Short Feelings

29/03/2025

03/03/2025

တင်းတိပ် သက်သာစေမယ့် အိမ်တွင်းနည်းလမ်းများ

တင်းတိပ် ဆိုတာက အသားအရေ အရောင်ပြောင်းလဲသွားတာပါ။ နေရောင်နဲ့ ထိတွေ့မှု များတဲ့ မျက်နှာ အစိတ်အပိုင်းတွေမှာ မီးခိုးရောင် ဒါမှမဟုတ် အညိုရောင်အကွက်တွေ ဖြစ်လာတာပါ။ အရေပြားပြဿနာ တစ်မျိုးပေါ့။ ထိခိုက်အန္တရာယ်ဖြစ်စေတာမျိုးတော့ မရှိပါဘူး။တင်းတိပ်က လူတိုင်းမှာ ဖြစ်နိုင်ပြီး အသားညိုတဲ့ အမျိုးသမီးတွေမှာ ပိုအဖြစ်များပါတယ်။ အကြောင်းကတော့ တင်းတိပ်ဖြစ်ရတာက မ ဟော်မုန်းတွေကြောင့် ဖြစ်ရတာမို့လို့ပါ။ တင်းတိပ်က များသောအားဖြင့်တော့
သန္ဓေတား သောက်ဆေး သောက်တဲ့သူတွေ

ကိုယ်ဝန်ဆောင် အမျိုးသမီးတွေ

သွေးဆုံးခါနီး အမျိုးသမီးတွေ

သွေးဆုံးပြီး အမျိုးသမီးတွေမှာ အဖြစ်များပါတယ်။

ဘာတွေကများ တင်းတိပ် ဖြစ်စေတာလဲ

တင်းတိပ်ဖြစ်စေတဲ့ အကြောင်းအရင်း တိတိကျကျကို အခုထိတော့ မသိရသေးပါဘူး။ အဖြစ်များတယ်လို့ ယူဆရတဲ့ အကြောင်းအရင်းတွေကတော့

အသားအရောင် – အသားညိုသူ အသားအရောင်ရင့်သူတွေက အသားဖြူတဲ့သူတွေထက် တင်းတိပ်ဖြစ်နိုင်ခြေများပါတယ်။

ဟော်မုန်း – အီစထရိုဂျင် နဲ့ ပရိုဂျက်စတုန်း ဟော်မုန်းတွေကြောင့် အရေပြားက ထိခိုက်လွယ်တာပါ။ ဟော်မုန်းပါတဲ့ တားဆေးသောက်ဆေးတွေ၊ ကိုယ်ဝန်ဆောင်တာ နဲ့ သွေးဆုံးခါနီးအချိန်တွေမှာ ဟော်မုန်းပြောင်းလဲတာကြောင့် တင်းတိပ်ဖြစ်ရတာပါ။

နေရောင်နဲ့ ထိတွေ့တာ – နေရောင်မှာပါတဲ့ ခရမ်းလွန်ရောင်ခြည်တွေက အရေပြားရဲ့ မယ်လ်လာနင်ထုတ်လုပ်မှု ပမာဏကို မြင့်တက်စေနိုင်ပါတယ်။ ဒါကြောင့် အရေပြားရဲ့ အချို့နေရာတွေမှာ ရောင်ခြယ်ပစ္စည်းတွေ ပိုမိုထွက်ရှိမှုကို ဖြစ်စေနိုင်ပါတယ်။

အခြား အကြောင်းအရင်းများ – တင်းတိပ် ဖြစ်စေနိုင်တဲ့ နောက်ထပ် အကြောင်းအရင်းတွေက စိတ်ဖိစီးတာနဲ့ သိုင်းရွိုက်ရောဂါ ရှိနေတာကြောင့်ပါ။

တင်းတိပ် သက်သာစေမယ့် အိမ်တွင်းကုထုံးများ ကတော့

ရှားစောင်းလက်ပပ်

ရှားစောင်းလက်ပပ် ဂျယ်လီသားက ရောင်ရမ်းမှုကို သက်သာစေနိုင်ပြီး အရေပြားကို အစိုဓာတ် ထိန်းပေးနိုင်ပါတယ်။ ကိုယ်ဝန်ဆောင်မိခင်တွေမှာ တင်းတိပ် သက်သာစေဖို့ ထောက်ကူပေးနိုင်သလို အရေပြားကို ခရမ်းလွန်ရောင်ခြည်ဒဏ်ကနေ ကာကွယ်ပေးပြီး အရေပြားအတွင်းပိုင်းအထိ အားဖြည့်ပေးနိုင်ပါတယ်။

နနွင်း

နနွင်းမှာပါတဲ့ Curcumin က အရောင်ကျစေနိုင်ပြီး ဓာတ်တိုးဆန့်ကျင်ပစ္စည်း ကြွယ်ဝစွာ ပါဝင်နေပါတယ်။ အသားအရေ ကျန်းမာစေပြီး တင်းတိပ်သက်သာစေဖို့လည်း ထောက်ကူပေးပါတယ်။ခရမ်းလွန်ရောင်ခြည်ကြောင့် မယ်လ်လာနင်ထွက်ရှိတာကိုလည်း ဟန့်တားပေးပြီး အရေပြားမှာ တင်းတိပ် အပါအဝင် အရေပြားပြဿနာ တော်တော်များများ မဖြစ်အောင် ကာကွယ်ပေးပါတယ်။

ရေနွေးကြမ်း

လက်ဖက်စိမ်း ရေနွေးကြမ်း၊ ရေနွေးကြမ်းတွေက အရေပြားကို ကြည်လင်စေနိုင်ပါတယ်။ အရောင်ကျစေပြီး အစိုဓာတ်လည်း ထိန်းပေးပါတယ်။ အအေးခံထားတဲ့ ရေနွေးကြမ်းကို ဂွမ်းလုံးလေးနဲ့ယူပြီး တင်းတိပ်ဖြစ်တဲ့နေရာမှာ လိမ်းပေးတာက တင်းတိပ် သက်သာစေဖို့ ထောက်ကူပေးနိုင်ပါတယ်။ တစ်နေ့ကို ၂ ကြိမ် လုပ်ပေးဖို့ လိုပါမယ်။

ပဲနီလေး

ပဲနီလေးမှာ ဓာတ်တိုးဆန့်ကျင် အာနိသင်ကြွယ်ဝတာကြောင့် တင်းတိပ် သက်သာစေဖို့ ထောက်ကူပေးသလို အသားအရေကို ကြည်လင် လှပစေမှာပါ။ ပဲနီလေးကို တစ်ညတာ ရေစိမ်ပြီး နောက်နေ့မနက်မှာ အနှစ်ဖြစ်အောင် ကြိတ်လိုက်ပါ။ရလာတဲ့အနှစ်ကို တင်းတိပ်ပေါ်မှာ လိမ်းပြီး မိနစ် ၂၀ ကြာ ထားပေးပါ။ ပြီးရင် ရေအေးအေးလေးနဲ့ ဆေးချလိုက်ပါ။ အရေပြား ခြောက်သွေ့မှု ကင်းပြီး တင်းတိပ် သက်သာစေမှာပါ။

ခရမ်းချဉ်သီး

ခရမ်းချဉ်သီး အနှစ်ကလည်း နေရောင်ထိတွေ့မှုကြောင့် ဖြစ်တဲ့ တင်းတိပ်တွေကို သက်သာစေဖို့ ထောက်ကူပေးပါတယ်။ ခရမ်းချဉ်သီးမှာပါတဲ့ Lycopene ဒြပ်ပေါင်းက အရေပြားကို ခရမ်းလွန်ရောင်ခြည်ကြောင့် ထိခိုက်ပျက်စီးတာမျိုး မဖြစ်စေဖို့ ကာကွယ်ပေးပါတယ်။ ခရမ်းချဉ်သီး အနှစ်ကို သံလွင်ဆီနဲ့ ရောစပ်ပြီး တစ်ပတ်ကို ၂ ကြိမ်လောက် ခပ်ဖွဖွလေး လိမ်းပေးရုံပါ။

သံပုရာရည်

သံပုရာရည်က အရောင်ကျစေတာကြောင့် တင်းတိပ်သက်သာစေဖို့ ထောက်ကူပေးပါတယ်။ သံပုရာရည်ကို ရေနဲ့ဆတူရောပြီး တင်းတိပ်ဖြစ်တဲ့နေရာကို လိမ်းပေးရမှာပါ။ အရေပြားက ထိခိုက်လွယ်မယ်ဆိုရင်တော့ ဒီနည်းက အဆင်မပြေပါဘူး။

သဘာဝနည်းလမ်းတွေ ဖြစ်ပေမယ့် အရေပြားမှာ အသုံးပြုမယ်ဆိုရင် အနည်းငယ် စမ်းကြည့်ပါ။ တည့်မှ သုံးပါ။ တင်းတိပ်တွေက ကုသရခက်တာကြောင့် အိမ်တွင်းကုထုံးတွေကိုပဲ အားမကိုးဘဲ အရေပြားဆရာဝန်နဲ့ပါ သေချာပြသဖို့ အကြံပြုချင်ပါတယ်။

02/03/2025

မဲနေတဲ့ နှုတ်ခမ်းကို (၁၀) ရက်အတွင်း သဘာဝအတိုင်း ပန်းရောင်သမ်းလာစေမယ် နည်းလမ်း

လှပတဲ့နှုတ်ခမ်းတစ်စုံ ပိုင်ဆိုင်နိုင်ဖို့အတွက် နှုတ်ခမ်းနီတွေရဲ့ အကူအညီကို ရယူနိုင်ပေမယ့် နှုတ်ခမ်းသားလေး သဘာဝအတိုင်း ပန်းရောင်သမ်းပြီးလှပနေဖို့အတွက်ဆိုရင်တော့ သဘာဝနည်းလမ်းများကို အသုံးပြုရမှာပဲဖြစ်ပါတယ်။
ပန်းရောင်သမ်းတဲ့နှုတ်ခမ်းသားလေး ပိုင်ဆိုင်ချင်တဲ့ ပျိုမေများအတွက် ထိရောက်မှုရှိတဲ့ သဘာဝနည်းလမ်းများကို ဖော်ပြပေးလိုက်ပါတယ်။

သကြားနဲ့ ချေးချွတ်ပါ

သကြား လက်ဖက်ရည်ဇွန်း ၁ ဇွန်းနဲ့ သံပုယိုသီး တစ်ခြမ်းတို့ လိုအပ်ပါမယ်။ သံပုယိုသီးကို ခပ်ပါးပါးလှီးပြီးနောက် သကြားထဲ ထည့်နှစ်လိုက်ပါ။ထို့နောက် ထိုသံပုယိုသီးတစ်ခြမ်းကို နှုတ်ခမ်းပေါ် ပွတ်တိုက်ပေးလိုက်ပါ။ ၃ မိနစ်၊ ၅ မိနစ်ခန့် ပွတ်တိုက်ပေးရပါမယ်။နေ့တိုင်း ပြုလုပ်ပေးလိုက်မယ်ဆိုရင် နှုတ်ခမ်းပေါ်က ဆဲလ်သေများ ပျောက်ကွယ်သွားပြီး နှုတ်ခမ်းသားလေး ပန်းရောင်သမ်းသွားပါလိမ့်မယ်။

နနွင်းမှုန့်နဲ့ ချေးချွတ်ပါ

လိုအပ်မယ့်ပစ္စည်းတွေကတော့ ခရမ်းချဉ်သီးအရည် စားပွဲတင်ဇွန်း ၁ ဇွန်း၊ သံပုယိုရည် စားပွဲတင်ဇွန်း တစ်ဝက်နှင့် နနွင်းမှုန့် စားပွဲတင်ဇွန်း တစ်ဝက်တို့လိုအပ်ပါလိမ့်မယ်။ ပါဝင်ပစ္စည်းများ အားလုံးကို သမအောင် ရောမွှေလိုက်ပါ။ ထို့နောက်နှုတ်ခမ်းပေါ်မှာ သုတ်လိမ်းပေးလိုက်ပါ။ မိနစ် ၂၀ ခန့်ကြာမှရေအေးအေးလေးနဲ့ ရေဆေးလိုက်ပါ။ဒီနည်းလမ်းကိုတော့ တစ်ပတ်မှာ ၂ ကြိမ်၊ ၃ ကြိမ်ခန့် ပြုလုပ်ပေးရပါမယ်။

သံပုယိုရည်နှင့် ပျားရည်

ပျားရည် လက်ဖက်ရည်ဇွန်း ၁ ဇွန်း၊ သံပုယိုရည် လက်ဖက်ရည်ဇွန်း ၁ ဇွန်း (သို့) သံပုယိုသီး တစ်ခြမ်းတို့ လိုအပ်ပါလိမ့်မယ်။ ပျားရည်နှင့် သံပိုယိုရည်တို့ကို သမအောင် ရောမွှေပြီးနောက် နှုတ်ခမ်းပေါ်မှာ သုတ်လိမ်းပေးလိုက်ပါ။ တစ်ညခန့် ထားထားပြီးမှ မနက်ရောက်ရင် ရေအေးလေးနဲ့ မျက်နှာသစ်ပေးလိုက်ပါ။မိမိ စိတ်ကျေနပ်တဲ့ ရလဒ် မရမချင်း ညအိပ်ယာဝင်ခါနီးတိုင်း ပြုလုပ်ပေးနိုင်ပါတယ်။

မုန်လာဥနီဖျော်ရည်

လိုအပ်မယ့်ပစ္စည်းတွေကတော့ မုန်လာဥနီဖျော်ရည်အနည်းငယ်နဲ့ ဝါဂွမ်းစအနည်းငယ်တို့ လိုအပ်ပါလိမ့်မယ်။ ဝါဂွမ်းစကို မုန်လာဥနီဖျော်ရည်ထဲ နှစ်ပြီးနောက် နှုတ်ခမ်းပေါ် သုတ်လိမ်းပေးလိုက်ပါ။ သုတ်လိမ်းပြီး မိနစ် ၂၀၊ ၃၀ ခန့် ကြာမှ ရေဆေးလိုက်ပါ။ရက်အနည်းငယ်အကြာမှာတော့ သင့်ရဲ့ နှုတ်ခမ်းသားလေးက ပန်းရောင်သမ်းပြီး နူးညံ့လာတာကို တွေ့ရပါလိမ့်မယ်။

22/02/2025

ခွင့်လွှတ်ခြင်း၏ ရလဒ်

အတိတ်မှာ ဘာပဲဖြစ်ခဲ့ဖြစ်ခဲ့ အဲဒါကိုနားလည်ဖို့လိုတယ်။ ခွင့်လွှတ်ဖို့လိုတယ်။

အတိတ်ကဖြစ်ခဲ့တဲ့ လွဲခဲ့တာတွေ မှားခဲ့တာတွေကို ခွင့်လွှတ်နိုင်ခြင်းအားဖြင့် နောင်အနာဂတ်မှာ ကောင်းတာတွေလုပ်နိုင်ဖို့အတွက် အုတ်မြစ်ကောင်းကောင်းကိုရသွားတယ်နော်။

အတိတ်ကအကြောင်းတွေကို ထပ်ခါတလဲလဲ တွေးနေ ပြောနေပြီးတော့ အဲဒီအတိတ်ထဲမှာပဲချောင်ပိတ်မိနေလို့ရှိရင် ထောင်ချောက်ကြီးထဲရောက်နေသလိုဖြစ်တယ်။

ခွင့်လွှတ်ခြင်းအားဖြင့် အကျိုးတွေအများကြီးရှိလာတယ်။ စိတ်ရှင်းတယ်။ လွတ်လပ်သွားတယ်။ အမှုကိစ္စတွေ အများကြီးပြီးသွားပါတယ်။

ခွင့်လွှတ်ခြင်းဆိုတာ မှန်ကန်တဲ့အမြင်၊ မှန်ကန်တဲ့အသိမှာ အခြေခံမှဖြစ်နိုင်တယ်။ ပြီးတော့ သူတစ်ပါးကိုချည်းခွင့်လွှတ်ရုံနဲ့ မရသေးဘူး၊ မပြည့်စုံသေးဘူး၊ မိမိကိုယ်ကိုပါခွင့်လွှတ်နိုင်မှ ပြည့်စုံတယ်။

ကိုယ်လုပ်ခဲ့သမျှကိုပြန်ကြည့်ပြီးတော့ မှားတာကိုတော့မှားပါတယ်လို့ ရိုးရိုးသားသား တိတိကျကျ ဝန်ခံဖို့လိုတယ်။ သင်ခန်းစာလည်းယူဖို့လိုတယ်။

ပြီးရင် ငါ့ကိုယ်ကိုလည်း ငါခွင့်လွှတ်လိုက်မယ်။ ရှေ့လျှောက် ငါကောင်းတာတွေလုပ်တော့မယ်၊ နောင်တရပြီးတော့ တစ်နေ့တစ်နေ့ အချိန်မကုန်စေချင်တော့ဘူး။

ကိုယ့်ကိုယ်ကိုလည်း ခွင့်လွှတ်တတ်ဖို့လိုတယ်။ နောင်တရတဲ့စိတ်အားကြီးလွန်းရင် သူကပဲပိတ်ပင်ထားလို့ တရားအသိဥာဏ်အဆင့်မြင့်မြင့်ကို မရနိုင်ဘူး။

ခွင့်လွှတ်နိုင်တဲ့အခါ လောကကြီးကိုကြည့်လိုက်ရင် လောကကြီးက ကြည့်လို့ကောင်းနေတယ်။ သာယာနေတယ်။ အရာရာတိုင်းဟာ လှနေတယ်၊၊ အဓိပ္ပာယ်ရှိနေတယ်။

ဒါတွေကို ကြည့်နိုင်ဖို့၊ မြင်နိုင်ဖို့၊ အာရုံပြုနိုင်ဖို့၊ သိနိုင်ခံစားနိုင်ဖို့ သူ့စိတ်ကိုပေးနိုင်တယ်။ ခွင့်မလွှတ်နိုင်တဲ့သူဟာ ဒါတွေအတွက် သူ့စိတ်မှာနေရာမပေးနိုင်ဘူး၊ အချိန်မပေးနိုင်ဘူး။

သူ့မျက်စိကဖွင့်ထားပေမယ့် သူမမြင်နိုင်ဘူး။ သူ့နားထဲကို အသံတွေဝင်ရောက်လာပေမယ့် သူ အာရုံမပြုနိုင်ဘူး၊ မကြားနိုင်ဘူး။ သူတန်ဖိုးမထားနိုင်ဘူး။

ခွင့်လွှတ်နိုင်တဲ့စိတ်ဟာ မြင့်မြတ်တဲ့စိတ်ဖြစ်တယ်။ ရင့်ကျက်တဲ့ ခိုင်မာတဲ့စိတ်ဖြစ်တယ်။ သဘောထားကြီးတဲ့စိတ် (big mind) ဖြစ်တယ်။

(powerful mind) အင်အားကြီးတဲ့စိတ်ဖြစ်တယ်။ ဒါကြောင့် ခွင့်လွှတ်နိုင်တဲ့သူဟာ စိတ်ဓာတ်ကျမနေတော့ဘူး။

ဆရာတော်ဦးဇောတိက

20/02/2025

"နတ်တွေနဲ့ မိတ်ဖွဲ့ပါ"

🙏🙏🙏🙏🙏🙏🙏

နတ်တွေကို မိတ်ဖွဲ့ရတယ်
နတ်တွေကို မိတ်ဖွဲ့ရတာက
လူတွေကို မိတ်ဖွဲ့ရတာထက်သာတယ်။

လူတွေ အကူအညီ မပေးနိုင်တဲ့အရာကို
နတ်တွေက ကူညီပေးနိုင်တယ်။

နတ်တွေကို မိတ်ဖွဲ့တယ်ဆိုတာ
မေတ္တာပို့ခြင်းနဲ့ အမျှဝေခြင်းပဲ။

အထူးသဖြင့် အပင်ကြီးတွေကို အမျှဝေဖို့လိုတယ်။
အပင်ကြီးတွေဆိုတော့ တန်ခိုးကြီးတဲ့
နတ်တွေ ရှိနိုင်တာပေါ့။

အမျှဝေတဲ့အခါမှာ ဒီနေ့လုပ်ခဲ့တဲ့ ကုသိုလ်ကိုလည်း
အမျှဝေရမယ်။
တစ်သက်လုံး လုပ်ခဲ့တဲ့ ကုသိုလ်တွေကိုလည်း အမျှဝေရမယ်။
ဒါမှ ... သာဓုခေါ်တဲ့ပုဂ္ဂိုလ်တွေက
ပိုပြီး အကျိုးခံစားရမယ်။

အမျှဝေလိုက်လို့ နတ်တွေက သာဓုခေါ်လိုက်ရင်
ရုတ်တရက် စည်းစိမ်တွေ တိုးတက်သွားတယ်။
လူတွေ ထီပေါက်သလိုပေါ့။

ပရဟိတ-လုပ်တယ်ဆိုတာ လူတွေကိုလည်း လုပ်လို့ရတယ်။
နတ်တွေကိုလည်း လုပ်လို့ရတယ်။
ပြိတ္တာတွေကိုလည်း လုပ်လို့ရတယ်
ကျန်တဲ့ အပါယ်ဘုံသားတွေကိုလည်း
လုပ်လို့ရတယ်။
အမျှဝေတယ်ဆိုတာ ပရဟိတ လုပ်တာပဲ။

အမျှဝေလို့ သူတို့က ကျေးဇူးတင်တဲ့အနေနဲ့ ကိုယ့်ကို ပြန်လည်စောင့်ရှောက်မယ်ဆိုရင်တော့ " ဒေဝတာနုကမ္ပိတော ပေါသော သဒါ ဘဒြာနိ ပဿတိ" ဆိုတဲ့အတိုင်း - ကောင်းတာတွေပဲ ကြုံရနိုင်တာပေါ့။

အမျှဝေတဲ့အခါ(မျှော်လင့်ချက်) လောဘစိတ်နဲ့
အမျှ မဝေရဘူး။
သူတို့ကို ကူညီချင်တဲ့စိတ်၊
ကုသိုလ် ရစေချင်တဲ့စိတ်နဲ့ အမျှဝေရတယ်။

ဒီလိုအတွေးအခေါ်မျိုး အရင်က မရှိခဲ့ဘူး။
ခုနောက်ပိုင်း စာတွေဖတ်,တရားတွေနာမှ
အတွေးအခေါ်တွေက ပိုပြီး ကျယ်ပြန့်လာတယ်။

တပည့်တော်ကတော့ မေတ္တာအကျိုးကို
လက်တွေ့ခံစားနေရတယ်လို့တောင် ယူဆမိတယ်။

ခုနောက်ပိုင်း နေရတာ ထိုင်ရတာ
အလွန်စိတ်ချမ်းသာပြီး ခန္ဓာကိုယ်ကလည်း
ပေါ့ပါးသွက်လက်လာတယ်။
ကိုယ် လိုအပ်နေတာလေးတွေလည်း
ပြည့်ပြည့်လာတယ်။

လူတစ်ယောက်ကို မြင်တာနဲ့ တစ်ခါတည်း
"ကျန်းမာချမ်းသာပါစေ .. အရာအားလုံး အဆင်ပြေပါစေ"
လို့ မေတ္တာပို့သပြီးသားပဲ။

----------------------------------------------------

တမာပင်တောရ-ဆရာတော်
ဘဒ္ဒန္တပညာဒီပ-မဟာထေရ်။

၁၃၈၂-ခု၊ ဝါခေါင်လဆန်း(၇)ရက်
အင်္ဂါနေ့၊ ည(၈-နာရီ၊ ၄၅ မိနစ်)
ဆုံးမဩဝါဒစကား။

, 🙏🙏🙏..

02/06/2024

31/05/2024

❣

15/05/2024

" အရာရာဟာဧည့်သည်ပါ "

တယောက်ယောက်ကထားခဲ့ရင်
ဝမ်းမနည်းပါနဲ့
သင်လျှောက်မယ့်လမ်းကို
သူမလိုက်ချင်လို့လည်းဖြစ်နိုင်သလို
သူသွားမယ့်လမ်းမှာ
သင့်ကိုမခေါ်ချင်တော့လို့လည်း ဖြစ်နိုင်ပါတယ်

ဘယ်ခရီးကိုမှ
အစအဆုံးတူတူသွားရမယ်လို့
ဘယ်သူကမှမသတ်မှတ်ထားသလို....
ဘယ်သူလိုက်လိုက် မလိုက်လိုက်
သင်ကတော့သွားနေရဦးမှာဖြစ်ပါတယ်

သင်ပါပါ မပါပါ
သူလည်းဆက်လျှောက်နေမှာဖြစ်ပါတယ်

ငယ်ငယ်ကတော့ တွေးခဲ့ဖူးတယ်
အဖေနဲ့အမြဲနေမယ်
အမေနဲ့ပဲတူတူနေမယ်
ဒီသူငယ်ချင်းတွေနဲ့ဘယ်တော့မှမခွဲဘူး
ငါ့ချစ်သူနဲ့ငါတသက်လုံးတူတူနေမှာ...
စတဲ့ အတွေးတွေတွေးခဲ့ဖူးတယ်

တကယ်တော့
ကျွန်တော်တို့က
ကံဆုံလို့သံသရာရထားပေါ်မှာ
ခဏလာတွေ့တာကို
ဘဝတစ်ခုလုံးစာလို့ ထင်ခဲ့ကြတာပါ

ကိုယ်အရင်ဆင်းရတဲ့အခါ
သူတို့ကိုပါဆင်းခဲ့ဖို့ခေါ်ပေမယ့်လည်း
သူတို့မလိုက်နိုင်ကြသလို....
သူတို့အရင်ဆင်းသွားတဲ့အလှည့်မှာလည်း
ကိုယ်လိုက်မသွားနိုင်ခဲ့ဘူး

သေချာတာကတော့
သူတို့လည်း မသေမချင်းသူတို့ရွေးထားတဲ့လမ်းကို
လျှောက်နေရတာဖြစ်ပြီး
ကိုယ်ကလည်း
ကိုယ့်လမ်းကိုယ်လျှောက်ရင်း
သူတို့နဲ့လမ်းမှာ မသေခင်ခဏတွေ့တာဖြစ်ပါတယ်

တွေ့တဲ့အချိန် ခဏလေးမှာ
ချစ်ကြ သံယောဇဉ်တွေတွယ်ကြ
မုန်းကြ ဆဲကြ ဆိုကြနဲ့
အချိန်စေ့ရင် ကိုယ့်လမ်းကိုယ်ပြန်လျှောက်ရမှာ
ဖြစ်ပါတယ်

ခဏခဏ လူသစ်တွေနဲ့ထပ်တွေ့ရပြီး
ခဏခဏ ခွဲရပြန်တယ်
ခဏခဏပျော်ရွှင်ရပြီး
နောက်တော့ ခဏခဏ ငိုရင်းခွဲရပြန်တယ်
ခဏခဏ လွမ်းမိကြသလို
တခါတလေလည်း နာကျည်းတက်ကြပြန်တယ်

ဒါ့ကြောင့်
သင့်ဘဝထဲကို လူသစ်တွေဝင်လာရင်
သူတို့ပြန်ထွက်သွားမယ့်အချိန်ကိုပါ
ကြိုတွေးထားပါ

ကိုယ်ထားခဲ့ရမယ့်အချိန်ကိုပြင်ဆင်ထားပြီး
သူတို့ထားခဲ့ရင်လည်း
ကိုယ်ဘယ်လိုရှင်သန်ပြီး
ကျန်နေခဲ့ရမလဲဆိုတာလည်း ကြိုစဉ်းစားထားပါ

သူတို့လာနေတုန်းကို
ကိုယ်တတ်နိုင်သလောက် ဧည့်ဝတ်ကျေနိုင်အောင်ကြိုးစားပါ

သူတို့မရှိရင်လည်း သင်နေတက်အောင်ပြင်ဆင်ထားပါ

အပြုံးတွေတောင် ခဏပဲခံရင်
အမုန်းတွေကို အကြာကြီးမွေးမထားပါနဲ့
အလွမ်းတွေကို အရသာမခံချင်ပါနဲ့
အငြိုးအတေးတွေကို အရောင်မတင်ပါနဲ့

တွေ့တွေ့ချင်းတောင် ဝမ်းသာအားရနှုတ်ဆက်ကြရင်
ပြန်ချိန်ရောက်ရင်လည်း
ဖက်တွယ်မထားပဲ
လမ်းခွဲတက်အောင်ကြိုးစားပါ

ဟုတ်ကဲ့
ကျွန်တော်တို့ဘဝနဲ့
ကျွန်တော်တို့နှလုံးသားတွေထဲမှာ.....

အကြာကြီးရှိမနေမှာသေချာတဲ့သူတွေနဲ့

အကြာကြီးဖြစ်နေမှာမဟုတ်တဲ့
ကိစ္စတွေကိုထည့်ပြီး သော့ခပ်မထားပါနဲ့

ခဏလာပြီး ခဏနေပြန်ထွက်သွားမယ့်
ဘယ်သူ့ကိုမဆို
အတင်းအကြပ်ဆုပ်ကိုင်မထားပါနဲ့
မသွားပါနဲ့လို့ မတားပါနဲ့...
ဝင်လာပါစေ...
ပြန်သွားချင်သွားပါစေ....
လာနေတုန်းလေးမှာ ပြုံးနေပြီး
ပြန်ထွက်သွားရင်လည်း မငိုပဲနဲ့ပြုံးထားပါ
Credit to Original Write

14/05/2024

ရင်ဘတ်ထဲရောက်ပြီးသား
သူတစ်ယောက်ကို
မေ့ချင်ယောင်ဆောင်ရတာခက်ပါတယ်
အထူးသဖြင့်
နှစ်နှစ်ကာကာချစ်ခဲ့ဖူးသူကိုပေါ့.....

တိုက်ဆိုင်မှုရှိတိုင်း
ပတ်သက်ခဲ့ဖူးတဲ့ တစ်ယောက်ကို
သတိမရချင်ယောင် ဆောင်ရတာခက်ပါတယ်....
အထူးသဖြင့်...
နှစ်တော်တော်ကြာကြာ သံယောဇဉ်ဖြစ်ခဲ့ဖူးသူကိုပေါ့....

ချန်ခဲ့တဲ့သူထက်စာရင်...
နေရစ်ခဲ့ရတဲ့သူက ပိုခံစားရသလို....
မုန်းတယ်လို့ပြောပြီး လမ်းမခွဲခဲ့ရသည့်တိုင်....
ချစ်တယ်လို့ထပ်ပြောခွင့်မရှိတော့တာလည်း ရင်နာရပါတယ်

တခါတေလ...
တိုက်ဆိုင်မှုကြုံတိုင်း သတိရမိသွားတာတစ်ခုကလွဲရင်....
မဖြစ်နိုင်မှန်းသိပေမဲ့
ချစ်လို့ရတဲ့အချိန်ထိတော့ ချစ်နေဦးမှာပါ.....

Credit

28/03/2024

ငိုစရာတွေ ကြုံပြီးရင်
ဖြတ်သန်းရမယ့် လောကဓံက ခရီးအရှည်ကြီးကျန်သေးတယ် အဲ့ဒီအတွက်
ခွန်အားတွေ ရှိနေဖို့လိုတယ် ။

ဒီမှာသူငယ်ချင်း
လောကမှာ ဒုက္ခရောက်တာ ချင်းတူရင်တောင် စိတ်ဓာတ်ချင်းမတူလို့
ကိုယ့်ကိုကိုယ် စွန့်လွှတ်အရှုံးပေးလိုက်တဲ့လူတွေရှိပါတယ်။

မင်းဘဝမှာ အသက်ရှုခွင့်ရနေတာကိုက
မင်းကံကောင်းနေသေးတာပဲလေ
ဘာကိုများ အရှုံးပေးပြီး အညံ့ခံနေအုံးမှာလဲ။

လဲနေရင် ပြန်ထ ဒါသဘာဝပဲ
ကူမယ့်သူစောင့်နေသ၍ ဘယ်တော့မှ
လောကဓံက လွတ်မြောက်မှာမဟုတ်ဘူး
မင်းကိုယ်မင်းမှ မထူရင်ဘယ်ဘယ်သူကမှ
အရေးတယူနဲ့ ထူမပေးမှာမဟူတ်ဘူး။

အသိညဏ်နည်းတဲ့သူအတွက်
ဒုက္ခဆိုတာ ဘဝတစ်ခုလုံးပျက်စီးသွားတတ်သလို အသိညဏ်ရှိသူအတွက် ဒုက္ခဆိုတာက ဘဝတစ်ခုလုံး ကိုပါပြောင်းလဲပစ်နိူင်ကြပါတယ်။

အရာရာက ကောင်းဖို့ချည်းပဲ သီးသန့်ဖြစ်လာတာမဟုတ်တဲ့အတွက် လောကဓံကြားမှာ စိတ်ဓာတ်မကျလိုက်ပါနဲ့။
ကြိုးစားရင် ဘာမဆို မဖြစ်နိူင်တာမရှိပါဘူး
မဖြစ်သေးတာပဲရှိတာပါ။

လေးစားစွာဖြင့်
မေဆုရာမညမြေ

Crd

14/01/2024

လက်၊ ဒူး၊ တဒေါင် နဲ့ ချိုင်းကြား အသားအရေကိုဖြူဝင်းစေမယ့် သဘာဝနည်းလမ်း