เว็บไซต์คืออะไร?

https://www.facebook.com/122121940898001396/

Thandar Lwin, Phra Nakhon (2025)

24/06/2025

🫧Skincare Routine (4)Step🤍

အရမ်းလှပချင်တဲ့သူတွေ
မိမိရဲ့မျက်နှာကိုသန့်စင်ဖြူစင်
လှပချင်သူအတွက်

ဒီ SkinCareသုံးစွဲလိုက်ပါနော်🤍

1. မိတ်ကပ်နှင့် မျက်နှာသန့်စင်ခြင်း
-S MONE Micellar= မျက်နှာသန့်စင်ဆီဖြင့် အညစ်အကြေးများကို ဖယ်ရှားပါ။

2. မျက်နှာသစ်ခြင်း
-S MONE Cleansing Foam= ငါးဥ DNA မှ ထုတ်လုပ်ထားသော မျက်နှာသစ်ဆေးဖြင့် အသားအရည်ကို နူးညံ့စေပါ။

3. အားဖြည့်စိုပြေစေသော ခရင်မ်
-S Vera Aloe Vera Gel & S MONE Brightening Cream= အရေပြားကို နူးညံ့စိုပြေစေပြီး ကြည်လင်မှု တိုးစေသည်။

4. နေလောင်မှုကာကွယ်သော ခရင်မ်
-S MONE Sunscreen SPF 50+ PA++++: UVA & UVB= နှင့် အပူလှိုင်းမှ ကာကွယ်ပေးပြီး အသားအရည်ကို ထိရောက်စွာ ကာကွယ်ပေးနိုင်သည်။

❗ပစ္စည်းမှာယူရန် Link👇👇👇https://successmore.com/scmconnext/?mcode=1501795&position=LEFT

24/06/2025

#ခြေလက်ထုံကျင်လာသလို_ဖြစ်နေသူများအတွက်_လက်တွေ့ဆေးနည်း

မနက်အိပ်ရာထချိန်များမှာ လက်ချောင်းလေးတွေ တင်းနေပြီး၊ လေ့ကျင့်ခန်းလုပ်တာတောင် မပြေချင်တဲ့ အနေအထားမျိုး ဖြစ်နေကြသူများကို ထုံကျင်နာများပျောက်ကင်းစေပြီး ရောဂါကင်းဝေးစေချင်လို့ ဒီဆေးနည်းလေးကို မျှဝေတင်ပြပေးလိုက်ပါတယ်။

ဒီဆေးနည်းလေးကတော့ တစ်နေကုန် ထိုင်ပြီး အလုပ်လုပ် နေရသူများဖြစ်ကြတဲ့ ရုံးသမားများ၊စက်ချုပ်သမားများ၊ စားဝတ်နေရေးအတွက် မိုးလင်းမှမိုးချုပ်တစ်နေကုန် အလုပ်ခွင်ထဲမှာအလုပ် များနေသူများအတွက် ရောဂါကင်းဝေးစေရေးနည်းလေးဖြစ်ပါတယ်။

အချိန်တွေကြာလာတဲ့အခါ ခြေထောက်၊ဒူးနှင့် ပေါင်များဟာ ထုံကျဉ်လာတတ်ပါတယ်။ ဒီလိုမျိုးတွေဖြစ်လာတဲ့အခါ ဆေးလိမ်း၍ မသက်သာဘဲဖြစ်တတ်ပါတယ်။

နွေရာသီမှာ ခံနိုင်ပေမယ့် မိုးနဲ့ဆောင်းမှာတော့ ထုံကျဉ်တဲ့ဝေဒနာများဟာ ပို၍ ဆိုးရွားလာကာ လေဖြတ်ချင်တဲ့အထိဖြစ်မှုများကို ပျောက်ကင်းစေနိုင်ပါတယ်...။

တစ်ခြားနည်းတွေ လည်းရှိပေမယ့် ဒီဆေးနည်းလေးကတော့ ရှာဖွေအသုံးပြုရန် ပစ္စည်းများဟာ လွယ်ကူလွန်းပြီး ပြုလုပ်ပုံကလည်း မခက်ခဲတာမို့ ကိုယ်တိုင်ရောဂါ မဖြစ်လို့ အသုံးမပြုခဲ့ရင်တောင်တစ်ခြားသူများကိုနည်းလမ်းလေးညွှန်ကြားပေးစေလိုတဲ့ဆန္ဒနှင့်ထပ်ဆင့် တင်ပြပေးတာဖြစ်ပါတယ်။

#ဆေးပြုလုပ်ပုံ

လိုအပ်တဲ့ပစ္စည်းလေးတွေကတော့ ချင်းတက်၊ စပါးလင်၊ သံပုရာသီးတို့ပဲဖြစ်ပါတယ်။

ဒီပစ္စည်းလေးတွေကို ပထမဦးဆုံးတော့ ထောင်းမယ့်ဆုံကိုသန့်အောင်ပြုလုပ်ပေးရပါမယ်။

ပြီးတဲ့အခါ ချင်းတက်နှင့်စပါးလင်ကိုထောင်းထားပြီး၊ အဲဒီထောင်းထားပြီးသား နှစ်မျိုးထဲကိုသံပုရာသီး နှစ်လုံးလောက်ကို အရည်ညှစ်ထည့်ပြီး လက်ဖြင့်နယ်ပေးရပါမယ်။

ပေါင်းစပ်နယ်ထားတဲ့ အတွက် ထွက်လာတဲ့အရည်များကို ညအိပ်ရာဝင်ချိန်တွင် ပေါင်တံရင်းမှနေ၍ခြေဖျားအထိ အထက်မှအောက်ကို ပူလာတိုင်း လိမ်းပေးပြီးမှ အိပ်ရာဝင်ရပါမယ်။

သုံးလေးရက် ဆက်တိုက် နေ့တိုင်း လိမ်းပေးပါက ထုံကျဉ်မှုများ ပျောက်သွားပါလိမ့်မယ်။

#မှတ်ချက်

စပါး လင်၊ ချင်း၊ သံပုရာသီးတို့ကတော့ ရှာဖွေရတာလွယ်ကူတဲ့အတွက် ပို၍ အသုံးပြုနိုင်မယ့် ဆေးနည်းလေးလို့ပြောချင်ပါတယ်။ ။

ထုံနာကျဉ်နာဘေးမှ ကင်းဝေးကြပါစေ။ ။

မေတ္တာဖြင့် ပြန်လည်မျှဝေပါသည်။
စိုင်း မင်း သန့်

အိမ်တွင်းဆေးမြီးတိုများစုစည်းမှု့

#ကျန်းမာရေးဗဟုသုတရကြပါစေ

21/06/2025

#အသည်းမှာအဆိပ်တွေပုံနေပြီလို့
သတိပေးနေတဲ့ လက္ခဏာ ၁၈ ချက်

ကျွန်တော်တို့ ခန္ဓာကိုယ်တွင်းမှာရှိတဲ့ အသည်းဟာ လူ့ခန္ဓာကိုယ်ကို ဆိုးကျိုးပေးမယ့် အဆိပ်အတောက်တွေကို ဖယ်ရှားပေးတဲ့ အဓိက အစိတ်အပိုင်းတခုပါ။

-အသည်းဟာ သွေးတွင်း ဝင်ရောက်လာတဲ့ ပစ္စည်းတွေထဲကနေအဆိပ်အတောက်ဖြစ်စေတဲ့ ဓာတုပစ္စည်းတွေကို စစ်ထုတ်တဲ့ တာဝန်ယူရပါတယ်။

-အဆိပ်အတောက်ဖြစ်စေတဲ့ ပစ္စည်းတွေကို ဖြိုခွဲလိုက်ပြီး စွန့်ပစ်ပစ္စည်း(အရည်)အနေနဲ့ ချွေး၊ ဆီး၊ဝမ်းတွေနဲ့အတူ စွန့်ထုတ်ပေးပါတယ်။

-အချက်များစွာက အသည်းရဲ့ လုပ်ငန်း ဆောင်တာတွေကို ကောင်းကောင်းမလုပ်အောင်၊ ချွတ်ချော်အောင် ပြုလုပ်နိုင်ပါတယ်။ ဥပမာအနေနဲ့ ပြည့်ဝအဆီများစွာနဲ့

အစားအစာတွေကို တာရှည်ခံအောင်သုံးထားတဲ့ဓာတုဗေဒပစ္စည်းများပါဝင်မှုမြင့်မားတဲ့ အစားအစာတွေကို စားသုံးရင် အသည်းကို ပိုမိုအလုပ်လုပ်ရကာ အကောင်းဆုံး စွမ်းဆောင်မှုကို မရနိုင်ပါဘူး။

-အရက်အများကြီးသောက်တဲ့အခါ အသည်းဟာ ပြင်ပက အဆိပ်တောက်နဲ့ ထိတွေ့ရသလို ဖြစ်ပါတယ်။ ဟော်မုန်း မညီမျှမှုတွေ ဖြစ်စေပါတယ်။

အဲလိုဖြစ်တဲ့အခါ အသည်းဟာ သူရဲ့ တာဝန်ကို ကောင်းမွန်စွာ လုပ်နိုင်ဖို့ ခဲယဉ်းပါတယ်။

-အသည်းကို ဝန်ပိစေတဲ့ အကြောင်းအရာတွေကတော့ အသက်ကြီးလာတာ၊ ခဲ၊ ပြဒါးတို့လို သတ္တုဓာတ်တွေ ထိတွေ့မှုများတာတွေက အသည်းရဲ့ အဆိပ်ဖယ်ရှားတဲ့ လုပ်ငန်းဆောင်ရွက်ချက်တွေကို နှောင့်ယှက်နိုင်ပါတယ်။

-အသည်းက အဆိပ်အတောက်တွေကို လုံလောက်အောင် မဖယ်ရှားနိုင်တော့တဲ့အခါအဆိပ်တွေကို အဆီဆဲလ်တွေနဲ့ တစ်ရှူးတွေမှာ သိမ်းဆည်းပါတယ်။

-အဆိပ်တွေ သွေးကြောထဲ ပြန့်နှံ့ရင် ပြင်းထန်တဲ့ ဆိုးကျိုးများစွာ ချက်ချင်းရနိုင်ပါတယ်။ ပိုလျှံလာတဲ့ အဆိပ်တွေဟာ အသည်းနဲ့ တစ်ရှူးမှာ စုပုံလာတဲ့အခါ လူကို မသက်မသာဖြစ်စေတဲ့အပြင် ရောဂါပါ ဖြစ်စေပါတယ်။

-အသည်းက အဆိပ်အတောက်တွေကို ဖယ်ရှားတဲ့အခါ နည်းလမ်းနှစ်ခု ရှိပါတယ်။

-နံပါတ်၁ အနေနဲ့ ဆဲလ်တွေကို ပျက်စီးစေမဲ့ အဆိပ်အတောက်တွေကို အင်ဇိုင်းအကူနဲ့ အန္တရာယ်နည်းတဲ့ ပုံစံကို ပြောင်းပါတယ်။ အဆီမှာပျော်ဝင်တဲ့ ပစ္စည်းတွေ ရပါတယ်။

-နံပါတ်၂ အနေနဲ့ အန္တရာယ်နည်းအောင်ပြောင်းလဲထားတဲ့ အဆီမှာပျော်ဝင်တဲ့ ပစ္စည်းတွေကို တခြားမော်လီကျူးတွေနဲ့ ပေါင်းစပ်ပြီး ရေမှာပျော်ဝင်တဲ့ ပစ္စည်းအဖြစ်ပြောင်းကာ ခန္ဓာကိုယ်ကနေ ဖယ်ထုတ်ပါတယ်။

-အသည်းမှာ အဆိပ်တွေစုပုံလာတဲ့အခါ ပုံမှန်လုပ်စဉ်အတိုင်း မလုပ်နိုင်တော့ရင် အဆိပ်တွေကို(အဆီမှာပျော်ဝင်တာမို့) အဆီတစ်ရှူးတွေမှာ သိုလှောင်ပါတော့တယ်။

-အသည်းရဲ့ လုပ်ငန်းဆောင်တာတွေ ပုံမှန်ပြန်ဖြစ်မှသာ အဆီထဲစုပုံနေတဲ့ အဆိပ်တွေကို ပြန်ပြီး ဖယ်ရှားပေးပါတယ်။

အသည်းမှာ အဆိပ်တွေပုံလာတဲ့အခါ

-ပင်ပန်းနွမ်းနယ်ခြင်း၊ နာတာရှည်နွမ်းနယ်နေခြင်း
-မကောင်းမြင်စိတ်တွေ ဖြစ်ပေါ်လာခြင်း
-အာရုံစူးစိုက်ဖို့ ခက်ခဲခြင်း၊မကြာခဏ ခေါင်းကိုက်ခြင်း၊ စိတ်ကသိကအောင့်ဖြစ်ခြင်း
-ပြင်းထန်စွာ ခေါင်းကိုက်ခြင်း၊အနားယူမှ သက်သာခြင်း၊ ခေါင်းတခြမ်းကိုက်ခြင်း
-ကြွက်သားနှင့် အဆစ်အမြစ်များ နာတာရှည် နာကျင်ခြင်း
-ချွေးထွက်လွန်ခြင်း
-အစာမကြေခြင်း၊ ဝမ်းချုပ်ခြင်း
-သွေးတွင်းသကြားဓာတ် ထိန်းချုပ်ရ ခက်ခဲခြင်း
-ယားယံခြင်း
-အရေပြားတွင် အနီကွက်ထွက်ခြင်း
-လေထိုး၊ ဗိုက်နာ၊ ဗိုက်အောင့်ဖြစ်ခြင်း
-ရာသီမလာခင် ပိုမိုကိုက်ခဲခြင်း
-စိတ်တိုစိတ်ဆတ်ခြင်း၊ စိတ်ဓာတ်ကျခြင်း
-ဓာတုပစ္စည်းများနဲ့ ဓာတ်မတည့်မှုဖြစ်လွယ်ခြင်း
-မနက်အစော ၂နာရီ-၄နာရီတွင် နိုးနိုးလာခြင်း
-ကိုယ်အလေးချိန် တက်လာခြင်း
-အစားရှောင်၊ လေ့ကျင့်ခန်းလုပ်သော်လည်း ဝိတ်မကျခြင်း
မျက်ကွင်းညိုခြင်း၊ အားနည်းခြင်း

အသည်းက စားသုံးလိုက်တဲ့ အဆီတွေကို ဖယ်ရှားပေးရတဲ့အပြင် သွေးထဲက အဆိပ်အတောက်တွေနဲ့ အညစ်အကြေးတွေပါ ဖယ်ရှားပေးရပါတယ်။ အသည်းမှာ အဆိပ်တွေစုပုံလာတဲ့အခါ ဆိုးကျိုးတွေ ဖြစ်ပေါ်စေနိုင်ပါတယ်။ အဆိပ်တွေ သွေးထဲမှာများလာရင် ကင်ဆာဆဲလ်တွေဖြစ်ပေါ်ဖို့ထိ အားပေးနိုင်ပါတယ်။

ကံအားလျော်စွာပဲ အသည်းက ပျက်စီးသွားရင် သူ့ဘာသာ ပြန်ကောင်းအောင် လုပ်နိုင်တဲ့ တခုထဲသော ခန္ဓာကိုယ်အတွင်းပိုင်း အစိတ်အပိုင်းဖြစ်ပါတယ်။ ဒါကလည်း ပြန်ကောင်းအောင်တည်ဆောက်နိုင်တဲ့ အတိုင်းအတာ တခုထိပဲရှိပါတယ်။ အသည်းကို ပျက်စီးစေတဲ့အရာနဲ့ အပြုအမူတွေကို စောစီးစွာရပ်တန့်လိုက်ပြီး အသည်းအားဆေးတွေ မှီဝဲဖို့တော့ လိုအပ်ပါတယ်။
ဥပမာ အရက်ဖြတ်ခြင်း။

အသည်းကျန်းမာရေးအတွက် စားရမဲ့ အစားအစာများ

လီမွန် -လတ်ဆတ်တဲ့ လီမွန်သီးဖျော်ရည်က အသည်းအတွက်လိုအပ်တဲ့ အင်ဇိုင်းတွေ များလာစေဖို့ ကူညီနိုင်ပါတယ်။ လီမွန်မှာ ဓာတ်တိုးဆန့်ကျင် ဂုဏ်သတ္တိတွေ ပါတာမို့ သွေးကို သန့်ရှင်းစေပါတယ်။

နနွင်း- နနွင်းက အသည်းကိုကာကွယ်ပေးပြီး ပျက်စီးနေတဲ့ အသည်း ပြန်လည်ထူထောင်ရာမှာအထောက်အကူ ဖြစ်စေပါတယ်။

ကြက်သွန်ဖြူ -ကြက်သွန်ဖြူက အသည်းအင်ဇိုင်းဓာတ်တွေထွက်ဖို့ လှုံ့ဆော်ပေးပါတယ်။ ဒီအင်ဇိုင်းဓာတ်တွေက အသည်းကနေ အဆိပ်အတောက်တွေကို ဖယ်ရှားဖို့ ကူညီနိုင်ပါတယ်။

အစိမ်းရောင်ဟင်းသီးဟင်းရွက်များ-
ဥပမာ ကိုက်လန်၊ ပန်းဂေါ်ဖီစိမ်း၊ဂေါ်ဖီထုပ်တွေမှာ ဓာတ်တိုးဆန့်ကျင်ဓာတ်တွေ၊ ဗီတာမင်နဲ့ သတ္တုဓာတ်တွေ၊ phytochemicals တွေပါတာမို့ အသည်းက အဆိပ်ဖယ်ရှားတဲ့အခါ လိုအပ်တဲ့ အင်ဇိုင်းထုတ်ဖို့ ကူညီနိုင်ပါတယ်။

ထောပတ်သီး -ထောပတ်သီးမှာပါတဲ့ antioxidant glutathione က ပျက်စီးနေတဲ့ အသည်းတစ်ရှူးတွေ ပြန်လည်တည်ဆောက်ရာမှာ ကူညီပါတယ်။

ပန်းသီး-ပန်းသီးမှာပါတဲ့ Pectinက အသည်းမှာစုပုံနေတဲ့ heavy metalsတွေကို ဖယ်ရှားဖို့ ကူညီနိုင်ပါတယ်။

20/06/2025

❗ ဝက်ခြံအတွက် ဒါတွေရှောင်ပါ..

(၁) whitening emulsion(နို့ရည်) ကို ဝက်ခြံထွက်နေစဉ် မသုံးသင့်ပါ။

(၂) ဝက်ခြံထွက်နေစဉ် ရွှံ့စေးမျက်နှာဖုံးတွေ မသုံးပါနဲ့။

(၃) အဆီပြန်တဲ့ မျက်နှာမှာ vaseline အဆီတွေ မလိမ်းသင့်ပါ။ ဝက်ခြံပိုထွက်တတ်တယ်။

(၄) မိတ်ကပ်ရွေးရာတွင် အဆီနဲ့သိပ်ထားတဲ့ pressed powder ထက် loose powder ကိုသာ ရွေးချယ်သင့်ပါတယ်။

(၅) ဝက်ခြံပေါက်သူမိန်းကလေးများရဲ့ (၄၅)ရာခိုင်နှုန်းဟာ အသားဖြူစေတဲ့ emulsion သို့မဟုတ် foundation များကြောင့်ဖြစ်ကြောင်း တွေ့ရှိရ။

ဝက်ခြံကပေါက်သေး၊ ဒီကြားထဲ အသားကလည်း ဖြူချင်သေးတော့ မလုပ်ကြနဲ့ ..

ဒေါက်တာအေးမင်းထူး

20/06/2025

🕺 ဘာကင်ဆာဖြစ်ဖြစ် သွားပေရော့ပဲ သောက်ကြည့်ပြီးမှ ကျေးဇူးတင်...
လွယ်လွန်းလို့ဆိုပြီး ဆေးနည်းကိုအထင်မသေးပါနဲ့

ပျဉ်းမဖြူ နှင့် ကင်ဆာမျိုးစုံ

သားအိမ် ကင်ဆာ ၊အူမကြီးကင်ဆာအသည်းကင်ဆာ ၊စသည့်ကင်ဆာမျိုးစုံလေးဘက်နာ၊လေဖြတ်လေငန်းရောဂါအစရှိသည့်ရောဂါဝေဒနာများအတွက်....

ပျဉ်းမဖြူ အမြစ်

ပျဉ်းမဖြူ မြစ်ကို ဆန်ဆေးရေနဲ့သွေးသောက်ရုံပါ၊ တစ်ရက်( ၂)ကြိမ် ဟင်းစားဇွန်းတစ်ဇွန်းစာ ရောဂါဝေဒနာပျောက်ကင်းသည်ထိသောက်ပေးပါ။

➳ မည်သည့်ဆေးမြစ်/ခေါက်ကိုမဆိုသန့်စင်ဆေးကြောပြီးရေနွေးဆူဆူမှာ(၁၅)မိနစ်ခန့်ပြုတ်၍ဖြစ်စေ ပေါင်းအိုးထဲထည့်ပေါင်း၍ဖြစ်စေ ပိုးသတ်ပြီးမှအသုံးပြုသင့်ပါသည်။

{တစ်နည်း}

အသည်းကင်ဆာ သမားများပျဉ်းမဖြူ အခေါက်နှင့် နလင်ကျော် နှစ်မျိုးကိုဆန်ဆေးရေနှင့် သွေးပြီးတစ်ရက်နှစ်ကြိမ်ဟင်းစားဇွန်း တစ်ဇွန်းစာဝေဒနာသက်သာသည်ထိ နေ့စဉ်သောက်ပေးပါ။လေဖြတ်သူများ လိမ်းလည်းလိမ်းသောက်လည်းသောက်ပါ။

ဒူးနာ ခါးနာ ဇက်ကြောတက်ညောင်းညာကိုက်ခဲသူများ အခေါက်သွေးလိမ်းရုံနှင့့်ပင် သက်သာပျောက်ကင်းပါသည်။
ပြန်လည်မျှဝေခြင်းဖြစ်ပါသည်

Credit original writter
#ကျန်းမာရေးဗဟုသုတရကြပါစေ

19/06/2025

🌟ဗိုက်ချပ်နည်း ၁၀ နည်း🌟
၁။ အငန်လျှော့စားပါ

အငန်ကို လွန်ကဲစွာစားသုံးရင် ခန္ဓာကိုယ်မှာ ရေတွေကို

စုဝေးစေတဲ့အတွက် ဖောရောင်လာပါလိမ့်မယ်။

အငန်လျှော့စားလိုက်မယ်ဆိုရင် ခန္ဓာကိုယ်မှာရှိတဲ့

မလိုအပ်တဲ့ရေတွေကို ဖယ်ထုတ်ပစ်နိုင်ပါတယ်။

ဒါကြောင့် ဟင်းချက်တဲ့အခါ ပုံမှန်ထက်ဆားကို လျှော့ထည့်ပါ။

၂။ ပီ‌ကမေစားပါနဲ့

အချိုဓာတ် ပါဝင်တဲ့အတွက် အဆီ ပိုတိုးစေပါတယ်။

စားမယ်ဆိုရင်တော့ Sugar free လို့ ရေးထားတာကို

ရွေးစားလို့ ရပါတယ်။

၃။ အချိုလျော့စားပါ

အဆီကျအောင် ထမင်းမစားပဲနေပေမဲ့

အချိုတွေချည်းစားနေမယ်ဆိုရင် ဘာမှ မထူးပါဘူး။

အချိုစားများရင် ဆီးချိုရောဂါလည်း ဖြစ်နိုင်ပါတယ်။

၄။ ရယ်ဒီမိတ်တွေ မစားပါနဲ့။

ရယ်ဒီမိတ် ထုပ်တွေမှာ ဆား အများကြီး ပါဝင်ပါတယ်။

ဆော့စ်တွေကအစ ကိတ်မုန့်အဆုံး ဆားတွေ ပါဝင်ပါတယ်။

အဲဒါကြောင့် အဆီကျချင်ရင် လတ်ဆတ်တဲ့ အသီးအရွက်၊

အသား ငါးတွေကို ကိုယ့်ဘာသာကို ချက်စားတာ အကောင်းဆုံးပါ။

၅။ ဗိုက်ချပ်ချင်ရင် အချိုရည် မသောက်ပါနဲ့။

အချိုရည်အစား အားရှိအောင် မအိပ်ခင်

နွားနို့ပူပူလေးသောက်လိုက်တာက ပိုအကျိုးရှိမှာပါ။

၆။ ရေများများ သောက်ပါ။

အချိုရည် တော်တော်များများဟာ အဆီပိုတက်စေပါတယ်။

ရေများများသောက်မယ်ဆိုရင်

ခန္ဓာကိုယ်ကို ရေဓာတ်ပြည့်ဝစေပြီး ကျန်းမာစေပါတယ်။

ရေများများ သောက်ရင် အစာစားချင်စိတ်၊

အချိုစားချင်စိတ်လည်း မရှိတော့ဘူးပေါ့။

၇။ သစ်သီး များများစားပါ။

ဘယ်ရီသီး၊ ချယ်ရီသီး၊ ပန်းသီး၊ လိမ္မော်သီးတွေက

ဝိတ်ကျစေပါတယ်။ ဗိုက်ဆာတိုင်းစားလို့လည်း ရပါတယ်။

ဝိတ်လည်းမတက်ဘူး၊ ဗိုက်လည်းဝစေပါတယ်။

၈။ စိတ်ဖိစီးမှု နည်းအောင်နေပါ။

စိတ်ဖိစီးမှုများရင် ကော်ဒီစော လို့ခေါ်တဲ့ ဟော်မုန်းအဆင့် မြင့်တက်လာပါတယ်။

ဒီဟော်မုန်း များလာရင်ကျ ခါးတစ်ဝိုက်မှာ အဆီတွေ စုစေပါတယ်။

နေ့စဉ်ဘဝဟာ စိတ်ဖိစီးမှု များနေတယ်ဆိုရင်

ယောဂလေ့ကျင့်တာ၊ လမ်းလျောက်၊ ဂျာနယ်ဖတ်

အဲ့လို ပေါ့ပေါ့ပါးပါးအလုပ်လေးတွေ လုပ်ကြည့်လို့ ရပါတယ်။

၉။ ဝမ်းချုပ်မခံပါနဲ့။

အထိုင်များတဲ့သူတော်တော်များများဟာ ဝမ်းချုပ်တတ်ပါတယ်။

ဥပမာ ရုံးဝန်ထမ်းတွေပေါ့။ ဝမ်းချုပ်တဲ့အတွက်

လူက မအီမသာဖြစ်လာသလို ဗိုက်ကလဲပိုပူလာပါလိမ့်မယ်။

အဲ့ဒါကြောင့် ရေများများသောက်ပြီး အသီးအရွက်များများ စားပါ။

၁၀။ အိပ်ရေး ဝဝအိပ်ပါ။

အိပ်ချိန် မိနစ် ၃၀ လောက် နောက်ကျရင်တောင်

ဝိတ်တတ်စေနိုင်တယ်။ စောစောအိပ်ပြီး

စောစောထတာကတော့ ကျန်းမာရေးအတွက် အကောင်းဆုံးပါ။

Credit

#ကျန်းမာရေးဗဟုသုတရကြပါစေ

19/06/2025

💁- #အစာအိမ်အူလမ်းကြောင်း ကျန်းမာရေးမကောင်းသည့် လက္ခဏာများ...................................................

အစာအိမ်အူလမ်းကြောင်းဟာ အဆင့်မြင့်ရှုပ်ထွေးတဲ့ အင်္ဂါအစိတ်အပိုင်းတခု ဖြစ်ပါတယ်။

ဒါ့အပြင် အစာအိမ်အူလမ်းကြောင်းဟာ ကိုယ်ခံအား၊ စိတ်ကျန်းမာရေး၊ ဟော်မုန်းဆိုင်ရာ ရောဂါများ၊ အရေပြားပြဿနာ၊ ကင်ဆာ စတဲ့ရောဂါတွေ ဖြစ်ပွားခြင်းနဲ့လည်း ဆက်စပ်နေပါတယ်။

ထူးခြားချက်တခုကတော့ အစာအိမ်အူလမ်းကြောင်းတလျှောက်မှာ အကျိုးပြုဘက်တီးရီးယားတွေ ရှိနေခြင်းပါပဲ။ လူတဦးချင်းစီရဲ့ အစာအိမ်အူလမ်းကြောင်းထဲမှာ ဘက်တီးရီးယားမျိုးကွဲပေါင်း ၃၀၀ ကနေ ၅၀၀ အထိ ရှိနေနိုင်ပြီး အများစုဟာ အကျိုးပြုဘက်တီးရီးယား ဖြစ်ပါတယ်။ အနည်းငယ်မျှသာ အန္တရာယ်ပေးနိုင်တဲ့ ပိုးမွှားတွေဖြစ်ပါတယ်။

*စိတ်ဖိစီးမှုများခြင်း၊
*အအိပ်အနေနည်းခြင်း၊
*အဆင့်ဆင့်ပြုပြင်ထားပြီး သကြားပါဝင်မှုမြင့်မားသော အစားအစာများ စားသုံးခြင်း၊
*ပဋိဇီဝဆေးဝါးအချို့ သုံးစွဲခြင်း
စတာတွေဟာ အူလမ်းကြောင်းမှာရှိတဲ့ အကျိုးပြုဘက်တီးရီးယားတွေကို ထိခိုက်စေနိုင်ပါတယ်။

၎င်းတို့နဲ့ ဆက်နွယ်နေတဲ့ ဦးနှောက်၊ နှလုံး၊ ကိုယ်ခံအား၊ အရေပြား၊ ကိုယ်အလေးချိန်နှင့် ဟော်မုန်း စတဲ့ ကျန်းမာရေးကိစ္စရပ်တွေမှာပါ အကျိုးသက်ရောက်မှု ဖြစ်စေပါတယ်။

အူလမ်းကြောင်း ကျန်းမာရေးမကောင်းတဲ့အခါ အောက်ပါလက္ခဏာများ တွေ့နိုင်ပါတယ်။

ℹ-အစာအိမ်ပြဿနာများဖြစ်ခြင်း

လေပွလေထခြင်း၊
ဝမ်းချုပ်ခြင်း၊
ဝမ်းပျက်ခြင်း၊
အစာမကြေရင်ပူခြင်း စတဲ့
အစာအိမ်ပြဿနာများဟာ အူလမ်းကြောင်းမကောင်းတဲ့ အခြေအနေများပဲ ဖြစ်ပါတယ်။
ကျန်းမာရေး ကောင်းမွန်တဲ့ အူလမ်းကြောင်းဟာ အစာများကို ကောင်းစွာချေဖျက်နိုင်ပြီး အညစ်အကြေးစွန့်တဲ့ အဆင့်အထိ လုပ်ငန်းစဉ် ချောမွေ့ပါတယ်။

ℹ-သကြားပါဝင်နှုန်းများသော စားသောက်ပုံရှိခြင်း

အဆင့်ဆင့်ပြုပြင်ထားတဲ့ အသင့်စား အစားအစာတွေနဲ့ လိုအပ်တာထက် ပိုမိုထည့်သွင်းစီမံထားတဲ့ သကြားဓာတ်တွေဟာ အူလမ်းကြောင်းထဲက အကျိုးပြုဘက်တီးရီးယားတွေကို လျော့နည်းစေပါတယ်။ သကြားဓာတ်ကဲတဲ့ အစားအသောက်တွေကို စားသောက်ချင်စိတ်ကိုလည်း မထိန်းနိုင်ဖြစ်နေပါတယ်။

သကြားဓာတ်တွေထဲမှာမှ ဖရက်တို့စ်သကြားပါဝင်မှုများတဲ့ အစားအစာတွေဟာ ကိုယ်ခန္ဓာအတွင်းက ရောင်ရမ်းခြင်းဖြစ်စဉ်တွေနဲ့ ဆက်နွယ်နေပါတယ်။

ℹ-ကိုယ်အလေးချိန်မထိန်းနိုင်ခြင်း

စားသောက်ပုံနဲ့ ကိုယ်လက်လေ့ကျင့်ခန်းကို သိသာစွာ ပြောင်းလဲခြင်းမလုပ်ဘဲ ကိုယ်အလေးချိန် ရုတ်ချည်း တိုးလာခြင်း၊ လျော့သွားခြင်း စတာတွေဟာ အူလမ်းကြောင်းမကောင်းခြင်းရဲ့ လက္ခဏာတမျိုးပါပဲ။
ကျန်းမာရေးမကောင်းတဲ့ အူလမ်းကြောင်းဟာ အာဟာရဓာတ်များ စုပ်ယူနိုင်ခြင်း၊ သွေးတွင်းသကြားဓာတ်ကို ထိန်းညှိနိုင်ခြင်း၊ အဆီများကို သိုလှောင်ခြင်း စတဲ့လုပ်ငန်းစဉ်တွေကို ကောင်းစွာလုပ်ဆောင်နိုင်ခြင်း မရှိပါဘူး။

ကိုယ်အလေးချိန် လျော့နည်းသွားခြင်းဟာ အူသိမ်ထဲက ဘက်တီးရီးယားတွေ အလွန်အကျွံပေါက်ပွားခြင်းကြောင့် ဖြစ်နိုင်သလို ကိုယ်အလေးချိန်တက်ခြင်းဟာလည်း အင်ဆူလင်အာနိသင်ကျဆင်းခြင်း၊ အာဟာရဓာတ် စုပ်ယူမှုနည်းခြင်းကြောင့် စားသောက်ချင်စိတ်လွန်ကဲလာခြင်း စတာတွေကြောင့် ဖြစ်နိုင်ပါတယ်။

ℹ-အိပ်ရေးဆက်တိုက်ပျက်ခြင်း၊ ပင်ပန်းနွမ်းနယ်ခြင်း

အိပ်မပျော်ခြင်း၊ အိပ်ရေးမဝခြင်း စတာတွေဟာ ကျန်းမာရေးမကောင်းတဲ့ အူလမ်းကြောင်းကြောင့် ဖြစ်နိုင်ပါတယ်။ အိပ်ရေးမဝခြင်းကြောင့် ပင်ပန်းနွမ်းနယ်ခြင်းပါ ယှဉ်တွဲနေနိုင်ပါတယ်။ စိတ်အခြေအနေနဲ့ အိပ်စက်ခြင်းအပေါ် လွှမ်းမိုးမှုရှိတဲ့ ဆီရိုတိုနင်ဟော်မုန်းကို အူလမ်းကြောင်းထဲက ထုတ်လုပ်ပါတယ်။ ဒါကြောင့် အူလမ်းကြောင်းမှာ ထိခိုက်မှု တစုံတရာရှိနေရင် အိပ်စက်ခြင်းအပေါ် သက်ရောက်နိုင်ပါတယ်။

ℹ-အရေပြားပြဿနာများ

အရေပြားပြဿနာတွေ (ဥပမာ နှင်းခူ) ဟာ အူလမ်းကြောင်းထိခိုက်မှုနဲ့ ဆက်စပ်နေပါတယ်။ အာဟာရနည်းပါးခြင်း၊ အစားအစာဓာတ်မတည့်ခြင်း စတာတွေကြောင့် အူလမ်းကြောင်းအတွင်းမှာ ရောင်ရမ်းမှုဖြစ်နေရင် ပရိုတိန်းတချို့ကို ကိုယ်ခန္ဓာထဲ စိမ့်ထွက်သွားစေပါတယ်။ အဆိုပါအခြေအနေမှာ အရေပြားယားယံပြီး နှင်းခူလို ပြဿနာမျိုးတွေ တွေ့နိုင်ပါတယ်။

ℹ-မိမိကိုယ်ခံအားက ပြန်လည်တိုက်ခိုက်သော ပြဿနာ

အစာအိမ်အူလမ်းကြောင်းနဲ့ ကိုယ်ခံစွမ်းအားဟာ ဆက်စပ်မှု ရှိနေပါတယ်။ အူလမ်းကြောင်းမကောင်းခဲ့ရင် ကိုယ်ခံစွမ်းအားရဲ့ လုပ်ဆောင်ချက်တွေ ကမောက်ကမဖြစ်စေပြိး မိမိကိုယ်ခံအားကနေ မိမိကိုယ်ကို ပြန်လည်တိုက်ခိုက်တဲ့ ရောဂါမျိုးတွေ ဖြစ်စေနိုင်ပါတယ်။

ℹ-အစားမတည့်ခြင်း

ဒီပြဿနာဟာ ဓာတ်မတည့်ခြင်းနဲ့ မတူပါဘူး။ အစားအစာတချို့ကို မချေဖျက်နိုင်တဲ့ ပြဿနာပဲ ဖြစ်ပါတယ်။ အစာမတည့်ခြင်းပြဿနာဟာ အူလမ်းကြောင်းက ဘက်တီးရီးယားတွေရဲ့ အရည်အသွေး အားနည်းလို့ပဲ ဖြစ်ပါတယ်။ အစာကို မချေဖျက်နိုင်ခြင်းကြောင့် လေပွခြင်း၊ ဝမ်းပျက်ခြင်း၊ ဗိုက်အောင့်ခြင်း၊ ပျို့အန်ခြင်း စတာတွေ ဖြစ်နိုင်ပါတယ်။

❤ ကျန်းမာရေးအတွက် ဆရာဝန်တစ်ဦးနှင့် messenger chat box တွင် အသေးစိတ်တိုင်ပင်နိုင်ပါသည်

အစာအိမ်နှင့် အူလမ်းကြောင်းပြဿနာများလဲ ကုသမှု ခံယူနိုင်ပါသည်

ကျန်းမာရေးနဲ့ ပါတ်သတ်သော အထွေထွေဗဟုသုတများကိုလည်း နေ့စဥ် တင်ပေးသွားမည် ဖြစ်ပါသဖြင့် Like & share လေး လုပ်ပေးကြဖို့လဲ မေတ္တာ ရပ်ခံ အပ်ပါသည်။

#ကျန်းမာရေးဗဟုသုတရကြပါစေ

Dr TZ
#ဒေါက်တာonline
#အစာအိမ်အူကျန်းမာရေး

Thandar Lwin

24/06/2025

24/06/2025

21/06/2025

20/06/2025

20/06/2025

19/06/2025

19/06/2025

ที่อยู่

เว็บไซต์

แจ้งเตือน

ทางลัด

แชร์

ประเภท