เว็บไซต์คืออะไร?

https://www.facebook.com/638869196138558/

Myanmar Di Ka, Mae Sot (2025)

27/05/2025

အရေးကြီးသတင်း ထုတ်ပြန်ကြေညာချက်

၂၀၂၅ ခုနှစ် ၊ မေလ (၂၇)ရက် ။

17/05/2025

ပြန်လာမည် မကြာမီ

15/11/2024

တုပ်ချက်ပြင်းမယ့် ရင်းနှီးမြှုပ်နှံမှု 🐝
ဘုံအနာဂတ် အိမ်ပြန်ခရီးမှာ ဝက်ဝံဆိုးတွေကို တဟုန်ထိုး တုပ်အားပြင်းပြင်းနဲ့ တွန်းလှန်ဖို့အတွက် ဘဏ္ဍာစုဆောင်း ရင်းနှီးမည့် ICO Round 2 မှာ နွေဦးပျားများကို ပါဝင်ပျံသန်းဖို့ ဖိတ်ခေါ်ချင်ပါတယ်။
$10 အနည်းဆုံး ရင်းနှီးပြီး နွေဦးဘဏ် ရှယ်ယာဝင်နိုင်ဖို့ SDB အကောင့်တခုရှိရန်သာ လိုအပ်ပါတယ်။
SDB အတွင်း ကြိုက်ရာငွေကြေး ၁၀ မျိုး ဖြင့် ဖြည့်ထားနိုင်ပြီး အပတ်စဉ် သတ်မှတ်ထားတဲ့ exchange rate တန်ဖိုး အတိုင်း Token များကို တိုက်ရိုက်ဝယ်ယူနိုင်မှာ ဖြစ်ပါတယ်။
တုပ်ချက်အားပြင်းဖို့ ICO Round 2 ရင်းနှီးမြှုပ်နှံကြစို့။ 🤩

📲 ICO 2 အတွက် SDB ဖွင့်ရန်
bit.ly/m/SDB4all

🧑‍🚀 SDB ရှယ်ယာရှင်များ စုဝေးရာ
https://t.me/SpringDevBankCommunity

04/11/2024

မြသိန်းတန်ဘုရားပေါ်တပ်လာစွဲသော စကစများအား ဒရုန်းဖြင့် မြင်တွေ့ရစဉ်။

( ရက်လွန်ပြီး ရုပ်သံသာ ဖြစ်ပါ၍ လုံခြုံရေး မထိခိုက်ပါကြောင်း )
မူလတင်ထားသော ရဲဘော်များ၏ ကြိုးစားအားထုတ်နေမှုကို လေးစားပါတယ် ၊ အများပြည်သူအနေဖြင့်လည်း ကြည့်ရှုပြီးနောက် ဆက်လက်ပံ့ပိုးနိုင်စေခြင်း အလို့ငှာ ပြန်လည်ဖော်ပြခြင်း ဖြစ်ပါသည်။

The Bridge
41124

04/11/2024

ဗိုလ်ကြီး ၃ ဦး အပါအဝင် စစ်သုံ့ပန်း ၁၇ ဦး ဖမ်းဆီးရရှိပြီး စစ်သား အလောင်း ၁၄ လောင်းရရှိသော ဖာပွန်မြို့နယ်၊ ခေါပုတ်စခန်းသိမ်းတိုက်ပွဲအပြီး ရုပ်/သံ

ရန်ကုန်၊ နိုဝင်ဘာ ၃

ကရင်ပြည်နယ်၊ KNU တပ်မဟာ ၅ နယ်မြေ၊ ဖာပွန်မြို့နယ်၊ ခေါပုတ်စခန်းသိမ်းတိုက်ပွဲ ဆင်နွှဲခဲ့ပြီးနောက် ၊ စကသအရာရှိ ဗိုလ်ကြီး ၃ ဦး အပါအဝင် စစ်သုံ့ပန်း ၁၇ ဦးကို ဖမ်းဆီးရရှိခဲ့ပြီး စကစတပ်ဖွဲ့ဝင် အလောင်း (၁၄) လောင်း ရရှိခဲ့ကြောင်းကို ဗမာပြည်သူ့လွတ်မြောက်ရေးတပ်တော်(BPLA)က သတင်းထုတ်ပြန်ထားသည်။

၂၀၂၄ ခု ၊ အောက်တိုဘာ (၂၉) ရက် နေ့တွင် ခေါပုတ်စခန်းကို သိမ်းပိုက်ရရှိခဲ့ပြီး နိုဝင်ဘာလ ၃ ရက်နေ့ အထိ ခေါပုတ်စခန်း မှ စွန့်ခွာသွားသော စကစတပ်ဖွဲ့ဝင်များ ကို လိုက်လံရှင်းလင်းခဲ့ရကြောင်း၊ ထိုသို့ စခန်းစွန့်ခွာ ထွက်ပြေးသော စစ်ကောင်စီတပ်ဖွဲ့ဝင်များ နှင့် ထိတွေ့ တိုက်ပွဲဖြစ်ပွားခဲ့ရာ ရန်သူစကစ အလောင်း ၁၄ လောင်း နှင့် တပ်ခွဲမှူး အဆင့် ဗိုလ်ကြီး ၃ ဦး အပါအဝင် စစ်သုံ့ပန်း (၁၇) ဦးကိုလည်း လက်နက်ခဲယမ်းများ နှင့် အရှင်ဖမ်းဆီးရရှိခဲ့ကြောင်း သိရှိရသည်။

အဆိုပါတိုက်ပွဲတွင် BPLA မှ ရဲဘော် ၁ ဦး မြင့်မြတ်စွာကျဆုံးခဲ့ရပြီး ထိခိုက်ဒဏ်ရာရသူတချို့လည်း ရှိကြောင်း၊ ထိုသို့ အပြီးသတ်တိုက်ခိုက်သိမ်းပိုက်မှုအပြီးတွင် အကြမ်းဖက်စစ်ကောင်စီ၏ 60mm ၁၁ လက်၊ RPG-7 ၃ လက်၊ 81mm ၁ လက်၊ K-3 ၉ လက်၊ မြေမြှုပ်ဗုံးတစ်လုံး၊ တိုပီတို ၁၉ ထုပ်၊ 16-နင်းမိုင်း ၁၆ လုံး၊ 14-နင်းမိုင်း ၁၀ လုံး၊ တိုက်ဗုံး ၉ လုံး၊ ဆက်သွယ်ရေးစကားပြောစက်ကြီး ၂ လုံး၊ 60mmကျည် ၁၃ တောင့်နှင့် RPG-7 ကျည်ဖူး (၅) တောင့် တို့ကို သိမ်းဆည်းရမိကြောင်းကို KNU တပ်မဟာ(၅) မူတြော် ကလည်း သတင်းထုတ်ပြန်ထားသည်။

အကြမ်းဖက်စစ်ရှုံးကောင်စီ၏ ခေါပုတ်တပ်စခန်းသည် မဟာဗျူဟာအရ အရေးပါသည့် စခန်းတစ်ခုဖြစ်ပြီး ၁၉၉၂ ခုနှစ်တွင် လာရောက်တပ်စွဲထားခြင်းဖြစ်ပြီး ၊ထိုအချိန်မှ စ၍ ဒေသတွင်းရှိ အပြစ်မဲ့ပြည်သူများအား ညှင်းပန်းနှိပ်စက်ခြင်း၊ အကြောင်းမဲ့ ဖမ်းဆီး သတ်ဖြတ်ခြင်းနှင့် ပေါ်တာဆွဲခိုင်းစေခြင်းများ စဥ်ဆက်မပြတ် ပြုလုပ်နေသည့် တပ်စခန်းတစ်ခုဖြစ်ကြောင်း၊ အဆိုပါ ခေါပုပ်တပ်စခန်း တွင် စကစတပ်မှ ၏ လူအင်အား ၁၀၀ ကျော်ခန့်သာရှိသည်ဟု ဆိုသည်။

CRD - ရုပ်သံကို BPLA မှ ထုတ်ပြန်ထားခြင်းဖြစ်ပါသည်။

31/10/2024

၂၀၂၄ ခု ၊ ဇူလိုင်လ ၆ရက် ၊ စစ်ကိုင်းတိုင်း ကောလင်းခရိုင် ၊ ပင်လည်ဘူးမြို့ ၌ စစ်ရဟတ်ယာဉ်အား တိုက်ခိုက်ခဲ့စဉ်က ရုပ်သံ။

#ပင်လည်ဘူး

31/10/2024

ဗမာသူပုန် စာစဉ် ၊ အတွဲ(၁) အမှတ် (၁၂)

17/10/2024

သီတင်းကျွတ်လက်ဆောင်
စွယ်တော်ကုန်း (ခ) ခွေးကုန်း
လေ့ကေ့ကော်နယ်မြေ ၊ ကရင်ပြည်။

ဓာတ်ပုံ - ကော်ဘရာ

01/10/2024

မန္တလေးမြို့ ပိတောက်ပွင့်တဲ့ည
◾
၁။
ဆရာကိုနေဝင်းက ၁၉၅၀၊စက်တင် ဘာ ၃၀ မှာမွေးတယ်။ကျနော့်မွေးလက ဆရာကိုနေဝင်းနဲ့တူတော့ ကြံဖန်ပြီးဂုဏ်စွေနေမိသေးတယ်။ကိုနေဝင်းမွေးနေ့ကိုလည်း ပိုပြီးတခုတ်တရ သတိပြုတတ်စေခဲ့တယ်။

ကိုနေဝင်း လူငယ်ဘဝ၊ ၂၀ နှစ်သားအရွယ်မှာ သီဖွဲ့ခဲ့တဲ့ 'မောင့်လပြည့်ဝန်း'ကို ကျနော့်အဖို့ အင်မတန် နှစ်သက်ဦးညွှတ်တယ်။မောင့်လပြည့်ဝန်းကို ဂန္ထဝင်သီချင်းတပုဒ်အဖြစ်လည်း ကနေ့ထိ ရင်ထဲမှာ ခိုင်ကျည်နေမိခဲ့တယ်။

ကိုနေဝင်းအနုပညာတွေကို ကျနော်က အရူးအမူးရှိခဲ့ပါတယ်။ ကျနော်နှစ်သက်ခဲ့ရတာတွေထဲကမှ ''မန္တ လေးမြို့ပိတောက်ပွင့်တဲ့ည''သီချင်းက ၁၉၈၅ မှာထွက်တဲ့''ယာဉ်အမီရီရီပြုံးပြန်ပါ''အခွေမှာပါတယ်။ရေးတာတော့ ၁၉၈၄မှာလို့မှတ်သားရတယ်။

ဧပြီလရောက်လို့ ပိတောက်ရနံ့တွေ၊သကြန်အရိပ်တွေ သဲလွန်စရပြီဆိုတာနဲ့ အဲ့ဒီသီချင်းလေးက ပါးစပ်ထဲ အလိုလို ညီးမိတတ်ခဲ့တယ်။ဧပြီမဟုတ်ဘဲ အခြားအချိန်တွေမှာလည်း ရင်ထဲယစ်ဝဲနေတတ်ခဲ့တဲ့သီချင်းတပုဒ်ဖြစ်ပါတယ်။

''ယာဥ်အမီ''ထွက်တုန်းက တိတ်ခွေခေတ်ပေါ့လေ။အဲ့ဒီတုန်းက ကျနော်တို့မန္တလေး၊ ၈၃လမ်းပေါ်၊ ရွှေကျီးမြင်ဘုရားအနောက်ပေါက်မှာ''သင်း ပျံ့''အအေးဆိုင်ရှိတယ်။ရေခဲမုန်တို့၊ဒူးမလိုင်တို့ကို''နိုင်လွန်''ကလိုပဲ ရ တတ်တယ်။အအေးအပြင်အခြားတိုလီမိုလီအသုံးအ ဆောင်ပစ္စည်းတွေပါရောင်းတယ်။မုန့်ဖိုးလေးတွေစုထားပြီးဆန်ညိုဆိုတဲ့ ဝပ်မင်း က က်ဆက်လေးကို ၈၀၀ ပေးဝယ်ရတယ်။
ကျနော်က မုန့်ဖိုး၅ကျပ်၁၀ရတာမှာ သီချင်းခွေအသစ်ထွက်ရင်မဝယ်နိုင်ပါဘူး။အဲ့ဒီတုန်းက သီချင်းတခွေကို ၁၀၀ ကျော်လောက်ရှိမယ်ထင်မိတယ်။ခွေနဲ့မပြီးဘဲ သီချင်းစာအုပ်ကလည်းလိုချင်သလို ဝေါရှိလည်းမက်ပါတယ်။ဒါပေမယ့်တိုရေ ရှားရေပါ။ဝယ်နိုင်ခဲ့ပါတယ်။

အဖေ့မိတ်ဆွေ အိမ်လာနေကျ လူတယောက်ရှိတယ်။သူက ညစျေးတန်းမှာသီချင်းခွေရောင်းတယ်ထင်မိတယ်။သူ့ကို ခွေအဟောင်းပေးပြီး ကိုယ်လိုချင်တဲ့ခွေကူးခိုင်းရတယ်။၃၀ လောက်ပဲပေးရတယ်ထင်တာပါပဲ။ကာဗာတွေဘာတွေပါတတ်တယ်။မပါတဲ့အခါကျလည်း လက်ရေးနဲ့ရေးပေးတာဖြစ်တယ်။အိမ်မှာ ရှိတဲ့ခွေအဟောင်းတွေကို ဖျက်ပြီးကူးတယ်။တရားခွေတွေများတယ်ပေါ့။

နှင်းဆီဖြူရဲ့အဝေးကလူတယောက်၊ကစားမလားနားမလား၊အိပ်မက်၊ပြည်မှာဆောင်း၊၊စတဲ့ ခင်ဝမ်းခွေတွေ၊ကိုအံ့ကြီးလက်ရွေးစင်တွေ၊ရာပြည့်ရဲ့ တကောင်တည်း ဒါပေမယ့်၊ သတိမမူဂူမမြင်၊နဒီမင်္ဂလာ၊စိုးစိုးရဲ့ ဖြစ်လိုက်ရုံပဲလေ၊မျိုးအေးရဲ့ ညှို့နှုတ်ခမ်း၊စိုးဇော်ရဲ့ မန္တလေးကမောင့်မြနန္ဒာ၊စိုးနိုင်ရဲ့နမ်းရှိုက်ခွင့် စတာတွေဟာ အဲ့လိုကူးခဲ့ရတာလေးတွေပါ။

''ယာဥ်အမီ''ကိုတော့ လှိုင်းတေးသံ သွင်းမှာဝယ်ဖြစ်တယ်။ဝပ်မင်းက က်ဆက်လေးနဲ့ ဓာတ်ခဲတွေအတော်ကုန်တယ်။မီးပေါက်ပါပေမယ့် သိပ်မသုံးဖြစ်ဘူး။အိပ်ရင်း သီချင်းလေးဖွင့်ပြီး လွမ်းနေတတ်တဲ့အရွယ်လည်းဖြစ်တယ်။

အိပ်ရာထဲ ခေါင်းအုံးဘေးမှာ ဖွင့်တယ်။အမေတို့မသိအောင် ခြင် ထောင်ထဲတင်ဆေးလိပ်တွေလည်းခိုးသောက်နေတာပေါ့။ ခြင်ထောင်တခုလုံးဟာ ဆေးလိပ်နံ့တွေမွှန်ထူနေမှာအသေအချာပေမယ့် ကျနော်က သဘောကျနေခဲ့တယ်။

ကိုနေဝင်းနဲ့ကိုရဲလွင်တို့ အတွဲခွေထွက်ဖူးတယ်။အဲ့ဒီ ''တေမင်း၊ရဲလွန်း''နာမည်နဲ့တုန်းက သီချင်းတွေကိုတော့ တခုတ်တရကူးရတယ်။ခိုင်ထူးမဆိုခင်က သီချင်းတွေလို့ပြောနိုင်မယ်။တဗွေတည်းတို့၊သင်္ခါ ရတို့ဘာတို့ရောပါတယ်ထင်မိတယ်။
သင်္ခါရကိုလည်း အတော်သဘောကျခဲ့တယ်။အနိစ္စ အမြဲမရှိ၊ဒုက္ခဆင်းရဲခြင်း၊အနတ္တစိုးမရ ဘာညာမှာ ဘုရင်မင်းမြတ်ပေးကမ်းစွန့်ကြဲ သေဒဏ် ဒီရက် သတ္တပတ်ပဲ၊ကွဲ လွဲ မြဲ စသဖြင့်ဆိုတာတွေကိုသိပ်သဘောကျခဲ့တယ်။ဆင်ဆာကြောင့် ခိုင်ထူးပြန်ဆိုတော့ စာသားတွေမတူတော့ဘူး။

ကိုနေဝင်းကို စနားထောင်ကာစက စိုးပိုင်လိုလို ငိုသံ၊ရှိုက်သံကြီးနဲ့လို့ထင်ဖူးတယ်။အသေအချာ နား ထောင်မှ မတူဘဲ ဝမ်းထဲရင်ထဲကနေ လှိုက်ပြီးလာတဲ့အသံအဖြစ်ခံစားမိတာဖြစ်တယ်။မွန်းအောင်စပေါ်တုန်းကလည်း ၈/၈၂အင်းလျားမှာ ခိုင်ထူးနဲ့တူသယောင်ထင်ဖူးခဲ့တယ်။

ကိုနေဝင်းကို လူငယ်ဘဝကတည်းကရူးသွပ်ခဲ့တယ်။သူ့သီချင်းတွေကို နှလုံးသားသမ္မာ ကျမ်းစာအဖြစ် စွဲမြဲတယ်။ခံစားတယ်။ကျနော့်ကဗျာ ဆရာဘဝသက်ရောက်မှုတွေထဲမှာ သီချင်းတွေကိုထားခဲ့လို့မရဘူးထင်မိတယ်။ကိုနေဝင်းရဲ့သီချင်းတွေဟာ လည်း ကျနော့်နှလုံးအိမ်ရဲ့ရှေ့တန်းမှာရှိခဲ့ပါတယ်။

၂။
ကျနော်ချစ်တဲ့ကဗျာဆရာပိုင်စိုးဝေက ပိတောက်ပွင့်သစ်မဂ္ဂဇင်းရဲ့'' ပင် လယ်များကိုဖြတ်သန်းခြင်း'' က ဏ္ဍမှာရေးဖူးတယ်။၇၃လောက်မှာ ပန် တျာကျောင်းမှာ ညစောင့်လုပ်တယ်။ပိုင်သနဲ့အီကွေတာအော်သံထုတ်တယ်။ဘလက်ခ်စာအုပ်ပေါ့လေ။ ဝေချစ်ကိုက အဖုံးရေးတယ်ဆိုတဲ့အကြောင်းတွေ။ အဲ့ဒီ ဝေချစ်ကို(ခေါ် )ဆရာသော်ဒီဝေကို ဗဟိုပြုပြီးတော့ သုခမိန်လှိူင်၊ဝင်းမင်းထွေး၊ မောင်ချောနွယ်၊ခင်ဝမ်း ၊ တေးရေး ကိုနေဝင်းတို့နဲ့မိတ်ဆွေဖြစ်တယ်၊ ဆိုတာလေးထည့်ပြောဖူးတယ်။အလုံးအဖန်မပေါ်မီက အ ကြောင်းတွေလည်းဖြစ်တယ်။သိပ်မအောင်မြင်ကြသေးခင်နေ့ရက်များထဲ နေမင်းပိုင်စိုးနဲ့သူ့မိတ်ဆွေများလို့လည်းပြောရမယ်ထင်မိတယ်။

ပြောချင်တာက ကိုနေဝင်းရဲ့''မောင့်လပြည့်ဝန်း''နဲ့ပါပိုင်စိုးဝေက ရင်နှီးခဲ့ရတာကိုပါ။နောက်ပိုင်းမှာကိုနေဝင်းရန်ကုန်ရောက်သွားတယ်။ချစ်၍စွန့်သွားတဲ့မင်းကို၊ စွန့်၍ချစ်သွားမယ်လေ၊မောင်လပြည့်ဝန်းတယောက် ပိုင်စိုးဝေနဲ့တွေ့တယ်။သူ့ဘဝနဲ့သူ၊ကိုယ့်ဘဝနဲ့ကိုယ် ဆိုသောအကြောင်းတွေဟာဖြစ်ခဲ့တယ်။ရှိခဲ့တယ်။
အဲဒီအကြောင်းလေးဖတ်ရတော့ အင်မတန်လွမ်းမောဖို့ဖြစ်ရတယ်။စာစုခေါင်းစဥ်တော့မေ့နေမိပါတယ်။' ''အလုံး အဖန်မပေါ်မီ လွင့်ပြယ်သွားသော ရာဇဝင်ကမ်းပါးပေါ်က ငှက်တေလေများ''စာစု တွေထဲထင်မိတာပါပဲ။

၃။
ကိုနေဝင်းက ရှမ်းပြည်မြောက်ပိုင်းနမ္မတူမှာမွေးတယ်။လားရှိုးမှာကြီး ပြင်းတယ်။မန္တလေးမှာဖြတ်သန်းတယ်။ကိုနေဝင်းက၃၅ အေလမ်းဘက်၊လမ်း၈၀ပေါ်ကဖားသားလဖုန်းလို့ခေါ်တဲ့အမှတ်၁၄ ကျောင်းသားဟောင်းကြီး။နေတော့ မောရဂီဝါ၊၃၃လမ်း၊ ၇၅ လမ်းဘက်မှာဖြစ်တယ်။

ထိုကာလ မဆလ စီမံကိန်းတွေထဲမှာ စာတတ်မြောက်ရေးကိစ္စလည်းပါတယ်။ကိုနေဝင်းရဲ့ချစ်သူမလေးကမြစ်ငယ်ဘက်ဥယျာဥ်လေး ရွာမှာ အသုံးလုံးသင်တန်းပေးတယ်။ရန်ကုန်AGTIက အဲ့ဒီ ချစ်သူမက ဆရာ မအဖြစ်စာသင်လာတဲ့ထဲပါတယ်။

မန္တလေးကနေ စစ်ကိုင်းကားစီးပြီး ချစ်သူဆီသွားတယ်။စစ်ကိုင်းလမ်းသီချင်းလေးဖြစ်လာတယ်။ချစ်သူမနဲ့သူ့သူငယ်ချင်းတွေ မန္တလေးကိုလာတယ်။ကိုနေဝင်း အိမ်နာမည်က ကိုညီလို့ခေါ်ကြတယ်။ချစ်သူကလည်း ကိုညီလို့ပဲခေါ်တာတဲ့။

မန္တလေးကိုလာကြတော့ မြင်းလှည်းငှားတယ်။မန္တလေးတောင်လိုက်ပို့တယ်။''ရင်ပြင်တော်မှာ ပန်းအိုးထဲကို''ပေါ့လေ၊''မှောင်ချိန်မတန်ခင်လင်းတဲ့နေ့တွေ...တောင်ခြေတနေရာဘုရားမြတ်ရှေ့မှာ၊သူရယ်ကိုယ်ရယ်နှစ်ဥိးသားတောင်းဆုခြွေ၊ကိုယ်စီလက်ထဲ ပန်းမြတ်သစ္စာ သူလေယူငင်ပေါင်း၍ အတူစုစည်း...''။အဲ့ဒီမှာ''သို့တရံတခါဆီ''သီချင်းလေးအတွက် အခြေ ခံအလွမ်းတွေဟာ မန္တလေးတောင်ကနေ ရစ်သိုင်းခဲ့တယ်။

စစ်ကိုင်းလမ်းဘက်က ချစ်သူမလေးရှိတဲ့ ဥယျာဥ်လေးရွာကိုအကြောင်း ပြုပြီး စစ်ကိုင်းလမ်းရဲ့နောက်ဆက် တွဲ သီချင်းလေးလည်းရှိခဲ့တယ်။
(အဆိုတော်ရန်ပိုင်က ကိုနေဝင်းရဲ့တူတော်သလားဘာလားမှတ်သားဖူးပေမယ့် အသေအချာတော့မပြောတတ်ပါဘူး။)
အဆိုတော် 'ရန်ပိုင်(ဆောင်းတွင်းလမ်း)ကအဲ့ဒီ''ဒီတခါနေဝင်တာ စောတယ်''ဆိုတဲ့ သီချင်းလေးကိုဆိုဖူးတယ်။သိပ်သတိမထားမိခဲ့ကြတဲ့သီချင်းလို့ထင်မိတယ်။

" ▪ အဝေးရပ်က တကူးတကရောက်နေတဲ့ချစ်သူဆီ၊ညမကူးခင် တနေ့တာ ကုန်သည်အထိ ၂ယောက်/ဦး ရှေ့ရေးဆွေးနွေးကြမယ်။အသိမကြွယ်တဲ့အရွယ်၊ ကြွယ်သမျှ အသိနဲ့လေ၊ အမှန် မျှော်လင့်သူတွေမို့ မင်းရှိရာကို မဝေးသောအရပ်မှ ပြေးရောက်လာပြီ။

▪ တဖက်နဲ့တဖက် အခက် အခက်တော့ရှိနှင့်ပြီဘဲလေ၊မပြေလည် ပြေလည်အောင် ကြိုးပမ်းရုံပဲ၊ အချစ်ရေးအတွက် ဘဝ၂ခု ရင်းနှီးမယ်၊ထားသစ္စာ တိုင်တည်စဥ် သူ့အရပ် ကိုယ့်ဒေသမဟုတ်တော့လည်း ခွင့်ပြုသည်အထိသာ နေခွင့်ရှိသူပါ/မို့၊

▪ ပြန်ဆုံမယ် မှာကြားရင်းနဲ့ မေ့ထားတဲ့ အပြန်ခရီးကို စိုးရိမ်စိတ်နဲ့သတိရမိတော့လေ၊ ဒီတခါ နေဝင်တာစောတယ်။ဒီတခါ နေဝင်တာစောတယ်၊အောက်မေ့ပြီး ဥယျာဥ်လေးက လှမ်းထွက်ခဲ့တယ်။စစ်ကိုင်း မန္တလေး နောက်ဆုံးကားတော့ မှီကောင်းမယ် ထင်ရဲ့ ့ ့ ့''

၄။
အဲ့ဒီတုန်းက၂၀၁၉ အောက်တိုဘာလကုန်ခါနီးဖြစ်တယ်။အတိကျပြောရရင်၂၇ ရက်နေ့ညနေ၊ တောင်သမန်အင်းစောင်းမှာပေါ့။မယ်ဇယ်ပင်တန်းကြီးအောက်မှာပေါ့။အချိန်မရတော့ပြန်ခဲ့ကြရတယ်။

အဲ့ဒီတုန်းက မမေးဖြစ်လိုက်တာတချို့ကို ၂၀၂၁၊အောက်တိုဘာထဲမှာတိုက်တိုက် ဆိုင်ဆိုင် ဆက်မေးမိခဲ့တယ်။ စကားစပ်ရင်းမေးဖြစ်သွားတာဖြစ်တယ်။

''မောင့်လပြည့်ဝန်း''၊''စစ်ကိုင်းလမ်း'' ၊''ဒီတခါနေဝင်တာစောတယ်''၊''အေ ဒီ(ရွှေပြည်)လမ်းသို့နောက်ဆုတ်နောက် ဆုံး''( မူလက ''အေဒီလမ်းသို့နောက် ဆုတ်နောက် ဆုံး''ကို မဆလပါတီဥက္ကဌ ဦးနေဝင်းက အေဒီလမ်းမှာနေတာမို့ ခွင့်မပြုဘူး၊''ရွှေပြည်လမ်းသို့နောက်ဆုတ်နောက်ဆုံး''လို့ပြင်ရတယ်။ရာပြည့် သီဆိုခဲ့တယ်။ဒီသီချင်းက''မောင့်လပြည့်ဝန်း''အပိုင်း ၂လည်းဖြစ်တယ်။)၊ ''သို့တရံတခါဆီ''စတဲ့ သီချင်းတွေထဲက ချစ်သူမ၊ AGTI ကျောင်းသူမလေးကိုပါသတိရမိပြီး''မန္တလေးမြို့ ပိတောက်ပွင့်တဲ့ည''ထဲက ဇာတ်လိုက်အမျိုးသမီးကလည်း မောင့်လပြည့်ဝန်း ပဲလားလို့ စကား စမြည်ပြုဖြစ်တယ်။

တကယ်တော့ ကိုနေဝင်းမှာ နာမည်တူ ချစ်သူနှစ်ယောက်ရှိခဲ့ဖူးသတဲ့။
ရီရီမြင့်တွေချည်းပါပဲ။
တယောက်က ကြည့်မြင်တိုင်၊နတ်စင်လမ်းက'မောင့်လပြည့်ဝန်း'ထဲက ''ရီရီ''။
တယောက်က ''ယာဥ်အမီရီရီပြုံး''နဲ့ 'မိုးရဲရင်ဆောင်းရဲရမယ်''ထဲက ပုသိမ်က ချစ်သူမ ''ရီရီ''။

''ရီရီပြုံးလို့ပြန်ပါအသက်ရေ၊ တာဝန်မဲ့ဒို့အတွက်ငဲ့မနေနဲ့'' ပေါ့။''ရီရီ မင်းအပြုံးတွေထားရစ်ခဲ့ရင် ကန်ရေပြင်အမှောင်ညလရောင်ခြည်၊တနယ်စီဝေးသွားမှ မပြောတတ်အောင် သတိ ရတယ်မေ''ထဲကလွမ်းရတဲ့သူ။

ဒါကတော့ ဥယျာဥ်လေးရွာရောက်၊ကြည့်မြင်တိုင်၊နတ်စင်လမ်းက၊AGTI ချစ်သူမလေး၊မောင့်လပြည့်ဝန်း။စစ်ကိုင်းလမ်းက မောင့်လပြည့်ဝန်းပေါ့လေ။

အဲဒီတနှစ်က မန္တလေးသကြန်အ ကြိုနေ့ကြီးမန္တလေးသကြန်ကျကြမယ်ဆိုပြီး ဥယျာဥ်လေးရွာမှာလုပ် အားပေးရောက်နေတဲ့ချစ်သူမကို ကိုညီက သွားခေါ်တယ်။

ချစ်သူမနဲ့ သူ့ သူငယ်ချင်းမိန်းမတွေတဖွဲ့လုံးကို ကားတစီးနဲ့ သွားခေါ်တာ။လမ်းမှာ မိုးမိတာနဲ့တကားလုံး စိုရွှဲကုန်တယ်။အဲ့တာနဲ့ ကျနော့်အိမ်ခေါ်ချလာပြီး၊ အိမ်မှာရှိတဲ့စောင်ပါမကျန် အကုန်ရေသုတ်ကြ၊ အဝတ်လဲကြရတာပေါ့။မန္တလေးသကြန်အကြို နေ့ကြီး စိုရွှဲပီး သကြန်ကျနေတော့တာပေါ့။

ညဘက်ကျ လမ်း၃၀ AGTI ကျောင်းထဲမှာ တည်းကြတယ်။သူတို့က ရန်ကုန် AGTI တွေလေ။အဲ့ဒီညက AGTI ထဲက ရေစင်ကြီးအောက်မှာ ချစ်သူနဲ့ စကားတွေပြောကြတယ်။တညလုံးခွန်းဆိုပေါ့။ မိုးလင်းတဲ့အထိပဲ။''

''ကိုစံညိမ်းဦး က မန္တလေးGTIတက်ဖူးတော့ သိမှာပေါ့၊ အဲ့ဒီရေစင်ကြီးကိုတဲ့။သိပါတယ် ဆရာလို့ ကျနော်ကဖြေရင်း သူ့စကားကိုငေးနေမိပါတယ်။'' 'မန္တ လေးမြို့ပိတောက်ပွင့်တဲ့ည'က မန္တ လေးမြို့မှာ ကျနော်နဲ့ချစ်သူမ ရင်ထဲ ပိတောက်တွေပွင့်တဲ့ညပေါ့ဗျာ'' တဲ့။

ကိုနေဝင်းပြောတော့ကျနော်က ဂျီတီအိုင်ကျောင်း သားဘဝကိုလွမ်းသွားရတယ်။ဘောလုံးကွင်းဘေးက စိန်ပန်းပွင်တွေ၊ကျောင်းပင်မလမ်းပေါ်က ကုက္ကိုလ်ပင်ကြီးတွေကိုပါသတိရနေမိတယ်။ရေစင်ကြီးကိုပြန်မြင်ယောင်သွားမိတယ်။

[[×××လမင်းရဲ့အရိပ် သက်နှင်းသစ္စာ၊ချစ်ခြင်းခွင့်ကြုံ.. တို့နှစ်ဦးကိုယ်မှာ..၊နှစ်ခိုင်ကြာနွယ်.. မေတ္တာချင်းယှဉ်..၊ခက်လက်ချင်းယှက်.. ငုံပွင့်ဖူး၍။
အတူလှမ်းလာစဉ်၊ မြေနီနီလမ်း တံတားထက်..၊အို.. အချစ်ရယ်.. ကြည်နူးစရာပေါ့..၊ဆက်ရမယ့် ခရီးဦးအတွက်..၊အစီအစဉ်တွေ.. ကိုယ်စီကိုယ်ငှ..၊ရေးဆွဲပြီးစ.. မမေ့ဘူး ဒီည..၊မမေ့ဘူး.. နှစ်ဦးတွေ့တဲ့.. ည..။
နှစ်သစ် ရေ.. အေးမြစေသား..၊ချစ်လွန်းသူ.. အ သက်ရဲ့ကိုယ်ပွား..၊သိမ်းထွေးလို့.. ထားမယ်ဒီညမန္တလေးမြို့.. ပိတောက်ပွင့်တဲ့ ည..။
သံယောဇဉ် ညီအတူ ချိုအမျှ..၊တညလုံး.. တို့ စကားခွန်းခြွေရင်း၊အချစ်သီချင်းတို့ မအိပ်စက်တဲ့.. ည၊ တသသနဲ့.. မေ့မရတဲ့ည..၊မန္တလေးမြို့.. ပိတောက်ပွင့်တဲ့ည..။
အချစ်သီချင်းတို့ မအိပ်စက်တဲ့ည..၊မန္တလေးမြို့.. ပိတောက်ပွင့်တဲ့ ည..×××.]]

၅။
နောက်ပိုင်းမှာ မန္တလေးဂျီတီအိုင်ကျောင်းကြီးက အမျိုးသမီးဗဟိုဆေးရုံဖြစ်သွားတယ်။လမ်း၃၀ ဘက်ရောက်လို့ ဖြတ်မိရင် ကျောင်းကိုလွမ်းရတယ်။ဗထူးကွင်းတိုက်ခန်းတွေဘက်က မိုး ကောင်းကင်ဘီအီးဆိုင်လည်းမရှိတော့ပါဘူး။ကိုနေဝင်းပြောတဲ့ ရေစင်ကြီးလည်းရှိသေးလားမပြောတတ်တော့ဘူးပေါ့။

''ကိုနေဝင်း အဲ့ဒီ ရီရီမြင့်နဲ့ ဒီဘက်ကာလကျ ပြန်ဆုံဖြစ်သေးလား''လို့မေးမိသေးတယ်။ တခေါက်တော့ တွေ့တယ်တဲ့။ ရန်ကုန်မြို့ထဲ မီးပွိုင့်မိတုန်းကတဲ့။ ကျနော်ကလည်းကားပေါ်မှာ၊ သူကလည်းကားနဲ့။ဘေးချင်းယှဥ်ရပ်မိရက်သား တူပါတယ်လို့ ကြည့်မိတယ်။ မထင်မှတ်ထားတော့အံ့သြမိသွားတာပေါ့။
သူကလည်း မှတ်မိတယ်တူပါတယ်။(ကျနော်ထင်တာလည်းဖြစ်ရင်ဖြစ်မှာပါ။)ကျနော့်ကို တချက်ပြုံးပြတယ်။ ကျနော်လည်းခေါင်းတချက်ညိတ်ပြီးနှုတ်ဆက်တယ်။တခုခုလှမ်းပြောချင်စိတ်ဖြစ်ပြီးဘာပြောရမယ်မသိဖြစ်နေချိန်မှာ မီးပွိုင့်ကစိမ်းတယ်။ကိုယ့်လမ်းကိုယ်ဆက်သွားခဲ့ကြတယ်တဲ့။

အဲ့တာဘယ်လထဲလဲလို့မေးမလို့ ကျနော်တွေးမိသေးတယ်။ဒါပေမယ့်မမေးဖြစ်ခဲ့ပါဘူး။ဧပြီလထဲများလားလို့တွေးမိလိုက်လို့ဖြစ်ပါတယ်။' 'မန္တ လေးမြို့ပိတောက်ပွင့်တဲ့ည''သီချင်းလေးကို ကျနော်က သတိရနေမိလို့ဖြစ်ပါတယ်။

တကယ်တော့၇၀ ကျော်တန်းအရွယ်တွေပေါ့၊ကျနော်က ကိုနေဝင်းရဲ့ရိုမန်တစ်ဖြစ်တဲ့အသံတွေ၊မျက်ဝန်းတွေကို အောက်မေ့နေမိတယ်။

လူဖြစ်ခြင်းဟာလွမ်းစရာဖြစ်သလို လူ့အဖြစ်ရဲ့ပြီးဆုံးခဲ့သောအကြောင်း တရားများဟာလည်း လွမ်းမောဖွယ်ဖြစ်ပါတယ်။ဒါကိုပဲ ကျနော်က အခုလို မှတ်မိသလိုပြန်ပြောကြည့်မိတာပါ။

◾
စံ ညိမ်း ဦး
၁၃၁၀၂၁

18/08/2024

မိုးတွင်းရေများကာလ တောတွင်းတနေရာ မြင်ကွင်း

17/08/2024

MNDAA မှ ဖမ်းဆီးထားသူများ ပြန်လည်လွှတ်ပေးစဉ် လက်စွဲနှုတ်ဆက်နေကြသော စကစ တပ်သားများ အား တွေ့ရစဉ် ။

14/08/2024

ထိုင်းဝန်ကြီးချုပ် အား ရာထူးမှ ဖယ်ရှား။

ရန်ကုန်၊ ဩဂုတ် ၁၄

ထိုင်းနိုင်ငံ၊ ဖွဲ့စည်းပုံအခြေခံဥပဒေဆိုင်ရာ ခုံရုံးက ထိုင်းဝန်ကြီးချုပ် Srettha Thavisin ကို အခြေခံဥပဒေ ချိုးဖောက်မှုဖြင့် ရာထူးမှ ဖယ်ရှားလိုက်ကြောင်း သိရှိရသည်။

တရားရုံး အရာရှိတစ်ဦး ကို လာဘ်ပေး လာဘ်ယူမှု ကျူးလွန်ခဲ့ဖူးသော Pichit Chuenban ကို ဝန်ကြီးချုပ်ရုံး ဝန်ကြီး အဖြစ် ခန့်အပ်ခဲ့မှုဖြင့် ထိုင်းဝန်ကြီးချုပ် Srettha Thavisin ကို အခြေခံဥပဒေချိုးဖောက်သည်ဟု ဆုံးဖြတ်၍ အခြေခံဥပဒေခုံရုံးက ရာထူးမှ ဖယ်ရှားလိုက်ခြင်းဖြစ်သည်။

ဝန်ကြီးချုပ် ရာထူးမှ ဖယ်ရှားခံရသည့်အတွက် ၎င်းဖွဲ့စည်းထားသော အစိုးရ အဖွဲ့လည်း ပျက်ပြယ်သွားပြီး ဝန်ကြီးချုပ်အသစ် ကို လွှတ်တော်တွင် ထပ်မံ ရွေးချယ်တင်မြှောက်ရမည်ဖြစ်သည်။

Myanmar Di Ka

27/05/2025

17/05/2025

15/11/2024

04/11/2024

04/11/2024

31/10/2024

31/10/2024

17/10/2024

01/10/2024

18/08/2024

17/08/2024

14/08/2024

ที่อยู่

เว็บไซต์

แจ้งเตือน

ทางลัด

แชร์

ประเภท