မြို့တော်

19/09/2025

ဆိုင်ကယ် အရှိန်နဲ့မောင်းလာတဲ့ G-12ကျောင်းသားတဦး ဆီဘောက်ဆာကားကို ဝင်တိုက်မိပြီး သေဆုံး

စက်တင်ဘာ ၁၉

တနင်္သာရီတိုင်း၊ ကော့သောင်းမြို့၊ ဦးအောက်လမ်း၊ ရေခဲစက် အဝင်လမ်းထိပ်မှာ ဒီကနေ့ စက်တင်ဘာလ ၁၉ ရက်နေ့ မနက်က G-12 ကျောင်းသားတဦး မောင်းလာတဲ့ Honda Click 150 ဆိုင်ကယ်က ရပ်ထားတဲ့ ဆီဘောက်ဆာကားကို ဝင်တိုက်မိပြီး ပွဲချင်းပြီး သေဆုံးခဲ့တယ်လို့ သိရပါတယ်။

ဒီကနေ့မနက်ပိုင်း ၈ နာရီခန့်မှာ G-12 ကျောင်းသားတဦးဟာ ဆိုင်ကယ်ကို အရှိန်နဲ့ လမ်းပြောင်ပြန် မှောင်းနှင်လာရာက လမ်းညာဘက်မှာ ရပ်ထားတဲ့ ဆီဘောက်ဆာကားကို ဝင်တိုက်ခဲ့တာလို့ သိရပါတယ်။

"ဆိုင်ကယ်က လမ်းပြောင်ပြန်မောင်းလာတာ။ ကားကရပ်ထားတာပါ။ ဆိုင်ကယ် အရှိန်ကများတယ်။ ကျောင်းသားလေး က ဒုန်းကနဲ တချက်ပဲ ကြားလိုက်ရတယ်။ ဆိုင်ကယ် ခေါင်းကြေသွားတယ်။ လူမျက်နှာပါ ကြေသွားတယ်။ ကတ္တာရာလမ်းနဲ့ ရိုက်သလိုဖြစ်သွားတာ " လို့ မျက်မြင်တွေ့ရှိရသူ ဒေသခံတဦးက မြို့တော်ကို ပြောပါတယ်။

ကော့သောင်းမြို့မှာ ကျောင်းသားတွေရဲ့ မိဘတွေက ခေတ်နဲ့ အညီ ဆိုင်ကယ် အကောင်းစားတွေကို အပြိုင်အဆိုင် ဝယ်ပေးထားကြပြီး ကလေးတွေဟာ ဆိုင်ကယ်တွေကို စည်ကမ်းမဲ့ မောင်းတာတွေနဲ့ ရပ်ကွက်ထဲတွေမှာ ဆိုင်ကယ်လီဗာ တဆုံးတင်ကာ စတန့်ထွင် မောင်းတာတွေ ပြုလုပ်နေတာတွေ ရှိတယ်လို့ သိရပါတယ်။

" ခုကလေးကို အပြစ်ပြောတာ မဟုတ်ဘူး။ ကျွန်မတို့ဆီမှာက ကျောင်းသားတွေက ဆိုင်ကယ်တွေကို အရမ်းစီးကြတာ။ လီဗာတွေ ဆွဲပြီး တဝူးဝူးနဲ့။ ငယ်တဲ့အရွယ်တွေကို ခုလို ဆိုင်ကယ် အကောင်းတွေ မဝယ်ပေးစေချင်ဘူး။ ကိုယ့်သားသမီးကို သတ်သလိုပဲ " လို့ ကော့သောင်းဒေသခံအမျိုးသမီးတဦးက မြို့တော်ကို ပြောပါတယ်။

လတ်တလောမှာ ဆိုင်ကယ် တိုက်ပြီး သေဆုံးသွားတဲ့ G-12 ကျောင်းသားကို ၂ မိုင် ပြည်သူ့ဆေးရုံကြီး ရင်ခွဲရုံကို ပို့ထားတယ်လို့ ဒေသတွင်း သတငိးအရင်းမြစ်တွေထံက သိရပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
TikTok Channel - https://www.tiktok.com/
Telegram Channel - https://t.me/myotawnews

19/09/2025

ဆိုင်ကယ် ခိုးသူတွေကိုဖမ်းမိပြီဖြစ်လို့ ရဲစခန်းမှာ ဆိုင်ကယ်တွေ လာရောက်ထုတ်ယူဖို့ ပြောဆိုထားပေမယ့် ဒေသခံတွေ သွားမထုတ်ရဲကြ

စက်တင်ဘာ ၁၉

ရှမ်းပြည်နယ်၊ တောင်ကြီးမြို့နယ်က အေးသာယာရဲစခန်းမှာ စက်တင်ဘာလ ၁၇ ရက်နေ့က ဆိုင်ကယ်သူခိုးတွေဆီက သိမ်းဆည်းရမိတဲ့ ဆိုင်ကယ်တွေကို ဒေသခံတွေကို လာရောက်ထုတ်ယူခိုင်းတယ်လို့ သိရပါတယ်။

တောင်ကြီးမြို့ အေးသာယာရဲစခန်းက ဆိုင်ကယ် ခိုးသူ ၃ ဦးပုံနဲ့အတူ ဆိုင်ကယ်ပျောက်သူတွေ လာရောက်ထုတ်ယူဖို့ ကြောညာထားတာလို့ သိရပြီး ဒေသခံတွေက သွားမယူရဲကြဘူးလည်း ရှိနေတယ်လို့ သိရပါတယ်။

" ပျောက်တဲ့သူတွေက များတယ်။ ဆိုင်ကယ် က လိုင်စင်မရှိတဲ့ ဘီး ထိုင်းဘီး ဖြစ်နေတော့ သွားထုတ်မှ လိုင်စင်မဲ့ အမှုနဲ့ပါ ကပ်မှာစိုးရတယ်။ အရင်ကလည်း ခုလိုကိစ္စက ရှိဖူးတယ်။ လိုင်စင်မဲ့ဘီး ပျောက်တာ ရဲစခန်းမှာဖမ်းမိလို့ သွားထုတ်တာ လိုင်စင်မဲ့ဘီး မလို့ ပိုင်ရှင်ကိုပါအမှုပတ်တာ။ ဆိုင်ကယ် ပြန်မရဘဲနဲ့ အမှုမဖွင့်ဖို့ကို ၁၀ သိန်းပေးခဲ့ရဖူးတယ် " လို့ ဒေသခံတဦးက မြို့တော်ကို ပြောပါတယ်။

အေးသာယာရဲစခန်းက ဆိုင်ကယ် ခိုးယူသူ ၃ ဦးပုံနဲ့ ဆိုင်ကယ် ၈ စီးပုံကို ဖော်ပြထားတာဖြစ်ပြီး ဆိုင်ကယ်တွေ လာရောက်ထုတ်ယူဖို့ ပြောဆိုထားတာဖြစ်ပါတယ်။

တောင်ကြီးမြို့မှာ နေ့စဥ် ဆိုင်ကယ်ပျောက်သူတွေ တရက်ခြား တခါလောက်ဖြစ်နေတယ်လို့ သိရပြီး စျေးနဲ့ တက္ကသိုလ်ကျောင်းတွေ၊ နေအိမ်၊ စျေးဆိုင်ရှေ့ ရပ်ထားတဲ့ ဆိုင်ကယ်တွေ အခိုးခံရတာ အများဆုံးလို့ သိရပါတယ်။

" သူခိုးတွေက အဖွဲ့နဲ့ခိုးတာဖြစ်မယ်။ နေရာအတော်များများအခိုးခံရတာ။ ခု ၂ လလောက်ထဲတင် ပျောက်တာ အစီး ၂၀ လောက်ရှိတယ်။ ခုတွေ့တာက ၈ စီး ပဲ " လို့ နောက်ထပ်ဒေသခံတဦးက မြို့တော်ကို ပြောပါတယ်။

တောင်ကြီးမြို့ အေးသာယာ ရဲစခန်းမှာ ဖမ်းမိသူ ၃ ဦးကိုတော့ စစ်ကော်မရှင်က တရားစွဲဆိုထားတယ်လို့ သိရပြီး သူတို့နောက်က တခြား ကွင်းဆက်တရားခံတွေကိုလည်း လိုက်လံစုံစမ်းစစ်ဆေး နေတယ်လို့ ရဲ နဲ့ နီးစပ်သူတွေထံက စုံစမ်းသိရှိရပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
TikTok Channel - https://www.tiktok.com/
Telegram Channel - https://t.me/myotawnews

19/09/2025

အသက်(၁၂) နှစ်အရွယ် သမီးအရင်းကို အဓမ္မပြုကျင့်သူ အမျိုးသား ထောင်ဒဏ်အနှစ် ၄၀ ချမှတ်ခံရ

စက်တင်ဘာ ၁၉

ပဲခူးတိုင်း၊ တောင်ငူခရိုင်၊ ထန်းတပင်မြို့နယ်မှာ ဖြစ်ခဲ့တဲ့ သမီးအရင်းကို ဖခင်က အဓမ္မပြုကျင့်တဲ့ ပြစ်မှုကို မနေ့က စက်တင်ဘာလ ၁၈ ရက်နေ့က ထောင်အနှစ် ၄၀ ချမှတ်လ်ိုက်တယ်လို့ သိရပါတယ်။

ဇူလိုင်လ ၉ ရက်နေ့က ထန်းတပင်မြို့နယ်၊ ဇီးဖြူသောင်ကျေးရွာအုပ်စု၊ အောက်တင်းကုတ် ကျေးရွာမှာ ည ၁၀ နာရီခန့်က အသက် ၁၂ နှစ်အရွယ် သမီးဖြစ်သူ အိပ်ခန်းထဲ ဖုန်းကြည့်နေချိန် ဖခင်ဖြစ်သူက ခြင်ထောင်ထဲဝင်ကာ အဓမ္မပြုကျင့်ခဲ့ပြီး ဇနီးဖြစ်သူက လက်ပူးလက်ကြပ်မိလို့ တရားစွဲဆိုခဲ့တာလို့ သိရပါတယ်။

" ကလေးက ဖုန်းကြည့်နေတာကို အဖေက သားမယားပြုကျင့်တာ ကလေးရဲ့ဖုန်းကအသံက ပိတ်သွားလို့ မအေက မသင်္ကာတာနဲ့ အိပ်ခန်းထဲဝင်တော့ ခုလို တွေ့တာ။ အဲ့ဒါကြောင့် အမှုဖွင့်တိုင်ကြားတဲ့ ကိစ္စပါ။ စုစုပေါင်း ကလေးထွက်ဆိုတာက ၈ ကြိမ်။ လယ်ထဲမှာ လည်း ခဏခဏဖြစ်တယ်ပြောတယ်" လို့ ရဲနဲ့နီးစပ်သူတဦးက မြို့တော်ကို ပြောပါတယ်။

သမီးအရင်းကို အဓမ္မပြုကျင့်သူ အမျိုးသားကို တောင်ငူတရာရုံးက စက်တင်ဘာလ ၁၈ ရက်နေ့ မနေ့က ပုဒ်မ ၂ ခုနဲ့ အမိန့်ချလိုက်တယ်လို့ သိရပြီး စုစုပေါင်း အနှစ် ၄၀ လို့ သိရပါတယ်။

" မနေ့က တောင်ငူတရားရုံးက အမိန့်ချတယ်။ သူ့မိသားစုတွေ တယောက်မှမလာဘူး။ အထဲကျ အတော်ခံရလောက်တယ်။ အချုပ်ထဲတောင် ဝိုင်းရိုက်ထားတာ တကိုယ်လုံးရစရာမရှိဘူး " လို့ မျက်မြင်တွေ့ရှိသူတဦးကမြို့တော်ကို ပြောပါတယ်။

အဓမ္မပြုကျင့်သူ ကျော်သက် အသက် (၃၆) နှစ်ကို တောင်ငူတရားရုံးက ရာဇသတ်ကြီးပုဒ်မ ၃၇၆ (၁) အရ အလုပ်ကြမ်းနဲ့ ထောင်ဒဏ် (၂၀ နှစ်)၊ ရာဇသတ်ကြီးပုဒ်မ ၃၇၆(၁) အရ အလုပ်ကြမ်းနဲ့ ထောင်ဒဏ် (၂၀ နှစ်) တို့အား သီးခြားစီကျခံစေပြီး တောင်ငူခရိုင် တရားသူကြီး ဦးမိုးကြည်မောင်မှ ပုဒ်မတူသော်လည်း ပြစ်ဒဏ်နှစ် ကြီးအောင် ၂ ပိုင်းခွဲကာ အမိန့်ချလိုက်တာလို့ သိရပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
TikTok Channel - https://www.tiktok.com/
Telegram Channel - https://t.me/myotawnews

19/09/2025

ပြင်သစ် အစိုးရရဲ့ ချွေတာရေး မူဝါဒတွေကို ပြည်သူ ၅ သိန်းကျော် ဆန္ဒပြ

စက်တင်ဘာ ၁၉

ပြင်သစ်မှာ ဝန်ကြီးချုပ်သစ်က အသုံးစရိတ်လျှော့ချရေး အစီအစဉ်ကို တစိတ်တပိုင်း ပြန်လည် ရုပ်သိမ်းကြောင်း အရိပ်အယောင်ပြပြီးပေမယ့် အစိုးရရဲ့ ချွေတာရေး မူဝါဒတွေနဲ့ပတ်သက်ပြီး ပြင်သစ် တစ် နိုင်ငံလုံးမှာ ဆန္ဒပြပွဲတွေ ဆက်လက်ဖြစ်ပေါ်နေပါတယ်။

ဒါ့အပြင် ဆန္ဒပြသူအချို့ဟာလည်း လုံခြုံရေးတပ်ဖွဲ့တွေနဲ့ ထိပ်တိုက်တွေ့ခဲ့ကြပါတယ်။

အခုလို ဆန္ဒပြမှုတွေဟာ စက်တင်ဘာလ ၁၀ ရက်ကတည်းက စတင်ခဲ့ကြတာဖြစ်ပြီး ဆန္ဒပြပွဲတွေ ဖြစ် နေ ချိန်မှာပဲ ကာကွယ် ရေးဝန်ကြီးဟောင်း ဆီဘစတိန်း လီကော်နျု(Sebastien Lecornu) ဟာ ဝန်ကြီးချုပ်အဖြစ် ကျမ်းသစ္စာ ကျိန်ဆိုခဲ့ပါတယ်။

ဝန်ကြီးချုပ်သစ်အဖြစ်နဲ့ ပြောတဲ့မိန့်ခွန်းမှာ သူရဲ့ ရှေ့ပြေးရဲ့ ဘတ်ဂျက် လျှော့ချရေး မူဝါဒတချို့ကို ပြောင်းပြန်လှန်ဖို့ အရိပ်အမြွက် ပြောခဲ့ပါသေးတယ်။

ဒါပေမယ့် လူပေါင်း ၅ သိန်းကျော်ဟာ ကြာသပတေးနေ့က နိုင်ငံအနှံ့ ဆန္ဒပြပွဲတွေ ပြုလုပ်ခဲ့ကြကြောင်း ပြင်သစ်အာဏာပိုင်တွေက ပြောကြားခဲ့ပါတယ်။

ပါရီမြို့မှာ ဆန္ဒပြသူ ၅၅၀၀၀ ဦးခန့် စုဝေးခဲ့ကြပြီး အချို့ တက်ရောက်လာသူတွေဟာ သူတို့ရဲ့ ဘဝတိုး တက်လာစေဖို့ တောင်းဆိုတဲ့ ကြွေးကြော်သံတွေပါတဲ့ ဆိုင်းဘုတ်တွေကို ကိုင်ထားကြတာကို တွေ့ရပါတယ်။

အလုပ်သမား သမဂ္ဂတွေဟာအလုပ်သမားတွေကို အထွေထွေ သပိတ်မှောက်ဖို့ ခေါ်ယူထားတာကြောင့် ရထားလမ်းအချို့လည်း ယာယီပိတ်ထားရပါတယ်။

တချို့မြို့တွေမှာ ဆန္ဒပြသူတွေဟာ လုံခြုံရေးတပ်ဖွဲ့တွေနဲ့ ထိပ်တိုက်တွေ့ခဲ့ကြပြီး နိုင်ငံတစ်ဝှမ်း လုံးအတိုင်းအတာ နဲ့ လူပေါင်း ၃၀၀ ကျော်ကို ဖမ်းဆီးထားကြောင်း ပြင်သစ် ပြည်ထဲရေး ဝန်ကြီးဌာနက ပြောကြားခဲ့တာကို တွေ့ရပါတယ်။

အလုပ်သမား သမဂ္ဂ အကြီးတန်း ခေါင်းဆောင်တစ်ဦးက လူတွေက မူဝါဒ အပြောင်းအလဲကို လိုချင် တယ်၊ ဝန်ကြီးချုပ်သစ်ကို မဟုတ်ဘူးလို့ ပြောပါတယ်။ ဆိုလိုတာက သူတို့တွေဟာ ပိုမြင့်မားတဲ့ လစာ နဲ့ ပင်စင်ငွေတွေအပြင် မျှတတဲ့ အခွန်ကောက်မှုတွေကို လိုချင်တာလည်းဖြစ်ပါတယ်။Ref;NHK

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
Telegram Channel - https://t.me/myotawnews
TikTok Channel - https://www.tiktok.com/

19/09/2025

ဦးလေးဖြစ်သူက အသက်မပြည့်သေးတဲ့ မိန်းကလေးကို အဓမ္မပြုကျင့်ဖို့ကြိုးစားရာ ရပ်ကွက်နေပြည်သူတွေက ဝိုင်းဝန်းဖမ်းဆီး

⚫ရန်ကုန်တိုင်းမှာ ၂ ရက်ဆက်တိုက် အသက်မပြည့်သေးသူတွေ အဓမ္မပြုကျင့်ခံရမှုတွေ ဖြစ်ပွား

စက်တင်ဘာ ၁၉

ရန်ကုန်တိုင်း၊ ခရမ်းမြို့နယ်မှာ စက်တင်ဘာလ ၁၉ ရက် ဒီကနေ့မနက် အစောပိုင်း ၂ နာရီခန့်က ဦးလေးဖြစ်သူက အသက်မပြည့်သေးတဲ့ မိန်းကလေးကို အဓမ္မပြုကျင့်လို့ ရပ်ကွက်နေ ပြည်သူတွေက ဝင်ရောက်ဖမ်းဆီးခဲ့ရတယ်လို့ သိရပါတယ်။

ခရမ်းမြို့ အမှတ် (၈) ရပ်ကွက်မှာ ဖြစ်ခဲ့တာလို့ သိရပြီး အဒေါ်ရဲ့ ယောက်ျားဖြစ်သူ ဦးလေး တော်စပ်သူ ငစိုး အသက် (၄၀) ဝန်းကျင် က အဓမ္မပြုဖို့ ကြိုးစားခဲ့တာကြောင့် မိန်းကလေးက အော်ဟစ်ကာ အကူအညီတောင်းခဲ့ရာက အိမ်နီးချင်းတွေနိုးလာပြီး ဝိုင်းဝန်းဖမ်းဆီးခဲ့တာလို့ သိရပါတယ်။

" ည ၂ နာရီလောက် ကလေးမလေး အိပ်နေတာကို အဓမ္မကျင့်ဖို့လုပ်တာပေါ့။ အိမ်မှာက သူ့မိသားစုက မရှိဘူးပြောတယ်။ ကလေးမလေးတယောက်ထဲနေတာကို ပြုကျင့်ဖို့ လုပ်တာ။ ကလေးမလေးအော်လို့ ဘေးအိမ်တွေက ကြားပြီးလာကြလို့ တော်သေးတယ် " လို့ ဒေသခံတဦးက မြို့တော်ကို ပြောပါတယ်။

အလားတူ စက်တင်ဘာလ ၁၈ ရက်နေ့ကလည်း ရန်ကုန်တိုင်း၊ ဗိုလ်တထောင်မြို့နယ်၊ အနော်ရထာလမ်း နဲ့ ဗန္ဓုလလမ်းကြား က ၄၈ လမ်းရှိ ကားပါကင်အနောက်ဘက်မှာ အသက် ၄ နှစ်အရွယ် မိန်းကလေးငယ်တဦးက အဓမ္မပြုကျင့်ခံရတဲ့ အခြေနေတွေနဲ့တွေ့ရှိပြီး ဆေးရုံကိုပို့လိုက်ရတယ်လို့ သိရပါတယ်။

" ကလေးလေးကိုမေးတော့ ဦးဦးတယောက်က ပေးသွားတာ အရုပ်ကို ဆိုပြီး လက်ထဲကအရုပ်လေးပြတယ်။ လူရင်းထဲက လုပ်သွားတာဖြစ်မယ်။ ခြေထောက်နဲ့ လက်မှာ သွေးစတွေတွေ့တယ်။ မြို့နယ်က ဆရာဝန်မက ဆေးရုံကြီးကို လွှတ်တယ်။ ဆေးရုံကြီးက ကလေးဆေးရုံကိုပြန်လွှဲတယ် " လို့ ဒေသခံတဦးရဲ့ ပြောဆိုချက်အရ သိရပါတယ်။

လတ်တလောမှာ အဆိုပါကလေးငယ်ကို ဟယ်လ်ပင်ကလေးဆေးရုံကြီးကို ပို့ကာ ဆေးစစ် ကုသနေတယ်လို့ သိရပြီး ကူညီသူတွေဟာ ကလေးငယ် မိဘတွေနဲ့လည်း ချိတ်ဆက်မှုရရှိပြီလို့သိရပါတယ်။

ကလေးငယ်ရဲ့ဖြစ်စဉ်ကို ရဲတပ်ဖွဲ့က CCTV မှတ်တမ်းတွေကို လိုက်လံစစ်ဆေးပြီး ကျူးလွန်သူ တရားခံကို ရှာနေတယ်လို့ ဒေသတွင်း သတင်းအရင်းမြစ်တွေထံက သိရပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
TikTok Channel - https://www.tiktok.com/
Telegram Channel - https://t.me/myotawnews

19/09/2025

စစ်တပ်ထဲကနောက်ဆုံးလက်ကျန် ဗိုလ်ချုပ်ကြီး ၅ ဦး

သတင်းအပြည့်အစုံ Youtube မှာ ကြည့်ရှုရန် >>> https://youtu.be/701vTZKkS-Y

စတုတ္ထမျိုးဆက်တပ်မတော်ကို DSA-35 ကနေ DSA-42 အကြားနဲ့ OTC-23 ကနေ 25 အကြားက အရာရှိကြီးတွေက ဦးဆောင်လာနိုင်ပါတယ်။ ဒါပေမဲ့ မထင်မှတ်တာတွေ ထလုပ်တတ်ပြီး အရည်အချင်းထက် သစ္စာခံနိုင်မှုကိုသာ အလေးပေးတတ်တဲ့ စစ်ခေါင်းဆောင်ကြောင့် စစ်ကော်မရှင်ကပြုလုပ်မယ့် ရွေးကောက်ပွဲမတိုင်မီနဲ့ ရွေးကောက်ပွဲအလွန်ကာလတွေမှာ စစ်တပ်တွင်းရာထူးနေရာများစွာဟာ မထင်မှတ်တဲ့ အပြောင်းအလဲတွေ ဖြစ်ပေါ်အုံးမှာ အသေအချာဖြစ်ပါတယ်။

မြို့တော် News Channel

စစ်တပ်ထဲကနောက်ဆုံးလက်ကျန် ဗိုလ်ချုပ်ကြီး ၅ ဦးစတုတ္ထမျိုးဆက်တပ်မတော်ကို DSA-35 ကနေ DSA-42 အကြားနဲ့ OTC-23 ကနေ 25 အကြားက အရ....

19/09/2025

KNLA ရဲ့ ပူးပေါင်းတပ်ဖွဲ့တွေနဲ့ အာဏာသိမ်းစစ်တပ်တို့ တိုက်ပွဲဖြစ်ပွားပြီး စစ်တပ်ဘက်မှ ၂ ဦးသေဆုံးကာ လက်နက်ခဲယမ်းတွေသိမ်းဆည်းရမိ

စက်တင်ဘာ ၁၉
‎
‌‎ကေအဲန်ယူ-ကရင်အမျိုးသားအစည်းအရုံး၊ မြိတ်-ထားဝယ်ခရိုင်၊ တနောသရီမြို့နယ်(တနင်္သာရီ) ထိုင်း-မြန်မာ မောတောင်နယ်စပ် ကုန်သွယ်ရေးလမ်းရှိ သိန်းခွန်း‌ကျေးရွာအနီးဝန်းကျင်မှာ စက်တင်ဘာလ ၁၈ ရက် မနက် ၈ နာရီဝန်းကျင်ခန့်က အာဏာသိမ်းစစ်တပ်နဲ့ (KNLA)ကရင်အမျိုးသားလွတ်မြောက်ရေး တပ်မတော်၊ တပ်မဟာ(၄) လက်အောက်ခံ၊ တပ်ရင်း(၁၁)၊ တော်လှန်ရေးပူးပေါင်းတပ်ဖွဲ့တို့ တိုက်ပွဲဖြစ်ပွားခဲ့တယ်လို့ KNU မြိတ်-ထားဝယ်ခရိုင် က သတင်းထုတ်ပြန်ထားပါတယ်။

အပြန်အလှန်ထိတွေ့ ပစ်ခတ်မှုတွေ ဖြစ်ပွားခဲ့ပြီး အာဏာသိမ်းစစ်တပ်ဘက်က ၂ ဦးသေဆုံးကာ ၂ ဦးထိခိုက်ဒဏ်ရာရရှိခဲ့တယ်လို့လည်း ထုတ်ပြန်ချက်အရ သိရပါတယ်။

ဒါ့အပြင် တိုက်ပွဲအတွင်း MA-1 သေနတ် တစ်လက်၊ လက်ပစ်ဗုံး ၁ လုံး၊ ကျည် ၁၀၀ တောင့်နဲ့ ကျည်ဘောက် ၄ ခုကိုလည်း တော်လှန်ရေးတပ်ဖွဲ့တွေက သိမ်းဆည်းရရှိခဲ့တယ်လို့ သိရပါတယ်။

အဆိုပါ တိုက်ခိုက်မှုကို (KNLA)ကရင်အမျိုးသားလွတ်မြောက်ရေး တပ်မတော်၊ တပ်မဟာ (၄) လက်အောက်ခံ၊ တပ်ရင်း(၁၁) နဲ့ တော်လှန်ရေးပူးပေါင်း တပ်ဖွဲ့‌တွေက ပူးပေါင်း လုပ်ဆောင်ခဲ့တာဖြစ်တယ်လို့ သိရပါတယ်။

ဒါ့အပြင် ပြီးခဲ့တဲ့ စက်တင်ဘာလ ၁၁ ရက်နေ့ကလည်း အဆိုပါ မောတောင်နယ်စပ် ကုန်သွယ်ရေးလမ်းရှိ သိန်းခွန်း‌ကျေးရွာအနီးဝန်းကျင်ကို စစ်ကြောင်းထိုး ဝင်ရောက်လာတဲ့ အာဏာသိမ်းစစ်တပ် တပ်ဖွဲ့ဝင်တွေနဲ့ တော်လှန်ရေးပူးပေါင်းတပ်ဖွဲ့တွေ တိုက်ပွဲဖြစ်ပွားခဲ့ပြီး စစ်တပ်ဘက်က စစ်သား ၁၀ ဦးထက်မနည်း ထိခိုက်သေဆုံးကာ MA1 အမျိုးအစား သေနတ် ၂ လက်၊ MA 3 အမျိုးအစား သေနတ် ၁ လက်၊ လက်ပစ်ဗုံး ၂ လုံး ၊ ကျည် ၆၅၉ တောင့် ၊ ခွဲဗုံး ၂ လုံးနှင့် ကျည် ဘောက် ၂၁ ခုကို သိမ်းဆည်းရရှိခဲ့တယ်လို့လည်း သိရပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
TikTok Channel - https://www.tiktok.com/
Telegram Channel - https://t.me/myotawnews

19/09/2025

အာဏာသိမ်းစစ်တပ် တပ်ဖွဲ့ဝင်တွေရဲ့ ကင်းပုန်း ၂ ခု တိုက်ခိုက်ခံရပြီး စစ်တပ်ဘက်မှ ၄ ဦးသေဆုံး

စက်တင်ဘာ ၁၉

မွန်ပြည်နယ်၊ သံဖြူဇရပ်မြို့နယ်မှာ စက်တင်ဘာလ ၁၈ ရက်နေ့ မနက် ၁၀နာရီ ဝန်းကျင်ခန့်က အာဏာသိမ်းစစ်တပ် တပ်ဖွဲ့ဝင်တွေ ကင်းပုန်း ၂ ခု တိုက်ခိုက်ခံရပြီး စစ်တပ်ဘက်မှ ၄ ဦးသေဆုံးခဲ့တယ်လို့ Mon State Revolutionary Force -MSRF က ထုတ်ပြန်ထားပါတယ်။

သံဖြူဇရပ်မြို့နယ်၊ အနင်းကျေးရွာ ဘူတာအနီးရှိ အာဏာသိမ်းစစ်တပ် တပ်ဖွဲ့ဝင်တွေ ကင်းပုန်းနဲ့ ထင်းရှူးဘူတာနားရှိ ကင်းပုန်းကို တော်လှန်ရေး ပူးပေါင်းတပ်ဖွဲ့တွေက တိုက်ခိုက်ခဲ့တာလို့ Mon State Revolutionary Force -MSRF ရဲ့ ထုတ်ပြန်ချက်အရ သိရပါတယ်။

မနက်ပိုင်း အနင်းကျေးရွာ ဘူတာအနီးရှိစစ်တပ်ကင်းပုန်းတိုက်ခိုက်မှုမှာ စစ်တပ်ဘက်မှ ၄ ဦးသေဆုံးပြီး နေ့လယ် ၁ နာရီဝန်းကျင်ခန့်က ထင်းရှူးဘူတာနားရှိ စစ်တပ်ကင်းပုန်းတိုက်ခိုက်မှုမှာ စစ်တပ်ဘက်မှ ထိခိုက်သေဆုံးမှုတွေ ရှိခဲ့တယ်လို့ သိရပြီး တော်လှန်ရေးတပ်ဖွဲ့တွေက အထိခိုက်မရှိ အောင်မြင်စွာ ဆုတ်ခွာနိုင်ခဲ့တယ်လို့ ဆိုပါတယ်။

အဆိုပါ တိုက်ခိုက်မှုကို မွန်ပြည်ဖက်ဒရယ်ကောင်စီ (MSFC) ကာကွယ်ရေးဌာန မှ တပ်တွေဖြစ်တဲ့ မွန်ပြည်တော်လှန်ရေးတပ် (MSRF)နဲ့ ရေးပြည်သူ့ကာကွယ်ရေးတပ် (YPDF)၊ ရာမညတပ်တော် (RMA)၊ KNLAတပ်ရင်း (၂၇) တပ်ခွဲ (၁)၊ ဗျူဟာ ၃၃ ဒေါနချေမှုန်းရေးတပ်ခွဲနဲ့ တပင်ရွှေထီးတို့မှ ပူးပေါင်းလုပ်ဆောင်ခဲ့တယ်လို့ သိရပါတယ်။

ပြီးခဲ့တဲ့ စက်တင်ဘာလ ၁၆ ရက်နေ့ကလည်း နှစ်ကရင်ရွာ လမ်းဆုံအနီးရှိ ရထားလမ်းဘေးမှာ ကင်းပုံးဝပ်နေတဲ့ အာဏာသိမ်းစစ်တပ် တပ်ဖွဲ့ဝင်တွေကင်းပုန်းကို တော်လှန်ရေးပူးပေါင်းတပ်ဖွဲ့တွေက ဒရုန်းနဲ့ ဗုံးသီး ၂ လုံးကြဲချတိုက်ခိုက်ခဲ့ရာ စစ်တပ်ဘက်မှ ထိခိုက်သေဆုံးမှုတွေ ရှိခဲ့တယ်လို့ သိရပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
TikTok Channel - https://www.tiktok.com/
Telegram Channel - https://t.me/myotawnews

19/09/2025

အသက် ၄ နှစ်အရွယ် မိန်းကလေးငယ်တဦးကို အဓမ္မပြုကျင့်ခံရတဲ့ အခြေအနေနဲ့တွေ့ရှိတဲ့သတင်းနှင့်အတူ မြို့တော်ရဲ့မနက်ခင်းသတင်းတင်ဆက်မှု

၂၀၂၅ ခုနှစ် စက်တင်ဘာလ ၁၉ ရက်နေ့ သတင်းများ နားဆင်နိုင်ပါပြီ

Youtube မှာ ကြည့်ရှုရန် >>> https://youtu.be/S7jzh7wDlEM

မြို့တော် News Channel

အသက် ၄ နှစ်အရွယ် မိန်းကလေးငယ်တဦးကို အဓမ္မပြုကျင့်ခံရတဲ့ အခြေအနေနဲ့တွေ့ရှိတဲ့သတင်းနှင့်အတူ မြို့တော်ရဲ့မန...

19/09/2025

စစ်ကော်မရှင်ကို ဆန့်ကျင်တဲ့ အဖွဲ့အစည်းတွေကို ရုံးဖွင့်လှစ် ခွင့်ပြုမှာမဟုတ်ကြောင်း တီ မော ဝန်ကြီးပြော

စက်တင်ဘာ ၁၉

တီမောလက်စ်တေ ဒီမိုကရက်တစ်သမ္မတနိုင်ငံ နိုင်ငံခြားရေးနဲ့ ပူးပေါင်းဆောင်ရွက်ရေးဝန်ကြီး မစ္စတာ ဘန်ဒီတို ဒို့စ် ဆန်းတို့စ် ဖရိတ်တက်စ်ဟာ စစ်ကော်မရှင် နိုင်ငံခြားရေးဝန်ကြီး ဦးသန်းဆွေနဲ့တွေ့ဆုံစဉ် စစ်ကော်မရှင်ကို ဆန့်ကျင်တဲ့ အဖွဲ့အစည်းတွေကို ရုံးဖွင့်လှစ်ခြင်းကို ခွင့်ပြုမှာမဟုတ်ကြောင်း ပြောဆို ခဲ့ပါတယ်။

တီမောလက်စ်တေဒီမိုကရက်တစ်သမ္မတနိုင်ငံ နိုင်ငံခြားရေးနဲ့ ပူးပေါင်းဆောင်ရွက်ရေးဝန်ကြီး မစ္စတာ ဘန်ဒီတို ဒို့စ် ဆန်းတို့စ် ဖရိတ်တက်စ် ဦးဆောင်တဲ့ ကိုယ်စားလှယ်အဖွဲ့ဟာ စက်တင်ဘာလ ၁၇ ရက်မှ ၁၉ ရက်အထိ မြန်မာနိုင်ငံကို အလုပ် သဘော ခရီးစဉ် လာရောက်ခဲ့တာဖြစ်ပါတယ်။

ခရီးစဉ်အတွင်း စစ်ကော်မရှင်နိုင်ငံခြားရေးဝန်ကြီး ဦးသန်းဆွေနဲ့ တီမောလက်စ်တေ နိုင်ငံခြားရေးနဲ့ ပူးပေါင်းဆောင်ရွက်ရေးဝန်ကြီး မစ္စတာဘန်ဒီတိုဒို့စ်ဆန်းတို့စ်ဖရိတ်တက်စ်တို့ ဦးဆောင်တဲ့နှစ် ဖက် ကိုယ် စားလှယ်တွေဟာ မနေ့ကမနက် ၁၀ နာရီမှာ နေပြည်တော်ရှိ စစ်ကော်မရှင် နိုင်ငံခြားရေးဝန်ကြီး ဌာနမှာ နှစ်နိုင်ငံကိစ္စရပ်များ ဆွေးနွေးမှု ပြုလုပ်ခဲ့ကြပါတယ်။

အဲ့ဒီလို တွေ့ဆုံဆွေးနွေးစဉ် နှစ်နိုင်ငံဆက်ဆံရေးကို အာဆီယံပဋိညာဉ်၊ အခြေခံမူများ၊ စံနှုန်း သတ် မှတ် ချက်များနဲ့ အညီ တစ်နိုင်ငံရဲ့ ပြည်တွင်းရေးကို တစ်နိုင်ငံက ဝင်ရောက်စွက်ဖက်မှု မပြုဘဲ နှစ်နိုင်ငံ သံတမန်ဆက်ဆံရေးကို တိုးမြှင့်သွားကြဖို့ အလေးထား ဆွေးနွေးသဘောတူခဲ့ကြောင်း စစ်ကော်မရှင်ဘက်က သတင်းထုတ်ပြန်ခဲ့ပါတယ်။

ဒါ့အပြင် တီမောလက်စ်တေနိုင်ငံအနေနဲ့ မြန်မာစစ်ကော်မရှင်ကို ဆန့်ကျင်တဲ့ အဖွဲ့အစည်းတွေ ကို ရုံးဖွင့်လှစ်ခြင်း၊ တရားမဝင် ဆန့်ကျင်တဲ့ လှုပ်ရှားမှုတွေ ဆောင်ရွက်ခြင်းတွေ ခွင့်ပြုမှာမဟုတ်ကြောင်း နဲ့ မြန်မာစစ်ကော်မရှင်အား တီမောလက်စ်တေနိုင်ငံမြို့တော် ဒီလီမှာ မြန်မာသံရုံး လာရောက် ဖွင့်လှစ်ဖို့ ကမ်းလှမ်းခဲ့တယ်လို့သိရပါတယ်။

အလားတူ အာဆီယံနိုင်ငံများအကြား ချုပ်ဆိုကြထားကြတဲ့ နှစ်နိုင်ငံ သံတမန် နဲ့ အထူးနိုင်ငံကူး လက်မှတ် ကိုင်ဆောင်သူတွေ အတွက် ပြည်ဝင် ဗီဇာကင်းလွတ်ခွင့် သဘောတူစာချုပ် လက်မှတ် ရေးထိုးနိုင်ရေးအတွက်လည်းကောင်း၊ နှစ်နိုင်ငံအကြား ခရီးသွားလုပ်ငန်း တိုးမြှင့်ရေးအတွက် ပြည်ဝင် ဗီဇာ ကင်းလွတ်ခွင့် သဘောတူစာချုပ်တို့ကို ချုပ်ဆိုနိုင်ရေးကိုလည်းကောင်း ဆွေးနွေးခဲ့ကြတယ်လို့ စစ်ကော်မရှင်ဝါဒဖြန့်သတင်းဌာနတွေက ဖော်ပြထားကြ တာ ကို တွေ့ရပါတယ်။

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
Telegram Channel - https://t.me/myotawnews
TikTok Channel - https://www.tiktok.com/

18/09/2025

ရဲစခန်းစီးနင်းတိုက်ခိုက်ခံရပြီး ရဲ ၆ ဦးသေဆုံးကာ ၆ ဦးအရှင်ဖမ်းဆီးရမိတဲ့ သတင်းနှင့်အတူ မြို့တော်ရဲ့ နေ့စဉ်သတင်းတင်ဆက်မှု

၂၀၂၅ ခုနှစ် စက်တင်ဘာလ ၁၈ ရက်နေ့ သတင်းများ နားဆင်နိုင်ပါပြီ

YouTube မှာ ကြည့်ရှုရန် >>> https://youtu.be/5381Xx3ZIeY

မြို့တော် News Channel

page - https://www.facebook.com/MyoTawMedia
YouTube Channel - https://www.youtube.com/
TikTok Channel - https://www.tiktok.com/
Telegram Channel - https://t.me/myotawnews

18/09/2025

ရဲစခန်းစီးနင်းတိုက်ခိုက်ခံရပြီး ရဲ ၆ ဦးသေဆုံးကာ ၆ ဦးအရှင်ဖမ်းဆီးရမိတဲ့ သတင်းနှင့်အတူ မြို့တော်ရဲ့ နေ့စဉ်သတင်းတင်ဆက်မှု

၂၀၂၅ ခုနှစ် စက်တင်ဘာလ ၁၈ ရက်နေ့ သတင်းများ နားဆင်နိုင်ပါပြီ

YouTube မှာ ကြည့်ရှုရန် >>> https://youtu.be/5381Xx3ZIeY

မြို့တော် News Channel

ရဲစခန်းစီးနင်းတိုက်ခိုက်ခံရပြီး ရဲ ၆ ဦးသေဆုံးကာ ၆ ဦးအရှင်ဖမ်းဆီးရမိတဲ့ သတင်းနှင့်အတူ မြို့တော်ရဲ့ နေ့စဉ်သ....