เว็บไซต์คืออะไร?

https://www.facebook.com/153566145590088/

Super One Media

အားကစားသတင်းများကို အချိန်နဲ့တပြေးညီ တင်ပေးနေပါမယ်

07/09/2026

ဇာဘီ အလွန်ဆို နဲ့ မီခေး အာတေတာ တို့ဟာ စန်ဆီဘက်စတီယန်မြို့က Antiguoko Kirol Elkartea အသင်းမှာ ငယ်ငယ်ကတည်းက အတူတူ ကစားခဲ့ကြတာဖြစ်ပြီး ပရီးမီးယားလိဂ်မှာ နည်းပြများအဖြစ် ပထမဆုံးအကြိမ် ထိပ်တိုက်ရင်ဆိုင် တွေ့ဆုံခဲ့ကြပါတယ်။

ငယ်သူငယ်ချင်းဟောင်း နှစ်ဦး တွေ့ဆုံတဲ့ပွဲမှာတော့ အာတီတာက အသာစီးရယူသွားနိုင်ခဲ့ပါတယ်။

07/09/2026

ဒီတစ်ပတ်မှာ ချန်ပီယံလိဂ်ပြိုင်ပွဲကြီး ပြန်လည်စတင်ပါပြီ။

အင်္ဂါ၊ ဗုဒ္ဓဟူး၊ ကြာသပတေး ၃ ရက်ဆက်တိုက် UCL ပွဲစဉ်တွေကို ကြည့်ရှုခံစားကြရတော့မှာပါ။
ကမ္ဘာ့အကောင်းဆုံး ကလပ်အသင်းများ ပြိုင်ပွဲကြီး ပြန်လာပါပြီ။

ဒီနှစ်မှာရော ဘယ်အသင်း ဆုဖလားကြီးကို မမြှောက်သွားမလဲ ?

06/09/2026

ချဲလ်ဆီးအသင်းဟာ ပရီးမီးယားလိဂ် သမိုင်းကြောင်းမှာ ပထမဆုံး ၃ ပွဲစလုံးရဲ့ ပထမ ၅ မိနစ်အတွင်း ဂိုးသွင်းယူနိုင်ခဲ့တဲ့ ပထမဆုံးအသင်း ဖြစ်လာခဲ့ပါတယ်။

⏱️ ၁ မိနစ် - ဂျိုအို ပက်ဒရို (ဖူဟမ်နှင့်ပွဲ)

⏱️ ၄ မိနစ် - ရိုမီယို လာဗီယာ (ဘရိုက်တန်နှင့်ပွဲ)

⏱️ ၂ မိနစ် - မော်ဂန် ရိုဂျာစ် (အာဆင်နယ်နှင့်ပွဲ)

ချဲလ်ဆီးအသင်းဟာ အာဆင်နယ်အသင်းကို နှစ်ဂိုး တစ်ဂိုးနဲ့ ရှူံးခဲ့ပေမယ့် အာဆင်နယ် ခံစစ်ကို ဒီရာသီ သွင်းဂိုးပေးရအောင် ပထမဆုံး လုပ်ပြနိုင်တဲ့ အသင်းဖြစ်ခဲ့ပါတယ်။

06/09/2026

ဘန်လေအသင်းဟာ ဂျေမီ ဗာဒီကို ဒီရာသီကုန်အထိ ပြောင်းရွှေ့ကြေးအလွတ်နဲ့ စာချုပ်ချုပ်ဆိုလိုက်ပါတယ်။

အသက် ၃၉ နှစ်အရွယ် လက်စတာစီးတီးနဲ့ အင်္ဂလန် တိုက်စစ်မှူးဟောင်းဟာ အီတလီကလပ် ကရီမိုနီးစ်အသင်းကနေ ထွက်ခွာခဲ့ပြီးနောက် အသင်းလက်မဲ့ ဖြစ်နေခဲ့တာပါ။ သူဟာ အခုအခါ ချန်ပီယံရှစ်ဇယား အောက်ဆုံးမှာ ရုန်းကန်နေရတဲ့ ဘန်လေအသင်းဆီ ပူးပေါင်းလိုက်ပြီဖြစ်ပြီး Turf Moorကွင်းဆီကို အတွေ့အကြုံကောင်းတွေနဲ့ သေချာပေါက် ဂိုးသွင်းယူနိုင်စွမ်းတွေကို ယူဆောင်လာပေးမှာ ဖြစ်ပါတယ်။

06/09/2026

အကယ်၍ ညီကိုတို့ဟာ ဒေးဗစ် လုဇ်တစ်ယောက် ဒီရက်ပိုင်းမှာ ဘာတွေလုပ်နေလဲဆိုတာ တွေးတိုင်ပင်နေမိတယ်ဆိုရင်တော့...

သူဟာ ဒီတစ်ပတ်မှာ အိုမိုးနီးယား နီကိုးရှားအသင်းကို အနိုင်ယူပြီး ပဖို့စ် အက်ဖ်စီအသင်းနဲ့အတူ သူတို့ရဲ့ သမိုင်းတစ်လျှောက် ပထမဆုံး ဆိုက်ပရပ်စ် စူပါဖလား ချန်ပီယံဆုကို အသင်းခေါင်းဆောင်အဖြစ် ဆွတ်ခူးပေးခဲ့ပါတယ်။

အသက် ၃၉ နှစ်အရွယ်မှာ သူချစ်မြတ်နိုးတဲ့ ဘောလုံးအားကစားကို ဆက်လက်လုပ်ဆောင်ရင်း သူ့ရဲ့ ကစားသမားဘဝကို အကောင်းဆုံး အသုံးချနေတာကို မြင်တွေ့ရတာ ဝမ်းသာစရာပါပဲ။

06/09/2026

ပြီးခဲ့တဲ့ရာသီ အင်္ဂလန်ချန်ပီယံရှစ်မှာ ချန်ပီယံဖြစ်ထားတဲ့ လမ်းပတ်ရဲ့ ကိုဗင်ထွီစီးတီးအသင်းဟာ ပရီးမီးယားလိဂ်မှာတော့ အဖွင့်မလှခဲ့ပါဘူး။ ကိုဗင်ထွီအသင်းက ရာသီအစ (၃)ပွဲဆက်တိုက် ရှူံးနိမ့်ထားခဲ့တာပါ။

အာဆင်နယ်ကို (၃)ဂိုးပြတ်နဲ့ ရှူံးတယ် ၊ ဟူးစီးတီးကို (၁)ဂိုးနဲ့ ကပ်ရှူံးတယ် ၊ မန်စီးတီးကို ထပ်ပြီး (၁)ဂိုးနဲ့ ကပ်ရှူံးတယ်။ ကိုဗင်ထွီတို့ ပွဲလဲကြပ်ခဲ့သလို ရမှတ် တစ်မှတ်မှ မရယူထားနိုင်သေးပါဘူး။

05/09/2026

အာလင်း ဟားလန်းဟာ ကလပ်အသင်း ကစားသမားဘဝမှာ သွင်းဂိုး စုစုပေါင်း ၃၀၀ ပြည့်မြောက်သွားခဲ့ပြီဖြစ်ပါတယ်။

▪️ မိုးဒေး (Molde FK) - ၂၀ ဂိုး

▪️ ရက်ဒ်ဘူးလ် ဇာလ်ဘာဂ် (Red Bull Salzburg) - ၂၉ ဂိုး

▪️ ဒေါ့မွန် (Borussia Dortmund) - ၈၆ ဂိုး

▪️ မန်ချက်စတာ စီးတီး (Manchester City) - ၁၆၅ ဂိုး

စုစုပေါင်း သွင်းဂိုး — ၃၀၀ ဂိုး

ဟာလန်းကတော့ အမှန်တကယ် တားဆီးလို့မရတဲ့ ဂိုးသွင်းစက်ကြီးပါပဲ။

05/09/2026

နေမာက သူဟာ အခြားကလေးတွေနဲ့ မတူဘဲ ထူးခြားနေတယ်ဆိုတာကို သိရှိခဲ့ရတဲ့ အခိုက်အတန့်အကြောင်း အခုလို ပြောပြခဲ့ပါတယ်။

“ကျွန်တော် အသက် ရှစ်နှစ်၊ ကိုးနှစ်တုန်းက ပြိုင်ပွဲတစ်ခုမှာ ပါဝင်ကစားရင်း တစ်ပွဲတည်းနဲ့တင် ၈ဂိုး၊ ၉ဂိုးလောက် သွင်းယူခဲ့ဖူးပါတယ်”

“ကျွန်တော် ဘောလုံးရတာနဲ့ အားလုံးကို လှည့်ပတ်ကျော်ဖြတ်၊ ဂိုးသွင်းပြီးရင် ကျွန်တော့်အဖေဆီ ပြေးသွားပြီး ပွေ့ဖက်အောင်ပွဲခံခဲ့တာပါ”

“၄ဂိုး၊ ၅ဂိုးမြောက်လောက် ရောက်တော့ အခြားမိဘတွေက ကျွန်တော်ဟာ တစ်ယောက်တည်း ဆော့နေပြီး ဘောလုံး လုံးဝမပေးဘူးလို့ ပြောကြတာကြောင့် အဖေက အားနာပြီး ရှက်ပင်ရှက်လာခဲ့ပါတယ်”

“ကျွန်တော် အဖေ့ဆီ ပြန်ပြေးသွားပြီး ဖက်ဖို့လုပ်တော့ အဖေက ‘ဟေ့ကောင်... မလုပ်နဲ့၊ မလုပ်နဲ့တော့’ လို့တားခဲ့ပါတယ်”

“ဒါဟာ ကျွန်တော် အခြားသူတွေနဲ့ မတူဘဲ ထူးခြားနေမှန်း သိလိုက်ကြတဲ့ အချိန်ဖြစ်ပြီး၊ အဲ့ဒီနောက်ပိုင်း ကျွန်တော့်ကို အသက်ကြီးတဲ့ ကလေးတွေနဲ့အတူ သွားရောက်ကစားဖို့ မြှင့်တင်ပေးခဲ့ကြပါတယ်”

05/09/2026

၂၀၁၄ ကမ္ဘာ့ဖလား မစခင်မှာ လမ်းမတွေကို ဆေးသုတ်ခဲ့ရတဲ့ ဘဝကနေ နောက်ပိုင်းမှာ ယှဉ်ပြိုင်ခဲ့တဲ့ ကမ္ဘာ့ဖလား ပြိုင်ပွဲနှစ်ခုလုံးမှာ တိုင်းပြည်အတွက် ပါဝင်ကစားပေးနိုင်ခဲ့တဲ့အထိ ဂေဘရီယယ် ဂျေးဇူးရဲ့ သာမန်ဘဝကနေ အံ့အားသင့်ဖွယ် တိုးတက်အောင်မြင်လာမှုကတော့ လျှော့တွက်လို့မရနိုင်ပါဘူး။

သူဟာ ၂၀၂၃ ခုနှစ်ကတည်းက လက်ရွေးစင်အသင်းမှာ ပါဝင်ကစားခွင့် မရတော့ပေမဲ့ အသက် ၁၇ နှစ်အရွယ်မှာ လမ်းမပေါ် ဆေးသုတ်ခဲ့ရတဲ့ ကလေးတစ်ယောက်အတွက် လက်ရွေးစင်အသင်းမှာ ၆၄ ပွဲအထိ ပါဝင်ခွင့်ရခဲ့ပြီး မန်စီးတီး၊ အာဆင်နယ်လို အသင်းကြီးတွေမှာ ကစားခဲ့ဖူးရုံတင်မကဘဲ ခုဆိုရင် ဘာစီလိုနာအသင်းဆီပါ ပြောင်းရွှေ့နိုင်ခဲ့တာဟာ အမှန်တကယ်ကို အံ့ဩဖွယ်ကောင်းတဲ့ အောင်မြင်မှုပါပဲ။

05/09/2026

ထိုင်းနိုင်ငံ၊ ဘန်ကောက်မြို့မှာ ကျင်းပသွားတဲ့ ONE Fight Night 47 ပြိုင်ပွဲရဲ့ ခေါင်တွဲဆိုင်းအဖြစ် ယှဉ်ပြိုင်ကစားခဲ့ရာ ထိုင်းစူပါစတား စတမ်း ဖဲတက်စ်က အမေရိကန် ဖိုက်တာ ဆယ်လီနာ ဖလောရက်စ်ကို ဒိုင်အဆုံးအဖြတ်နဲ့ အနိုင်ရရှိသွားခဲ့ပါတယ်။

အက်တမ်ဝိတ် မွေထိုင်း ပွဲစဉ်အဖြစ် (၃) ချီအပြည့် ယှဉ်ပြိုင်ခဲ့ကြတဲ့ အဆိုပါ ပွဲစဉ်မှာ နှစ်ဖက် ဖိုက်တာတွေက အမှားအယွင်း မရှိစေဖို့ စောင့်ဆိုင်း ကစားခဲ့ကြလို့ ပွဲစဉ်က ရင်ခုန်စရာ သိပ်မကောင်းဘဲ သာမန်အတိုင်းသာ ပြီးဆုံးခဲ့တာပါ။

(၃) ချီအပြည့် ယှဉ်ပြိုင်ပြီးချိန်အထိ အရှုံးအနိုင် မပေါ်ခဲ့တဲ့အတွက် ဒိုင်အဆုံးအဖြတ် ခံယူခဲ့ရပြီး အမှတ်ပေးဒိုင် နှစ်ဦးက စတမ်းကို အနိုင်ပေးကာ တစ်ဦးက ဖလောရက်စ်ကို အနိုင်ပေးခဲ့သဖြင့် စတမ်း ဖဲတက်စ်က မပြတ်သားတဲ့ ဒိုင်အဆုံးအဖြတ် (Split Decision)နဲ့ နိုင်ပွဲ ရရှိခဲ့ခြင်း ဖြစ်ပါတယ်။