Академияи ВАО

01/12/2025

ЭТИКАИ КАСБИИ ЖУРНАЛИСТ
Муассисаи давлатии “Академияи ВАО-и Точикистон” тибқи нақшаи корӣ машғулияти омӯзиширо барои кормандони шабакаҳои телевизион ва радио таҳти унвони “Этикаи касбии журналист” оғоз намуд.
Машғулияти мазкур давоми 5 рӯз (аз 01 то 05 декабр) дар толори китобхонаи Муассиса гузаронида мешавад.
Машғулиятро номзади илмҳои филология, дотсенти факултаи журналистикаи Донишгоҳи миллии Тоҷикистон Сангин Гулов мегузаронад.
Нахуст омӯзгор (тренер) ба шунавандагон оид ба этикаи касбӣ, меъёрҳои ахлоқии журналист ва риояи он дар ВАО-и кишвар ба таври муфассал маълумот дода, бо мисолҳои мушаххас андешаашро асоснок намуд.
Академияи ВАО
01.12.2025

24/11/2025

ФАРҶОМИ КУРСИ АСОСҲОИ ТЕХНОЛОГИЯИ АНИМАТСИЯ
Муассисаи давлатии “Академияи воситаҳои ахбори оммаи Тоҷикистон” тибқи нақшаи корӣ барои баланд бардоштани малакаи касбии коргардон-аниматор ва рассосм-аниматори шабакаҳои телевизионӣ машғулияти омӯзиширо таҳти унвони “Асосҳои технологияҳои аниматсия дар телевизион” доир кард.
Машғулиятро рассоми шинохта, продюссер, коргардон ва аниматор Бахтиёр Қаҳҳоров давоми 5 рӯз (аз 17 то 21 ноябр) дар китобхонаи Муассиса ба тариқи назариявӣ ва амалӣ гузаронид.
Дар анҷоми машғулият 8 нафар аз иштирокчии фаъол соҳиби СЕРТИФИКАТ-и Академияи ВАО гардиданд.

24/11/2025

Кормандони Муассисаи давлатии "Академияи ВАО-и Тоҷикистон" дар роҳпаймоӣ бахшида ба Рӯзи Парчами давлатӣ иштирок намуданд.
Рӯзи Парчами давлатии Ҷумҳурии Тоҷикистон муборак бод! 🇹🇯

18/11/2025

КУРСИ РАССОМ-АНИМАТОР
Муассисаи давлатии “Академияи воситаҳои ахбори оммаи Тоҷикистон” тибқи нақшаи корӣ барои баланд бардоштани малакаи касбии коргардон-аниматор ва рассосм-аниматори шабакаҳои телевизионӣ машғулияти омӯзиширо доир кард.
Машғулият давоми 5 рӯз (аз 17 то 21 ноябр) дар китобхонаи Муассиса гузаронида шуда, дарсҳои амалии он дар студияҳои шабакаҳои телевизионӣ баргузор мегарданд.
Машғулиятро рассоми шинохта, продюссер, коргардон ва аниматор Бахтиёр Қаҳҳоров назариявӣ ва амалӣ мегузаронад.

14/11/2025

ҲАМОИШ БАХШИДА БА РӮЗИ ПРЕЗИДЕНТ
Имрӯз бо ибтикори Муассисаи давлатии “Телевизиони Синамо” ва Муассисаи давлатии “Академияи воситаҳои ахбори оммаи Тоҷикистон” ҳамоиши тантанавӣ бахшида ба Рӯзи Президенти Ҷумҳурии Тоҷикистон ва солгарди навбатии Иҷлосияи 16-уми Шурои Олии Ҷумҳурии Тоҷикистон баргузор гардид.
Дар кори ҳамоиш корманди Маркази тадқиқоти стратегии назди Президенти Ҷумҳурии Тоҷикистон Рамазон Давлатзода, коршиноси масоили иҷтимоӣ Нозим Нурзода, директори МД “Телевизиони Синамо” Муфарраҳ Шодизода ва директори МД “Академияи ВАО-и Тоҷикистон” Саъдӣ Исматзода иштирок ва суханронӣ намуданд.
Таъкид гардид, ки “Дар он давраи ҳасосу мураккаби сиёсӣ сарвари ҷавону далер муҳтарам Эмомалӣ Раҳмон роҳи сиёсати инсонпарваронаю хиратмандонаро пеш гирифта, тамоми неру ва ҳастии хешро барои таҳкими Истиқлоли давлатӣ ва некуаҳволии мардум равона карданд”.

14/11/2025

11/11/2025

КУРСИ МАХСУСИ ДУБЛЯЖ
Муассисаи давлатии “Академияи воситаҳои ахбори оммаи Тоҷикистон” барои баланд бардоштани малакаи касбии коргардонҳои дубляжи шабакаҳои телевизионӣ, аз 10 то 14 ноябри соли 2025 курси махсусро дар мавзуи “Асосҳои технологияи дубляж” доир намуд.
Машғулиятро мутахассиси соҳа Озод Маликов мегузаронад.

05/11/2025

Сафари корӣ ба Иёлоти Муттаҳидаи Амрико
05.11.2025
https://president.tj/event/news/53600

5 ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо даъвати Президенти Иёлоти Муттаҳидаи Амрико муҳтарам Доналд Трамп барои иштирок дар Вохӯрии сарони давлатҳои «Осиёи Марказӣ – Иёлоти Муттаҳидаи Амрико» аз шаҳри Давҳа ба Вашингтон сафар карданд.

#ЭмомалӣРаҳмон #ЭмомалиРахмон #Тоҷикистон #Таджикистан #Президент #Тоҷикон #Таджики #Қатар #Катар #ИМА #США

24/10/2025

ИНТИҲОИ МАШҒУЛИЯТИ ХАБАРУ ГУЗОРИШҲО ДАР МАТБУОТИ ДАВРӢ
Муассисаи давлатии “Академияи воситаҳои ахбори оммаи Тоҷикистон” бо ҷалби омӯзгор (тренер) аз факултети журналистикаи Донишгоҳи миллии Тоҷикистон профессор Муқимов Муҳамади Аминович (Ҷовид Муқим) машғулиятро дар мавзуи “Таҳия ва пешниҳоди хабару гузоришҳо дар матбуоти даврӣ” барои хабарнигорони маҷаллаҳо, рӯзномаву моҳномаҳои ҳизбӣ, соҳавӣ, нашрияҳои вазорату идораҳо ва донишкадаву донишгоҳҳои олии кишвар доир кард.
Машғулият давоми 5 рӯз (аз 20 то 24 октябр) дар толори китобхонаи Муассиса тариқи назариявӣ ва амалӣ гузаронида шуда, аз мавзуҳои роҳҳои ҷамъоварии иттилоот, сарчашмаҳои иттилоот то интишори маводу гузоришҳо дар матбуотро гузашта таҳлилу баррасӣ намуданд.
Аз анкетаҳои пурнамудаи иштирокчиён маълум шуд, ки рафти машғулият ба ҳамаи онҳо писанд омада, маҳорати тренерро олӣ арзёбӣ намудаанд.
Дар фарҷом аз шумораи 17 нафар шунаванда 13 нафари фаъол соҳиби СЕРТИФИКАТ-и Академияи ВАО шуданд.
Б. МИРЗОАМИНӢ

22/10/2025

20/10/2025

ТАҲИЯ ВА ПЕШНИҲОДИ ХАБАРУ ГУЗОРИШҲО ДАР МАТБУОТИ ДАВРӢ
Муассисаи давлатии “Академияи воситаҳои ахбори оммаи Тоҷикистон” барои хабарнигорони рӯзномаҳову маҷаллаҳо машғулияти омӯзиши таҳти унвони “Таҳия ва пешниҳоди хабару гузоришҳо дар мабуоти даврӣ” ташкил намуд.
Машғулиятро профессор Ҷовид Муқим устоди Донишгоҳи миллии Тоҷикистон аз 20 то 24 октябр ба иштирокчиён мегузаронад.

17/10/2025

АНҶОМИ ДАРСИ ТАҲИЯ ВА ОМОДА СОХТАНИ БАРНОМА ВА ГУЗОРИШҲО БО ЗАБОНИ РУСӢ
Имрӯз (17.10.2025) ба журналистони телевизион ва радио, ки барнома ва гузоришҳо бо забони русӣ таҳия месозанд, сертификат дода шуд.
Ёдовар мешавем ки, машғулият аз 13 то 17 октябр дар толори китобхонаи Муассиса ба таври назариявӣ ва амалӣ доир гардид.
Ба ҳайси омӯзгор машғулиятро Сараева Малоҳатхон гузаронид.
Дар натиҷа ба 12 нафар сертификат дода шуд.
Академияи ВАО