Paradigm

ทางลัด

• ที่อยู่
• เบอร์โทรศัพท์
• แจ้งเตือน
• ติดต่อ ธุรกิจของเรา
• อ้างสิทธิ์หรือรายงานรายการ

• 

  ต้องการให้ธุรกิจของคุณ ธุรกิจ ขึ้นเป็นอันดับหนึ่ง บริษัท สื่อ ใน Sa Kaeo?

បេសកកម្ម

មនុស្សបច្ចុប្បន្នបានវង្វេងកាន់តែឆ្ងាយទៅៗពីមារគារ៍ត្រូវនៃជីវិត ម្នាក់ៗមិនយល់ថាជីវិតជាអ្វី មិនយល់ថាអ្វីជាបេសកកម្មជីវីត អ្វីជាបុព្វហេតុជីវិត។ រស់ពី១ថ្ងៃទៅ១ថ្ងៃមិនមានគោលដៅ. មិនទាំងដឹងថាខ្លួនចង់បានអ្វីអោយពិតប្រាកដ មិនដឹងថាខ្លួនចង់បានអ្វីអោយពិតប្រាកដចេញពីជីវិតខ្លួន និងសម្រាប់ជីវិតរបស់ខ្លួន។ មនុស្សមិនអាចរស់នៅទាំងមិនដឹងថាខ្លួនចង់បានអ្វីនោះទេ តែកាលណាគេមិនដឹងថាគេចង់បានអ្វីឬមិនដឹងថាខ្លួនចង់ទៅណា នោះ អ្វីក៏គេមិនបាន និងណាក៏គេមិនទៅដល់។ តែទោះមិនបានអ្វីពីជីវិតនេះឬ មិនបានទៅដល់ណាក៏មិនជាបញ្ហាសម្រាប់ជីវិតនោះដែរ អោយតែគេអាចរស់នៅដោយរីករាយពិតប្រាកដ ស្ងប់សុខពិតប្រាកដនិង​សន្តិភាពផ្លូវចិត្តពិតប្រាកដ។ ដើម្បីអាចរីករាយពិតប្រាកដ ស្ងប់សុខពិតប្រាកដនិងសន្តិភាពផ្លូវចិត្តពិតប្រាកដបានមិនមែនទាល់តែរស់នៅដោយមានគោលដៅឬមានបេសកកម្ម ឬក៏ត្រូវសម្រេចគោលដៅឬបេសកកម្មជីវិតទាំងនោះក៏ទេដែរ តែផ្ទុយទៅវិញគឺស្ថានភាពចិត្តដែលពាល់ត្រូវថាជីវិតគឺអីចឹងទេតើ។​ បន្ទាប់ពីពាល់ត្រូវថាជីវិតគឺអីចឹងហើយយើងទៅដល់ស្ថានភាពនៃចិត្តនៃការព្រមទទួលយកការពិតនៃធ្មជាតិនេះគ្រប់បែបយ៉ាងហើយស្ថានភាពចិត្តនេះហើយដែលជាចិត្តរីករាយពិតប្រាកដ ស្ងប់សុខពិតប្រាកដនិងសន្តិភាពផ្លូវចិត្តពិតប្រាកដ។ សួរថាពេលបានដល់ស្ថានភាពនៃចិត្តដែលពាល់ត្រូវការពិតហើយតើយើងគួរយកជីវិតនេះទៅធ្វើអ្វី? តាមពិត ទោះយើងមិនចាំបាច់យកជីវិតនឹងទៅធ្វើអ្វីក៏យើងនៅតែរីករាយ ស្ងប់សុខនិងសន្តិភាពផ្លូវចិត្តដែរ តែទោះយើងមិនយកជិវិតនេះទៅធ្វើអ្វីក៏វាគង់តែនឹងត្រូវធ្វើអ្វីដដែលជាដដែលទេព្រោះជីវិតគឺអីចឹង ទោះយើងមិនធ្វើអ្វីសោះក៏យើងនៅតែធ្វើ”មិនធ្វើអ្វី"សោះនឹងដែរ ដូចនេះទោះចង់មិនចង់យើងត្រូវតែយកវាមកធ្វើអ្វីមួយតែមិនព្រោះតែយើងចង់ធ្វើនោះទេតែព្រោះថាវាត្រូវតែអីចឹង ព្រោះធម្មជាតិនៃជីវិតនេះគឺវាអីចឹង។ ដូចនេះជីវិតទាំងអស់ត្រូវតែធ្វើអ្វីមួយហើយការដែលត្រូវធ្វើធ្វីមួយនេះហើយគឺបេសកកម្មជីវិត។ តែសួរថា"ការដែលត្រូវធ្វើអ្វីមួយ"នឹងគឺជាអ្វី? អ្វីៗគ្រប់យ៉ាងនៅក្នុងចក្រវាលនេះ(ឬរួមទាំងចក្រវាលផ្សេងបើមាន)ទោះនៅក្នុងដែន(Dimension)ផ្សេងគ្នាក៏សុទ្ធតែមានអត្ថិភាព(មានវត្តមាន)ទៅបានដោយអាស្រ័យគ្នាទៅវិញទៅមកទោះយើងដឹងឬមិនដឹងក៏ដោយ(មិនអាស្រ័យConsciounessរបស់យើងទេ)។​ គ្រប់អត្ថិភាពនៅក្នុងដែននៃជិវិតយើងក៏ដូចគ្នាគឺវាអាស្រ័យគ្នាទៅវិញទៅមក ដូចនេះជីវិតនេះគឺវាអាស្រ័យលើអត្ថិភាពផ្សេងឬជីវិតផ្សេងហើយជីវិតនេះវាក៏ជាទីពឹងអោយអត្ថិភាពផ្សេងឬជីវិតផ្សេងសម្រាប់អាស្រ័យដូចគ្នា។​ ការដែលត្រូវធ្វើជាទីពឹងសម្រាប់ជីវិតផ្សេងឬអត្ថិភាពផ្សេងអាស្រ័យនេះហើយដែលជាបុព្វហេតុនៃជីវិតនេះ។ ជីវិតប្រាស្រ័យគ្នាគ្រប់រូបភាពគ្រប់បែបយ៉ាងគ្រប់សន្ថានហើយការដែលយើងជ្រើសរើសថាអោយអត្ថិភាពផ្សេងឬជីវិតផ្សេងអាស្រ័យជីវិតមួយនេះដោយរបៀបណានឹងហើយដែលជាបេសកកម្មជីវិត។