01/06/2024
ទស្សនៈសង្គម ÷
១.ចង់អោយប្រទេសមានសុខសន្តិភាព គ្មានគ្រឿងញៀន ប៉ុន្តែមិនចាប់មេខ្លោង បែរជាមកចាប់តែអ្នកប្រើប្រាស់( អ្នករងគ្រោះ) ដើម្បីអោយម៉ែឪ យកលុយមកដោះរាប់ពាន់ ដុល្លារ។ គ្រួសារខ្លះ ត្រូវយកប្លង់ដី ប្លង់ផ្ទះទៅបញ្ចាំង ដើម្បីយកលុយទៅលោះកូន។ល។
២. ចង់អោយកសិករមានចំណូលខ្ពស់ ប៉ុន្តែនៅតែនាំចូល បន្លែផ្លែឈើពីប្រទេសជិតខាង។ កសិករលក់ផលិតផលមិនសូវដាច់ សល់ចោល ហើយបាក់ទឹកចិត្តលែងដាំដុះបន្ត។ ប្រជាជនកាន់តែរងគ្រោះ ដល់សុខភាពព្រោះបរិភោគបន្លែបង្ការ គីមី។
៣. ចង់អោយ ការអប់រំមាន គុណភាពល្អ បែរមកបន្ទោសគ្រូបង្រៀនគួរ។ ភ្លេចមើលលើប្រព័ន្ធកម្មវិធីសិក្សា សំភារឧបទេស ថ្នាក់រៀន ចំនួនសិស្ស។ល។ ជាពិសេសជីវភាពគ្រូ បានតែមួយរស់ ទោះរៀនដល់បណ្ឌិតទៀតក៏នៅតែមិនអោយតម្លៃ។
៤. ចង់អភិវឌ្ឍ ប្រទេសតាមរយ:ការប្រមូលពន្ធ ប៉ុន្តែភ្លេចគិតអំពីការបោសសំអាត មន្រ្តីពុករលួយសិនទេ។ ជាពិសេសអ្នកគ្មានសមត្ថភាព ប៉ុន្តែយកលុយទិញតំណែង។
៥. ចង់កាត់បន្ថយគ្រោះថ្នាក់ចរាចរណ៍ ប៉ុន្តែប៉ូលីស គិតតែចាប់តាមស្តុប មិនគិតដើរបង្រៀនក្មេងៗ តាមសាលារៀនអោយយល់ដឹងពី ស្លាកសញ្ញា និងច្បាប់ចរាចរណ៍ទេ។
៦. ខ្លាចបាត់បង់វប្បធម៌ទៅអោយប្រទេសជិតខាង ប៉ុន្តែមិនដែលសូវឃើញសិស្ស និស្សិតណាម្នាក់អាន សៀវភៅប្រវត្តិសាស្ត្រ រឺចូលរួមទិវាវប្បធម៌អោយច្រើនជាងការប្រគំតន្រ្តីស្រាបៀរនោះទេ។
៧. ចង់អោយមានភ្ញៀវទេសចរណ៍បរទេស មកច្រើន ប៉ុន្តែមិនខ្វល់ពីបរិស្ថាន អនាម័យនៅជុំវិញខ្លួនទេ។ តួយ៉ាងទូកទេសចរណ៍ចោល សំរាមចូលទឹកទន្លេ ។ ចុះក្រែងអ្នកទេសចរ ជិះទូកដើម្បីមើលទឹកទន្លេស្អាតនោះអី?
៨. ចង់ទប់ស្កាត់ការឡើងកម្តៅផែនដី ប៉ុន្តែកាប់បំផ្លិចបំផ្លាញព្រៃឈើ ហើយមិនគិតខិតខំទប់ស្កាត់ និងដាំសារឡើងវិញ?
៩. ប្រទេសកាន់ព្រះពុទ្ធសាសនា ប៉ុន្តែ សុរា ផឹកពេញប្រទេស បង្កគ្រោះចរាចរណ៍ ស្លាប់និងរបួសរាប់ពាន់មុឺននាក់ក្នុងឆ្នាំៗ។
១០. ក្មេងៗជួយការងារសង្គម ដូចជា ដាក់សៀវភៅអានតាមទីសាធារណៈត្រូវបានគេហាមឃាត់ ប៉ុន្តែពូៗ មីងៗ យុវជន និង យុវតីក្រាលកន្ទេល អង្គុយផឹកតាមទីសាធារណៈ បែរជាមិនអីទៅវិញ។
១១. ចង់អោយប្រទេសរីកចម្រើនដូចប្រទេសអភិវឌ្ឍន៍ធំៗលើលោក ប៉ុន្តែប្រជាជនមួយចំនួនធំគ្មាន មនសិការ ស្នេហាជាតិអីផង។ ចាញ់គេមុនឡើងប្រកួតបាត់ទៅហើយ។ល។
ចំណុចទាំងអស់នេះគឺជាចំណុចដែលយើងគួររៀនសូត្រទាំងអស់គ្នា ដើម្បីកែប្រែសង្គមជាតិ យើងអោយកាន់តែប្រសើរ និងខ្ពង់ខ្ពស់ដូចសម័យអាណាចក្រអង្គរ។
Credit : Phan Padeth
