เว็บไซต์คืออะไร?

https://www.facebook.com/105423715045200/

ญอมือ Story

▪️ สืบสานผญาอีสาน, วิถีชีวิตต่างๆอีสานบ้านเฮาขอบคุณทุกท่านที่คอยติดตาม สนับสนุนและเป็นกำลังใจที่สำคัญที่สุดเสมอค่ะ❤🙏

18/12/2025

อันว่าชีวิตนี้ บ่มักมีให้มันหลาก
ขอแค่ปากท้องอิ่ม มีหม่องซ้นกะพอมวล
มีผู้ฮักอยู่ใกล้ คอยเบิ่งแยงถนอมอุ่น
บุญประคองซ่อยยู้ สุขล้ำลื่นทาง

คำแปล: ชีวิตนี้ไม่ต้องการมีอะไรมากมาย ขอแค่มีข้าวกินอิ่มท้อง มีที่อยู่อาศัยที่คุ้มแดดคุ้มฝน และมีคนที่รักอยู่ใกล้ๆ คอยดูแลกัน แค่นี้ก็ถือว่าเป็นบุญและเป็นความสุขที่สุดแล้ว
#ผญาอีสาน #ผญา #ผญาญอมือ #ผญาคนป่า #อีสาน #บ้านเฮา

17/12/2025

พี่น้องเอ้ย...เดือนสุดท้าย..ของปี. 2568 แล้วเด้อ.. ครับ
แสงตะเว็นสีส้ม. สายลมโชยพัดวีๆ
เดือนเจียงเดือนหยี่. ฟัง เสียงลมพัดไม้.
ใจสท้านอ่อนไหว แท้แหลว....
เอิ้นใส่น้องและอ้าย พ.ศ.ใหม่สิเวียนมา.ละเด้อ
วันเวลาสิเวียนหมุน. ผ่านไปบ่หยุดยั้ง..
สิ่งที่ยังคงไว้. คือหัวใจให้ฮักแก่น
ถึงบ่ได้เป็นแฟน. ให้ฮักคืออ้ายน้อง
คือท้องพ่อแม่เดียว. นี่ล่ะเด้อ อ้ายน้องเอย
#เขียนโดย:คนป่า
#ผญาอีสาน #ผญา #ผญาญอมือ #ผญาคนป่า #อีสาน
#บ้านเฮา #ธรรมชาติ

13/12/2025

พี่น้องเอ้ย...

ฟังเสียงคึ้มคึ้มก้อง. ฮ้องสนั่นเทิงบน
หากบ่แมนเสียงฝน. กะฮึ่มดังคึเสียงฟ้า...
เสียงดังมาแต่ทางถ้ำ. กัมพูชาเขมรต่ำ.
คึดนำแต่พี่น้อง ผองเพื่อนหมู่เฮา
ปลอดภัยเด้อหมู่เจ้า. ก้ำฝ่ายชายแดน
แสนสิทรมานทุกข์ แตกเฮือนเพฮ้าง
สังมาคือคำเว้า. เขาทำนายหมายเหตุ
ประเทศแตกม้าง. ทวยฮ้ายบอกลาง แท้น้.
ขอให้พวกอ้ายน้อง. ผองหมู่อยู่แนวหลัง
กำลังใจคือยา. ส่งมาสมานเอื้อ..
เปรียบดั่งเฮือเวินน้ำ มือซาวดึงจ่อง...
ส่อยกันเด้ออ้ายน้อง ยามหนีฮ้อยเผิ่งกัน ซั่นแหลว
#เขียนโดย:คนป่า
#ผญาอีสาน #ผญา #ผญาญอมือ #ผญาคนป่า #อีสาร #บ้านเฮา

12/12/2025

หมากพร้าวอยู่สวน เฮือนเฮากะมีกิน
น้ำซำบ่อดิน มันกะซื่นใจแท้
ข้าวเหนียวในเล้า เฒ่าแก่เพิ่นปลูกไว้
เลี้ยงชีวิตใหญ่น้อย ให้ได้อยู่ดีแฮง

กบเขียดอยู่โผ้ง บ่งามคือปลาทอง
แต่มันเป็นของแซ่บ ของคู่สำรับอีสาน
ปลาแดกในไห กะบ่หอมคือแกงฝรั่ง
แต่มันเป็นพลัง ให้คนอยู่ได้สู่มื้อ
#ผญาอีสาน #ผญา #ผญาญอมือ #ผญาคนป่า #อีสาน #บ้านเฮา

11/12/2025

อ้ายน้อง ผญาญอมือเฮาเอ้ย...
ให้อดสาบงเบี้ย. ผักกาดฮิ่นไว้ในแปลง.แนถ้อน
ให้ฮักแพงถนอมจิต. คิดว่าซุมแซงเชื้อ.
เผียบดังเขือยืนต้น. นานดนเป็นขื่น.จริงแหลว
วันคืนหากจ่งไว้. ยังสิได้ใส่ลาบเทา.แมนบ่
ขอให้สุขสมหวังในวันนี้ หรือสุขขีสุขขังวันข้างหน้า

วันนี้ทุกข์พรุ่งนี้สุขสมอุรา. เผื่อวันหน้าขอเพิ่มสุขทุกวันคืน. เดือนสุดท้ายของปีเก่า นับวันไปอีกไม่กี่นาทีข้างหน้า ทุกๆอย่างก็คงผ่านไป.ๆ สิ่งใหม่ๆคงเข้ามาแทนที่ แต่สิ่งที่คงอยู่กับเราไม่จางหายไป. ฃอให้เป็นความทรงจำ.
#เขียนโดยคนป่า
#ผญาอีสาน #ผญา #ผญาญอมือ #ผญาคนป่า #อีสาน
#บ้านเฮา

08/12/2025

ยามพ่อแม่ยังอยู่ ยืนค้ำซูสู่คนสร้าง
บัดพอเพิ่นล้มม้าง มรดกซ่างเป็นปอง
พี่กับน้องของไผมัน ยาดแย่งกันบ่มีเหลือ
ย้อนว่าเงินเป็นเชื้อ โลภะฮ้ายเข้าครอบครอง

▪️คุณค่าของคนมากกว่ามูลค่าของเงิน จงรักษาเพชรเม็ดงามแห่งความสัมพันธ์นี้ไว้ อย่าปล่อยให้สนิมเงินทองมากัดกร่อน
#ผญาอีสาน #ผญาญอมือ #ผญา #ผญาคนป่า

05/12/2025

กล้วย. 2. เคือนี้พี่น้องเอ้ย. เคือได๋สิได้กินโดน. พี่น้องว่า..
สุขอิหยัง. กะให้คือสุกกล้วย
ย้ามเฮาหิว. กินแก้เหมื่อย พี่น้องเอ้ย
ให้มีสุขไปเรื่อยๆ อย่ามีมื้อหม่นหมอง
อ้าย.และน้อง ให้คือดั่งใจหมาย
ปรารถนาแนวได๋. ให้ดั่งใจหวังไว้
หวังอยากมีเงินใช้ ให้สมใจทุกๆอย่าง
เงินไหลหลั่งเข้าบ้าน. คือน้ำอั่งหนอง.เด้ออ้ายน้องเอย
#เขียนโดยคนป่า
#ผญาอีสาน #ผญา #ผญาญอมือ #ผญาคนป่า

03/12/2025

พี่น้องเอ้ย...
อย่าสุไลลาถิ่ม หัวกอยดอนเก่า..เด้อ.
ซุมผญาข่อยและเจ้า อย่าลาฮ้างห่างกัน
คำเก่าๆนั่น พากันหมั่นศึกษา
ภูมิปัญญา ให้หมั่นเอาม าใช้
อย่าสุไลลืมถิ่ม คือของเบิ๊ดค่า
เปรียบจั่งพ้าขี่เหมี่ยง ฝนหินก้า.สิหมึ่นคม.แท้แหลว.
#เขียนโดยคนป่า
#ผญาอีสาน #ผญา #ผญาญอมือ #ผญาคนป่า