Your.TJ тоҷикӣ

12/12/2025

📌 Эмомалӣ Раҳмон ва Сардор Бердимуҳаммадов таҳкими ҳамкориҳои Тоҷикистону Туркманистонро баррасӣ карданд

🇹🇯🇹🇲 Президентии Тоҷикистон Эмомалӣ Раҳмон 11 декабр дар ҳошияи Форуми сулҳ ва эътимод дар Ашқобод бо президенти Туркманистон Сардор Бердимуҳаммадов мулоқот анҷом дод.

📣 Тибқи иттилои дафтари матбуоти сарвари давлат, тарафҳо якчанд масъалаҳоро муҳокима карданд, ки ба густариш ва таҳкими ҳамкориҳои бисёрҷониба байни ду кишвар марбутанд.

✅ Зимни мулоқот ба таҳкими ҳамкориҳои тиҷоративу иқтисодӣ ва сармоягузорӣ, тавсеаи робитаҳо дар бахшҳои нақлиёт, энергетика, саноат, кишоварзӣ ва дигар соҳаҳо таваҷҷуҳи махсус зоҳир гардид.

🤝 Ҳар ду ҷониб ҳамчунин манфиати худро барои тавсеаи равобити фарҳангӣ ва гуманитарӣ таъкид карданд.

#Тоҷикистон #Туркманистон #хабар #сиёсат Your.TJ тоҷикӣ

12/12/2025

⚡️Дар ноҳияи Синои шаҳри Душанбе марди 35-сола бо гумони сӯиқасди таҷовуз ба номус дастгир шудааст. Ба иттилои Раёсати ВКД дар пойтахт, ҳодиса 6 декабр рух додааст.

Ҷабрдида ба ҳаракатҳои гумонбар муқовимат нишон дода, барои наҷотёбӣ аз тирезаи ҳаммоми меҳмонхона худро ба поён ҳаво додааст.

11/12/2025

⚡️Дар Душанбе 4 узви як гурӯҳи муташаккили ҷиноятӣ, ки дар 11 ҷинояти вазнин, аз ҷумла одамкушӣ даст доштааст, дастгир шудаанд. Дар ин бора дар барномаи “Ахбори ВКД” гузориш дода шуд.

Мақомот мегӯянд, гурӯҳ аз сентябри соли 2024 то имрӯз 1 одамкушӣ, 4 ғорати мусаллаҳона ва 6 дуздии махсусан калон содир кардааст.

11/12/2025

⚡️“Фарҳанги суманакпазӣ” ба феҳристи мероси ғайримоддии ЮНЕСКО ворид шуд

Номинатсияи миллии Тоҷикистон - “Фарҳанги суманакпазӣ” ба феҳристи мероси ғайримоддии ЮНЕСКО шомил гардид.

Он 10 декабр дар ҷараёни иҷлоси 20-уми Кумитаи байниҳукуматии мероси фарҳанги ғайримоддии ЮНЕСКО, ки дар шаҳри Деҳлии Нав баргузор шуд, қабул гардид,

Ба иттилои Вазорати корҳои хориҷӣ, ин номинатсия аз ҷониби Комиссияи миллӣ оид ба корҳои ЮНЕСКО таҳия шуда, соли 2023 ба созмон барои баррасӣ пешниҳод гардида буд.

#ЮНЕСКО #Тоҷикистон #фарҳанг #хабар #Суманак Your.TJ тоҷикӣ

10/12/2025

⚡️Фараҳнӯш Назарова, ду соҳаи тамоман гуногун – мудирияти лоиҳаҳои IT (IT-project-менеҷмент) ва блоги пухтупазро якҷо пеш мебарад.

Ӯ мегӯяд, ҳамеша ба сохтан, эҷод кардани чизҳои нав ва тасвирсозии онҳо шавқ дошт. Ҳамзамон Фараҳнӯш қобилияти таҳлил ва низомноксозии ҳама чизро дорад.

Қаҳрамони мо ба муаллифи Your.tj нақл кард, ки чӣ гуна ҳар ду шуғлаш ӯро аз хасташавии равонӣ ва буҳрони эҷодӣ наҷот медиҳанд.

https://your.tj/tj/porae-az-ajot-dar-ar-jak-h-rok-ch-guna-duhtari-to-ik-it-ro-bo-puhtupaz-jak-o-mekunad/

Ба гуфтаи Фараҳнӯш, ба назари дигарон чунин менамояд, ки гӯё ӯ дар як вақт ду зиндагии алоҳида дорад, аммо дар асл ин тавр нест.

10/12/2025

📌 Гармшавии сайёра дар соли 2025 рекорди нав гузошт

☀️🌡 Соли 2025, ки рӯ ба анҷом аст, пас аз рекорди соли гузашта дуюмин соли гармтарин дар таърих мешавад. Ба ҳисобҳои нав, ҳарорати миёнаи се соли охир (2023–2025) бори аввал аз +1,5°C нисбат ба давраи тосаноатӣ болотар меравад.

Ин ҳадде буд, ки қариб ҳамаи кишварҳои ҷаҳон дар Созишномаи Париж (2015) ӯҳдадор шуда буданд, онро нигоҳ доранд, менависад BBC.

⚡️Аз он вақт вазъ боз ҳам нигаронкунанда шуд. Аз соли 2015 то 2025, ба иттилои СММ, ҳар як сол дар қатори 11 соли гармтарини тамоми 176 соли ченкуниҳо қарор гирифт. Се соли охир бошад, се ҷойи аввалро дар ин “рейтинг”-и нигаронкунанда ишғол карданд.

☀️ Олимон ҳанӯз дар моҳи август умед доштанд, ки шиддати гармшавӣ каме суст мешавад. Пас аз зимистони ғайриодатии гарм дар нимкураи шимолӣ, тобистон нисбатан салқин омада буд.

❗️Аммо дар охир вазъ ба ҳолати аввала баргашт. Ҳамагӣ каме беш аз се ҳафта пеш аз соли нав Маркази иқлимшиносии Коперник (C3S) назди Иттиҳоди Аврупо эълон кард, ки вазъ дар соли 2025 мисли ду соли пеш аст ва ҷаҳон ба ҳолате ворид мешавад, ки олимон онро нишонаи фоҷиаи иқлимӣ меноманд.

«Ҳарорати миёнаи се сол бори аввал аз +1,5°C болотар меравад. Ин танҳо рақам нест, ин нишонаи тез шудани тағйироти иқлим аст. Ягона роҳи пешгирии оқибатҳои даҳшатнок коҳиши фаврии партоби газҳои гулхонаӣ мебошад»,- гуфт ноиби роҳбари C3S Саманта Бёрҷесс.

Тағйироти иқлим аллакай ба ҷони миллионҳо одамон хатар эҷод кардааст. Хатари фоҷиаи иқлимӣ ин офатҳои нав, фақр ва муҳоҷирати оммавӣ мебошад.

⚡️Ба гуфтаи олимон, тибқи моделҳои мавҷуда, ба иқтисодиёти ҷаҳонӣ зараре мерасад, ки метавонад ба Бҳҳрони бузурги соли 1929 баробар бошад. Яъне барои ҳамеша аз даст рафтани 10% сарвати ҷаҳонӣ.

«Ноябри соли 2025 сеюмин моҳи гармтарин дар таърихи мушоҳидаҳо шуд. Ин нишондод махсусан дар шимоли Канада ва Уқёнуси Яхбастаи Шимолӣ хеле баланд буд.

Дар ин моҳ шароити иқлимии шадид, аз ҷумла тӯфонҳои тропикӣ дар Ҷанубу Шарқи Осиё рух ба вуҷуд омаданд, ки боиси селҳои харобиовар ва талафоти ҷонӣ гардиданд»,- таъкид карданд дар Маркази Коперник.

#обуҳаво #иқлим #Замин #гармӣ #хабар #Тоҷикистон

10/12/2025

❗️Дар давоми 12 моҳи охир дар ҷаҳон 67 рӯзноманигор, ки вазифаи касбии худро иҷро мекарданд, кушта шудаанд

⚡️Аксари кулли онҳо қурбонии ҷангҳо ё шабакаҳои ҷиноятӣ гардидаанд, хабар медиҳад созмони ҳомии ҳуқуқи «Хабарнигорони бидуни марз» (RSF) дар гузориши солонаи худ оид ба озодии матбуот, ки рӯзи сешанбе, 9 декабр нашр шуд.

📣❗️Аз 1 декабри соли 2024 то 1 декабри соли 2025 тақрибан ҳамон теъдод рӯзноманигорон кушта шуданд, ки дар ҳамин давраи соли гузашта кушта шуда буданд, қайд намудаанд ҳомиёни ҳуқуқ. Аз 67 нафар 53 рӯзноманигор қурбонии ҷангҳо ё гурӯҳҳои ҷиноятӣ шудаанд.

🇵🇸 Дар ҳамин ҳол, навори Газа то ҳол хатарноктарин минтақа боқӣ мемонад. Фақат дар ин минтақа 29 рӯзноманигор ҷон бохтаанд.

⚡️Баъди он 🇲🇽 Мексика (9 рӯзноманигор кушта шудааст) қарор дорад. Ҳамчунин, рӯзномангорон дар 🇺🇦 Украина, ки то ҳол муқобили ҳамлаҳои шадиди Русия худро мудофиа мекунад, инчунин дар 🇸🇩 Судон ва 🇸🇾 Сурия бо хатарҳои махсусан марговар рӯбарӯянд.

«Шумораи зиёди куштори рӯзноманигорон даҳшатовар аст", -гуфтааст директори иҷроияи бахши олмонии RSF, Аня Остерхаус.

Ин натиҷаи зӯроварии системавиест, ки аз ҷониби артишҳо, гурӯҳҳои мусаллаҳ ва шабакаҳои ҷиноятӣ содир мешавад».

#рӯзноманигор #хабар #ҷанг #ҷаҳон #сиёсат Your.tj

10/12/2025

⚡️Як сокини 49-солаи ноҳияи Мир Сайид Алии Ҳамадонӣ бо гумони қасдан расонидани зарари вазнин ба саломатӣ дастгир шудааст.

Мард рӯзи 5 декабр дар манзили худ бо ҳамсараш зани 46-сола баҳс карда, ӯро бо дасту пой ва калтакчӯб ба шиддат латукӯб намудааст.

10/12/2025

⚡️Дар Душанбе як донишҷӯи соли дуюми Донишгоҳи миллӣ пас аз бохт дар шартбандии варзишӣ (букмейкер) даст ба худкушӣ задааст.

Ҳамсабақонаш тасдиқ кардаанд, ки Бахтовар як шаб пеш аз ҳодиса футбол тамошо карда, баъди пешгӯии нодуруст маблағ бохтааст.

09/12/2025

📌Милитсияи пойтахт нисбати волидайни як гурӯҳи наврасон барои истифодаи маводи пиротехникӣ протоколи маъмурӣ тартиб дод

Кормандони самти кор бо ноболиғони милитсияи ноҳияи Сино навореро, ки дар он истифодаи маводи пиротехникӣ аз ҷониби наврасон сабт гардидааст, мавриди санҷиш қарор додаанд.

Тибқи натиҷаҳои санҷиш, як гурӯҳ наврасон аз мағоза оташфурузонак (бенгальские огни) харидорӣ намудаанд. Онҳо бо истифода аз борути ин мавод ва зарба задан бо санг таркишҳои баланд ба вуҷуд оварда, оромии шаҳрвандонро халалдор кардаанд.

Ба гуфтаи мақомоти милитсия, чунин амал на танҳо боиси ноороомӣ мешавад, балки метавонад ба худи наврасон низ зарари ҷисмонӣ расонад.

Нисбати 6 падару модар тибқи моддаи 90-и Кодекси ҳуқуқвайронкунии маъмурӣ протокол тартиб дода шудааст.

#хабар #Душанбе #хлопушка #милитсия #ВКД #Тоҷикистон Your.tj

09/12/2025

Дилором Дадабоева (Закиряева) акушер-гинекологи таҷрибадорест, ки ба одамони зиёде кӯмак кардааст. Ду сол пеш роҳи эҷодии ӯ оғоз ёфт.

Дар Instagram саҳифаи духтареро дид, ки ашёҳоро аз қатрони эпоксидӣ месохт. Он гоҳ Дилором низ ба сохтани чунин ашёи ороишӣ дил баст.

Дар аввал ҷуръат намекард ҷиддӣ ба ин кор даст занад, аммо баъдан дар як курси онлайнӣ омӯзиш гирифт ва имрӯз аз мизи ороишӣ ва зарфҳо то қуттича ва соатҳо месозад.

Дар бораи шиносоӣ бо устое, ки ба ӯ боварӣ бахшид ва роҳи эҷодаш, Дилором ба муаллифи Your.tj нақл кард.

https://your.tj/tj/bo-me-r-ba-mizo-on-meofaram-ch-tavr-duhturi-ginekolog-ro-i-je-odro-pesh-girift/

Бо ҳар як эҷоди нав, ин зан мекӯшад маҳорати худро хубтар кунад ва ҳамчун устои қатронкор беҳтар шавад.

09/12/2025

⚡️Милитсияи Душанбе ҳушдор дод, ки вақти истифодаи ангишт қоидаҳои бехатарӣ риоя карда шаванд

Раёсати ВКД дар шаҳри Душанбе ҳушдор медиҳад, ки дар рӯзҳои охир дар чанд минтақаи кишвар бар асари истифодаи нодурусти ангишт дар бухорию печҳо якчанд ҳодисаҳои сӯхтор ва заҳролудшавии шаҳрвандон ба қайд гирифта шуда, баъзеи ин ҳодисаҳо боиси талафоти ҷонӣ гардидаанд.

Мақомот аз шаҳрвандон даъват мекунанд, ки ҳангоми истифодаи ангишт ҳатман қоидаҳои бехатариро риоя кунанд:

- аз дурустии кори бухорӣ ва ҳавокаш итминон ҳосил намоянд;
- бухориву дастгоҳҳои гармидиҳиро мунтазам санҷанд;
- ҳуҷраҳоро зуд-зуд шамол диҳанд, то аз ҷамъшавии дуд ва газҳои заҳролуд пешгирӣ шавад.

Гуфта мешавад, ки сокинон ба ин ҳушдор ҷиддӣ муносибат кунанд, зеро риоя накардани қоидаҳои одии бехатарӣ метавонад ба фоҷиа оварда расонад.

Ёдовар мешавем, шаби 5 ба 6-уми декабр дар ноҳияи Рашт домоду арӯси ҷавон дар пайи заҳролудшавӣ аз дуди ангишт ҷони худро аз даст доданд.

Дар Тоҷикистон бо сабаби маҳдудияти мавсимии барқ, сокинон аксаран хонаҳоро бо ангишт гарм мекунанд. Соле нест, ки ба сабаби заҳролудшавӣ аз дуди ангишт талафоти ҷонӣ ба қайд гирифта нашавад.

#Тоҷикистон #хабар #ангишт #барқ #зимистон #ВКД #Душанбе Your.tj