17/11/2025
“ပထဝီမြေလွှာ၏ အကျဉ်းစံများ “
ရေးသားပြုစုသူ - လှစိုးဝေ
တန်ဖိုး - ၃၅၀ ဘတ်
ဖြန့်ချိသည့်စာပေ - ရန်ကုန်လမ်းမများ
—————————————————-
TIM MARSHALL ရေးသည့် "Prisoners of Geography" စာအုပ် ဖြစ်သည်။ ထိုစာအုပ်ကို "ပထဝီမြေလွှာ ၏ အကျဉ်းစံများ" ဟု အမည်ပေးကာ ဘာသာ ပြန်ဆိုခဲ့သည်။
စာရေးသူ Marshall သည် BBC သတင်းထောက်ဟောင်းဖြစ်သည့်အတိုင်း၊ နိုင်ငံရေးဆိုင်ရာ ရှုပ်ထွေးသည့် အကြောင်းအရာများကိုပင် သာမန်စာဖတ်သူများ နားလည်လွယ်အောင် ရှင်းလင်းပြတ်သားသော အရေး အသား ဖြင့် တင်ပြနိုင်ခဲ့သည်။ ယနေ့ ကမ္ဘာ့သတင်းများတွင် ပါဝင်နေသော ယူကရိန်း၊ တရုတ်-အမေရိကန် ဆက်ဆံရေး၊ အာတိတ်ဒေသ ဆိုင်ရာ အငြင်းပွားမှုများ၏ နောက်ကွယ်ရှိ အကြောင်းရင်းများကို ရှင်းပြထားသည်။
ပထဝီ မြေလွှာသည် တကယ်တမ်းတွင် အကျဉ်း ထောင် တမျိုးပင် ဖြစ်သည်၊ နိုင်ငံများအားလည်း ၎င်းတို့ မည်မျှ အတ်ိုင်းအတာ အထိသာ လုပ်နိုင် ကိုင်နိုင်စွမ်း ရှိသည်ကို ပြဋ္ဌာန်း ပေးလာခဲ့သည်။ ကမ္ဘာ ခေါင်း ဆောင်များသည် မကြာခဏ ဆိုသလို ထို အကျဉ်း ထောင်ကြီး ထဲမှ ဖေါက်ထွက် နိုင်ရန် ကြိုးပမ်းလာခဲ့ကြရာမှ မလိုလားအပ် သော ပဋိပက္ခ များ ဖြစ်လာရသည်။ တရုတ်သည် ယူနန်မှ နေ၍ အိန္ဒိယ သမုဒ္ဒရာ ကို ထွက်ပေါက်ရရန် မြန်မာ အား နိုင်ထက် စီးနင်း လုပ်လာခြင်းသည်လည်း ထိုသ ဘောပင် ဖြစ်သည်။ စာရေးသူ သည် ရုရှား၊ တရုတ်၊ အမေရိကန် ပြည် ထောင်စု၊ အနောက်ဥရောပ၊ အာဖရိက၊ အရှေ့အလယ်ပိုင်း၊ အိန္ဒိယ နှင့် ပါကစ္စတန်၊ ကိုရီယား နှင့် ဂျပန်၊ လက်တင် အမေရိက၊ အာတိတ် ဒေသ ဟူ၍ အခန်းကြီး ဆယ်ခန်း ပိုင်းခြားပြီး အသေးစိတ်ကို အလွယ်တကူ နားလည် လွယ်အောင် ရှင်းလင်းစွာ ရေးသားထားသည်။
သို့ဖြစ်၍ ကမ္ဘာ့နိုင်ငံရေးကို ယခု မှ စိတ်ဝင်စားလာသူများ၊ အထူးသဖြင့် ကမ္ဘာ့ပဋိပက္ခများသည် အဘယ်ကြောင့် ဖြစ်ပွားရသနည်း၊ နိုင်ငံများသည် အဘယ်ကြောင့် ထိုသို့သော ဆုံးဖြတ်ချက်များ ချမှတ်ရသနည်း စသည်တို့ကို အတွင်းကျကျ သိလိုသူများအတွက် မဖြစ်မနေ ဖတ်သင့်သော လမ်းညွှန်စာအုပ် တစ်အုပ် ဖြစ်နေ၍ စာရေးသူမှ အခက်အခဲ အမျိုးမျိုး ကြားမှ ဘာသာပြန် ဆိုခဲ့သည်။
