rbda_vkd, Душанбе, Dushanbe (2025)

05/07/2023

Рух додани ду ҳодисаи нохуши нақлиётӣ дар ноҳияи Рӯдакӣ ва шаҳри Истаравшан

4-уми июли 2023, тахминан соати 05:40-дақиқа, ронандаи автомашинаи тамғаи «Опел-Астра», Раҳимзода Амир Назаралӣ, соли таваллудаш 1984, сокини шаҳри Ҳисор, ҳангоми ҳаракат дар роҳи мошингарди “Рӯдакӣ-Ҳисор”, дар ҳудуди ҷамоати деҳоти Чортеппаи ноҳияи Рӯдакӣ бехатарии ҳаракати роҳро таъмин карда натавониста, дучархарони ноболиғ, Ёров Умар Давлатович, соли таваллудаш 2011, сокини шаҳри Ҳисорро пахш намудааст.
Дар натиҷа дучархарони ноболиғ Ёров У.Д. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
4-уми июли соли 2023, тахминан соати 22:40-дақиқа, ронандаи автомашинаи тамғаи «Опел-Астра», Хоҷаев Мурод Муқимович, соли таваллудаш 1993, сокини шаҳри Истаравшан ҳангоми ҳаракат дар роҳи мошингарди «Душанбе-Хуҷанд-Чаноқ», дар километри 230-ум бехатарии ҳаракати роҳро таъмин карда натавониста, ба тарафи рости роҳ чаппа шудааст.
Дар натиҷа, мусофири автомашинаи мазкур, Акоҷонов Шараф Самиевич, соли таваллудаш 1999, сокини шаҳри мазкур ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
Оид ба ин ҳодисаҳо таҳқиқот идома дорад.

03/07/2023

Таҷлили Рӯзи таъсисёбии БДА

Ба муносибати Рӯзи таъсисёбии бозрасӣ дар Раёсати БДА ВКД Ҷумҳурии Тоҷикистон чорабинии тантанавӣ баргузор гардид. Дар чорабинии мазкур муовини Вазири корҳои дохилии Ҷумҳурии Тоҷикистон, генера-майори милитсия Насимзода Акбар Ғиёс, сардори Раёсати бозрасӣ, полковники милитсия Қурбонзода Суҳроб Амиралӣ, намояндагони васоити ахбори омма ва собиқадорону ҳайати шахсии бозрасӣ ширкат намуданд.
Зимни чорабинӣ номаи табрикотии Вазири корҳои дохилии Ҷумҳурии Тоҷикистон ба муносибати таҷлили Рӯзи таъсисиёбии бозрасӣ ба ҳайати шахсии ин ниҳод расонида шуда, ҷиҳати фаъолияти шабонарӯзӣ бо мақсади таъмини тартиботу бехатарии шаҳрвандон, пешгирии қоидавайронкуниҳои ҳаракат дар роҳ ба кормандони бозрасӣ изҳори миннатдорӣ баён гардид.
Дар идомаи чорабинӣ аз собиқадорони ин ниҳод ёдоварӣ гардида, таъкид карда шуд, ки собиқадорони бозрасӣ дар тули фаъолияти худ баҳри таъмини тартиботу пешгирии қоидавайронкуниҳои ҳаркат дар роҳ аз худ матонату ҷасурӣ нишон дода, ҷоннисориҳо намудаанд. Мардонагию садоқатмнадӣ ва малакаи касбию таҷрибаи собиқадорон барои насли имрӯз ва ҷавони мақомоти милитсия намунаи ибрат ба шумор меравад.
Дар идомаи чорабинӣ як қатор кормандони бозрасӣ барои иҷрои сатҳи баланди уҳдадориҳои хизматӣ бо медали ҷашнӣ ва Ифтихорномаву Сипосномаҳо қадрдонӣ карда шуданд.

23/06/2023

Корманди БДА, оташро хомӯш ва аз оқибатҳои фалокатбор пешгирӣ намуд

Кормандони мақомоти милитсия дар баробари мубориза бар зидди ҷинояткорӣ, пешгирии амалу кирдорҳои номатлуб ва таъмини тартиботи ҷамъиятӣ, ҳамзамон дар фаъолияти ҳамарӯзаи кории худ бо мушоҳидаи ҳама гуна ҳодисаҳои нохуш кумаки беғаразонаи худро ба шаҳрвандон мерасонанд. Аз ҷумла, корманди Шуъбаи бозрасии давлатии автомобилии Раёсати ВКД дар шаҳри Душанбе, лейтенанти калони милитсия Раҷабов Аъзам Умархонович алангаи оташи воситаи нақлиётро хомӯш намуда, аз оқибатҳои фалокатбор пешгирӣ намуд.
Қобили зикр аст, ки вақтҳои охир аз сабаби ниҳоят гарм шудани ҳаво, оташ гирифтани баъзе аз воситаҳои нақлиёт ба мушоҳида мерасанд.
Аз ҷумла, санаи 23-юми июни соли 2023, тахминан соати 19:00 дақиқа, лейтенанти калони милитсия, Раҷабов Аъзам Умархонович, ки тавассути воситаи нақлиёти худ бо кӯчаи Нисор Муҳаммад ҳаркат дошт, мушоҳида менамояд, ки воситаи нақлиёти тамғаи «Хундай Саната», рақамҳои қайди давлатиаш 8202ВВ01, ки бо кӯчаи мазкур ҳаракат дошт, оташ гирифтааст. Аммо, ронандаи автомашинаи мазкур ба ҳаракати воситаи нақлиёти худ идома дода, аз оташ гирифтани автомашинаи худ хабар надорад.
Корманди бозрасӣ бо мушоҳидаи ин ҳолат пеш аз ҳама қарзи шаҳрвандии худро иҷро намуда, воситаи нақлиёти мазкурро боздошта, бо истифода аз дастгоҳҳои сухторхомушкунӣ ва кӯмаки шаҳрвандон алангаи оташро дарҳол хомӯш кардааст. Воқеан ин амали ҷавонмардонаи номбурда боиси таҳсин буда, ронанда ва модару ду кӯдаки хурдсоли ӯро аз коми оташ ва оқибатҳои фоҷеабор наҷот дод.
Роҳбарияти Раёсати ВКД дар шаҳри Душанбе, ин амалкарди ҷавонмардонаи лейтенанти калони милитсия, Раҷабов Аъзамро намунаи ибрати дигарон хонда, ба ӯ изҳори миннатдорӣ менамоянд.

14/06/2023

Амалиёти шартии "Автобус"

Таҳлилҳо нишон медиҳанд, ки новобаста аз чораҳои андешидашуда аз ҷониби Раёсати БДА ВКД Ҷумҳурии Тоҷикистон вақтҳои охир аз тарафи як қатор ронандагони воситаҳои нақлиёти мусофирбар одитарин талаботи қоидаҳои ҳаракат дар роҳ риоя карда намешаванд.
Бо ин мақсад бо ташаббуси Раёсати БДА дар мувофиқа бо роҳбарияти ВКД Ҷумҳурии Тоҷикистон дар қаламрави мамлакат аз санаи 12 июн то 22 июни соли равон амалиёти шартии «Автобус» гузаронида шуда истодааст.
Ҳадаф аз гузаронидани амалиёти мазкур, ин пешгирӣ намудани содиршавии ҳодисаҳои роҳу нақлиёт ва ба танзим даровардани ҳаракати мунтазами воситаҳои нақлиёти мусофирбар дар кӯча ва роҳҳои автомобилгарди ҷумҳурӣ мебошад.
Тибқи таҳлилҳо дар давоми 5 моҳу 10 рӯзи соли равон дар қаламрави ҷумҳурӣ бо иштироки воситаҳои нақлиёти мусофирбар 23 ҳодисаҳои роҳу нақлиёт ба қайд гирифта шудааст, ки дар натиҷаи онҳо 6 нафар ба ҳалокат расида, 26 нафари дигар ҷароҳатҳои гуногуни ҷисмонӣ бардоштаанд.
Аз ин лиҳоз роҳбарияти Раёсати БДА ВКД Ҷумҳурии Тоҷикистон аз тамоми шаҳрвандон, махсусан ронандагони воситаҳои нақлиёти мусофирбар талаб менамояд, ки қоидаҳои ҳаракат дар роҳро қатъиян риоя нумуда, ҷони худ ва дигаронро зери хатар нагузоранд.

05/06/2023

Ба ҳалокат расидани марди солхӯрда дар натиҷаи ҳодисаи нохуши нақлиётӣ
1-уми июни соли 2023, тахминан соати 15:55-дақиқа, ронандаи автомашинаи тамғаи «Опел-Астра», Муродов Субҳонқул Салимбоевич, соли таваллудаш 1996, сокини шаҳри Хуҷанд, ҳангоми ҳаракат дар шоҳроҳи «Душанбе-Хучанд-Чаноқ» аз самти шаҳри Истаравшан ба самти шаҳри Хуҷанд дар ҳудуди деҳаи Яхтани ноҳияи Деваштич, аз уҳдаи идораи воситаи нақлиёт набаромада, ба самти муқобили роҳ баромада, ба автомашинаи тамғаи «Тайота Каролла-Версо», таҳти идораи ронанда Мирахмедов Исроил Мирзоахмедович, соли таваллудаш 1987, сокини ноҳияи Шаҳринав, ки аз самти шаҳри Хучанд ба самти шаҳри Истаравшан харакат дошт, бархӯрдааст.
Дар натиҷа, ронандаи автомашинаи «Тайота Каролла-Версо», ҳаракати худро гум карда ба самти муқобили роҳ баромада, ба автомашинаи тамғаи «Опел-Вектра», таҳти идораи ронанда Тошев Анорбой, соли таваллудаш 1940, сокини шаҳри Истаравшан, бархӯрдааст.
Дар натиҷа, ронандаи автомашинаи “Опел-Вектра”, Тошев А. ҷароҳати ҷисмонӣ бардошта дар беморхона ба ҳалокат расидааст.
Аз рӯи ин ҳодиса таҳқиқот идома дорад.

03/06/2023

Ҷамъбасти озмуни ҷумҳуриявии «Нозирони навраси ҳаракат»

Чуноне қаблан иттилоъ дода будем, бо мақсади тарғиби риояи қоидаҳои ҳаракат дар роҳ ва бо ин тартиб пешгирии сар задани ҳодисаҳои нохуши роҳу нақлиёт бо иштироки наврасон, бо ибтикори роҳбарияти Раёсати бозрасии давлатии автомобилии ВКД Ҷумҳурии Тоҷикистон дар осоишгоҳи Шоҳамбарӣ озмуни ҷумҳуриявии «Нозирони навраси ҳаракат» дар роҳ ҷараён баргузор гардид. Озмуни мазкур давоми 4 рӯз дар сатҳи баланди ташкилӣ баргузор карда шуда, ҳар як нафар иштирокчӣ, зимни иҷрои шартҳои озмун аз худ маҳорати баланд нишон доданд.
Дар арафаи таҷлили рӯзи байналмилалии ҳифзи кӯдакон озмуни "Нозирони навраси ҳаракат дар роҳ" ба анҷом расид, ки дар чорабинии тантанавӣ сардори Раёсати бозрасии давлатии автомобилӣ, полковники милитсия Қурбонзода Сӯҳроб ширкат ва суханронӣ намуд. Мавсуф таъкид дошт, ки минбаъд ҳамасола чунин озмунҳо баргузор карда шуда, дар байни наврасон тарғиби риояи қоидаҳои ҳаракат дар роҳ ба таври ҳамаҷониба ба роҳ монда хоҳад шуд.
Дар озмуни имсолаи ҷумҳуриявии «Нозирони навраси ҳаракат» 6 даста иштирок намуда, дониш ва маҳорату малакаи баланди худро нишон доданд. Дар натиҷа, нозирони навраси шаҳри Душанбе сазовори ҷойи аввал, нозирони навраси шаҳри Конибодом ҷойи дуюм ва нозирони навраси ноҳияи Данғара ва шаҳри Хоруғ сазовори ҷойи сеюм гардиданд. Ба ғолибони озмун аз ҷониби роҳбарияти бозрасӣ Ифтихорномаву тӯҳфаҳои арзишнок тақдим карда шуданд.
Бо итминони комил метавон гуфт, ки баргузории чунин озмунҳо манфиатовар буда, нозирони наврас низ дар навбати худ миёни ҳамсолон дар тарғибу ташвиқи риояи қоидаҳои ҳаракат дар роҳ ва пешгирии ҳодисаҳои нақлиётӣ, ки бо иштироки наврасон содир мешаванд, саҳми худро мегузоранд.

30/05/2023

Оғози озмуни ҷумҳуриявии «Нозирони навраси ҳаракат»

Рӯзи 28-уми майи соли равон, дар осоишгоҳи Шоҳамбарӣ озмуни ҷумҳуриявии «Нозирони навраси ҳаракат» оғоз гардид.
Дар маросими кушодашавии он роҳбарияти Вазорати корҳои дохилӣ, Раёсати БДА, дастаҳои иштирокчии озмун ва намояндагони васоити ахбори омма иштирок намуданд.
Пас аз садо додани Суруди миллӣ, чорабиниро бо сухани ифтитоҳӣ сардори РБДА полковники милитсия Қурбонзода Суҳроб оғоз намуда, зикр кард, ки дар партави сиёсати хирадмандонаву созандаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ватани мо ба пешравию дастовардҳои нав ба нав ноил гардида, рӯз то рӯз ободу зебо шуда истодааст. Ҳамасола бо дастгирии роҳбарияти ВКД озмуни ҷумҳуриявии «Нозирони навраси ҳаракат» гузаронида мешавад. Чуноне номбурда таъкид дошт, ҳадаф аз гузаронидани Озмуни ҷумҳуриявии "Нозирони навраси ҳаракат дар рох" пешгирии ҳодисаҳои роҳу нақлиёт бо иштироки кӯдакону наврасон, дар сатҳи баланд ба роҳ мондани корҳои ташвиқотиву тарғиботӣ, риояи қоидаҳои ҳаракат дар роҳ дар муассисаҳои миёнаи таҳсилоти ҳамагонӣ ва муассисаҳои томактабӣ, фаъолияти мунтазами дастаҳои "Нозирони навраси ҳаракат" дар шаҳру навоҳии кишвар ва дӯстиву муҳаббати иштирокчиёни Озмун мебошад. Итминони комил дорам, ки нозирони наврас дар навбати худ миёни ҳамсолон дар тарғибу ташвиқи риояи қоидаҳои ҳаракат дар роҳҳои автомобилгард ва пешгирии ҳодисаҳои нақлиётӣ, ки бо иштироки наврасон содир мешавад, саҳми худро мегузоранд, - афзуд сардори раёсат ва ба дастаҳои иштирокчӣ муваффақият таманно намуд.
Қобили зикр аст, ки бо сабаби паҳншавии пандемия тӯли 4 соли охир ин Озмун гузаронида нашуда буд. Хушбахтона бо дастгирии роҳбарияти Вазорати корҳои дохилӣ дубора Озмуни 10-уми ҷумҳуриявии "Нозирони навраси ҳаракат дар рох" гузаронида мешавад.
Дар озмуни имсолаи ҷумҳуриявии «Нозирони навраси ҳаракат» 6 даста иштирок доранд. Иштирокчиён аз рӯйи намудҳои «Азназаргузаронии сафороӣ», «Донишмандони қоидаҳои ҳаракат дар роҳ», «Дарси кушод», «Чархи амонӣ», «Танзимгари наврас», «Малакаи касбӣ» ва дигар бахшҳои озмун миёни ҳам қувваозмоӣ менамоянд.

21/05/2023

Раёсати БДА: Амалиёти "Пиёдагард"

Раёсати бозрасии давлатии автомобилии Вазорати корҳои дохилии Ҷумҳурии Тоҷикистон, бо мақсади коҳиш додани сатҳи ҳодисаҳои роҳу нақлиёт, махсусан садамаҳои нақлиётӣ бо иштироки пиёдагардон дар тамоми қаламрави ҷумҳурӣ, аз 15-уми май то 25-уми майи соли ҷорӣ амалиёти шартии "Пиёдагард"-ро роҳандозӣ намудааст.
Қобили зикр аст, ки мувофиқи маълумотҳои оморӣ, дар давоми 4 моҳу 10-рӯзи соли равон дар қаламрави ҷумҳурӣ 360-ҳодисаи роҳу нақлиёт ба қайд гирифта шудааст, ки 163-тои онро ҳодисахои роҳу нақлиёт бо иштироки пиёдагардон ташкил медиҳад. Дар натиҷаи ин садамаҳо нақлиётӣ 48-нафар ба ҳалокат расида, 120-нафари дигар ҷароҳатҳои гуногуни ҷисмонӣ бардоштаанд.
Дар давоми 5-шабонарӯзи гузаронидани амалиёти "Пиёдагард" дар ҷумҳурӣ аз ҷониби кормандони БДА 18385-ҳолати қоидавайронкунӣ ошкор карда шуд, ки 1465-тои онро пиёдагардон содир намудаанд. Вобаста ба ҳолатҳои мазкур нисбати вайронкунандагони қоидаҳои ҳаракат дар роҳ тибқи талаботи моддаҳои дахлдори Кодекси ҳуқуқвайронкунии маъмурии Ҷумҳурии Тоҷикистон, чораҳои таъсиррасони қонунӣ андешида шудааст.
Бори дигар таъкид менамоем, ки ҳадаф аз гузаронидани амалиёти мазкур коҳиш додани шумораи садамаҳои нақлиётӣ бо иштироки пиёдагардон ба шумор меравад.
Аз ин лиҳоз, роҳбарияти Раёсати БДА ВКД Ҷумҳурии Точикистон аз тамоми шаҳрвандон даъват менамояд, ки дар ташкил ва гузаронидани чорабинии мазкур фаъол бошанд. Талаботи қоидаҳои ҳаракат дар роҳро риоя намуда, ҳаёти худ ва дигаронро зери хатар нагузоранд.

16/05/2023

Ба ҳалокат расидани духтарбачаи 12-сола дар натиҷаи ҳодисаи нохуши нақлиётӣ

14-уми майи соли 2023, тахминан соати 18:05-дақиқа, ронандаи автомашинаи тамғаи «Опел-Астра», Мираков Фирӯз Мирзоҷонович, соли таваллудаш 1994, сокини ноҳияи Вахш, ҳангоми ҳаракат дар шоҳроҳи “Душанбе-Бохтар”, дар ҳудуди ҷамоати деҳоти С.Истиқлоли ноҳияи Кӯшониён аз уҳдаи идораи воситаи нақлиёт набаромада, ноболиғ Раҷабова Бибиоиша Саидқуловна, соли таваллудаш 2011, сокини ноҳияи мазкурро пахш намудааст.
Дар натиҷа, ноболиғ Раҷабова Б.С. ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
Аз рӯи ҳодисаи мазкур таҳқиқот идома дорад.

12/05/2023

Дағалона вайрон намудани қоидаҳои ҳаракат дар роҳ: боздошти ронандаи «Мерседес Бенс»

Аз ҷониби кормандони Раёсати бозрасии давлатии автомобилии Вазорати корҳои дохилӣ, ронандаи автомашинаи тамғаи «Мерседес Бенс», рақамҳои қайди давлатиаш 7700ЕА01, шаҳрванд Тоштемиров Бунёд Мадаминҷонович, истиқоматкунандаи шаҳри Душанбе, кӯчаи Мушфиқӣ боздошт карда шуд.
Номбурда санаи 3-юми майи соли ҷорӣ, тахминан соати 13:55 дақиқа, дар кӯчаи Фирдавсии шаҳри Душанбе, бо мақсади худнамоӣ қоидаҳои ҳаракат дар роҳро дағалона вайрон намуда, яку якбора (кокс) бо садои баланди гушхарош автомашинаи худро ба ҳаракат дароварда, вазъияти хатарнокро ба вуҷуд овардааст. Ҳамзамон, лаҳзаи қоидавайронкунии мазкур тавассути камераҳои назоратии «шаҳри бехатар» низ сабт гардидааст, ки исботи раднопазири кирдори қонуншикании шаҳрванд Тоштемиров Бунёд ба шумор меравад.
Вобаста ба ин нисбати Тоштемиров Бунёд тибқи талаботи моддаи 325 қисми 3 Кодекси ҳуқуқвайронкунии маъмурии Ҷумҳурии Тоҷикистон протоколи маъмурӣ тартиб дода шуда, воситаи нақлиёт дар ҷаримагоҳи муваққатӣ ҷойгир карда шуд.

10/05/2023

Ба ҳалокат расидани писарбачаи ноболиғ зери чархи “Опел-Астра”

9-уми майи соли 2023, тахминан соати 18:30-дақиқа ронандаи автомашинаи тамғаи “Опел-Астра”, Бобохонов Хушвахт Анварович, соли таваллудаш 1981, сокини шаҳри Душанбе ҳангоми ҳаракат кардан аз самти деҳаи Чоряккорон ба самти деҳаи О.Занон, дар рӯ ба рӯи гардиши маҳаллаи Маҳмадшоҳи-Боло аз уҳдаи идораи воситаи нақлиёт набаромада, пиёдагарди ноболиғ, Бобиев Фазлиддин Музаффарович, соли таваллудаш 2010, сокини пойтахтро пахш намудааст.
Дар натиҷа охирин ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Аз рӯи ҳодисаи мазкур таҳқиқот идома дорад.

06/05/2023

Раёсати бозрасӣ: чорабинии тантанавӣ бахшида ба Иди Ғалаба

Дар бинои Раёсати бозрасии давлатии автомобилии Вазорати корҳои дохилӣ, бо иштироки сардори Раёсат, полковники милитсия Қурбонзода Суҳроб Амиралӣ, роҳбарият ва собиқадорону ҳайати шахсӣ бахшида ба таҷлили Рӯзи Ғалаба чорабинии тантанавӣ баргузор гардид.
Зимни вохурӣ, Қурбонзода Суҳроб сардори Раёсати бозрасӣ таъкид дошт, ки дар таърихи инсоният санаҳое ҳастанд, ки бо гузашти солҳо аҳамият ва бузургии онҳо боз ҳам бештар аён мегарданд. Рӯзи Ғалаба низ дар радифи ҳамин гуна санаҳои фаромӯшнашуданӣ мақом дорад. Он барои тамоми инсоният, аз ҷумла мо тоҷикистониён, низ азиз ва гиромӣ аст.
Рӯзи Ғалаба рамзи ватандӯстӣ, фидокорӣ, иттиҳод ва рӯҳи шикастанопазири халқҳои мост. Ҳамасола таҷлил намудани Рӯзи Ғалаба, поси хотири ҳалокшудагон, қадрдонии родмардони набардҳои шадид ва заҳмати беканори онҳое, ки дар ақибгоҳ дар шикасти аду саҳм мегирифтанд, худ анъанаи нек ва сабақи ибратомӯз барои наслҳои имрӯза аст. Дар баробари ин, Рӯзи Ғалаба моро ҳушдор медиҳад, ки сулҳу амният, тинҷию осудагӣ неъмати бебаҳоянд ва мо барои ҳифзи онҳо бояд ҳамеша омода бошем.
Дар ҷараёни чорабинии мазкур, ҳамчунин дигар иштирокдорон низ суханронӣ намуда, кормандони ҷавони мақомоти милитсияро ба иҷрои сатҳи баланди уҳдадориҳои хизматӣ ва зиракиву хӯшёрӣ даъват намуданд.
Таъкид гардид, ки аз ҷониби роҳбарияти мақомоти милитсия собиқадорону иштирокчиёни ҷангу ақибгоҳ ҳамеша мавриди таваҷҷӯҳ ғамхорӣ қарор гирифта, дар арафаи тамоми иду ҷашнҳо қадршиносӣ карда мешаванд.
Аз ҷумла, дар қисмати охири чорабинӣ, аз ҷониби роҳбарияти Раёсати бозрасӣ як қатор собиқадорони мақомоти милитсия бо туҳфаҳои хотиравӣ қадрдонӣ карда шуданд.

03/05/2023

Рух додани ду садамаи нақлиётии марговар дар як рӯз

2-юми майи соли 2023, тахминан соати 08:30-дақиқа, автомашинаи тамғаи “Тайота-Рунер”, таҳти идораи Каримов Хумай Хушназарович, соли таваллудаш 1989, сокини шаҳри Душанбе, ҳангоми ҳаракат дар мавзеи таърихии қалъаи Карон, дар баландии кӯҳ, тахминан дар масофаи 1500 метр аз деҳаи Рӯзвайи ноҳияи Дарвоз аз баландии 350 метр ба қафо сарозер шудааст.
Дар натиҷа худи ронанда ва мусофирони дохили автомашина: Суяров Ҳасаналӣ Ҷураевич, соли таваллудаш 1964, сокини ноҳияи Рудакӣ, Тухтаев Бахтиёр Сангинович, соли таваллудаш 1965, сокини ноҳияи Рудакӣ, Макрамшоев Корвоншо Қурбонбекович, соли таваллудаш 1989, сокини ноҳияи Ишкошим, Азизхоҷазода Беҳзод Давлатхуҷа, соли таваллудаш 1989, сокини ноҳияи Дарвоз, Зиёев Хушқадам Хушвахтович, соли таваллудаш 1964, сокини ноҳияи Дарвоз, дар ҷойи ҳодиса ба ҳалокат расидаанд.
2-юми майи соли 2023, тахминан соатҳои 09:50-дақиқа, ронандаи воситаи нақлиёти трактор тамғаи “luznong-604” Самиев Саймуҳиддин Бадриддинович, соли таваллудаш 1975, сокини ноҳияи Шаҳритус дар роҳи мошингарди деҳаи Сомониён ҳангоми воситаи нақлиёташро ба қафо рондан дучархарони хурдсол, Бадриддинзода Идрис Шодрӯз, соли таваллудаш 2020, сокини ҳамон ҷоро пахш намудааст.
Дар натиҷа хурдсол Бадридинзода И. дар ҷойи ҳодиса ба ҳалокат расидааст.
Аз рӯи ин ҳодисаҳо таҳқиқот идома дорад.

28/04/2023

Ҳалокати ронандаи "Скутер" дар натиҷаи бархурд бо нақлиёти боркаш

26-уми апрели соли 2023, тахминан соати 22:30-дақиқа, ронандаи дучархаи тамғаи «Скутер», Дадобоев Шокирҷон Паҳлавонович, соли таваллудаш 1970, сокини ноҳияи Б.Ғафуров, ҳангоми ҳаракат дар ҳудуди ҷамоати деҳоти Исфисори ноҳияи мазкур аз уҳдаи идораи дучарха набаромада, ба қисми қафои автомашинаи боркаши тамғаи «ГАЗ-66», таҳти идораи ронанда, Юсупов Акрамҷон Деҳқонбоевич, солаи таваллудаш 1994, сокини шаҳри Гулистон, бархурдааст.
Дар натиҷа, дучархарон, Дадобоев Ш.П. ҷароҳатҳои вазнини ҷисмонӣ бардошта, ҳангоми ба беморхона дастрас намудан, дар роҳ ба ҳалокат расидааст.
Оид ба ин ҳодиса таҳқиқот идома дорад.

27/04/2023

Ба ҳалокат расидани мусофири ноболиғ дар натиҷаи ҳодисаи нохуши нақлиётӣ

26-уми апрели соли 2023, тахминан соати 00:40-дақиқа, ронандаи автомашинаи тамғаи «Опел-Зафира», Маликов Фирдавс Маҳмадалиевич, соли таваллудаш 1980, сокини шаҳри Панҷакент, ҳангоми ҳаракат дар роҳи мошингарди «Айнӣ-Панҷакент» дар ҳудуди ҷамоати деҳоти Ёрии шаҳри мазкур, бехатарии ҳаракати роҳро таъмин карда натавониста ба автомашинаи тамғаи «CHANGLIN NAR 955L», ки таҳти идораи Тоштемиров Худойназар Узбекбоевич, соли таваллудаш 1979, сокини ҳамин шаҳр бархӯрдааст.
Дар натиҷа, мусофири автомашинаи тамғаи «Опел-Астра», ноболиғ Маликов Юсуфҷон Фирдавсович, соли таваллудаш 2014, сокини ҳамин шаҳр ҷароҳати вазнини ҷисмонӣ бардошта дар ҷойи ҳодиса ба ҳалокат расида, мусофири дигараш Ҷураева Райҳона Маҳмадқуловна, соли таваллудаш 1986, сокини шаҳри Панҷакент, ҷароҳати ҷисмонӣ бардошта дар беморхона бистарӣ гаштааст.
Аз рӯи ин ҳодиса таҳқиқот идома дорад.

25/04/2023

Ба ҳалокат расидани марди шахсияташ номаълум дар натиҷаи ҳодисаи нохуши нақлиётӣ

23-юми апрели соли 2023, тахминан соати 20:30-дақиқа, ронандаи автомашинаи тамғаи “Лексус-АС 250”, Қувватов Анушервон Зарифшохоҷаевич, соли таваллудаш 2002, сокини шаҳри Душанбе, ҳангоми ҳаракат аз самти кӯчаи Айнӣ ба самти кӯчаи Н.Қарабоев, дар рӯ ба рӯи бинои “Шарқи Озод” аз уҳдаи идораи воситаи нақлиёт набаромада, пиёдагарди марди шахсияташ номаълум, тахминан 50-55 соларо пахш намудааст.
Дар натиҷа, пиёдагарди шахсияташ номаълум ҷароҳатҳои вазнини ҷисмонӣ бардошта, дар ҷойи ба ҳалокат расидааст.
Аз рӯи ҳодисаи мазкур таҳқиқот идома дорад.

rbda_vkd