Tajikfilm

Home
Tajikistan
Dushanbe
Tajikfilm

Таджикфильм

11 сентября 1929 год. Испытание прошло успешно. Теперь местные жители, в соответствии с новыми традициями Советской власти, ждали прибытия самого первого пассажирского поезда, Термез – Душанбе, который соединил столицу Таджикистана с всесоюзной железнодорожной сетью. На недавно созданный вокзал в Душанбе, для проведения торжественного мероприятия, собирал много людей, среди которых большин

ство были правительственные чиновники. Трое европейских мужчин, одетых в привлекательные кожаные шляпы занимались над чем-то, что было совершенно неизвестно для присутствующих. Они расторопно передвигались туда – суда во дворе вокзала, неся с собой штатив, устанавливая его на земле и вставляя незнакомый аппарат на штатив, и закручивали ручку. Потом, повторяли свое дело в другом уголке вокзала. Внезапно привлек внимание людей, появившейся из за поворота поезд и сигналя, приближался к станции. Не было предела волнению и радости, вниманию и изумлению, так как в этом отдаленном крае, в котором не было даже ровных дорог, впервые прибыл «железный конь» (или, как некоторые местные жители называют его «каретой дьявола»). Из присутствующих на станции никто больше не обращал внимания на то, что делали трое мужчин. Трио также приходили в восторг, и словно безостановочно поворачивала ручку своего таинственного ящика. Продолжение на сайте
http://tojikfilm.tj/

19/05/2026

ИФТИТОҲИ РӮЗҲОИ КИНОИ ТОҶИК ДАР БИШКЕК.

Дар пойтахти Ҷумҳурии Қирғизистон , шаҳри Бишкек маросими ифтитоҳи Рӯзҳои кинои Ҷумҳурии Тоҷикистон баргузор гардид.

Тибқи иттилои муовини аввали директори Муассисаи давлатии Тоҷикфилм Толиб Ғайбуллозода, ки роҳбарии ҳайати филмофарони тоҷикро бар уҳда дорад, дар маросими ифтитоҳ вазирони фарҳанги Тоҷикистону Қирғизистон суханронӣ намуда, аз густариши ҳамкориҳои фарҳангии ду кишвар изҳори қаноатмандӣ карданд.

Зимни суханронӣ таъкид гардид, ки кино ҳамчун воситаи муҳими муколамаи фарҳангҳо дар таҳкими дӯстӣ, ҳамдигарфаҳмӣ ва наздиксозии мардумони минтақа нақши муассир дорад. Ба гуфтаи ҷонибҳо, баргузории чунин чорабиниҳо барои рушди робитаҳои синамоӣ ва муаррифии арзишҳои миллии ду халқ заминаи мусоид фароҳам меорад.

Пеш аз оғози намоиши филм барои меҳмонон ва иштирокчиён роҳрави сурх ороста шуда, ҳайати эҷодии Тоҷикистон аз ҷониби ҳозирин гарму самимӣ истиқбол гирифта шуд.

Дар рӯзи аввали чорабинӣ филми ҳунарии Зиндагӣ зебост манзури тамошобинон гардид. Ба иттилои масъулон, толори кинотеатри Ала-Тоо пур аз дӯстдорони санъати кино буда, тамошобинон ба филм баҳои баланд доданд.

Чорабинӣ дар доираи Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баргузор шуда, намояндагони расмӣ, аҳли фарҳанг ва дӯстдорони санъати синаморо гирди ҳам овард.

Рӯзҳои кинои Ҷумҳурии Тоҷикистон дар Қирғизистон ба муаррифии дастовардҳои синамои миллӣ ва таҳкими ҳамкориҳои эҷодии ду кишвар равона гардидааст.

15/05/2026

ОЗМУНИ ҶУМҲУРИЯВИИ СЕНАРИЯНАВИСОН: «КӮДАКОНУ НАВРАСОН – ОЯНДАИ МИЛЛАТ »

Диққат! Диққат!

Бо мақсади офаридани филмҳои ҳунарии бачагона ва бахшида ба 35-солагии Истиқлолияти давлатии Ҷумҳурии Тоҷикистон, Муассисаи давлатии «Тоҷикфилм» озмуни ҷумҳуриявии сенариянависонро таҳти унвони «Кӯдакону наврасон – ояндаи миллат» эълон менамояд.

Шартҳои озмун:
Филмнома бояд ғояҳои ватандӯстӣ, ростқавлӣ, дӯстӣ, инсондӯстӣ ва ташаббускориро инъикос намояд;

Дар мазмуни филмнома ҳадафҳои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ҷой дошта бошад;

Ҳаҷми филмнома на камтар аз 40 саҳифаи А4 буда, дар се нусха пешниҳод гардад;

Филмномаҳо ба суроғаи зерин қабул карда мешаванд:
ш. Душанбе, кӯчаи Беҳзод 25, Муассисаи давлатии «Тоҷикфилм»

Муҳлати ниҳоии қабул: 1 сентябри соли 2026

Озмун дар доираи сеюмин Синамоҷоизаи миллии «Тоҷи Сомон» моҳи октябр ҷамъбаст гардида, муаллифони беҳтарин бо ҷоизаҳои пулӣ ва туҳфаҳои хотиравӣ қадрдонӣ мешаванд. Филмномаҳои ғолиб аз ҷониби Шурои бадеӣ барои наворбардорӣ тавсия мегарданд.

14/05/2026

«ТОҶИКФИЛМ»: ДАР ҚИРҒИЗИСТОН РӮЗҲОИ КИНОИ ТОҶИКИСТОН БАРГУЗОР МЕГАРДАД.

Аз 18 то 20 май дар шаҳри Бишкек Рӯзҳои кинои Тоҷикистон баргузор мегардад. Дар доираи ин чорабинӣ филмҳое, ки давоми солҳои охир аз ҷониби Муассисаи давлатии «Тоҷикфилм» ба навор гирифта шудаанд, дар кинотеатри «Ала-Тоо» манзури дӯстдорони синамо гардонида мешаванд.
Чорабинии мазкур дар доираи Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баргузор гардида, ба таҳкими робитаҳои фарҳангии ду кишвар, густариши ҳамкориҳо дар соҳаи синамо ва фароҳам овардани замина барои офаридани филмҳои муштарак дар оянда мусоидат менамояд.
Рӯзҳои кинои Тоҷикистон чун пули эҷодӣ миёни ду миллат хизмат намуда, дилҳои тамошобинонро бо забони умумии синамо ба ҳам мепайвандад ва фазои дӯстӣ, эҳтиром ва ҳамдигарфаҳмиро боз ҳам мустаҳкам месозад.
Рӯзҳои кинои Тоҷикистон имконияти хубест барои муаррифии дастовардҳои синамои миллӣ ва густариши муколамаи фарҳангӣ байни Тоҷикистону Қирғизистон.

09/05/2026

ИДИ ҒАЛАБА МУБОРАК!

02/05/2026

МД «ТОҶИКФИЛМ»: «ПАЙРОҲАИ ХАШМ» — ОҒОЗИ РОҲИ ФИЛМҲОИ БУЗУРГ.

Дар кинотеатри «Тоҳир Собиров»-и Муассисаи давлатии «Тоҷикфилм» нахустнамоиши филми муштараки Тоҷикистону Русия «Пайроҳаи хашм» бо иштироки аҳли фарҳангу ҳунар ва дӯстдорони синамо баргузор шуд.
Дар оғози маросим Сафар Ҳақдодов раиси Иттифоқи синамогарони Тоҷикистон суханронӣ намуда, аз аҳамияти рушди ҳамкориҳои байналмилалӣ дар соҳаи кино, бахусус таҳияи филмҳои муштарак ёдовар гардид. Ӯ таъкид кард, ки чунин лоиҳаҳо барои муаррифии фарҳанги миллӣ дар арсаи ҷаҳонӣ заминаи мусоид фароҳам меоранд.
Сипас, директори Муассисаи давлатии «Тоҷикфилм» Маҳмадсаид Шоҳиён зимни баромади худ аз дастовардҳои солҳои охири соҳаи кино ёдовар шуда, иброз дошт, ки «Пайроҳаи хашм» танҳо оғози марҳилаи нави ҳамкориҳои эҷодӣ мебошад. Ба гуфтаи ӯ, айни замон дар вилояти Суғд наворбардории филми муштараки дигар бо номи «Шабаҳе дар зулумот» идома дошта, инчунин як қатор филмҳои бадеиву таърихӣ, аз ҷумла «Моҳӣ барои Черчил», «Решаҳо», «Борбади Марвазӣ», «Робияи Балхӣ» ва «Теғи Сино» дар марҳилаҳои гуногуни таҳия қарор доранд.
Қайд гардид, ки таҳияи чунин филмҳо барои рушди минбаъдаи синамои миллӣ ва густариши ҳамкориҳо бо кишварҳои хориҷӣ аҳамияти хос дорад.
Нахустнамоиши «Пайроҳаи хашм» бо истиқболи гарми тамошобинон рӯ ба рӯ шуда, ҳамчун як қадами муҳим дар роҳи рушди кинои тоҷик арзёбӣ гардид.

28/04/2026

"ТОҶИКФИЛМ" : МАРОСИМИ ИФТИТОҲИ РӮЗҲОИ СИНАМОИ ТОҶИКИСТОН ДАР БЕЛАРУС.

Дар кинотеатри «Победа»-и шаҳри Минск маросими ифтитоҳи Рӯзҳои синамои Тоҷикистон баргузор гардид.
Дар доираи маросими ифтитоҳ ба тамошобинон филми «Зиндагӣ зебост» намоиш дода шуд. Илова бар ин, дар рӯзҳои баъдӣ имкони тамошои боз ду филми дигар — «Дар ҷустуҷӯи ҳақиқат» ва «Пайроҳаи хашм» — низ фароҳам мегардад. Филмҳо бо забони тоҷикӣ ва бо зернависи русӣ намоиш дода мешаванд.
Тавре муовини аввали вазири фарҳанги Беларус Дмитрий Шляхтин таъкид намуд, муносибатҳои Тоҷикистону Беларус бар пояи гузаштаи умумии таърихӣ ва эҳтироми мутақобила асос ёфтаанд. Дар марҳилаи кунунӣ онҳо бо шарикии зичи стратегӣ дар ҳамаи самтҳо тавсиф мешаванд.
Ӯ гуфт: «Яке аз самтҳои фаъол ва босуръат рушдёбандаи ҳамкориҳои мо ҳамкории фарҳангӣ мебошад. Қисми ҷудонашавандаи ин робитаҳо синамои миллӣ аст, ки бо ҳамоҳанг сохтани анъанаҳои миллӣ ва тамоюлҳои муосири рушди синамои ҷаҳонӣ бомуваффақият рушд мекунад».
Муовини аввали вазири фарҳанги Тоҷикистон Назариён Обид Одилзода таъкид кард, ки синамо яке аз муҳимтарин ҷузъҳои фарҳанги муосири Тоҷикистон ба шумор меравад.
Ӯ гуфт: «Дар солҳои истиқлолият синамогарони тоҷик дар жанрҳои гуногун садҳо филмҳои бадеӣ, ҳуҷҷатӣ ва тасвириро офариданд, ки дар онҳо ғановат ва анъанаҳои фарҳанги мо инъикос ёфтаанд. Ба анъанаи нек табдил ёфтааст, ки дар доираи Рӯзҳои фарҳанги Тоҷикистон беҳтарин намунаҳои синамои миллӣ ба тамошобини беларус пешниҳод карда шаванд».
Ба гуфтаи раиси Иттифоқи синамогарони Тоҷикистон Сафар Ҳақдодов, ҳамкории Тоҷикистон бо синамогарони беларус муддати тӯлонӣ идома дорад.
Ӯ гуфт: «Киностудияҳои ду кишвар ёддошти тафоҳумро оид ба истеҳсоли муштараки филмҳо ба имзо расонидаанд ва мо дар ин самт фаъолона кор мекунем. Мо аз сатҳи баланди мактаби синамо дар ин ҷо огоҳем ва мутахассисони мо ба таҳсил дар Беларус таваҷҷуҳ доранд. Филмҳое, ки имсол овардаем, хеле ҷолиб ва аз ҷиҳати мавзӯъ гуногунанд, онҳоро синамогарони ҷавон ва боистеъдоди мо офаридаанд».
Ба гуфтаи коргардони филми «Зиндагӣ зебост» Далер Раҳматов, аз кӯдакӣ ҳам ӯ ва ҳам волидонаш нисбат ба Беларус ва мардуми он муҳаббати хос доштаанд.
Ӯ гуфт: «Бобои мо дар солҳои Ҷанги Бузурги Ватанӣ дар ҳайати дастаи партизанӣ дар Беларус хизмат кардааст. Аз кӯдакӣ дар қалби ман муҳаббати амиқ нисбат ба ин кишвар пайдо шуд ва ӯ ҳамеша нақл мекард, ки мардуми ин ҷо чӣ қадар меҳрубон ва ростқавланд. Дар бораи филми мо бошад, он филми хоксорона, баъзан соддалавҳона, вале хеле самимӣ аст».

27/04/2026

"ТОҶИКФИЛМ": ИФТИТОҲИ РӮЗҲОИ КИНОИ ТОҶИК ВА ЧОРАБИНИҲОИ ФАРҲАНГӢ ДАР БЕЛАРУС.

Имрӯз дар Ҷумҳурии Беларус Рӯзҳои кинои тоҷик расман оғоз мегарданд. Ин чорабинӣ соати 19:00 дар кинотеатри «Победа» бо намоиши филмҳои тоҷикӣ ифтитоҳ меёбад ва яке аз рӯйдодҳои муҳими фарҳангии рӯзҳои ҷорӣ ба ҳисоб меравад.
Пас аз оғози Рӯзҳои кино, дар доираи барномаи густурдаи ҳамкориҳои фарҳангӣ, як қатор чорабиниҳои дигари Рӯзҳои фарҳанги Ҷумҳурии Тоҷикистон низ идома меёбанд.
Ҳамин рӯз соати 14:00 дар Китобхонаи миллии Беларус намоиши осори рассомони тоҷик баргузор мегардад, ки дар он намунаҳои беҳтарини санъати тасвирии муосир ва анъанавии тоҷик ба маърази тамошо гузошта мешаванд.
Тибқи барнома, барномаи асосии Рӯзҳои фарҳанг фардо дар Қасри Ҷумҳурии Беларус доир гардида, дар он намояндагони воломақоми ҳар ду кишвар, аз ҷумла муовинони аввали вазирони фарҳанг иштирок менамоянд.
Ҳамзамон, соати 16:30 ба вақти Маскав гурӯҳи корӣ барои санҷиш ва омодасозии намоиши филмҳо ҳузур меёбад, ки баъди он ҷузъиёти барномаҳои минбаъда дақиқ карда мешаванд.

23/04/2026

УЧЕБА ВО ВГИКЕ— ЭТО НЕ ТОЛЬКО ИСПОЛНЕНИЕ МЕЧТЫ, НО И ЕЖЕДНЕВНЫЙ, ИЗНУРИТЕЛЬНЫЙ ТРУД.

Мы, студенты актерского отделения (Таджикская мастерская), каждый день проводим в репетиционных залах до поздней ночи. Изматывающие тренинги, бесконечные репетиции и работа над собой требуют колоссальных сил.
Но сложнее всего — это жизнь вдали от дома. Быть студентом в чужой стране — значит ежедневно справляться с тоской по родным краям, близким людям и тому особому уюту, который дает только родная земля. В такие моменты, когда усталость берет верх, как никогда важно чувствовать, что мы не одни, что наша страна помнит о нас и нуждается в нас.
Мы хотим выразить искреннюю благодарность директору Государственного учреждения «Точикфилм» Махмадсаиду Шохиёну за его чуткость и поддержку. Для нас Ваше внимание — это не просто помощь, это то самое «чувство плеча» и востребованности, которое дает силы продолжать путь. Знать, что дома в нас верят и ждут — лучшая мотивация работать ради будущего процветания и славы таджикского кино.
Спасибо Вам за то, что в трудные минуты мы ощущаем заботу Родины даже здесь, в Москве. Мы обещаем привезти домой весь накопленный опыт и талант, чтобы служить нашему народу и искусству!

С уважением,
Студенты актерского отделения ВГИК!

17/04/2026

"ТОҶИКФИЛМ" ВА ТВ ДУШАНБЕ БАРНОМАИ НАВИ СИНАМОИРО РОҲАНДОЗӢ МЕКУНАНД.

Дар Муассисаи давлатии телевизионии шаҳри Душанбе мулоқот бо иштироки директори Муассисаи телевизионии шаҳри Душанбе Маъруф Оқилов ва муовини аввали директор Муассисаи давлатии «Тоҷикфилм» Толиб Ғайбуллозода баргузор гардид.
Зимни мулоқот масъалаҳои таҳия ва роҳандозии барномаи вижа бахшида ба дастовардҳои синамои миллӣ дар давраи 35-солагии Истиқлолияти давлатӣ, инчунин ташкили чорабинии фарҳангӣ таҳти унвони «Ҳафтаи кинои тоҷик» мавриди баррасӣ қарор гирифтанд.
Дар натиҷа қарор гардид, ки дар доираи барномаи мазкур ҳар ҳафта як рӯз бо иштироки мутахассисони соҳа барнома баргузор гардида, пас аз он намоиши як филми истеҳсоли Муассисаи давлатии «Тоҷикфилм» дар давраи 35-соли Истиқлолияти Ҷумҳурии Тоҷикистон доир карда мешавад.

Address

Улица Бехзод, 25
Dushanbe
734058

Telephone

+992372217150

Website

https://www.tojikfilm.tj/

Alerts

Be the first to know and let us send you an email when Tajikfilm posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Tajikfilm:

Want your business to be the top-listed Media Company in Dushanbe?