เว็บไซต์คืออะไร?

https://www.facebook.com/638869196138558/

Myanmar Di Ka, Mae Sot (2026)

11/09/2026

၄၉၂၆ စစ်ဆင်ရေး 😁

ကာတွန်း ဇင်မျိုး ၏ လက်ရာ အဟောင်းဖြစ်ပါသည်။

21/08/2026

ကိုလက်ယာ ၏ လက်ရာ

29/07/2026

က ဖလူးဒေသတွင်ဖြစ်ပေါ်နေသော စစ်ရေးပဋိပက္ခများနှင့်ပတ်သက်၍ အမိန့်ထုတ်ပြန်

အမိန့်ကြေညာချက်အမှတ်(၂/၂၀၂၆)

29/07/2026

မြဝ‌တီမြို့နယ် ဖလူးကြီးရွာနှင့် ကျောက်ခက်ရွာ လမ်း သုံးထပ်ကွေ့ တွင် တည်ရှိသော ဘုန်းကြီးကျောင်း ကို ရွေးတုစစ်အုပ်စုမှ ပေါင်ငါးရာဗုံး ကြဲချ၍ ဘုန်းကြီးတစ်ပါး ဒဏ်ရာ ရရှိ။

28-7-2026
#သုံးထပ်ကွေ့

28/07/2026

ကျီးကို ခယ ဟင်္သါ ဘဝ။
____________________
All 40 နဲ့ ဆယ်တန်းအောင်ပြီး စစ်ဗိုလ်ဖြစ်လာတဲ့ကောင်တွေက အခန့်သားနဲ့ ၊ လူထုရဲ့ သားသမီးတွေကို သင်ကြားပေးနေတဲ့ မြတ်ဆရာတွေက မြေပြင်မှာထိုင်လို့ ၊ နေဝင်း သန်းရွှေ ခင်ညွန့် သိန်းစိန် မအလ အမွေခံ ပူဇော်အထူးကို ခံယူချင်ကြတဲ့ စစ်အုပ်စုမျိုးဆက်ဟာ အနာဂါတ်ထိ ခြိမ်းခြောက်နေတာ မျက်မြင်တွေ့ရသလိုပါပဲ။

ကောသလမင်းအိမ်မက်ထဲက လို ကျီးကို ရွှေဟင်္သါတွေက ခယနေရတဲ့ အိမ်မက်က တကယ် ဖြစ်လာနေပါတယ်။

အဝေးဆုံး မကြည့်ပါနဲ့ သင့်အိမ် သင့်ရပ်ကွက် ကိုပဲ ကြည့်ပါ။ တေလေဂျပိုး ထောင်ထွက် လူရမ်းကားတွေက ပျူတွေ ပစ တွေ အဖြစ် အုပ်ချုပ်ရေး လုံခြုံရေး အကြောင်းပြ ဖိနှိပ် ငွေညှစ် စီးပွားရှာပြီး ရပ်ကွက် ဘုရင်လို နေနေကြတာ ရပ်ကွက်သူ ရပ်ကွက်သား ကျီးလန့်စာ စားနေရတဲ့ အခြေအနေတွေက ငြင်းမရတဲ့ အရှိတရားပါ။

တိုင်းပြည်ကို အသံကောင်းဟစ်ပြီး ဖျက်ဆီးပစ်နေတဲ့စစ်အုပ်စု အကြောင်း သိသိကြီးနဲ့ ငုံ့ခံနေရတဲ့ ဘဝတွေ ကို ကိုယ်ချင်းစာပေးလို့ရပေမယ့် လွတ်မြောက်မှုဆိုတာက ကာယကံတွေပါဝင်မှာ ရမှာပါ။

သည်အခြေအနေတွေကို စစ်အုပ်စု ဘောမ လပစ (BJ) တွေက တော့ ချေပ ကာကွယ် ဘော်ဘီ လုပ်ပါလိမ့်မယ်။ ဒေဝဒတ်မှာလည်း သူ့ပရိသတ်နဲ့သူမို့ ဒေဝဒတ်သာလျှင် ဘုရား ဖြစ်ထိုက်တယ်လို့ သူ့သာဝက လပစ ဘမ တွေက ဆိုကြမှာ အသေချာပါပဲ။

နန္ဒာနီ
၂၈ ဇူလိုင် ၂၀၂၆။

21/07/2026

TNLA ၏ ထုံးဖြူဖွေးဖွေး ဇာတ်လမ်း

17/07/2026

လေးကေ့ကော် ရဲကုန်းတိုက်ပွဲတွင် KNLA-PDF က ဗျူဟာမြောက် အကွက်ဆင်ချေမှုန်းခဲ့ရာ စစ်ကောင်စီ ဒုတပ်ရင်းမှူး အပါအဝင် စစ်ကြောင်းတစ်ခုလုံးနီးပါး ကျဆုံးပြီး စစ်မှုထမ်းသစ်များ အရှင်ဖမ်းမိ

Karen United Media
ဇူလိုင် ၁၇၊၂၀၂၆။

ကရင်ပြည်နယ်၊ မြဝတီမြို့နယ်တောင်ဘက်ခြမ်း လေးကေ့ကော်ဒေသရှိ မဟာဗျူဟာကျသော ရဲကုန်းစခန်းကို ထိုးစစ်ဆင်လာသည့် စစ်ကောင်စီတပ်များ အား တော်လှန်ရေး ပူးပေါင်းတပ်များက ဗျူဟာမြောက် အကွက်ဆင် ချေမှုန်းခဲ့ရာ စစ်ကောင်စီဘက်မှ ဒုတပ်ရင်းမှူး အပါအဝင် စစ်ကြောင်းတစ်ခုလုံးနီးပါး သေဆုံးထိခိုက်ခဲ့ပြီး စစ်မှုထမ်း တပ်သားသစ် (၄)ဦးကို လက်နက်ခဲယမ်းများနှင့်အတူ အရှင်ဖမ်းဆီးရမိခဲ့ကြောင်း ရှေ့တန်းစစ်ရေးသတင်းရင်းမြစ် များထံမှ သိရသည်။

ပြီးခဲ့သည့် ဇူလိုင်လ ၇ ရက်နေ့မှစတင်၍ စစ်ကောင်စီသည် မင်းလက်ပံ၊ ဖလူးနှင့် လေးကေ့ကော်ဒေသများသို့ အင်အား ၁၈၀၀ ကျော်ခန့်ဖြင့် အလုံးအရင်း ထပ်မံဖြည့်တင်းကာ အပြင်းအထန်ထိုးစစ်ဆင်လာခဲ့သည်။

အထူးသဖြင့် လေးကေ့ကော်ဒေသ ရှိ ကရင်အမျိုးသား လွတ်မြောက်ရေးတပ်မတော် (KNLA) နှင့် ပြည်သူ့ကာကွယ်ရေးတပ်မတော် (PDF)ပူးပေါင်းတပ်များ အခိုင်အမာ တပ်စွဲထားသည့် အရေးပါသော ရဲကုန်းစခန်းကို ပစ်မှတ်ထားကာ လေကြောင်းပစ်ကူများ၊ လက်နက်ကြီးများဖြင့် အဆက်မပြတ် တိုက်ခိုက်ခဲ့သည်။

ထိုသို့ လေကြောင်းမှ အလွန်အကျွံ ဗုံးကြဲတိုက်ခိုက်လာသည့်အပြင် မြေပြင်မှစကခ(၁၃) လက်အောက်ခံ ခြေမြန်တပ်ရင်း (ခမရ - ၅၆၆) နှင့် ပူးပေါင်းတပ်များ ထိုးစစ်ဆင်လာချိန်တွင် KNLA-PDF ပူးပေါင်းတပ်များက ကြာမြင့်စွာ ထိပ်တိုက်ရင်ဆိုင်ခြင်း မပြုဘဲ စစ်ရေးအရ ရဲကုန်းစခန်းမှ ယာယီဆုတ်ခွာပေးကာ ရန်သူကို ဗျူဟာမြောက် အကွက်ဆင် မြှူဆွယ်ခဲ့သည်။

KNLA ပူးပေါင်းတပ်များ ဆုတ်ခွာသွားပြီးနောက် ရဲကုန်းစခန်းကို သိမ်းပိုက်ရရှိပြီဟု အထင်ဖြင့် အပျော်လွန်ကာ အထိုင်ချတပ်စွဲနေသော ခမရ(၅၆၆) တပ်ရင်း မှ တပ်ဖွဲ့ဝင်များနှင့် အင်အားထပ်ဖြည့်ရန်လာသော ခမရ(၅၆၆)တပ်ရင်းနှင့် ပူးပေါင်းစစ်ကြောင်း ကို ယမန်နေ့ ဇူလိုင်လ ၁၆ ရက်နေ့တွင် တော်လှန်ရေးပူးပေါင်းတပ်များက ရုတ်တရက် ပြန်လည် ပိတ်ဆို့ကာ အလစ်အငိုက် ဝင်ရောက်စီးနင်း တိုက်ခိုက်ချေမှုန်းခဲ့သည်။

ထိုသို့ ကြိုတင်စီစဉ်ထားသည့်အတိုင်း ဝိုင်းဝန်းချေမှုန်း ခံရမှုကြောင့် ခမရ (၅၆၆) မှ ဒုတပ်ရင်းမှူး အပါအဝင် စစ်ကြောင်းတစ်ခုလုံးနီးပါး ထိခိုက်ကျဆုံးခဲ့ရကြောင်း ရှေ့တန်းစစ်ရေးသတင်းရင်းမြစ်က အတည်ပြုသည်။

"သူတို့က စခန်းရပြီဆိုပြီး အပျော်လွန်နေကြတာ။ ကျွန်တော်တို့ဘက်က အလစ်ဝင်တိုက်ပြီး ပိတ်ဆို့ချေမှုန်းလိုက်တဲ့အချိန်မှာ သူတို့ဘက်က အသေ အပျောက် အရမ်းများသွားတယ်။အဲဒီအချိန်မှာပဲ သူတို့မြေပြင်တပ် အထိနာတာကို ကယ်ဖို့ဆိုပြီး စစ်တပ်က Y-12လေယာဉ်နဲ့ လာပြီး ဗုံးကြဲပစ်ကူပေးသေးတယ်။ ဒါပေမဲ့ သူတို့စစ်ကြောင်းကတော့ တော်တော်လေး ပြုတ်သွားပြီ။ သေနတ်တွေ၊ ခဲယမ်းတွေလည်း အများကြီး သိမ်းဆည်းရမိတယ်" ဟု KNLAရှေ့တန်း စစ်ရေးသတင်းရင်းမြစ်တစ်ဦးက ရှင်းပြသည်။

ထို့အပြင် ယင်းပိတ်ဆို့ချေမှုန်းမှုအတွင်း စစ်ကောင်စီက အတင်းအကျပ် ခေါ်ယူကာ ရှေ့တန်းသို့ စတေးခံအဖြစ် စေလွှတ်ထားသော စစ်မှုထမ်းတပ်သားသစ် (၄) ဦးကိုလည်း တော်လှန်ရေးပူးပေါင်းတပ်များက အရှင်လတ်လတ် ဖမ်းဆီးရမိခဲ့သည်။

ယခုတိုက်ပွဲအတွင်း စစ်မှုထမ်းတပ်သားသစ်များ သေဆုံးနေရမှုများ အရှင်ဖမ်းဆီးရမိမှုနှင့် ပတ်သက် ၍ ဗိုလ်စောကော် က ၎င်း၏ လူမှုကွန်ရက်စာမျက်နှာ (Facebook) တွင် ဖမ်းဆီးရမိထားသည့် တပ်သားသစ်များ ၏ ရုပ်သံဗီဒီယိုကို တင်ပြကာ စိတ်မကောင်းဖွယ်ဖြစ်ရပ်အဖြစ် ရေးသားဖော်ပြခဲ့သည်။

ဗိုလ်စောကော်က ၎င်း၏ လူမှုကွန်ရက်တွင် "စကခ (၁၃) က ပြည်သူ့စစ် ညီလေးတွေ... ပြေးရင် မြန်မြန်ပြေးကြ။ တွေ့ရမြင်ရတာတွေ စိတ်မကောင်းပေမဲ့မတတ်သာလို့ ခုခံရတာပါ..." ဟူ၍ ရှေ့တန်းသို့ အတင်း အကျပ် စေလွှတ်ခံရသည့် လူငယ်များအပေါ် ကိုယ်ချင်းစာနာစိတ်ဖြင့်တိုက်တွန်းရေးသားထားသည်ကို တွေ့ရသည်။

ဤသည်မှာ စစ်ကောင်စီ၏ စစ်မှုထမ်းဥပဒေဖြင့် ဖမ်းဆီးစေလွှတ်ခံရသော လူငယ်များ ရှေ့တန်းစစ်မျက်နှာပြင်များ အလဟဿ အသက်စတေးနေရခြင်း သို့မဟုတ် ဖမ်းဆီးခံနေရခြင်းကို မီးမောင်းထိုးပြလိုက်ခြင်းပင် ဖြစ်သည်။

ယခုလေးကေ့ကော် ရဲကုန်းတိုက်ပွဲသည် စစ်ကောင်စီ ၏ မြဝတီတောင်ပိုင်း ထိုးစစ်အတွက် ကြီးမားသောထိုးနှက်ချက်တစ်ခု ဖြစ်လာခဲ့သည်။ စစ်ကောင်စီသည် လေကြောင်းကို အဓိကအားကိုးကာ နယ်မြေရှင်းလင်းရေး လုပ်ဆောင်နေသော်လည်း၊ KNLA - PDF ပူးပေါင်းတပ်များ၏ မြေပြင်ပထဝီဝင်ကို ကျွမ်းကျင်စွာ အသုံးချမှုနှင့် ဗျူဟာမြောက် အကွက်ဆင် ချေမှုန်းမှုများကြောင့် မြေပြင်ခြေလျင်စစ်ကြောင်းများမှာ ဆက်တိုက်ဆိုသလို ကြီးမားစွာ အထိနာလျက်ရှိသည်။

အင်အားများစွာ ဖြည့်တင်းထားသော်လည်း အောက်ခြေ တပ်ဖွဲ့ဝင်များကြား စိတ်ဓာတ်ရေးရာ ပြိုလဲနေမှုနှင့် အတွေ့အကြုံမရှိသည့် စစ်မှုထမ်းတပ်သားသစ်များကို ရှေ့တန်းတင်နေရမှုများကြောင့် ဖလူး၊ မင်းလက်ပံနှင့် လေးကေ့ကော် စစ်မျက်နှာပြင်တွင် စစ်ကောင်စီ ၏ ထိုးစစ်မှာ နေ့စဉ်နှင့်အမျှ အရှုံးနှင့်သာ ရင်ဆိုင်နေရကြောင်း စစ်ရေးသုံးသပ်သူများက ဆိုသည်။

မှ ရယူဖော်ပြသည် #လေးကေ့ကော်တိုက်ပွဲ #ရဲကုန်း #စစ်ကောင်စီ
#စစ်မှုထမ်းဥပဒေ

15/07/2026

မန္တလေးမှာ နေ့ခင်းကြောင်တောင် ပျောက်သွားတဲ့ (၂၄) နှစ်အရွယ် မိန်းကလေး ဖုန်းတွေပါ စက်ပိတ်သွားလို့ မိသားစုတွေ ရင်ကွဲနေရပြီမို့ အမြန်ဆုံး ဝိုင်းရှယ်ပြီး ကူညီပေးကြပါရန်

မန္တလေးမြို့မှာ နေ့လယ်ခင်းကြီး ရုတ်တရက် အဆက် အသွယ် လုံးဝ ပြတ်တောက်သွားတဲ့ (၂၄) နှစ် အရွယ် မိန်းကလေးတစ်ဦးကို မိသားစုက အပူ တပြင်း လိုက်လံရှာဖွေနေရပါတယ်။

ရုတ်တရက် အဆက်အသွယ် ပြတ်တောက်သွားခြင်း

ဖြစ်စဉ်ကတော့ မန္တလေးမြို့၊ ချမ်းမြသာစည် မြို့နယ်မှာ နေထိုင်တဲ့ အသက် (၂၄) နှစ်အရွယ် "မယွန်းမြတ်နိုး" ဟာ ပြီးခဲ့တဲ့ ဇူလိုင်လ (၁၁) ရက်နေ့၊ နေ့လယ် (၁၂) နာရီ ဝန်းကျင်လောက်ကတည်းက ရုတ်တရက် အဆက်အသွယ် လုံးဝမရတော့ဘဲ ပျောက်ဆုံးနေတာ ဖြစ်ပါတယ်။

အဲ့ဒီနေ့ ညနေပိုင်းကစပြီး ကိုင်ဆောင်ထားတဲ့ ဖုန်းတွေပါ အားလုံး စက်ပိတ်သွားတဲ့အတွက် ဘယ်လိုမှ ဆက်သွယ်လို့ မရတော့ဘဲ နေအိမ်ကိုလည်း ပြန်မလာ တော့လို့ မိသားစုဝင်တွေ အားလုံး အလွန်အမင်း စိုးရိမ်ပူပန်နေကြရပါတယ်။

🆘 အကူအညီ လိုအပ်နေပါတယ်

သမီးလေး မယွန်းမြတ်နိုး ဘယ်နေရာမှာ ရှိနေတယ်ဆိုတာကို သိရှိသူ ဖြစ်စေ၊ လမ်းမှာ တွေ့မြင်လိုက်ရသူ ဖြစ်စေ၊ ခေတ္တ လက်ခံထားသူများ ရှိခဲ့ရင်ဖြစ်စေ... မိသားစုရဲ့ သောကမီးတွေ ငြိမ်းအေးသွားနိုင်စေဖို့ အောက်ပါ ဖုန်းနံပါတ်တွေကို သနားငဲ့ညှာသောအားဖြင့် ချက်ချင်း ဆက်သွယ် အကြောင်းကြားပေးကြဖို့ အနူးအညွတ် မေတ္တာရပ်ခံ တောင်းပန်အပ်ပါတယ်။

📞 ဆက်သွယ်ရန် ဖုန်းနံပါတ်များ

09-978888562

09-965399455

09-983498819

သင့်ရဲ့ Share တစ်ချက်က ဒီသမီးငယ်လေးကို ဘေးအန္တရာယ်ကင်းကင်းနဲ့ မိသားစုရင်ခွင်ဆီ အမြန်ဆုံး ပြန်ရောက်လာစေဖို့ အကြီးမားဆုံး အကူအညီ ဖြစ်သွားနိုင်ပါတယ်။ စေတနာထားပြီး ဖတ်ရှုမိသူ တဦးခြင်းက ဝိုင်းဝန်း ဖြန့်ဝေ ကူညီပေးကြပါဦး လို့ မေတ္တာရပ်ခံပါတယ်။

08/07/2026

"မဲဆောက်နှင့် မယ်ရမတ် ရှိ PTT အရောင်းဆိုင်များတွင် ငွေစက္ကူအတုများ တွေ့ရှိ၊ မြန်မာခရီးသွားများအား သတိပြုရန် နှိုးဆော်"
=========================
မဲဆောက်၊ ဇွန်(၉)

ထိုင်း-မြန်မာနယ်စပ် တာ့ခ်ခရိုင်၊ မဲဆောက်မြို့နှင့် မယ်ရမတ်မြို့ (Mae Ramat) ရှိ PTT ဆီဆိုင်ခွဲများတွင် ဘတ် ၁,၀၀၀ တန် ငွေစက္ကူအတုများ ပျံ့နှံ့နေကြောင်း အဆိုပါလုပ်ငန်းစု၏ မန်နေဂျာနှင့် အမှုဆောင်အရာရှိများက သတင်းထုတ်ပြန်ကာ ပြည်သူများနှင့် ကုန်သည် စျေးရောင်းစျေးဝယ်များကို အထူးသတိပြုကြရန် အသိပေးနှိုးဆော်ထားသည်။

လတ်တလောတွင် မဲဆောက်နှင့် မယ်ရမတ်မြို့နယ်များရှိ PTT ဆီဆိုင်ဝင်းအတွင်းရှိ ဓာတ်ဆီဆိုင်၊ Café Amazon ကော်ဖီဆိုင်နှင့် 7-Eleven စတိုးဆိုင်များတွင် ဘတ် ၁,၀၀၀ တန် အတု စုစုပေါင်း (၅) ရွက် (တန်ဖိုးအားဖြင့် ဘတ် ၅,၀၀၀ ဖိုး) ရှာဖွေတွေ့ရှိထားကြောင်း သိရသည်။

အဆိုပါ သတင်းထုတ်ပြန်ချက်အရ ငွေစက္ကူအတု အသုံးပြုသူအများစုမှာ "မြန်မာလိုင်စင်နံပါတ်ပြားတပ်ဆင်ထားသည့် Probox Vanကားများဖြင့် လာရောက်ကြသော မြန်မာနိုင်ငံသား ဆီလာဖြည့်သူများ" ဖြစ်ကြပြီး ဆီဆိုင်ဝင်းအတွင်းရှိ ဆိုင်များတွင် လာရောက်သုံးစွဲခဲ့ကြခြင်း ဖြစ်သည်။ အချို့ကို ငွေပေးချေနေစဉ် လက်ငင်းဖမ်းမိခဲ့သော်လည်း အချို့ကိုမူ နောက်မှ စစ်ဆေးတွေ့ရှိခဲ့ခြင်း ဖြစ်သည်။

အဆိုပါ ဘတ် ၁,၀၀၀ တန် အတုများသည် သာမန်အတုများထက် ပိုမိုအတုခိုးရလွယ်ကူပြီး အဆင့်မြင့်သည့်အတွက်ကြောင့် ပိုမိုသတိထားရမည် ဖြစ်ကြောင်း တာဝန်ရှိသူများက ဆိုသည်။ ၎င်းငွေစက္ကူအတုအချို့သည် ငွေစက္ကူစစ်ဆေးသည့် ဘောပင် (Money Detector Pen) ဖြင့် ခြစ်၍ စစ်ဆေးသော်လည်း အရောင်ပြောင်းလဲခြင်းမရှိဘဲ အစစ်အတိုင်း ပြသနေခြင်း၊ ငွေစက္ကူပေါ်ရှိ ရေစာ (Watermark) များ ပါရှိနေခြင်း၊ ခရမ်းလွန်ရောင်ခြည်ပြစက် (UV Light Machine) ဖြင့် စစ်ဆေးမှုကိုပင် ကျော်ဖြတ်နိုင်ခြင်း စသည့် ထူးခြားချက်များ ရှိနေကြောင်းသိရသည်။

ထို့ကြောင့် မဲဆောက်နှင့် ကပ်လျက်နယ်စပ်ဒေသများရှိ စျေးသည်များ၊ ဆိုင်ရှင်များ၊ အစားအသောက်နှင့် ဝန်ဆောင်မှုလုပ်ငန်းများ၊ စတိုးဆိုင်များအနေဖြင့် ငွေစက္ကူကို စက် သို့မဟုတ် ဘောပင်ဖြင့် စစ်ဆေးရုံတင်မကဘဲ လက်ဖြင့် ကိုင်တွယ်စမ်းသပ်ခြင်း၊ အလင်းရောင်တွင် သေချာစွာ ချိန်ညှိကြည့်ရှုခြင်းများဖြင့် ပိုမိုဂရုတစိုက် စစ်ဆေးရန် လိုအပ်နေပြီ ဖြစ်သည်။

အထူးသဖြင့် မြန်မာနိုင်ငံဘက်မှ လာရောက်ကြသည့် ခရီးသွားများနှင့် ကုန်သည်များအနေဖြင့်လည်း မိမိတို့လက်ဝယ်သို့ အခြားနေရာမှ ငွေစက္ကူအတုများ မသိမသာ ရောပါမလာစေရန် ငွေအကြွေလဲလှယ်ရာတွင်ဖြစ်စေ၊ ငွေအမ်းရာတွင်ဖြစ်စေ စေ့စေ့စပ်စပ် စစ်ဆေးကြပါရန် တိုက်တွန်းနှိုးဆော်ထားသည်။
#မြတ်ကို_ဒေါနမြေ(မူရင်း)
#မဲဆောက်_မဲရမတ်PTTဆီဆိုင်
#ထိုင်းဘတ်တစ်ထောင်တန်အတုများတွေ့ရှိ
#မြန်မာနိုင်ငံမှဆီလာဖြည့်သည့်ကားများ
#ဆီဖြည့်ခြင်းနှင့်ကော်ဖီဝယ်ယူရာတွင်အသုံးပြုခြင်း
Source: กิตติศักดิ์ บุญจันทร์
(သတင်းအချက်အလက်အရင်းအမြစ် - မဲဆောက်နှင့် အနီးတဝိုက်ရှိ PTT အမှုဆောင်အရာရှိများနှင့် မန်နေဂျာများ)

22/04/2026

မကြာခင် မြင်ရနိုင်သော အခင်းအကျင်း။

အမဲရိုးပြရင် အမြှီးနန့်တဲ့ ခွေးမြှီးကောက် ကျည်ထောက်စွတ်တွေ မြင်ရဦးမယ်၊ အရိုးအရင်းလေး စားရစားရ ငါ့ဝမ်းပြည့်ရေး အတ္တအခံနဲ့ ကိုယ်လွတ် ရုန်းထွက်တဲ့ စရိုက်တွေ မြင်ရဦးမယ်။

NCA အယောင်ပြ လုပ်ပိုင်ခွင့် ခံစားခွင့် ခွင့်ထူးခံ မက်လုံး အရိုးတွေ ကို သွားရည်တမျှားမျှားကျ ပြေးကိုက်ကြမယ့် သူတွေကိုတော့ လမ်းဘေးခွေးလို စရိုက်သမားလို့ပဲ မြင်တယ်၊ ခွေးကောင်းတွေနဲ့တော့ မနှိုင်းဘူး ခွေးသိက္ခာကျတယ်။

ခွေးကောင်းတွေက ထမင်းကျွေးတဲ့ သခင်(ပြည်သူ) ကို သစ္စာရှိတယ် ၊ ငတ်လည်းအတူနေတယ်။ တောထဲ တပ်တွေထဲက အာဝုလေးတွေဆို လူတွေ ရဲဘော်တွေနဲ့ သေအတူ ရှင်မကွာ နေကြတယ်။

လူတွေနဲ့ဖွဲ့ထားပြီး တဖွဲ့ကောင်းစားလိုစိတ် တွေနဲ့ လက်နက်ကိုင်ထားသူတွေဟာ တော်လှန်ရေးသမား မဟုတ်ဘူး၊ တော်လှန်ရေး အဖွဲ့မဟုတ်ဘူး ၊ ဗမာအပါအဝင် ဘယ်အဖွဲ့ဖြစ်ဖြစ် အဲ့ဒီ အမူအကျင့် အမဲရိုး ပြေးဟတ်တဲ့ အကျင့်ရှိရင် ၊ နှစ်ပေါင်းမည်မျှ တော်လှန်လာတာ ကြွေးကြော်လည်း အပိုပဲ၊ သူတို့ စစ်တိုက်ခဲ့ကြတာမဟုတ် ၊ စီးပွားရေး လုပ်နေခဲ့တာပဲ၊ အကျိုးအမြတ် စစ်ပွဲပဲ၊ တော်လှန်စစ်ပွဲ မဟုတ်ဘူး။

ဒါကြောင့်လည်း စစ်အုပ်စုက တိုင်းရင်းသားလက်နက်ကိုင် (EAO) လို့ နှိမ်ခေါ်တာ ခံရတာ၊ တိုင်းရင်းသားတော်လှန်ရေးအဖွဲ့ (ERO) လို့ တော်လှန်ရေး အင်အားစုက တန်ဖိုးထားခေါ်တာက ၊ တော်လှန်ရေး အတွက် သစ္စာထားဖို့ ၊ တော်လှန်ရေး လို ရည်ရွယ်ချက် မူ လုပ်ငန်းစဉ် နဲ့ ရန်သူကို ဒူးမထောက် ဦးမညွှတ် တဲ့ ခိုင်ကျည်မှုကို တန်ဖိုးထားလို့ပါပဲ။

ဗမာတိုင်းရင်းသား အပါအဝင် အားလုံးသော တိုင်းရင်းသား အဖွဲ့အစည်းတွေ အဖို့ ၊ တော်လှန်ရေး ဂုဏ်ဒြပ်နဲ့ ERO လို့ သိက္ခာရှိစွာ အခေါ်ခံ ရပ်တည်မလား ၊ စစ်အုပ်စုက လက်နက်ကိုင်လို့ နှိမ်ခေါ်တဲ့ EAO ဆိုတဲ့ ဘဝ ကြိုက်လား ၊ ဆုံးဖြတ်နိုင်ကြပါစေ။

ရေးသူ
စောအဲရု
ဧပြီ ၂၂ ၊ ၂၀၂၆။

Myanmar Di Ka

11/09/2026

21/08/2026

29/07/2026

29/07/2026

28/07/2026

21/07/2026

17/07/2026

15/07/2026

08/07/2026

22/04/2026

ที่อยู่

เว็บไซต์

แจ้งเตือน

ทางลัด

แชร์

คำขอนำรายการออก