เว็บไซต์คืออะไร?

https://www.facebook.com/107178188976596/

Labor Focus, Mae Sot (2026)

01/05/2026

ယနေ့ ကျရောက်သော ၁၃၆ ကြိမ်မြောက် အပြည်ပြည်ဆိုင်ရာ အလုပ်သမားနေ့တွင် ပြည်တွင်းအခြေပြု အလုပ်သမားသမဂ္ဂအဖွဲ့ချုပ်များနှင့်အလုပ်သမားအဖွဲ့အစည်းများ၏ မေဒေးနေ့ အတွက် ထုတ်ပြန်ချက်အဖြစ်

၁။အလုပ်သမားများအား အတင်းအဓမ္မစစ်မှုထမ်းစာရင်းသွင်းခြင်း၊ ဖမ်းဆီးခြင်း၊ ပေါ်တာဆွဲခြင်းနှင့်လုပ်ငန်းခွင် အတင်းအဓမ္မခိုင်းစေခြင်းလုပ်ရပ်များ ရပ်တန့်ရေး။
၂။အလုပ်သမားအဖွဲ့စည်းများလွတ်လပ်စွာ ဖွဲ့စည်းခွင့်၊လှုပ်ရှားခွင့်ရရှိရေး နှင့် yellow unionဖွဲ့စည်း
နေမှုများ ရပ်တန့်ရေး။
၃။မတရား ဖမ်းဆီးခံ အလုပ်သမားများနှင့် နိုင်ငံရေး အကျဉ်းသားများ ခြွင်းချက်မရှိ လွှတ်ပေးရေး။
၄။လူ့အခွင့်အရေးစံနှုန်းနှင့်အညီ လုံခြုံသော လုပ်ငန်းခွင်များ ပေါ်ပေါက်ရေး။
၅။နိုင်ငံတကာ Brandများမှ နိုင်ငံတကာစံနှုန်းများနှင့်အညီ ဖူလုံသောလုပ်အားခများရရှိရန်
တာဝန်ယူပေးရေး။
၆။ရွှေ့ပြောင်းလုပ်သားများ ဘေးကင်းစွာအလုပ်လုပ်ခွင့်ရရှိရေးနှင့် ဖမ်းမိလုပ်သားများအား စစ်မှုထမ်းရန် ပြန်လည် ပို့ဆောင်နေမှုများအား ကာကွယ်ပေးရေး စသည့် အချက်(၆)ချက်အား စု‌ေပါင်းတောင်းဆို
ထုတ်ပြန်လိုက်ဟု သိရသည်။
#အလုပ်သမား

08/03/2026

၂၀၂၆ ခုနှစ် နိုင်ငံတကာအမျိုးသမီးများနေ့ အထိမ်းအမှတ်အဖြစ် အမျိုးသမီးအဖွဲ့အစည်းများနှင့်အလုပ်သမားအဖွဲ့စည်းများ စုပေါင်းကား ရာသီသွေးတရားမျှတမှုဆိုင်ရာ လှုပ်ရှားမှုကို ပြုလုပ်ခဲ့ကြသည်။အဆိုပါလှုပ်ရှားမှုရဲ့ အဓိကအနေဖြင့် စစ်အုပ်စု မှ ရာသီးသွေးကာလတွင်အသုံးပြုသော အမျိုးသမီးလစဉ်သုံး ပစ္စည်းများ ပိတ်ဆို့ တားဆီးထားမှုများကြောင့် စစ်ရှောင်ဒေသနှင့် ပဠိပက္ခဖြစ်ပွားရာဒေသများရှိ အမျိုးသမီးများမှာ ကျန်းမာရေးဆိုင်ရာ အခက်အခဲများ များစွာရင်ဆိုင်နေကြရသည်။ ထို့အတွက်ကြောင့် စစ်အုပ်စုရဲ့ အမျိုးသမီးလစဉ်သုံးပစ္စည်းများပိတ်ဆို့ထားမှုအား နိုင်ငံတကာကသိရှိနိုင်ရန် အဆိုပါလှုပ်ရှားမှုကိုပြုလုပ်ခဲ့ကြသည်ဟု သိရသည်။

၂၀၂၆ ခုနှစ် နိုင်ငံတကာအမျိုးသမီးများနေ့ အထိမ်းအမှတ် ထုတ်ပြန်ချက် | ♦️“Let it Flow - စီးဆင်းပါစေ”♦️ ရာသီသွေးတရားမျှတမှုဆိုင်ရာ လှုပ်ရှားမှု
မတ်လ (၆) ရက်၊ ၂၀၂၆ ခုနှစ်
Let It Flow - Menstrual Justice Movement (စီးဆင်းပါစေ ရာသီသွေးတရားမျှတမှုဆိုင်ရာ လှုပ်ရှားမှု)သည် ၂၀၂၆ ခုနှစ် မတ်လ (၈) ရက်နေ့တွင် ကျရောက်သည့် အပြည်ပြည်ဆိုင်ရာ အမျိုးသမီးများနေ့ကို ဂုဏ်ပြုသောအားဖြင့် အဖွဲ့အစည်း (၁၀) ဖွဲ့က ပူးတွဲဆောင်ရွက်သည့် လှုပ်ရှားမှုဖြစ်သည်။ ယခု လှုပ်ရှားမှုအား ၂၀၂၆ ခုနှစ် မတ်လ တွင် ဒေသအသီးသီး၌ ပြုလုပ်သွား မည်ဖြစ်သည်။
ငါတို့ထဘီ၊ ငါတို့အလံ၊ ငါတို့အောင်ပွဲ ။
ရာသီသွေးဟာ လူ့အသက်သွေး၊
#လစဥ်သုံးပစ္စည်းပိတ်ဆို့မှုချက်ခြင်းရပ်။
ရာသီသွေးဆိုင်ရာစောင့်ရှောက်ခြင်းဟာ ကျန်းမာရေးစောင့်ရှောက်ခြင်း။
ရာသီသွေးဆိုင်ရာကျန်းမာရေးဟာ အခြေခံလူ့အခွင့်အရေး။

12/02/2026

လုပ်ငန်းရှင်များကို အခွင့်အရေးပိုပေးထားသည့် အိန္ဒိယဗဟိုအစိုးရ၏ မူဝါဒအား အလုပ်သမားသမဂ္ဂများ နိုင်ငံအနှံ့ ဆန့်ကျင်ဆန္ဒပြ
ဖေဖဝါရီ ၁၂၊၂၀၂၆
အိန္ဒိယဗဟိုအစိုးရက ဖော်ဆောင်နေသည့် စီးပွားရေးနှင့် အလုပ်သမားရေးရာ မူဝါဒသစ်များသည် အလုပ်သမားထု၏အခွင့်အရေးများကို လျော့ပါးစေပြီး ကော်ပိုရိတ်ကုမ္ပဏီကြီးများကိုသာ အကျိုးပြုနေသည်ဆိုကာ အလုပ်သမားသမဂ္ဂများက ယနေ့ (ဖေဖော်ဝါရီလ ၁၂ ရက်) တွင် နိုင်ငံအနှံ့ ကန့်ကွက်ဆန္ဒပြနေကြသည်။
ဥပဒေသစ်အရ အလုပ်သမား ၃၀၀ အထိရှိသော လုပ်ငန်းများသည် အစိုးရခွင့်ပြုချက်မလိုဘဲ အလုပ်သမားများကို အလုပ်ဖြုတ်ခွင့် ရရှိခြင်းကြောင့် အလုပ်အကိုင် လုံခြုံမှုမရှိဟုဆိုကာ သမဂ္ဂများက ကန့်ကွက်ကြခြင်းဖြစ်သည်။ ထို့အပြင် တစ်နေ့အလုပ်ချိန်ကို ၁၂ နာရီအထိ တိုးမြှင့်သတ်မှတ်ခွင့် ပေးလိုက်ခြင်းသည်လည်း လုပ်အားခေါင်းပုံဖြတ်မှု ဖြစ်သည်ဟု အလုပ်သမားများကဝေဖန်နေကြသည်။
ကုန်ဈေးနှုန်းကြီးမြင့်မှုနှင့်အညီ အနည်းဆုံး လုပ်ခလစာကို တစ်လလျှင် ၂၆,၀၀၀ ရူပီးအထိ တိုးမြှင့်ပေးရန် တောင်းဆိုထားရာ အစိုးရက လျစ်လျူရှုထားသည်ကိုလည်း အလုပ်သမားများက ကန့်ကွက်နေကြသည်။
ဖေဖော်ဝါရီလ ၁၂ ရက် နံနက်ပိုင်းတွင် တစ်နိုင်ငံလုံး အတိုင်းအတာဖြင့် အထွေထွေသပိတ်ကို စတင်ခဲ့ကြောင်း အိန္ဒိယနိုင်ငံလုံးဆိုင်ရာ ကုန်သွယ်ရေးသမဂ္ဂ ကွန်ဂရက် (AITUC) ၏ အထွေထွေအတွင်းရေးမှူး အမာဂျစ် ကောရ်က ထုတ်ပြန်ခဲ့သည်။ ၎င်းကအာသံ၊ တမီလ်နာဒူး၊ ပွန်ဒီချယ်ရီ၊ ကီရာလာ၊ အိုဒီးရှားနှင့် ဘီဟာ အပါအဝင် ပြည်နယ်အသီးသီးမှ ဆန္ဒပြမှု သတင်းအစီရင်ခံစာများကို လက်ခံရရှိထားကြောင်း ပြောသည်။
(Photo − AFP)
#မြန်မာအလုပ်သမား

#ရွှေ့ပြောင်း

12/02/2026

လက်တလော ထိုင်း - မြန်မာ ရိုက်နှပ်မှုများကောင့် အလုပ်မဆင်းရဲသည့် မြန်မာအလုပ်သမား ၂၃ ဦး အလုပ်ထုတ်ခံရ
ဇေဖဝါရီ ၁၂ ၊၂၀၂၆
ထိုင်းနိုင်ငံ စာမွတ်ပရကန်ခရိုင် တွင် ဇန်နဝါရီလအတွင်း ဖြစ်ပျက်ခဲ့သည့် ထိုင်းနိုင်ငံသားအချို့ နှင့် မြန်မာနိုင်ငံသားအချို့အကြား ဖြစ်ပွားခဲ့သည့် ပဋိပက္ခအရှိန်ကြောင့် ထိုင်းနိုင်ငံအတွင်းခရိုင် တစ်ချို့တွင် မြန်မာနိုင်ငံသားများအပေါ်အကြောင်းမဲ့ ရိုက်နှက်ခြင်းများပွားခဲ့သည်ကို social မီဒီများမှ တစ်ဆင့် မြင်တွေ့ခဲ့ရပြီးဖြစ်သည်။
ယင်းပဋိပက္ခကြောင့် မြန်မာနိုင်ငံသားများအားအကြောင်းမဲ့ ရိုက်နှက်ခြင်းများပြုမှုနေသည့် ထိုင်းနိုင်ငံသားအချို့ ဇန်နဝါရီလ ၂၈ရက်နေ့တွင် စမွတ်ပကန်နယ်မြေ အတွင်း မြန်မာလုပ်သားများ နေထိုင်ရာနေရာ အချို့သို့လာမည်ဟု သိရသဖြင့် ယင်းခရိုင်အတွင်း အွန်လိုင်းပစ္စည်းရုံတစ်ခုတွင် အလုပ်လုပ်ကိုင်နေကြသည့် မြန်မာလုပ်သား ၂၃ဦးသည် လုပ်ငန်းရှင်သူဌေးထံ၌ အလုပ်နားရန်အတွက် အသနားခံကာ အလုပ်နားခဲ့ကြသည်။ နောက်နေ့အလုပ်ပြန်ဆင်းသည့်အခါ၌ ရုတ်တရက်အလုပ်ထုတ်ခံလိုက်ရသည်ဟု မြန်မာလုပ်သားများထံမှသိရသည်။
ထို့ကြောင့် MHAC မဟာမိတ်အဖွဲ့ထံလာရောက်အကူအညီတောင်းခံလာသည့်အတွက် ဖေဖော်ဝါရီလ ၄ရက်နေ့တွင် နစ်နာသူမြန်မာလုပ်သားများနှင့်တွေ့ဆုံကာ သက်ဆိုင်ရာ နယ်မြေခံ အလုပ်သမားကာကွယ်စောင့်ရှောက်ရေးရုံး(ဆဝါဒီကန်) ၌ ထိုင်းဥပဒေနဲ့အညီ ကူညီဆောင်ရွက်မှုများ လုပ်ဆောင်ပေးခဲ့သည်ဟု ထိုအဖွဲ့ထံမှသိရသည်။
Photo

#ပြည်ပရောက်ရွှေမြန်မာ
#ရွှေ့ပြောင်း
#မြန်မာအလုပ်သမား

09/02/2026

ထိုင်း-ကမ္ဘောဒီးယား နယ်စပ်မှ သွေးဆောင်ဖြားရောင်းခံရသော တရားမဝင်မြန်မာအလုပ်သမားများအပါအဝင် ၂၀ ဦး ဖမ်းဆီးခံရ
ဖေဖော်ဝါရီ ၈၊ ၂၀၂၆
ထိုင်းအာဏာပိုင်များက ယမန်နေ့နံနက် အာရန္တပရက် ထိုင်း-ကမ္ဘောဒီးယားနယ်စပ် သဘာဝကြံခင်းလမ်းကြောင်းမှ တရားမဝင်ဝင်ရောက်လာသည့် အလုပ်သမား ၂၀ ဦးကို ဖမ်းဆီးခဲ့တယ်လို့ သိရသည်။
အရှေ့ပိုင်းတိုင်းစစ်ဌာနချုပ်မှ လုံခြုံရေးကင်းလှည့်စဉ် ဆာကေအိုပြည်နယ်၊ ခလုန်နမ်ဆိုင်းမြို့နယ်၊ ဘန်ကွတ်ဟင်းကျေးရွာအနီးတွင် လူစုတစ်စုအား သတိပြုမိခဲ့ပြီး ဖမ်းဆီးစစ်ဆေးခဲ့ရာတွင် ၁၆ ဦးမှာ မြန်မာနိုင်ငံသားများဖြစ်ပြီး ၄ ဦးမှာ ကမ္ဘောဒီးယားနိုင်ငံသားများ ဖြစ်ကြောင်း သိရသည်။ အများစုတွင် ဥပဒေနှင့်အညီ ဝင်ရောက်ရန် လိုအပ်သော မည်သည့်စာရွက်စာတမ်းမျှ မရှိခဲ့ပေ။
မြန်မာနိုင်ငံသားများရဲ့ ထွက်ဆိုချက်အရ ၎င်းတို့အား ထိုင်းနိုင်ငံရှိ စားသောက်ဆိုင်များတွင် အလုပ်လုပ်ရန် လစာ ဘတ်ငွေ ၁၀,၀၀၀ မှ ၁၅,၀၀၀ အထိ ကတိပေးကာ အွန်လိုင်းမှတစ်ဆင့် သွေးဆောင်ခေါ်ယူခဲ့ခြင်းဖြစ်ပြီး ထိုအလုပ်အတွက် လူကုန်ကူးသူထံ ဘတ်ငွေ ၃၆,၀၀၀ မှ ၄၀,၀၀၀ အထိ ပေးဆောင်ရမည်ဟု သိရသည်။
ကမ္ဘောဒီးယားနိုင်ငံသားများမှာမူ ယခင်က ရေယွန်ပြည်နယ်တွင် ဆောက်လုပ်ရေးလုပ်ငန်းခွင်တွင် အလုပ်လုပ်ဖူးပြီး ထိုနေရာသို့ ပြန်လည်အလုပ်လုပ်လိုကြောင်း ပြောကြားခဲ့သည်။
ဖမ်းဆီးမှုအတွင်း လူကုန်ကူးသူတစ်ဦး ထွက်ပြေးသွားခဲ့သည်။ ဖမ်းဆီးခံရသူ အားလုံးကို ခလုန်နမ်ဆိုင်းရဲစခန်းသို့ လွှဲပြောင်းပေးအပ်ခဲ့ပြီး ဥပဒေအရ ဆက်လက်အရေးယူသွားမည်ဖြစ်ကြောင်း သိရသည်။
#ပြည်ပရောက်ရွှေမြန်မာ
#မြန်မာအလုပ်သမား
#ရွှေ့ပြောင်း

08/02/2026

ပဲခူးစက်မှုဇုန်ရှိ Jafon (ဂျက်ပွန်) လက်ကိုင်အိတ်စက်ရုံတွင် တရုတ်နိုင်ငံသားများက အလုပ်သမားအမျိုးသမီးငယ်များအား လုပ်ငန်းခွင်အတွင်း လိုက်လံကြည့်ရှုကာ လက်ထပ်ရန် ဖိအားပေးစည်းရုံးမှုများ ပြုလုပ်နေကြောင်း အဆိုပါစက်ရုံမှ အလုပ်သမားများထံမှ သိရသည်။
အဆိုပါစက်ရုံ တာဝန်ရှိသူများသည် ၎င်းတို့၏ မိတ်ဆွေ တရုတ်နိုင်ငံသားများအား စက်ရုံအတွင်းသို့ ခေါ်ဆောင်လာပြီး စက်လိုင်းများအတွင်း အလုပ်လုပ်ကိုင်နေသည့် မြန်မာအမျိုးသမီးငယ်များကို ရောင်းကုန်ပစ္စည်းသဖွယ် လိုက်လံကြည့်ရှုစေခဲ့ကြောင်း၊ ယခု ၂၀၂၆ ခုနှစ်၊ ဇန်နဝါရီလ ၂၄ ရက်နှင့် ၂၅ ရက်နေ့များတွင်လည်း ပြင်ပတရုတ်နိုင်ငံသားများကို စက်ရုံအတွင်း ခေါ်ယူကာ စတုတ္ထအကြိမ်မြောက်အဖြစ် လိုက်လံရွေးချယ်ခိုင်းခဲ့ခြင်းဖြစ်ကြောင်း သိရသည်။
ယင်းသို့ လိုက်လံကြည့်ရှုရာတွင် စက်ရုံမှ စကားပြန်အမျိုးသမီးတစ်ဦးက ကူညီဆောင်ရွက်ပေးပြီး တရုတ်နိုင်ငံသားများက ၎င်းတို့သဘောကျသည့် အမျိုးသမီးများရှေ့တွင် အလုပ်လုပ်၍မရအောင် ဝင်ရောက်ထိုင်ကြည့်ကာ ဖိအားပေးခြင်းများ ပြုလုပ်ခဲ့ကြောင်း သိရသည်။ ဖေဖော်ဝါရီလ ၃ ရက်နေ့အထိ ထိုသို့လာရောက်ထိုင်ကြည့်ကာ နှောင့်ယှက်မှုများရှိခဲ့သဖြင့် ကာယကံရှင် အမျိုးသမီးများမှာ အလုပ်ခွင်အတွင်း ကြောက်ရွံ့ရှက်ရွံ့ကာ စိတ်ပိုင်းဆိုင်ရာ ထိခိုက်မှုများ ခံစားနေရသည်ဟု ဆိုသည်။
ထို့ပြင် စက်ရုံရှိ စူပါနှင့် လီဒါအချို့သည်လည်း အောင်သွယ်ခရယူကာ စီးပွားရေးမပြေလည်သည့် အလုပ်သမားများအား "တင်တောင်းငွေ အများအပြားရမည်" ဟုဆိုကာ တရုတ်နိုင်ငံသားများနှင့် လက်ထပ်ရန် မဟုတ်မမှန် စကားများဖြင့် သွေးဆောင်ဖြားယောင်းမှုများတွင် ပါဝင်နေကြောင်း သတင်းများထွက်ပေါ်နေသည်။ အဆိုပါစက်ရုံသည် ပဲခူးစက်မှုဇုန်၊ နာဂဝန်လမ်းရှိ တရုတ်နိုင်ငံသားပိုင် စက်ရုံဖြစ်ပြီး IPSY, GLAM BAG နှင့် Gucci စသည့် အိတ်အမှတ်တံဆိပ်များကို ချုပ်လုပ်နေခြင်းဖြစ်သည်။
အလုပ်သမားများကမူ လုပ်ငန်းခွင်အတွင်း အမျိုးသမီးများအား ကာကွယ်ပေးရမည့်အစား ရောင်းကုန်သဖွယ် သဘောထားကာ ထိပါးနှောင့်ယှက်မှုများဖြစ်အောင် ဖန်တီးနေသည့် စက်ရုံတာဝန်ရှိသူများနှင့် ပါဝင်ပတ်သက်သူများကို ထိရောက်စွာ အရေးယူပေးစေလိုကြောင်း တောင်းဆိုထားကြသည်။

Focus

#မြန်မာအလုပ်သမား

05/02/2026

ကန်ချနဘူရီအာဏာပိုင်များနှင့် နယ်ခြားစောင့်ရဲတပ်ဖွဲ့က မြန်မာနိုင်ငံသား ၁၃၈ ဦးအား ပြန်ပို့

၂၀၂၆၊ ဖေဖော်ဝါရီ ၂၀၂၆▪ နယ်ခြားကင်းလှည့်ရဲတပ်ဖွဲ့တပ်ခွဲ (၁၃၄) က ထိုင်း-မြန်မာနယ်စပ်ဂိတ်တစ်ခုတွင် မှုခင်းဆိုင်ရာအမိန့်များကို အကောင်အထည် ဖော်ကာ မြန်မာနိုင်ငံသား ၁၃၈ ဦးအား ထိုင်းနိုင်ငံ နယ်နမိတ်အတွင်းမှ ပြန်ပို့ခဲ့တယ်လို့ သိရပါတယ်။

ဒေသခံအရာရှိများအဆိုအရ၊ ၂၀၂၆ ခုနှစ် ဖေဖော်ဝါရီလ ၂ ရက်နေ့ နံနက် ၁၁:၀၀ နာရီအချိန်က ကန်ချနဘူရီခရိုင်၊ နောင်လူးမြို့နယ်အတွင်းရှိ ဘန်ဖရာစေတီဆမ်အွန် ကုန်သွယ်ရေးနယ်စပ်ဖြတ်ကျော်ဂိတ် (၁၁) တွင် ထိုလုပ်ဆောင်မှုကို ဆောင်ရွက်ခဲ့ခြင်းဖြစ်ပါတယ်။

နှင်ထုတ်ရေးလုပ်ငန်းစဉ်ကို နယ်ခြားကင်းလှည့်ရဲတပ်ဖွဲ့တပ်ခွဲ (၁၃၄) မှ တပ်မှူး ရဲမှူးကြီး ဘန်ဂျိုး ရန်ရွန် ဦးဆောင်ပြီး လတ်ယာအထူးတပ်ဖွဲ့မှ စစ်ဘက်ဝန်ထမ်းများ၊ ကန်ချနဘူရီပြည်နယ်မှ လူဝင်မှုကြီးကြပ်ရေးအရာရှိများနှင့် ပူးပေါင်းဆောင်ရွက်ခဲ့တာလို့ဆိုပါတယ်။

ထိုလုပ်ဆောင်မှုက နယ်ခြားကင်းလှည့်ရဲတပ်ဖွဲ့တပ် (၁၃) ၏ အကြီးအကဲ ရဲမှူးကြီး သာဝမ်သွန်ဖူတီသန်ဖီဆွတ်၊ ဒုတိယတပ်မှူးကြီးနှင့် နယ်ခြားကင်းလှည့်ရဲတပ်ဖွဲ့တပ်ခွဲ (၁၃၄) မှ အဆင့်မြင့်အရာရှိများဖြစ်သော ရဲမှူးကြီး ဒုတိယရဲမှူးကြီး ခါနီဆွန်မနီရတ် နှင့် ရဲမှူးကြီး ချာယန်သွန်ချွတ်ကလင်တို့ရဲ့ လမ်းညွှန်မှုအောက်တွင် ထုတ်ပြန်ခဲ့သော အမိန့်များအရ ဆောင်ရွက်ခြင်းဖြစ်တယ်လို့ သိရပါတယ်။
#မြန်မာအလုပ်သမား
#ရွှေ့ပြောင်း

23/01/2026

ရွေးကောက်ပွဲတွင် ကြိုတင်မဲ ပေးရန် ပျက်ကွက်ခဲ့သော ပြည်ပရောက် မြန်မာအလုပ်သမားများအပေါ် စိစစ်တင်းကျပ်မှုများ ပိုမိုလုပ်ရန် စစ်တပ် လက်အောက်ခံ အလုပ်သမားဝန်ကြီး စစ်ဗိုလ်ချုပ်ဟောင်း အောင်ကျော်ဟိုး ညွှန်ကြား

ဇန်နဝါရီ ၂၂၊၂၀၂၆

အကြမ်းဖက်စစ်တပ်၏ ရွေးကောက်ပွဲတွင် ကြိုတင်မဲပေးရန် ပျက်ကွက်ခဲ့သော ပြည်ပရောက် မြန်မာအလုပ်သမားများနှင့်ပတ်သက်၍ စိစစ်တင်းကျပ်မှုများ ပိုမိုလုပ်ဆောင်ရန် အလုပ်သမားဝန်ကြီး ဗိုလ်မှူးချုပ်ဟောင်း အောင်ကျော်ဟိုးက ညွှန်ကြားခဲ့ကြောင်း နေပြည် တော် အလုပ်သမားဝန်ကြီးဌာန သတင်းရင်းမြစ်ကရန်ကုန်ခေတ်သစ်သတင်းဌာနထံသို့ ပြောဆိုသည်။

စစ်တပ်က ပြုလုပ်သော ရွေးကောက်ပွဲအတွက် ဒီဇင်ဘာလ ၆ ရက်နေ့နှင့် ဒီဇင်ဘာလ ၇ ရက်နေ့တို့တွင် ပြည်ပရောက် မြန်မာအလုပ်သမားများထံမှ ကြိုတင်ဆန္ဒမဲလက်မှတ်များကို စစ်တပ်လက်အောက်ခံ သံရုံးများနှင့် ကောင်စစ်ဝန်ရုံးများ၊ မြန်မာအမြဲတမ်းကိုယ် စားလှယ်အဖွဲ့ရုံး အပါ အဝင် ရုံးပေါင်း ၅၀ ရုံးတွင် ကောက်ခံခဲ့ကြောင်း၊ သို့ရာတွင် ပြည်ပရောက် မြန်မာအလုပ်သမားများက ကြိုတင်မဲပေးရန် ပျက်ကွက်ခဲ့ကြပြီး မြန်မာအလုပ် သမား သန်းချီရှိသော ထိုင်းနိုင်ငံတွင် ကြိုတင်မဲ ရာဂဏန်းသာရရှိခဲ့ကြောင်း၊ အလားတူ မြန်မာအလုပ်သမားများ အများအပြားရှိနေသော တောင်ကိုရီးယား၊ စင်ကာပူ၊ မလေးရှားနှင့်ဂျပန်နိုင်ငံတို့တွင်လည်း ကြိုတင်မဲမှာ ရာဂဏန်းဝန်ကျင်သာရှိခဲ့ကြောင်း၊ ထိုကဲ့သို့ ကြိုတင်မဲထည့်ရန် ပျက်ကွက်ခဲ့သည်အတွက် ပြည်ပရောက် မြန်မာ အလုပ်သမားများကို တင်းကျပ်မှုများ လုပ်ဆောင်ရန် အလုပ်သမားဝန်ကြီး အောင်ကျော်ဟိုးက ညွှန်ကြား လာကြောင်း သိရှိရသည်။

ဒီဇင်ဘာလနှောင်းပိုင်းအတွင်း ညွှန်ကြားခဲ့သော အလုပ်သမားဝန်ကြီးအောင်ကျော်ဟိုး၏ အမိန့်အရ အလုပ်သမားဝန်ကြီးဌာနအတွင်း ဆွေးနွေးမှုများ လုပ်ဆောင်ခဲ့ပြီးနောက် ဇန်နဝါရီလ ၁၁ ရက်နေ့ ညနေပိုင်းတွင် PJ အလုပ်အကိုင် နိုင်ငံကူးလက်မှတ်ဖြင့် ပြည်ပသို့ ထွက်ခွာမည့်အလုပ်သမားများအားလုံးကို အလုပ်သမားဝန်ကြီးဌာန၏ ခွင့်ပြုချက်မပါဘဲ ထွက်ခွာခွင့်မပြုဆိုသော အမိန့်တစ်ရပ်ထုတ်ခဲ့ကြောင်း သိရှိရသည်။

"ပြည်ပရောက် အလုပ်သမားတွေဆီက အခွန်တိုးမြှင့်ရရှိရေး တင်းတင်းကျပ်ကျပ်လုပ်ဖို့လည်း ဆွေးနွေးမှုတွေရှိနေတယ်။ နိုင်ငံရေးကြောင့် ပြေးသွားသူတွေ၊ CDM တွေကို အလုပ်သမားနဲ့သက်ဆိုင်တဲ့ PJ-နိုင်ငံကူးလက်မှတ် ၊ CI စာအုပ်တွေ ထုတ်မပေးဖို့ ၊ PJ-နိုင်ငံ ကူးလက်မှတ်ကိုင်ထားတဲ့ CDM တွေဆိုရင် သံရုံးတွေမှာ သက်တိုးခွင့်မပေးဘဲ စာ အုပ်ပါ ချက်ချင်းသိမ်းဖို့ ညွှန်ကြားတယ်။ အခု ပြည်တွင်းကနေ PJ နဲ့ ထွက်မယ့်သူတွေကို ပြည်ပအလုပ်ရှင် တကယ်ရှိ၊ မရှိ။ မှန်၊ မမှန်စိစစ်ဖို့၊ ဗီဇာ မှန်၊ မမှန် စိစစ်ဖို့။ ပြည်ပသွားရောက်မယ့် အလုပ်အကိုင်တွေက အလိမ်အညာ ဟုတ်၊ မဟုတ်။ အဲဒါတွေကိုလည်း သက်ဆိုင်ရာ သံရုံး၊ အလုပ်သမားသံအရာရှိတွေနဲ့ ချိတ်ဆက် ဆောင်ရွက်စိစစ်ဖို့ ညွှန်ကြားတယ်" ဟု အလုပ်သမားဝန်ကြီးဌာန သတင်းရင်းမြစ်က ပြောဆိုသည်။

ယင်းအပြင် စစ်မှုထမ်းအသက်အရွယ်တွင် အကျုံးဝင်နေသော အသက် ၁၈ နှစ်မှ အသက် ၃၅ နှစ်အတွင်း အမျိုးသားများက မှတ်ပုံတင်ပါ မွေးသက္ကရာဇ်ကို ပြုပြင် ပြောင်းလဲလိမ်လည်လျှောက်ထားပြီး ပြည်ပထွက်ခွာမှုများ ရှိနေကြောင်း၊ ယင်းကဲ့သို့ ပြုပြင်ပြောင်းလဲ စိစစ်မှုများကို အထူးစိစစ်ရန်၊ ထိုင်းနိုင်ငံတွင် မည်သူမည်ဝါဖြစ်ကြောင်း သက်သေခံလက်မှတ်- CI ထုတ်ပေးသည့် လုပ်ငန်းစဉ်များအတွင်း CDM များနှင့် ပြစ်မှု မှတ်တမ်းရှိသူများကို CI များလုံး၀ ထုတ်မပေးနိုင်ရေး အထူးစိစစ်ရန်၊ ပြည်ပရောက် မြန်မာအလုပ်သမားများထံမှ ရသင့်ရထိုက်သော အခွန်ငွေများ ပိုမိုတိုးမြှင့် ရရှိရေး နည်းလမ်းသစ်များ ရှာဖွေကြရန် ဝန်ကြီး ဗိုလ်မှူးချုပ်ဟောင်း အောင်ကျော်ဟိုးက အမိန့်ပေးလာကြောင်း သိရှိရသည်။

လက်ရှိ အလုပ်သမားဝန်ကြီး အောင်ကျော်ဟိုးမှာ အငြိမ်းစားဗိုလ်မှူးချုပ်တစ်ဦးဖြစ်ပြီး ဗိုလ်လောင်းသင်တန်း-OTS အပတ်စဉ် ၇၇ မှဖြစ်ကြောင်း၊ သန်းရွှေလက်ထက်မှစတင်၍ ကာကွယ်ရေးဝန်ကြီးဌာန၏ အမြဲတမ်းအတွင်းဝန်အဖြစ် တာဝန်ယူခဲ့ပြီး ၂၀၂၄ ခုနှစ် ဇန်နဝါရီ ၂၂ ရက်နေ့တွင် စစ်ကောင်စီ ဥက္ကဋ္ဌရုံးဝန်ကြီးဌာန အမှတ် ၃ ဝန်ကြီးနှင့် စစ်ကောင်စီဥက္ကဋ္ဌရုံးဝန်ကြီးဌာန အမှတ် ၄ ၏ ဝန်ကြီး အဖြစ် လည်းကောင်း၊ ၂၀၂၅ ခုနှစ် ဇူလိုင် ၃၁ ရက်နေ့တွင် အလုပ်သမားဝန်ကြီးအဖြစ်လည်းကောင်း ခန့်အပ်ခံရသူဖြစ်ကြောင်း သိရှိရသည်။
#မြန်မာအလုပ်သမား #ရွှေ့ပြောင်း

22/01/2026

မဲဆောက်တွင် ထိုင်းရဲကို ပစ်ခတ်ပြီး ထွက်ပြေးခဲ့သူကို ကော်ဘရာစစ်ကြောင်းမှူး ဗိုလ်ဒါဘောက ထိုင်းအာဏာပိုင်များထံ အပ်နှံ
ရန်ကုန်၊ ဇန်နဝါရီ ၂၂
ထိုင်းနိုင်ငံ၊ မဲဆောက်မြို့တွင် ထိုင်းရဲကို ပစ်ခတ်ပြီး ထွက်ပြေးခဲ့သော မြန်မာတစ်ဦးကို ကော်ဘရာစစ်ကြောင်းမှူး ဗိုလ်ဒါဘောက ထိုင်းအာဏာပိုင်များထံ အပ်နှံလိုက်ကြောင်း ထိုင်းရဲသတင်းရင်းမြစ်နှင့် ကော်ဘရာစစ်ကြောင်းနှင့်ဆက်နွယ်သူများထံမှ သိရှိရသည်။
ဇန်နဝါရီ ၂၀ ရက်နေ့ ညနေပိုင်း မဲဆောက်-အုံဖန် (Mae Sot-Um Phang) လမ်း၊ မဲကု (Mae Ku) တိုက်နယ်အတွင်း တရားမဝင် လက်နက် ဝယ်ယူသူဟန်ဆောင်၍ ဖမ်းဆီးရန် ကြိုးစားစဉ် မြန်မာနိုင်ငံသား လက် နက်မှောင်ခိုသမား ၂ ဦးက သေနတ်ဖြင့် ပြန်လည်ပစ်ခတ်ခဲ့ကြောင်း၊ ပစ် ခတ်မှုကြောင့် ရဲအရာရှိတစ်ဦး၏ ဝမ်းဗိုက်ကို သေနတ်ကျည်ဆန် ထိမှန်ခဲ့ကြောင်း၊ အမှုတွင်ပါဝင်သူ ၁ ဦးကို ဖမ်းဆီးရရှိခဲ့သော်လည်း အခြား ၁ ဦးမှာ လွတ်မြောက်သွားကြောင်း၊ ပစ်ခတ်ခဲ့သူမှာ နဂါးကြီး(ခ) နိုင်လင်းအောင်- အသက် ၂၁ နှစ်ဖြစ်ပြီး ယနေ့တွင် ဗိုလ်ဒါဘောက ထိုင်းအာဏာပိုင်များထံသို့ အပ်နှံလိုက်ကြောင်း သိရှိရသည်။
ပစ်ခတ်ခဲ့သူ နဂါးကြီး(ခ) နိုင်လင်းအောင်မှာ ထွက်ပြေးတိမ်းရှောင်ပြီး သောင်ရင်းမြစ် (Moei River) ကို ဖြတ်ကူး၍ မြန်မာဘက်အခြမ်းသို့ ထွက်ပြေးရန် ကြိုးပမ်းခဲ့ကြောင်း၊ ယနေ့တွင် တာ့ခ်ခရိုင်၊ မဲဆောက်မြို့နယ်၊ မဟာဝမ်ကျေးရွာအုပ်စု၊ မဲကုန်းကဲန်ကျေးရွာ တွင် ဗိုလ်ဒါဘောက ထိုင်းအာဏာပိုင်များထံသို့ အပ်နှံလိုက်ခြင်းဖြစ်ကြောင်း သိရှိရသည်။
"သူက ဗိုလ်ဒါဘောဆီမှာ သွားအဖမ်းခံတာပါ။ အဲဒါကြောင့် အပ်နှံတာ" ဟု ကော်ဘရာစစ်ကြောင်းမှ ရဲဘော်တစ်ဦးက ပြောဆိုသည်။
ထိုင်းနိုင်ငံ၊ မဲဆောက်မြို့တွင် လက်နက်အရောင်းအဝယ်လုပ်သူ မြန်မာ ၂ ဦးကို ဖမ်းဆီးရင်း ပစ်ခတ်ခံရမှုကြောင့် ဒဏ်ရာရရှိခဲ့သော ထိုင်း ရဲအရာရှိ အခြေအနေ အသက်အန္တရာယ်စိုးရိမ်စရာမရှိတော့ဟု သိရှိရသည်။

#ထိုင်းရဲကိုပစ်ခဲ့သူဖမ်းမိ

22/01/2026

ထိုင်းနိုင်ငံ၊ ဆောက်လုပ်ရေးလုပ်ငန်းခွင်များသို့ ထိုင်းအာဏာပိုင်များက ဝင်ရောက်စစ်ဆေးမှု တရားဝင်အလုပ်လုပ်ခွင့် ပါမစ်ရှိသည့် မြန်မာနိုင်ငံသားများပါ ကြောက်လန့်ထွက်ပြေး
ရန်ကုန်၊ ဇန်နဝါရီ ၂၂
ထိုင်းနိုင်ငံ ချွန်ဘူရီ၊ ဖန်သောင်ခရိုင်ရှိ ဆောက်လုပ်ရေးလုပ်ငန်းခွင်များသို့ ထိုင်းအာဏာပိုင်များက စီမံချက်ဖြင့် ဝင်ရောက်စစ်ဆေးရာတွင် တရားဝင်အလုပ်လုပ်ခွင့် ပါမစ်ရှိသည့် မြန်မာနိုင်ငံသားများ ကြောက်လန့်ပြီး ထွက်ပြေးမှုများဖြစ်ပွားခဲ့ကြောင်း ထိုင်းရောက် ရွှေ့ပြောင်းမြန်မာအလုပ်အလုပ်သမားများကို ကူညီပေးနေသူများက ပြောကြားသည်။
ဇန်နဝါရီလ ၂၀ ရက်နေ့ ချွန်ဘူရီခရိုင်အတွင်း ထိုင်းရဲများ ဝင်ရောက် စစ်ဆေးစဉ်တွင် အလုပ်သမားအချို့သည် ရဲအရာရှိများကို မြင်သည်နှင့် ထိတ်လန့်တုန်လှုပ်စွာ ထွက်ပြေးရန် လုပ်ဆောင်ခဲ့ကြခြင်းဖြစ်ကြောင်း သိရှိရသည်။
“မျိုးချစ်အဖွဲ့တွေက ဘာမှ မဆိုင်တဲ့ လူတွေကို ထိုးကြိတ်သွားတာတွေ ဝင်ဖမ်းနေတာတွေ ရှိတာမို့ အထောက်အထားရှိသူတွေပါ စိတ်မလုံခြုံမှုတွေ ကြောက်လန့်မှုတွေ ဖြစ်နေရတာကို ခုတလော လှုမှု့ကွန်ယက် စာမျက်မှာများတွေ့နေရပါတယ်။
ထိုင်းရဲအရာရှိများ စစ်ဆေးသည့် အလုပ်ခွင့်တွင် တရုတ်နိုင်ငံသားများကိုသာ တရားမဝင်အလုပ်လုပ်ကိုင်နေသည်ကို တွေ့ရှိရပြီး ၎င်းတို့ကို ဖမ်းဆီး၍ ဥပဒေအရ အရေးယူနိုင်ရန် လုပ်ဆောင်နေကြောင်း ထိုင်းသတင်းဌာနများတွင် ဖော်ပြထားသည်။
လက်ရှိတွင် မြန်မာနိုင်ငံသားများအနေနှင့်သတိဝိရိယနှင့် နေထိုင်ရန်နှင့် လူမျိုးရေးအမုန်းတရားများ ဖန်တီးနေမှုများ ရှိနေသည့်အတွက် သတိဝိရိယနှင့် နေထိုင်ရန် လိုအပ်ကြောင်းလည်း ထိုင်းရောက် ရွှေ့ပြောင်းမြန်မာအလုပ်သများကို ကူညီပေးနေသူများက သတိပေးစကားပြောဆိုသည်။
“နေချင်သလို နေလို့ မရတော့ပါဘူး။ အခုအချိန်မှာ သတိကြီးကြီးထားဖို့ လိုပါတယ်။ အမှား သေးသေးကို အကြီးကြီးဖြစ်အောင် လုပ်မယ့် လူတွေရှိနေပါတယ်။ လူမျိုးရေးအမုန်းတရားဖန်တီးလာနိုင်တာတွေ ရှိတာမို့ သတိထားဖို့ လိုပါတယ်” ဟု အေအေစီ ကိုရဲမင်းက ပြောဆိုသည်။
ထိုင်းနိုင်ငံတွင် ထိုင်းနိုင်ငံသားတချို့နှင့် မြန်မာနိုင်ငံသားတချို့ ခိုက်ရန်ဖြစ်ပွားခြင်း၊ မဲဆောက်တွင် ထိုင်းရဲကို မြန်မာနိုင်ငံသားက ပစ်ခတ်ခြင်း၊ မြန်မာအချင်းချင်း ခိုက်ရန်ဖြစ်ပွားခြင်းများကြောင့် ထိုင်းမျိုးချစ်အဖွဲ့က မြန်မာနိုင်ငံသားများအပေါ် ပစ်မှတ်ထား စစ်ဆေးညှဉ်းပန်းမှုများ ဖြစ်ပေါ်လာနေကြောင်း ထိုင်းရောက် မြန်မာအလုပ်သမားများထံမှ သိရှိရသည်။
#ရွှေ့ပြောင်း
#မြန်မာအလုပ်သမား

21/01/2026

သေနတ်ပစ်ခံရတဲ့ မဲဆောက်ရဲအတွက် မြန်မာတွေ သွေးလှူ
ဇန််ဝါရီ၂၁၊ ၂၀၂၆
ထိုင်း- မြန်မာနယ်စပ် မဲဆောက်မြို့မယ်ကုရပ်ကွက်တွင် လုံခြုံရေးဆောင်ရွက်နေစဉ် သေနတ်ဖြင့်ပစ်ခတ်ခံရပြီး ဒဏ်ရာရခဲ့သော ထိုင်းရဲတပ်ကြပ်ကြီးအတွက် မြန်မာလူငယ်များ သွားရောက် သွေးလှူဒါန်းခဲ့ကြောင်း သိရသည်။
ဇန်နဝါရီ၂၀ ရက် ညနေပိုင်းတွင် မဲဆောက် မယ်ကုရပ်ကွက် တော့ဖောင်းအထည်ချုပ်စက်ရုံဘေး 7-Eleven စတိုးအနီး လက်နက်မှောင်ခိုအရောင်းအဝယ်ကိစ္စအတွက် ဆိုင်ကယ်ဖြင့်လာသော မြန်မာနိုင်ငံသားနှစ်ဦးကို ထိုင်းရဲတပ်ဖွဲ့ တားမြစ်စစ်ဆေးရာ ပစ်ခတ်မှုဖြစ်ပွားပြီး ရဲတပ်ကြပ်ကြီးတဦး ဝမ်းဗိုက်၌ ဒဏ်ရာရှိခဲ့သည်။
အဆိုပါ ထိုင်းရဲ အရေးပေါ် ခွဲစိတ်ရန် သွေးလှူဒါန်းနိုင်ကြောင်း မဲဆောက်ရဲတပ်ဖွဲ့မှ ယမန်နေ့၌ ကြေညာထားခဲ့ပြီး‌နောက် မြန်မာလူငယ်များ ယနေ့တွင် မဲဆောက်ဆေးရုံကြီးသို့ သွားရောက် လှူဒါန်းခဲ့ခြင်းဖြစ်ကာ ထိုရဲနှင့် ဇနီးတို့ကိုလည်း မြန်မာနိုင်ငံသားအားလုံးကိုယ်စား အနူးအညွတ် တောင်းပန်ကြောင်း ပြောဆိုခဲ့သည်ဟု သွေးလှူဒါန်းခဲ့သည့် လူငယ်အမျိုးသမီးတဦးက ပြောဆိုထားသည်။
မြန်မာနိုင်ငံသားများ၏ သွေးလှူဒါန်းမှုအတွက် ကာယကံရှင်များအပါအဝင် ထိုင်းလူမျိုးများကလိိုလိုလားလားဖြင့် ကျေးဇူးတင်ကြောင်းပြောဆိုသလို နှစ်နိုင်ငံအတွက် အပြုသဘောဆောင်သည့် ကိစ္စရပ်များကို ထိုင်းရောက် မြန်မာများပူးပေါင်းဆောင်ရွက်ရန်၊ မြန်မာနိုင်ငံသားများအနေဖြင့် သက်ဆိုင်ရာနိုင်ငံ၏ ဥပဒေများကို ချိုးဖောက်မှုဖြစ်စဉ်များတွင်လည်း အမုန်းပွားစေမည့် ပြောဆိုဖြန့်ဝေမှုများ မပြုလုပ်ဘဲ ဥပဒေအတိုင်း အပြစ်ပေးနိုင်ရေး ဝိုင်းဝန်းကူညီပေးသင့်ကြောင်း ထိုင်းရောက် မြန်မာရွှေ့ပြောင်းလုပ်သားများအရေး ကူညီပေးနေသူများက ဆိုသည်။

Labor Focus

01/05/2026

08/03/2026

12/02/2026

12/02/2026

09/02/2026

08/02/2026

05/02/2026

23/01/2026

22/01/2026

22/01/2026

21/01/2026

ที่อยู่

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท