap kawn sawk sagawn tang madun da ai kaw na chye lu ai.

Myen mungdan kata shani shagu gasat gala majan, Nb**gli bawm dingsa gasat hkrum ai lam, Majan a majaw Dum n ta masa ni, Hkum hkrang lagaw lata sum mat ai zawn re ai mayak manghkang ni hkrum katut nga ai hpang manghkang kaba langai gaw tinang hkum tinang je yang sat si ai lam law wa ai re hpe chye lu ai.

Tinang hkum tinang sat si ai hta law malawng gaw asak ram ai Ramma ni law ai re hte dai hta Myen hpyen dap a hpyen magam n gun n mai ngu ai Tara hta shang taw ai Ramma ni mung lawm ai re hpe chye lu ai.

Tinang hkum tinang sat si ai manghkang n pawt gaw myit daw ai lam sawng dik madang de du mat ai majaw re lam sawk sagawn hpung ni tang madun da ai.

Myit daw myit hten ai zawn hkrum sha wa ai hte Dum n ta masha ni, tinang kam ging ai ni hte matut mahkai n di hkra nga ra na lam, hkum hkrang shamu shamawt ginsup ai lam, hkam ja lam hte b**g pre ai lu sha ni hpe sha ra na hte hkru hkru yup, Lu sha man man sha ra na lam, hpaji jaw ai ladat ni hte mai galaw ai lam tsun hpaji jaw da ai re.

Myen mungdan kata tinang hkum tinang sat si ai hta Tsa lam shadang 80% gaw amyu shadang la ni rai nna Tsa lam shadang 20% gaw amyu shayi ni re lam chye lu ai.

Mungkan Hkam Ja hpung kawn tang madun da ai hta Mungkan hta shaning shagu masha sen 8 daram tinang hkum tinang je yang sat si hkrum nga ai rai nna gasat gala majan byin ai ginra na masha marai 5 kaw na marai 1 gaw myit ana lu ai lam tang madun da ai re.

Shiga - Pyilan U

Photo credit to DVB

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/9684

website ; https://www.pajau.net/

23/10/2025

Myen hpyen dap gaw Shanglawt Uphkang ginra hpe masat shingte tawn gasat wa ai lam

Pajau Media
October 23.2025

Kade n na ai ten Myen Mungdan ting madang ra lata poi galaw sa wa na matu Myen hpyen dap shajin nga ai raitim Jinghpaw Mung Shanglawt uphkang ginra hkan masat shingte tawn tim gasat ai lam matut galaw nga ai re.

N dai laman gasat gala majan n nga ai Shanglawt uphkang ginra hkan Nb**gli bawm jahkrat ai ni grau grau galaw wa ai re. Gasat gala n byin ai ginra hkan kajawng kaja Nb**gli bawm wa jahkrat ai lam lang hte lang galaw wa ai majaw Shanglawt uphkang ginra kata Myen hpyen dap a lagaw lata tai ai masha ni shiga jaw masa nga ai lam tsun maram nga ma ai hte Shanglawt ginra n kau hta Starlink Wifi jai lang ai lam ni hpe mung aten masat nna galaw ai lam ni nga wa ai re hpe chye lu ai.

" Yahte anhte maga de gaw Starlink Wifi hpe masum ya ram pat kau ra ai, shiga jaw ai majaw nga gaw tsun ai, ya ma shana hkying 9 kaw na gaw pat kau sai, kalang lang drone ni pyen wa wa re dai ten hkan ma pat ai " nga nna Myitkyina Laiza lam shanglawt uphkang ginra kata shanu nga ai Mung masha langai tsun ai re.

Myen hpyendap kawn Jinghpaw Mung sha n-ga Rawt malan hpung ni shamu shamawt nga ai ginra hkan Internet Phone line ni dawm kau ai hpang Starlink wifi jai lang ai lam grai dam lada wa ai re.

Ya na zawn Rawt malan ginra hta Starlink jak jai lang ai lam dam lada wa ai hte maren kata lam shiga ni grai brawng lawan ai sha n-ga myen hpyen dap gaw Rawt malan hpung ni shamu shamawt nga ai ginra ni hpe masat shingte htim gasat ai lam ni law wa ai re nga nna Rawt malan Ginra hkan Starlink Wifi jai lang ai lam hpe aten masat gawn hkang ai lam ni galaw wa ai re hpe mung chye lu ai.

N dai laman Myen hpyen dap gaw Hpakant ginra, Waimaw ginra, Manmaw ginra hkan sha n-ga gasat gala n nga ai Lang Se, Sadung zawn re ai ginra hkan Nb**gli bawm jahkrat ai lam grai galaw wa ai majaw Mung masha asak si sum hkala hkrum ai shani shagu ngu na daram byin nga ai re.

Shiga - Pyilan U

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/9676

website ; https://www.pajau.net/

23/10/2025

Myitkyina Lahta Daw Lamung Zup Shagyit Hta Myen hpyen Dap Kawn Mawdaw Hkrun Lam Pat Shingdang Ai Lam

Pajau Media
October 23.2025

Jinghpaw Mung Myitkyina hte Putao Matut da ai hkrun lam n tsa Lamung Zup shagyit hta Myen hpyen dap kawn hkrun lam hkawm mawdaw ni hpe pat shingdang da ai lam chye lu ai.

Myitkyina Putao hkrun lam dingyang hta gasat gala majan n nga ai raitim Myen hpyen dap gaw Gunrai hte hkrun lam hkawm mawdaw ni sha n-ga Cycle hte hkrun lam hkawm ai ni hpe mung n lai shangun ai re hpe chye lu ai.

"Lamung Zup shagyit kaw hpa majaw pat ai re kun n chye ai, Lam kaw gasat poi byin ai nga mung n na, Yu wa maga mung n mai, mana de Tayang Zup kaw du wa ai mawdaw ni mung n mai shang wa shi, galoi bai hpaw na kun n chye sai, anhte pyi hpawtde wa na matu galaw da ai re" nga n na Mawdaw la tsun ai.

A Lam Ninghtawn, Lamung Zup Mare kaw nga ai Myen hpyen dap Shagyit kaw pat da ai majaw bai n htang wa ra ai Mawdaw ni nga ai zawn Mawdaw La n kau gaw galoi bai hpaw na re n chye tim hpawtde bai Lung na matu hkyen ai lam ni nga ai re hpe chye lu ai.

Myitkyina Putao Mawdaw lam hpe Myen hpyen Dap kawn shawng daw kaw nna Asak 18 ning hte 40 lapran ni hpe lai wa lai sa galaw na ahkang pat da ai re hpe mung chye lu ai.

Shiga- Zau

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/9675?single

website ; https://www.pajau.net/

23/10/2025

Lung Seng Dut Mari Galaw Nga Ai Aten Myen Hpyen Dap Kawn Sinat Hkan Gap Ai Lam

Pajau Media
october 23.2025

Jinghpaw Mung Hpakant Ginra October 22 ya shana hkying 7 aten daram hta Mawsi Zar Lung Seng dut mari shara hte Lawng Hkang Lung Seng dut mari shara ni hta Myen hpyen dap gaw mawdaw hte du shang wa nna Sinat hkan gap ai lam chye lu ai.

" N lung dut mari ai masha grai law nga ai aten Myen hpyen dap gaw dai hku nan shang wa nna Sinat hte hkrup mara gap ai shaloi marawn ai ni gaw marawn, hprawng ai ni gaw hprawng re " nga nna ginra masha langai tsun ai.

Sinat gap manghkang a majaw Ginra masha ni grai hkrit tsang nga ma ai lam, Myen hpyen dap a uphkang masa a n tsa matut nna gara hku byin wa na ngu ai hpe Mung masha ni grai myit tsang nga ma ai re.

N dai laman Hpakant Ginra hta gasat gala majan n nga ai raitim myen hpyen dap gaw Nb**gli htim gasat ai lam ni matut manoi galaw nga ai re hpe mung chye lu ai.

Shiga - Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/9673

website ; https://www.pajau.net/

22/10/2025

Sam Mung Ginra N htoi 20 Ya Laman Amyu Shayi 18 Hte Shadang La 11 Asak Si Sum Ai Lam

Pajau Media
October 22.2025

Mungdan Bawng masha ni hpe garum ai hpung AA PP kawn hta gahkyin tang madun da ai hta October praw kaw na 21 ya du hkra Sam Mung ginra kata Myen hpyen dap a majaw Amyu Shayi marai 18, La marai 11Asak si sum ai lam chye lu ai.

Asak si sum ai hta Asak 2 ning re ai La kasha langai, 18 ning n pu na Ma marai 8 mung lawm nna asak si sum ai ni yawng gaw Nb**gli bawm a majaw re lam chye lu ai. Dai sha n-ga naw shagrin la ra ai asak si sum masha marai 13 naw nga ai lam chye lu ai.

Lai wa sai October 18 ya shani Sam Mung, Nam San ginra, Gum He mare de Myen hpyen dap gaw n gun kaba ai Bawm ni wa jahkrat ai majaw asak 10 ning re ai Ma langai hte amyu shayi marai 5, La marai 1 bawm hkyep hkra nna kalang ta asak si sum mat ai lam chye lu ai.

Myen hpyen dap n tara ai hku Mungdan Uphkang wa ai hpang ninghkap rawt malan ai ni hpe Laknak n-gun kaba hte htim gasat nga ai sha n-ga gasat poi n nga tim Nb**gli Bawm jahkrat bun ai lam dingyang galaw nga ai re hpe chye lu ai.

Dai zawn sha Jinghpaw Mung kata hta mung September praw kaw nna dai ni aten du hkra Myen hpyen dap Nb**gli hte kin yu yu hkawm ai lam, Drone pyen gawai ai lam, Laknak kaba gap bun ai lam gaw shani shagu nga ai rai nna Myitkyina Waimaw Maga de Laknak kaba gap garum ai lam mung dingyang naw rai nga ai lam chye lu ai.

Shiga - Htu seng

Photo credit to AAPP

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/9657

website ; https://www.pajau.net/

22/10/2025

Nb**gli Bawm Dingsa Gasat Ai Majaw Nawku Jawng Hte Dum N ta N kau Hten Za Ai Lam

Pajau Media
October 22.2025

Saw Law hte Hkawng Lang Hpu ginra ni hta October 21 ya shani Hkying 11 aten daram hta Y-12 Nb**gli hte Bawm 12 Lang gap bun ai majaw Nawku Jawng hte Mung masha dum n ta hten za ai lam chye lu ai.

Myen Hpyen dap Nb**gli bawm wa jahkrat ai shara ni gaw Lang Se, Rap ma, Dang De, Na be,Shalang Dam, Jahtu Zin, Mahku Sa mare ni re nna, gasat gala byin ai lam n nga ai sha Bawm wa jahkrat bun ai re lam chye lu ai.

Nb**gli bawm wa jahkrat ai majaw Lang Se Mare kata na mahkrai makau kaw wa hkrat ai hta gunrai hpan hkum dut ai seng Wan hkru hten mat ai zawn Ram Ma Mare kaw mung bawm Mali hkrat kapaw ai lam chye lu ai.

Dai zawn sha hkying 12 jan aten hta mung Waimaw Lamyang mare maga de Nb**gli bawm 4 Lang wa jahkrat ai sha n-ga Shwe Nyawng Pin mare kaw mung Bawm 2 wa hkrat nna Mung masha marai 3 hkala Hkrum nna Seng 4 daram hten za mat ai re.

Myen hpyen dap gaw October 22 ya jahpawt daw hta Mung Y-12 Nb**gli hte Waimaw Lamyang maga de Bawm wa jahkrat ai lam chye lu ai.

Shiga - Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/9656?single

website ; https://www.pajau.net/

21/10/2025

Lang Se Ginra De Nb**gli Bawm Bai Wa Jahkrat Bun Ai Lam

Pajau media
October 21, 2025

Jinghpaw Mung Saw Law ginra Lang Se mare de Myen hpyen dap Nb**gli bawm kalang bai wa jahkrat ai lam chye lu ai.

Dai ni October 21 ya hkying 11 aten daram hta Y-12 Nb**gli hte bawm 4 lang wa jahkrat ai rai nna mahkrai makau kaw na seng langai kaw wa hkrat nna seng hten za mat ai lam chye lu ai.

Wa jahkrat ai Nb**gli Bawm n kapaw shi ai sha langai naw ngam ai re hte masha hkra hkala ai lam nga n nga n chye lu shi ai re.

October shata 10 ya shani hta mung Lang Se Ginra de Nb**gli bawm jahkrat bun ai majaw Mung masha langai asak si sum nna marai 3 hkala ningma lu ai lam chye lu ai.

Dai sha n-ga lai wa sai September shata hta mung Nb**gli bawm htim gasat ai lam lahkawng lang galaw ai majaw Mung masha marai 3 asak si sum nna marai 4 hkala hkrum ai lam chye lu ai.

Shiga - Zau

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/9648

website ; https://www.pajau.net/

21/10/2025

Mungdan Akyu Ara A Matu Shakut Nga Ai Dat Kasa Salang Ni Hpe Sha Sindan Pa Bang Na Matu Myen Hpyen Dap Ningbaw Tsun

Pajau shiga
October 21.2025

Du wa na December 28 ya kaw nna galaw na Ra lata poi hta Shimlam hte Uphkang masa ningmu nga ai masha ni, tinang gunhpai galaw ra ai magam lit (3)hpe sadi sahka hte hkan sa ai Dat Kasa Salang ni hpe sha lata nna Sindan Pa bang na matu Myen Hpyen Dap Ningbaw tsun da ai hpe chye lu ai.

Ra lata poi hta Mungdan masha ni a matu shawng lam Mung masa ningmu kaja nga ai Salang, Mungdan masha ni a shimlam a matu ningmu kaja nga ai wa, Sut Hpaga Ningmu nga ai Salang, Uphkang asa ningmu kaja nga ai ni, kaja nan Mungdan akyu ara gunhpai ai ni rai ra ai lam tsun da ai re.

Myen hpyen dap woi awn galaw na Ra lata poi a matu shawa myit gang hkaw tsun ai lam hpe nhtoi 60 ya laman galaw na matu ahkang jaw da ai rai nna, lamang hpe October 28 jahpawt hkying 6 kaw nna December 26 shana 12 du hkra re lam chye lu ai.

Dai sha n-ga lam amyu myu a majaw Ra lata poi n lu galaw ai ginra hkan pran wan ra lata poi galaw sa wa na re lam, Ra lata poi hpe n teng n man ai hku n galaw na lam, Electronic Sindan Pa bang ai ladat hte galaw na matu hkyen da ai re.

Myen hpyen dap woi awn galaw na Paty hkrum ra Ra lata poi a matu shawng ning nan lang na Sindan Pa bang na jahpan hpe October 20 ya du hkra n dau da ai re hte n dai gaw nhtoi masat jat nna ndau da ai lam re hpe mung chye lu ai.

Shiga - Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/9644

website ; https://www.pajau.net/

21/10/2025

Putao Sinpraw Hkran Ginra Lam Hpe Ya Du Hkra N hpaw Ya Shi Ai Lam

Pajau Media
October 21.2025

Lai wa sai October 11,13 ya laman Machang Baw ginra Htang Ga mare makau de majan byin ai hpang Kaw nna Sinpraw hkran ginra lam pat da ai hpe ya aten du hkra n hpaw ya shi ai re hpe chye lu ai.

Hkrun lam masa hte seng nna ginra masha langai tsun ai hta " lam pat da ai shi ya daram rai wa sai, ngai gaw ma shalet wunkat wa lung ai re wa ya du hkra mare de n lu wa na Machyang baw kaw chyat taw ai, Lam hpaw na gaw naw na na zawn mung nga ai, n kau gaw Jawngma wa sa let nga taw ai, Buga de Yi gaw shangut la ra, wa gaw n lu wa re di yak nga ai" nga nna tsun ai re.

Putao Sinpraw hkran hkawm sa hkrun lam gaw dai langai sha nga ai re hte Machyang Baw Ginra hkan na Mung masha ni mung Bum de Shau Gaw sun galaw, Ja htu ja shap b**gli ni galaw nna hkawm sa ai hkrun lam re sha n-ga Bum de nga ai ni mung dai lam hku na sha malu masha htaw shalai ginlen la ai lam kaba langai re majaw ya na zawn lam pat da ai aten na yang ginra masha ni a matu grai yak hkak ai lam chye lu ai.

Dai Ginra hta lai wa sai ten hkan gasat gala majan hte seng nna myit tsang na lam n nga ai raitim Myen hpyen dap uphkang wa ai hpang kaw nna Htang Ga makau mayan hkan du hkra Myen hpyen dap P.T.Ts pawng hpawm hpung ni shamu shamawt shara la wa ai majaw gasat gala majan ni byin nna ya na zawn hkrun lam pat da ra ai madang du mat ai re hpe mung chye lu ai.

Putao Sinpraw Hkran Ginra hta Dinghkyet, Marawt Ga mare, Ding Ga, Dingsa, Mapyung Ga, Machyang Ga mare ni matut da ai ginra re. Dai ginra de matut nna mung gasat gala majan byin wa mai ai majaw ginra masha ni sadi maja let nga ra taw ai masa re lam mung chye lu ai.

Shiga - Pyilan U

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/9643

website ; https://www.pajau.net/

21/10/2025

Dung (6) Ginra De Nb**gli Bawm Wa Jahkrat Bun Ai Lam

Pajau Media
October 21, 2025

KIA masat (9) Dap Ba Dung (6) Hpakant ginra hpe Myen hpyen dap kawn October 21 ya jahpawt hkying 7 aten daram hta Nb**gli bawm (40) lang daram wa jahkrat bun ai lam ginra masha ni kaw na chye lu ai.

Dung (6) ginra Ginsi maga de Y-12 Nb**gli bawm hte wa gap bun ai rai nna dai bawm ni gaw masha n nga ai Nam kaw wa hkrat ai majaw ya aten du hkra gaw masha hkra hkala ai lam n nga ai hpe chye lu ai. Nb**gli bawm (40) lang daram wa jahkrat ai re majaw kata lam masa hpe matut naw sagawn nga ai majaw shiga mabyin tup hkrak nchye lu shi ai re.

Myen hpyen dap gaw Hpakant ginra hpe Nb**gli, Laknak kaba htim gasat ai lam jahkring hkring galaw ai hta Mung masha asak si sum hkala hkrum ai lam ni nga ai re. Dai zawn sha Yu Ma mare Mashi Kahtawng mare makau de mung lai wa sai October 20 ya shani Myen hpyen dap, Sam Hkyeng P.T.Ts pawng hpawm hpung ni htu shadut htim gasat ai majaw KIA pawng hpawm hpung lapran gasat gala majan byin ai re lam chye lu ai.

Gasat gala majan hta Myen hpyen dap gaw Tatma Kawng kaw nna Laknak kaba gap garum nna Yu Ma mare maga de Laknak kaba wa hkrat kapaw ai hta masha hkra hkala asak si sum ai lam chye lu ai. Jinghpaw Mung Manmaw Waimaw Hpyen man ni hta mung gasat gala majan matut manoi byin nga dingyang re.

Shiga- Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/9638

website ; https://www.pajau.net/

Pajau Shiga

25/10/2025

24/10/2025

24/10/2025

23/10/2025

23/10/2025

23/10/2025

22/10/2025

22/10/2025

21/10/2025

21/10/2025

21/10/2025

21/10/2025

ที่อยู่

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท