26/02/2024
ဒီပုံလေးကို မြင်တော့
အခုလက်ရှိ ကိုယ့် social life နဲ့
သတင်းထောက် လုပ်နေစဉ် အချိန်ကာလတွေကို ပြန်စဉ်းစား သတိရမိသွားတရ်…
မြန်မာတိုင်းမ်မှာ သတင်းထောက်စလုပ်တော့ ကျောင်းပြီးကာစ intern ဘဝနဲ့စတာပါ
ငယ်လည်း ငယ်သေးတရ်
လူမှုဆက်ဆံရေးတွေ မသိခဲ့သေးချိန်မှာ
နယ်ပယ်ပေါင်းစုံက လူမျိုးစုံနဲ့ လိုက်လျောညီထွေဖြစ်အောင် အံဝင်ခွင်ကျဖြစ်ဖို့က နည်းနည်းတော့ ခက်ခဲတာပေါ့
ဒါပေမယ့် ကိုယ်ရေးတဲ့အကြောင်းအရာတွေက လူငယ်တွေနဲ့ပတ်သက်တာများပါတရ်…
Lifestyle အခန်းကဏ္ဍအောက်မှာမှ စစချင်းတော့ ပန်းချီပြပွဲတွေကစခဲ့ပြီး တဖြည်းဖြည်းပိုအားသာတဲ့ street artists တွေ musicians တွေ စကိတ်စီးတဲ့ လူငယ်တွေ ပန်းချီပိုင်းဆိုလည်း contemporary artists အငယ်ပိုင်းတွေနဲ့ပတ်သက်တာတွေ ရေးဖြစ်တရ်ပေါ့
ဆိုလိုရင်းကတော့ အလုပ်ကြောင့်၊ အလုပ်မှ တဆင့် နယ်ပယ်အသီးသီးက လူငယ်တွေနဲ့သိခွင့်ရခဲ့ တယ်.
သူတို့ life တွေကို စပ်စုခွင့်ရခဲ့ရင်း နောက်ပိုင်း fashion editor လုပ်တော့လည်း Fashion Industry က လူတွေနဲ့ပါ သိကျွမ်းခဲ့ပြီး သူတို့ရဲ့ အလုပ်လုပ်ပုံတွေကို လေ့လာခွင့်ရခဲ့တရ်
လုပ်ငန်းခွင်က အသိမိတ်ဆွေတွေဆိုတာလည်း တနှစ်ထပ်တနှစ်တိုးလာတာပေါ့
နောက်ဆုံး Irrawaddy မှာ ကိုဗစ်ထိ အလုပ်
လုပ်ဖြစ်ရင်း နောက်ပိုင်းတော့ ကိစ္စတွေက သိတဲ့အတိုင်း အားလုံးနည်းတူ ကျွန်မရဲ့ သတင်းထောက်ဘဝကို အဆုံးသတ်ခဲ့တရ်ပေါ့
ကျင်လည်ခဲ့တဲ့ သက်တမ်းတလျှောက်မှာ လုပ်ငန်းခွင်ကြောင့် သိကျွမ်းခဲ့ရတဲ့ လူများစွာ မိတ်ဆွေများစွာရှိခဲ့ပြီး 2013-2019 နှစ်ကာလတွေက ကျွန်မရဲ့ Social Life သည် အရမ်းကိုမှ Active ဖြစ်ခဲ့တယ်
ဘယ်နေရာသွားသွား ကိုယ်နဲ့သိတဲ့လူကရှိနေတရ်
အဲဒီအချိန်တုန်းကဆို အပေါင်းအသင်းဆိုတာ ဘေးကလူမထပ်စေရဘူး
“Me swiching my personality based on the friends group i hang out with” ဆိုတဲ့ memes လိုပဲ
တချို့က အစစ်အမှန်ခင်မင်ချစ်ခင်ကြသလို
တချို့ကတော့ ကိုယ်ကတဆင့် တခြား network တွေ ကူးချင်လို့ လာခင်ကြတယ်ပေါ့
မျိုးစုံပေါ့နော်
အဲဒီအချိန်တွေက ပျော်စရာလည်း ကောင်းသလို တဖက်မှာ မကောင်းတာတွေလည်း ရှိတာပေါ့နော် Dramas မျိုးစုံတွေပေါ့
စကားရှုပ်တာတွေထဲ ကြားညှပ်တာတွေကောပေါ့
အဲဒီတုန်းက အပေါင်းအသင်းအတော်များများက (အားလုံးကို မဆိုလိုပါဘူးနော် ဒါက လူတိုင်းမှာလည်း ရှိမှာပါ) ပျော်စရာချိန်တွေအတွက်ပဲ အနားမှာရှိတာ…
ကိုယ်တခုခုဖြစ်တရ် အရေးအကြောင်းဆို မရှိကြတော့ဘူးပေါ့ (ဒါဟာ ပြစ်တင်ပြောဆိုခြင်းမဟုတ် သူတို့မှာ ကိုယ့်အတွက် တခုခုဖြစ်ပေးဖို့ တာဝန်မရှိပါဘူး…သို့သော် အဲဒါတွေဟာ သူငယ်ချင်းမှမဟုတ်တာ)
အခုတော့ အသက်ကြီးလာတာနဲ့အမျှ လူများပြီး ပွဲမစည်တာကို မကြိုက်တော့သလို
လူနည်းပေမယ့် အချင်းချင်းအတွက် ရှိနေပေးမယ် “I had your back” ဆိုတဲ့ ပျော်လည်းတူတူ ဝမ်းနည်းလည်း ဘေးကနှစ်သိမ့်ပေးတဲ့ Real Friendship ကို တန်ဖိုးထားလာတရ်…
အရင်ကလည်း တန်ဖိုးထားပေမယ့် ကိစ္စတွေမျိုးစုံဖြစ်သွားပြီးနောက် ပိုပြီး Priority ပေးလာဖြစ်တာ တန်ဖိုးထားတတ်လာတာကို ပြောတာပါ
လူ့ဘဝက ခက်ခဲပြီးနေပါပြီ…
ဒီတိုင်းပြည်ရဲ့ အခြေအနေတွေကလည်း တဖက်တလမ်းက စိတ်ဒုက္ခမျိုးစုံပေးနေတာဆိုတော့ တခြား Dramas တွေ ကိုယ့်ဘဝမှာ မရှိတော့တာ အနည်းငယ်တော့ စိတ်အေးချမ်းစေမယ်မှတ်လား?
Back when I was a journalist, I had this huge network of people I knew-artists, skaters, entrepreneurs, musicians .. etc.
Between 2013 and 2019, life was a blast!
Everywhere I went, I’d bump into at least three familiar faces.
It was like one big party, but you know, with its fair share of drama.
But all of those people including real friends, fake ones, and those just pretending to be friends to gain something from me were part of the mix.
Some were genuine friends, while others were just looking to ride my coattails for connections or whatever.
Nowadays, I’ve learned to keep my circle small and tight-knit.
I’ve got this awesome group of people who’ve always had my back, through thick and thin. We argue, we misunderstand, sometimes we don’t even talk to each other, but at the end of the day, we’re always there for each other.
I’m so grateful for the peace and stability they bring to my life, especially with everything going on here in Myanmar.
As I’ve gotten older, I’ve realized that genuine connections and inner peace are what really matter to me.
