12/08/2026
တိတ်ဆိတ်ခြင်းက ပြောတဲ့စကား
တိတ်ဆိတ်နေခြင်းဟာ
စကားမရှိခြင်း မဟုတ်ပါဘူး။
တစ်ခါတလေ
မပြောဖြစ်တဲ့ စကားတွေထက်
တိတ်ဆိတ်နေခြင်းထဲမှာ
ပိုပြီးနက်ရှိုင်းတဲ့ အဓိပ္ပာယ်တွေ
ရှိနေတတ်ပါတယ်။
နာကျင်ပေမယ့် မပြောတော့တဲ့အခါ
မုန်းလို့ မဟုတ်ပါဘူး။
တချို့အရာတွေက
ရှင်းပြလေလေ
ပိုနာကျင်လာရတတ်လို့ပါ။
တိတ်ဆိတ်နေလိုက်ခြင်းဟာ
လက်လျှော့လိုက်ခြင်း မဟုတ်ပါဘူး။
ကိုယ့်စိတ်အေးချမ်းမှုအတွက်
ရွေးချယ်လိုက်ခြင်းပါ။
တစ်ချိန်တုန်းက
ကိုယ့်ကို နားလည်စေချင်ခဲ့တယ်။
ကိုယ့်ရဲ့ နာကျင်မှုတွေကို
သိစေချင်ခဲ့တယ်။
ဒါပေမယ့်…
အချိန်ကြာလာတဲ့အခါ
နားလည်စေဖို့ထက်
စိတ်ငြိမ်းချမ်းဖို့က ပိုအရေးကြီးတယ်ဆိုတာ
သိလာရပါတယ်။
တိတ်ဆိတ်ခြင်းက
ဘယ်သူမှ မမြင်နိုင်တဲ့
ကိုယ့်ရဲ့ ရင့်ကျက်မှုကို ပြသနေပါတယ်။
ပြန်လည်တုံ့ပြန်နိုင်ပေမယ့်
မတုံ့ပြန်တော့ခြင်း
အနိုင်ယူနိုင်ပေမယ့်
မအနိုင်ယူတော့ခြင်း
ပြောနိုင်ပေမယ့်
မပြောတော့ခြင်း
ဒါတွေဟာ
အားနည်းခြင်း မဟုတ်ပါဘူး။
ကိုယ့်စိတ်ကို
ကိုယ်ထိန်းနိုင်တဲ့ အင်အားပါ။
တချို့လူတွေက
ကိုယ်တိတ်ဆိတ်နေတာကို
မသိနားမလည်မှုလို့ ထင်တတ်ပါတယ်။
တကယ်တော့
တိတ်ဆိတ်နေတဲ့လူတစ်ယောက်ရဲ့ ရင်ထဲမှာ
ပြောမကုန်နိုင်တဲ့ အတွေးတွေ
ခံစားချက်ရဲ့နားလည်မှုတွေရှိနေတတ်ပါတယ်။
တကယ်ရင့်ကျက်လာတဲ့အခါ
လူတိုင်းကို ရှင်းပြနေစရာ မလိုတော့ပါဘူး။
အချိန်က အမှန်တရားကို
ပြောပေးမယ်ဆိုတာ ယုံကြည်လာပါတယ်။
ဘာလို့လဲဆိုတော့
အသံကျယ်တဲ့အရာတိုင်းက
အမှန်တရား မဟုတ်သလို
တိတ်ဆိတ်နေတဲ့အရာတိုင်းကလည်း
အလွတ်မဟုတ်ပါဘူး။
တစ်ခါတလေ
တိတ်ဆိတ်ခြင်းဆိုတာ ကိုယ့်နှလုံးသားက
ကိုယ့်ကိုယ်ကို ပြန်ပြောနေတဲ့
အနက်ရှိုင်းဆုံး စကားတစ်ခွန်းပါ။
လူတစ်ယောက်ရဲ့ တန်ဖိုးကို
သူဘယ်လောက်ပြောနိုင်လဲနဲ့ မတိုင်းပါနဲ့။
ဘယ်အချိန်မှာ
တိတ်တိတ်လေး နေနိုင်ပြီး
ဘယ်အချိန်မှာ
စိတ်ကို ထိန်းနိုင်လဲဆိုတာနဲ့ တိုင်းပါ။
တိတ်ဆိတ်ခြင်းထဲမှာ
အေးချမ်းမှုရှိတယ်။
ရင့်ကျက်မှုရှိတယ်။
ပြီးတော့…
ကိုယ့်ကိုယ်ကို နားလည်လာတဲ့
လူတစ်ယောက်ရဲ့အလှတရားရှိပါတယ်...။ ။
#တာယာ
Aud12.8.2026
