T Ly ITC

16/03/2026

13/03/2026

នឹកអូនណាស់នួនល្អង ចិត្តប៉ងប្រាថ្នាចង់នៅក្បែរមួយជីវិត💘.
Reak Sa Beauty Shop

10/03/2026

⏳ ជឿខ្ញុំទៅ បើអ្នកពិតជាស្រឡាញ់នរណាម្នាក់ពិតមែន ចូរស្រឡាញ់គេឱ្យអស់ពីបេះដូង ធ្វើល្អនឹងគេឱ្យអស់ពីចិត្ត កុំគិតផលតបស្នង កុំខ្វល់ថា គេស្រឡាញ់អ្នកវិញឬក៏អត់? ❤️ សំខាន់ យើងស្រឡាញ់គេ លះបង់ដើម្បីមនុស្សដែលខ្លួនស្រឡាញ់ ទោះថ្ងៃនេះគេមិនស្រឡាញ់យើង តែថ្ងៃក្រោយទៅ យើងនឹងក្លាយជាមនុស្សដែលគេមិនអាចបំភ្លេចបាន ក្ដីស្រឡាញ់ និងទង្វើល្អៗដ៏ស្មោះត្រង់របស់យើង នឹងធ្វើឱ្យគេចងចាំយើងពេញមួយជីវិតរបស់គេ ... 💚 នេះក៏ព្រោះតែសេចក្ដីស្រឡាញ់ដែលយើងមានចំពោះគេ ព្រោះតែទង្វើល្អៗ ដែលយើងបានធ្វើឡើងដើម្បីគេ ...!!! 💚🌳Reak Sa Beauty Shop

08/03/2026

រីករាយទិវាសិទ្ធនារីអន្តរជាតិ ០៨ មីនា🌹
Happy International Women’s Day!

15/02/2026

គ្រូ...អ្នកលះបង់ខ្ពស់ដែលគេងាយបំភ្លេចចោល
(កែសម្រួលពីប្រភពជូនភ្ជាប់)

នៅពេលដែលគ្រូបង្រៀនម្នាក់សុំដោយសារយន្តជំនិះគេគេ... ជួនកាលពិភពលោកភ្លេចថា អ្នកដែលកសាងបញ្ញាស្មារតីឱ្យមនុស្ស ជារឿយៗត្រូវដើរលើផ្លូវដែលវែងឆ្ងាយបំផុត។

គេតែងសរសើរគ្រូពេទ្យដែលអាចសង្គ្រោះជីវិតមនុស្ស បាន... ប៉ុន្តែភ្លេចអ្នកដែលបានបង្រៀនពួកគេឱ្យចេះអានជាលើកដំបូង។

គេតែងទះដៃអបអរសាទរថ្នាក់ដឹកនាំល្អៗ... ប៉ុន្តែបែរជាមើលរំលងគ្រូបង្រៀនដែលធ្លាប់បង្រៀនពួកគេឱ្យចេះនិយាយដោយភាពក្លាហាន និងគិតគូរដោយមានសុភវិនិច្ឆ័យ។

រាល់ព្រឹក នៅកន្លែងណាមួយក្នុងពិភពលោកនេះ គ្រូបង្រៀនម្នាក់តែងតែឈរនៅចិញ្ចើមផ្លូវ ដៃកាន់កាបូប ចិត្តអត់ធ្មត់ និងភ្នែកដែលពោរពេញដោយសង្ឃឹម ដើម្បីរង់ចាំសុំដោយសារយានជំនិះគេ។ មិនមែនដោយសារពួកគេខ្ជិលនោះទេ មិនមែនដោយសារពួកគេគ្មានលុយទិញឡាននោះទេ ប៉ុន្តែដោយសារតែអ្វីដែលពួកគេរកបាន គឺសឹងតែមិនអាចចិញ្ចឹមគ្រួសារបានផង កុំថាឡើយដល់ការបំពេញក្តីស្រមៃផ្ទាល់ខ្លួន។

មិនថាកំដៅថ្ងៃដុតរោលស្បែក ទឹកភ្លៀងជោកសម្លៀកបំពាក់គ្រូបង្រៀនយ៉ាងណា ប៉ុន្តែនៅថ្ងៃស្អែក ពួកគេនៅតែមកឈរនៅទីតាំងឈរជើងនោះដដែលរាប់សិបឆ្នាំ ព្រោះថ្នាក់រៀនកំពុងរង់ចាំពួកគេ។

ពួកគេខ្លះដើររាប់គីឡូដី ដើម្បីបង្រៀនក្មេងៗដែលប្រហែលជាមិនដែលដឹងពីការឈឺចាប់ ឬទុរគតភាពរបស់ពួកគេឡើយ។

ពួកគេញញឹមទាំងការនឿយហត់។ ពួកគេកែតម្រូវកំហុសរបស់អ្នកដទៃ ខណៈពេលដែលកំពុងតស៊ូជាមួយក្តីកង្វល់របស់ខ្លួនឯង ការចង់មានបានរបស់ភរិយាខ្លួន និងចង់ឲ្យកូនខ្លួនបានខ្ពសើមុខដូចកូនគេដែរ។

ពួកគេលើកស្ទួយអនាគតរបស់កូនអ្នកដទៃសុទ្ធសាធ និងសង្គមជាតិទាំងមូលដោយស្មាដែលនឿយហត់ (និងទើបមានសក្តិពាក់ថ្មីៗនេះទេ ហើយនៅតែពេញដោយកម្លាំងចិត្តលួងលោមខ្លួនឯងនិយាយថា "មិនអីទេ អ្នកអាចធ្វើវាបាន!"។

នៅពីក្រោយរាល់មេរៀនដែលបានបង្រៀន គឺជាការតស៊ូដ៏ស្ងប់ស្ងាត់ដែលមិនត្រូវបានគេនិយាយដឹងដល់ ឬដំណាល។

គ្រូបង្រៀនខ្លះ ច្រើនឆ្នាំហើយមិនដែលបានដូរអាវថ្មីមកសោះទេ។

គ្រូបង្រៀនយើងខ្លះសុខចិត្តអត់បាយ ដើម្បីឱ្យកូនសិស្សរបស់គាត់បានញ៉ាំ។

គ្រូបង្រៀនយើងខ្លះនៅតស៊ូបន្តបង្រៀនក្រោយម៉ោងសិក្សា សម្រាប់សិស្សដែលត្រូវការជំនួយបន្ថែម ទោះបីជាខ្លួនឯងលែងសល់អ្វីត្រូវផ្តល់ឱ្យក៏ដោយ។

-- ជាមនុស្សដែរសោះហ្នឹង ម៉េចបានគ្រូៗយើង ធ្វើអិញ្ចឹងបាន?

-- តើនរណាហ្ន៎ដែលមិនសូវទទួលបានការឱ្យតម្លៃប៉ុន្មានទេជារួម និងជាការអនុវត្តជាក់ស្តែង តែបែរជាអាចរកឃើញភាពក្លាហានក្នុងការជម្រុញទឹកចិត្តអ្នកដទៃបានមួយថ្ងៃហើយ មួយថ្ងៃទៀត មួយឆ្នាំហើយ មួយឆ្នាំទៀត?

ព្រោះគ្រូបង្រៀនណា មិនត្រឹមតែបង្រៀននោះទេ ពួកគេថែមទាំងមានជំនឿចិត្តទៀតផង។

-- គ្រូៗយើងជឿជាក់ នៅពេលដែលកូនសិស្សខ្លួនឯង ជួនមទាបិតាគេផ្ទាល់ទៀតផងមិនជឿជាក់។

-- គ្រូៗយើងកសាង នៅពេលដែលពិភពលោកបានបញ្ឈប់ការវិនិយោគលើសេចក្តីសង្ឃឹម។

នោះហើយជាមូលហេតុដែលសង្គមជំពាក់ពួកគេលើសពីការទះដៃអបអរសាទរ។

ពួកគេសមនឹងទទួលបានការគោរព ពួកគេសមនឹងទទួលបានការសម្រាក ពួកគេសមនឹងទទួលបានការរស់នៅដោយសេចក្តីថ្លៃថ្នូរ។

នៅពេលដែលគ្រូបង្រៀនម្នាក់រុងរឿង មនុស្ស និងសង្គមជំនាន់ក្រោយនឹងងើបឡើង។

នៅពេលដែលគ្រូបង្រៀនម្នាក់ញញឹម អនាគតកុមារច្រើនណាស់នឹងភ្លឺស្វាង។

ប៉ុន្តែនៅពេលដែលគ្រូបង្រៀនម្នាក់កំពុងតស៊ូយ៉ាងលំបាក ពិភពលោកក៏បាត់បង់ពន្លឺរបស់វាបន្តិចម្តងៗ។

ដូច្នេះ លើកក្រោយដែលលោកគ្រូ ឬអ្នកទាំងអស់គ្នាឃើញគ្រូបង្រៀនម្នាក់កំពុងរង់ចាំនៅចិញ្ចើមផ្លូវ ឬកំពុងដើរ ឬបណ្តើរកង់ ឬម៉ូតូ សូមមេត្តាកុំមើលរំលងអី។

លោកអ្នកមិនមែនកំពុងប្រទះមនុស្សចម្លែកនោះទេ ប៉ុន្តែអ្នកកំពុងជិះកាត់វីរបុរសម្នាក់ ជាអ្នកកសាងជាតិដែលនៅតែជ្រើសរើសដើរលើផ្លូវនៃសេចក្តីសង្ឃឹម ទោះបីជាគ្មាននរណាម្នាក់ផ្តល់ការធ្វើដំណើរក៏ដោយ។

ខ្ញុំផ្ទាល់ (សុខ សូត្រ) ឈឺឆួលក្នុងចិត្តដែរ នៅពេលដែលអតីតសិស្សម្នាក់ដែលបានក្លាយខ្លួនជាឧកញ្ញា សួរខ្ញុំពេលគាត់ដើរហាត់ប្រាណ និងចំពេលខ្ញុំដើរទៅបង្រៀននៅសាកល នៅឆ្នាំ២០១៤ ពេលខ្ញុំទើបចប់ PhD ថ្មីៗហើយវិលមកបង្រៀនវិញ ថា "ប៉ុន្មានឆ្នាំមកនេះ ទោះបីមានបណ្ឌិតហើយ លោកគ្រូនៅតែបង្រៀនដដែលហ្នឹង?"

ខ្ញុំបានតែញញឹមស្ងួតដាក់គាត់ ហើយនឹកតបវិញក្នុងចិត្តថា ខ្ញុំត្រូវជួយសិស្សឲ្យជោគជ័យដូចលោកឧកញ្ញាច្រើនទៀត។

ប្រភព: https://www.facebook.com/share/v/1GKmbjGWXm/?mibextid=wwXIfr

03/02/2026

តាំងពីស្រលាញ់គ្នាមក ខ្ញុំមិនដែលសុំអ្វីពីអ្នកទេ ក៏មិនដែលអោយអ្នកកែប្រែអ្វីដើម្បីខ្ញុំដែរ?តែខ្ញុំអាចសុំរឿងខ្លះបានទេ?សុំអោយអ្នកយល់ពីអារម្មណ៌ខ្ញុំផង រៀនស្តាប់ហេតុផល រៀនយកចិត្តទុកដាក់ពីខ្ញុំ និង កុំអត្មានិយមគិតតែពីអារម្មណ៌ខ្លួនឯងបានទេ? ព្រោះតាំងពីដើមមកដល់ពេលនេះ ស្នេហាមួយនេះខ្ញុំហាក់ដូចខំប្រឹងតែម្ខាងចឹង ខ្ញុំក៏ចេះហត់ដែរ ។
Reak Sa Beauty Shop