NUG Federal Network

06/08/2025

“ဒေါ်အောင်ဆန်းစုကြည်ကို မဲခိုးလို့ ထောင်ကျတာ၊ နိုင်ငံရေးအကျဉ်းသား မဟုတ်ဘူး” လို့ ဘန်ကောက်မှာ မုန့်ဟင်းခါးဆိုင် ဖွင့်ထားသူ၊ ဟင်းချက် Blogger ချိုဝတ်ရည် လ-င်ဖြစ်သူ မြင့်ကျော်သူ အသရေဖျက်ပြောဆိုလာ”

စစ်တပ်အာဏာသိမ်းပြီးနောက် ဘန်ကောက်ကို ပြောင်းရွှေ့အခြေချ နေထိုင်ပြီး ဘန်ကောက်မှာ စျေးအကြီးဆုံးမုန့်ဟင်းခါး ရောင်းချနေသူ မြင့်ကျော်သူက ဒေါ်အောင်ဆန်းစုကြည်ဟာ မဲခိုးတာကြောင့် ထောင်ကျနေခြင်းဖြစ် ကြောင်း၊ နိုင်ငံရေးအကျဉ်းသားမဟုတ်ကြောင်း စစ်တပ် အလိုကျ ဝါဒဖြန့် ရေးသား ပြောဆိုမှုတွေ ဆက်တိုက်လုပ်လာတာဖြစ်ပါတယ်။

“တွေးမိတာ ဒေါ်စုက နိုင်ငံရေး အကျဉ်းသားလား ဆိုတာပဲ။ ၈၈ တုန်းကနဲ့ မတူဘူး။ သူက ရာထူးရှိတဲ့ကြားက ဖမ်းခံရတာ။ နိုင်ငံရေးလုပ်လို့ ဖမ်းခံရတာ မဟုတ်ဘူး။ ဥပမာ ကိုယ်ကဆန္ဒပြလို့ အဖမ်းခံရတယ်၊ ဆူပူမှုနဲ့ ထောင်ချရင် ဒါနိုင်ငံရေးအကျဉ်းသား။ ဆန္ဒလဲပြတယ်၊ ထမီလဲ ခိုးတယ်၊ ခိုးရင်းမိတာ နိုင်ငံရေး အကျဉ်းသား မဟုတ်ဘူးလေ။ သူခိုးလေ။ ၈၈ တုန်းက ပလိန်းကြီး ဖမ်းခံရတာ၊ ၂၀၂၁ မှာက ဒေါ်စုက မဲခိုးလို့ ဖမ်းခံရတာလေ။ မတူဘူး နိုင်ငံရေးအကျဉ်းသားတွေ လွတ်ပေးပါဆိုတိုင်း ဆန္ဒပြဖူးတဲ့ ထမီသာခိုးတော့ ရောလွတ်စရာ မလိုဘူးထင်တယ်။ သူ့ဟာသူ ဒေါ်စုက တရားရင်ဆိုင်လို့ တရားရုံးက အပြစ်မရှိဘူး ဆုံးဖြတ်ရင် လွတ်လိမ့်မပေါ့။ ဟုတ်ဖူးလား‘’ ဆိုပြီး ပြည်သူလူထုကို ဝေးဝါးလာအောင် သူ့ရဲ့ အကောင့်တွေကနေ တစိုက်မတ်မတ် ပုံဖျက် ပြောဆိုနေတာဖြစ်ပါတယ်။

IT လောကမှာ အတန်အသင့် လူသိများတဲ့ မြင့်ကျော်သူက စစ်တပ်အာဏာသိမ်းပြီးနောက် ဘန်ကောက်ကို ပြောင်းရွှေ့အခြေချ နေထိုင်နေသူဖြစ်ပြီး “Mohin Gar”အမည်နဲ့ မုန့်ဟင်းခါးဆိုင်ကို Phetchaburi လမ်းမ ပေါ်ရှိ Phenix Pratunam ၄ လွှာမှာ ဖွင့်လှစ်ထားတာ ဖြစ်ပါတယ်။

ထိုင်းနိုင်ငံ ဘန်ကောက်မှာ ရောက်ရှိနေထိုင်ကြတဲ့ မြန်မာနိုင်ငံသားတွေအနေနဲ့ စစ်အာဏာရှင် စေလွှတ်ထားတဲ့ သပ်လျှိုတွေနဲ့ မသတ်သက်ခြင်း ထိထိရောက်ရောက် လူမှုရေးအပြစ်ဒဏ် ပြုလုပ်ခြင်းဖြင့် အရေးယူကြဖို့ တိုက်တွန်းလိုက်ရပါတယ်။

24/07/2025

ကိုဂျင်မီ

ကိုဖြိုးဇေယျာသော်

ကိုလှမျိုးအောင်

ကိုအောင်သူရဇော်အားလုံးအတွက်

သွေးကြွေးမှာဆွေးနွေးစရာမရှိ💪💪💪

မဆုံးသေးတဲ့ခရီးလျှောက်လှမ်းလျက်ပါ💪💪💪

23/07/2025

စစ်အာဏာရှင်လူမိုက်အုပ်စု ​​ပြည်သူများကြားအ​ကြမ်းဖက်မှိုင်းတိုက်ဝါဒဖြန့်ချီရေးနှင့် ​ပြည်သူများအား အဓိကရုန်း အကြမ်းဖက်သတ်ဖြတ်ရေးပါတီ

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ
အသင်းဝင်များ၊

22/07/2025

နိုင်ငံသားတစ်ယောက်ကို ဒီလိုလုပ်လို့ရရင်
ဘယ်နိုင်ငံသားက လုံခြုံမှာလဲ။

22/06/2025

အရမ်းလှမိန့်ခွန်း (ဘက်မလိုက်ဝါဒဟာမီဒီယာတွေရဲ့ မုချ လိုက်နာရမည့် အချက်ပဲ)
📌📌📌📌📌📌📌📌📌📌📌
UN အစည်းအဝေးမှာပြောခဲ့တဲ့ အီရန်သံတမန်ရဲ့ မိန့်ခွန်းစကားလေးပါ
📍📍📍📍📍📍📍📍

(( ငါတို့က အနုမြူနဲ့ခြိမ်းခြောက်နေတယ်ဆိုတော့ ကမ္ဘာ့နျူကလီးယားစစ်ဆေးရေး IAEA အဖွဲ့ကို ယနေ့တိုင် တို့နိုင်ငံက ဝင်ရောက်စစ်ဆေးခွင့်ပေးထားတယ် .. ဘာကြောင့်ဆို ငါတို့က မဟုတ်တာ လုပ်မနေလို့ပဲ ...

တစ်ခုရှိတာက တို့ကို ပေါက်ပန်းလေးဆယ်စွပ်စွဲနေတဲ့ မင်းတို့အစ္စရေးနိုင်ငံကျတော့ ဘာကြောင့်များ IAEA ရဲ့ ဝင်ရောက်စစ်ဆေးမှုကို မခံဝံ့တာလဲ

တစ်ကယ်တမ်း တတိယကမ္ဘာစစ်ကိုဖြစ်အောင်လုပ်ပြီး ကမ္ဘာ့ပြည်သူတွေကို ေTကြေပျက်စီးအောင် စစ်မီးစမွှေးတာ မင်းတို့ပဲ .. မင်းတို့သာ နျူကလီးယားကဏ္ဍနဲ့ပတ်သက်ပြီး ကမ္ဘာကြီးမပျက်ဆီးအောင် မဟုတ်တာမလုပ်ထားဘူးဆိုရင် IAEA ရဲ့ ဝင်ရောက်စစ်ဆေးမှုကို ခံယူလိုက်လေ ..

အမေရိကန်နဲ့မင်းတို့ကိုတစ်ခုပြောချင်တာက နိုင်ငံငယ်တွေကို ကမ္ဘာ့ဥပဒေကို လေးစားလိုက်နာဖို့ တစ်ဖွဖွပြောလေ့ရှိတဲ့ မင်းတို့အတွက်ကျ သူတစ်ပါးနိုင်ငံထဲကို ကျူးကျော်စော်ကားဖို့ ကမ္ဘာ့ဥပဒေမလိုဖူး .. ကမ္ဘာမှာ ကိုယ့်ပြည်သူကိုယ်ပြန်Tတ်နေတဲ့လအာဏာရှင်နိုင်ငံတွေအများကြီး .. ငါတို့အစိုးရက ငါတို့ပြည်သူတွေအတွက် နိုင်ငံသားထောက်ပံ့ကြေးတွေ ၊ ပညာသင်စားရိတ် ၊ ကျန်းမာရေး စားရိတ် အစစအရာရာ အားလုံးထောက်ပံ့ပေးထားတယ် ..

ငါတို့ဘာသာအရ ငါတို့ရဲ့ ပညတ်ချက်တွေကို ငါတို့စောင့်ထိန်းလိုက်နာကြတာက အပြစ်တစ်ခုမဟုတ်ပါဘူး .. တို့ပြည်သူတွေက အာဏာရှင်လက်ထဲရောက်နေလို့ ဒုက္ခရောက်နေရသယောင်ယောင် မင်းတို့အုပ်စုက ကမ္ဘာ့ပြည်သူတွေနဲ့ တို့ကို အမြဲရန်တိုက်လေ့ရှိတယ် .. ငါတို့သာ ငါတို့ပြည်သူတွေအပေါ် အနိုင်ကျင့်မယ်ဆိုရင် တို့ပြည်သူတွေ နိုင်ငံပြင်ပကို အလုံးအရင်းနဲ့ထွက်ပြေးပြီး ရောက်ရာနိုင်ငံအသီးသီးမှာ နိုင်ငံရေးအရ ၊ ဘာသာရေး တင်းကျပ်ဖိနှိပ်မှုအရ ခိုလှုံကြမှာပေါ့ကွာ ...

ငါတို့ပြည်သူတွေနဲ့ ငါတို့နိုင်ငံကို အဖက်ဖက်က ကာကွယ်ထိန်းသိမ်းစောင့်ရှောက်ထားပါလျှက် ငါတို့ကို အာဏာရှင်တံဆိပ်ကပ်ပြီး ငါတို့ထက် အဆပေါင်းများစွာဆိုးဝါးလှတဲ့နိုင်ငံတွေကိုတော့ မသိကျိုးကျွံပြုထားတာ မင်းတို့ကျင့်သုံးတဲ့ ဒီမိုကရေစီလား ?

ငါတို့ပြည်သူတွေကို လာကယ်ထုတ်တယ်လို့ ဆိုရအောင် ငါတို့က ငါတို့ပြည်သူတွေအပေါ် ကြိမ်နဲ့တောင်တစ်ချက်မနှက်ဘူးဟ .. ငါတို့ထက် အဆပေါင်းများစွာဆိုးဝါးနေတဲ့ နိုင်ငံတွေကိုတော့ လစ်လျူရှု့ပြီး နိုင်ငံသားထောက်ပံ့မှုအပြည့်အဝရနေတဲ့ငါတို့ပြည်သူတွေကို အာဏာရှင်လက်အောက်က လာကယ်ထုတ်နေတာပါဆိုတော့ မင်းတို့စကားက ယောက်ကျားမပီသတဲ့ ပြည့်တန်ဆာစကားဖြစ်နေပါပြီ ...

အီရတ်ကိုလည်း နျူမရှိပဲ ရှိတယ်ဆိုပြီး မင်းတို့ဝိုင်းယုတ်ခဲ့ကြတယ် .. လစ်ဗျားကိုလည်း ထိုနည်းအတိုင်း မင်းတို့ လုပ်ကြံခဲ့ကြတယ် .. နိုင်ငံတစ်နိုင်ငံအပေါ် မင်းတို့ယုတ်တော့မယ်ဆိုရင် အဲ့နိုင်ငံကို အကြမ်းဖက်ခေါင်းစဥ် အာဏာရှင်ခေါင်းစဥ်တွေတပ်ပြီး ကမ္ဘာ့ပြည်သူတွေကို နှစ်အတန်ကြာအောင် မီဒီယာအားကိုးနဲ့ Brain Wash ကြိုလုပ်ပြီး လုပ်ကြံလေ့ရှိတတ်ကြတယ် ..

မင်းတို့ မတရားဝင်ကျူးတဲ့အချိန် ကမ္ဘာ့ဥပဒေမလိုပေမယ့် တို့တွေအတွက်တော့ သောက်သောက်လဲဥပဒေတွေကို လိုက်နာဖို့လိုအပ်နေတယ် .. မင်းတို့နိုင်ငံတွေမှာ မင်းတို့ပြည်သူတွေ စစ်ကိုမတိုက်ဖို့ နေ့စဥ်နဲ့အမျှ ဆန္ဒပြနေတာတောင် မင်းတို့ပြည်သူတွေရဲ့စကားကိုလစ်လျူရှု့ပြီး စစ်မီးကိုမင်းတို့ စမွှေးခဲ့ကြတယ် .. ဒါလား မင်းတို့ရဲ့ ဒီမိုကရေစီ

တစ်နိုင်ငံထဲကို သုံးလေးနိုင်ငံက ဝိုင်းတိုက်တာ သတ္တိမဟုတ်ဘူးကွ .. မင်းတို့နဲ့အတူ မင်းတို့အတွက် ဂုဏ်ယူနေသူတွေကိုလည်း အရမ်းအံ့သြတယ် .. အဲ့ဒါ သတ္တိမဟုတ်ဘူးကွ .. ဒါပေမယ့် ငါတို့ မမှုပါဘူး .. ငါတို့ ပါရှန်းတွေဟာ အသက်ပင်ေTပါစေ ၊ ရန်သူကို ဒူးထောက်ခဲ့ရိုး ထုံးစံမရှိပါဘူး .. ငါတို့နိုင်ငံ ၊ ငါတို့ဘာသာ ၊ ငါတို့ပြည်သူတွေအတွက် ငါတို့အသက်ကို စတေးရဲပါတယ် .. ငါတို့ရှင်သန်နေသ၍ ငါတို့အမိမြေအတွက် ငါတို့အသွေးအသားတွေကို စည်းရိုးအဖြစ်တန်ဆာဆင်ပြီး ငါတို့ပေးဆပ်ကာကွယ်သွားမှာပါ ))

20/06/2025

မတရားတဲ့အကောင်တွေ ရှေ့မှာ
တရားတဲ့ သူတော်ကောင်း အမေကြီးက
မတ်တပ်ရပ်နေတာမြင်ရတော့
ပြောမပြတတ်အောင် နာကျင်ရတယ်
ဖိုင်လေးကို လက်ကပိုက်ထားသေးတယ်

14/05/2025

ဒီပဲယင်း လေယာဥ်ကျဲသွားတဲ့ လေယာဥ်မှူး မအေလိုး....
ဒီကောင်တွေ မိသားစုက စစ်တပ်အမျိုးနွယ်တွေ ဖိုးကျော်+ဝင်းကြည် သား ၃ယောက် ညီအကို ၃ယောက်လုံး တပ်ထဲမှာ ကောင်းမြတ်ကျော်(တပ်ထဲမှာ ၂၀၁၂ သေ)၊ဇော်မင်းထင်ကျော် (ဒီပဲယင်းလေယာဥ်ကျဲ မအေလိုး)၊ချမ်းမြေ့ကျော်(နေပြည်တော်pharmacy ဆေးထုတ်ပေးတဲ့တပ်)၊ ဇာတိက ဟင်္သါတမြို့နယ်၊ခြင်ဘို့ အုပ်စု၊သဲရိုးအရှေ့စု ကျေးရွာ ခုမနေတော့ဖူး၊ ဟင်္သါတမြို့ တာငါးဆယ်မြောက် အလယ်လမ်းမှာ ကောင်းမြတ် ဆိုပြီး ပွဲရုံဖွင့်ထားတယ်။ ခွင့်ရရင် အလည်ပြန်လာတက်တယ် ၂၀၂၁ ကုန်ခါနီးတော့ ပြန်လာလို့ ဒီကောင့်အိမ်ကို မှိုင်းခွဲလိုက်သေးတယ်။လူတွေမထိခိုက်လိုက်ဖူး(အဖွဲ့အစည်းမသိ ) ဒီတစ်ကြိမ်တည်း ဒီကောင် ကျူးလွန်တာ မဟုတ်ဖူး ခဏခဏ ပဲ...သူ့ ပွဲရုံမှာ သူတို့ပုံတွေက ဟီးလို့ ချိတ်ထားတာ...အတိအကျဆုံးသတင်းပဲ။ facebook ပါဖျက်ပြေးသွားတယ် မအေလိုးက...👇👇👇
https://www.facebook.com/share/1CDFQDjcCF/

14/05/2025

19/04/2025

မြင်းမူမြို့နယ်၊ ကန်တော်ရွာကို စစ်တပ်က တိုက်ပွဲဖြစ်ပွားခြင်းမရှိဘဲ လေယာဉ်ဖြင့် ဗုံးကျဲ တိုက်ခိုက်မှု ကလေးငယ်များ အပါအဝင် ပြည်သူများ ထိခိုက်သေဆုံးမှုရှိ

ရန်ကုန်၊ ဧပြီ ၂၀

စစ်ကိုင်းတိုင်း၊ မြင်းမူမြို့နယ်၊ ကန်တော်ရွာကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ လေယာဉ်ဖြင့် ဗုံးကျဲ တိုက်ခိုက်ခြင်းကြောင့် ကလေးငယ်များ အပါအဝင် ပြည်သူများ ထိခိုက်သေဆုံးမှုရှိကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယမန်နေ့ ဧပြီလ ၁၉ ရက်နေ့ နံနက် ၁၁ နာရီ ၄၀ မိနစ်ခန့်တွင် မြင်းမူမြို့နယ်၊ ကန်တော်ရွာကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ လေယာဉ်ဖြင့် ဗုံးကျဲ တိုက်ခိုက်ခဲ့ခြင်းဖြစ်ကြောင်း သိရသည်။

အကြမ်းဖက် စစ်တပ်၏ လေကြောင်း တိုက်ခိုက်မှု အတွင်း ပြည်သူများ ထိခိုက်သေဆုံးမှုရှိသော်လည်း အရေအတွက်ကို အတည်ပြုနိုင်ခြင်းမရှိသေးကြောင်း သိရှိရသည်။

"မြင်းမူမြို့နယ် ကန်တော်ကျေးရွာကို တိုက်ပွဲဖြစ်ပွားခြင်းမရှိဘဲ လေယာဉ်နဲ့ ဗုံးကျဲ တိုက်ခိုက်သွားတာပါ။ တော်လှန်ရေး ရဲဘော်တွေ ရနိုင် သလောက်တော့ ကယ်ထုတ်နေရပါတယ်" ဟု ဒေသပြည်သူတစ်ဦးက ပြောဆိုသည်။

17/04/2025

ဧရာဝတီတိုင်း စစ်ဌာန မြစ်ဝကျွန်းပေါ်‌ဒေသကို အခြေချနိုင်တာ ပြည်သူ့ကာကွယ်ရေးတပ်မတော် တစ်ခုလုံး အတွက်အောင်ပွဲလို့ ကာကွယ်ရေးဝန်ကြီး ပြောကြား

ဧပြီ ၁၈

ဧရာဝတီတိုင်း စစ်ဌာနက မြစ်ဝကျွန်း ပေါ်‌ဒေသကို အခြေချနိုင်တာဟာ ပြည်သူ့ကာကွယ်ရေး တပ်မတော် တစ်ခုလုံး အတွက်အောင်ပွဲလို့ ဗျူဟာ (၂၉) AYA PDF ရဲ့ သင်တန်း ဆင်းပွဲမှာ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်ထောင်စုဝန်ကြီး ဦးရည်မွန်က ပြောကြားလိုက်ပါတယ်။

ပြည်သူ့ကာကွယ်ရေးတပ်မတော် ၊ အမှတ် (၂)စစ်ဆင်ရေးနယ်မြေ၊ တိုင်းစစ်ဌာန၊ (ဧရာဝတီ)၊ ဗျူဟာ (၂၉) AYA PDF ရဲ့ အခြေခံ စစ်ပညာ သင်တန်းဆင်းပွဲကို ပြီးခဲ့တဲ့ မေ ၂၅ ရက်မှာ ကျင်းပပြီးစီး ခဲ့တာပါ။

“စစ်ဗျူဟာအရ အဆင့် ၃ ဆင့်ကို ဖြတ်သန်း ကြရာမှာ ပထမအဆင့် ကွက်ပြည့်စစ်ရေးလှုပ်ရှားနိုင်အောင် ဒေသ တိုင်းမှာ တပ်တည်ဆောက်မှု ၊တပ်ဖြန့်နေရာယူမှုဟာ အတိုင်း အတာ တစ်ခုအထိအထမြောက်ခဲ့ပြီး၊ ဧရာတိုင်းသားတွေရဲ့ အိမ်ပြန်ခရီးက ကွက်ပြည့်မဟာဗျူဟာကို ပြည့်စုံစေခဲ့တယ်လို့” ပြည်ထောင်စုဝန်ကြီး ဦးရည်မွန်က ပြောပါတယ်။

ဒုတိယ အဆင့်အနေနဲ့ မဟာဗျူဟာ ထိုးစစ်ဆင်၊ မြို့သိမ်း၊စခန်းသိမ်း တိုက်ပွဲတွေ ဆင်နွှဲကြရမှာဖြစ်ပြီး ၊ တတိယ နောက်ဆုံးအဆင့်မှာ တစ်နိုင်ငံလုံး အထွေထွေထိုးစစ်ကြီးကို ဆင်နွှဲကြဖို့ ခြေလှမ်းအစ ဖြစ်တယ်လို့ဆိုပါတယ်။

PDF တပ်မတော် နဲ့ မဟာမိတ် တပ်တို့ဟာ အထွေထွေထိုးစစ်ကြီး အတွက်ပြင်ဆင်နေတယ်လို့လည်း အဆိုပါ သင်တန်းဆင်းပွဲ အမှာစကားမှာ ထည့်သွင်းပြောဆိုသွားတာပါ။

နှစ် ၇၀ ကျော် တည်ဆောက်ထားတဲ့ အကြမ်းဖက်လက်နက်ကိုင် တပ်ဖွဲ့ကို ၄ နှစ်သား PDF တပ်မတော်က ဦးကျိုးအောင် ချိုးပစ်နိုင် ခဲ့တယ်ဆိုတာ ရဲဘော်တို့ရဲ့ လက်ရုံးရည်၊နှလုံးရည်၊ထူးချွန်ထက်မြတ် တာကို ဖော်ပြနေတယ်လို့ ပြောပါတယ်။

ပြည်သူ့ကာကွယ်ရေးတပ်မတော်က အမိန့်နာခံမှုကောင်းပြီး စစ်ဘက်ဆိုင်ရာ ကျင့်ဝတ်စည်းကမ်းတွေကို လေးစားလိုက်နာ တယ်၊တိုက်စွမ်းရည်လည်းရှိတယ်ဆိုတာကို မဟာမိတ်တပ်မှူး တွေကပါ ချီးကြူးကြတယ် လို့ အသိပေးပါတယ်။

မြစ်ဝကျွန်းပေါ်သားတွေ တိုက်ပွဲဝင်နိုင်အောင် အဖက်ဖက်က ကူညီ ပေးခဲ့ကြတဲ့ မဟာမိတ်ခေါင်းဆောင်များ နဲ့ ရဲဘော်များကို အထူးကျေးဇူတင်ရှိတယ်လို့ဆိုပြီး တိုက်ပွဲ ၁၀၀ မှာ အောင်ပွဲ ၁၀၀ ရရှိပါစေလို့လည်း ဦးရည်မွန်က ထည့်သွင်းပြောကြားခဲ့ပါတယ်။

17/04/2025

စိုင်းဇော်သိုက်အား အမြန်ဆုံးပြန်လွှတ်ပေး

ပြည်သူများအတွက် သဘာဝဘေးအန္တရယ်အခြေအနေကို သတင်းပို့မှုဖြင့် ထောင်အနှစ် ၂၀ ချခံထားရသူ Myanmar Now ၏ ဓာတ်ပုံဆရာဖြစ်သည်။

#ကိုစိုင်းကို အမြန်ဆုံးပြန်လွှတ်ပေး

15/04/2025

ဖမ်းဆီးရမိထားသည့် တပ်မ ၇၇ တပ်မမှူး ဗိုလ်မှူးချုပ် အောင်သက်ဦးနှင့် တပ်သားများကို တရားစီရင်နိုင်ရန် စတင်စစ်ဆေးနေပြီဟု NUG အသိပေး

ဧပြီ ၁၅

အင်းတော်မြို့သိမ်းတိုက်ပွဲကနေ ဖမ်းဆီးရမိတဲ့ တပ်မ ၇၇ တပ်မမှူး ဗိုလ်မှူးချုပ် အောင်သက်ဦးနဲ့ တပ်သားတွေကို လုပ်ထုံးလုပ်နည်တွေနဲ့အညီ စစ်ဆေးနေပြီး စစ်ဆေးတွေ့ရှိချက်တွေအပေါ် အခြေခံကာ တရားစီရင်မယ်လို့ အမျိုးသားညီညွတ်ရေးအစိုးရ NUG က ထုတ်ပြန်ပြောဆိုလိုက်ပါတယ်။

ပြည်သူလူထုနှင့် နိုင်ငံတကာသို့ သတင်းစကားပြောကြားခြင်း ၈/၂၀၂၅ အစီအစဉ်မှာ NUG ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က ပြောကြားလိုက်တာဖြစ်ပါတယ်။

“ထိုးစစ်ရပ်ဆိုင်းထားတဲ့ကာလ ဧပြီလ ၇ ရက်နေ့ ည ၉ နာရီ ခန့်မှာ အင်းတော်မြို့ ဂျပန်လှိုဏ်ဂူမှာ အခြေပြုတပ်စွဲထားတဲ့ အကြမ်းဖက်စစ်တပ် တပ်မ ၇၇ ဟာ ဝန်းရံပိတ်ဆို့ထားတဲ့ တော်လှန်ရေးတပ်ဖွဲ့တွေရဲ့ ဖိအားကို ရေရှည် တောင့်ခံနိုင်ခြင်း မရှိတော့ဘဲ စခန်းစွန့်လွှတ်ဆုတ်ခွာ သွားတာကြောင့် အင်းတော်မြို့ကို အပြီးသတ်သိမ်းပိုက်ရရှိခဲ့သလို ဆုတ်ခွါထွက်ပြေးကြတဲ့ တပ်မမှူးနဲ့ တပ်သားတွေကိုလည်း စစ်သုံ့ပန်းတွေအဖြစ် ဖမ်းဆီးရမိခဲ့ပါတယ်။ လက်ရှိအချိန်မှာတော့ ဖမ်းဆီးရမိထားတဲ့ စစ်သုံ့ပန်းတွေကို စစ်သုံ့ပန်းဆိုင်ရာ မူဝါဒတွေနဲ့ အညီ ထိန်းသိမ်းထားပြီး စစ်ဆေးမေးမြန်းမှုတွေကို ဆောင်ရွက်လျက်ရှိပါတယ်။ စစ်သုံ့ပန်းတွေရဲ့ ထွက်ဆိုချက်၊ စစ်ဆေးတွေ့ရှိချက်တွေအပေါ် အခြေခံပြီး တရားစီရင်ရေးဆိုင်ရာ ကိစ္စရပ်တွေကို ဆက်လက်ဆောင်ရွက်သွားမှာဖြစ်ကြောင်း ပြောကြားလိုပါတယ်” လို့ ဦးနေဘုန်းလတ်က ဆိုပါတယ်။

အင်းတော်မြို့သိမ်းတိုက်ပွဲဟာ ၈လကျော်ကြာ ဆင်နွှဲခဲ့ကြတဲ့ ရက်ရှည်တိုက်ပွဲတစ်ခုဖြစ်ပြီး စစ်ကောင်စီတပ်တွေအနေနဲ့ စစ်ကူမရရှိခြင်း၊ မြေပြင်ကနေ လက်နက်ရိက္ခာခေါက်ပို့နိုင်မှု မရှိခြင်းနဲ့ ထိခိုက်သေဆုံးမှုများပြားခြင်းတို့ကြောင့် ဧပြီ ၇ရက် ညပိုင်းမှာ နောက်ဆုံးလက်ကျန် ဂျပန်လှိုဏ်ဂူစခန်းကနေ ဗိုလ်မှူးချုပ် အောင်သက်ဦး ဦးဆောင်တဲ့အဖွဲ့ဟာ စခန်းစွန့်ခွါ ထွက်ပြေးသွားခဲ့တာ ဖြစ်ပါတယ်။

အင်းတော်မြို့သိမ်းစစ်ဆင်ရေးကို အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ အမှတ် (၁) စစ်ဒေသကွပ်ကဲမှုနဲ့ ပြည်သူ့ကာကွယ်ရေးတပ်မတော် (PDF)၊ ကသာခရိုင် အမှတ် (၁) တပ်ရင်း၊ အမှတ် (၂) တပ်ရင်း၊ အမှတ် (၃) တပ်ရင်း၊ အမှတ် (၄) တပ်ရင်း၊ ကသာခရိုင် အထူးလှုပ်ရှား တပ်ခွဲ၊ အမှတ် (၁) အထူးတပ်ရင်း (SR-1)၊ အမှတ် (၁၀) အထူးတပ်ရင်း (SR-10)၊ ပြည်သူ့ကာကွယ်ရေးအဖွဲ့(အင်းတော်-ပကဖ)၊ ပြည်သူ့ကာကွယ်ရေးအဖွဲ့(ဗန်းမောက်-ပကဖ)၊ ပြည်သူ့ကာကွယ်ရေးအဖွဲ့(ကသာ-ပကဖ)၊ ပြည်သူ့ ကာကွယ်ရေးအဖွဲ့ (ကသာ ခရိုင်-ပကဖ)၊ အမှတ် (၂) ရွှေဘိုခရိုင် ကွပ်ကဲရေး၊ ရွှေဘိုခရိုင် အမှတ် (၆၊ ၉၊ ၁၂) တပ်ရင်းများ၊ ပြင်ဦးလွင်ခရိုင် အမှတ် (၅၀၉)၊ (၅၁၀)၊ (၅၁၂) တပ်ရင်း၊ ပြင်ဦးလွင်ခရိုင် အမှတ် (၁၊ ၂) တပ်ရင်း၊ ပခုက္ကူခရိုင် အမှတ် (၃၊ ၅၊ ၈၊ ၁၀၊ ၁၇) တပ်ရင်းများ၊ ကျောင်းသားတပ်မတော် (ABSDF) တပ်ရင်း (၁၁၊ ၁၄)၊ ကချင်လွတ်လပ်ရေးတပ်မတော်(KIA) တပ်မဟာ (၉)မှ အထူးစစ်ကြောင်း၊မိုးညှင်း(KPDF)၊ ကလေးခရိုင် အမှတ် (၁၀) တပ်ရင်း၊ Rocket တပ်ဖွဲ့၊ Drone ပူးပေါင်းတပ်ဖွဲ့ (MOD Drone Force၊ ABSDF၊ K2၊ SR-1၊ အမှတ် (၁၈၄၉) ဒရုန်းတပ်ဖွဲ့၊ ကန့်ဘလူခရိုင် ဒရုန်းတပ်ဖွဲ့)၊ ကသာခရိုင် လက်နက်ကြီးအဖွဲ့၊ စစ်ကိုင်းတိုင်းပကဖ လက်နက်ကြီးတပ်ဖွဲ့၊ မြင်းခြံခရိုင် ကွန်မန်ဒိုတပ်ဖွဲ့ တို့ ပူးပေါင်းပါဝင်ခဲ့တယ်လို့ NUG ကာကွယ်ရေးဝန်ကြီးဌာနက ထုတ်ပြန်ထားပါတယ်။