မြို့တော်

24/08/2025

အာဏာသိမ်းစစ်တပ်ရဲ့ လေကြောင်းတိုက်ခိုက်မှုကြောင့် ကလေးငယ် ၁ ဦးသေဆုံးပြီး ကျောင်းထိုင်ဆရာတော် အပါအဝင်‌ ဒေသခံ ၇ ဦး ဒဏ်ရာရ
‎
‎ဩဂုတ် ၂၄
‎
‎ကျောက်မဲခရိုင်၊ မိုင်းငေါ့မြို့နယ်က ကွန်စလမ်းရွာကို အာဏာသိမ်းစစ်တပ်က ဩဂုတ်လ ၂၃ ရက် နေ့လယ် ၃ နာရီခွဲ ဝန်းကျင်မှာ ပေါင် ၅၀၀ ဗုံး ၁ လုံး ကြဲချ တိုက်ခိုက်ခဲ့တာကြောင့် ကလေးငယ် ၁ ဦး သေဆုံးပြီး ကျောင်းထိုင်ဆရာတော် အပါအဝင် ဒေသခံ ၇ ဦး ဒဏ်ရာရခဲ့တယ်လို့ သိရပါတယ်။
‎
‎ကွန်စလမ်းရွာရဲ့ ဘုန်းကြီးကျောင်းကို အာဏာသိမ်းစစ်တပ်က ဗုံးကြဲတိုက်ခိုက်ခဲ့တာကြောင့် ကျောင်းဆောင် အားလုံးနီးပါးလည်း ထိခိုက်ပျက်စီးခဲ့တယ်လို့ ဒေသခံတွေရဲ့ ပြောဆိုချက်တွေအရ သိရပါတယ်။
‎
‎"ဘုန်းကြီးကျောင်းကို ကြဲသွားတာ ၁၂ နှစ်အရွယ် မိုင်းအာကာဖြိုး ပွဲချင်းပြီးသေဆုံးတယ်။ ကျောင်းထိုင် ဆရာတော်လည်း ဒဏ်ရာရတယ်။ ကျောင်းဆောင်တွေလည်း ထိတယ်။ ဓမ္မာရုံရော ဇရပ်ဆောင်ရော ထိတယ်" လို့ ကျောက်မဲမြို့ခံတဦးက မြို့တော်ကို ပြောပါတယ်။
‎
‎‌ပြီးခဲ့တဲ့ ဩဂုတ်လ ၂၀ ရက်နေ့ကလည်း‌ ကျောက်မဲမြို့ နောင်ပိန်ရွာကို အာဏာသိမ်းစစ်တပ်က လေကြောင်းကနေ ဗုံးကြဲတိုက်ခိုက်ခဲ့တာကြောင့် ကလေးငယ်အပါအဝင် ဒေသခံ ၁၀ ဦးသေဆုံးပြီး ၁၂ ဦး ဒဏ်ရာရရှိခဲ့ပါသေးတယ်။
‎
‎ကျောက်မဲမြို့ နောင်ပိန်‌ရွာမှာ စစ်တပ်နဲ့ တအာင်းတပ်တို့အကြား တိုက်ပွဲပြင်းထန်နေတာကြောင့် ပြည်သူ‌တွေအနေနဲ့ စစ်တပ်ရဲ့ ဗုံးကြဲတိုက်ခိုက်မှုကို ရှောင်ရှားနိုင်ဖို့နဲ့ စစ်ရေးသတိအမြဲ ရှိဖို့လိုအပ်ပြီး လေကြောင်းရန်မှ ကာကွယ်နိုင်အောင် လေကြောင်းရန်ကာကွယ်ရေး ဆိုင်ရာနည်းလမ်းတွေ လိုက်နာဆောင်ရွက်ရန်လိုတယ်လို့ တအာင်းတပ် - TNLA ရဲ့ သတင်းနဲ့ ပြန်ကြားရေးဌာနက ပြောဆိုထားပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
Telegram Channel - https://t.me/myotawnews

23/08/2025

ခရီးသည်တင်ကားပေါ်က လူငယ်တွေနဲ့ လမ်းသွားလမ်းလာ ပြည်သူတွေကို အစစ်ဆေးမရှိ ပေါ်တာဆွဲဖမ်းဆီးတဲ့ သတင်းနှင့်အတူ မြို့တော်ရဲ့ နေ့စဉ်သတင်း တင်ဆက်မှု

၂၀၂၅ ခုနှစ် ဩဂုတ်လ ၂၃ ရက်နေ့ သတင်းများ နားဆင်နိုင်ပါပြီ

Youtube မှာ ကြည့်ရှုရန် >>> https://youtu.be/qVSJjpObh_k

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
Telegram Channel - https://t.me/myotawnews
TikTok Channel - https://www.tiktok.com/

23/08/2025

လိုင်းအခက်အခဲကြောင့် ပြတ်တောက်သွားရပါသည် ဆက်လက်ထုတ်လွှင့်ပေးလိုက်ပါသည်

23/08/2025

ဒီမိုကရေစီအကျိုးပြု ကရင်တပ်မတော်(D.K.B.A) တပ်မှ ဒုတိယဗိုလ်မှူးကြီး စောစလုံးကို အဖွဲ့စည်းမှ အပြီးတိုင် ထုတ်ပယ်ခံရ

ဩဂုတ် ၂၃

ဒီမိုကရေစီအကျိုးပြု ကရင်တပ်မတော် (D.K.B.A) တပ်မှ ဒုတိယစစ်ဦးစီးချုပ် လုံခြုံရေးတပ်ဖွဲ့မှာ တာဝန်ထမ်းဆောင်နေတဲ့ ဒုတိယဗိုလ်မှူးကြီးစောစလုံးကို တပ်ဖွဲ့ဝင်အဖြစ်မှ ထုတ်ပယ်လိုက်တယ်လို့ ဒီကနေ့ ဩဂုတ်လ ၂၃ ရက်နေ့မှာ ထုတ်ပြန်လိုက်ပါတယ်။

ဗိုလ်မှုးကြီးစောစလုံးဟာ အဖွဲ့စည်းမှ ချမှတ်တဲ့ စစ်စည်းကမ်းပုဒ်မ (၂) အရ အထက်မှပေးအပ်တဲ့ တာဝန်တွေကို ကျေပွန်စွာ ထမ်းဆောင်မှုပျက်ကွက်ခြင်း၊ ပုဒ်မ (၁၃) နဲ့ (၁၄) အရ ပေးအပ်တဲ့ တာဝန်ထက် ကျော်လွန်ပြီး လုပ်ဆောင်ခြင်းနဲ့ ဆင့်ကဲတင်ပြရန် ပျက်ကွက်ခြင်း စတဲ့ စစ်စည်းကမ်းတွေကို လိုက်နာဖို့ ပျက်ကွက်ခဲ့တာကြောင့် အခုလို D.K.B.A အဖွဲ့မှ အပြီးတိုင် ထုတ်ပယ်လိုက်တာဖြစ်တယ်လို့ ထုတ်ပြန်ချက်မှာ ဖာ်ပြထားပါတယ်။

ဗိုလ်စလုံးဟာ ပြီးခဲ့တဲ့ ၂၀၂၂ ခုနှစ်က D.K.B.A စစ်ကြောင်းမှူးအဖြစ် တာဝန်ထမ်းဆောင်ခဲ့ဖူးပြီး စစ်အာဏာသိမ်းပြီးနောက် ကရင်အမျိုးသားကာကွယ်ရေးတပ်ဖွဲ့ (KNDO) ထံကို ဘက်ပြောင်းခဲ့သူဖြစ်တဲ့အပြင် KNDO မှ တဆင့် ကော်သူးလေအာမီ (KTLA) မှာ အထူးကွန်မန်ဒိုတပ်ရင်းမှူးအဖြစ် တာဝန်ထမ်းဆောင်ခဲ့ဖူးသူ ဖြစ်တယ်လို့ သိရပါတယ်။

အဲ့ဒီနောက်မှာ ကော်တူးလေ အာမီ(KTLA) ကလည်း ၂၀၂၄ ခုနှစ် ဧပြီလ က စတင်ပြီး တာဝန် ၁ နှစ် တိတိ ရပ်နားခံရပြီးနောက်ပိုင်းမှာ D.K.B.A ထံကို ပြန်လည်ဘက်ပြောင်း ဝင်ရောက်လာရာက အခုလို စစ်စည်းကမ်းတွေကို လိုက်နာရန် ပျက်ကွက်မှုနဲ့ D.K.B.A အဖွဲ့မှ အပြီးတိုင် ထုတ်ပယ်ခြင်းခံရတာ ဖြစ်ပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
Telegram Channel - https://t.me/myotawnews
TikTok Channel - https://www.tiktok.com/

23/08/2025

ခရီးသည်တင်ကားပေါ်က လူငယ်တွေနဲ့ လမ်းသွားလမ်းလာ ပြည်သူတွေကို အစစ်ဆေးမရှိ ပေါ်တာဆွဲဖမ်းဆီးတဲ့ သတင်းနှင့်အတူ မြို့တော်ရဲ့ နေ့စဉ်သတင်း တင်ဆက်မှု

၂၀၂၅ ခုနှစ် ဩဂုတ်လ ၂၃ ရက်နေ့ သတင်းများ နားဆင်နိုင်ပါပြီ

Youtube မှာ ကြည့်ရှုရန် >>> https://youtu.be/qVSJjpObh_k

မြို့တော် News Channel

ခရီးသည်တင်ကားပေါ်က လူငယ်တွေနဲ့ လမ်းသွားလမ်းလာ ပြည်သူတွေကို အစစ်ဆေးမရှိ ပေါ်တာဆွဲဖမ်းဆီးတဲ့ သတင်းနှင့်အတူ...

23/08/2025

ဧရာအနောက်ခြမ်းအောင်ပွဲလမ်း တိုက်ရိုက်ထုတ်လွှင့်မှုတွင် ဆရာနေဇော်နိုင်၊ ကိုရဲ (ရွှေညာမြေ)၊ ပိုးလေး(တော်လှန်အနုပညာရှင်)နဲ့ မြေပြင်တာဝန်ခံရဲဘော်များ ပါဝင်ဆွေးနွေးထားကြပါတယ်။
တော်လှန်ပြည်သူများအနေနဲ့ တစ်ယောက်ကို ကျည်တစ်တောင့်နှုန်း ပါဝင်ကူညီပေးကြဖို့ မေတ္တာရပ်ခံပါတယ်။

#ဧရာအနောက်ခြမ်းအောင်ပွဲလမ်း

23/08/2025

ကင်းပတ်ထွက်လာတဲ့ အာဏာသိမ်း စစ်တပ် တပ်ဖွဲ့ဝင်တွေနဲ့ တော်လှန်ရေးတပ်ဖွဲ့တွေ ထိတွေ့တိုက်ပွဲ ဖြစ်ပွားခဲ့ပြီး စစ်တပ်ဘက်မှထိခိုက်သေဆုံးမှုတွေရှိ

သြဂုတ် ၂၃

မကွေးတိုင်း၊ စလင်းမြို့နယ်မှာ သြဂုတ်လ ၂၂ ရက်နေ့က လင်းဇင်းတိုက်နယ်ရဲစခန်းမှ ထွက်လာတဲ့ အာဏာသိမ်းစစ်တပ် တပ်ဖွဲ့ဝင်တွေနဲ့ တော်လှန်ရေးတပ်ဖွဲ့ဝင်တွေ ထိတွေ့တိုက်ပွဲ ဖြစ်ပွားခဲ့ပြီး စစ်တပ်ဘက်မှ ထိခိုက်သေဆုံးမှုတွေ ရှိခဲ့တယ်လို့ ဒေါင်းညီနောင်ပြောက်ကျားတပ်ဖွဲ့က ဒီကနေ့မှာ ထုတ်ပြန်ထားပါတယ်။

စလင်းမြို့နယ်၊ လင်းဇင်းတိုက်နယ် ရဲစခန်းနဲ့ဘူးခါးကျေးရွာ အကြားရှိ သနပ်ခါးခြံလမ်းမှာ ကင်းပတ်ထွက်လာတဲ့ အာဏာသိမ်း စစ်တပ် တပ်ဖွဲ့ဝင်တွေက တော်လှန်ရေးတပ်ဖွဲ့ ကင်းပုန်းရှေ့မှာထောင်ထားတဲ့ နင်းမိုင်းနင်းမိချိန်မှာ နှစ်ဘက်ထိတွေ့ ပစ်ခတ်မှု ဖြစ်ပွားခဲ့တာလို့ သိရပါတယ်။

" လင်းဇင်းတိုက်နယ် ရဲစခန်းမှာက စစ်ကောင်စီ(စစ်ကော်မရှင်)တပ်ဖွဲ့တွေ အင်အားများတယ်။ ရဲတွေနဲ့ စစ်သား ထပ်တိုးအင်အားတွေလည်း ရှိတယ်။ တခုခု တိုက်ပွဲ အခြေနေဖြစ်လာရင် အင်အားတွေ တန်းတိုးလာတယ်။ သူတို့အထိုင်ချနေတော့ အဲ့စခန်းဘက်နားက ရွာတွေ ဘယ်သူမှ ဖြတ်မသွားရဲကြဘူး။ သူတို့တပ်ဖွဲ့တွေပဲရှိနေတာ"လို့ ဒေသခံတဦးက မြို့တော်ကို ပြောပါတယ်။

အဆိုပါတိုက်ခိုက်မှုကို ဒေါင်းညီနာင်ပြောက်ကျားတပ်ဖွဲ့က လုပ်ဆောင်ခဲ့တာဖြစ်ပြီး အာဏာသိမ်းစစ်တပ် တပ်ဖွဲ့ဝင်တွေက တော်လှန်ရေးတပ်ဖွဲ့တွေ ကင်းပုန်းရှေ့မှာထောင်ထားတဲ့ နင်းမိုင်းနင်းစဉ် နှစ်ဘက် ပစ်ခတ်မူ့ ၅ မိနစ်ခန့် ထိတွေ့မူတွေရှိခဲ့တာဖြစ်ပြီး စစ်တပ်ဘက်မှ မိုင်းထိထားတဲ့ အလောင်းတွေကို သယ်ပြီး လင်းဇင်းစခန်းကို ပြန်ဆုတ်သွားကြတယ်လို့ သိရပါတယ်။

"လင်းဇင်းစခန်းဘက်ကနေ စစ်တပ်က လက်နက်ကြီးနဲ့ ရမ်းသမ်းပစ်တယ်။ မြောက်ဘက်က ရွာတွေဆီကို ဦးတည်ပစ်တယ်။ ရွာထဲ လက်နက်ကြီးတွေကျတော့ ဘယ်သူမှရွာထဲမနေရဲကြဘူး။ အရင်ကဆို မကြာခဏ စစ်ကြောင်းထိုးတာတွေ ရှိတယ်။ လူမတွေ့ရင် တွေ့တဲ့ နွားတွေ ဝက်တွေ အကုန်ဆွဲသွားကြတာ"လို့ နောက်ထပ် ဒေသခံ တဦးက မြို့တော်ကို ပြောပါတယ်။

စလင်းမြို့နယ်အတွင်းမှာ တိုက်ပွဲတွေပြင်းထန်နေပြီး အာဏာသိမ်းစစ်တပ် တပ်ဖွဲ့ဝင်တွေက ကျေးရွာတွေအတွင်းကို ဝင်ရောက်ကာ စစ်ကြောင်းထိုးတာတွေအပြင် လေကြောင်းတိုက်ခိုက်တာတွေ လက်နက်ကြီးနဲ့ ရမ်းသမ်းပစ်ခတ်တာတွေကြောင့် ဒေသခံပြည်သူတွေ ထိခိုက်သေဆုံးမှုတွေလည်း ရှိတယ်လို့ သိရပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
Telegram Channel - https://t.me/myotawnews
TikTok Channel - https://www.tiktok.com/

23/08/2025

ယူကရိန်း-ရုရှား ထိပ်သီးအစည်းအဝေးကျင်းပဖို့ စီစဉ်နေတဲ့ ထရမ့်ရဲ့ ဆောင်ရွက်ချက်အပေါ် အကောင်းမြင်မှုတွေ လျော့ကျ

ဩဂုတ် ၂၃

အမေရိကန်သမ္မတ ဒေါ်နယ်ထရမ့်က ယူကရိန်းနဲ့ ရုရှားတို့အကြား ထိပ်သီးအစည်းအဝေးကျင်းပဖို့ စီစဉ်နေတဲ့ ဆောင်ရွက်ချက်အပေါ် အကောင်းမြင်မှုတွေ လျော့ကျနေပါတယ်။

အဲ့ဒီလို အကောင်းမြင်မှု လျော့ကျစေတဲ့ အဟန့်အတားတစ်ခုကတော့ နှစ်ဘက်စလုံးက အသင့်မဖြစ်သေးဘူးလို့ အချင်းချင်း အပြန်အလှန်စွပ်စွဲနေကြတာဖြစ်ပါတယ်။

NBC သတင်းဌာနနဲ့ မနေ့ကပြုလုပ်တဲ့ အင်တာဗျူးမှာ ရုရှားနိုင်ငံခြားရေးဝန်ကြီး ဆာဂေးလက် ဘရော့ (Sergey Lavrov) က ယူကရိန်းနဲ့ တွေ့ဆုံဖို့ အစီအစဉ်မရှိသေးကြောင်း ပြောကြားခဲ့ပါတယ်။

ရုရှား သမ္မတ ဗလာဒီမီယာ ပူတင်ကလည်း 'ထိပ်သီးအစည်းအဝေးအတွက် အစီအစဉ်တွေ အဆင်သင့် ဖြစ်တဲ့အခါ လုပ်ဆောင်မှာပါ။ အဲ့ဒီအစီအစဉ်တွေဟာ အခု လုံး၀အဆင်သင့်မဖြစ်သေးတာ မို့ပါ' လို့ ပြောဆိုထားပြီး ယူကရိန်းနိုင်ငံသား ဗလာဒီမီယာဇယ်လန်စကီး (Volodymyr Zelenskyy)နဲ့ တွေ့ဆုံဖို့ ပြင်ဆင်ထားကြောင်းလည်း သူကပြောကြားထားခဲ့တာပါ။

ထရမ့်နဲ့ ဇယ်လင်စကီးတို့ မကြာသေးမီက တွေ့ဆုံခဲ့မှုကို ရည်ညွှန်းပြီး ဆာဂေးလက်ဗရော့ဗ်က ဒီတွေ့ဆုံမှုဟာ'အရာအားလုံးအတွက်ကိုယ်စားပြု တွေ့ဆုံခဲ့မှု မဟုတ်ပါဘူး'လို့ ပြောဆိုပါတယ်။

ယူကရိန်းနိုင်ငံရဲ့မြို့တော်ကိဗ်မှာ မနေ့ကဇယ်လန်းစကီးက ပြောကြားခဲ့တာကတော့ 'ရုရှားတွေဘက်ကအစည်းအဝေးမဖြစ်အောင်ကို အကုန်လိုက်လုပ်နေတယ်။ သူတို့ဘက်က တိုက်ပွဲတွေမရပ်ချင်ဘူး'လို့လည်း စွပ်စွဲပြောဆိုခဲ့ပါတယ်။

ရုရှားက ယူကရိန်းအပေါ် တိုက်ခိုက်မှုတွေ ဆက်လက် ဖြစ်ပွားနေတာကြောင့် ရုရှားဘက်ကို ဖိအားပေးဖို့ သူက နိုင်ငံတကာကို တောင်းဆိုခဲ့ပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
Telegram Channel - https://t.me/myotawnews
TikTok Channel - https://www.tiktok.com/

23/08/2025

စစ်‌ကော်မရှင်ရဲ့ ကပစ ၂၂ လက်နက်ထုတ်လုပ်ရေးစက်ရုံကို သွယ်တန်းထားတဲ့ လျှပ်စစ်မီးတိုင်ကြိုးတွေ ဖောက်ခွဲရှင်းလင်းခံရ

ဩဂုတ် ၂၃

မကွေးတိုင်း၊ ဆိပ်ဖြူမြို့နယ်ရှိ စစ်ကော်မရှင်ရဲ့ကပစ -၂၂ လက်နက် ထုတ်လုပ်ရေးစက်ရုံကို သွယ်တန်းထားတဲ့ လျှပ်စစ်မီးတိုင်းတွေကို ဩဂုတ်လ ၁၇ ရက်နေ့က တော်လှန်ရေးတပ်ဖွဲ့ဝင်တွေက ဖောက်ခွဲရှင်းလင်းခဲ့တယ်လို့ ဆိပ်ဖြူပြောက်ကျား တကိုယ်တော်ကျားဇိုးပြည်သူ့ကာကွယ်ရေး LDF က မနေ့က ဖော်ပြထားပါတယ်။

ဆိပ်ဖြူမြို့နယ် ကပစ ၂၂ ကို သွယ်တန်းထားတဲ့ မီးတိုင်တွေကို အာဏာသိမ်းစစ်တပ် တပ်ဖွဲ့ဝင်တွေ စစ်ကြောင်းလှုပ်ရှားနေတဲ့ ကြားထဲကနေ မျက်‌ခြေပြတ်ချိန်မှာ မီးလိုင်းတွေကို တော်လှန်ရေးတပ်ဖွဲ့ဝင်တွေက ဖြတ်တောက်တိုက်ခိုက်ခဲ့တာဖြစ်တယ်လို့ သိရပါတယ်။

"ကပစ ၂၂ ကို သွယ်တန်းထားတဲ့ မီးကြိုးတွေကို ဖြတ်ပစ်တာ။ အဲဒီစက်ရုံက လက်နက်ခဲယမ်း၊ ဗုံးတွေထုတ်တာ။ အဲဒီက ထွက်တဲ့ လက်နက်တွေနဲ့ပဲ ပြည်သူကို ဗုံးကြဲသတ်ဖြတ်တာလုပ်လို့ တော်လှန်ရေး တပ်ဖွဲ့တွေက ဖျက်ဆီးပစ်တာ။ အခုထိတော့ မီးကြိုးတွေလာရောက်ပြုပြင်တာတွေ လုပ်တာမရှိသေးဘူး"လို့ တော်လှန်ရေးနဲ့ နီးစပ်သူတဦးက မြို့တော်ကို ပြောပါတယ်။

အဆိုပါ စစ်ကော်မရှင်ရဲ့ ကပစ ၂၂ ဟာ ပြည်သူတွေကို ပစ်ခတ်ဗုံးကြဲနေတဲ့ လက်နက်ခဲယမ်းနဲ့ ဗုံးတွေ ထုတ်လုပ်တဲ့ စက်ရုံဖြစ်ပြီး လက်နက်ခဲယမ်းတွေ ဆက်လက်မထုတ်လုပ်နိုင်ရန် ယခုလိုတိုက်ခိုက်ခဲ့တာဖြစ်တယ်လို့ သိရပါတယ်။

"လျှပ်စစ်မီးတိုင်တွေကို အခုထိ လာမပြင်သေးဘူး။ လာပြင်တဲ့ စစ်ကြောင်းထွက်လာရင်တော့ တိုက်ပွဲဖြစ်လာနိုင်ဖို့ရှိတယ်"လို့ အဆိုပါ တော်လှန်ရေးနဲ့ နီးစပ်သူတဦးက မြို့တော်ကို ဆက်လက်ပြောဆိုထားပါတယ်။

အဆိုပါ ဖောက်ခွဲတိုက်ခိုက်မှုကို ဆိပ်ဖြူ မြောက်ပိုင်း တပ်ဖွဲ့၊ ပေါက်မြို့နယ် ပကဖ နဲ့ ဆိပ်ဖြူ ကျားဇိုးပြောက်ကျား တို့က ပူးပေါင်း လုပ်ဆောင်ခဲ့ခြင်းဖြစ်ပြီး တော်လှန်ရေး တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့တယ်လို့ သိရပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
Telegram Channel - https://t.me/myotawnews
TikTok Channel - https://www.tiktok.com/

23/08/2025

ပြည်ပထွက်ခွာမယ့်လူငယ်တွေ ကံမရဲစခန်းမှာ ဖမ်းဆီးထားပြီး ပြန်ရွေးခွင့်လည်းမပေးဘူးလို့ဆို

သြဂုတ် ၂၃

မကွေးတိုင်း၊ သရက်ခရိုင်ထဲက ကံမမြို့က စစ်ဆေးရေးဂိတ်တွေမှာ သြဂုတ်လ ၂၃ ရက် ဒီကနေ့ မနက်က ပြည်ပ ထွက်ခွာမယ့် လူငယ်တွေပါတဲ့ ကားတွေကို စစ်ဆေးပြီး လူငယ်တွေကို ဖမ်းဆီးထားတယ်လို့ သိရပါတယ်။

မကွေးမြို့နဲ့ သရက်မြို့ဘက်က ထိုင်းနဲ့ ရန်ကုန်မြို့က စက်မှုဇုံတွေမှာ အလုပ်သွားလုပ်မယ့် လူငယ်တွေပါလာတဲ့ လိုက်ထရပ်ကားတစီးကို ကံမမြို့မြောက်ဘက်ဂိတ်မှာ ဖမ်းဆီးပြီး ကံမ ရဲစခန်းထဲကို မောင်းခိုင်းခဲ့ကာ ယာဥ်ပေါ်ပါလာတဲ့ လူငယ် ၃ ဦးကို ဖမ်းခေါ်ထားပြီး အမျိုးသမီးတွေနဲ့ ယာဥ်မောင်းကို ပြန်လွှတ်ခဲ့တယ်လို့ သိရပါတယ်။

" မိန်းကလေးတွေနဲ့ ကားသမားကို ပြန်လွှတ်တယ်။ ထိုင်းသွားမယ့် အထဲက လူငယ်တွေကို ရဲစခန်းမှာ ဖမ်းထားတယ်။ အဓိကက ပေါ်တာဆွဲတာ ဖြစ်မယ်။ ဒီဘက်တွေမှာ လူငယ် ရှားနေတော့ ရတာကြံဖန်ဆွဲတာဖြစ်မယ်။ အကုန်ပြန်တော့ ဒီကလေးတွေ ထားခဲ့။ လာမထုတ်နဲ့ဆိုပြီး အကုန်ပြန်လွှတ်တာ မသိရင် လက်နက်ကိုင် ပြန်ပေးဆွဲသလိုကြီး လုပ်ကြတာ " လို့ ဒေသခံအမျိုးသမီးတဦးက မြို့တော်ကို ပြောပါတယ်။

ဒါ့အပြင် ပြီးခဲ့တဲ့ သြဂုတ်လ ၂၀ ရက်နေ့ကလည်း အထက်မင်းလှဘက်က ထိုင်းကိုအလုပ်သွားလုပ်မယ့် လူငယ်တွေပါတဲ့ လိုက်ထရပ်ကား ၂ စီးကိုလည်း သရက်ဘက်ကအဝင် ကံမမြို့မြောက်ဘက်ဂိတ်မှာ ဖမ်းဆီးခံရပြီး လူငယ်တွေ ကား ၂ စီးစာ အယောက် ၂၀ ဝန်းကျင်ထိရှိနိုင်တယ်လို့ ဒေသတွင်း သတင်းအရင်းမြစ်တွေထံက သိရပါတယ်။

" မြစ်အရှေ့ခြမ်းက သွားရင် အောင်လံမြို့ကိုဖြတ်ရမယ်။ အဲ့ကကျတော့ ယောကျာ်းဖြစ်ရင်ပြီးရော အကုန်စစ်ထဲထည့်တာ အောင်လံက။ အဲ့တော့ ပြည်ပ ထွက်သွာားကြတဲ့သူတွေက အနောက်လမ်းကနေ သွားကြတော့တာ။ တကယ်ဆို မင်းလှကလာတာတွေဆို သရက်မြို့ကြီးကတည်းက ဖမ်းလို့ရတယ်။ မဖမ်းဘဲ တမင်လွှတ်ပေးပြီး နယ်မြို့ကျမှ ကောက်ဖမ်းစစ်မှုထမ်းပေါ်တာဆွဲတာ။ အဲ့မြို့ကျ လူငယ်အင်အားနည်းတယ်။ ဘောမတွေနေတော့ အခုလို ခရီးသွားတွေ ရှာကျန်ဆွဲနေတာ ဖြစ်မယ်။ ကားတွေကလည်း မြစ်အနောက် ပုသိမ်-မုံရွာ လမ်းကို သုံးမရတာရယ် မြစ်အရှေ့ကျတော့ မကွေး -အောင်လံ- ပြည်လမ်း မသုံးရဲတာရယ်ကြောင့် အခုလို ကြားက နယ်မြို့တွေက ဖြတ်သွားကြတာ" လို့ ကားသမားတဦးက မြို့တော်ကို ပြောပါတယ်။

မကွေးတိုင်းထဲက လူငယ်တွေဟာ ထိုင်း နဲ့ ရန်ကုန်စက်မှုဇုံတွေမှာ အလုပ်လုပ်ဖို့ အသက်ပြည့်ပြီးသူ အများစုက ရတဲ့နည်းနဲ့ နေရပ်စွန့်ခွာသွားလာနေကြရပြီး ကားသမားတွေဟာလည်း ယခင် ဧရာဝတီမြစ်အရှေ့ခြမ်း လမ်းမပေါ်က သွားခဲ့ကြပေမယ့် အစစ်အဆေး အဖမ်းအဆီးများတာကြောင့် အခုနောက်ပိုင်း မြစ်အနောက်ဘက်သရက်မြို့နဲ့ ကံမမြို့တို့ ကြားက ဖြတ်သန်းသွားလာနေကြရတာလို့ သိရပါတယ်။

အခုလိုဖမ်း‌ဆီးခံရသူတွေကိုလည်း ပြန်ရွေးခွင့်မပေးဘူးလို့ သိရပြီး စစ်မှုထမ်းထဲထည့်မှာဖြစ်တယ်လို့ ဒေသတွင်း သတင်းအရင်းမြစ်‌တွေထံက စုံစမ်းသိရှိရပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
Telegram Channel - https://t.me/myotawnews
TikTok Channel - https://www.tiktok.com/

23/08/2025

DKBA ဗိုလ်ကြီးတဦးနေအိမ်မီးလောင်ခဲ့ရာ အရာရှိ တဦးသေဆုံး

သြဂုတ် ၂၃

ကရင်ပြည်နယ်၊ ကြာအင်းဆိပ်ကြီးမြို့မှာ သြဂုတ်လ ၂၁ ရက်နေ့ ညပိုင်းက DKBA အရာရှိ စောလေကပေါ်ထူးရဲ့ နေအိမ်မီးလောင်ကျွမ်းခဲ့ရာ အိမ်အစောင့်တာဝန်ကျတဲ့ ဗိုလ်အဆင့်ရှိသူတဦး သေဆုံးသွားတယ်လို့ သိရပါတယ်။

ကြားအင်းဆိပ်ကြီးမြို့၊ အမှတ်(၅) ရပ်ကွက်မှာရှိတဲ့ DKBA တပ်ဖွဲ့ရဲ့ ဗိုလ်ကြီးဖြစ်သူ စောလေကပေါ်ထူးရဲ့ နေအိမ်မီးလောင်ခဲ့တာဖြစ်ပြီး မီးစက်နှိုးဖို့ ဖယောင်းတိုင်ထွန်းပြီး ဆီထည့်ရာက စတင်လောင်ကျွမ်းခဲ့တာလို့ သိရပါတယ်။

"ဖယောင်းတိုင်ထွန်းပြီး မီးစက်နှိုးဖို့ ဆီထည့်ရာကနေ ဘေးက ဖယောင်းတိုင်ကို ဓာတ်ဆီက စင်ပြီးလောင်တာ။ အရာရှိ တယောက်သေတယ်။ ဘေးနားကအိမ်တွေပါ လောင်တာ။ မီးက အတော်ပြင်းတယ်။ ၁ နာရီကျော်လောက် ငြှိမ်းလိုက်ရတယ် " လို့ ဒေသခံတဦးက မြို့တော်ကို ပြောပါတယ်။

အိမ်အစောင့်တာဝန်ယူထားတဲ့ ဗိုလ်မှဲ့ကြီးဟာ မီးစက်နှိူးဖို့ ဆီဖြည့်ရာကနေ စတင်လောင်ကျွမ်းခဲ့တာဖြစ်ပြီး မီးအရှိန်ကြောင့် ဗိုလ်မှဲ့ကြီးပါ သေဆုံးသွားတာလို့ သိရပါတယ်။

" ယမ်းတွေပါ ပေါက်ကွဲတာဖြစ်မယ်။ ပေါက်ကွဲသံတွေ ကြားရတယ်။ တယောက်သေတယ်။ တပ်ကြပ်တယောက်လည်း မီးလောင် ဒဏ်ရာရသွားတယ်။ ကြာအင်းဆိပ်ကြိီးဆေရုံးကိုတော့ ပို့ထားတယ် " လို့ ဖြစ်စဉ်သိသူ နောက်ထပ်ဒေသခံတဦးက မြို့တော်ကို ပြောပါတယ်။

ဗိုလ်မှဲ့ကြီး သေဆုံးတဲ့အပြင် တခြားအဆင့်အရာရှိတဦးလည်း ထိခိုက်ဒဏ်ရာရခဲ့ပြီး ကြာအင်းဆိပ်ကြီး ရဲစခန်းက မီးလောင်မှုအတွက် အိမ်ရှင် စောလေကပေါ်ထူးကို အမှုမဖွင့်ဘဲ သေဆုံးသူ ဗိုလ်မှဲကြီးကို အမှုဖွင့်ထားတယ်လို့ စစ်ကော်မရှင် သတင်းတွေအရ စုံစမ်းသိရှိရပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
Telegram Channel - https://t.me/myotawnews
TikTok Channel - https://www.tiktok.com/

23/08/2025

အိမ်ငှားနေတဲ့ စရဖ ဗိုလ်ကြီးရဲ့ သေနတ်အပါဝင် ဝန်ထမ်းကတ်တွေကအစ အခိုးခံရတာကြောင့် သံသယရှိသူတွေ အကုန်ဖမ်းဆီးစစ်ဆေးနေ

သြဂုတ် ၂၃

ဧရာဝတီတိုင်း၊ ပုသိမ်မြို့၊ ငွေဆောင်မြို့နယ် မှာ စစ်ကော်မရှင်ရဲ့ စစ်ဘက်ဆိုင်ရာ (စရဖ) ဗိုလ်ကြီးအောင်မြင့်ဦး ငှားနေတဲ့ နေအိမ်မှာ သြဂုတ်လ ၁၆ ရက်နေ့က သေနတ် နဲ့ ငွေသားတွေ အခိုးခံခဲ့ရတယ်လို့ သိရပြီး သံသယရှိသူတွေကို ဖမ်းဆီးရိုက်နှက်စစ်ဆေးနေတယ်လို့ စုံစမ်းသိရှိရပါတယ်။

စရဖ ဗိုလ်ကြီး အောင်မြင့်ဦး ငှားရမ်းနေတဲ့ အိမ်မှာ သူကိုင်တဲ့ ၉ မမ ပစ္စတိုသေနတ် ၁ လက်၊ Xiomi ဖုန်းတလုံး နဲ့ ကျပ်ငွေ သိန်း ၁၅၀ ကျော်အပါအဝင် မှတ်ပုံတင် ဝန်ထမ်းကတ်တွေပါ အခိုးခံခဲ့ရပြီး သူငှားနေတဲ့ အိမ်ပိုင်ရှင် နဲ့ အနီးတဝိုက်က လူငယ်တွေကို ဖမ်းဆီးစစ်ဆေးနေတယ်လို့ သိရပါတယ်။

"အိမ်ရှင် နဲ့ အဲ့အနားတဝိုက်က လူငယ်တွေလည်းပါတယ်။ ကလေးတွေကိုလည်း ဖမ်းတယ်။ ခေါ်အစစ်ခံရတာတင် ၁၀ ယောက်ကျော်ပြီ။ ပြန်လွတ်လာတာတွေလည်းရှိတယ်။ ခုထိ ခေါ်စစ်ခံရတဲ့ သူတွေ ရှိနေသေးတယ် " လို့ ဒေသခံတဦးက မြို့တော်ကို ပြောပါတယ်။

အိမ်ပိုင်ရှင် အပါအဝင် အနီးနားက ဒေသခံတွေကို ငွေဆောင် ရဲစခန်းမှာ ဖမ်းဆီးစစ်ဆေးတာတွေပြုလုပ်နေပြီး အဓိက အဖမ်းခံရသူအများစုက အိမ်ရှင် မိသားစုတွေ များတယ်လို့လည်း စုံစမ်းသိရှိရပါတယ်။

" အိမ်ရှင် ရဲ့ အမျိုးတွေကို အဓိက စစ်တာ။ ကလေးတွေလည်း ပါတယ်။ သိသလောက်က ၁၀ ယောက်ကျော်တယ်။ အိမ်ရှင်ရဲ့ သမီး အငယ်ဆုံးလေး အသက် ၈ နှစ်လောက်ကိုလည်း ဖမ်းသွားတယ်။ ခုထိ အဲ့ကလေးနဲ့ သူ့အဖေမလွတ်သေးဘူးလို့ ကြားတယ် " လို့ နောက်ထပ်ဒေသခံတဦးက မြို့တော်ကို ပြောပါတယ်။

ငွေဆောင်မှာ အုပ်ချုပ်ရေးမှူးတွေ၊ SB နဲ့ စရဖ တပ်ဖွဲ့တွေ၊ နယ်ထိန်းရဲတွေက သံသယရှိတဲ့ လူငယ်တွေကို ခေါ်ယူစစ်ဆေးနေပြီး ဒီကနေ့ထိ တရားခံ ဖမ်းမမိသေးတာကြောင့် သေနတ်ပျောက်ဆုံးမှုကို သတင်းဖုံးထားတယ်လို့ စုံစမ်း သိရှိရပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
Telegram Channel - https://t.me/myotawnews
TikTok Channel - https://www.tiktok.com/