Myanmar Di Ka

Myanmar Di Ka ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก Myanmar Di Ka, Mae Sot.

အ​ရေး​ပေါ်အ​ခြေ​နေ​ကြေညာပြီ။ဖိလစ်ပိုင်နိုင်ငံက အာရှမှာ ပထမဆုံး​သော ဆီပြတ်လတ်သည့်နိူင်ငံဖြစ်လာပြီး မကြာခင်မှာ ​လေယာဥ် ခရီ...
26/03/2026

အ​ရေး​ပေါ်အ​ခြေ​နေ​ကြေညာပြီ။

ဖိလစ်ပိုင်နိုင်ငံက အာရှမှာ ပထမဆုံး​သော ဆီပြတ်လတ်သည့်နိူင်ငံဖြစ်လာပြီး မကြာခင်မှာ ​လေယာဥ် ခရီးစဥ် အကုန် ရပ်နားရ​တော့မည်ဖြစ်​ကြောင်း သမ္မတ ဖာဒနန်မားကို့စ် ဂျူနီယာမှ ​ကြေညာ။

အမျိုးသားစွမ်းအင် အ​ရေး​ပေါ် အ​ခြေ​နေတစ်ရပ်ကိုလဲ ​ကြေညာချက်ထုတ်ပြန်ခဲ့သည်။

သူ့ဇာတ် ကသူ့အရပ် ထိလေသော အခါ 😏
12/03/2026

သူ့ဇာတ် က
သူ့အရပ် ထိလေသော အခါ 😏

“ရှင်နေသမျှ”◾️ မောင်တင်သစ်ငါ့ဌာနေကသစ်ပင်တွေ အိုပြီအိုပေမင့်ရှင်နေသမျှခြမတက်ဖေ၁၁၂၆ #ခေါ်သံ #မောင်တင်သစ်
06/03/2026

“ရှင်နေသမျှ”

◾️ မောင်တင်သစ်

ငါ့ဌာနေက
သစ်ပင်တွေ
အိုပြီ

အိုပေမင့်
ရှင်နေသမျှ
ခြမတက်

ဖေ၁၁၂၆

#ခေါ်သံ
#မောင်တင်သစ်

မသန်စွမ်းများအသွင် ဟာသလုပ်ခဲ့ကြသော အောင်ဇမ္ဗူ ဇာတ်အဖွဲ့ ၊ ကပြခွင့် တနှစ်ပိတ် ရပ်ဆိုင်း။
27/02/2026

မသန်စွမ်းများအသွင် ဟာသလုပ်ခဲ့ကြသော အောင်ဇမ္ဗူ ဇာတ်အဖွဲ့ ၊ ကပြခွင့် တနှစ်ပိတ် ရပ်ဆိုင်း။

10/02/2026

၂၀၂၆ ဟာ အပြောင်းအလဲတွေ အများကြီး ဖြစ်လာမယ့်နှစ်လို့ မျှော်လင့်ထားပြီး တောက်လျှောက်ကြိုးစားနေတယ်လို့ ဒုဗိုလ်ချုပ်ကြီးဂွန်မော်ပြော

ဖေဖော်ဝါရီ-၁၀၊၂၀၂၆
ထားမြတ်/Peoples Spring

၂၀၂၆ ခုနှစ်ဟာ အပြောင်းအလဲတွေ အများကြီး ဖြစ်လာမယ့် နှစ်ဖြစ်တယ်လို့ မျှော်လင့်ထားပြီး တောက်လျှောက်ကြိုးစားနေကြောင်း KIO/KIA ခေါင်းဆောင်တဦးဖြစ်တဲ့ ကချင်လွတ်လပ်ရေးကောင်စီ(KIC) ဒုဥက္ကဋ္ဌ(၁)ဒုတိယ ဗိုလ်ချုပ်ကြီး
ဂွန်မော်က ပြောပါတယ် ။

ဖေဖော်ဝါရီ ၅ရက်နေ့ မှာ ကျရောက်တဲ့ ကချင် တော်
လှန်ရေးနေ့ အခမ်းအနားကို အမေရိကန်နိုင်ငံ တက္ကဆက်ပြည်နယ်မှာ ကျင်းပရာ ဒုဗိုလ်ချုပ်ကြီးဂွန်မော်က အွန်လိုင်းမှမိန့်ခွန်းပြောကြားခဲ့ရာ KIO အဖွဲ့ရဲ့ စစ်ရေး၊ နိုင်ငံရေးဆိုင်ရာ ဆောင်ရွက်ချက်၊ မျှော်မှန်းချက်တွေကို ရှင်းလင်း ပြောပြခဲ့တာပါ။

ကချင်လွတ်လပ်ရေးအဖွဲ့/ကချင်လွတ်လပ်ရေးတပ်မတော် (KIO/KIA) အနေနဲ့ စစ်တပ်အာဏာ
သိမ်းတဲ့ ၂၀၂၁ ဖေဖော်ဝါရီ ၁ရက် ကတည်းက
ဒီမိုကရေစီ အင်အားစုတွေနဲ့ ပူးပေါင်းပြီး အာဏာ
သိမ်း စစ်တပ်ကို တော်လှန်တိုက်ခိုက်ဖို့ အဖွဲ့ ဗဟိုကော်မတီကဆုံးဖြတ်ခဲ့တာဖြစ်ကြောင်း ကချင်လွတ်လပ်ရေးကောင်စီ(KIC) ဒုဥက္ကဋ္ဌ ဒုတိယ ဗိုလ်ချုပ်ကြီးဂွန်မော်က အသိပေးပါတယ် ။

လက်ရှိမှာလည်းနွေဦးတော်လှန်ရေးက ပေါ်ပေါက်လာတဲ့ အင်အားစုတွေနဲ့ ခိုင်မာစွာပူးပေါင်း တိုက်ပွဲဝင်နေကြောင်းကိုလည်း ရှင်းလင်းပြောကြားပါတယ်။

KIOဟာ ဖိနှိပ်ခြင်းကနေအားလုံးလွတ်မြောက်ရမယ်ဆိုတဲ့ ရည်မှန်းချက်နဲ့ ဖွဲ့စည်းတည်ထောင်တာဖြစ်ကြောင်း ဒုဗိုလ်ချုပ်ကြီးဂွန်မော်က ပြောပြပြီး ပင်လုံ ကတိကဝတ် မလိုက်နာလို့ ပေါ်ပေါက်လာတာဖြစ်ကြောင်း၊ KIO ရဲ့ နိုင်ငံရေးဦးတည်ချက်က ကိုလိုနီစနစ်ပုံစံနဲ့ အုပ်ချုပ်တဲ့ အစိုးရတွေကို အပြီး
အပိုင် တော်လှန်ဖို့ ဖြစ်ကြောင်း ရှင်းပြ အသိပေးပါတယ်။

တန်းတူယှဉ်တွဲနေထိုင်ပြီး ပြည်သူလူထုမှာ အချုပ်
အခြာအာဏာရှိတဲ့ ဖက်ဒရယ်ဒီမိုကရေစီ ပြည်
ထောင်စု ထူထောင်ရမယ်ဆိုတာဟာ ပန်းတိုင်ဖြစ်ပြီး အဲဒီပန်းတိုင်ကိုရောက်ဖို့ ပြည်သူလူထုအင်အားနဲ့ ချီတက်ရမယ်၊ နိုင်ငံရေးနဲ့စစ်ရေးကို ဟန်ချက်ညီ ပေါင်းစပ် ရမယ် ဒါမှ အောင်ပွဲအမှန်ရမယ် လို့ဒုဗိုလ်ချုပ်ကြီး ဂွန်မော်က ပြောပါတယ်။

နိုင်ငံရေးနဲ့စစ်ရေးကို ဟန်ချက်ညီ မပေါင်းစပ်နိုင်ဘူးဆိုလို့ရှိရင် အောင်ပွဲအမှန်ကို မရဘဲနဲ့ ငြိမ်းချမ်းရေးတော့ ရနိုင်ကြောင်း ပြောပါတယ်။

ငြိမ်းချမ်းရေးလို့ပြောရင်တောင်မှ တိုက်ပွဲတွေမရှိတဲ့ငြိမ်းချမ်းရေးမျိုးပဲဖြစ်ပါတယ်။နောင်တချိန်ပြန်ဖြစ်ပေါ်လာမယ့်တိုက်ပွဲအတွက်ပြင်ဆင်နေတဲ့ ကာလကို ကျနော်တို့က ငြိမ်းချမ်းရေးလို့ နားလည်ခေါ်ဆိုပြီးတော့ မြန်မာနိုင်ငံမှာ ဒီလောက်နှစ်ပေါင်း အများကြီး ကျော်ဖြတ်ခဲ့ရတာဖြစ်ပါတယ်။ဒါကြောင့် နိုင်ငံရေးနဲ့စစ်ရေးကို ဟန်ချက်ညီညီ ပေါင်းစပ်ရမှာဖြစ်တယ်လို့ဒုဗိုလ်ချုပ်ကြီးဂွန်မော်ကပြောပါတယ်။

စစ်ရေးနဲ့ နိုင်ငံရေးကို ဟန်ချက်ညီ ပေါင်းစပ်ရမယ်လို့ပြောတဲ့စာကြောင်းကို အကောင်အထည်ဖော်
ရတာ အင်မတန်ခက်ကြောင်းလည်း ပြောပြပြီး ပန်းတိုင်ကို ရောက်တဲ့အထိ မလျှော့သော ဇွဲနဲ့ ချီတက်ဖို့လိုအပ်တယ်လို့ ပြောပါတယ်။

KIOအနေနဲ့ လက်နက်ကိုင်တော်လှန်ရေး ဆင်နွှဲနေချိန်မှာပဲ နိုင်ငံရေးနည်းအရ ဖြေရှင်းနိုင်ဖို့ ဟန်ချက်ညီလုပ်နိုင်ဖို့ ကြိုးစားခဲ့ရာ စကားပြောဆိုတာတွေများစွာလုပ်ဆောင်ခဲ့ကြောင်း၊ ဒါပေမဲ့ ဆွေးနွေးမှုတွေဟာ ခေတ္တခဏ သေနတ်သံတွေ ရပ်ထားပြီး မိမိလိုချင်ရာ ဆွဲနိုင်ဖို့ ကြိုးစားတဲ့ အနေအထားအောက်မှာ မအောင်မြင်ခဲ့ကြောင်း ရှင်းပြပါတယ်။

စစ်တပ်အာဏာသိမ်းတဲ့နေ့မှာပဲKIOက ဒီမိုကရေစီ အင်အားစုတွေနဲ့ပေါင်းတိုက်ပွဲဆင်နွှဲဖို့ဆုံးဖြတ်ခဲ့။

စစ်တပ်အာဏာသိမ်းတဲ့၂၀၂၁ ခုနှစ်၊ဖေဖော်ဝါရီ ၁ရက် နေ့ မနက် ၉ နာရီမှာ KIO ဟာဗဟို အစည်း အဝေး လုပ်ပြီး ဒီမိုကရေစီ အင်အားစုတွေနဲ့ တိုက်
ပွဲ ဆင်နွှဲဖို့ ဆုံးဖြတ်ချက်ချမှတ်ခဲ့ကြောင်း အသိ
ပေးပါတယ်။

ဖေဖော်ဝါရီ ၂ရက်နေ့မှာ တရုတ်နိုင်ငံရဲ့အထူးကိုယ်စားလှယ်နဲ့ကျနော်တို့တွေ့ပါတယ်။

ကျနော်တို့ကပွင့်ပွင့်လင်းလင်းပဲပြောတယ်။ကျနော်တို့ဟာတိုက်ပွဲတွေဖြစ်လာနိုင်တယ်။အဲဒီတော့ ဖြစ်ပေါ်လာမယ့် ဒီမိုကရေစီအင်အားစုတွေနဲ့ ကျနော်တို့တိုက်ပွဲတွေဆင်နွှဲရမှာဖြစ်တယ်။

တရုတ်အစိုးရက ကျနော်တို့ကို တိုက်ပွဲတွေ မဖော်ဆောင်ဖို့ ပြောတယ်။ကျနော်တို့က ဒါရှောင်လွှဲလို့ရမှာ မဟုတ်ဘူး။ ဒီမိုကရေစီ အင်အားစုတွေနဲ့ တိုက်ပွဲတွေ ဖော်ဆောင်ရမှာဖြစ်တယ်။

အထူးသဖြင့် ကျနော်တို့ရဲ့အိမ်ခြံဝင်းတံခါးပေါက်ဖြစ်တဲ့ စစ်ကိုင်းတိုင်းက ကျနော်တို့ ရန်သူကိုစောင့်ရမယ်။ စစ်ကိုင်းတိုင်းမှာရှိတဲ့ အင်အားစုနဲ့ ကျနော်တို့ကချင်များဟာ ကျနော်တို့ တံခါးပေါက် လုံခြုံရေး သေချာပေါက်လုပ်ရမယ်လို့ ကျနော်တို့ကဖေဖော်ဝါရီ ၂ရက်နေ့မှာ ပြောတယ်။ သူတို့ မယုံဘူး လို့ ဒုဗိုလ်ချုပ်ကြီး ဂွန်မော်က ပြောပါတယ်။

ဗဟိုကော်မတီမှာ သေချာဆက်လက်ဆွေးနွေးပြီးမှ အင်အားစုတွေရောက်လာရာ အားလုံးညှိနှိုင်းပြီးမှ ကောလင်း၊ ကသာ၊ ကန့်ဘလူဆိုတဲ့ ကသုံးလုံးဆိုတဲ့ နယ်မြေမှာ ဒီမိုကရေစီအင်အားစုတွေက ခိုင်မာသော နယ်မြေ ရရှိရမယ်ဆိုတဲ့ ရည်မှန်းချက်ကို ချမှတ်ခဲ့တာလို့ ပြောပြပါတယ်။

KIO ပါဝင်တဲ့ ကြားကာလ ကချင်နိုင်ငံရေးဆိုင်ရာပူးပေါင်းဆောင်ရွက်ရေးအဖွဲ့(KPICT) အနေနဲ့ ၂၀၂၁ မတ်လ ၂၇ရက် မှာ ပြည်ထောင်စုလွှတ်တော် ကိုယ်စားပြု ကော်မတီ(CRPH)နဲ့ ကြားကာလ သဘောတူညီချက် ဆိုတဲ့ စာချုပ်လက်မှတ်ရေးထိုးခဲ့တယ်လို့လည်း ရှင်းပြပါတယ်။

အဲဒီသဘောတူညီချက်မှာကြားကာလ ကချင်ဒေသ အစိုးရ ဖွဲ့စည်းရေးဆိုင်ရာကို ဆွေးနွေးညှိနှိုင်းမယ်၊ကချင်ဒေသ ကာကွယ်ရေးနဲ့ လုံခြုံရေးကို KIOမှ တာဝန်ယူပြီး လိုအပ်တာ CRPHနဲ့ ညှိနှိုင်ဆောင်ရွက်မယ်၊ သဘောတူညီချက်မှာမပါတဲ့ အခြားအရေးကြီးကိစ္စတွေကိုလည်း ဆွေးနွေးဆောင်ရွက်မယ်ဆိုတာ တွေပါဝင်ကြောင်း သိရပါတယ်။

သဘောတူညီချက်ဟာ ကြားကာလ ပြီးဆုံးချိန်အထိ အကျုံးဝင်ကြောင်း ပြောပြကာ KPICT က စေလွှတ်တဲ့ ကိုယ်စားလှယ်များဟာ NUG မှာ ပါဝင်လျက်ရှိတယ် လို့ အသိပေးပါတယ်။

ကြားကာလဆိုတာ စစ်တပ်အာဏာသိမ်းတဲ့ နေ့က စပြီး ပြည်ထောင်စုမှာ ခိုင်မာသော အစိုးရ တရပ်ပေါ်ပေါက်လာမယ့် အချိန်ထိဖြစ်တယ်လို့ ပြောပါတယ်။

ကြားကာလဟာ အနည်းဆုံး ၄နှစ်ခွဲကနေ ၆ နှစ်ကြာမယ်လို့ KIO က အစကတည်းက ပြောခဲ့တယ်လို့လည်း သိရပါတယ်။

"ကြားကာလဆိုတာ တိုက်ပွဲ ဖော်ဆောင်တဲ့ ကာလ။ အားလုံး ပြီးစီးသွားတာမဟုတ်ဘူး။ ဒါကြောင့် အာဏာသိမ်းသော နေ့ကစပြီး ပြည်ထောင်စုတွင် ခိုင်မာသော အစိုးရတစ်ရပ်ပေါ်ပေါက်လာတဲ့အချိန်အထိ။ ခိုင်မာသော အစိုးရ မပေါ်ပေါက်မချင်း ဒါကကြားကာလဖြစ်ပါတယ်။

ဒါပေမယ့်ကြားကာလမှာ စစ်ပူကာလတွေ ရှိနိုင်တယ် ။ ဆွေးနွေးသော ကာလတွေရှိနိုင်တယ်။ အသွင်ကူး ပြောင်းရေး ကြိုးစားတဲ့ကာလတွေရှိနိုင်တယ်။ တဖြည်းဖြည်းသွားရမှာဖြစ်ပါတယ်။

စစ်ရေးနဲ့ နိုင်ငံရေးကို ဟန်ချက်ညီ လုပ်မှ သာ အောင်မြင်တဲ့ သေချာတဲ့ ပန်းတိုင်ကို ရောက်ရှိမှာဖြစ်ပါတယ်"လို့ KIC ဒုဥက္ကဌကရှင်းပြပါတယ်။

စစ်ရေးအရ KIOဟာ ကချင်ဒေသတခုလုံးရဲ့ ကာကွယ်ရေး နဲ့ လုံခြုံရေးကို တာဝန်ယူပြီးအခြားအင်အားစုတွေနဲ့ တိုက်ပွဲတွေ ဖော်ဆောင်တယ်။ ဗန်းမော်တိုက်ပွဲမှာ လူမျိုးပေါင်းစုံပါပါတယ်။

ပြည်ထောင်စုတပ်မတော်လို့ ပြောနေတဲ့ စကားလုံးက စာရွက်ပေါ်မှာ ရှိသော်လည်း ကျနော်တို့ ဒေသတွေမှာ တော့ နေရာအသီးသီးမှာ အတူတကွ တိုက်ပွဲဝင်နေတဲ့ အတူတကွ အောင်ပွဲခံနေတဲ့ အတူတကွ အာဇာနည် အဖြစ်ကို ရောက်ရှိတဲ့ အနေအထားတွေဖြစ်ပါတယ်။ လို့ ဒုဗိုလ်ချုပ်ကြီး ဂွန်မော်က ပြောပါတယ်။

ဗန်းမော်မြို့သိမ်းတိုက်ပွဲ အရေးကြီး။

ဗန်းမော်မြို့သိမ်းတိုက်ပွဲမှာ လူမျိုးပေါင်းစုံ၊ တိုင်းရင်းသား ပေါင်းစုံ ဝင်ရောက် တိုက်ခိုက်နေပြီး အရင်းအနှီးကြီးမှာကို သိပေမယ့် လိုအပ်လို့တိုက်တဲ့စစ်ပွဲဖြစ်တယ်လို့လည်း ရှင်းပြပါတယ်။

"မြစ်ကြီးနားနဲ့ ၀ိုင်းမော် တိုက်ပွဲတွေ ဖော်ဆောင်ဖို့ အဆင့်သင့် လုပ်ထားတဲ့အချိန်မှာပဲ ကျနော်တို့ မေခမြစ် စိုးမိုးရေးစီမံကိန်းကို အကောင်အထည်ဖော်ဆောင် ဖို့ မေခမြစ်ဘက်ကို ကျနော်တို့က တိုက်ပွဲတွေ ဖော်ဆောင်တယ်။ ဗန်းမော်ကို တက်တယ်။

၁ နှစ်ကျော်သွားပြီ ဗန်းမော်ကိုတိုက်နေတာ။ ဒီလိုကြာမယ်။ အရင်းအနှီးများမယ်ဆိုတာ ကျနော်တို့ သိသော်လည်း လိုအပ်လို့ တိုက်နေတဲ့ တိုက်ပွဲဖြစ်တယ် ။ အခုပြောသလို ဒီအထဲမှာ တိုင်းရင်းသားပေါင်းစုံပါတယ်။ PDF ပါတယ်။ ဂေါ်ရခါးပါတယ်။ ရှမ်းနီပါတယ် ။ ချင်းတွေ နာဂ မျိုးစုံပါတယ်။ မြန်မာနိုင်ငံမှာ ရှိသမျှ အကုန်ပါတယ်။ ယော၊ ဆော အကုန်ပါတယ်။ အဲဒီတော့ တစ်ခါတစ်လေ မှာ ဗန်းမော်တိုက်ပွဲ အကြောင်း မေးတယ်။ ၁ နှစ်ကျော်ပြီ ။ ဟုတ်ပါတယ်။ ကျနော်တို့မှာရှိတဲ့ အရင်းအမြစ်နဲ့ တိုက်နေရတာဖြစ်တယ်။

ကျနော်က တစ်ခါတစ်လေ ရယ်စရာအဖြစ် ပြောတယ်။ KIA/PDF တိုက်တာ ၁ နှစ်ကျော်တာလည်း ခင်ဗျားတို့ မပြောနဲ့ ဗြိတိသျှ အစိုးရက ဗန်းမော်ကို သိမ်းတာ ၅ နှစ်ကျော်မှ ဗန်းမော်သိမ်းနိုင်တယ်။ ကျနော်တို့ လိုအပ်လို့ တိုက်တဲ့ တိုက်ပွဲမှာ အရင်းအနှီးတွေ အများကြီးပေးရပါတယ်" လို့ဆိုပါတယ်။

မကြာသေးမီက စစ်တပ်ကို နိုင်မယ်ထင်လားဟုတရုတ် အရာရှိရဲ့မေးမြန်းမှုကို တရုတ်နဲ့ထိုင်ဝမ်နမူနာပေးပြန်ဖြေ ။

ဒါ့အပြင် ၂၀၂၆ နှစ်ဆန်းမှာ တရုတ်နိုင်ငံ အဆင့်မြင့်အရာရှိနဲ့ KIO အကြားတွေ့ဆုံဆွေးနွေးခဲ့မှုအကြောင်း ကိုလည်း ဒုဗိုလ်ချုပ်ကြီး ဂွန်မော်က ပြောပြပါတယ်။

လွန်ခဲ့တဲ့လက တရုတ်နိုင်ငံက အဆင့်မြင့်အရာရှိကြီးတယောက်ကကျနော်တို့ကို အစည်းအဝေးမှာ မေးတယ်။ခင်ဗျားတို့ ရှိနေတဲ့ အရင်းအမြစ်နဲ့ အခု စစ်ကောင်စီကို နိုင်မယ်လို့ ခင်ဗျားတို့ ထင်သလားလို့မေးတယ်။အဲဒီတော့ကျနော်ကသူ့ကိုပြောတယ်။

အရင်တုန်းက တရုတ်နိုင်ငံရဲ့ သမိုင်းကို ပြန်ကြည့်လိုက်လို့ရှိရင် အမေရိကန်နဲ့ ရုရှားကူညီတဲ့ ဘက်က နောက်ဆုံး ထိုင်ဝမ်ကို ထွက်ပြေးပြီး ခင်ဗျားတို့ ဘယ်သူမှ မကူညီတဲ့လူတွေက နိုင်ခဲ့တာပဲ မဟုတ်ဘူးလားလို့ ကျနော်ကသူတို့ကိုပြန်မေးတော့ သူတို့က ဘာမှ မပြောတော့ဘူး သူတို့ရဲ့ ဖြစ်ရပ်မှန်တွေဆိုတော့ လို့ ဒုဗိုလ်ချုပ်ကြီးဂွန်မော်က ပြောပါတယ်။

ရရှိသင့်တဲ့ အခွင့်အရေးတွေကို အဆုံးအဖြတ်ပေးတဲ့အခါမှာ အိမ်နီးချင်းနိုင်ငံများ၊အခြားသောနိုင်ငံများရဲ့ထောက်ခံမှုဟာအင်မတန်အရေးကြီးကြောင်းလည်း ဒုဗိုလ်ချုပ်ကြီး ဂွန်မော်ရဲ့ မိန့်ခွန်းမှာ ပါရှိပါတယ်။

ဒါမရှိလို့ရှိရင် ကျနော်တို့ဟာ ဒိုင်လူကြီးမရှိတဲ့ လက်ဝှေ့ ပွဲ မှာထိုးသတ်နေရသလိုဖြစ်နိုင်ပါတယ်။

တကယ်လို့ မြန်မာနိုင်ငံရဲ့အရေးဟာ စည်းကမ်းရှိတဲ့ ဒိုင်လူကြီးများနဲ့ စည်းမျဉ်းနဲ့သာဆိုလို့ရှိရင် ဒိုင်ပွဲရပ်အနေနဲ့ ပြီးသွားမှာ ကြာလှပြီ။ ဒါပေမဲ့ အခုက နွေဦးတော်လှန်ရေး တောင်မှ ၅နှစ်ကို ရောက်နေပါပြီ လို့ ဒုဗိုလ်ချုပ်ကြီးဂွန်မော်က ပြောပါတယ်။

တော်လှန်ရေး အဖွဲ့ ငါးဖွဲ့ တော်လှန်ရေးအောင်မြင်ဖို့ဆွေးနွေး

အခုဖေဖော်ဝါရီလဆန်းမှာအမျိုးသားညီညွတ်ရေးအစိုးရ(NUG)နဲ့ကရင်၊ကချင်၊ကရင်နီ၊ချင်း တိုင်း
ရင်းသားတော်လှန်ရေးလက်နက်ကိုင်တပ်ဖွဲ့တို့တွေ့
ဆုံပြီး တော်လှန်ရေး အောင်မြင်အောင် ဆင်နွှဲနိုင်ရေးကိစ္စကိုဆွေးနွေးခဲ့ကြောင်းလည်းဒုတိယဗိုလ်ချုပ်ကြီးဂွန်မော်က ပြောပါတယ်။

ပြန်လည်ပေါင်းစည်းရေး၊ပြန်လည်စုဖွဲ့ရေးအတွက်
ဖေဖော်ဝါရီလဆန်းပိုင်းမှာ NUGရယ်၊ KNUရယ်၊ KNPPရယ် ၊ CNF ရယ်၊ KIOရယ် ငါးဖွဲ့ အွန်လိုင်းမှဆွေးနွေးခဲ့ကြောင်းလည်းအသိပေးပါတယ်။

လတ်တလောမီဒီယာတွေမှာဖော်ပြနေတဲ့အားကောင်းခိုင်မာတဲ့ဦးဆောင်အဖွဲ့အစည်းကိစ္စ၊ဖက်ဒရယ်ဦးဆောင် ကောင်စီကိစ္စတွေအပေါ် အခုလိုပြောပြတာပါ။

လက်ရှိတော်လှန်ရေးကို အောင်မြင်အောင် ကျနော်တို့ ဘယ်လိုဆင်နွှဲမလဲဆိုတဲ့ ဟာ ကျနော်တို့ဦးစား ပေးပြီးဆွေးနွေးနေတာဖြစ်ပါတယ် လို့ဒုဗိုလ်ချုပ်ကြီး ဂွန်မော်က ပြောပါတယ်။

မီဒီယာမှာဖော်ပြထားတဲ့ ဖက်ဒရယ်ဦးဆောင်ကောင်စီ ဟာ မျှော်မှန်းချက်ပြောတဲ့ ဝေါဟာရဖြစ်ပြီးတော့ အတည်ပြုထားတာ မဟုတ်ကြောင်း၊ ဆက်လက် ဆွေးနွေးနေတဲ့ အဆင့်ဖြစ်ကြောင်း အသိပေးပါတယ်။

တော်လှန်သောအင်အားစုများဟာ မှန်ကန်တဲ့လမ်း
ကြောင်းပေါ်မှာခိုင်ခိုင်မာမာရပ်ဖို့လိုပါတယ်။ စုစည်းညီညွတ်ရမှာဖြစ်ပါတယ်။ အပြန်အလှန် လေးစား အသိ အမှတ် ပြုရမှာ ဖြစ်ပါတယ် လို့လည်း ဒုဗိုလ်ချုပ်ကြီးဂွန်မော်က ပြောပါတယ်။

တော်လှန်အင်အားစုဆိုရာမှာ လက်နက်ကိုင် တော်
လှန်ရေးသာမက အားလုံးကို ပြောဆိုတာ ဖြစ်ပြီး မှန်ကန်သောလမ်းကြောင်းပေါ် ရပ်မှ အင်အားရှိမယ်လို့ ဆက်ပြောပါတယ်။

ဘယ်အချိန်မှာ တော်လှန်ရေးပြီးမှာလဲ၊ ဘယ်အချိန်မှာ အောင်မြင်မှာလဲ လို့ ခဏခဏ အမေးခံရပြီး အဲဒီမေးခွန်းဟာအားလုံးနဲ့သက်ဆိုင်ကြောင်း လည်း ဒုဗိုလ်ချုပ်ကြီး ဂွန်မော်ကပြောပါတယ်။

ကျနော်တို့ အကုန်လုံး တော်လှန်သောဘက်မှာ ရှိသ
လား၊ ကျနော်တို့ဟာ တကယ်ပဲအောင်မြင်ချင်တဲ့ စိတ်ဓာတ်နဲ့ ကျနော်တို့ အရင်းအမြစ်တွေကို ပါဝင်နေသလား ကျနော်တို့ကပြန်စိစစ်ဖို့လိုပါတယ် လို့ KIO ခေါင်းဆောင်က ပြောပါတယ်။

ဒါ့အပြင် စစ်ရေး နဲ့ နိုင်ငံရေးကို ပေါင်းစပ်ညှိနှိုင်းပြီးလိမ္မာပါးနပ်စွာဦးဆောင်မှုပေးနိုင်ခြင်းဟာ အင်မတန်အရေးကြီးသလိုပြည်သူရဲ့ထောက်ခံမှု နားလည်မှုနဲ့ လိုက်နာမှု ပြည့်စုံမှသာ အောင်မြင်မှာ ဖြစ်ကြောင်းပြောပြပါတယ်။

စစ်တပ်က တစ်ဖွဲ့ချင်းစကားပြောတဲ့ပုံစံကို KIO လက်မခံ။

တော်လှန်ရေးအောင်မြင်ဖို့အတွက် အကုန်လုံးနဲ့ပူးပေါင်း ဆောင်ရွက်နေတယ်လို့လည်းပြောပါတယ်။
စုစည်းညီညွတ်ခြင်းအား လိုပြီး တစ်စုချင်း တစ်ဖွဲ့ချင်း ကနေ တစ်နိုင်ငံလုံးစုစည်းညီညွတ်တဲ့ အားကိုလိုကြောင်းလည်းပြောပါတယ် ။

"ဒီကနေ့အထိ ကျွန်တော်တို့ သွားနေတဲ့မူကတော့ တော်လှန်ရေး အင်အားစုများနဲ့ လက်တွဲတယ်။ နေပြည်တော်အစိုးရကို ကျွန်တော်တို့ ပွင့်ပွင့်လင်းလင်း ပြောတယ်။ KIO တစ်ဖွဲ့တည်းနဲ့ စကားပြောလို့ မပြီးနိုင်ပါဘူး။

နေပြည်တော်ဟာ NUGနဲ့ စကားပြောချင်တဲ့ ဆန္ဒရှိသလားလို့ မေးထားပါတယ်။ တစ်ဖွဲ့ချင်းနဲ့စကား ပြောတဲ့ ပုံစံမျိုးကို KIOက လက်ခံမှာ မဟုတ်ဘူးဆိုတာ နိုင်ငံတကာနဲ့ အိမ်နီးချင်း နိုင်ငံများ အားလုံးကို ပြောပြထားပြီးသား ဖြစ်ပါတယ်။"လို့လည်းဆိုပါတယ် ။

မြစ်ကြီးနားက စစ်တပ်ရေဒါကို KIA တိုက်ခိုက် ၊နှစ်လတွင်း တင့်ကား ၇ စီးဖျက်ဆီး။

KIOက သတင်းတွေကို သိပ်ပြီးမှ ထုတ်ပြန်လေ့မရှိကြောင်း ၊ စစ်တပ်လေယာဥ် နဲ့ တင့်ကားတွေကိုတိုက်တဲ့ သတင်းတွေကိုပင် ထုတ်ပြန်လေ့မရှိသော်လည်း ဆက်တိုက် တိုက်ခိုက်နေတယ်လို့ ဒုတိယဗိုလ်ချုပ်ကြီးဂွန်မော်ကပြောပါတယ်။

"တစ်ခါတလေမှာ တစ်ချို့ သတင်းတွေ ထုတ်ပြန်လိုက်တဲ့အခါမှာ တစ်ဖက်(စစ်တပ်ဘက်) ကနေ ပြန်ပြီးကောင်တာ လုပ်တာတို့၊ စိတ်ဓာတ် စစ်ဆင်ရေးတို့ လုပ်တတ်ပါတယ်။ ဥပမာ လေယာဉ်တိုက်ခိုက်တဲ့ သတင်းတွေပေါ့လေ။ သိပ်မထုတ်ပါဘူး။ တကယ်လည်း တောက်လျှောက်လုပ်နေပါတယ်။ မနေ့ကဆိုရင် မြစ်ကြီးနားလေတပ်စခန်းရဲ့ ရေဒါတစ်ခုကျွန်တော် တို့ ဖျက်ဆီးပစ်ပါတယ်။ ဗန်းမော်မှာလည်း ကျွန်တော်တို့ တင့်ကားတစ်စီး ဖျက်ပါတယ် မနေ့က။ ဒီ ၂ လထဲမှာပဲ တင့်ကား ၇ စီးလောက် ဖျက်ဆီးနိုင်ခဲ့ပါတယ်။ အထူးသဖြင့်တော့ မနေ့က လေတပ်စခန်းရဲ့ ရေဒါကို ဖျက်ဆီးခဲ့တာ ဖြစ်တယ် " လို့ သူကဆက်ပြောပါတယ်။

ချင်းပြည်လွတ်မြောက်ရေး တနိုင်ငံလုံးအတွက်အရေးကြီး။

ဒါ့အပြင် ချင်းပြည်အရေးကို အလေးထားပြီးတော့ ကြိုးစားနေကြောင်း၊ ချင်းပြည်ရဲ့အရင်းအမြစ်တွေက တစ်နိုင်ငံလုံးရဲ့အောင်မြင်မှုကိုပေးစွမ်းနိုင်မယ့်လို့လည်းယုံကြည်တယ်လို့ပြောပါတယ် ။

"ကျနော်တို့မှာ ကချင်ယူနစ်၊ နာဂယူနစ်၊ ချင်းယူနစ်နဲ့ NUG စစ်ကိုင်းတိုင်း အထက်ပိုင်း ကသုံးလုံးက စတေဘယ်(တည်ငြိမ်) ဖြစ်ဖို့ ကြိုးစားနေတာဖြစ်တယ်။ ဖြစ်လည်းဖြစ်နိုင်တယ်လို့ ယုံကြည်တယ်။

ဒီအထက်ပိုင်း မြောက်ပိုင်း တစ်ခုလုံး စတေဘယ် (တည်ငြိမ်) ဖြစ်သွားလို့ရှိရင် အောက်ပိုင်းကို အလွယ် တကူ ကျနော်တို့က ထိန်း သိမ်းနိုင်မှာဖြစ်ပါတယ်။ ဒါက စစ်ရေး ရည်မှန်းချက် ဖြစ်ပါတယ်။ ချင်းပြည်အရင်းအမြစ်က တစ်နိုင်လုံးရဲ့ အောင်မြင်မှုကို ပေးစွမ်းနိုင်မယ်လို့ ယုံကြည်ပါတယ်။

ဒါကြောင့်မို့လို့ ချင်းပြည်နဲ့ ကျနော်တို့က ချင်းပြည်တစ်ခုလုံးလွတ်မြောက်ရေး အားကြိုးမာန်တက် လုပ်ဆောင်နေတယ်"လို့ သူကဆက်ပြောပါတယ်။

ဒါကြောင့် ချင်းပြည်နယ်ရှိ ချင်းပြည်ကောင်စီ(CC) ၊ ချင်းညီနောင် (CB) အဖွဲ့အားလုံးနဲ့တွေ့ဆုံခဲ့သလို KIO/KIA မှတာဝန်ရှိသူတွေလည်း ချင်းပြည်နယ်ကိုသွားရောက်ခဲ့တယ်လို့ ပြောပါတယ်။

KIA နဲ့မဟာမိတ်တပ်တွေဟာ ကချင်ပြည်နယ်ရှိဒေသအများစုကို သိမ်းပိုက်ထိန်းချုပ်ထားပြီး ဗန်းမော်မြို့သိမ်းတိုက်ပွဲဆင်နွှဲနေသလို ၊ဖားကန့် ၊တနိုင်ဒေသမှာလည်းစစ်တပ်စခန်းနဲ့စစ်ကြောင်းတွေကိုတိုက်ခိုက်နေပါတယ် ။တချိန်တည်းမှာ စစ်ကိုင်းနဲ့ ကချင်နယ်စပ် ဒေသတွေဖြစ်တဲ့ ကသာ ၊ထီးချိုင့် ၊ကောလင်း စတဲ့ဒေသတွေကတိုက်ပွဲတွေမှာ PDF တွေနဲ့ အတူ စစ်တပ်ကို တိုက်ခိုက်နေပါတယ် ။

ရုပ်သံ-Mungdan

ပြင်ဦးလွင်အနီးစခန်းလေဆိပ်ပိုင်မြေအဖြစ်အသုံးပြုရန် မြေသိမ်း ခွင့်လျှောက်ထား ဖေဖော်ဝါရီ၁၆ရက်နောက်ဆုံးထား၍ ကန့်ကွက်လွှာတင်သ...
09/02/2026

ပြင်ဦးလွင်အနီးစခန်းလေဆိပ်ပိုင်မြေအဖြစ်အသုံးပြုရန် မြေသိမ်း ခွင့်လျှောက်ထား

ဖေဖော်ဝါရီ၁၆ရက်နောက်ဆုံးထား၍ ကန့်ကွက်လွှာတင်သွင်းနိုင်ဟု ပြင်ဦးလွင်ထွေအုပ်ရုံးမှကြေငြာထား

ဖေဖော်ဝါရီ၈၊၂၀၂၆

ပို့ဆောင်ရေးနှင့်ဆက်သွယ်ရေး ဝန်ကြီးဌာန၊ လေကြောင်း ပို့ဆောင်ရေးညွှန်ကြားမှုဦးစီးဌာန၊ အနီးစခန်း လေဆိပ်ပိုင်မြေအဖြစ် အသုံးပြုရန်(မြေသိမ်း) ခွင့်ပြုပေးရန် ပြင်ဦးလွင်ခရိုင်အထွေထွေအုပ်ချုပ်ရေးဦးစီးဌာနသို့ လျှောက်ထားလာသဖြင့် စိစစ်တင်ပြ ရန် အမှုတွဲပေးပို့လာခဲ့ကြောင်း ခရိုင်ထွေအုပ် ၏ ကြေငြာစာတွင် ဖော်ပြထားပါတယ်။

အဆိုပါ မြေကွက်နှင့်ပတ်သက်၍ ကန့်ကွက်လိုသူများ ရှိပါက ခိုင်လုံသော အထောက်အထား ဖြင့် ၂၀၂၆ ခုနှစ်၊ ဖေဖော်ဝါရီလ( ၁၆ )ရက်နေ့နောက်ဆုံးထားပြီး ဤရုံးသို့ကန့်ကွက်လွှာ တင်သွင်းနိုင်ကြောင်း အောက်မြန်မာနိုင်ငံမြို့ နှင့်ကျေးရွာမြေများ နည်း ဥပဒေ အပိုဒ်(၁၉)အရ ကြော်ငြာပါ‌ကြောင်း၊ အကယ် ၍ ထိုနေ့ထက်ကျော်လွန်သော ကန့်ကွက်စာများကိုလက်ခံစဉ်းစားမည်မဟုတ်ကြောင်း ကြေငြာထားပါတယ်။

ပြင်ဦးလွင်အနီးစခန်းလေဆိပ်ပိုင်မြေအဖြစ်အသုံးပြုရန် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ လေကြောင်းပို့ဆောင်ရေးညွှန်ကြားမှုဦးစီးဌာန၊ အနီးစခန်းလေဆိပ်(ကိုယ်စား) (မန်နေဂျာ) အနီးစခန်း လေဆိပ်တာဝန်ခံက လျှောက်ထားခြင်း ဖြစ်ပြီး လေဆိပ် အနောက်ဘက်ရှိ မန္တလေး-လားရှိုးလမ်း၊ဦးပိုင်အမှတ် (Ν-၄၇က) (၄၄)၊(၄၈)၊(၆၂၊(၆၁)၊လမ်းတို့ ကို ‌‌မြေသိမ်းခွင့် လျှောက်ထားခြင်းဖြစ်ကြောင်းသိရပါတယ်။

အဆိုပါ ဧရိယာနယ်နိမိတ်အရ ရပ်ကွက်ကြီး( ၁၇၊ဆင်ခေါင်းကြီး ) ကွင်းအမှတ်( ၆၆၃/ဆင်ခေါင်းတောင်ကွင်း )ဦးပိုင်အမှတ်( ၂၆၊ N-၂ )ရှိ ( ၁၀.၅၈ ) ဧက၊ကွင်းအမှတ်( ၆၆၄/ဆင်ခေါင်းရွာကွင်း )၄၅/၁၊ ၄၆၊ ၄၆-ခ၊ ၄၆-က ၄၇ )ရှိ ( ၁၅.၀၂)ဧက စုစုပေါင်း (၂၅.၆၀)ဧက ကို လေဆိပ်ပိုင်မြေအဖြစ် ‌မြေသိမ်းခွင့်လျှောက်ထားခဲ့ခြင်းဖြစ်ကြောင်းသိရပါတယ်။

#ရပ်ဝန်းသစ် မှ ကူးယူသည် #အနီးစခန်းလေဆိပ် #လေဆိပ်ပိုင်မြေ ‌ #မြေသိမ်း #ပြင်ဦးလွင်ခရိုင် #ပြင်ဦးလွင်လားရှိုးလမ်း

UWSA (ဝ) နယ်မြေတွင် လူသတ်ပြီး အသားကို မီးဖုတ်စားသူတစ်ဦးကို ဖမ်းဆီးရမိမဲခေါင်၊ ဇန်နဝါရီ ၂၅၊၂၀၂၆။UWSA ထိန်းချုပ်ရာ “ဝ” ဒေသ...
25/01/2026

UWSA (ဝ) နယ်မြေတွင် လူသတ်ပြီး အသားကို မီးဖုတ်စားသူတစ်ဦးကို ဖမ်းဆီးရမိ

မဲခေါင်၊ ဇန်နဝါရီ ၂၅၊၂၀၂၆။

UWSA ထိန်းချုပ်ရာ “ဝ” ဒေသတစ်နေရာတွင် လူကိုသတ်ဖြတ်ပြီးနောက် အသားကို မီးကင်စားခဲ့သည့် ကျူးလွန်သူတစ်ဦးကို “ဝ” ရဲတပ်ဖွဲ့က ဖမ်းဆီးရမိကြောင်း မဲခေါင်သတင်းဌာန၏ သတင်းရင်းမြစ်ထံမှ သိရသည်။

ကျူးလွန်သူကို ဇန်နဝါရီလ ၂၃ ရက် နံနက်ပိုင်းက ဖမ်းဆီးရမိခဲ့ခြင်းဖြစ်ပြီး ဖြစ်စဉ်နှင့် ပတ်သက်သည့် အသေးစိတ် အချက်အလက်များကိုမူ တရားဝင် ထုတ်ပြန်ထားခြင်း မရှိသေးပေ။

သတင်းရင်းမြစ်၏ ပြောကြားချက်အရ ဖြစ်စဉ်မှာ မိုင်းပေါက်ဒေသအတွင်း ဖြစ်ပွားခဲ့ခြင်းဖြစ်နိုင်ပြီး၊ ဖခင်ဖြစ်သူက မနိုင်သဖြင့် သူတစ်ပါးထံ အပ်နှံထားသည့် လူတစ်ဦးကို ကျူးလွန်သူက သတ်ဖြတ်ကာ မီးဖုတ်စားခဲ့ခြင်းဖြစ်သည်ဟု ဆိုသည်။

ရဲတပ်ဖွဲ့က သတင်းရရှိ၍ သွားရောက်ဖမ်းဆီးချိန်တွင် သေဆုံးသူ၏ ခြေထောက်တစ်ဖက်သာ ကျန်ရှိတော့သည်ကို တွေ့ရှိခဲ့ရကြောင်း သိရသည်။

"အိမ်ကလူတစ်ယောက်က သတ်ပြီး မီးဖုတ်စားတာပါ။ ရဲက စစ်ဆေးမေးမြန်းတော့ အသားမစားရတာ ကြာပြီဖြစ်လို့ စားလိုက်တာလို့ ပြန်ဖြေတယ်လို့ ကြားရတယ်။ ဆေးကြောင်ပြီး လုပ်တာလည်း ဖြစ်နိုင်တယ်" ဟု သတင်းရင်းမြစ်က ပြောသည်။

“ဝ” ဒေသတွင် လွန်ခဲ့သည့် နှစ်ပေါင်းများစွာက လူသားစားသည့် အလေ့အထ ရှိခဲ့ဖူးသော်လည်း ၁၉၇၀ ပြည့်နှစ် နှောင်းပိုင်းကာလများတွင် အဆိုပါအလေ့အထမှာ လုံးဝပပျောက်သွားခဲ့ပြီ ဖြစ်သည်။

ယခုဖြစ်စဉ်နှင့် ပတ်သက်၍ “ဝ” အာဏာပိုင်များဘက်က တစ်စုံတစ်ရာ ထုတ်ပြန်ခြင်း မရှိသေးသော်လည်း ကျူးလွန်သူကို “ဝ” ဒေသ၏ တရား စီရင်ရေး အရ ထိရောက်စွာ အရေးယူ ဆောင်ရွက်သွားဖွယ်ရှိကြောင်း သိရသည်။

မှ ကူးယူဖော်ပြသည်။

#ဝဒေသ

တောင်ကြီး အောင်မြေသစ် ကိုယ်ပိုင်ကျောင်းတွင် ကျောင်းအုပ်၏သားဖြစ်သူ ကျောင်းဆရာက ကျောင်းသူအား အဓမ္မကျင့်မှု ဖြစ်ပွား။မဲခေါင...
19/01/2026

တောင်ကြီး အောင်မြေသစ် ကိုယ်ပိုင်ကျောင်းတွင် ကျောင်းအုပ်၏သားဖြစ်သူ ကျောင်းဆရာက ကျောင်းသူအား အဓမ္မကျင့်မှု ဖြစ်ပွား။

မဲခေါင်၊ ဇန်နဝါရီ ၁၉ ၊ ၂၀၂၆။

ရှမ်းပြည်တောင်ပိုင်း၊ တောင်ကြီးမြို့၊ သစ်တောရပ်ကွက်ရှိ အောင်မြေသစ် ကိုယ်ပိုင်ကျောင်း ဆရာတစ်ဦးမှ ကျောင်းသူတစ်ဦးအား ခြိမ်းခြောက်၊ ရိုက်နှက်ကာ အဓမ္မပြုကျင့်ခဲ့ကြောင်း သိရသည်။

ဇန်နဝါရီလ ၁၅ ရက်၊ နေ့လယ် ၁ နာရီခန့် ကအဆိုပါ အောင်မြေသစ်ကိုယ်ပိုင် အထက်တန်း ကျောင်းတွင် ကျောင်းတက်နေသည့် Grade 12 ကျောင်းသူတစ်ဦးသည် ခေါင်းကိုက်သဖြင့် ဆရာမထံခွင့်တောင်းပြီး အဆောင်၌ ပြန်နားနေစဉ် ကျောင်းအုပ်၏သားလည်းဖြစ်၊ ဆရာအဖြစ်လည်းလုပ်ကိုင်သူ ဇာနည်သွေးက “အရင်ကရည်းစားရှိဖူးလား” ဟုမေးမြန်းကာ ခြိမ်းခြောက်ရိုက်နှက်ပြီး အဓမ္မပြုကျင့်ခဲ့ခြင်းဖြစ်ကြောင်း ဖြစ်စဉ်ကို သိသူများက ပြောပြသည်။

“ပုံမှန်ဆို ဖျားရင် ကျောင်းကနေ အဆောင်ကို ဆရာမတွေပို့နေကြပါ။ အဲ့နေ့က ဖြစ်ချင်တော့ဆရာမတွေ မအားနေတုန်း ကျောင်းအုပ်သား(ကျူးလွန်သူ)က သွားပို့လိုက်တာပါ။ အဲ့နေ့က အဆောင်နေသူ ကလေးမ၂ဦး ဖျားကြပါတယ်။ အဆောင်က ၄ထပ်ဆိုတော့ အပေါ်ထပ်မှာ တစ်ယောက် အောက်ဆုံးထပ်မှာ တစ်ယောက်ပါ။ အောက်ဆုံးထပ်မှာနေတဲ့ ကလေးမကို သူကျူးလွန်ခဲ့တာပါ” ဟု သစ်တောရပ်ကွက်နေ ဖြစ်စဉ်သိသူတစ်ဦးက ပြောပြသည်။

ကျူးလွန်သူ ဆရာ၏ မိခင်ဖြစ်သူ ကျောင်းအုပ် ဒေါ်အေးမြနွယ်က နစ်နာသူကျောင်းသူအား ယခုကိစ္စအား နှုတ်ပိတ်ထားပေးရန်နှင့် ကျောင်းသူတောင်းဆိုသမျှ အကုန်လုပ်ပေးမည်ဖြစ်ကြောင်း ညှိနှိုင်းခဲ့ကြောင်း သိရသည်။

“ဆရာမကြီးက အဲ့ကလေးမကို ရုံးခန်းခေါ်ပြီး အဲ့ကိစ္စ နှုတ်ပိတ်ပေးဖို့ တောင်းဆိုခဲ့တယ်တဲ့။ အဲ့ကလေးမ ဘာဖြစ်ချင်လဲ အကုန်လုပ်ပေးမယ်ပေါ့။ ကလေးမက ကြောက်နေတော့ ဉာဏ်သုံးပြီးဖုန်းတောင်းခဲ့တယ်။ အဲ့ညပဲ ကလေးမက သူ့မိဘကို လှမ်းအကြောင်းကြား၊​ မိဘရောက်လာမှ အဆောင်ဆရာမတွေအကုန် သိခဲ့ရတာတဲ့” ဟု အောင်မြေသစ် ကိုယ်ပိုင်ကျောင်းမှ ကျောင်းသားမိဘတစ်ဦးက ပြောပြသည်။

မုဒိန်းမှု ကျူးလွန်သူ ဇာနည်သွေးကို ယမန်နေ့ ဇန်နဝါရီလ၁၈ ရက်နေ့လယ်ပိုင်းတွင် သစ်တောရပ်ကွက်၊ အရှေ့မြို့ပတ်လမ်းပေါ်ရှိ တောင်ကြီးဟိုတယ် အနီးတွင် ဖမ်းဆီးရမိခဲ့ပြီ ရာဇသတ်ကြီး ပုဒ်မ ၃၇၆ ဖြင့် အမှုဖွင့် အရေးယူထားကြောင်း သိရသည်။

အောင်မြေသစ်ကိုယ်ပိုင်ကျောင်းသည် အဆောင်နေကျောင်းသားများကို တနင်္ဂနွေနေ့တိုင်း သိမ်းထားသောဖုန်းများ ပြန်ထုတ်ပေးပြီး အသုံးပြုခွင့်ပေးသော်လည်း ယမန်နေ့က သတင်းပေါက်ကြားမည်ဆိုးပြီး ဖုန်းလုံးဝထုတ်မပေးရာ ကျောင်းသူများက ငိုယိုတောင်းမှသာ ထုတ်ပေးခဲ့ခြင်း ဖြစ်ကြောင်း သိရသည်။

“စနေနေ့က တနေကုန် အဆောင်ပိတ်လှောင်ထားတာ၊ ကျောင်းအုပ်လည်းမရှိတော့ဘူး။ တနင်္ဂနွေညမှ ကလေးတွေငိုယို ဖုန်းတောင်းကြမှ အိမ်နဲ့ဆက်သွယ်ရပြီး ဆရာမတွေက အိမ်ပြန်နေချင်သူ ပြန်လို့ရတယ်ပြောလို့ မြို့ပေါ်နေသူတွေက ကိုယ့်သားသမီးကိုယ် ညတွင်းချင်းသွားပြန် ခေါ်ခဲ့ကြတာ။ နယ်ကလာနေတဲ့သူလောက်ပဲကျန်တော့မယ်။ သူတို့လည်း ပြန်ကြမှာပဲ။ မနေရဲတော့ဘူးလေ” ဟု ကျောင်းသားမိဘ တစ်ဦးကဆိုသည်။

ကျူးလွန်ခံရသူ အမျိုးသမီးငယ်မှာ မျက်နှာတွင် ရိုက်နှက်ခံထားရသည့် ညိုမဲဒဏ်ရာများအပြင်၊ ကိုယ်တွင်းအင်္ဂါထိခိုက်သည့် ဒဏ်ရာပါရရှိထားသောကြောင့် ဆေးကုသမှုခံယူနေရကြောင်းသိရသည်။

ကျူးလွန်သူ ဆရာဇာနည်သွေးသည် ၂၀၂၅ ခုနှစ် ဇွန်လကမှ ဘန်ကောက်တွင်ကျောင်းတက်နေရာမှ ပြန်လာပြီး မိဘပိုင် အောင်မြေသစ်ကိုယ်ပိုင်ကျောင်းတွင် ဆရာအဖြစ်ပြန်လုပ်ကိုင်နေခြင်းဖြစ်ကြောင်းသိရသည်။ လာမည့် ဖေဖော်ဝါရီလတွင် ၎င်းချစ်သူနှင့် မင်္ဂလာဆောင်တော့မည် ဖြစ်ကြောင်းလည်းသိရသည်။

ယင်းကိုယ်ပိုင်ကျောင်းတွင် သင်ကြားရေး ဆရာ၊ဆရာမ ၂၆ ဦး၊ စီမံဝန်ထမ်း ၉ ဦး ရှိပြီး လက်ရှိအဆောင်၌ ကျောင်းတက်ရောက်နေသူ ကျောင်းသား ၁၇၈ ဦး၊ ကျောင်းသူ ၂၄၆ ဦး၊ စုစုပေါင်း ၄၂၄ ဦးရှိကာ ညအိပ်ညနေ တက် ရောက်သူ ကျောင်းသား ၁၀၁ ဦး၊ ကျောင်းသူ ၁၀၆ ဦး၊ စုစုပေါင်း ကျောင်းသား/သူ ၂၀၇ ဦး ရှိကြောင်း သိရသည်။

မှ ကူးယူဖော်ပြသည်။

15/01/2026

ကနီမြို့နယ် ရှမ်းမြောင်းရွာ သာသနိကအဆောက်အဦများ၊ လေကြောင်းတိုက်ခိုက်ခံရ

(15-1-2026)ရက်နေ့ ညနေပိုင်း(၂း၀၁) (၃း၅၁) အချိန်က စ-က-မ၏ မုံရွာ န.မ.ခ မှ တတ်လာသော ကော့ပတာ နှစ်စီး ၊ ကနီမြို့မှ တတ်လာသော ဒရုန်းများဖြင့် ပစ်-ခတ်ခဲ့ရာ ကနီမြို့နယ် ရှမ်းမြောင်းရွာ အောင်စကြာစေတီကုန်းပေါ်ရှိ ဂန္ဓကုဋီတိုက်
ဓမ္မာရုံနှင့် အောင်မင်္ဂလာဘုန်းတော်ကြီးကျောင်းတိုက် ပျက်စီးခဲ့ပြီး ကျောင်းနေ ရဟန်းတော် တပါး ၊ တောရ ဆောက်တည်နေသည့် ရဟန်းတော် တပါးဒဏ်ရာရရှိခဲ့သည်။

၁၅/၁/၂၀၂၆

ที่อยู่

Mae Sot

เว็บไซต์

แจ้งเตือน

รับทราบข่าวสารและโปรโมชั่นของ Myanmar Di Kaผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ทางลัด

แชร์