TNA Online TV

02/05/2025

ကျိုင်းတုံမြို့မှာ ဖြစ်ပွားခဲ့တဲ့ ဆိုင်ကယ် အလစ်သုတ် ခိုးယူမှု
https://youtu.be/JqPNCCpG0uI

ရှမ်းပြည်နယ်အရှေ့ပိုင်း၊ ကျိုင်းတုံမြို့ ဝင်းတည်းခိုခန်း(၂)မှာ ငွေလာလွှဲသူရဲ့ ဆိုင်ကယ်ကို အလစ်သုတ် ခိုးယူတဲ့ ဖြစ်စဉ် ၂၀၂၅ခုနှစ် မေလ(၂)ရက်နေ့ ည(၆)နာရီ မိနစ်(၄၀)ဝန်းကျင်အချိန်က ဖြစ်ပွားခဲ့ပါတယ်။

ဆိုင်ကယ် အလစ်သုတ်ခိုးယူတာကို အချိန်မီ သိရှိသွားတဲ့အတွက် ကံကောင်းထောက်မစွာနဲ့ ပြန်လုယူနိုင်ခဲ့ပါတယ်။

ဒီဖြစ်စဉ်မှာ ဆိုင်ကယ်ပိုင်ရှင်ဟာ ဆိုင်ကယ်ကို ရပ်တန့်စဉ်မှာ ဆိုင်ကယ်သော့ကို မဖြုတ်သွားသလို ဆိုင်ကယ်စက်ကိုလည်း မပိတ်ခဲ့ဘဲ ဒီအတိုင်းထားခဲ့တာကို ဆိုင်ကယ်ခိုးဖို့ လှည့်လည်သွားလာနေတဲ့ သူခိုးအဖွဲ့က တွေ့ပြီး အခုလို အလစ်သုတ် ခိုးယူဖို့ ကြိုးစားခြင်း ဖြစ်တာကို CCTV မှတ်တမ်းအရ တွေ့ရပါတယ်။

အခုဆိုရင် ကျိုင်းတုံမြို့ဟာ တာချီလိတ်မြို့လိုဘဲ ဆိုင်ကယ် လုယက်မှုတွေနဲ့ အလစ်သုတ်ခိုးယူမှုတွေ နီးစဉ်နီးပါး ဖြစ်ပွားနေပါတယ်။

ကျိုင်းတုံမြို့မှာ ဖြစ်ပွားခဲ့တဲ့ ဆိုင်ကယ် အလစ်တုပ် ခိုးယူမှုရှမ်းပြည်နယ်အရှေ့ပိုင်း၊ ကျိုင်းတုံမြို့ ဝင...

30/04/2025

တာချီလိတ်မြို့တွင် ဆိုင်ကယ် ခိုးခံရ
https://youtu.be/haDvzq3VMRY
* * * * *

တာချီလိတ်မြို့၊ ဆန်ဆိုင်း(ခ)ရပ်ကွက်၊ ဝမ်မိုင်ရွာမှ ပုံလို့လမ်းဘက်သို့ သွားသည့် နေအိမ်အခန်းငှားတွင် ၂၀၂၅ခုနှစ် ဧပြီလ(၃၀)ရက်နေ့ နံနက်(၄)နာရီ ဝန်းကျင်အချိန်က ၂၀၁၉ခုနှစ်ထုတ် Wave i အမျိုးအစား ဆိုင်ကယ်တစ်စီး ခိုးခံရသည်။

ဆိုင်ကယ်သူခိုးအဖွဲ့သည် နေအိမ်ခြံဝန်းတံခါးကို ဖွင့်ပြီး ဆိုင်ကယ်အား ခိုးယူပြီးနောက် ခြံဝန်းတံခါးကို ပြန်လည်ပိတ်ပေးသွားသည်ကို CCTV မှတ်တမ်းတွင် တွေ့ရသည်။

ခိုးယူခံရသည့် ဆိုင်ကယ်အား ရောင်းချ ပေါင်နှံသည်ဖြစ်စေ တွေ့ရှိရသူများ အနေဖြင့် ဖုန်း 09943386246 သို့ ဆက်သွယ် ကူညီအကြောင်းကြားပေးနိုင်ကြောင်း အကူအညီတောင်းခံထားရှိသည်။

တာချီလိတ်မြို့တွင် ဆိုင်ကယ် ခိုးခံရhttps://youtu.be/haDvzq3VMRY* * * * *တာချီလိတ်မြို့၊ ဆန်ဆိုင်း(ခ)ရပ်ကွက်၊ ဝမ်မိုင်ရွာမှ ပုံလို....

23/04/2025

[ Live ] "ကမ္ဘာ့အခင်းအကျင်းအသစ်များနှင့် မြန်မာ့ရှေ့ရေး" စကားဝိုင်း
https://www.facebook.com/share/v/15CiwDfsMh/
* * * * *

သူတို့အတွေး သူတို့အသံ စကားဝိုင်းအစီအစဉ်မှ “ကမ္ဘာ့အခင်းအကျင်းအသစ်များနှင့် မြန်မာ့ရှေ့ရေး" စကားဝိုင်းကို ယနေ့ ၂၀၂၅ခုနှစ် ဧပြီလ(၂၃)ရက်နေ့ နံနက်(၈)နာရီအချိန်က စပြီး တိုက်ရိုက်ထုတ်လွှင့်နေလျှက်ရှိသည်။

စကားဝိုင်းတွင် Z Nang Raw (WAC-M)-NUCC Council Member)၊ ကိုနေတင်မြင့် (NYCBC-ICN)၊ နှင့် ကိုအောင်ကျော်မြင့် (UH4NM-ICN)တို့က ပါဝင်ဆွေးနွေးကြမည်ဖြစ်ပြီး Host အဖြစ် သူတို့အတွေး သူတို့အသံ (TVTV)မှ ကိုစိုးထွဋ်က ဆောင်ရွက်ထားသည်။

စကားဝိုင်းတွင် မြန်မာ့ရှေ့ရေး အပေါ် အကျိုးသက်ရောက်နိုင်မှုများ၊ ပေါ်ပေါက်လာမည့် အားနည်းချက်၊ အားသာချက်၊ စိန်ခေါ်မှု နှင့် အခွင့်အလမ်းများ၊ မည်သို့ ရှေ့ဆက်ဆောင်ရွက်သင့်သည်များ နှင့် ပြောင်းလဲလာနေသည့် ကမ္ဘာ့အခင်းအကျင်းအသစ်များကို ဆွေးနွေးသုံးသပ်ကြမည် ဖြစ်သည်။

04/04/2025

ဘန်ကောက်ရောက် မင်းအောင်လှိုင် တည်းခိုသည့် ဟိုတယ်အတွင်း ထိုင်း တက္ကသိုလ်ကျောင်းသားတစ်ဦး ဝင်ရောက်ပြီး တစ်ကိုယ်တော် ဆန္ဒထုတ်ဖော်
https://youtu.be/2DHFq3Ee1JY
* * * * *

ဘန်ကောက်ရောက် မင်းအောင်လှိုင် တည်းခိုသည့် ရှန်ဂရီလာဟိုတယ်အတွင်း ဝင်ရောက်ပြီး ထိုင်းတက္ကသိုလ်ကျောင်းသားတစ်ဦး ၂၀၂၅ခုနှစ် ဧပြီလ(၄)ရက်နေ့ ညနေ(၄)နာရီခွဲဝန်းကျင်တွင် တစ်ကိုယ်တော် ဆန္ဒထုတ်ဖော်ခဲ့သည်။

တစ်ကိုယ်တော်ဆန္ဒထုတ်သူမှာ ထိုင်းနိုင်ငံသား ပထမနှစ် တက္ကသိုလ်ကျောင်းသားဖြစ်ကြောင်း ကနဦး သိရသည်။

၎င်းသည် ဟိုတယ်အတွင်း ဝင်ရောက်ပြီး "အာဏာရှင် လူသတ်သမား မင်းအောင်လှိုင်ကို ထိုင်းနိုင်ငံက မကြိုဆိုဘူး။ အပြည်မဲ့ပြည်သူ (၆,၀၀၀)ကျော်ရဲ့ သွေးတွေ စွန်းထင်းနေတဲ့ လက်ကို လက်ဆွဲနှုတ်ဆက်ရတာ ဝန်ကြီးချုပ် ပေထုံတန်ရှင်နာဝပ် အနေနဲ့ ဘယ်လိုခံစားရသလဲ။ ဒီမိုကရေစီနိုင်ငံလို့ ကြွေးကြော်ထားပေမဲ့ အပြစ်မဲ့ ပြည်သူတွေကို သတ်တဲ့ စစ်အာဏာရှင်နဲ့ ဆွေးနွေးပွဲ လုပ်ရတာ မရှက်ဘူးလား။ ထိုင်းနိုင်ငံက မြန်မာပြည်သူတွေနဲ့ ရပ်တည်တယ်။ ထိုင်းပြည်သူတွေက လူသတ် အာဏာရှင်တွေကို လက်မခံဘူး"ဟု အဓိပ္ပါယ်သက်ရောက်သည့် ထိုင်းဘာသာစကားဖြင့် ကြွေးကြော်ကာ ဆန္ဒထုတ်ဖော်ခဲ့ခြင်း ဖြစ်သည်။

ယင်းနောက် ၎င်းအား လုံခြုံရေးအဖွဲ့များက ဟိုတယ်ပြင်ပသို့ ခေါ်ထုတ်သွားကြောင်းနှင့် ဆက်လက်၍ ရဲတပ်ဖွဲ့က ဖမ်းဆီးပြီး ရဲစခန်းသို့ ခေါ်ဆောင်သွားသည်ဟု ကနဦး သိရသည်။

အာဏာသိမ်း စစ်ခေါင်းဆောင် မင်းအောင်လှိုင်သည် BIMSTEC ထိပ်သီးအစည်းအဝေးတက်ရောက်ရန်အတွက် ၂၀၂၅ခုနှစ် ဧပြီလ(၃)ရက်နေ့က ရောက်ရှိနေခြင်း ဖြစ်ပြီး ၎င်းတည်းခိုသည့် ဟိုတယ်ရှေ့တွင် ဧပြီလ(၃)ရက်နေ့က ဆန္ဒပြသည့် မြန်မာတစ်ဦးလည်း ဖမ်းခံထားရသည်။

Video: ประชาไท Prachatai.com

ဘန်ကောက်ရောက် မင်းအောင်လှိုင် တည်းခိုသည့် ဟိုတယ်အတွင်း ထိုင်း တက္ကသိုလ်ကျောင်းသားတစ်ဦး ဝင်ရောက်ပြီး တစ်က.....

03/04/2025

အင်းလေး Myanmar Treasure Hotel & Resort တောမီးမှတဆင့် မီးကူးစက် လောင်ကျွမ်း
https://youtu.be/jKBNCJ_1sS8
* * * *

ရှမ်းပြည်နယ် (တောင်ပိုင်း) ညောင်ရွှေမြို့နယ် အင်းလေးဒေသရှိ Myanmar Treasure Hotel & Resort တွင် ၂၀၂၅ ခုနှစ် ဧပြီလ (၃)ရက်နေ့ နေ့လည်ပိုင်းကစပြီး ညနေပိုင်းအထိ တောမီးမှတဆင့် မီးကူးစက်လောင်ကျွမ်းနေကြောင်း သိရသည်။

ညောင်ရွှေမြို့နယ် မိုင်းသောက်ရွာ အင်းလေးကန်အတွင်းရှိ အဆိုပါဟိုတယ်တွင် နေ့လယ် (၂)နာရီဝန်းကျင်ကစပြီး မီးကူးစက်လောင်ကျွမ်းသွားခြင်းဖြစ်သည်ဟု ဒေသခံများထံက သိရသည်။

အင်းလေးဒေသသည် ပြီးခဲ့သည့် မတ်လ (၂၈)ရက်နေ့က စစ်ကိုင်းနှင့် မန္တလေးအနီး ဗဟိုပြုခဲ့သည့် အင်အားပြင်းငလျင်ကြောင့် ငလျင်ဒဏ်ခံရသည့် ဒေသတစ်ခုဖြစ်ပြီး ငလျင်ဘေးကယ်ဆယ်ရေး လုပ်နေရချိန်လည်း ဖြစ်သည်။

Video: Wai Min Phyoe, Lu Khant, May Nadi Hline

အင်းလေး Myanmar Treasure Hotel & Resort တောမီးမှတဆင့် မီးကူးစက် လောင်ကျွမ်းhttps://www.facebook.com/share/p/1XnAfAUrYT/* * * * ရှမ်းပြည်နယ် (တောင်ပိုင်း) ညော...

31/03/2025

တရုတ်အဖွဲ့က မန္တလေးတွင် ငလျင်ကြောင့် အဆောက်အဦးများအကြား နာရီပေါင်း (၆၀)နီးပါး ပိတ်မိနေသည့် အမျိုးသမီးတစ်ဦးကို ပထမဆုံး ကယ်ထုတ်
https://youtu.be/UviDeK40cTw
* * * *

မန္တလေးမြို့တွင် ငလျင်အပျက်အစီးပုံအောက် နာရီပေါင်း (၆၀)နီးပါး ပိတ်မိနေသည့် အမျိုးသမီးတစ်ဦးကို တရုတ်ကယ်ဆယ်ရေးအဖွဲ့က ၂၀၂၅ ခုနှစ် မတ်လ (၃၁)ရက်နေ့အကူးတွင် ကယ်ထုတ်နိုင်ကြောင်း သတင်းထုတ်ပြန်လာသည်။

အဆိုပါ အမျိုးသမီးမှာ တရုတ်ကယ်ဆယ်ရေးအဖွဲ့ မန္တလေးရောက်ပြီး ပထမဆုံး ကယ်ဆယ်လိုက်နိုင်သူဖြစ်ကြောင်း သိရသည်။

ကယ်ဆယ်ရေးတွင် ဒေသခံ မြန်မာ့ကယ်ဆယ်ရေးအဖွဲ့များ၊ ရှန်းကျန့် (Shenzhen) စေတနာ့ဝန်ထမ်းကယ်ဆယ်ရေးအဖွဲ့နှင့် ရုရှားကယ်ဆယ်ရေးအဖွဲ့တို့သည် အဆိုပါ ကယ်ဆယ်ရေးလုပ်ငန်းတွင် ပူးပေါင်းပါဝင်ခဲ့ကြသည်ဟု သိရသည်။

မန္တလေးတွင် ငလျင်အတွင်း ပြိုကျသွားသည့် ဂရိတ်ဝေါဟိုတယ်အပါအဝင် အပျက်အစီးပုံအောက်တွင် အသက်ရှင်လျက် ပိတ်မိနေသူများ၏ အော်ဟစ်အကူအညီတောင်းသံများ ကြားနေရဆဲဖြစ်ကြောင်း သိရသည်။

Video: Chinese Embassy in Myanmar

တရုတ်အဖွဲ့က မန္တလေးတွင် ငလျင်ကြောင့် အဆောက်အဦးများအကြား နာရီပေါင်း (၆၀)နီးပါး ပိတ်မိနေသည့် အမျိုးသမီးတစ်ဦး...

30/03/2025

ငလျင်သတင်း လာယူမည့် နိုင်ငံခြားသတင်းထောက်များကို တည်းခိုရန် အဆင်မပြေ၍ဟုဆိုကာ စစ်ကောင်စီက သတင်းရယူခွင့် ပိတ်ပင်
* * * * *

နိုင်ငံခြားသတင်းထောက်များ မြန်မာနိုင်ငံအတွင်း ငလျင်ဘေးနှင့်ပတ်သက်၍ သတင်းရယူလိုကြောင်း ဆက်သွယ်လာမှုအပေါ် စစ်ကောင်စီ၏ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ၂၀၂၅ခုနှစ် မတ်လ(၃၀)ရက်နေ့ ညပိုင်းတွင် ပြောကြားထားခြင်း ဖြစ်သည်။

Youtube: https://youtu.be/jAjLRAj8gaI

ငလျင်သတင်း လာယူမည့် နိုင်ငံခြားသတင်းထောက်များကို တည်းခိုရန် အဆင်မပြေ၍ဟုဆိုကာ စစ်ကောင်စီက သတင်းရယူခွင့် ပ.....

13/03/2025

တာချီလိတ်မြို့ ဆန်ဆိုင်ဈေးအနီး ဗိုလ်ချုပ်အောင်ဆန်းလမ်းမကြီးဘေး ဆိုင်ကယ်များ မကြာခဏ ခိုးခံနေရ
https://youtu.be/o5OpU9XJM8U
* * * * *

နေ့ရော ညပါ ခိုးဆိုး လုယက်မှုတွေ နေ့စဉ် ဖြစ်ပွားနေတဲ့ တာချီလိတ်မြို့မှာ ဆန်ဆိုင်းဈေးအနီးမှာ နံနက်ပိုင်း ဆိုင်ကယ်ခိုးခံရမှုတွေ ခဏခဏ ဖြစ်နေပါတယ်။

အခုမြင်တွေ့ရတဲ့ နေရာကတော့ ဆန်ဆိုင်းဈေးအနီး နံနက်ပိုင်း ဈေးရောင်းနေကြတဲ့ ဗိုလ်ချုပ်အောင်ဆန်းလမ်းမကြီးဘေးမှာဖြစ်ပြီး ဒီဖြစ်စဉ်ဟာ ၂၀၂၅ခုနှစ် မတ်လ(၁၂)ရက်နေ့ နံနက် (၇)နာရီ (၅)မိနစ်အချိန်က ဖြစ်ပါတယ်။

Tachileik News Agency က ရရှိထားတဲ့ CCTV မှတ်တမ်းအရ ဆိုင်ကယ်ခိုးရန်အတွက် ကြံစည်နေတဲ့ အမျိုးသား(၂)ဦးဟာ ခိုးယူမဲ့ ဆိုင်ကယ် နဲ့ လူအခြေအနေကို (၇)မိနစ်ကြာ စောင့်ဆိုင်းကြည့်ပြီးမှ ခိုးယူသွားတာကို တွေ့ရပါတယ်။

နံနက်ပိုင်းမှာ ဈေးလာဝယ်တဲ့ လူတွေရဲ့ ဆိုင်ကယ်တွေ မကြာခဏ အခုလို ခိုးခံရမှုတွေဖြစ်ပေမဲ့လည်း သက်ဆိုင်ရာကို CCTV နဲ့တကွ ပေးပို့ တိုင်ကြားပေမဲ့လည်း ထိရောက်မှုမရှိဘူးလို့ သိရပါတယ်။

ဒီဖြစ်စဉ် ဖြစ်ပွားတဲ့ မတ်လ(၁၂)ရက်နေ့ရဲ့ နံနက်(၉)နာရီခွဲဝန်းကျင်အချိန်တုန်းကလည်း ရန်အောင်မြေရပ်ကွက် ပါလျှံ(၂)ထဲမှာ ဓါးပြတိုက်မှု ဖြစ်ပွားခဲ့ပါသေးတယ်။

တာချီလိတ်မြို့မှာ နေ့ရော ညပါ ခိုးဆိုးလုယက်မှုနဲ့ ဓါးပြတိုက်မှုတွေအပြင် ပြန်ပေးဆွဲမှုတွေလည်း မကြာခဏ ဖြစ်ပွားနေပေမဲ့ သက်ဆိုင်ရာများကတော့ မဆိုင်သလို နေဆဲဖြစ်ပါတယ်။

တာချီလိတ်မြို့ ဆန်ဆိုင်ဈေးအနီး ဗိုလ်ချုပ်အောင်ဆန်းလမ်းမကြီးဘေး ဆိုင်ကယ်များ မကြာခဏ ခိုးခံနေရ* * * * *နေ့ရော ညပ...

04/02/2025

ဖမ်းမိသည့် စစ်သုံ့ပန်းထဲက တစ်ဦးမှာ တော်လှန်ရေးရဲဘော်၏ အစ်ကိုဖြစ်နေပြီး ညီအစ်ကို နှစ်ဦး ပြန်ဆုံခွင့်ရ
https://youtu.be/sbR6b-EjnJ4
* * * * *

ရှမ်းပြည်နယ်မြောက်ပိုင်း နောင်ချိုမြို့နယ် တောင်းခမ်းဒေသတွင် ယနေ့ ၂၀၂၅ခုနှစ် ဖေဖော်ဝါရီလ(၄)ရက်နေ့ နံနက်ပိုင်းက ဖြစ်ပွားခဲ့သော တိုက်ပွဲအတွင်း ဖမ်းဆီးရမိခဲ့သည့် စစ်သုံ့ပန်းထဲတွင် ဓနုပြည်သူ့လွတ်မြောက်ရေး တပ်တော်(DPLA)ရဲဘော်တစ်ဦး၏ အစ်ကိုဖြစ်သူ ပါဝင်လာသဖြင့် ပြန်လည်ဆုံတွေ့ကြသည်ဟု သိရသည်။

ယနေ့ နံနက်ပိုင်းတွင် စစ်ကောင်စီတပ်သည် တောင်းခမ်းဒေသရှိ အမြောက်တပ်(၉၀၂)နှင့် အမြောက်တပ်(၄၀၆) တို့မှ ထွက်လာရာက TNLA ပူးပေါင်း DPLA တပ်များနှင့် တောင်းခမ်းဒေသတွင် တိုက်ပွဲများဖြစ်ပွားပြီး စစ်သုံ့ပန်း(၅)ဦးကို ဖမ်းဆီးရမိရာ DPLA ရဲဘော်တစ်ဦး၏ အစ်ကိုလည်း ပါဝင်လာခြင်းဖြစ်သည်။

“စစ်ကောင်စီတပ်သားတွေ ဖမ်းမိတဲ့အထဲမှာ ရဲဘော်ရဲ့အစ်ကို ပါလာတယ်။ ကျွန်တော်တို့ရဲဘော်တွေထဲမှာလည်း သူ့ညီအရင်းပါတော့ သူတိုချင်းတွေပြီးတော့မှ အခုလိုမျိုးတွေ့ဆုံကြတာဗျ။ သူ့ညီလေးကတော့ သူ့အစ်ကို ကို ပြုစုနေတယ်ပေါ့ဗျာ။ ဒဏ်ရာကြီးကြီးမားမားတော့ မရှိပါဘူး။ ပွန်းတာ ပဲ့တာလောက်ပါပဲ ပြုစုနေတာရှိတယ် ။ စားချင်တာကျွေးနေတယ်ဗျ။”ဟု DPLA ရဲဘော်တစ်ဦးက Tachileik News Agency ကို ပြောသည်။

အဆိုပါ စစ်ကောင်စီတပ်သားများသည် အလင်းဝင်လာခြင်း မဟုတ်ဘဲ တောင်းခမ်းဒေသတွင်ပင် တိုက်ပွဲဖြစ်ပြီး ဖမ်းဆီးရမိခဲ့ခြင်းဖြစ်ကာ လက်ရှိတွင် တိုက်ပွဲပြင်းထန်နေသည်ဟုလည်း သိရသည်။

ဓနုပြည်သူ့လွတ်မြောက်ရေးတပ်ဦး ( Danu People's Liberation Front - DPLF ) ရဲဘော်၏ အစ်ကို ဖြစ်သူမှာ စစ်ကောင်စီတပ်ထဲတွင် အနေကြာနေသူဖြစ်ပြီး ရာထူးအနေဖြင့် တပ်ကြပ်အဆင့်ရှိသူ ဖြစ်ကြောင်း သိရသည်။

“အခုလောလောဆယ်တော့ ဖြစ်စဉ်အားလုံး မသိရသေးဘူး။ သူ့အစ်ကိုက နဂိုကတည်းက စစ်တပ်ထဲမှာရှိနေတာ။ ရဲဘော်ကတော့ တော်လှန်ရေး DPLA ကို ဝင်လာတာ။ သူ့အစ်ကိုက စစ်ကောင်စီတပ်ထဲမှာ ရှိတယ်ဆိုတာကတော့ ကျွန်တော်တိုလည်း ဒီနေ့မှ သိရတာပါဗျ။ သေသေချာချာတော့ မသိရသေးဘူး။ သူတိုလုံးဝအဆက်အ သွယ်မရတာ ကြာပြီလိုတော့ သိရတယ်။”ဟု DPLA ရဲဘော်တစ်ဦးက ပြောသည်။

နောင်ချိုမြိုတောင်ဘက် တောင်းခမ်းကျေးရွာရှိ စစ်ကောင်စီ၏ အမြောက်စခန်းကွပ်ကဲမှုဌာနချုပ် (မစခ-၉၀၂)နှင့် ယင်းလက်အောက်ခံ အမြောက်တပ်ရင်း သုံးရင်းဖြစ်သော အမတ(၃၅၄)၊ အမတ(၂၀၆)၊အမ(၄၀၆)တိုကို TNLA ၊ PDF နှင့် ပူးပေါင်းတပ်များက ပြီးခဲ့သည့်နှစ်ကပင် ထိုးစစ်ဆင်တိုက်ခိုက်နေခြင်းဖြစ်သည်။

ရှမ်းပြည်နယ်မြောက်ပိုင်း နောင်ချိုမြို့နယ် တောင်းခမ်းဒေသတွင် ယနေ့ ၂၀၂၅ခုနှစ် ဖေဖော်ဝါရီလ(၄)ရက်နေ့ နံနက်ပိ....

03/02/2025

ဆားတောင်ရဲစခန်းနှင့် စာသင်ကျောင်းတွင် တပ်စွဲထားသည့် စစ်ကောင်စီတပ်ဖွဲ့ဝင်များကို ဒရုန်းဖြင့် ဗုံးသီးပစ်ချ တိုက်ခိုက်
https://youtu.be/qG_9G7gglTE
* * * * *

စစ်ကိုင်းတိုင်း စစ်ကိုင်းမြို့နယ် ဆားတောင်မြို့ ရဲစခန်းနှင့် စာသင်ကျောင်းတွင် တပ်စွဲထားသည့် စစ်ကောင်စီတပ်ဖွဲ့ဝင်များအား ဒရုန်းဖြင့် ဗုံးသီးများပစ်ချ တိုက်ခိုက်ခဲ့ကြောင်း Royal Falcon Guerilla Force အဖွဲ့ထံမှ သိရသည်။

၂၀၂၅ ခုနှစ် ဖေဖော်ဝါရီလ ( ၁ ) ရက်နေ့တွင် ဆားတောင်မြို့ ရဲစခန်းတွင် တပ်စွဲထားသည့် စစ်ကောင်စီတပ်ဖွဲ့ဝင်များအား ဒရုန်းဖြင့် ဗုံးသီး ( ၅ ) လုံး ၊ စာသင်ကျောင်းတွင် တပ်စွဲထားသည့် ပျူစောထီးများအား ဒရုန်းဖြင့် ဗုံးသီး ( ၃ ) လုံးတော်လှန်ရေးတပ်ဖွဲ့များက ပစ်ချတိုက်ခိုက်ခဲ့ခြင်းဖြစ်ကြောင်း သိရသည်။

အဆိုပါ တိုက်ခိုက်မှုများအတွင်း စစ်ကောင်စီတပ်ဖွဲ့ဝင်တချို့ ထိခိုက်ဒဏ်ရာ ရရှိခဲ့သည်ဟု သတင်းရရှိထားကြောင်း Royal Falcon Guerilla Force အဖွဲ့က ဆိုသည်။

တိုက်ခိုက်မှုဆောင်ရွက်ပြီးနောက် ဆားတောင်မြို့ စာသင်ကျောင်းတွင် တပ်စွဲထားသည့် ပျူစောထီးများမှ လက်နက်ကြီး ( ၂ ) လုံးဖြင့် ပြန်လည်ပစ်ခတ်ခဲ့သော်လည်း တော်လှန်ရေးတပ်ဖွဲ့များဘက်မှ ထိခိုက်မှုမရှိဘဲ ပြန်လည်ဆုတ်ခွာနိုင်ခဲ့ကြောင်း သိရသည်။

အဆိုပါ တိုက်ခိုက်မှုအား Royal Falcon Guerilla Force (Sadaung Falcon) ၊ Phoenix –Sagaing ၊ Unicorn Guerrilla Force နှင့် စစ်ကိုင်းခရိုင် အမှတ်(၇)တပ်ရင်း တို့မှ ပူးတွဲ ဆောင်ရွက်ခဲ့ခြင်းဖြစ်ကြောင်း သိရသည်။

စစ်ကောင်စီစခန်းများအား အရှိန်မြှင့်တိုက်ခိုက်နိုင်ရန် “ Falcon တွေ ပျံသန်းဖို့ ဒရုန်းနှစ်စင်းနှင့် အားဖြည့်စို့” ကမ်ပိန်းအား Royal Falcon Guerilla Force (Sadaung Falcon) မှ ပြုလုပ်ထားပြီး ပြည်သူများ ပူးပေါင်းပါဝင်ကူညီပေးကြရန် တိုက်တွန်း အသိပေးထားသည်။

01/02/2025

28/01/2025

ကျောက်ပန်းတောင်း - မိတ္ထီလာလမ်းပိုင်းတွင် ခရီးသည်တင်ယာဉ်တစ်စီး မီးလောင်

ကျောက်ပန်းတောင်း - မိတ္ထီလာလမ်းပိုင်းတွင် ခရီးသည်တင်ယာဉ်တစ်စီး မီးလောင်* * * * *မန္တလေးတိုင်း၊ ကျောက်ပန်းတောင်...