Southern yoeyar tiger

Myanmar lethwei fighters supporter 👊

09/05/2025

ကဲ ဒီညမှာ ဘယ်ရော် အကောင်းဆုံး လုပ်ပြနိုင်မယ်လို့ ယုံကြည်ပါတယ်။

အားပေးဖို့ အဆင်သင့်ပဲလား ညီအကိုတို့

ဒီည ဘရော်နီကာကို အတူတူ အားပေးဝန်းရံလိုက်ကြရအောင် ........

03/05/2025

ဘရော်နီကာ ပါဝင်တဲ့ ONE Lumpinee 107 ပွဲစဉ်ဇယား အပြည့်အစုံကို ONE က ချပြလိုက်ပါပြီး ။

ဘရော်နီကာ နဲ့ ဂျုနီယာ Fairtex တို့ရဲ့ ပွဲက ဒုတိယခေါင်ပွဲ ထိုးရမှာပါ။

ဒီ ONE Lumpinee 107 ပွဲက မေလ ၉ ရက်နေ့၊ နောက်တစ်ပတ်သောကြာနေ့ညမှာ ကျင်းပမှာဖြစ်လို့ အားပေးကြဖို့အဆင်သင့်ပဲလားညီအကိုတို့ ....

26/04/2025

မြန်မာမျက်နှာသစ် ဖိုက်တာ မန္တလေးသား စိန်လုံးချော ပါဝင်တဲ့ ONE Friday Fights 106 ပြိုင်ပွဲ

လာမယ့် မေလ (၂) ရက်နေ့ သောကြာညမှာ ကျင်းပမယ့် ONE Friday Fights 106 ပြိုင်ပွဲမှာ မြန်မာ မျက်နှာသစ်ဖိုက်တာ မန္တလေးသား စိန်လုံးချောရဲ့ပွဲ ပါဝင်လာပြီ ဖြစ်ပါတယ်။

စိန်လုံးချောက အခုမှ ONE Friday Fights ပွဲ စတင်ကစားမှာပါ။ ONE အဖွင့်ပွဲမှာ ရင်ဆိုင်ရမယ့် ပြိုင်ဖက်က ထိုင်းဖိုက်တာ ယွတ်ဆက်စန် ပဲ ဖြစ်ပါတယ်။

ယွတ်ဆက်စန်ဟာ အခုမှ အသက် (၁၉) နှစ်သာ ရှိပါသေးတယ်။

အရပ်အမြင့်ကတော့ ၅ ပေ ၁၀ လက်မအထိကို ရှိပါတယ်။ စိန်လုံးချောထက် ၃ လက်မလောက် ပိုမြင့်ပါတယ်။

ယွတ်ဆက်စန်ဟာ ONE Friday Fights ပြိုင်ပွဲမှာ (၁) ပွဲပဲသာ ထိုးရသေးပြီး ထို (၁) ပွဲကို (Split decision ) အမှတ်ဖြင့် အနိုင်ရထားတာ ဖြစ်ပါတယ်။

ဒီပွဲကို လာမယ့် မေလ (၂) ရက်နေ့ သောကြာည မှာ ထိုးသတ်သွားမှာ ဖြစ်ပါတယ်။

23/04/2025

နောက်ထပ် စောင့်ကြည့်ရမယ့် မွန်ဖိုက်တာ တစ်ယောက်

အမည် - Ongjaneh Rott ( အောင်ဂျနရတ်)
အသက် - ၁၈ နှစ်
အရပ်အမြင့် - ၅ ပေ ၉ လက်မ
မွေထိုင်းပွဲ - (၁၁) ပွဲထိုး (၈) ပွဲနိုင် (၃) ပွဲရှုံး ( ၇ ပွဲ Koဖြင့်နိုင် )

အသက် (၁၈) နှစ်သာ ရှိသေးတဲ့ မွန်လူငယ်ဖိုက်တာ Ongjaneh Rott ကို နယူးဇီလန်မှာ မွေးဖွားခဲ့ပါတယ်။

နယူးဇီလန်မှာ ကြီးပြင်းခဲ့ပေမဲ့ မိခင်ဘာသာစကားဖြစ်တဲ့ မွန်ဘာသာစကားကိုတော့ ကောင်းကောင်း ပြောတတ်ပါတယ်။

Ongjaneh Rott ရဲ့ မိဘတွေကတော့ မုဒုံမြို့နယ် မော်လမြိုင် ဇာတိလို့ သိရပါတယ်။

အသက်(၁၆) နှစ်အရွယ်မှာပဲ နယူးဇီလန်မှာ အထက်တန်းအောင်ပြီးနောက် ထိုင်းနိုင်ငံမှာ မွေထိုင်းပညာကို သင်ယူခဲ့ပါတယ်။

သူဟာ အသက်(၁၆) အရွယ်ကနေ မွေထိုင်း စတင်ထိုးသတ်ခဲ့တာ ဖြစ်ပြီး ပရော်ဖက်ရှင်နယ် မွေထိုင်းပွဲ (၁၁) ပွဲ ထိုးသတ်ထားကာ (၈) ပွဲနိုင် (၃) ပွဲရှုံးရလဒ် ပိုင်ဆိုင်ထားပါတယ်။

နိုင်ပွဲ (၈) ပွဲထဲက (၇) ပွဲအထိ အလဲထိုးဖြင့် အနိုင်ရခဲ့ပြီး (၁) ပွဲကို အမှတ်ဖြင့် အနိုင်ရထားပါတယ်။

ရှုံးနိမ့်ထားတဲ့ (၃) ပွဲကိုတော့ အမှတ်ဖြင့် ရှုံးနိမ့်ထားတာ ဖြစ်ပါတယ်။

သူဟာ မွေထိုင်း ဂန္တဝင် ဘူခေါင်ရဲ့ ပရိုမိုးရှင်းဖြစ်တဲ့ All Star Fights၊ Max Muay Thai နှင့် ခွန်ခမာ ပွဲတွေ မှာ ထိုးသတ်ဖူးပါတယ်။

မွန်လူငယ်ဖိုက်တာ Ongjaneh Rott က တစ်နေ့ကျရင် ONE ကြီးမှာ ထိုးသတ်ခွင့်ရဖို့ ကြိုးစားသွားမယ်လို့ ပြောကြားထားပါတယ်။

Ongjaneh Rottကို အတူတူ ဝန်းရံအားပေးကြရအောင်

22/04/2025

ပုညစိုင်းကတော့ လာမယ့်ပွဲအတွက် လေ့ကျင့်ခန်းတွေ စတင်လုပ်ဆောင်နေပါပြီး။

မကြာခင်မှာ ဘယ်သူနဲ့လဲ ဘယ်ပရိုမိုရှင်းမှာ ထိုးသတ်မလဲဆိုတာ သိရတော့မှာပါ။

အတူတူ စောင့်မျှော်အားပေးကြတာပေါ့ ။

22/04/2025

မကြာခင်မှာ ထိုင်းကရင် ဖိုက်တာ စူအာဘလက်( ကျားသစ်နက်) ရဲ့ ပွဲ ရှိပါတယ် ။

ONE ဘက်ကတော့ အခုထိ မချပြရသေးပါဘူး။ လာမယ့် မေလ မှာ ကျင်းပမယ့် ပြိုင်ပွဲမှာ ပါဝင်လာမယ်လို့ သိရပါတယ်။

စူအာဘလက်ဟာ ONE မှာ (၉) ပွဲ ထိုးသတ်ထားပြီး (၆) ပွဲဆက်အနိုင်ရကာ နောက်ဆုံး (၃) ပွဲဆက် ရှုံးနိမ့်ထားတာ ဖြစ်ပါတယ်။

(၃) ပွဲဆက် ရှုံးနိမ့်ထားတဲ့ စူအာဘလက်က ကိုယ့်ကိုယ်ကို ယုံကြည်မှု ပျောက်ဆုံးလျှက်ရှိနေပြီး ဒီပွဲမတိုင်ခင် ကြားမှာ အပျော်တမ်း (၅) ချီပွဲ ထိုးသတ်ရာမှ အနိုင်ရခဲ့ပြီး ကိုယ့်ကိုကို ယုံကြည်မှု ပြန်ရှာခဲ့ရပါသေးတယ်။

စူအာဘလက်ဟာ မြန်မာ ငလျင်ဘေးခံစားခဲ့ရတဲ့ ပြည်သူများကိုလည်း လှူဒါန်းမှုပြုခဲ့ပါသေးတယ်။

လာမယ့်ပွဲမှာ နိုင်ပွဲပြန်ရမယ်လို့ ယုံကြည်ပါတယ်။

ဖိုက်တင်း - စူအာဘလက်

19/04/2025

ဒီတစ်ပတ် (၂၅) ရက်နေ့ သောကြာည ONE Friday Fight ပွဲစဉ်တွေ တစ်ပတ် ရပ်နားမယ်လို့ ONE က ပရိတ်သတ်တွေကို အသိပေးလိုက်ပါပြီ ။

ဒါကြောင့် လာမယ့်အပတ် သောကြာညပွဲတွေ မကြည့်ရတော့ပါဘူး။

ONE Friday Fights 106 ပြိုင်ပွဲကိုတော့ လာမယ့် မေလ (၂) ရက်နေ့ သောကြာညမှာ ကျင်းပသွားမှာ ဖြစ်ပါတယ်။

19/04/2025

မကြာခင်မှာ ပွဲထိုးမယ်လို့ ပရိတ်သတ်တွေကို အသိပေးလာတဲ့ မွန်ဖိုက်တာ ပုညစိုင်း

မွန်ဖိုက်တာ ပုညစိုင်းကတော့ မကြာခင်မှာ ပွဲထိုးမယ်လို့ မနေ့ကပဲ သူ့ရဲ့ Instagram အကောင့်ကနေ တစ်ဆင့် ပရိတ်သတ်တွေကို အသိပေးခဲ့တာ ဖြစ်ပါတယ်။

ဒါပေမဲ့ ဘယ်နေ့လဲ ? ဘယ်သူနဲ့လဲ ? ဘယ်ပရိုမိုးရှင်းမှာ ထိုးသတ်မလဲဆိုတာ မသိရှိရသေးပါဘူး။

ပုညစိုင်းဟာ Soma fight series 13 မှာ နောက်ဆုံး ထိုးသတ်ထားတာပြီး ဖီလစ်ပိုင်ဖိုက်တာ မက်ဂျိုးဇက်ကို ပွဲစပြီး ၁၀ စက္ကန့်လောက်အကြာမှာပဲ အလဲထိုးနဲ့ အနိုင်ရထားတာ ဖြစ်ပါတယ်။

အသက် (၂၆) နှစ် အရွယ်ရှိ ပုညစိုင်းဟာ ပရော်ဖက်ရှင်နယ် MMA ပွဲ (၇) ပွဲထိုးထားပြီး (၇) ပွဲလုံး အနိုင်ရထားတဲ့ ရှုံးပွဲမရှိ ဖိုက်တာတစ်ယောက်ပဲ
ဖြစ်ပါတယ်။

18/04/2025

ဒီညမှာ ကစားသွားတော့မယ့် ONE Friday Fights 105 ပြိုင်ပွဲ ( English Version )

သန့်ဇင်တို့ရဲ့ တွဲဆိုင်းပျက်သွားတဲ့အတွက် တခြားတွဲဆိုင်းအသစ် အစားထိုးခြင်း မရှိပဲ ပွဲစဉ် (၁၁) ပွဲသာ ကျင်းပတော့မှာ ဖြစ်ပါတယ်။