เว็บไซต์คืออะไร?

https://www.facebook.com/279877061880624/

Pajau Shiga, Chiang Rai (2025)

10/07/2025

Wa Ra Zup Hpyen Yen Mung Masha N Kau Gaw Buga De Wa Nga Sai Lam

Pajau Media
July 10.2025

Danai Lido Lam Wa Ra Zup mare mayan de shamu shamawt nga ai Min Ze Than P.T.Ts hpung ni hte KIA hpyen hpung ni lapran gasat gala majan byin ai majaw Wa Ra Zup ginra masha ni Nam de koi yen hkawm mat ai kaw nna July praw laman hta n kau gaw buga de n htang wa nga sai raitim law malawng Nam kaw naw koi yen nga ra ai lam chye lu ai.

“ N dai laman gaw gasat gala majan byin ai lam gaw n nga ai kalang marang Shang lawt maga na ni lam hkan le hkawm ai aten hkan sha tsang ra ai, P.T.Ts ni chyawm dingyang na lai wa lai sa nga ai, Mung masha ni mung mare grai wa mayu ai, lanam ladaw mung rai, Nam kaw grai jam jau ai majaw gwi ai ni n kau gaw wa nga sai, wa nga tim ya aten gaw hpa n ra nga ai” nga nna Wa Ra Zup Ginra masha langai tsun ai.

Wa Ra zup mare de wa nga ai gaw Htinggaw (30) daram sha naw rai nna Nam de shara Masum daram garan nna Koi yen nga ai hta Htinggaw 200 grup yin nga ai lam chye lu ai. Nam kaw koi yen nga ai kaw Jawng lung ram ai Jawng ma ni lawm ai re hte Ma ni a hpaji lam a matu lit nga ai Shanglawt asuya kaw nna Lawu Tsang jawng hpaw nna sharin na matu tsun ai raitim atsawm galaw ya lu ai lam n nga ai re hpe chye lu ai.

Hpyen koi yen ai Wa Ra zup mare masha ni hpe Ginwang madang Up Hkang ai Salang ni gaw wa mayu yang wa mai ai, Mung masha myit ra sha re nga tsun ai raitim Ninghtawn kata Uphkang ai ni kawn gaw n wa shangun ai majaw Mare masha ni myit yak hkak nga ma ai lam chye lu ai.

Wa Ra Zup mare kaw lai wa sai March shata daram kaw nna KIA maga na ni mare pru shang lam hkan wa dung nga ai hpe Min Ze Tan P.T.Ts hpung ni wa gap ai majaw Mung masha yawng hpyen koi yen hkawm ra mat ai gaw ya aten du hkra re hpe chye lu ai.

Wa Ra Zup mare masha ni hpyen koi yen hkawm ai shara gaw lanam ladaw hkawm sa hkrun lam ni mung grai yak hkak ai majaw shinggan garum ningtum n lu ai re hpe mung chye lu ai. Htinggaw (30) daram sha buga de wa nga magang sai raitim malawng maga naw ngam ai majaw ya aten malu masha tsi mawan kaw na hkawt ra kadawn nga ai lam chye lu ai.

Shiga- Pyilan U

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/7092?single

website ; https://www.pajau.net/

09/07/2025

Putao Lam Sumpyi Yang Ginra Hta Myen Hpyen Dap Hpyen N-Gun Jahpring Nna Shamu Shamawt Nga Dingyang Rai Nga Ai Lam

Pajau Media
July 9.2025

Myen Hpyen dap gaw Ya aten Jinghpaw Mung kata na tat sum kau ai shara ni hpe bai htim gasat na matsing hte shara shagu de Hpyen n-gun jahting nga ai re hte putao Myitkyina hkrun lam ntsa Sumpyi Yang mare kaw mung Myen hpyen dap pawng hpawm hpung ni gaw July praw maga kaw nna shamu shamawt ai lam nga ai majaw gasat gala majan laja wa na hpe ginra masha ni myit tsang ai lam tsun ai.

Sumpyi Yang mare kaw dap Jung shara jahkrat nga ai gaw Lai wa sai 2024 shaning May shata kaw nna rai sai hte ya aten Hpyen n-gun jahting nna nga nga ai hta shamu shamawt hkawm ai lam ni nga ai majaw aten n tam gasat gala majan byin wa na masa nga ai majaw sadi nna nga taw ra ai lam Sumpyi Yang ginra masha langai tsun ai.

“ Ya gaw Sumpyi Yang mare Myen wa dung ai majaw Myit tsang nna Hprawng yen ai Laning mi jan wa sai, Hpyen n-gun grai jahting da nna shamu shamawt dingyang, Mare hpe mung tawn kau da ai shani kaw na dai ni du hkra kalang pyi n lu sa yu, Myen hpyen dap ni dingyang shamu shamawt nga ai re majaw sadi maja nna nga ra taw ai masa re” nga nna Sumpyi Yang ginra masha langai tsun ai re.

Sumpyi Yang kaw Dap Jung nga ai Myen hpyen dap P.T.ts pawng hpawm hpung ni gaw makau mayan de shamu shamawt ai lam ni nga ai re majaw aten ntam majan byin na hpe myit tsang ai re. dai sha n-ga Putao Lung Sha Yang kaw dap jung ai Myen hpyen dap hpung ni mung hpyen n-gun hpring hpring hte nga taw ai masa re lam chye lu ai.

Putao Sumpra Bum ginra hpe KIA pawng hpawm hpung ni Zing madu ngut ai hpang Myitkyina Putao hkrun lam ntsa de Putao maga de na Hpyen n-gun ni shayu la nna Sumpyi Yang kaw N-gun jahpring shamu shamawt nga ai re. N dai laman Myitkyina Putao hkawm sa hkrun lam Lapran na Tang Hpare ginra hta mung lai wa lai sa Mung masha ni hpe laja lana Jep joi nna Putao, Sumpra Bum, N jang Yang Mung chying masat lang da ai ni hpe sha lai hkawm shangun ai masa re nna grai yak hkak ai lam hkrun lam hkawm masha ni tsun ai re.

Shiga- Pyilan U

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/7075?single

website ; https://www.pajau.net/

09/07/2025

Putao, Lang Se Ginra Maga De Marang Htu Sawng Nna Hka Kaba Nga Ai Lam

Pajau Media
July 9.2025

Jinghpaw Mung Dingdung daw ginra rai nga ai Putoa Lang Se ginra de n dai laman Marang htu sawng ai majaw Hka kaba nga ai sha n-ga Lamu ga gyi ai lam ni mung jahkring hkring byin nga ai lam chye lu ai.

“ N dai laman Marang matut manoi htu sawng ai majaw Putao Lang se maga, ngut na Hpimaw Pang Wa lam mayan ga gyi manghkang ni jahkring hkring byin nga ai ” nga nna Lang Se ginra nga langai tsun ai.

July praw laman hta mung marang matut manoi naw htu nga ai rai nna Hka kaba ai majaw Mare kahtawng n kau kaw hka du shang ai gaw ya aten du hkra re hte marang gaw matut naw htu nga dingyang re.

Ya aten Hpakant Lawng hkang Lungseng htu sha ai ginra hkan mung marang matut manoi htu ai majaw U ru hka kaba nna Mung masha dum nta n pu hkan Hka hpring wa ai re lam mung Hpakant ginra masha langai tsun ai.

“ Ya Hpakant lawng hkang ginra de mung Marang htu sawng ai majaw Mani shawng shani kaw nna Hka tung kaba wa sai, Lawk hkan Hka ni hpring mat sai, marang matut manoi htu ai majaw Hka gaw n dai hta grau kaba wa na masa nga ai” nga nna tsun ai.

Dai sha n-ga Hpakant Hpa Pin Jak li daru kaw mung hka tung kaba taw ai majaw Jak ni n mai shalai taw ai lam chye lu ai. Jinghpaw mung ginra hta mung June praw laman hta Myitkyina Lamu ga nem ai shara ni hte Chihpwi, Sadung ginra hkan bum Hka Tung kaba wa ai majaw Hka hpyen hkrum ai sha n-ga Lam grai hten za mat ai re.

Ya mung marang matut manoi htu wa yang Hka bai kaba wa na hpe Mung masha ni myit tsang nga ma ai re hte ya aten Myitkyina ginra hta Mali hka Tung kaba ai masa gaw Myit tsang ra ai shadang (1,200) Cm de du matu Pe (16) daram sha ra sai lam mugn chye lu ai.

Shiga- Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/7072?single

website ; https://www.pajau.net/

08/07/2025

Jinghpaw mung kata Starlink Wifi ni Line n lu ai law wa ai majaw mung masha ni Myit Tsang

Pajau Media
July 8.2025

Jinghpaw hta Phone Internet Line ni pat kau ai hpang Jai lang law wa ai Starlink wifi ni langai hpang langai n mai lang wa ai majaw Mung masha myit tsang nga ma ai re

" lai wa sai June shata daram kaw nna Starlink ni langai hpang langai lock n mai hpaw wa ai. Kade n na yang langai hpang langai hten na rai sam ai, hpa majaw nga yang Starlink gaw tara n shang ai, Jinghpaw Mung kaw gaw matut mahkai lam, bungli galaw ai lam ni grai yak sai, ya pyi Internet seng n kau Bai pat wa sai" nga nna tsun ai.

Myen Mungdan kaw Starlink hpe Tara shang n mai lang ai Mungdan kaw lawm ai majaw Teams Of Service hte Roaming Policy hpe tawt lai ai majaw Accout ni hpe pat kau ya ai re lam chye lu ai.

Myen Mungdan gaw Starlink jai lang ai hta Tara Lawt shadang law ai re majaw Starlink Wifi Accout ni pat na matu shadang law dik re lam chye lu ai.

"Line n san tim phone sha pyi mai shaga yang gaw loi tsamai nga ai kaw Starlink mai lang wa ai majaw sha bungli ni matut mai galaw wa ai re, ya bai Starlink ni bai n mai lang wa re yang gaw hpa n mai galaw sai ga re, Myi Di Na Hpang Re sai" nga nna tsun ai.

Jinghpaw mung hta July 21 ya Kaw nna phone Internet line yawng dawm jahkring kau ai n dai shata hta laning mi hpring sai re. Dai kaw nna Jinghpaw Mung kata Starlink Wifi hpe hkying hkum mi kaw 3000 jaw nna Internet seng ni hpaw let jai lang law wa ai re.

Starlink jai lang ai laning mi hpring wa ai aten hta Tara N shang ai Starlink accout ni hpe bai dawm magang wa sai majaw Jinghpaw Mung kata nga Mung masha ni myit tsang nga ma ai re.

Shiga Htu seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/7060?single

website ; https://www.pajau.net/

07/07/2025

Miwa Jarit Tara Shang Hpaw Ai Lam N Nga Tim Ga Sau Htu Shaw Ai Kaw Lang Ai Nam Hpun ni Hpe Htaw Shalai Nga Ai Lam

Pajau Media
July 7.2025

Jinghpaw Mung Chihpwi ginra hta Miwa jarit chyinghka ni hpe tara shang hpaw ai lam n nga ai raitim Ga Sau htu shaw ai kaw jai lang na Nam hpun zawn re ai gunrai ni hpe Asuya ya lahkawng maga jahkrup nna Hpimaw shagyit hku nna shalai la ai lam chye lu ai.

“ Shagyit gaw ya du hkra n hpaw shi ai, raitim Ga Sau htu shaw ai lam galaw nga ma ai, dai kaw lang na Nam hpun ni hpe mung dai shagyit kaw nna shalai la ma ai, Asuya lahkawng maga hte jahkrup nna galoi aten hkan htaw shalai na ngu ai masa hte galaw nga ma ai re” nga nna mung tsun ai.

Lai wa sai shaning Decmeber 13 ya kaw nna Miwa hte KIO lahkawng maga jahkrup bawng ban ngut ai hpang Jinghpaw Mung kata gunrai htaw ginlen ai Miwa shagyit yawng hpe bai hpaw sai raitim chihpwi ginra kata na shagyit chyinghka ni hpe tara shang hpaw ai lam n nga ai re hpe mung chye lu ai. Jarit shagyit ni hpaw ai lam n nga ai raitim chihpwi ginra kata Ga Sau htu shaw ai dabang ni bai hpaw nna Ga Sau htu shaw ai lam dingyang galaw nga ma ai re.

ISP Myanmar kawn ndau da ai hta Chihpwi ginra kaw na Ga sau ni hpe Pangwa, Chihpwi, Hpimaw, Gangfang hte Kanpaiti jarit hku nna Miwa mungdan Thing Chung ginra de htaw shalai la nna N mawk ginra na pru ai Ga Sau ni hpe gaw Mai Ja Yang shagyit hku nna Miwa Lung Chyun hte Yin Jang ginra de shalai ai re hpe mung chye lu ai. Ga Sau pru ai Shara rai nga ai Pangwa Chihpwi ginra gaw Jarit sin hpyen hpung ni uphkang ai ginra re sha n-ga Miwa kawn Ga Sau htu shaw ai lam law dik ginra re hpe mung chye lu ai.

Shiga- Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/7046?single

website ; https://www.pajau.net/

07/07/2025

Nam Maling Kata Koi Yen Nga Ai Nam Ya Ginra Masha Ni Hpe Shara Bai Htawt Sit Ai Lam

Pajau Media
July 7.2025

Myen hpyen dap hte Rawt malan hpung ni lapran gasat gala majan laja ai majaw Nam maling kata koi yen nga ai Nam Ya hpyen koi yen mung masha ni hpe shara htawt sit masat ya lu sai lam chye lu ai.

“ 2025 April daram kaw nna July 2 ya du hkra Nam maling, Hkau na hte Yi hkan koi yen nga ai Nam Ya ginra masha ni hpe makam masham Nawku hpung Wuhpung Wuhpawng ni hku nna shara htawt sit masat ya ai lam galaw sai” nga nna Nam Ya buga Hkalup hpung kaw na chye lu ai.

Lai wa sai April 24 ya shani kaw nna Myen hpyen dap Hpung ni hpyen n-gun htu shadut wa ai sha n-ga N bungli bawm, Lak nak kaba ni hte gap bun ai majaw KIA pawng hpawm hpung ni lapran gasat gala majan laja wa ai majaw Nam Ya ginra masha ni hte Hpakant lam mayan nga ai Mung masha hkying lam shimlum ai shara de htawt sit nga ai re.

Dai aten kaw nna Nam Ya ginra masha law malawng gaw Hpakant Muklum, Myitkyina Muklum hkan tinang hte ni nawn ai Jinghku nta de koi yen hkawm ma ai re, dai hta n kau gaw Nam maling hkan tinang a mahkrun hte tinang koi yen hkawm ma ai re hpe mung chye lu ai.

Ya aten hta Lit nga ai kawn masat da ya ai shara ni hkan shanu nga ma ai raitim Malu masha tsi mawan ni, Ma kaji ni na matu n-gun rawng ai malu masha garum ningtum lam ni mung ra kadawn nga dingyang re lam hpyen koi yen mung masha ni tsun ai re.

Hpakant ginra gasat gala majan htu shadut wa ai hpang Hpakant lam mayan na Girna masha htingaw 600 jan daram hte Mung masha 3,000 hkawt shanu nga ai Nam Ya mare mung lak nak kaba hkrat bun ai sha n-ga N bungli htim gasat ai lam ni a majaw Dum nta wan hkru hten za ai lam ni law nga ai re lam chye lu ai.

Shiga- Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/7040?single

website ; https://www.pajau.net/

07/07/2025

Jinghpaw Mung Ginra Kata Mytel Phone Line, Internet Bai Mai Lang Sai Lam

Pajau Media
July 7.2025

Jinghpaw mung ginra hpyen masa grai shuk shanut wa ai hpang Ginra law malawng hta Phone, Internet matut mahkai lam ni pat kau ya ai laning mi hkawt na ai hpang Jinghpaw Mung shara n kau hta Mytel phone, Internet line bai hpaw ya sai lam chye lu ai.

Jinghpaw mung ginra Nammati, Mogawng, Monyin, Hopin ginra ni hta lai wa sai June hpang jahtum bat daram kaw nna Mytel Phone line hte internet bai lu wa ai re lam ginra masha langai tsun ai.

“ Nammati kaw gaw June 23 daram kaw nna Mytel Phone line lu sai nga gaw tsun ai, tim n htoi tup hkrak gaw bai n chye tsun sai” ginra masha n kau gaw Mytel gaw Myen hpyen dap madu ai Phone line re majaw shimlum lam n nga ai majaw lang na matu myit tsang ai lam ni nga ai re hpe mung chye lu ai.

“ Mogawng ginraa hta Mytel phone mai lang ai bat mi jan wa ai, Internet ni mung mai lang taw sai, mai lang ai nga tim VPN hte lang ra ai, ngut na VPN mung shata mi kaw 10,000 kaw nna 15,000 lapran jaw ra ai” nga nna mung ginra masha tsun da ai re.

Kaga Phone line ni gaw shara lata nna sha mai lang ai re majaw ya aten Mytel phone mai lang wa ai hpang kaw nna Jinghpaw mung ginra kata Mytel phone jai lang law wa ai re, law malawng gaw hkawm sa hkawm wa sut hpaga galaw ai masha ni lang law nga ai re hpe mung chye lu ai.

Ya aten Mandalay Myitkyina Lam kaba dingyang hkawm sa nga ai hkrun lam hkawm masha ni gaw Mytel Phone line hpe madung jai lang wa ai hte kaga Phone line hte matut mahkai n mai re majaw hkrun lam yak hkak ai masa hta matut mahkai lam n di na matu Myen hpye dap madu ai Mytel phone line jai lang nga ai masa re hpe mung chye lu ai.

Shiga – Htingnai

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/7032?single

website ; https://www.pajau.net/

05/07/2025

Myitkyina Nang Zaw Lam Lapran Langu Htaw Mawdaw Ni Grai Chyat Nna Hkawm Sa Yak Nga

Pajau Media
July 5.2025

Waimaw Ginra majan byin wa ai hpang Myen Hpyen Dap kawn myitkyina - Laiza hkawm sa lam kaba hpe pat kau ai majaw mung masha ni madung lai hkawm nga ai gaw Nang Zaw Lam gaw ya aten marang htu sawng ai nna hkawm sa yak nga ai lam chye lu ai.

Nang zaw Lam hku nna langu htaw mawdaw ni, buga de wa ai hpyen yen mung masha ni mung dai lam Hku nna sha madung lai ai re. N dai laman marang htu sawng ai majaw langu htaw mawdaw ni mung chyat nna gun rai htaw mawdaw ni mung lam kaw lahkawng na daram yup ra ai madang byin nga ai lam hkawm sa mung masha langai tsun ai.

"N dai laman gaw hkawm sa n mai ai ga re shawng daw de gaw cycle hkying hkum 3 daram sha gawt ra ai wa ya gaw hkying hkum 6 daram gau ra sai, gunrai htaw mawdaw ni langu htaw mawdaw ni grai chyat ai lapran hku sha madep lai ra taw ai, ya aten gaw hpyen yen ni law malawng mung dai lam hku sha arai htaw lahka ai rai nga ya gaw hkawm sa n mai ai madang byin taw nga" nga nna tsun ai.

Hkawm sa hkrun lam yak nga ai hta Myen Hpyen Dap P.T.Ts pawng hpawm Hpung ni mung lam dingyang shagyit dung nna gumhpraw hta sha ai gaw mai na hpyen yen camp makau du hkra re. Maina hpyen yen camp makau Kaw gumhpraw hta sha ai P.T.TS hpung ni gaw langu htaw mawdaw langai kaw sen sanit hpyi ai lam, gunrai htaw mawdaw ni hpe mung yawm htum mun manga lahta hpyi ai majaw gunrai htaw sha ai mung masha kade shaja tim tinang na matu n ngam ai nga tsun nga ma ai re.

Hkrun lam yak hkak ai hta lam dingyang jep joi shara shagyit law ai hte jaw kau ra ai law ai majaw ya aten gunrai htaw mawdaw gau sha kab bau nga ai mung masha ni grai Yak hkak nga ma ai re hpe mung chye lu ai.

shiga -Pyilan U

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni kawn mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/7010

website ; https://www.pajau.net/

04/07/2025

Manmaw Ginra Hta Ga Lam Hku Gasat Gala N Nga Tim Drone, Lak Nak Kaba Gasat Ai Lam Shani Shagu Byin Ai Lam

Pajau Media
July 4.2025

Jinghpaw mung Manmaw ginra de Myen hpyen dap N-gun kaba hte htim gasat shamu shamawt wa ai gaw shata (7) hpring wa sai re hte n dai laman gasat gala majan shiga ni loi zim nga ai masa raitim Myen hpyen dap gaw hpyen n-gun jahting ai lam galaw ai sha n-ga Drone bawm shani shagu htim gasat nga ai re hpe chye lu ai.

Manmaw ginra de ya aten Lagaw lam htim gasat majan gaw n nga ai raitim Myen hpyen dap gaw Drone shani shagu htim gasat nga ai lam Shawng lam shi sawk tsun ai hta “ Ga Lam hku nna gasat ai majan gaw loi zim ai raitim ya na masa hpe yu yang madang tsaw ai Drone ni hte shani shagu gap ai, grai sadi maja ra ai masa re, Shanhte hku nna htim na matu hpyen n-gun jahting nga ai masa re, Lak nak kaba mung lahkawng maga gap dingyang, ya yang gaw Drone majan hku she rai taw sai” nga nna tsun ai re.

July 2 ya shani hta mung Manmaw ginra de Myen hpyen dap maga kawn Drone bawm (25) lang daram wa jahkrat ai lam, 60 MM ngu maram lu ai lak nak kaba mung shani shagu gap dingyang re lam mung chye lu ai. Manmaw girna kata gasat gala majan byin ai 2024 December (5) kaw nna rai yang shata (7) hpring was ai hta lahkawng maga sum machyi ai lam grai law sai re.

Htim gasat majan laman Myen hpyen dap Nbungli hte laja lana htim gasat nga ai lapran Rawt Malan hpung ni gaw Manmaw N bungli daru hte Myen hpyen dap shara law malawng hpe zing madu da sai re hte Ts.K.Hk 21, Hk.L.Y (47) Dap kaba kata na Dap kasha ni naw nga ai re .

Myen hpyen dap maga na mung Manmaw Muklum tat sum ai lam n nga hkra Hpyen ninggang ja ja shahting da nna shingla gasat nga dingyang re sha n-ga N bungli, drone ni hte hpyen gasat garum, hpyen n-gun jat bang dingyang re majaw rawt malan hpung ni Muklum zing majan shangut na matu aten na taw ai masa re lam chye lu ai.

Myen hpyen dap gaw Manmaw Ginra hte Waimaw ginra hpe kalang ta hpyen n-gun kaba hte htu shadut majan baw na matu grai hkyen shajin nga ai sha n-ga Manmaw ginra de Hka lam hku Sanghpaw hte hpyen n-gun lak nak n-gun ni htaw shalai la lu hkra shakut nga ai lam hpyen masa maram masam nga ai ni tsun da ai re.

Myen hpyen dap gaw ya aten Jinghpaw mung kata na tat sum kau sai shara ni hpe bai lu la hkra hpyen ladat amyu myu hte htim gasat nga ai re. Ya aten Manmaw ginra sha n-ga Hpakant ginra hpe zing madu hkra ginra P.T.Ts ni mung lawm rai nna hpyen n-gun kaba hte htu shadut nga dingyang rai nna hpyen masa grai shaja hkat nga ai lam mung chye lu ai..

Shiga – Pyilan U

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/7002?single

website ; https://www.pajau.net/

03/07/2025

Hpakant Ginra Hta Gap Sat Hkrum Ai Manghkang Shani Shagu Ngu Na Daram Byin Nga Ai Lam

Pajau Media
July 3.2025

Jinghpaw Mung Hpakant ginra hta kadai gap sat ai re n chye ai masha moi mang shani shagu ngu na daram mu nga ai gaw shata mi daram matut manoi byin nga ai lam chye lu ai.

Lai wa sai May shata htum maga kaw nna matut manoi byin nga ai re hte sat hkrum ai masha ni hte seng nna kadai gap sat ai hpe n chye lu ai sha n-ga hpa majaw sat hkrum ai ngu hpe n chye lu ai lam Hpakant ginra masha ni tsun ai.

Law malawng gaw moi mang ni hpe Lam braw hkan, Hka Hkawng hkan taw ai hpe mu lu ai sha n-ga Hka kaw yawng yu wa ai Moi mang ni mung lawm ai hte n dai zawn re ai mabyin gaw n dai laman matut manoi byin nga ai re hpe mung chye lu ai.

Moi mang ni hta sinat hte gap sat hkrum ai ni law nga ai rai nna zing ri nna sat kau hkrum ai ni mung lawm ai raitim kadai ni, hpa majaw galaw ai ngu hpe n chye lu ai.

July praw 2 ya shana daw hta mung Mashi kahtawng lawk kaw mying n chye lu ai La langai gaw si nat hkang hte re na asak si sum taw ai hpe mu lu ai lam, July praw langai ya shani hta mung Lawng hkang Lup wa kawng makau kaw La langai gap sat da ai hpe mu lu ai lam chye lu ai. Hpakant ginra hta June praw kaw nna gap sat hkrum ai masha shani shagu ngu na daram re taw ai hpe chye lu ai rai nna lani hte lani gap sat hkrum ai masha law wa ai re.

June shata laman hta Hpakant ginra kaw kadai galaw ai re n chye sha sat hkrum ai Moi mang 11 daram nga ai lam Myanmar Now kaw tang madun da ai. Kachin Human Rights Watch kawn mung Myen hpyen dap kawn shinggyim ahkaw ahkang tawt lai nna asak si sum ai masha Jinghpaw Mung kata hta marai (17) du hkra nga ai lam, Hpakant ginra gaw shinggyim ahkaw ahkang lawt lai ai amu manghkang law dik ginra re lam mung tang madun da ai.

Shiga- Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/6959?single

website ; https://www.pajau.net/

02/07/2025

Myitkyina Ginra Kata Mawdaw Gashin, Byeng Ai Seng Hpaw Ai Hta Shawoi Na Zawn Bungli Kri Na Matu Yak Wa Ai Lam

Pajau Media
July 2.2025

Without mawdaw cycle ni rim hpang wa ai hpang kaw nna ginra kata Jawng ma jawng sa kaw na hkawt Mung masha ni lam magup yak hkak mat ai re hta mawdaw hpe madung tawn nna galaw lu galaw sha ai Mawdaw gashin hte byeng seng hpaw ai ni bungli matut kri na matu pyi yak hkak wa ai lam seng hpaw sha ai masha ni tsun ai re.

Mayak hte seng na Mawdaw cycle gashin, Mawdaw byeng nna Kanbau nga ai Seng madu langai tsun ai hta “ Mawdaw cycle gashin, body ni loi byeng ai seng hpaw da ai rai nga, anhte gaw dai sha galaw ai re, shanhte Mawdaw cycle rim ai majaw Mawdaw Pru Shang lam ni grai yawm mat sai, lani mi tup rai yang pyi Mawdaw langai lahkawng daram hte sha jan du mat ai, seng kaw gaw bungli galaw na Ma ni mung shaga da re, shat sha na nga ra ai madang she rai mat sai ” nga nna Myitkyina Dap Kawng Lam maw kaw Mawdaw gashin Seng hpaw da ai seng madu langai tsun ai re.

Mawdaw cycle n rim shi ai hkan gaw lani mi Mawdaw 10 jan gaw dingyang sa ai re, raitim Mawdaw cycle rim ai hpang lani mi tup tim Mawdaw langai hta lai na n sa ai madang re sai lam chye lu ai. Ap da ai mawdaw ni hpe sha byeng na shalai taw ai masa re hte mawdaw n nan gaw n shang ai daram re mat majaw n dai bungli matut galaw na matu pyi yak wa ai madang byin nga ai lam chye lu ai.

Dai sha n-ga Mawdaw dut hpaga galaw nna kanbau nga ai Mung masha ni mung Without mawdaw rim ai hpang kaw nna Mawdaw ni kadai n mari mat ai, manu shayawm nna dut tim pyi mari ai masha n nga ai madang byin nga ai majaw bungli hkring ra mat ai madang byin nga sai re hpe chye lu ai.

Jinghpaw Mung Myitkyina ginra kaw May shata htum maga kaw nna Mawdaw cycle ni hpe shana hkying 9,10 hpang daw de hkawm sa ai ni hpe madung rim nna rim hkrum ai ni gaw masha lawt na matu Gumhpraw sen 30 kaw nna 50 lapran dam gayet ai lam, n kau hpe gaw tara rung kaw amu hparan nna she dat ya ai madang byin nga ai re lam ginra masha ni tsun ai kaw na chye lu ai.

Ya aten Myitkyina Muklum kata Jawng ma ni jawng sa jawng wa aten hta lai nna ngam ai aten Mawdaw cycle rim nga dingyang re. Ya na zawn Myen hpyen dap asuya galaw nga ai masa gaw Mung masha a gumhpraw sumbu kaw na gumhpraw shaw la ai ladat she re nga nna mung masha ni tsun dinlun nga ma ai re.

Shiga- Pyilan U

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/6935?single

website ; https://www.pajau.net/

02/07/2025

Hpakant Ginra Hta June Shata Laman Myen Hyen Dap A Majaw Mung Masha Marai 20 Asak Si Sum Ai Lam KHRW N Dau

Pajau Media
July 2.2025

June shata laman Jinghpaw mung kata shinggyim ahkaw ahkang tawt lai nna Myen hpyen dap kawn zing ri sat hkrum ai Mung masha marai (17) daram nga nna gara lak nak lang hpung a majaw si hkrum ai re n chye ai Mung masha marai (3) lawm ai lam KHRW kawn tsun da ai re.

Hpakant ginra gaw shinggyim ahkaw ahkang tawt lai ai lam byin law dik rai nna Myen hpyen dap a majaw asak si sum ai mung masha marai 17, mying n lu shagrin ai lak nak lang hpung ni a majaw asak si sum ai marai 3 nga nna Lak nak kaba hkra hkala ai marai (6) daram nga ai lam mung tang madun da ai.

June praw 3 ya shani hta Myen hpyen dap gap dat ai lak nak kaba a majaw Company kaw na Yam bang da ai shara kapaw nna Company magam gun marai 2 asak si sum ai lam chye lu ai. June praw 6 ya shani hta mung Myen hpyen dap kawn masing nga nga hte gap dat ai lak nak kaba a majaw ma kaji marai (4) hte rai yang mung masha marai (9) asak si sum nna dum nta hten za ai lam nga sai re.

Hpakant ginra hta May shata htum maga kaw nna Myen hpyen dap hpung ni du shang wa ai hpang Myen hpyen dap hpung ni gaw mung masha lai wa lai sa lam dingyang shara la nna Mung masha hpe hpyen ninggang shatai nga ai re.

UN hte ASEAN Mungkan mungdan wuhpung wuhpawng ni hku nna mung myen hpyen dap a shinggyim ahkaw ahkang tawt lai ai lam ni hpe Pat shingdang ahkyak la ai lam lawan galaw ra ai lam Myen hpyen dap a ahkaw ahakng zing madu ai hpe n ra sharawng ai wuhpung wuhpawng ni tsun nga ma ai re.

Shiga- Zau

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/6931?single

website ; https://www.pajau.net/

Pajau Shiga

10/07/2025

09/07/2025

09/07/2025

08/07/2025

07/07/2025

07/07/2025

07/07/2025

05/07/2025

04/07/2025

03/07/2025

02/07/2025

02/07/2025

ที่อยู่

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท