Banyar Monchanmon

03/09/2026

ပေဲါအံင်ဇၞးတေံ
Banyar Monchanmon

26/08/2026

ပၠန်ဂတးဒၟံၚ်ယျဟာ
#မန် Banyar Monchanmon

21/08/2026

တိက်ဟွံသၠိၚ်ဏီမ္ဂး
ကလၚ်ညိ

20/08/2026

တက်ကျာမွဲလစုတ်စိုအ်

19/08/2026

😴တိက်ဟွံသၠိၚ်ဏီဟာ🥹
ဟိုတ်နူဟိုတ်နာနာ ဒှ်ဓဝိၚ်စိုတ် စိုတ်ယှုက်ထုဲ စိုတ်ဂြတ်ဂြေတ် တိက်ဟွံသၠိၚ် သၠိၚ်အာပၠန်လေဝ် ခန္ဓကာယညံၚ်ကဵုဟွံဂွံတိက်ဏီ ညးတံလေဝ်ကေၚ်ဒုၚ်စသိုၚ်ရှ်သာဏံယျဏောၚ် ဒးထေၚ်ကေတ်ရ ။ ယဝ်ဒှ်ဒၟံၚ်ဗီုအကာဲအရာလ္တူတေံဏောၚ်မ္ဂး ကေတ်အခိၚ်မွဲလ္စုတ်ဍောတ်တုဲ
၁။ ထၜေက်မတ်
၂။ ယီုပၠုပ်ကျာဇြိုဟ်တုဲ ယီုပ္တိတ်ကျာဖဲဖဲ ၜိုတ်၁၀လ္တုန်တုဲ
၃။ ပံက်ခၠေပ်ဏံတုဲ ကလၚ်အာရီုပိုဲစွံလဝ်လ္တူရမျှာၚ်တူရိယာ တံတုဲ စိုတ်ပိုဲညံၚ်ဟွံဂွံဟဳထိၚ်တုဲ ကလၚ်စဵုကဵုအိုတ်
ယဝ်မွဲမွဲတ္ၚဲ ဒးကလၚ်ရမျှာၚ်ခၠေပ်တူရိယာဏံတွဵုဟွံသေၚ် ယဝ်ပိုဲသ္ပဗက်အတိုၚ်ဏံ ၜါပိအလန်မာန်မ္ဂး ပြဿနာတိက်ဟွံသၠိၚ်ဏံသောၚ်အာမာန်ရောၚ် စှ်ေကေတ်စိုတ်ရ။
👉တၚ်စၟတ် သုၚ်လဝ်ကဝ်ဖှဳဍာ်လက်ဖက်ဓါတ်ကဝ်ဖဳအေန် ဂၠိုၚ်တုဲတိက်ဟွံသၠိၚ်မ္ဂး ဒးချိၚ်သုၚ်ညံၚ်သတိက်ဇကုဟွံဂွံလီုရ။ 😍

09/08/2026

ကလင်ပေင်ပေင်မာန်ရအဴ

-ဟိုတ်နူအစဳဇန်ကၠတ်ပန်ဂစိုတ်သၟိၚ်ဟံသာဝတဳ တုဲသီနန်ဂှ်မံက်အာတုဲ သာ်လဵု...

03/08/2026

- ဟိုတ်နူအစဳဇန်ကၠတ်ပန်ဂစိုတ်သၟိၚ်ဟံသာဝတဳ တုဲသီနန်ဂှ်မံက်အာတုဲ သာ်လဵုဗညာတၠဗာန်တံ ဖန်ဇန်ဂှ် မၞိဟ်ဒလုက်လ္ပာ်ဗမာ
- မၞိဟ်ဗမာတံ ထ္ပက်ကၠာ် ထ္ကးဆီ ပထုဲဝိုၚ်သာ်လဵုတုဲအကာဲအရာပဋိပက္ခဂကူဒှ်တိုန်သာ်လဵု
- ပရေၚ်ဂစိုဂယိုၚ်အကြာဂကူသာ်လဵုဒှ်လီု
- နကဵုတၚ်သၟာန်နာနာသာ်တံဏံ ခြာဟွံလံပ္တိုန်ထ္ၜးကဵုကလၚ်ဍိုက်က်ပေၚ်ၚ်ပၠန်ရောၚ်
​⁠ သ္ပလဝ် Subscribe ကဵု Channel ဏံတုဲမၚ်ကလၚ်ဗဵုမာန်ရအဴ။
Banyar Monchanmon

01/08/2026

(၃၅) သပုန်အပ္ဍဲဍုၚ်
သၞာံ ၁၁၁၅ ဂိတုဒဂိုန်
သကိုပ်ပၞာန် ဗညာတၠဗာန် လုပ်ကၠုၚ် ပ္ဍဲခဒမ်ပိုဲတုဲ ကော်ပၠောပ်ဏာပိုဲပ္ဍဲခဒမ်ဇၞော် ဒၞာဲကောံဓရီုဂှ်ရ၊၊ ပိုဲတအ် ဒတဴတုဲ ရေၚ်ဒၟံၚ်ရ၊၊ ဗညာတၠဗာန်အာဂတပိုဲတုဲ ညးတေအ် ဂတကၠုၚ်မုက် လပါ်ပိုဲရ၊၊ ပိုဲတအ် ကဵုရှ်ေသှ်ေရဴဂဴကုညးတေအ် နမဂစိုၚ်ဖျေဟ်က္ဍိုပ်ရ၊၊ ဗညာတၠဗာန်ဏအ်ဂှ် ဒှ်သကိုပ်ပၞာန်အယုက်ဍောတ်မွဲရ၊၊ အဲထေၚ်ကေတ် ညးတေအ် နွံစ အယုက် ၜိုတ် ၂၅ သၞာံပြၚ်ၚ်ဓဝ်ရ၊၊ ညးတေအ်ဂှ် ဒှ်ကောန်မေန် တၠညးဟံသာဝတဳရ၊၊ အယုက် ၜိုန်ရဍောတ်ကီုလေဝ် သတ္တိ ဗျတ္တိခိုဟ်၊ မၞိဟ်ဆာန်ဂၠိုၚ်ရ၊၊ သၠုၚ်ညး နွံတြဴပေ ကဵုမွဲၝောအ်တဲ ဒှ်မာန်ရ၊၊ မုက်မတ်ညးဂှ် ဗီုကဵုမုက်မတ် ကောန်မန် ဗွဲမဂၠိုၚ်ကီုထဍမ်တုဲဂၠိၚ်စှ်ေဒၟံၚ် ဗီုခၟာဲအဒါရ၊၊ ၜိုန်ရ ဒှ်မၞိဟ် ပရေၚ်ဆဵုဂဗ မၜတ်မွဲကီုလေဝ်ပ္ဍဲပရေၚ်ကိစ္စဇၞော် ဗီုကဵု ကာပၞုက်တအ်ဂှ် ညးသၟးရ မဒးတာလျိုၚ်ဂၠိုၚ်၊၊ ၜိုတ်အဲမတီဂှ်တှေ် ၜိုန်ရ ညးတေအ် အယုက်ဍောတ်ကီုလေဝ် ညးတေအ်ဂှ် ဒှ်မၞိဟ်
မဂံၚ်ဟီု ဂံၚ်ဂး ကုတၠတိဇၞော်မွဲရ၊၊ တၠတိဇၞော်လေဝ် ပတှ်ေစ လတူညးတေအ်ဂၠိုၚ်ကွေဟ်ဟ်ရ၊၊“တ္ၚဲဏအ် ပိုဲဂွံတီကေတ် ဒဒှ်ရ သၟိၚ်အဝတြေံ မဂစာန်ပုန်၊ ချပ်ဂစိုတ်တၠတိဇၞော်ရ၊၊ ညးတအ် ဆိၚ်လဝ် တ္ၚဲသဝ် ဒဂိုန်ပေၚ်ဏအ် အခိၚ်တၠတိဇၞော်မတိတ်လ္ၚောဝ် ကျာ်မုဟ်တဴတှေ် အကြာမၞိဟ်ဂမၠိုၚ်ဂှ် ညးတအ် လုပ်ဗါ်ဂစိုတ်
တၠတိဇၞော်တုဲ ညးတအ် သီကေတ် ဍုၚ်ဗဂေါဏအ်ရ၊၊ တုဲမ္ဂး သၟိၚ်အဝတြေံဂှ်ညးပတိုန်ပဨကရာဇ် ဍုၚ်ဟံသာဝတဳပိုဲဏအ်ရ၊၊ ” သကိုပ်ပၞာန်တၠဗာန် ဟီုထ္ၜးကုပိုဲရ၊၊ ပိုဲတအ် ညးဂမၠိုၚ် တကိုတ် တိုန်အိုတ်ရ၊၊
“မၞိဟ်မပလဝ် သစ္စာ ကုသၟိၚ်အဝတြေံတအ်ဂှ် ဆညးမွဲကီု ပိုဲတအ် ကဵုသှ်ေဟွံဂွံ၊၊ ဣဏအ် စရၚ်မၞိဟ်တအ်ဂှ်၊၊” ညးတေအ် ဟီုတုဲ ထ္ၜးကဵုပိုဲ စရၚ်မၞိဟ်တအ်ဂှ်ရ၊၊ ပ္ဍဲစရၚ်ဂှ် ဒေအ်သၟိၚ်အဝမၚ်းရဲကျော်စွာ ၊ ဒေအ်ဗြဴ သၟိၚ်အဝတြေံကေုာံ တၠသ္ၚိညးမြေဒူးမၚ်း၊ ကောန်သၟိၚ်အဝစလၚ်းမၚ်း၊အတွၚ်းဝန်နော်ရထာကျော်ထၚ် တအ် ပါလုပ်ဒၟံၚ် ပ္ဍဲစရၚ်ဂှ် ဖအိုတ်ရ၊၊ ပဲါနူဂှ်တုဲ ကောန်ဍုၚ်ဗဂေါလေဝ် ပါဒၟံၚ် ပ္ဍဲစရၚ်ဂှ် တၟာဂလိုၚ်ကီုရ၊၊
“ဗီုလဵု ပိုဲဂွံအာရပ် ညးတအ်ရော၊၊” ညးမွဲဂှ် သၟာန်နၚ်ရ၊၊
“ကိစ္စဏအ် ဒးချိုတ်ပၠိုတ် ကွေဟ်ဟ်ဏောဝ်၊၊ ဆညးမွဲကီု ဗၠးတိတ်အာဟွံဂွံ၊၊ တ္ၚဲပၠိုတ် အခိၚ်ညးတအ် မတိက်ဂှ် ပိုဲတအ် အာဗိုၚ်ကေတ် သ္ၚိညးတအ်၊၊ရမျှာၚ် လ္ပကဵုဗြုညိ၊၊ အဲမိက်ဂွံကဵု ရပ်နၚ် ဂျိုၚ်ၚ် သီုမၞိဟ်ဖအိုတ်၊၊ ယဝ်ရဂျိုၚ်ၚ်ဟွံဂွံတှေ် ဗီုမဂွံဂှ် ဖန်၊၊” သကိုပ်ဗညာတၠဗာန် ဟီု၊၊
“ဨကရာဇ်အဝကီု ဂၞကျာ်ညးကီု ကောန်ဝုတ်ညးကီု သီုဖအိုတ်ဂှ် မံၚ်ဒၟံၚ်သ္ၚိ ကြပ်ပ် ပ္ဍဲနန်ပလိုတ်တေအ် ဖအိုတ်ရ၊၊ သ္ၚိတအ်ဂှ် ဗိုၚ်ကေတ်တုဲ ရပ်ကေတ်ဂွံရ၊၊ မၞိဟ်စဏအ်တအ်ဂှ် ဗီုလဵုဂွံဖန်ရော၊၊ မၞိဟ်ဏအ် အဲတီ သ္ၚိဍေဟ် နွံဒၟံၚ်အရာပ်ပလိုတ်၊ တုဲပၠန် မၞိဟ်ဏအ်ဂှ် သ္ၚိဍေဟ် နွံအရာပ်ကျာ်မဟာစေတဳ၊၊ ”အဲသၟာန်တိုန်၊၊
“အလဵုဇကုအဲ ကေုာံ မၞးတအ် ပိပန်တၠဂှ် ပိုဲတအ် အာဗိုၚ် ပ္ဍဲနန်သ္ၚိသၟိၚ်အဝကေုာံ ကောန်ဝုတ် ဓမာန်ညးဂှ်၊၊ အဒဴကုန်ဂှ် အာဗိုၚ်ရပ်အတွၚ်းဝန်ကျော်ထၚ် ၊၊
ဗှ်ေဂှ်တှေ် အာရပ် မၞိဟ်အရာပ်မဟာစေတဳ၊၊ ဍေဟ်ဂှ် အာရပ် မၞိဟ်အရာပ်ဗၟံက်၊၊” ဗညာတၠဗာန် ပၞောန်လပုဟ်တဲတုဲ ဟီုဖျေဟ် ဖန်ဇန်ဒၟံၚ်ရ၊၊ တုဲပၠန်ညးတေအ် ဆက်ဟီုအာ “ရံၚ်စရၚ်တအ်တုဲ ကောန်ပၞာန် မူစိဗှေ်တအ်ဒးကေတ်ဂှ် ကော်ဏာ၊၊ ကိစ္စဇၞော်အိုတ်ဂှ် ကၠာဟွံတက် ဒစိတ်နာဍဳ ညးမွဲကီုလဴဗ္စ ဟွံဂွံ၊၊ ဗှေ်တအ်လေဝ် တိတ်နူဏအ် ဟွံဂွံ၊၊ တက်ဒစိတ်နာဍဳတှေ် ဇကုအာကော်ကေတ် ကောန်ပၞာန်ဇကု၊၊ တုဲတှေ် အာရပ်နၚ် မၞိဟ်စဂှ်၊၊ ရမၝာၚ်ၜိုတ်သ္ၚိတ်မာန်ဂှ် ဒးသ္ၚိတ်ရောၚ်၊၊ ရပ်ဂွံတုဲ မၞိဟ်တအ်ဂှ် ကၠေၚ်ဒက်နၚ်တုဲအာကြိုၚ်ထောအ် ပ္ဍဲသ္ၚိစာတ်တေအ် သီုဖအိုတ်၊၊ ဒၞာဲဟွံကၠး နွံဟာ၊၊ ” “ဟွံမွဲ၊ကၠးဒၟံၚ်ရ၊၊” ညးဂမၠိုၚ် ဟီုတိုန်အိုတ်ရ၊၊ဒစိတ်နာဍဳတုဲဂှ် ပိုဲတအ် တိတ်အာ နူခဒမ်ဇၞော်ဂှ်တုဲ အဲဂှ် ဒးအာရပ် မၞိဟ်ပိပ္ဍဲအရာပ်မဟာစေတဳတေအ်ရ၊၊ အဲကော်ကေတ် ကောန်ပၞာန် စှ်သုန်တၠတုဲတိတ်အာရ၊၊ ညးတၞဟ်တအ်လေဝ် ဗီုညးကဵုညး ကော်ကေတ် ကောန်ပၞာန်တအ်တုဲ တိတ်အာ အိုတ်ရ၊၊ အဲစိုပ် ပ္ဍဲသ္ၚိဂှ် အဲကဵုကောန်ပၞာန်တအ် ဗိုၚ်လဝ်သ္ၚိဂှ်တုဲ အဲခ္ဍံက် တြၚ်သ္ၚိဂှ်ရ၊၊ မၞိဟ်ဂှ် သၟာန်တိုန်ကၠုၚ် ဗီုဗၟာ “ညးဂှ်ရော၊၊”ကောန်ပၞာန် ဗဒဲါအဲဂှ် ဟီုတိုန် ဗီုဗၟာကီု “ပိုဲရ၊ သၟိၚ်အဝ ကဵုကၠုၚ်ကော်၊၊ ”ညးတေအ် ပံက်တြၚ်ဗက်ဂှ် ကောန်ပၞာန်ၜါ လုပ်ကၠေၚ်ကၟာတ်ပါၚ်တုဲ ဒက်နၚ်ရ၊၊ဂတဂှ်လေဝ် ဗီု်ဂှ်ပၠန် သီုညးပိဂှ် ဗွဲမၜိုဟ်သြိုဟ် ပိုဲတအ် ရပ်တုဲ ပလံၚ်ဏာသ္ၚိစာတ်ဖအိုတ်ရ၊၊ ညးတၞဟ်တအ်လေဝ် ရပ်ဂွံနၚ် သီုညးဖအိုတ်ရ၊၊ အဒဴကုန်တအ် အာရပ်အတွၚ်းဝန်ကျော်ထၚ် ဂှ် ညးဟွံမွဲ ပ္ဍဲသ္ၚိ၊ ဆကောန်ဗြဴ ညးဟေၚ်
မၞံုပ္ဍဲသ္ၚိတုဲ ကန္တဝ်ညးလေဝ် ဟွံတီ အလဵုညးမၞံုဂှ်တုဲ ညးဂှ် သှေ်ဗၠးဒၟံၚ်ရ၊၊
တ္ၚဲတၟး နာဲဗစာတအ် စၟဳစၟတ် ဒဒှ်ရ အလဵုဇကု မၞိဟ်မပါလဝ် ပ္ဍဲစရၚ်ညးတအ်ဂှ် မကၠုၚ်လဴဗ္စလဝ်တုဲ မၞိဟ်တအ် သီုဖအိုတ်ဂှ် ဒှ်မၞိဟ် မၞံုကဵု အဗၠေတ်ဍာံဂှ် ဒုၚ်ဝန် သီုမၞိဟ်ဖအိုတ်ရ၊၊ဒေအ်သၟိၚ်အဝမၚ်းရဲကျော်စွာ၊ ဒေအ်ဗြဴသၟိၚ်အဝ မဒှ်ကန္တဝ်မြေဒူး ကေုာံမြေဒူး၊ ကောန်သၟိၚ်အဝစလၚ်းမၚ်းတအ်ဂှ် ပ္ဍဲ ၁၁၁၆ ဂိတုဝှ် ၁၂ စွေက်
တ္ၚဲအဒိုက်ဂှ် ညးဖျေဟ် အမိၚ်ဂစိုတ်တုဲ သၟိၚ်အဝတြေံ ဓမ္မရာဇာဓိပ္ပတိ ကေုာံဂၞကျာ်ညးဂှ် ဗီုကၠာတေအ် အခေါ ၚ် မအာကၠုၚ် ဗွဲမဗၠးၜးဂှ် ညးတအ် ကၟာတ်လဒဵုတုဲ ကဵုကြိုၚ်စွံလဝ် ပ္ဍဲအရာပ်ထနံၚ်ပြေၚ်တေအ်ရ၊၊ ဟွံကဵုအခေါၚ်စုက်လုက် ကုညးဍုၚ်ကွာန်ရ၊၊ ကောန်ပၞာန်ဗၟာတြေံ ကေုာံ ကောန်ဍုၚ်ဗဂေါညးမပါလုပ်ဒၟံၚ် ပ္ဍဲစရၚ်တအ်ဂှ် ဖျေဟ်ဒဏ် သ္ၚိစာတ်တုဲ ကဵုအာမံၚ် ပ္ဍဲမုတ္တမရ၊၊အမာတ်အဝတြေံကျော်ထၚ် ညးမဒြေပ်ဗၠးလဝ်ဂှ် စိုပ်မ္ၚး ဍုၚ်ဗဂေါတုဲပံၚ်တောဲ ကုသတိုးကျော်သူ ၊ရမ္မသီရိ တအ်တုဲ ဖန်ဗဒှ် ကောလာဟလံၚ်တုဲဗက်ဟီုဂး စန်ဒက် ဂကူဗၟာညးတအ် မြဴသာ်ဝွံရ၊၊
“က မကုတ်လဝ်က္ဍိုပ် စုတ်လဝ် ဖရံက်ကဒလောမ်တုဲ အဃောမသွံဒၟံၚ်ပ္ဍဲဖျာဂှ် ဗတချဳဒၟံၚ် နိမိတ်ဗီုသာ်ဝွံ ကတဵုဒှ် ပ္ဍဲဍုၚ်ဗဂေါ … နိမိတ်ဂှ် ဒှ်နိမိတ်ဗၟာတအ် ကလေၚ်ကတဵုကၠုၚ် ဣယျ။ မန်ဒးကျ ဗၟာဍာံဍာံရ။ အစာနိမိတ်တအ်ဟီုတွံတုဲ ဨကရာဇ်မန် ဖေက်ဗၟာတုဲ မန်တအ် ဂစိုတ်ထောအ် ဨကရာဇ်ဗၟာတြေံမၞံုပ္ဍဲဗဂေါရ၊၊ ဂၞကျာ် ကေုာံ ကောန်ဇာတ် ဨကရာဇ်ဗၟာဂှ် ညးတအ် စုတ်ကဵုဖံၚ်တုဲ
ညးတအ် ပၠေဲထောအ် ၜဳမှာသၟိတ်၊၊ ဂကူဗၟာ ၜိုတ်မၞံု ပ္ဍဲဍုၚ်ဗဂေါဂှ် မန်တအ်ဂစိုတ်ထောအ်အိုတ် ဣယျ။ ရဲမကုတ်သွံအှော် ဍုန်ၜဵုကီု ဟွံသှေ်၊ မန်တအ်ဂစိုတ်ထောအ်အိုတ်ရ။ ပိုဲတအ် မံၚ်အတိုၚ်ဏအ်မ္ဂး မန်တအ် ကၠုၚ်ဂစိုတ်ပိုဲသီုညးဖအိုတ်ဏောဝ်၊၊ ချပ်ကဵုအးညိ၊၊ ကၠာ မန် ဟွံဂွံဂစိုတ်ပိုဲ ပိုဲဒးဂစိုတ်မန်တအ်ဟေၚ် ပိုဲတအ် ဂွံဂျိုၚ် မာန်ရောၚ်၊၊” ဂးတုဲ ဂကူဗၟာတအ် ပကောံဂွံညးသကအ်တုဲ ဗက်အာဗါ်ဂစိုတ် ဂကူမန်တအ်ရ၊၊ ဂကူမန်တအ်လေဝ် ကောံကလောအ်တုဲ ရပ်မြ ဗက်ဗါ်ဗၟာကီုရ၊၊ ပ္ဍဲဒေသ မၞံုလတူ ဍုၚ်ဒဂုၚ်တေအ်ဂှ်ဒှ်ဒေသ လၟိဟ်ဂကူဗၟာ မဂၠိုၚ်တုဲ မန်နူဒေသတအ်ဂှ် ဍိုက်ကေတ်ဂၠုၚ်တုဲ ဒြေပ်ဒဴစှေ်ကၠုၚ် ဍုၚ်ဒဂုၚ်အိုတ်ရ၊၊ ဗၟာတအ်လေဝ် နကဵုလၟိဟ်မၞိဟ် ဗွဲမဂၠိုၚ်ဂၠေၚ်ဂှ်ဗက်ထဍေၚ်မန်တအ် နကဵုဂၠုၚ်ကီုရ၊၊ ပဋိပက္ခ ဂစိုတ်ပဠက်ဂကူ အကြာမန် ကဵုဗၟာ ကတဵုဒှ် အကြာညးဍုၚ်ကွာန်တအ် ဗွဲမသကာတ်မြဟ်တုဲ ကောန်ဍုၚ်ကွာန်ညးမဒှ်ဂကူမန် နူဒေသဍုၚ်ရး အကြာဒဂုၚ် ကဵု ပြန်တအ်ဂှ် ချိုတ်ဗွဲမဂၠိုၚ်၊ညးမသှေ်တအ်ဂှ် ဒးဒြေပ်တိတ် နူကွာန်ဇကုအိုတ်တုဲ ဂကူဗၟာတအ် သီဂွံအာဍုၚ်ရးညးတအ်ဂှ် အိုတ်ရ၊၊ပဲါနူဂှ်ပၠန်
“ဂကူဗၟာ မနွံပ္ဍဲ ဒပ်ပၞာန်မန်တအ်လေဝ် ဒးဒုၚ်ဂစိုတ်ဒၟံၚ် အိုတ်ဣယျ။ ”
ရဴသာ်ဝွံ ကောလံၚ်ဟလ မကတဵုဒှ် ဗြုကၠုၚ်တုဲ ကောန်ပၞာန် ဂကူဗၟာပ္ဍဲဒပ်ဟံသာဝတဳတအ်ကီု ကောန်ကွာန်ဗၟာတအ်ကီု ရုရုသံၚ်ၚ် ဒှ်ဒၟံၚ်အိုတ်ရ။ဗတံတ္ၚဲ ညးမွဲကုမွဲ ဓဝ်ပတှေ် လတူရေၚ်သကအ် ဟွံမွဲအိုတ်ရ။ ဗၟာတအ်လေဝ်ပကောံရေၚ်သကအ် သွက်ဂွံပုန် ကဵုမန်အိုတ်ရ။ညးဒဒိုက် ဂကူမန် မဒြေပ်ဒဴကၠုၚ် ပဋိပက္ခဂကူ အကြာမန်ကဵုဗၟာတအ်စိုပ်ကၠုၚ် ဍုၚ်ဒဂုၚ် ဍုၚ်ဗဂေါအိုတ်ရ၊၊သတိုးကျော်သူ၊ ရမ္မသီရိ ကဵုကျော်ထၚ်တအ် ပကောံဂွံ ဒြဟတ်ပၞာန်ဗၟာ မၞိဟ်မွဲဠက်ပြၚ်တုဲ ဂကူမန်ဟီုဂှ် ဒၞာဲမဆဵုဂှ်ဗက်ဂစိုတ်ဖအိုတ်ရ၊၊အသိၚ်ပဋိပက္ခဂကူဂှ် တမ္ညဝ်ခ္ဍဳလျတ် စိုပ် ကၠုၚ် စဵုကဵု ဍုၚ်ဗဂေါ၊ ဍုၚ်သြေၚ်၊ပ္ဍဲဒဂုၚ် ကီုလေဝ် ခမဳသၚ်မန် ခမဳသၚ်ဗၟာ ခမဳသၚ်သေံတအ် ဗိုၚ်ထိၚ်တုဲပဋိပက္ခဂကူ ပ္ဍဲဍုၚ်ဗဂေါ ကဵု ဍုၚ်ေ သြၚ်၊ ဒဂုၚ်တအ်ဂှ် ထိၚ်လဝ်မာန်ကီုရ၊၊ ဆဂးပရေၚ်ဓဝ်ပတှေ် ညးသကအ် အကြာမန်ကဵုဗၟာဂှ် အောန်အာ ကွေဟ်ကွေဟ်ရ၊၊ဂကူသေံ ဂကူကရေၚ်တအ်လေဝ် ဒၞာဲမန်မဂၠိုၚ်ဂှ် လုပ်စလပါ်မန်၊ ဒၞာဲဗၟာမဂၠိုၚ်ဂှ်
လုပ်စ လပါ်ဗၟာရ၊၊ ဟိုတ်နူ မန်နူဒေသ ရးအကြာဒဂုၚ် ကဵု ပြန်တအ်မပြံၚ်လုပ်မံၚ် ပ္ဍဲဒဂုၚ် ကဵု ပ္ဍဲ ဗဂေါတုဲ သြောအ်သ္ၚု စၞစသုၚ် ပ္ဍဲဍုၚ်ေ သြၚ် ကဵုဍုၚ်ဗဂေါဂှ် ဍန်ဂြက်စှေ်အာတုဲ ၚုဟ်လေဝ် က္ဍၚ်တိုန်အာ မွဲတဲဓဝ်ရ၊၊ အရာဏအ်ဂှ် ဗဒှ်ကဵု ပရေၚ်ဍုၚ်ကွာန် ဂွံကလိုက်ကမဵု၊ ဓဝ်ပတှေ် လတူရေၚ်သကအ်ဂွံအောန်၊ ပရေၚ်ကၠတ်ဂၠံက်တအ်ဂှ်လေဝ် ဂၠိုၚ်ကၠုၚ်ကီုရ၊၊သတိုးကျော်သူ ၊ရမ္မသီရိ ကေုာံကျော်ထၚ် ပလံၚ်ဏာ လိက်ဓလုက်ဇရေၚ်မၞိဟ်ဇမၞော် ဍုၚ်ရေႊတောၚ် မၞံုယၟုအာကာ၊ မြုဝန်ဍုၚ်စလေး၊ပုခန်းၚယ်ညးမဒှ်ဂကူဗၟာ ညးမၞံုဒၟံၚ် ပ္ဍဲဍုၚ်ပြန် မအုပ်ဓုပ်ဒၟံၚ် ပွဳပွူဍုၚ်ပြန် ကရောမ်မွဲစွံကဵုသကိုပ်ဗိုလ် သၟိၚ်သာံလိုက် (သံလိုက်) ရဴသာ်ဝွံရ။
“လၟုဟ် ပ္ဍဲဟံသာဝတဳတေအ်ဂှ် သၟိ ၚ်အဝ ကေုာံ ကောန်ဇာတ်ညးသီုဖအိုတ်ဂှ် မန်တအ် ဂစိုတ်ထောအ် အိုတ်ဣယျ။ ဗၟာဟီုတှေ် မွဲဟွံကဵုသှေ်စၟဳစၟတ်တုဲ ဂစိုတ်ထောအ် အိုတ်ယျ။ ဟိုတ်ဂှ်ရ ပိုဲတအ် စိုပ်အခိၚ် မဒးစဵုဒၞာလမျီုပိုဲရ။ လၟုဟ် ကြုၚ်လပါ်ပလိုတ်ဏအ် ပိုဲတအ် ပကောံဂွံလဝ် မၞိဟ်မွဲလက်ပြၚ် ဗဒဲါၜါလက်တုဲရ။ ဒပ်ပၞာန်ဒဴဇဲယျစက် စှ်ၜါဒပ် ညံၚ်ဂွံလီုဂှ်ပိုဲဗတိုက်ဏောၚ်။ မၞးတအ်လေဝ် ဗၟာမၞံုပ္ဍဲဍုၚ်ပြန် မ္ၚးဍုၚ်ပြန်ဂှ် ပကောံတုဲ
ဒပ်ပၞာန်သၟိၚ်သာံလိုက် မၞံုအပ္ဍဲဍုၚ်ပြန် ညံၚ်ဂွံလီုဂှ် ဗတိုက်ကီုညိ။ မန်တအ်လီုအိုတ်ဟေၚ် ကာလဒပ်ပၞာန် အလံၚ်မေန်တရာဂျီ (တၠညးအံၚ်ဇေယျ)မစိုပ်မ္ဂး ပိုဲဂကူဗၟာ ဂွံမံၚ် ဗွဲတသိုက်မာန်ရ။”မြုဝန်ရေႊတောၚ် အာကာ၊ မြုဝန်စလေ၊ ညးဇမၞော်ဍုၚ်ပုခန်းၚယ်တအ်ကလိဂွံ လိက်ဂှ်တုဲ ချပ်ဂၞန်ရေၚ်သကအ် သ္ၚိတ်သ္ၚိတ်ဇြဇြရ။ ညးတအ်ပကောံကေတ်ဗၟာ မၞံုပ္ဍဲပွဳပွူပြန်တုဲ ပုန်ကဵု ဒပ်ပၞာန်သၟိၚ်သာံလိုက်ရ။ ဒပ်ပၞာန်သၟိၚ်သာံလိုက် တကိုတ်စိုတ် တီဒဒှ်ရ ဗၟာမၞံုအပ္ဍဲ ဍုၚ်တအ် ပံၚ် ကဵုဒပ်ပၞာန်တၠညးအံၚ်ဇေယျတုဲ ဗတိုက်ကဵုမန်တုဲ ဒးတိတ်ထောအ် နူဍုၚ် မွဲတဲဓဝ်ရ။ပ္ဍဲအခိၚ်တုပ်ပ်ဂှ် ဒပ်ဒဴဇဲယျစက် မၞံုပ္ဍဲတလည်းစီး ဂှ်လေဝ် ဒးဒုၚ်ဗတိုက်ကီုတုဲဒးတိတ် နူဒၞာဲဂှ်ရ။ ပရူဒဒှ်ညးတအ် မသီဂွံ ဍုၚ်ပြန်ဂှ်ကီု ပရူဒဒှ်သတိုးကျော်သူမသီပခိုၚ်လဝ်ဒပ် ပ္ဍဲတလည်းစီး ဂှ်ကီု မြုဝန်စလေ လုပ်ဂရၚ်ဗ္တီ တၠညးအံၚ်ဇေယျရ။ တၠညးအံၚ်ဇေယျလေဝ် ဂွံမိၚ်ကေတ် ပရိုၚ်ဂှ်တုဲ ကြဴတိုန်
“အလန်ဏအ် မန်တအ် ဒးကျပိုဲ ဍာံဍာံရ။ ဂကူဗၟာပိုဲ ကောံသၟဟ် ဒှ်မွဲဣယျ။ ”
#ဟံသာဝတဳဂြးစပ် #သ္ကုတ်၅ #သ္ၚောမ် #ပိုဒ်၃၅ သပုန်အပ္ဍဲဍုၚ်
အ္စာကၞေဟ် - Bee Htaw Monzel
ဗညာ မန်ဆာန်မန်

26/07/2026

ဂွဵုစိုတ်

📌 ประเด็นสำคัญในคลิปนี้ (สำหรับแบ่ง Chapter บน YouTube)ตอนที่ 1: เ...