28/05/2026
"အသက် ၆၈ နှစ်အထိ ပြိုင်ပွဲဝင်နေတုန်း... လမ်းမထက်မှာပဲ နောက်ဆုံးအချိန်အထိ နှုတ်ဆက်သွားခဲ့တဲ့ ဝါရင့် Racer ကြီး" 🏁💔
အသက်ကြီးရင် အိမ်မှာပဲ အေးအေးဆေးဆေး နားနေရမယ်ဆိုတဲ့ အတွေးကို ရိုက်ချိုးပြီး၊ သူအသက်ရှင်နေသရွေ့ သူအချစ်ဆုံးအလုပ်ဖြစ်တဲ့ "ဆိုင်ကယ်ပြိုင်ပွဲ" တွေကို ရူးရူးမူးမူး ဆက်တိုက်ဝင်ပြိုင်ခဲ့တဲ့ လူကြီးတစ်ယောက်အကြောင်းပါ။
သူ့နာမည်က Alan Oversby ပါ။ အသက်က ၆၈ နှစ်။
ပြီးခဲ့တဲ့ တနင်္ဂနွေနေ့ (မေလ ၂၄ ရက်) က ကျင်းပခဲ့တဲ့ Isle of Man က Pre-TT Classic Road Races ရဲ့ 400cc ပြိုင်ပွဲမှာ မတော်တဆမှုဖြစ်ပြီး ကွယ်လွန်သွားခဲ့ပါတယ်။
ထူးခြားတာက သူဟာ သာမန် Racer မဟုတ်ဘူးဗျ။ အသက်မွေးဝမ်းကျောင်းက Professional Engineer တစ်ယောက်။ ဒါကြောင့် သူ့ရဲ့ပြိုင်ဘီးတွေကို တခြားသူလက်ထဲ မအပ်ဘဲ စက်ပိုင်းဆိုင်ရာကို ကိုယ်တိုင်အသေးစိတ် Setup ချ၊ ကိုယ်တိုင်ပြင်ပြီး ပြိုင်ပွဲဝင်တာ။ ဒီ Billown Circuit ကွင်းမှာတင် သူနိုင်ခဲ့တဲ့ပွဲပေါင်း ၁၆ ပွဲတောင် ရှိပါတယ်။
စိတ်မကောင်းစရာ အကောင်းဆုံးက... သူ မတော်တဆမဖြစ်ခင် အဲဒီနေ့ နေ့လယ်ပိုင်းတင် 350cc ရော 500cc ပြိုင်ပွဲတွေမှာ Double Champion အဖြစ် ပထမဆုတွေ ယူထားနိုင်ခဲ့သေးတာပါ။ နိုင်ပွဲတွေရလို့ ပျော်နေတုန်း၊ ဒုတိယပွဲလည်းဖြစ်ရော အခုလို ရုတ်တရက် ခွဲခွာသွားခဲ့ရတာ ဖြစ်ပါတယ်။
သူချစ်တဲ့ ဆိုင်ကယ်စီးခြင်း၊ သူရူးသွပ်တဲ့ ပြိုင်ပွဲလမ်းမတွေထက်မှာပဲ Legend တစ်ယောက်လို သတ္တိရှိရှိနဲ့ နောက်ဆုံးထွက်သက်အထိ ဖြတ်သန်းသွားခဲ့တဲ့ Alan Oversby အတွက် တကယ့်ကို လေးစားမိသလို ဝမ်းလည်းဝမ်းနည်းရပါတယ်ဗျာ။
Rest In Peace, Legend. 🕊️
