09/06/2026
ကမ္ဘာပေါ်မှာ ဓာတ်ပုံဆုတွေ အများကြီးရှိတဲ့အနက် ကြွက်နှစ်ကောင် အစာတစ်လုပ်အတွက် ရန်ဖြစ်နေတဲ့ ပုံလေးတစ်ပုံက ကမ္ဘာတစ်ဝန်းလုံးက လူသန်းပေါင်းများစွာရဲ့ အာရုံစိုက်မှုကို ဖမ်းစားပြီး သမိုင်းဝင်သွားခဲ့ဖူးပါတယ်။
ဒီဓာတ်ပုံရဲ့ အမည်ကတော့ Station Squabble (ဘူတာရုံထဲက ရန်ပွဲ) လို့ ခေါ်ပြီး၊ ဗြိတိန်လူမျိုးဓာတ်ပုံဆရာ ဆမ်ရော်လေ (Sam Rowley) က လန်ဒန်မြို့ရဲ့ မြေအောက်ရထားဘူတာရုံတစ်ခုထဲမှာ ရိုက်ကူးခဲ့တာ ဖြစ်ပါတယ်။
၎င်းဓာတ်ပုံထဲမှာ ကြွက်လေးနှစ်ကောင်ဟာ မြေပြင်ပေါ်က အစားအစာ အပိုင်းအစလေးတစ်ခုကို လုယူဖို့အတွက် အချင်းချင်း ရင်ဆိုင်ပြီး ရန်ဖြစ်နေကြတာကို အချိန်အခါနဲ့ အကွက်အကွင်း ကွက်တိကျကျ၊ အသက်ဝင်လှုပ်ရှားစွာ ဖမ်းယူရိုက်ကူးထားနိုင်ခဲ့တာ ဖြစ်ပါတယ်။
ဒီဓာတ်ပုံလေးဟာ လန်ဒန်သဘာဝသမိုင်းပြတိုက် (Natural History Museum) ကနေ ကြီးမှူးကျင်းပတဲ့ ၂၀၂၀ ပြည့်နှစ် တောရိုင်းတိရစ္ဆာန်ဓာတ်ပုံဆရာပြိုင်ပွဲ (Wildlife Photographer of the Year) မှာ ကမ္ဘာတစ်ဝန်းက ပေးပို့လာတဲ့ ထောင်ပေါင်းများစွာသော ပြိုင်ပွဲဝင်ဓာတ်ပုံတွေထဲကမှ ပြည်သူလူထုအကြိုက်ဆုံးဆု ဖြစ်တဲ့ "LUMIX People's Choice Award" ကို ထိုက်ထိုက်တန်တန် ဆွတ်ခူးရရှိခဲ့ပါတယ်။
အဲ့ဒီနောက်မှာတော့ ဒီဓာတ်ပုံဟာ နိုင်ငံတကာသတင်းတွေအထိ ကမ္ဘာကျော် လူသိများသွားခဲ့တာ ဖြစ်ပါတယ်။
ကျွန်တော်တို့ နေ့စဉ်ဖြတ်သန်းနေပြီး သတိမထားမိတဲ့ မြေအောက်ရထားဘူတာရုံရဲ့ မှောင်မိုက်တဲ့ ထောင့်လေးတစ်ခုမှာတောင် သတ္တဝါလေးတွေရဲ့ ရှင်သန်မှုတိုက်ပွဲဟာ ဘယ်လောက်အထိ ပြင်းထန်ပြီး အသက်ဝင်နေလဲဆိုတာကို ဒီဓာတ်ပုံလေးက ပြသနေပါတယ်။
ခင်ဗျားတို့ေကာ နေ့စဉ်ဘဝရဲ့ ပတ်ဝန်းကျင်မှာ အခုလိုမျိုး မထင်မှတ်ထားတဲ့ အချိန်အခါ နဲ့ ကွက်တိ အသက်ဝင်နေတဲ့ အခိုက်အတန့်လေးတွေကို ကင်မရာနဲ့ အမိအရ ရိုက်ကူးမိဖူးတဲ့ အတွေ့အကြုံမျိုး ရှိလား။
