24/06/2024
နတ်သစ်ရွက်
-----------------
18+
ဆေးလိပ်သောက်တာက ကင်ဆာဖြစ်တယ်၊
Cannabis လို့ခေါ်တဲ့ဆေးခြောက်က
ကင်ဆာဆဲလ်တွေကိုသေအောင်သတ်ပေးနိုင်တယ်။
ကင်ဆာဖြစ်စေတဲ့ဆေးလိပ်ကတရားဝင်တယ်၊
ကင်ဆာကိုကာကွယ်နိုင်တဲ့ဆေးခြောက်ကတရားမဝင်ဘူး၊
အဲဒီကစပြီးလွဲတော့တာပဲ။
ဗုဒ္ဓပြောဖူးတဲ့
"အငွေ့တစ်မျိုးကိုသုံးစွဲပြီးပီတိနဲ့မွေ့လျော်လေ့ရှိကြတဲ့ ရဟန်းတွေဟာ တရားဘက်မှာ ရှေ့မတက်နိုင်ဖြစ်လေ့ရှိကြတယ်"
ဆိုတာ ဆေးတံ၊ ဆေးလိပ်ကိုပြောတာ မဟုတ်ဘူးဗျ၊
Cannabis ကိုရည်ညွှန်းတာပဲ။
ဒီအချက်ကိုထောက်ရင် ဆေးခြောက်သုံးတဲ့ ရဟန်းတွေ၊ သူတော်စင်တွေ
ရှေးပဝေသဏီကတည်းကရှိခဲ့တယ် လို့ဆိုရမလိုဖြစ်နေတာပေါ့၊
ပါဠိလို့ "ဝိဇယ"လို့ခေါ်သတဲ့၊
ဝိဇယဆိုတာ စျာန်အသေးစားလေးလို့ဆိုလိုတာပါ။
(မဟာဝိဇယ ရဲ့အနက်ကိုစဉ်းစားကြည့်ပေါ့ဗျာ
"မဟာဆေးခြောက်😄😂😂)
ရှေးဟောင်း အီဂျစ်၊ ရောမနဲ့ ဂရိရာဇဝင်တွေက နတ်ဘုရားတွေသုံးစွဲလေ့ရှိကြတဲ့
နတ်သစ်ရွက်(Holy plants)ဆိုတဲ့အမည်နဲ့ ဒီအပင်အကြောင်းကို
အကျယ်တဝင့်အမွှန်းတင်ရေးသားထားတဲ့စာပိုဒ်တွေအများကြီးဖတ်ရဖူးတယ်။
ဆူမားရီးယန်း အရုပ်စာတွေနဲ့
ခရစ်တော်ရဲ့ ပန်းချီပုံတစ်ချို့မှာလည်း
ဆေးခြောက်ပင်ရဲ့ပုံသဏ္ဌာန်နဲ့ဆင်တူတဲ့ (ဓာတ်ချဉ်ပေါင် လိုလို)အပင်တွေကို
ထည့်သွင်းရေးဆွဲထားတာမျိုးလဲတွေ့ရဖူးတယ်။
နောက်
နာဆာ(NASA)လို့သိကြတဲ့ USအမျိုးသားလေကြောင်းနဲ့အာကာသဆိုင်ရာသိပ္ပံသုတေသန အဖွဲ့ကြီးက ဆေးခြောက်(Cannabis)မှာ ဂြိုဟ်သား DNA ပါတယ် ဆိုတာ အတည်ပြုထားပြန်တယ်ဗျ။
ဒီအချက်က
ဆေးခြောက်သည်
တပါးသောစကြာဝဠာတွေဆီက
ဘယ်သူတွေယူလာမှန်း၊
ဘယ်ပုံဘယ်နည်းနဲ့ရောက်လာမှန်း အတိအကျမသိရသေးတဲ့ အပင်လို့ နာဆာက တရားဝင်ဖွင့်ပြောလိုက်တာပဲ၊
ကမ္ဘာပေါ်က အပင်မျိုးရင်းမဟုတ်ဘူးဆိုပါတော့ဗျာ။
ရောဂါအမျိုးမျိုးကိုကာကွယ်ပေးနိုင်သတဲ့၊
ထူးခြားတဲ့စိတ်ကူးဥာဏ်ကွန့်မြူးရာမှာ
အင်မတန်အထောက်အပံ့ပေးပြီး မမြင်အပ်တဲ့အရာတွေကိုတောင်မြင်လာနိုင်စေတယ်လို့ဆိုတယ်၊
ဆိုလိုတာက ဒါကိုမှီဝဲပြီးမြင်တဲ့အမြင်တွေ ခံစားရတဲ့အသိတွေဟာ မူးပြီးဆေးကြောင်တာ မဟုတ်ဘူး၊
တကယ့်အမှန်တရားနဲ့နီးလာတာဖြစ်ပါသတဲ့၊
ဥပမာဗျာ
နေ့နဲ့ညနဲ့ပြောင်းလဲဖြစ်ပေါ်နေတာဟာ ကမ္ဘာကြီးလည်နေလို့ဆိုပါတော့၊
ဒီလိုကမ္ဘာကြီးလည်နေတာကိုသာမန်အသိနဲ့မခံစားရဘူး၊
အဲ Cannabis ကိုမှီဝဲထားတဲ့အချိန်မှာတော့ကမ္ဘာကြီးလည်နေတာကိုတငြိမ့်ငြိမ့့်နဲ့ခံစားမိလာတယ်၊
ဒါကိုတစ်ချို့ကမသိတော့
ကမ္ဘာကြီးလည်နေမှန်းတကယ်ခံစားမိလာတာကို ဆေးကြောင်တယ်လို့ထင်ကြတာမျိုးဆိုပါတော့)
ဟောလိဝုဒ်ကကမ္ဘာကျော်ဒါရိုက်တာကြီး
စတီဗင်စပီးဘတ်ခ်က သူရိုက်ကူးခဲ့တဲ့ Avator ရုပ်ရှင်ဇာတ်ကားအကြောင်းအင်တာဗျူးမှာ တောင်တန်းတွေတိမ်လိုမျောလွင့်နေတဲ့ ကဒ် ကိုဖန်တီးခဲ့တဲ့ idea ကိုသူ cannabis သောက်ပြီးရခဲ့တာဖြစ်ကြောင်းပြောပြဖူးတယ်။
ဒီလို ရာဇဝင်နဲ့ချီပြီး အစဉ်အလာကြီးခဲ့တဲ့ နတ်သစ်ရွက် ကို
လက်တကမ်းလောက်ပဲအမြင်ရှိကြတဲ့မီယံမာ ပြည်မှာ တွေ့တာနဲ့အဖမ်းခံထိတယ်၊
၂ကျပ်သားလောက်မိရင် ထောင် အနှစ် ၂၀ လောက်ချပစ်လို့ဘဝပျက်ခဲ့ရတဲ့လူငယ်တွေလဲအများကြီးပဲ။
ပြောရင်
အလွဲသုံးတဲ့လူတွေ၊ အလွန်အကျွံသုံးတဲ့လူတွေကြောင့်ပိတ်ပင်ထားရပါတယ် လို့ဆင်ခြေပေးဦးမယ်။
အလွန်အကျွံသုံးတာကတော့ အရက်အလွန်အကျွံသောက်ရင်လည်းအသည်းခြောက်ပြီးသေရမှာပဲ၊
ထမင်း အလွန်အကျွံစားရင်လည်း ဆီးချိုဖြစ်မှာပဲ၊
မြန်တာနဲ့နှေးတာပဲကွာလိမ့်မယ်။
သူတို့ကျတော့ တိုင်းရင်းသားတွေကိုဘိန်းစိုက်ပြီးတစ်ဖက်လှည့်နဲ့ရောင်းခိုင်းရတာနဲ့
(အာဖဂန်နစ္စတန်ပြီးရင် ဒုတိယဘိန်းအထွက်ဆုံးနိုင်ငံတဲ့ တစ်ကမ္ဘာလုံးသိတယ်)
ခရိုနီတွေအသီးစက်ရုံထောင်တာကို မသိချင်ယောင်ဆောင်ပေးရတာနဲ့
(အသီးမှာလဲ ကမ္ဘာ့စံချိန်ကိုအကြိမ်ကြိမ်ချိုးထားပြီးပြီ)
အရူးကွက်နင်းနေတာ။
Cannabis တော့မစိုက်ဘူး၊
စျေးကောင်းမရလို့တဲ့။
ကုန်ကုန်ပြောရရင်တက္ကသိုလ်က ကထိက အဆင့်လိုလူတန်းစားတွေကပါ မြန်မာပြည်မှာဒီအပင်ကို ဓာတုကင်းလွတ်ဆေးဝါးအဖြစ် တရားဝင်သုံးစွဲခွင့်ပြုဖို့၊ အကန့်အသတ်နဲ့စိုက်ပျိုးခွင့်ပြုဖို့ စာတမ်းတင်ခဲ့ဖူးတဲ့ မှတ်တမ်းတွေရှိခဲ့ဖူးတယ်ဗျ။
သူတို့မအောင်မြင်ခဲ့ဘူး၊ ဒီအကြောင်းကိုအပြင်လူတွေလည်းသိခွင့်မရခဲ့ကြဘူး။
ရှေးရိုးစွဲအမြင်ရှိတဲ့လူတစ်ယောက်အနေနဲ့တော့ ဒီပို့စ်ကိုဖတ်မိရင်ကိုယ့်ကိုတစ်မျိုးထင်ချင်ထင်မှာပေါ့၊
ခုပြောနေတာက ဆေးခြောက်ရှုဖို့အလွဲသုံးဖို့တိုက်တွန်းနေတာမဟုတ်ဘူး၊
ဒီလောက်အဖက်ဖက်က အသုံးဝင်တဲ့ တန်ဖိုးကြီးတဲ့အပင်ကို
ရောဂါကုသရေးမှာအသုံးပြုခွင့်ရဖို့
အတိုင်းအတာတစ်ရပ်အထိတရားဝင်ခွင့်ပြုပေးသင့်တယ် ဆိုတာ
ဗဟုသုတအဖြစ်ပြောပြရုံသက်သက်ပါပဲ။
တစ်နေ့က H**p စိုက်ခင်းကိုဝင်ဖမ်းတယ် ဆိုတဲ့ နလပိန်းတုံး တွေကိုကြည့်မရတော့လို့ ဒီရာဇဝင်ကိုပြောပြတာဗျာ။
ဒါနဲ့
ဟို အသီးတို့ ဘိန်းတို့တော့မပါဘူးနော်
အဲဒါတွေကတော့ တကယ် ဘဝပျက်မယ့်ဟာတွေ၊
အစ တောင်မလုပ်မိစေနဲ့။
