08/08/2025
အလုပ်ရှင်က ရတယ် ဆိုတိုင်း ပေါ့ဆပြီး မနေ
ကြပါနဲ့ ခုလိုဖမ်းခံရတော့ အလုပ်ရှင်လည်း
မကယ်နိုင်ပါ သတိထားကြပါတော့ ….
••••••••••••••••••••••••••••••••
ထိုင်းနိုင်ငံ ချွန်ဘူရီခရိုင်တွင် မြန်မာအလုပ်သမားများအပါအဝင် တရားမဝင်အလုပ်လုပ်ကိုင်သူ ၃၂ ဦး ဖမ်းဆီးခံရ …
ချွန်ဘူရီခရိုင်၊ ဘန်ဘွန်းမြို့ရှိ ပလတ်စတစ် စက်ရုံတစ်ခုကို ထိုင်းအာဏာပိုင်များက ဝင်ရောက်စစ်ဆေးခဲ့ရာ နိုင်ငံခြားသား အလုပ်သမား ၄၃ ဦးအား တွေ့ရှိခဲ့ပြီး ယင်းတို့အနက် ၁၁ ဦးသာ တရားဝင် အလုပ်လုပ်ကိုင်ခွင့် လက်မှတ် (Work Permit) ရှိကာ ၃၂ ဦးမှာ ဥပဒေနှင့်မညီညွတ်ဘဲ အလုပ်လုပ်နေ ကြောင်း စစ်ဆေး တွေ့ရှိခဲ့တာကြောင့် ဖမ်းဆီးခဲ့ကြောင်း သိရပါတယ်။
ဖမ်းဆီးခံရသူများမှာ တရုတ်နိုင်ငံသား ၄ ဦး (လုပ်ကိုင်ခွင့်လက်မှတ် လုံးဝမရှိ)
- လုပ်ငန်းပိုင်ရှင်က ဥပဒေအရ မှတ်ပုံတင်ခြင်းမရှိသည့် မြန်မာအပါအဝင် နိုင်ငံခြား အလုပ်သမား ၂၈ ဦး စုစုပေါင်း ၃၂ ဦးအား ဖမ်းဆီး၍ ဘန်ဘွန်းရဲစခန်းသို့ ပို့ဆောင်ကာ ဥပဒေအရ ဆောင်ရွက်နေပြီး စက်ရုံပိုင်ရှင်အား ဥပဒေချိုးဖောက်မှုဖြင့် တရားစွဲဆိုရန် စုံစမ်းလုပ်ဆောင်နေကြောင်း သိရပါတယ်။
မြန်မာလုပ်သားများအတွက် အရေးကြီးသတိပြုရန်မှာ အလုပ်လုပ်ကိုင်လျှင် တရားဝင် လုပ်ကိုင်ခွင့်လက်မှတ် (Work Permit) ရယူပါ အလုပ်ရှင်၏ ဥပဒေမဲ့ ညွှန်ကြားမှုများကို လိုက်နာခြင်းဖြင့် မိမိကိုယ်မိမိ အန္တရာယ်မဖြစ်စေရန် သတိပြုပါ လုပ်ငန်းရှင်မှ မှတ်ပုံတင်ခြင်း/အစီရင်ခံခြင်းမရှိပါက တရားမဝင်အလုပ်သမားအဖြစ် သတ်မှတ်ခံရနိုင်ပါတယ်။
⚠️ ဥပဒေမဲ့အလုပ်လုပ်ခြင်းသည် ဖမ်းဆီးခံရခြင်း၊ နိုင်ငံမှ နှင်ထုတ်ခံရခြင်းနှင့် အနာဂတ် အလုပ်အကိုင်အခွင့်အလမ်း ဆုံးရှုံးနိုင်ကြောင်း အထူးသတိပြုပါ။
ဤဖြစ်စဉ်သည် ထိုင်းနိုင်ငံ၏ တင်းကျပ်သော အလုပ်သမားဥပဒေများကို မီးမောင်းထိုးပြနေပြီး မြန်မာလုပ်သားများ ထိုင်းနိုင်ငံအတွင်း လုံခြုံစိတ်ချစွာ အလုပ်လုပ်ကိုင်နိုင်ရန် တရားဝင်စာရွက်စာတမ်း ပြည့်စုံမှု အရေးပါပုံကို သတိပေးနေပါတယ်။
#ပြည်ပရောက်ရွှေမြန်မာ
#ထိုင်းရောက်အလုပ်သမားသတင်း
