Life's Scrapbook

02/07/2025

Energy Blocks တွေကို ပွင့်စေဖို့ လုပ်ရတဲ့ နည်းလမ်းတွေထဲမှာ ကျမ အနှစ်သက်ဆုံးက အသက်ရှူလေ့ကျင့်ခန်း (ပရာနာယာမ) နည်းလမ်းများ
ပဲဖြစ်ပါတယ်။
🌼ပရာနာယာမ (Pranayama) ဆိုတာ ယောဂရဲ့ အရေးကြီးတဲ့ အစိတ်အပိုင်းတစ်ခုဖြစ်ပြီး အသက်ရှူခြင်းကို ထိန်းချုပ်တဲ့ လေ့ကျင့်ခန်းတွေကို ဆိုလိုပါတယ်။ "ပရာနာ" ဆိုတာ အသက်စွမ်းအင် (life force energy) ကို ဆိုလိုပြီး "ယာမ" ဆိုတာကတော့ ထိန်းချုပ်ခြင်း (control) လို့ အဓိပ္ပာယ်ရပါတယ်။ 🌼

ဒီမှာ လွယ်ကူတဲ့ ပရာနာယာမ နည်းလမ်းတချို့ကို
ပြောပြထားပါတယ် မိမိနှစ်သက်ရာ တစ်မျိုးကို ရွေးချယ်ပြီး နေ့စဉ် လေ့ကျင့်ပေးလို့ရပါတယ်။

၁။ ဝမ်းဗိုက်အသက်ရှူခြင်း (Diaphragmatic Breathing / Abdominal Breathing)
ဒီနည်းလမ်းက အခြေခံအကျဆုံးဖြစ်ပြီး စိတ်ဖိစီးမှုလျှော့ချရာမှာ အလွန်ထိရောက်ပါတယ်။

ဘယ်လိုလုပ်မလဲ?
* သက်သောင့်သက်သာ ထိုင်ခုံမှာ သို့မဟုတ် ကြမ်းပြင်မှာ ပက်လက်လှန်ပြီး ဒူးကွေး၊ ခြေဖဝါးကို ကြမ်းပြင်ပေါ် တင်ထားပါ။
* လက်တစ်ဖက်ကို ရင်ဘတ်ပေါ်၊ ကျန်တစ်ဖက်ကို ဝမ်းဗိုက်ပေါ် တင်ထားပါ။
* နှာခေါင်းကနေ ဖြည်းဖြည်းချင်း အသက်ရှူသွင်းပါ။ ဒီအချိန်မှာ ဝမ်းဗိုက်က ဖောင်းလာပြီး ရင်ဘတ်က ငြိမ်နေရပါမယ်။ ဝမ်းဗိုက်ပေါ်တင်ထားတဲ့လက်က အပေါ်ကို မြင့်တက်လာတာကို ခံစားရပါမယ်။
* နှုတ်ခမ်းကို အနည်းငယ်ဟပြီး ပါးစပ်ကနေ ဖြည်းဖြည်းချင်း အသက်ပြန်ရှူထုတ်ပါ။ ဝမ်းဗိုက်က ပြားသွားပြီး ဝမ်းဗိုက်ပေါ်တင်ထားတဲ့လက်က အောက်ကို ပြန်ကျသွားတာကို ခံစားရပါမယ်။
* ဒီအတိုင်း ၅-၁၀ မိနစ်ခန့် နေ့စဉ် လေ့ကျင့်ပေးပါ။

အကျိုးကျေးဇူးများက စိတ်ဖိစီးမှုလျှော့ကျခြင်း၊ သွေးပေါင်ချိန်ကျစေခြင်း၊ စိတ်တည်ငြိမ်စေခြင်း နှင့် အိပ်ပျော်စေခြင်း တို့ဖြစ်ပါတယ်။

၂။ တစ်လှည့်စီ နှာခေါင်းစည်းပြီး အသက်ရှူခြင်း (Alternate Nostril Breathing / Nadi Shodhana)
ဒီနည်းလမ်းက စိတ်နဲ့ စွမ်းအင်တွေကို မျှတအောင် ထိန်းညှိပေးနိုင်ပါတယ်။

ဘယ်လိုလုပ်မလဲ?
* သက်သောင့်သက်သာ ထိုင်ပြီး ကျောရိုးကို တည့်တည့်ထားပါ။
* ညာဘက်လက်မနဲ့ ညာဘက်နှာခေါင်းကို ပိတ်ပါ။ ညာဘက်လက်ညှိုးနဲ့ လက်ခလယ်ကို နဖူးကြားမှာ ထားပါ။
* ဘယ်ဘက်နှာခေါင်းကနေ ဖြည်းဖြည်းချင်း အသက်ရှူသွင်းပါ။
* ဘယ်ဘက်နှာခေါင်းကို လက်သူကြွယ်နဲ့ ပိတ်ပြီး၊ ညာဘက်နှာခေါင်းကို ဖွင့်ကာ ဖြည်းဖြည်းချင်း အသက်ရှူထုတ်ပါ။
* ညာဘက်နှာခေါင်းကနေပဲ ဖြည်းဖြည်းချင်း အသက်ရှူသွင်းပါ။
* ညာဘက်နှာခေါင်းကို လက်မနဲ့ ပိတ်ပြီး ဘယ်ဘက်နှာခေါင်းကို ဖွင့်ကာ ဖြည်းဖြည်းချင်း အသက်ပြန်ရှူထုတ်ပါ။
* ဒါက တစ်ပတ်လည်ပြီးပါပြီ။ ဒီအတိုင်း ၅-၁၀ မိနစ်ခန့် ဆက်လေ့ကျင့်ပါ။

အကျိုးကျေးဇူးများက စိတ်တည်ငြိမ်စေခြင်း၊ စိတ်ဖိစီးမှုလျှော့ချခြင်း၊ ဦးနှောက်လုပ်ဆောင်ချက်ကို ကောင်းမွန်စေခြင်း နှင့် အာရုံစူးစိုက်မှု တိုးတက်စေခြင်း တို့ဖြစ်ပါတယ်။ စာလေ့လာနေရသူ၊ စိတ်အာရုံ ကွန့်မြူးပြီး အလုပ်လုပ်နေရသူတွေ အတွက် သင့်တော်ပါတယ်။

၃။ Bee Breath / Humming Bee Breath (Bhramari Pranayama)
ဒီနည်းလမ်းက စိတ်ကို ငြိမ်သက်စေပြီး အတွေးတွေကို တိတ်ဆိတ်စေပါတယ်။

ဘယ်လိုလုပ်မလဲ?
* သက်သောင့်သက်သာ ထိုင်ပါ။
* လက်ညှိုးနှစ်ချောင်းနဲ့ နားရွက်နှစ်ပေါက်ကို ပိတ်ပါ။ (နားရွက်အဆစ်လေးတွေကို ဖိပိတ်ရပါမယ်)။
* နှာခေါင်းကနေ အသက်ပြည့်အောင် ရှူသွင်းပါ။
* အသက်ရှူထုတ်နေချိန်မှာ ပျားအော်သံလို "အွန်း..." ဆိုတဲ့ အသံရှည်ကြီးကို နှာခေါင်းထဲကနေ ထုတ်ပါ။ နားရွက်ကို ပိတ်ထားတဲ့အတွက် ဒီအသံက ခေါင်းထဲမှာ ပဲ့တင်ထပ်နေတာကို ခံစားရပါမယ်။
* ဒီအတိုင်း ၅-၁၀ ကြိမ်ခန့် ထပ်လုပ်ပါ။

အကျိုးကျေးဇူးများက စိတ်ဖိစီးမှု၊ စိုးရိမ်ပူပန်မှုလျှော့ချခြင်း၊ ဒေါသလျော့နည်းစေခြင်း၊ အိပ်မပျော်တာကို သက်သာစေခြင်း နှင့် အာရုံစူးစိုက်မှု တိုးတက်စေခြင်း တို့ဖြစ်ပါတယ်။

အသက်ရှူလေ့ကျင့်ခန်း လုပ်ဆောင်ရာတွင် သတိပြုရန်
⛔️ အစာစားပြီးချင်း လေ့ကျင့်တာမျိုး မလုပ်သင့်ပါဘူး။ ဗိုက်ပြည့်နေရင် အသက်ရှူရတာ မသက်သာပါဘူး။ အစာမစားမီ ဒါမှမဟုတ် အစာစားပြီး ၂-၃ နာရီအကြာမှာ လေ့ကျင့်တာ ပိုကောင်းပါတယ်။
⛔️ တိတ်ဆိတ်ပြီး လေဝင်လေထွက်ကောင်းတဲ့ နေရာမှာ လေ့ကျင့်ပါ။
⛔️ အစပိုင်းမှာ အချိန်အကြာကြီး မလုပ်ဘဲ
ခဏတာကနေ စတင်ပြီး တဖြည်းဖြည်း
အချိန်တိုးမြှင့်သွားပါ။
⛔️ လေ့ကျင့်နေစဉ် မသက်မသာဖြစ်ရင် ရပ်နားပါ။

စိတ်ချမ်းသာ၊ ကိုယ်ကျန်းမာတဲ့ နေ့ရက်တိုင်းကို ပိုင်ဆိုင်နိုင်ပါစေ။ 🙏🙏

30/06/2025

"အရာရာကို အပြေးအလွှားအမှီလိုက်နေရတဲ့
ဒီခေတ်ကြီးထဲမှာ ရုပ်ပိုင်း၊ စိတ်ပိုင်းနဲ့ ခံစားချက်ပိုင်းဆိုင်ရာ အားအင်ကုန်ခမ်းမှုတွေကို ဘာကြောင့်မှန်းမသိဘဲ ကြုံတွေ့ရတတ်ပါတယ်။"
🧿စိတ်ဖိစီးမှု၊ 🍺ကျန်းမာရေးနဲ့မညီညွှတ်တဲ့ နေထိုင်မှုပုံစံ၊ 🕐အလုပ်များတာတွေက အကြောင်းရင်းတွေဖြစ်နိုင်ပေမဲ့ တစ်ခါတလေ သတိမထားမိတဲ့ အကြောင်းတစ်ခုကတော့...
✨️✨️ စွမ်းအင်ပိတ်ဆို့နေခြင်း (Energy Block) ပါပဲ။ စိတ်စွမ်းအင်ဆိုင်ရာ ရှေးရိုးအယူအဆတွေအရ
ဒီစွမ်းအင်စီးဆင်းမှုဟာ ကျွန်ုပ်တို့ရဲ့ ကျန်းမာရေးကို နက်နက်ရှိုင်းရှိုင်း သက်ရောက်မှုရှိတယ်လို့ ဆိုပါတယ်။

စွမ်းအင်ပိတ်ဆို့မှုဆိုတာ ဘာလဲ?
ဟိုလစ်စတစ်ကျန်းမာရေးအယူအဆတွေအရ၊
စွမ်းအင်တွေဟာ ခန္ဓာကိုယ်ထဲက လမ်းကြောင်းတွေ (ဥပမာ- Chakras လို့ခေါ်တဲ့ စွမ်းအင်ဗဟိုချက်တွေ ဒါမှမဟုတ် မြန်မာဆေးပညာက Meridians တွေ) ကနေ စီးဆင်းနေတယ်လို့ ယုံကြည်ကြပါတယ်။ ဒီစွမ်းအင်စီးဆင်းမှုက ပုံမှန်ဆိုရင် လူက လန်းဆန်းတက်ကြွပြီး စိတ်ကြည်လင်၊ ခံစားချက်တည်ငြိမ်ကာ ကျန်းမာနေပါတယ်။ ဒါပေမဲ့ မကောင်းတဲ့ခံစားချက်တွေ၊ မဖြေရှင်းရသေးတဲ့ စိတ်ဒဏ်ရာတွေ၊ ကျန်းမာရေးနဲ့မညီညွှတ်တဲ့ အလေ့အထတွေလိုမျိုး အနှောင့်အယှက်တွေ ပေါ်လာတဲ့အခါ စွမ်းအင်စီးဆင်းမှု ပိတ်ဆို့သွားနိုင်ပါတယ်။
ရေပိုက်လိမ်နေလို့ ရေစီးနှေးသွားတာမျိုးနဲ့ ဆင်တူပါတယ်။ အချိန်ကြာလာရင် ဒီပိတ်ဆို့မှုတွေက ရုပ်ပိုင်းဆိုင်ရာ နာကျင်မှုတွေ၊ စိတ်မတည်ငြိမ်မှုတွေနဲ့ စိတ်ဓာတ်ကျခြင်းတွေအဖြစ် ပြောင်းလဲသွားနိုင်ပါတယ်။ 💓🩷

စွမ်းအင်ပိတ်ဆို့မှုဖြစ်ရတဲ့ အကြောင်းရင်းတွေကတော့-
🔮 စိတ်ဖိစီးမှုနဲ့ ပူပန်သောက: လွန်ကဲတဲ့ စိတ်ဖိစီးမှုတွေက စွမ်းအင်ပိတ်ဆို့မှုရဲ့ အဖြစ်အများဆုံး အကြောင်းရင်းပါ။ ကိုယ်မထိန်းချုပ်နိုင်တဲ့ကိစ္စတွေအပေါ်မှာ စိုးရိမ်ပူပန်နေတာ၊ အနာဂါတ်အတွက် ပူပန်သောကရောက်နေတာ၊ အတွေးလွန်တာ စတဲ့အရာတွေက နာတာရှည်ရောဂါလိုမျိုး ခန္ဓာကိုယ်မှာ တင်းအားတွေ စုပုံလာတက်ပါတယ်။
🔮 မဖြေရှင်းရသေးတဲ့ ခံစားချက်များ: အတိတ်က စိတ်ဒဏ်ရာတွေ ဒါမှမဟုတ် လက်ရှိဖြေရှင်းရမယ့်
ကိစ္စရပ်တွေ အပေါ်မှာ ခံစားချက်တွေကို ဖွင့်မထုတ်ပဲ၊ မျိုသိပ် ဖိနှိပ်ထားရင်လည်း စွမ်းအင်ပိတ်ဆို့မှုတွေ
ဖြစ်နိုင်ပါတယ်။
🔮 အနှုတ်သဘောဆောင်တဲ့ အတွေးအခေါ်များ: အဆက်မပြတ် အဆိုးမြင်တာ၊ ကိုယ့်ကိုယ်ကိုယ်
မယုံကြည်တာ ဒါမှမဟုတ် ကြောက်ရွံ့တာတွေကလည်း စွမ်းအင်စီးဆင်းမှုကို ဟန့်တားနိုင်ပါတယ်။
🔮 ကျန်းမာရေး အလေ့အထ ညံ့ဖျင်းခြင်း:
ကိုယ်လက်လှုပ်ရှားမှုနည်းတာ၊ အစားအသောက်မမှန်တာနဲ့ အနားယူမှုမလုံလောက်တာတွေက ခန္ဓာကိုယ်စွမ်းအင်ကို ထိခိုက်စေပါတယ်။
🔮 ပတ်ဝန်းကျင်နဲ့ စွမ်းအင်ဆိုင်ရာ အချက်များ: အနုတ်သဘောဆောင်တဲ့ ပတ်ဝန်းကျင် ဒါမှမဟုတ် လူတွေနဲ့ ထိတွေ့မှုကလည်း စွမ်းအင်ပိတ်ဆို့မှု ဖြစ်စေနိုင်ပါတယ်။

စွမ်းအင်ပိတ်ဆို့နေတဲ့ လက္ခဏာများ 🤲🤲
ကိုယ့်မှာ စွမ်းအင်ပိတ်ဆို့မှုရှိနေလားဆိုတာ ဒီလက္ခဏာတွေနဲ့ တိုက်ဆိုင်စစ်ဆေးနိုင်ပါတယ်။
💬 ပင်ပန်းနွမ်းနယ်နေခြင်း: အနားယူပြီးတာတောင် မပြေလည်တဲ့ နာတာရှည်ပင်ပန်းနွမ်းနယ်မှုက စွမ်းအင်ပိတ်ဆို့မှုရဲ့ အထင်ရှားဆုံး လက္ခဏာတစ်ခုပါ။
💬 ရုပ်ပိုင်းဆိုင်ရာ မသက်မသာဖြစ်ခြင်း: ခန္ဓာကိုယ်အစိတ်အပိုင်းတွေမှာ နာကျင်မှုတွေဖြစ်လာနိုင်ပါတယ်။ ဥပမာ- ရင်ဘတ်တင်းကျပ်နေတာက နှလုံး Chakras မှာ ပိတ်ဆို့နေတာနဲ့ ဆက်စပ်နိုင်ပါတယ်။
💬 စိတ်ခံစားချက် မတည်ငြိမ်ခြင်း: ဒေါသ၊ ကြောက်ရွံ့မှု၊ ဝမ်းနည်းမှုလိုမျိုး အဆိုးမြင်ခံစားချက်တွေမှာ နစ်မြောနေတာ ဒါမှမဟုတ် စိတ်ခံစားချက် အတက်အကျမြန်တာတွေ ဖြစ်နိုင်ပါတယ်။
💬 စိတ်ရှုပ်ထွေးပြီး ရှင်းလင်းမှုမရှိခြင်း: အာရုံစိုက်ရခက်တာ၊ ဆုံးဖြတ်ချက်မချနိုင်တာနဲ့ ဖိစီးနေသလို ခံစားရတာတွေကလည်း စွမ်းအင်စီးဆင်းမှု ပြဿနာရဲ့ လက္ခဏာတွေပါ။
💬 ဘဝမှာ တစ်နေရာတည်း ညပ်နေသလို ခံစားရခြင်း: အလုပ်၊ ဆက်ဆံရေး ဒါမှမဟုတ် ကိုယ်ရည်ကိုယ်သွေး တိုးတက်မှုလို ဘဝကဏ္ဍတွေမှာ ရှေ့ဆက်ဖို့ ခက်ခဲနေပြီး တူညီတဲ့ပုံစံတွေထဲမှာပဲ ပိတ်မိနေသလို ခံစားရနိုင်ပါတယ်။
👌စွမ်းအင်ပိတ်ဆို့မှုတွေကို ဘယ်လို ဖြေလျော့ရမလဲ?
နောက်ပို့စ်တစ်ခုထပ်တင်ပေးပါမယ်နော် 🙏🙏

25/06/2025

ဒီနေ့ ဇွန်လ ၂၅ ရက်နေ့ဟာ ဗေဒင်ပညာအရ ထူးခြားတဲ့နေ့တစ်နေ့ ဖြစ်ပါတယ်။ ဘာကြောင့်လဲဆိုတော့ ဒီနေ့မှာ ကရကဋ်ရာသီ (Cancer) မှာ လသစ် (New Moon) ဖြစ်ပေါ်လာလို့ပါပဲ။ ဗေဒင်ပညာရှင်တွေရဲ့ အဆိုအရ ဒီလသစ်ဟာ ကံကောင်းခြင်း၊ ပေါများခြင်းနဲ့ အခွင့်အလမ်းကောင်းတွေကို သယ်ဆောင်လာပေးနိုင်တယ်လို့ ဆိုပါတယ်။
🔮လသစ်စွမ်းအင်နှင့် Manifesting🔮
လသစ်စတင်ခြင်းဆိုတာက ဒီနေ့မှာ လကို လုံးလုံးမမြင်ရဘဲ မှောင်မိုက်နေတဲ့ အချိန်ကို ပြောတာပါ။ ဒါပေမဲ့ ဒီအမှောင်ထုထဲမှာပဲ အစပြုခြင်းရဲ့ စွမ်းအင်တွေ ပြည့်နှက်နေပါတယ်။ လဟာ ဒီနေ့ကစပြီး လခြမ်းကွေးကွေးလေးကနေ တဖြည်းဖြည်း ပိုကြီးလာပြီး လပြည့်နေ့အထိ စွမ်းအင်တွေ အားပြည့်လာမှာ ဖြစ်ပါတယ်။
ဒါကြောင့် လစက်ဝန်းရဲ့ ဒီစွမ်းအင်အပြောင်းအလဲကို အသုံးချပြီး Manifesting (ဆန္ဒများကို လက်တွေ့အကောင်အထည်ဖော်ခြင်း) ပြုလုပ်ချင်သူတွေအတွက် ဒီနေ့ဟာ အကောင်းဆုံးအချိန်ပါပဲ။

🔮ဘယ်လို Manifest လုပ်ကြမလဲ🔮
လသစ်ရဲ့ စတင်ခြင်းစွမ်းအင်ကို အသုံးချပြီး သင်လိုချင်တဲ့အရာတွေကို လက်တွေ့ဖြစ်လာစေဖို့ အောက်ပါနည်းလမ်းတွေကို ပြုလုပ်နိုင်ပါတယ်။
🎯 ရည်ရွယ်ချက်အသစ်များ ချမှတ်ခြင်း
(Setting New Intentions):
📝ဒီနေ့မှာ သင်တကယ်ဖြစ်ချင်တဲ့၊ ရရှိချင်တဲ့ ရည်ရွယ်ချက်အသစ်တွေကို တိတိကျကျ ရေးချပါ။ ဥပမာ- "ငါမှာငွေကြေးနဲ့ပတ်သက်ပြီး ပူပန်စရာလုံးဝမရှိဘူး။ မိတ်ဆွေကောင်းတွေ၊ အဆက်အသွယ်ကောင်းတွေ၊ အထောက်အပံ့တွေ၊ အလုပ်ကောင်းတွေ ငါ့မှာရှိနေတယ်" ၊ "ငါက ငါ့မိဘနဲ့မိသားစုကို လိုလေသေးမရှိထောက်ပံ့နိုင်နေတယ်" " ငါ ခရီးတွေသွားပြီး ပျော်နေတယ်။ ခရီးသွားဖို့ ငွေကြေးတွေလည်း ငါ့မှာ အလုံအလောက်ရှိတယ်"
🔊ချရေးထားတဲ့ စကားလုံးတွေကို ရွတ်ဆိုပါ။
ဖြစ်ပြီးသားလို ခံစားကြည့်ပါ။
📃စာရင်းအများကြီး မရေးဘဲ အရေးကြီးတဲ့ ရည်ရွယ်ချက် ၅-၁၀ ခု လောက်ကိုသာ ရွေးချယ်ပါ။

🎯Affirmation များ ရွတ်ဆိုခြင်း (Reciting Affirmations):
သင်ချမှတ်ထားတဲ့ ရည်ရွယ်ချက်တွေကို ထပ်တလဲလဲ ရွတ်ဆိုခြင်းအားဖြင့် သင့်ရဲ့ မသိစိတ်ထဲကို စွဲဝင်စေပြီး လက်တွေ့ဖြစ်လာအောင် ကူညီပေးပါတယ်။
✨️ စိတ်တည်ငြိမ်စွာနဲ့ ယုံကြည်မှုအပြည့်နဲ့ ရွတ်ဆိုပါ။
✨️ မနက်အိပ်ယာနိုးတာနဲ့ ညအိပ်ရာဝင်ခါနီးအချိန်တွေမှာ ရွတ်ဆိုတာ ပိုပြီး ထိရောက်ပါတယ်။

🎯 မြင်ယောင်ခြင်း (Visualization):
✨️ သင်ဆန္ဒပြုထားတဲ့အရာတွေ တကယ်ဖြစ်လာပြီဆိုရင် ဘယ်လိုနေမလဲဆိုတာကို စိတ်ကူးထဲမှာ ရှင်းရှင်းလင်းလင်း မြင်ယောင်ပါ။ အသေးစိတ်မြင်ယောင်လေလေ ပိုမိုအားကောင်းလေပါပဲ။
✨️ ပျော်ရွှင်မှုနဲ့ ကျေးဇူးတင်မှုကို ခံစားရင်း ဒီရည်ရွယ်ချက်တွေ အမှန်တကယ်ဖြစ်လာပြီလို့
ယုံကြည်ပါ။

ဒီနေ့ လသစ်ရဲ့ ကောင်းမွန်တဲ့စွမ်းအင်တွေကို အသုံးချပြီး .."လိုချင်တဲ့ ပန်းတိုင်တွေ၊ ဆန္ဒတွေကို လက်တွေ့အကောင်အထည်ဖော်နိုင်ကြပါစေ" လို့ ဆုတောင်းပေးလိုက်ပါတယ်။

23/06/2025

🌿 ဒီလူတွေနဲ့ အတူရှိနေမိရင် သင့်ဘဝက ပိုပင်ပန်းလာမယ်!

1️⃣ "မဖြစ်နိုင်ဘူး" လို့ပဲမြင်သူ
- ဘယ်အရာကိုမဆို အဆိုးမြင်ပြီး၊ ကန့်လန့်ပြောတတ်တဲ့သူတို့နဲ့အတူရှိရင် ကိုယ့်အိပ်မက်တွေ ညှိုးနွမ်းလာမယ်။

2️⃣ "မင်းမလုပ်နိုင်ဘူး" ဆိုသူ
- သူများရဲ့အားနည်းချက်ကို အမြဲထောက်ပြပြီး
သူတပါး ကို အထင်အမြင်သေးတက်သူတို့နဲ့အတူရှိရင်
ကိုယ့်ကိုယ်ကိုယုံကြည်မှု တဖြည်းဖြည်းလျော့ပါးလာမယ်။

3️⃣ "ငါပဲအရေးကြီး" သမား
- သူတို့ရဲ့ ကိုယ်ကျိုးစီးပွားကိုပဲ ဦးစားပေးပြီး သူတစ်ပါးရဲ့ ခံစားချက်ကို ထည့်မတွက်တတ်၊ ကိုယ်ကျိုးစီးပွားအတွက်ပဲ အမြဲတွက်ချက်နေသူတို့နဲ့
ဆိုရင် ကိုယ်ဟာ အသုံးချခံတစ်ယောက်သက်သက်ဖြစ်နေမယ်။

4️⃣ "ဟိုလူအကြောင်း ဒီလူအကြောင်း" ပြောသူ
- သူတပါးအကြောင်း ကောလဟာလတွေ ဖြန့်ရတာဝါသနာပါပြီး စပ်စု၊ အတင်းပြောတက်သူတို့နဲ့အတူရှိရင် နောက်ဆုံးမှာ ကိုယ်ပါ စိတ်ညစ်ညူးလာလိမ့်မယ်။

5️⃣ "Positive Energy " ကို စုပ်ယူတက်တဲ့
The Energy Vampire
- ကမ္ဘာကြီးက အမြဲတမ်း သူတို့နဲ့ ဆန့်ကျင်ဘက်မှာရှိနေပြီး ၊ သူတို့ကအမြဲတမ်း နစ်နာသူလိုမျိုး ထင်ယောင်ကာ အခြားသူတွေရဲ့ နှစ်သိမ့်မှုကိုခံယူချင်တက်သူတွေနဲ့ အတူရှိရင် ကိုယ်ပါ ပိုပင်ပန်းသလိုခံစားလာရလိမ့်မယ် ။

6️⃣ "မင်းအောင်မြင်တာမကြိုက်" သူ
- ကိုယ့်အောင်မြင်မှုကို မနာလိုဝန်တိုဖြစ်နေသူတို့နဲ့ဆိုရင် ကိုယ်ဟာ အမြဲပြိုင်နေရသလိုခံစားရမယ်။

7️⃣ "အကူညီ အမြဲတောင်း" သူ
- သူတို့ရဲ့ အမှားတွေ၊ ပြဿနာတွေအတွက် သူတို့ကိုယ်တိုင် တာဝန်ယူလေ့မရှိဘဲ အမြဲတမ်း တခြားသူတွေဆီကို အကူအညီတောင်းလေ့ရှိသူနဲ့အတူရှိတဲ့အခါ
သူတို့ကိုကူညီရင်း ကိုယ်ပါစိတ်ဖိစီးလာမယ် ။

8️⃣ "ငါမှန်တယ်" ဆိုသူ
- အကြောင်းအရာတိုင်းကို သူပဲအမှန်ဟုဆိုကာ လှည့်စားပြောဆိုတတ်တဲ့ လူမျိုးနဲ့ဆိုရင် ကိစ္စတိုင်းက
ကိုယ့်အမှားဖြစ်လာပြီး စိတ်အဆင်မပြေမှုတွေ ခံစားလာရမယ်။

💎 ဒါကြောင့်
ကိုယ့်စိတ်ကို မြှင့်တင်ပေးနိုင်သူတွေနဲ့သာ အချိန်ကုန်ဆုံးပါ။ အနုတ်လက္ခဏာဆောင်တဲ့သူတွေကို ခွင့်လွှတ်ပြီး ဝေးဝေးနေထိုင်ပါ။

✨ ** #စိတ်ငြိမ်းချမ်းမှု #အောင်မြင်မှုအတွက်

22/06/2025

18/06/2025

ဒီနေ့မှာ လ၊ စနေဂြိုဟ်နဲ့ သောကြာဂြိုဟ်တို့ဟာ ရှားပါးတဲ့ triple conjunction အဖြစ် ကောင်းကင်ယံမှာ
"ပြုံးနေတဲ့ မျက်နှာ"ပုံသဏ္ဌာန် တောက်ပ နေမှာပါ လို့
NASA ကပြောထားပါတယ်။
🌕🪐✨

ဘယ်လိုမြင်ရမလဲ။👁👁
✨️ လ ကတော့ ပြုံးနေတဲ့ ပါးစပ်ပုံစံလေး ဖြစ်နေမှာပါ။
✨️ စနေဂြိုဟ် နဲ့ သောကြာဂြိုဟ် ကတော့ တောက်ပတဲ့ မျက်လုံးလေးတွေလို ဖြစ်နေပါလိမ့်မယ်။

ဘယ်အချိန်ကြည့်ရမလဲ။🕐🕜
✨️ ဒေသစံတော်ချိန် မနက် ၁:၃၀ နာရီ ဝန်းကျင်မှာ အရှေ့ဘက်ကောင်းကင်ယံကို ကြည့်ရှုနိုင်ပါတယ်။ နေမထွက်ခင် မိနစ် ၃၀ ကနေ မိနစ် ၆၀ လောက်အထိ
မြင်ရနိုင်ပါတယ်။

ဘယ်နေရာကနေ မြင်ရမလဲ။
✨️ အရှေ့ဘက်ကောင်းကင်ပြင်ကို ရှင်းရှင်းလင်းလင်း မြင်ရတဲ့ ဘယ်နေရာကနေမဆို
(ခေါင်မိုး၊ လသာဆောင်၊ ပန်းခြံ) ကြည့်ရှုနိုင်ပါတယ်။

အကြံပြုချက်-
✨️ သောကြာဂြိုဟ်ကို မျက်စိနဲ့ မြင်ရပေမယ့်၊ စနေဂြိုဟ်ကိုတော့ ပိုပြီး ရှင်းရှင်းလင်းလင်း မြင်ရဖို့အတွက် မှန်ပြောင်း (binoculars) သို့မဟုတ် တယ်လီစကုပ်အသေးစား လိုအပ်နိုင်ပါတယ်။

ဒီရှားပါးလှတဲ့ ကောင်းကင်ယံမြင်ကွင်းလေးကို
လက်မလွတ်ရအောင် နှိုးစက်ပေးထားဖို့ မမေ့နဲ့နော်။ ⏰

ကောင်းကင်ယံရဲ့ အလှအပကို ခံစားရင်း...
❤️ စကြာဝဠာရဲ့ ကျယ်ပြန့်မှုနဲ့ အဆုံးမဲ့ဖြစ်တည်မှုကို စဉ်းစားပါ။
❤️ သင်ဟာ ဒီစကြာဝဠာကြီးရဲ့ အစိတ်အပိုင်းတစ်ခုဖြစ်တယ်လို့ ခံစားကြည့်ပါ။
❤️ သင့်ပတ်ဝန်းကျင်မှာရှိတဲ့ အရာအားလုံးက စွမ်းအင်ဖြစ်တယ်၊ စွမ်းအင်တွေအားလုံးဟာ အသက်ရှူသွင်းလိုက်တိုင်းမှာ သင့်ဆီကို စီးဝင်နေတယ်။
စိတ်ထဲမှာရှိတဲ့ တင်းမာမှုတွေနဲ့ အနုတ်လက္ခဏာ စွမ်းအင်တွေက အသက်ရှူထုတ်လိုက်တဲ့အခါ ထွက်သွားတယ်လို့ မြင်ယောင်ကြည့်ပါ။
❤️ ချစ်ခြင်း၊ ငြိမ်းချမ်းခြင်း၊ ပျော်ရွှင်ခြင်း စတဲ့ ခံစားချက်တွေကို အာရုံစိုက်ပြီး ကျေးဇူးတင်ပါ။

လိုအင်ဆန္ဒတွေအားလုံး အမြန်ဆုံးပြည့်ဝလာပါစေ။

17/06/2025

Manifest လုပ်နေချိန်မှာ စိုးရိမ်ပူပန်စိတ်ရှိနေတာ
အတားအဆီးဖြစ်တယ်လို့ သိထားကြတယ်ဟုတ်??
ဟုတ်ပါတယ်တယ်။..✨️✨️
တစ်ခုခုကို လိုချင်တယ်ဆိုပြီး ဆွဲဆောင်တဲ့အခါ၊
ပထမဦးဆုံး လုပ်ရမှာက ကိုယ်လိုချင်တဲ့အရာကို ရှင်းရှင်းလင်းလင်း စိတ်ကူးပုံဖော်ဖို့ ဖြစ်ပါတယ်။ .ပြီးရင် အဲဒီအရာကို သင်ရပြီးသားလို့
ယုံကြည်ခံစားရပါမယ်။..

ဒါပေမယ့် ဒီလိုလုပ်ပြီးတဲ့အခါမှာ လူအများစုက ဘယ်လိုရလာမလဲဆိုတဲ့ "ဘယ်လို" (How) ကို စပြီး စိုးရိမ်ပူပန်တတ်ကြပါတယ်။
* "ဒါက ဘယ်လိုဖြစ်လာမှာလဲ။"
* "ငါ့ဆီ ဘယ်အချိန် ရောက်လာမှာလဲ။"
* "ဒါကို ရဖို့ ငါဘာတွေ ထပ်လုပ်ရဦးမှာလဲ။"
စတဲ့ မေးခွန်းတွေနဲ့ အတွေးတွေဟာ ယုံကြည်မှုကို လျော့နည်းစေပြီး၊ လိုချင်တဲ့အရာကို ကိုယ့်ဆီရောက်မလာအောင် တားဆီးထားသလို ဖြစ်စေပါတယ်။
ဒီနေရာမှာ "ယုံကြည်ခြင်းနဲ့ လွှတ်ချခြင်း" ဆိုတဲ့ သဘောတရားကို ကျင့်သုံးဖို့လိုလာပါပြီ။

၁။ "ယုံကြည်ခြင်း" ဆိုတာ လိုချင်တဲ့အရာကို စကြဝဠာ (သို့မဟုတ်) စွမ်းအားမြင့်မားတဲ့ တစ်ခုခုက ကိုယ့်ဆီရောက်အောင် လုပ်ဆောင်ပေးလိမ့်မယ်လို့
ပြည့်ပြည့်ဝဝ ယုံကြည်တာကို ဆိုလိုပါတယ်။

✨️ ဒါက မျက်စိမှိတ်ပြီး ယုံကြည်တာမျိုးပါ။✨️

ဘယ်လိုနည်းနဲ့ ရောက်လာမယ်၊ ဘယ်အချိန်ရောက်လာမယ်ဆိုတာကို တွေးစရာမလိုပါဘူး။ ရောက်လာမယ်ဆိုတာကိုပဲ စိတ်ထဲမှာ ခိုင်မာစွာ ယုံကြည်ထားရုံပါပဲ။
ဒီလို ယုံကြည်ခြင်းရှိမှသာ ကိုယ့်ဆန္ဒက စကြဝဠာထဲကို လွတ်လွတ်လပ်လပ် စီးဆင်းနိုင်ပြီး အကောင်အထည် ပေါ်လာနိုင်ပါတယ်။ သံသယတွေ၊ ကြောက်ရွံ့မှုတွေနဲ့ စိုးရိမ်ပူပန်မှုတွေက ဒီစီးဆင်းမှုကို ပိတ်ဆို့ထားပါတယ်။

၂။ "လွှတ်ချခြင်း" ဆိုတာကတော့ ရလဒ်ကို စွဲလမ်းနေတဲ့စိတ်ကို ဖယ်ရှားပစ်တာကို ဆိုလိုပါတယ်။ ကိုယ်လိုချင်တဲ့အရာကို စိတ်ကူးပုံဖော်ပြီး၊ ရပြီလို့ ယုံကြည်ခံစားပြီးတဲ့နောက်မှာ အဲဒီအရာကို စကြဝဠာလက်ထဲ လုံးဝပုံအပ်လိုက်ရပါမယ်။
ဘယ်လိုရလာမလဲဆိုတာကို ကိုယ်တိုင်စီစဉ်ဖို့ ကြိုးစားနေတာတွေ၊ အချိန်ကို စောင့်မျှော်နေတာတွေ၊ ဒါမှမဟုတ် မဖြစ်မနေ ရမှဖြစ်မယ်ဆိုတဲ့ စွဲလမ်းမှုတွေကို ဖယ်ရှားပစ်ရပါမယ်။
လွှတ်ချလိုက်တဲ့အခါ ကိုယ်က စိုးရိမ်ပူပန်မှုကနေ လွတ်မြောက်ပြီး ပေါ့ပါးလာပါလိမ့်မယ်။
ဒီပေါ့ပါးမှုကပဲ ကိုယ့်ဆန္ဒကို ပိုပြီးမြန်ဆန်စွာ
ဆွဲဆောင်နိုင်ဖို့ ကူညီပေးပါတယ်။
*လွှတ်ချခြင်းဆိုတာ လက်လျှော့လိုက်တာမျိုး မဟုတ်ပါဘူး။ ဒါဟာ စကြဝဠာရဲ့ ပြီးပြည့်စုံတဲ့ အချိန်အခါနဲ့ နည်းလမ်းကို ယုံကြည်လိုက်တာဖြစ်ပါတယ်။*

"ယုံကြည်ခြင်းနှင့် လွှတ်ချခြင်း" ကို
ဘယ်လို လက်တွေ့ကျင့်သုံးမလဲ။..✨️✨️
💓 ရှင်းလင်းပြတ်သားစွာ ဆန္ဒပြုပါ: သင်ဘာကို လိုချင်သလဲဆိုတာကို ရှင်းရှင်းလင်းလင်း သိအောင်လုပ်ပါ။
💓 ခံစားပြီး ယုံကြည်ပါ: အဲဒီအရာကို သင်ရရှိပြီးသားလို့ စိတ်ထဲမှာ မြင်ယောင်ပြီး ခံစားပါ။ ပျော်ရွှင်မှု၊ ကျေးဇူးတင်မှုတွေကို ခံစားပါ။
💓 စကြဝဠာကို လွှဲအပ်ပါ: "ဘယ်လို" ရလာမလဲဆိုတဲ့ အတွေးတွေကို လုံးဝ စွန့်လွှတ်လိုက်ပါ။ စကြဝဠာက သင့်အတွက် အကောင်းဆုံးနည်းလမ်းကို ရှာဖွေပေးလိမ့်မယ်လို့ ယုံကြည်ပါ။
💓 ပူပန်မှုတွေကို ဖယ်ရှားပါ: သံသယတွေ၊ စိုးရိမ်ပူပန်မှုတွေ ဝင်လာပြီဆိုတာနဲ့ သတိထားပြီး အဲဒီအတွေးတွေကို ဖယ်ရှားလိုက်ပါ။ အသက်ရှုလေ့ကျင့်ခန်းလုပ်တာ၊ တရားထိုင်တာ ဒါမှမဟုတ် သင့်ကို ပျော်ရွှင်စေတဲ့ တခြားအရာတွေ လုပ်ရင်း စိတ်ကို လွှဲပြောင်းပေးပါ။
💓 လုပ်သင့်တာကို လုပ်ပါ: "လွှတ်ချခြင်း" ဆိုတာ လက်ပိုက်ကြည့်နေတာမျိုး မဟုတ်ပါဘူး။ သင့်ဆန္ဒနဲ့ကိုက်ညီတဲ့ အခွင့်အလမ်းတွေ ပေါ်လာတဲ့အခါမှာ လုပ်သင့်တာကို လုပ်ဆောင်ရပါမယ်။ ဒါပေမယ့် ရလဒ်အပေါ် စွဲလမ်းမှု မရှိဘဲ လုပ်ဆောင်တာဖြစ်ပါတယ်။

"ယုံကြည်ခြင်းနှင့် လွှတ်ချခြင်း" ဟာ
Law of Attraction ရဲ့ အဓိကသော့ချက်တစ်ခု ဖြစ်ပါတယ်။ ဒီအချက်ကို နားလည်ပြီး လက်တွေ့ကျင့်သုံးနိုင်မယ်ဆိုရင် ကိုယ်လိုချင်တဲ့အရာတွေကို ပိုပြီး လွယ်ကူမြန်ဆန်စွာ ဆွဲဆောင်နိုင်ပါလိမ့်မယ်။

15/06/2025

နေရာယူတက်လွန်းပါတယ်ကွယ်။🫤🫤

13/06/2025

စိတ်ဓာတ်ကျနေတယ်လို့ ခံစားရရင် ဒီနည်းလမ်းလေးတွေလုပ်ကြည့်ပါ! 💪

🌞 မနက်ကို အပြုသဘောနဲ့စတင်ပါ: မနက်နိုးတာနဲ့ ကျေးဇူးတင်စရာတွေကို စဉ်းစားကြည့်ပါ၊ ပြီးရင် ..
Affirmations (ဥပမာ: “ဒီနေ့က အခွင့်အလမ်းသစ်တွေနဲ့ ပြည့်နှက်နေတယ်”) ပြောကြည့်ပါ။

🏃‍♂️ လှုပ်လှုပ်ရှားရှားနေပါ: လေ့ကျင့်ခန်းလုပ်တာ၊ လမ်းလျှောက်တာ၊ အကတစ်ခုခုကတာ ဖြစ်ဖြစ်...
၁၅-၂၀ မိနစ်လောက် လှုပ်ရှားရုံနဲ့ စိတ်ကို လန်းဆန်းစေတဲ့ Endorphins ထွက်လာပါလိမ့်မယ်။

🎶 သီချင်းနားထောင်ပါ: ကိုယ့်ကို စိတ်ချမ်းသာမှုပေးတဲ့ ဘယ် Music ကိုမဆို ဖွင့်ထားပြီး စီးမျောကြည့်ပါ။
ကျမကတော့ YouTube က Frequency music တွေကို
ဖွင့်ထားပြီး စိတ်ကိုတည်ငြိမ်အောင် အသက်ကို ပြင်းပြင်း
ရှူသွင်း၊ ရှူထုတ် လုပ်ပါတယ်။

📝 အောင်မြင်မှုလေးတွေကို မှတ်ပါ: သေးငယ်တဲ့ အောင်မြင်မှုတွေကိုတောင် ချရေးပြီး ဂုဏ်ယူပါ။
ဒါက ယုံကြည်မှုကို တိုးစေပါတယ်။

🌿 သဘာဝနဲ့ ထိတွေ့ပါ: ပန်းပင်တွေ၊ သစ်ပင်တွေကြားမှာ လမ်းလျှောက်တာ၊ လေကောင်းလေသန့်ရှုရှိုက်တာက စိတ်ကို တည်ငြိမ်စေတယ်။

😊 အပြုံးမျှဝေပါ: တစ်ယောက်ယောက်ကို ပြုံးပြတာ၊ စကားလေးဖလှယ်တာကလည်း စိတ်ဓာတ်ကို ပိုကောင်းလာစေမယ်။

💬 စိတ်ကျဉ်းကျပ်ရင် ဖွင့်ပြောပါ: ယုံကြည်ရတဲ့ သူငယ်ချင်း၊ မိသားစုနဲ့ စကားပြောတာ၊
ဒါမှမဟုတ် ကိုယ်မလိုချင်တာတွေ (ကြုံနေရတဲ့အခတ်အခဲတွေ၊စိတ်ရှုပ်စရာတွေ) ကို ချရေးပြီး မီးရှို့လိုက်တာ
ကလည်း စိတ်ကို ပေါ့ပါးစေပါတယ်။

💡အဓိကသော့ချက်: ကိုယ့်ကိုယ်ကို ချစ်ပြီး စိတ်ရှည်သည်းခံပါ။ ကိုယ့်ကိုယ်ကို ချီးကျူးပါ။ ကျေးဇူးတင်ပါ။

13/06/2025

ဘန်ကောက်ရောက်တုန်း Blue Flag Tourist boat ကိုအပြေးအလွှားစီး။🛳🛳

ပထမရက် က ICONSIAM ကနေ Asiatique ကိုသွားတယ်။
တစ်ခါစီး ဘတ်၄၀ (ဘယ်ထိစီးစီး) ဆိုတော့ နီးနီးနားနားပဲစီးရင် မတန်ဘူးလေ။

ဒါနဲ့ နောက်ရက်မှာ ICONSIAM ကနေ Phra Arthit အထိ ထပ်စီးလိုက်တယ်။ 😅😅

ဒို့သွားတဲ့အချိန်က မိုးတွင်းဆိုတော့ မိုးရွာတာရယ်၊
မြစ်ထဲရေတက်၊ ဒိုက်တွေမျောနေတာရယ် ကြောင့်
ဓါတ်ပုံသေချာရိုက်လို့မရလိုက်ဘူးကွယ်။ 😅😅
နွေနဲ့ဆောင်း ဆိုရင် လှေ ပေါ်မှာ
ညနေဆည်းဆာအချိန်ဆို ဓါတ်ဖမ်းလို့ သိပ်လှမှာ။

ဘန်ကောက်မှာ လျှောက်လည်ရတာ အတန်ဆုံးနဲ့
စိတ်အချမ်းသာဆုံးက ကျောက်ဖယားမြစ်ထဲ
လှေ ပတ်စီးနေရတာပဲ။ 😁😁

12/06/2025

You တို့..ဘဝထဲကို You တို့ ဆန္ဒပြင်းပြင်းပြပြ နဲ့
လိုချင်တာတွေ၊ ဖြစ်ချင်တာတွေ ရောက်လာဖို့
Manifest နည်းနဲ့ ဆွဲခေါ်ချင်ကြတယ်။ ဒါပေမယ့် Visualization (မြင်ယောင်ခြင်း)...စတဲ့အဆင့်တွေ
မလုပ်တတ်သေးဘူးဆိုရင် စိတ်မပူပါနဲ့။✨️✨️

ပထမဆုံးအခြေခံအဆင့်အနေနဲ့ ယူ့ရဲ့ Vibration Frequency ကို မြှင့်တင်ခြင်း (Rising your Vibration) ကနေ စလို့ရပါတယ်။ 📈

"Rising your Vibration" ဆိုတာက ကိုယ်၊ စိတ်၊ စွမ်းအင်ပိုင်းဆိုင်ရာ ကောင်းမွန်တဲ့ အခြေအနေတစ်ခုကို
ရောက်အောင် မြှင့်တင်တာကို ဆိုလိုပါတယ်။

ဒီသဘောတရားက "Everything is Energy"
(အရာအားလုံးဟာ စွမ်းအင်) ဆိုတဲ့
အယူအဆအပေါ်မှာ အခြေခံထားပါတယ်။

တုန်ခါမှု (Vibration) ဆိုတာ ဘာလဲ?

သိပ္ပံနည်းကျအားဖြင့် ကြည့်ရင် စကြဝဠာထဲက အရာအားလုံးဟာ အက်တမ် (atom) တွေနဲ့ ဖွဲ့စည်းထားပြီး အက်တမ်တွေဟာ အမြဲတမ်း ရွေ့လျားတုန်ခါနေပါတယ်။
ဒါကြောင့် အရာဝတ္ထုတိုင်း၊ သက်ရှိတိုင်းမှာ ကိုယ်ပိုင်တုန်ခါမှု (vibrational frequency) ရှိပါတယ်။

ကိုယ့်ရဲ့ Vibration ဆိုတာ ကိုယ့် အတွေးတွေ၊
ခံစားချက်တွေ၊ စိတ်နေသဘောထားတွေက
ထုတ်လွှင့်နေတဲ့ စွမ်းအင်ပဲဖြစ်တယ်။

ကိုယ် ပျော်ရွှင်လေ၊ ကျေးဇူးတင်လေ၊ ချစ်ခြင်းမေတ္တာတွေ ပြည့်ဝလေလေ၊ ကိုယ့်ရဲ့ Vibration က မြင့်မားလေပဲ
လို့ဆိုကြပါတယ်။

ဘာလို့ Vibration မြှင့်ဖို့လိုတာလဲ။ 🤔

ကိုယ့်ရဲ့ Vibration မြင့်မားလာတာနဲ့အမျှ၊ ကောင်းမွန်သော အရာတွေ (ငွေ၊ ပျော်ရွှင်မှု၊ အောင်မြင်မှု) ရဲ့ Vibration နဲ့ ကိုက်ညီလာပြီး၊ အဲဒီအရာတွေကို ကိုယ့်ဘဝထဲကို ပိုမြန်မြန်ဆန်ဆန် ဆွဲဆောင်နိုင်မှာပါ။ ဒါကြောင့် Vibration မြှင့်တင်ခြင်းဟာ Manifestation ရဲ့ အစအဆုံး သော့ချက်ပါပဲ။

ဘယ်လိုစတင်မလဲ။ ✨

* နေ့စဉ် ကျေးဇူးတင်စရာအနည်းဆုံး ၃ ခုကို စဉ်းစားပါ။

* စိတ်ကို ကြည်လင်၊ ပျော်ရွှင်၊ ချမ်းမြေ့စေမယ့်
တီလုံးသံတွေ နားထောင်ပေးပါ။

* သဘာဝတရားနဲ့ ထိတွေ့ပါ၊ ကိုယ်လက်လှုပ်ရှားမှု လုပ်ပါ။

* အပြုသဘောဆောင်တဲ့သူတွေနဲ့ ပေါင်းသင်းပါ။
အပြုသဘောဆောင်သော အတွေးများ၊ စကားလုံးများဖြင့် နေထိုင်ပါ။ အနှုတ်သဘောဆောင်တဲ့ အတွေးတွေကို သတိပြုမိအောင် အသိ၊ သတိ ကပ်ထားပြီး အပြုသဘောဆောင်တဲ့ အတွေးတွေနဲ့ အစားထိုးပါ။

* များများရယ်မောပေးပါ။ ဝမ်းသာစရာရှိရင် လက်ခုပ်တီးပေးပါ။

* ရေများများသောက်ပါ။ ခန္ဓာကိုယ်ရဲ့ ၈၀% ခန့်က ရေနဲ့ ဖွဲ့စည်းထားတာမို့ ရေဓာတ်ပြည့်ဝနေခြင်းက ကိုယ်ခန္ဓာစွမ်းအင်ကို ကောင်းမွန်စေပါတယ်။

ဒါတွေဟာ...👆👆
"Law of Attraction" (ဆွဲဆောင်မှု နိယာမ) ရဲ့
အခြေခံမူဖြစ်တဲ့ "Like attracts like"
(တူရာက တူရာကို ဆွဲဆောင်ခြင်း) ပါပဲ။

နောက်ပြီး...
နိမ့်ကျတဲ့ Vibration တွေ ဖြစ်တဲ့
(ဒေါသ၊ ကြောက်ရွံ့ခြင်း၊ သံသယ) က Manifestation လုပ်တဲ့အခါမှာ ခုခံအား (Resistance) တွေကို ဖန်တီးပါတယ်။ Vibration မြှင့်တင်ခြင်းက ဒီခုခံအားတွေကို လျှော့ချပေးပြီး ဆန္ဒတွေကို ပိုမိုလွယ်ကူစွာ စီးဆင်းဝင်ရောက်လာစေပါတယ်။

လိုအင်ဆန္ဒများအားလုံး ပြည့်ဝကြပါစေ။

❤️